তরামঙাশুবা ফাইনান্স কম্মিসন (এক্স.ভি. এফ.সি.)না মখোয়গী এফ.ৱাই. ২০২০-২১গী ইন্তেরিম রিপোর্তশিং পীখৎলকখ্রে অমসুং লোকেল বোদিশিংগী ওইবা মখোয়গী রিকম্মেন্দেসনশিং অদু ভারত সরকারনা য়াখ্রে। মসি হায়রদুনা, লৌউ-শীংউ অমসুং লৌমীশিং য়াইফনবা, খুঙ্গং চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রী শ্রী নরেন্দ্রা সিংহ তোমারনা হায়খি মদুদি এফ.ৱাই. ২০২০-২১গী মতমগী ওইনা খ্বাইদগী চাওবা শেন্থং লুপা কোতি ৬০,৭৫০ কম্মিসন অসিনা কায়থখি, মসি ফাইনান্স কম্মিসননা চহি অমা হেক্তগী ওইনা খ্বাইদগী ৱাংনা কায়থখিবা ওইরি।

কম্মিসননা পঞ্চায়তি রাজকী তাইর পুম্নমক্তা গআন্ত-ইন-এদকী অয়াবা পীখ্রে মসিদা স্তেৎ ২৮গী মঙাশুবা অমসুং তরুকশুবা সেদ্যুলগী মফমশিংগী ত্রেদিস্নেল বোদিশিং শরুক অনি থোকনা য়াওরি, মদুদি (i) বেসিক গ্রান্ত অমা অমসুং (ii) তাইদ গ্রান্ত অমা। শেন্থং অদুগী ৫০%না বেসিক গ্রান্ত অমসুং ৫০%না তাইদ গ্রান্ত ওইগনি। বেসিক গ্রান্তশিং অসি তাইদ ওইদে অমসুং আর.এল.বি.শিংনা তোলোপকী অমসুং অতোপ্পা লীংখৎপগী চাদিং নত্তনা অককনবা মফমগী মথৌ তারকপদা শীজিন্নবা য়াগনি। তাইদ গ্রান্তশিং অসি তঙাই ফদবা সর্ভিসশিংদা শীজিন্নগদবনি মদুদি (a) ওপন-দেফিকেসন ফ্রী (ও.দি.এফ.)গী স্তেতস ফংনবা সেনিতেসন অমসুং মেন্তেনেন্স; অমসু (b) থক্নবা ঈশিং পীবা, নোংগী ঈশিং তুংশিনবা অমসুং ঈশিং রিসাইকল তৌবা। আর.এল.বি.শিংনা য়ারিবা মখৈ তাইদ গ্রান্তশিং অসিগী শরুক তঙখাই অমমমদি ক্তিতিকেল সর্ভিস অনি অসিদা পীগদবনি। অদুম ওইনমক, করিগুম্বা আর.এল.বি.না কেতগোরী অমগী মথৌতাবা শেলশিং শীজিন্নদুনা লোয়শিনখ্রবদি, অতোপ্পা কেতগোরীগী ফন্দশিং শীজিন্নবা য়াগনি।

স্তেৎ সরকারনা এক্স.ভি. এফ.সি. গ্রান্তশিং পঞ্চায়েৎকী তাইর পুম্নমক্তা য়েন্থগনি – স্তেৎ ফাইনান্স কম্মিসন (এস.এফ.সি.)গী খ্বাইদগী নৌনা চৎনবা রিকম্মেনদেসনশিং অমসুং এক্স.ভি. এফ.সি.না য়ারবা মখাদা পীরিবা অসিদা য়ুম্ফম ওইগা মঙাশুবা অমসুং তরুকশুবা সেদ্যুলগী মফমশিংগী খুঙ্গ্ং, ব্লোক অমসুং দিস্ত্রিক্ত অমসুং ত্রেদিস্নেল বোদিশিং।

• খুঙ্গং/গ্রাম পঞ্চায়েৎকী ওইনা ৭০-৮৫%

• ব্লোক/ইন্তর্মিদিয়েৎ পঞ্চায়েৎশিংগী ওইনা ১০-২৫%

• সিস্ত্রিক্ত/জিলা পঞ্চায়েৎশিংগী ওইনা ৫-১৫%

• খুঙ্গং অমসুং দিস্ত্রিক্ত পঞ্চায়ৎ খক্তা লৈবা তাইর অনিগী সিস্তেম ওইবা স্তেৎশিংদা য়েন্থোকপা অসিগী বেন্দশিং অসি খুঙ্গং/গ্রাম পঞ্চায়েৎকী ওইনা ৭০-৮৫% অমসুং সিস্ত্রিক্ত/জিলা পঞ্চায়েৎশিংগী ওইনা ১৫-৩০% ওইগনি।

