দোক্তর সুমন্ত চক্রবর্তি ইন্দিয়ন এসোসিয়সন ফোর দ কল্তিভেসন ওফ সাইন্স (আই এ সি এস) কোলকাতাগী স্কুল ওফ ফিজিকেল সাইন্স এন্দ স্কুল ওফ মেথমেতিকল এন্দ কম্প্যুতেস্নেল সাইন্স দিপার্তমেন্ততগীনি। মহাক ভারত সরকারগী দিপার্তমেন্ত ওফ সাইন্স এন্দ তেক্নোলোজিনা পীবা ইন্সপায়র ফেকলতিগী এৱার্দ ফংখ্রবা মীওইনি। মহাক্না ব্লেক হোল্সগী থর্মোদাইনামিক প্রোপরতিশিং অসি অনৌবা মওং অমদা য়েংনবা পিরি। মসিগী লমদা মহাক্কী থিওরেতিকল ৱার্ক অসিদগী দেভলপ তৌরকপা তেক্নিকশিং অসি ব্লেক হোল্স অমদি মসিগা মরি লৈনবা থবক কয়া য়াওনা মখল-মখা কয়াগী নৈনবদা ঙসিশু চাং নাইনা অদুমক শিজিন্নরি।

দোক্তর চক্রবর্তিগী রিসর্চ ৱার্ক অসি গ্রেভিতেসন্নেল ফিজিক্সকী এরিয়াদা মরুওইনা ব্লেক হোল্সকী মতাংদা য়ুমফম ওইবনি।

গ্রেভিতেসন্নেল ৱেব এসত্রোনোমি অমসুং ব্লেক হোল্স সেদো মেজরমেন্তকী মতাংদা নৌনা ফংলক্লিবা লৌশিং অসিনা গ্রেভিতেসন্নেল থিওরিশিং হেন্না খংননবা হোৎনবদা খুদোংচাবা ওইহল্লগনি। মহাক্কী থবক অসিনা পেরামিতর স্পেসকী লমদা মাইকৈ তাকপদনত্তনা মখাতানা নৈনবদা মসিনা লমজিংলি।

ইন্সপায়র ফেকলতি ফেলোসিপকী মখাদা চৎথখিবা মহাক্কী রিসর্চ ৱার্ক অসি নেস্নেল অমসুং ইন্তরনেস্নেল থাক্তগীশু য়ানিংবা উৎলক্লি। মহাক্কী রিসর্চ অসিনা পুথোরক্লিবা হৌজিকমকশু তেক্নিকশিং অসি অতোপ্পা রিসর্চকী থবক কয়াদসু শিজিন্নরি। গ্রেভিতেসন্নেল ৱেবকী লমদা পাংথোকপা মহাক্কী রিসর্চ ৱার্ক খরদি য়াম্না মরুওইবা ওইরগনি, মসিগী মনুংদা লাক্কদৌরিবা লিগো (এল আই জি ও) –ইন্দিয়া ওবজরবেত্রি অমদি গ্রেভিতেসন্নেল ৱেবশিং শিজিন্নদুনা ফন্দমেন্তেল ফিজিক্স খংন্নবা হোৎনবদা মলেম শিনবগী ওইনা পুক্নিং চংনিংঙাই ওইরগনি।

গ্রেভিতেসন্নেল ফিজিক্সতা মরুওইনা ব্লেক হোল্স অসি চহী লিশিং কয়া অমদগী মীওইবা কয়াগী মংলান ওইদুনা লাক্লি। মহাক্না অসিগুম্লবা তোপিক অসিদা থবক হেক তৌরকপা হৌবদগী হৌনা মহাক্না মহৈরোই কয়াদা সাইন্সনা অসিগুম্বা কয়া ঐখোয়দা খংহনবা ঙম্মী অমদি ব্লেক হোল্স অসি গ্রেভিতেসন্নেল ৱেবশিংগী মতেংনা উবা ঙম্মী হায়দুনা লেক্চর কয়া পিদুনা লাক্লি। মসিনা মহৈরোই কয়া অমদি মীয়ামদা প্রকৃতিগী আকোইবদা লৈরিবা কয়া অসি খংবদা সাইন্সকী কনাবশিংসু খংহল্লি।

দোক্তর চক্রবর্তিনা হায় “কন্তিঞ্জেন্সি গ্রান্তকী মতেংনা, ঐহাক্না ঐগী ইন্সতিত্যুত্তা গ্রেভিতেসন্নেল ফিজিক্সকা মরি লৈনবা তোপিকশিংদা সেমিনার কয়া পাংথোকই। ”

মহাক্না মখা তানা হায় মদুদি মহাক্কী রিসর্চ ৱার্ক অসি লিগো-ইন্দিয়াগী মরুওইবা সাইনতিফিক এজেন্দা ওইবা য়াই হায়না মহাক্না থাজৈ মরমদি মহাক অসি তোপিক অসিগী মতাংদা রিসর্চ তৌবা ইন্দিয়াগী মীওই খরা খক্কী মনুংদা অমনি। মসিনা ইন্দিয়াদা সাইন্স এক্তিভিতিশিং চাউখৎহনবদা মতেং ওইরগনি অমদি সাইন্সকী লমদা ভারতকী মীয়াম্না হেন্না শরুক য়াবা ঙম্বদা মতেং ওইরগনি।

[পাব্লিকেশন লিংক http://inspirehep.net/author/profile/Sumanta.Chakraborty.1

অকুপ্পা মরোলগীদমক Dr. Sumanta Chakraborty

(sumantac.physics[at]gmail[dot]com) ]

*****