স্তেতিস্তিক্স অমসুং প্রোগ্রাম ইম্প্লিমেন্তেসন মন্ত্রালয়

ভারতকী শেন্মিৎলোনগী পর্চেজিং পাৱর পেরিতীজ অমসুং পাক চাউবাঃ ইং ২০১৭কী ইন্তর্নেস্নেল কম্পেরিজন প্রোগ্রামগী মহৈ

Posted On: 23 JUN 2020 2:00PM by PIB Imphal

ৱর্ল্দ বেঙ্কনা ইন্তর্নেস্নেল কম্পেরিজন প্রোগ্রাম (আই.সি.পি.)গী মখাদা ইং ২০১৭তা য়েংদুনা অনৌবা পর্চেজিং পাৱর পেরিতী (পি.পি.পি.) ফোংখ্রে অমসুং মসিনা মালেমগী শেন্মিৎলোন পুম্বদা ওইবা কোস্ত ওফ লিবিংগী খেৎনবশিংগী মরক্তা লৈবা খেৎনবশিংবু শেমদোক শেমজিন তৌই। মালেমগী ওইনা আই.সি.পি.গী ২০১৭কী সাইকল অসিদা শেন্মিৎলোন ১৭৬না শরুক য়াই।

ইন্তর্নেস্নেল কম্পেরিজন প্রোগ্রাম (আই.সি.পি.) অসি য়ু.এন. স্তেতিস্তিকেল কম্মিসন (য়ু.এন.এস.সি.)গী মখাদা লৈবা খ্বাইদগী চাউবা দেতা খোমজিনবগী খোংথাং অমনি। মসিগী পান্দমদি শেন্মিৎলোন শিনবা থুংনা চাংদম্নবা য়ানবা শেন্মিৎলোনগী খোংথাংশিংবু ওন্থোক ওনশিন তৌবদা শিজিন্নবা য়াম্না মরু ওইবা পরচেজিং পাৱর পেরিতী (পি.পি.পি.) পুথোক্নবনি। পি.পি.পি.গা লোয়ননা আই.সি.পি.না প্রাইস লেবেল ইন্দাইসস (পি.এল.আই.) অমসুং অতোপ্পা মফমশিংগী চাংদম্নবা য়াবা চাউরাকপা জি.দি.পি.গী চাদিংশু পুথোকই।

ইন ১৯৭০দা আই.সি.পি. হৌদোকখিবা অদুদগী ভারতনা মসিগী রাউন্দ খুদিংদা শরুক য়াদুনা লাক্লি। স্তেতিস্তিক অমসুং প্রোগ্রাম ইমপ্লিমেন্তেসন মন্ত্রালয় অসি ভারতকী নেস্নেল ইমপ্লিমেন্তিং এজেন্সী (এন.আই.এ.) ওই অমসুং মসিনা লৈবাক্কী আই.সি.পি.গী থবকশিংগী কাংলোন য়াৎপা, শিন্দোক শিঞ্জিন তৌবা অমসুং থবক ওইনা পাংথোকপগী থৌ পুরি। ভারতনা য়াম্না চাউথোকচনা আই.সি.পি. ২০১৭ সাইকলদা স্তেতিস্কা ওস্ত্রিয়াগা লোয়ননা আই.সি.পি. গবর্নিং বোদিগী কো-চেয়র ওইখি।

মালেমগী ওইবা থাক

গ্রোস দোমেস্তিক প্রদক্ত (জি.দি.পি.)কী থাক্তা য়ু.এস. $ অমদা ওইবা ইন্দিয়ন রুপীগী পর্চেজিং পাৱর পেরিতী (পি.পি.পি.) অসি ইং ২০১১দা ১৫.৫৫ ওইরম্বদগী ইং ২০১৭তা ২০.৬৫ ওইরে। চপ মান্নবা মতমদুদা ৪৬.৬৭ ওইরম্বা য়ু.এস. দোল্লরদগী ইন্দিয়ন রুপীদা ওনবগী এক্সচেঞ্জ রেৎ অসি হৌজিক ৬৫.১২ ওইরে। প্রাইস লেবেল ইন্দেক্স- পি.পি.পি.না মহাক্কী চান্নবা মার্কেৎ এক্সচেঞ্জ রেত্তা লৈবা রেসিও- অসি শেন্মিৎলোনগী থাক চাংদম্নবদা শিজিন্নৈ অমসুং ভারতকী ওইনদি ইং ২০১১দা ৪২.৯৯ ওইরম্বদগী ২০১৭তা ৪৭.৫৫ ওইরে।