স্তেৎ (মঙাশুবা অমসুং তরুকশুবা সেদ্যুলগী মফমশিং য়াওনা) অসিগী তাইর অমদা লৈরিবা মরি লৈনবা শরুকশিংগী মরক্তা ইন্ত্রা-তাইরগী য়েন্থোকপা অসি মীশিং অমসুং মফম অদুগী রেসিও ৯০:১০দা য়ুম্ফম ওইরগা নত্রগা এস.এফ.সি.গী খ্বাইদগী নৌনা চৎনবা রিকম্মেনদেসনশিংগী মতুং ইন্না ওইগনি।

মখা তানা ৱারোলশিং থম্লদুনা, শ্রী তোমারনা ফোঙদোকখি মদুদি পঞ্চায়তি রাজকী মন্ত্রালয়গী অয়াবগী মতুং ইন্না লুপা কোতি ১৫১৮৭.৫০গী শেনফম অমা গ্রান্তস-ইন-এদ ওইনা রুরেল লোকেল বোদিস (আর.এল.বি.শিং) লাখ ২.৬৩গী ওইনা লৈবাক অসিগী স্তেৎ ২৮দা শেম থুমগী মন্ত্রালয়না জুন ১৭, ২০২০দা থাদোকখি। মসিগী গ্রান্তস-ইন-এদ অসি তরামঙাশুবা ফাইনান্স কম্মিসন (এক্স.ভি.- এফ.সি.)না এফ.ৱাই. ২০২০-২১গী ওইনা পীবা অন্তাইদ গ্রান্তগী শরুক ওইরি অমসুং মসি আর.এল.বি.শিংনা অককনবা মফমগী মথৌ তাবদা শীজিন্নবা য়াগনি।

থক্নবা ঈশিং পীবা, নোং ঈশিং তুংশিনবা, ঈশিং রিসাইকল তৌবা, সেনিতেসন অমসুং ও.দি.এফ. স্তেতস ঙাকনবা তোঙান তোঙানবা চাওখৎ থৌরাংগী ওইবা থবক আর.এল.বি.শিংনা লৌখৎনবা তাইদ গ্রান্তশিং ওইনা লুপা কোতি ১৫১৮৭.৫০ অসি অতোপ্পা ইন্সতলমেন্ত ওইনা অথুবদা শেন থুমগী মন্ত্রালয়না থাদোরক্লগনি মসিগীদমক্তা পঞ্চায়তি রাজকী মন্ত্রালয়না মমাংদা অয়াবশিং পীখ্রে হায়না শ্রী নরেন্দ্রা তোমারনা ফোঙদোকখি।

শ্রী তোমারনা হায় আর.এল.বি.শিংনা কোবিদ-১৯গী লাইচৎনা ওইহল্লিবা ফীভম অসিনা থোকহল্লিবা খুদোংচাদবশিং অসি মায়োক্নরিঙৈ অসিদা আর.এল.বি.শিংদা ফন্দ অসি থাদবা অসি মতাং য়াম্না চাই। তশেংনা আর.এল.বি.শিংদা ফন্দ অসি লৈবনা তঙাই ফদবা সর্ভিসশিং খুঙ্গংগী প্রজাশিংদা ফংহনবা হেনগৎহল্লগনি অমসুং কোবিদ-১৯গী লাইচৎনা মরম ওইরগা মশাগী পোকনফম লমদমদা হল্লক্লিবা মাইগ্রেন্ত শিন্মীশিংদা কান্নগদবা থবকশিং ফংহন্দুনা মখোয়বু চাওখৎহল্লগনি লোয়ননা খুঙ্গংগী লৈরিবা মওং মতৌ অসি কান্নগদবা মওংদা ফগৎহল্লগনি।

খুঙ্গং চাওখৎ থৌরাং অমসুং পঞ্চায়তি রাজকী কেন্দ্রগী মন্ত্রীনা হায়রি খুঙ্গংগী মফমশিংগী মীওইশিংদা মখোয়না হৈজবা অদুগী মতুং ইন্না থবক পীবা অমসুং কম্ম্যুনিতী ইনফ্রাস্ত্রকচর ফগৎহন্দুনা জি.পি.শিংনা খুদোংচাদবশিং অদু মপুং ফানা মায়োক য়াবা ঙমহন্ননবা ৱাখল্লোনদা ভারত সরকারনা ফাইনান্স কম্মিসনগী ফন্দশিংগী খুত্থাংদা পঞ্চায়ৎ ভাৱনগী চংগদবা অদুগী ৫০% অমসুং এম.জি.এন.আর.ই.জি.এস.কী ফন্দশিংগী এপ্রুব তৌখিবা অপুনবা য়ুনিৎ কোস্ত লুপা লাখ ২০গী মনুংদা ৫০% শীজিন্নবা য়াহল্লগনি। করিগুম্বা ১৪শুবা ফাইনান্স কম্মিসনগী গ্রান্তশিংগী মখাদা গ্রাম পঞ্চায়ৎতা লৈরিবা শীজিন্নদবা বেলেন্স অসি পঞ্চায়ৎ ভাৱনদা চংগদবা অদুগী ৫০% লোয়বা ঙমদ্রবদি, অৱাৎপা অদু ২০২০-২১গী মনুংদা ১৫শুবা এফ.সি. অন্তাইদ গ্রান্তশিংগী শরুকগকী ‘অন্তাইদ গ্রান্তশিং শীজিন্নবা য়াগনি।

