ফুদ প্রোসেসিং ইন্দস্ত্রীজ মন্ত্রালয়

চিঞ্জাক শেম-শাবগী লমদা অনৌবা খুদোংচাবা কয়া লৈরে : হরসিমরাত কৌর বাদাল

য়ুনিয়ন ফুদ প্রোসেসিং ইন্দস্ত্রী মিনিস্তরনা লুচিংবা ৱেবিনারদা রাজ্য ৬ অমসুং ইনভেস্তর ১৮০ শরুক য়াখি

Posted On: 22 JUN 2020 5:59PM by PIB Imphal

ঙসি য়ুনিয়ন ফুদ প্রোসেসিং ইন্দস্ত্রী মিনিস্তর শ্রীমতি হরসিমরাত কৌর বাদালনা ভারত সরকারগী নেসনেল ইনভেস্তমেন্ত প্রোমোসন এন্দ ফেসিলিতেসন এজেন্সিগী ইনভেস্ত ইন্দিয়াগী এক্সক্লুসিব ইনভেস্তমেন্ত ফোরমগী ফুদ প্রোসেসিং ইদিসন হৌদোকখ্রে ।

ইনভেস্ত ইন্দিয়া অসি মালেমগী ইন্দস্ত্রীশিংগী লুচিংবশিং অমসুং ভারত সরকার অমসুং রাজ্য সরকারশিংগা অৱাংবা থাক্তা ৱারি শান্নবা শেম্বা ফোরম অমনি । ফোরম অসিদা কেন্দ্র সরকার অমসুং রাজ্য ৬ হায়বদি অন্ধ্র প্রদেস , অসম, মৈধ্য প্রদেস, পঞ্জাব, তেলঙ্গানা অমসুং উত্তর প্রদেসগী অৱাংবা থাক্কী ওফিসিয়েলশিং য়াওরি । ফোরম অসিদা লৈবাক ১৮গী কম্পেনি ১৮০ শরুক য়ারি ।

মিনিস্তরনা হায়খি কোবিদ লাইচৎনা মরম ওইদুনা সেক্তর অসিদা অঙকপা শিংনবা কয়া উরে অমসুং লোকদাউন মাইপাকহনবদা মরুওইবা থৌদাং অমা লৌরি । হৌজিক মালেমগী ললোন-ইতিক্কী থবকশিংদা মায়োক্নরিবা খরদি লৈবাক মনুংদা পোৎ লৈবা হন্থরকপা অসিনি । থেংনরিবা শিংনবশিং অসিদগী অনৌবা খুদোংচাবা পীনবা ইনভেস্তর ১৮০, রাজ্য সরকার ৬ অমসুং কেন্দ্র সরকারনা চপ মান্নবা মফম অমসুং মতমদা পুন্দুনা মসি থবক ওইনা পাংথোকপা ঙমহল্লে ।

য়ুনিয়ন মিনিস্তরনা হায়খি ভারতকী ফুদ প্রোসেসিং সেক্তরদা খুদোংচাবা কয়া মরাংকাইনা লৈরি অমসুং মিনিস্ত্রিনা শেন থাদবা প্রোজেকশিং অনৌবা মফম কয়াদগী অনৌবা ওর্দরশিং লাকপা হৌরে । মচি ওইবা চিঞ্জাক্তা মিৎয়েং থমদুনা , ভারতকী চিঞ্জাকশিং অসি লৈবাক অতৈদগী কোবিদ থেংনবদা হেন্না ফৈ হায়বা মীয়াম্না খঙলে । ভারতকী অফবা চিঞ্জাকশিং নোংচুপকী লৈবাকশিংদা খঙহনবা দরকার ওইরে ।

লৈবাক মনুংগী অমসুং মপানগী ইনভেস্তরশিং লাক্নিংনবা মিনিস্ত্রিশিং/দিপার্তমেন্তশিংদা ইমপ্বার গ্রুপ ওফ সেক্রেতরিজ অমসুং প্রোজেক দিবলপমেন্ত সেল শেম্নবা সরকারনা ৱারেপ লৌখিবা অদু য়ুনিয়ন মিনিস্তরনা পাউদমখি । ভারত্তা ললোন-ইতিক পাংথোক্নবা লৈবাক মনুংগী অমসুং মপানগী ইনভেস্তরশিং মতেং পাংনবা মিনিস্ত্রিগী ইনভেস্তমেন্ত ফেসিলিতেসন সেল অমা লিংখৎপদা শরুক য়ারিবশিংনা থাগৎখি ।

অরোইবদা য়ুনিয়ন মিনিস্তরনা হায়খি মিনিস্ত্রিনা রাজ্য খুদিংমক শৌগৎকনি । লৈবাক কয়াদগী লৌথোকখ্রবা কম্পেনিশিং অদু থবক ফজনা পাংথোক্নবা রাজ্যশিং অমসুং কেন্দ্র সরকারনা পুন্না থবক তৌমিন্নগদবনি ।

ফুদ প্রোসেসিং ইন্দস্ত্রীগী রাজ্য মন্ত্রী রমেশ্বর তেলিনা হায়খি ভারতনা ললোন-ইতিক্কী থবকশিং অমুক হাংদোকপা হৌরকপদগী, লৈবাক অসিদা লৈরিবা খুদোংচাবশিং লৌনবা ইনভেস্তরশিং মতেং পাংনবা কেন্দ্র অমসুং রাজ্য সরকারশিংনা অকনবা থৌশিল কয়া শেম্লে । ভারত অসি তুংদা মালেমগী শেন থাদফম মফম অমা ওইহন্নবা ইভেস্তরশিংদা খুদোংচাবা কয়া পীনবা ফোরম অসিদা খন্নগদবনি ।

****



(Release ID: 1633403) Visitor Counter : 6