ইং ২০১৭তা ভারতনা পি.পি.পি.গী মতুং ইন্না মালেমগী ওইবা গ্রোস দোমেস্তিক প্রদক্ত (জি.দি.পি.)কী চাদা ৬.৭ (মালেমগী অপুনবা $ বিলিয়ন ১১৯,৫৪৭কী মনুংদা $ বিলিয়ন ৮,০৫১ ওইদুনা) কন্দুনা, মথংশিৎনা চাইনা (১৬.৪%) অমসুং য়ু.এস. (১৬.৩%)কা য়েংনবদা, মালেমগী খ্বাইদগী অহুমশুবদা চাউবা শেন্মিৎলোন ওইবগী থাক অসি চেৎনা কন্দুনা লৈরি। মালেমগী একচুএল ইন্দিবিজুএল কঞ্জম্পসন অমসিং গ্লোবেল ক্রোস কেপিতেল ফোর্মেসনগী পি.পি.পি.দা য়ুম্ফম ওইবা শরুক্কী মতুং ইন্না ভারত অসি খ্বাইদগী অহুমশুবা চাউবা শেন্মিৎলোন অমসু ওইরি।

এসিয়া পেসিফিক্কী মফমঃ মফমশিগী ওইবা থাক

ইং ২০১৭তা ভারতনা পি.পি.পি.গী মতুং ইন্না মফম অসিগী ওইনা গ্রোস দোমেস্তিক প্রদক্ত (জি.দি.পি.)কী চাদা ২০.৮৩ (এসিয়া পেসিফিক মফমগী অপুনবা ঐচ.কে.$ বিলিয়ন ২৩২,৩৪৪গী মনুংদা ঐচ.কে.$ বিলিয়ন ৪৮,৩৯৫ ওইদুনা) কন্দুনা চাইনাগী ৫০.৭৬% (অহানবা) অমসুং ইন্দোনেসিয়াগী ৭.৪৯% (অনিশুবা) ওইরিবসিগী মথংদা মফমসিগী ওইনা খ্বাইদগী অহুমশুবদা চাউবা শেন্মিৎলোন ওইবগী থাক অসি চেৎনা কন্দুনা লৈরি। মফমসিগী একচুএল ইন্দিবিজুএল কঞ্জম্পসন অমসিং মফমসিগী ক্রোস কেপিতেল ফোর্মেসনগী পি.পি.পি.দা য়ুম্ফম ওইবা শরুক্কী মতুং ইন্না ভারত অসি খ্বাইদগী অনিশুবা চাউবা শেন্মিৎলোন অমসু ওইরি।

এসিয়া-পেসিফিক মফমগী শেন্মিৎলোন ২২না শরুক য়ারিবা অসিদা গ্রোস দোমেস্তিক প্রদক্ত (জি.দি.পি.)কী থাক্তা হোং-কোং দোল্লর (ঐচ.কে.$) অমদা ওইবা ইন্দিয়ন রুপীগী পর্চেজিং পাৱর পেরিতী (পি.পি.পি.) অসি ইং ২০১১দা ২.৯৭ ওইরম্বদগী ইং ২০১৭তা ৩.৪৩ ওইরে। চপ মান্নবা মতমদুদা ৬.০০ ওইরম্বা হোং-কোং দোল্লর (ঐচ.কে.$)দগী ইন্দিয়ন রুপীদা ওনবগী এক্সচেঞ্জ রেৎ অসি হৌজিক ৮.৩৬ ওইরে। প্রাইস লেবেল ইন্দেক্স (পি.এল.আই.) অসি ভারতকী ওইনদি ইং ২০১১দা ৭১.০০ ওইরম্বদগী ২০১৭তা ৬৪.০০ ওইরে।

আই.সি.পি. ২০১৭কী মহৈ অসি আই.সি.পি.গী ৱেবসাইৎ অমসুং ৱর্ল্দ বেঙ্ককী দেতাবেঙ্ক অমসুং দেতা কেতালোগতা ফংগনি। ইং ২০১১গী শেমদোক্লবা মহৈ, আই.সি.পি.না য়েংবা মমাংগী চহী, অমসুং ইং ২০১২-২০১৬কী চহীগী ওইবা পি.পি.পি.গী চাউরাকপা মহৈসু ফংগনি। মথংগী আই.সি.পি. চাংদম্নবা অসি ইং ২০২১দা য়েংদুনা শেমগনি।

*****



(Release ID: 1633679) Visitor Counter : 46