মসিগী মথক্তা, গ্রাম পঞ্চায়ৎতা লৈরিবা প্রাইমরি/অপ্পর প্রাইমরি স্কুলশিং, হেলথ সব সেন্তরশিং, মরুশিং অমসুং হারশিং য়োল্লিবা কোওপরেতিব স্তোরশিং অসিগুম্বা জি.পি.শিংনা অতোপ্পা পব্লিক বিল্দিংশিং/এসেৎশিং শেমজিনবা অমসুং য়েশিন্নবা মথৌ তাবা অদু ফাইনান্স কম্মিসন গ্রান্তশিং শীজিন্নরগা তৌবা য়াই। জি.পি.শিংনা ফাইনান্স কম্মিসনগী ফন্দশিং অদু এম.জি.এন.আর.ই.জি.এস.কী অতোপ্পা তৌবা য়াবা খুদম ওইনা খুঙ্গংগী থক্কী (মেক্সিম্ম কোস্ত লিলিৎ - লুপা লাখ ১৫) এস.ঐচ.জি.গী অপুনবগুম্বদা শীজিন্ননবসু হোৎনগদবনি। পঞ্চায়ত রাজকী মন্ত্রালয় অমসুং খুঙ্গং চাওখৎ থৌরাং মন্ত্রালয়গী সেক্রেতরীগী অপুনবা চিথী অমা হীরম অসিদা চীফ সেক্রেতরীশিংদা থাখ্রে অমসুং হায়রিবা অসিগী কোপী অসি রেফরেন্সকীদমক হাপ্লি।

কোবিদ-১৯গী লাইচৎ থোক্লিঙৈ মনুং অসিদা লৈবাক অসিগী তোঙান তোঙানবা শরুকশিংদা আর.এল.বি.শিংনা মপুং ফানা কান্নগদবা মওংদা মখল কয়াগী ঙাকথোকনবা পাম্বৈশিং ইমপ্লিমেন্ত তৌখ্রে মসিদা খুঙ্গংগী মফমশিংদা আইসোলেসন সেন্তর ৩৮,০০০ লীংখৎপা, আই.ই.সি.গী পোৎলমশিং অমসুং এৱের্নেসকী খোংথাংশিং হেনগৎহনবা, দিসইনফেক্তেন্তশিং কাপথোক্তুনা সেনিতাইজেসন তৌথোকপা, কোবিদ লায়না লাকশিন্ননবা খুঙ্গংগী ভোলুন্তিয়র খনবা, সোসিএল দিস্তেন্সিং থম্বা, মেদিকেল কেম্পশিং শীনবা, মপানগী মফমশিংদগী হল্লকপা মীওইগী চৎথোক চৎশিন তৌবা অদু ত্রকিং তৌবা অমসুং মখোয়দা পীরিবা ক্বারন্তিনগী মতম অদুদা ক্বারন্তিন আইসোলেসন সেন্তরশিংদা লৈহনবা, এৱের্নেস পীনবা দোর-তু-তোর কেম্পেন, খুৎ হামবগী কেম্পেনশিং, মাস্কশিং শাবদা এস.ঐচ.জি.শিং য়াওহনবা, মাইগ্রেন্ত শিন্মীশিংদা মতেং পীবা অমসুং মফম অদুগী মীশিংদা থবক পীবা ওইনা এম.জি.এন.আর.ই.জি.এস.কি থবকশিং হৌহনবা য়াওরি। হন্দক মাইগ্রেন্ত শিন্মী পাক্তকননা মখোয়গী মশাগী খুঙ্গংদা হল্লকপা অসিদা পঞ্চায়ৎনা শীংথানিঙাই ওইবা থৌদাং লৌখি।

থবকশিংগী প্লানিং, মোন্তিরিং, একাউন্তিং/ ওদিতিং অমসুং অর.এল.বি. থাক খুদিংদা ফন্দ লাকনবা ৱেব/আই.তি.গী প্লেৎফোর্মশিং পীদুনা স্তেৎশিংনা এক্স.ভি. এফ.সি. গ্রান্তশিং মপুং ফানা শীজিন্নবদা পঞ্চায়তি রাজকী মন্ত্রালয়না থৱায় য়াওবা মতেং পাংগনি।

*****