নেস্নল রিসর্স দেবেলপমেন্ত কোর্পোরেসন (এন.আর.দি.সি.)না নবরক্সক হায়না মিংথোনবা পি.পি.ই.সুত অমা করম্না শাবগে হায়বগী মরমদা এম.এস.এম.ই.গী ক্লাইন্ত মঙাদা লাইসেন্স পীখ্রে: এম/এস গ্রীনফিল্দ ভিনত্রেদ প্রাইবেৎ লিমিতেদ (কলক্তা), এম/এস ভাইশনবি গ্লোবেল প্রাইবেৎ লিমিতেদ (মুম্বাই), এম/এস ভারত সিলক্স (বেঙ্গলোর), এম/এস সিয়োর সেফতি (ইন্দিবা) লিমিতেদ (ভদোদরা) অমসুং এম/এস স্বাপস কোত্যুর (মুম্বাই)না হৌজিক লৈবাক শিনবা থুংনা পাম্নরিবা অফবা পি.পি.ই. কিৎশিং পীবা হৌরগনি। মেন্যুফেকচরর মঙা অসিনা পুন্না পি.পি.ই. মিলিয়ন ১০ হেন্না চহি অমদা পুথোকনবা থৌরাং তৌরি।

নবরক্সক পি.পি.ই. করম্না শাবগে হায়বা অদু ইন্দিয়ন নেভীগী ইন্সিতিত্যূত ওফ নেভেল মেদিসিন, আই.এন.ঐচ.এস. অস্বিনি হোস্পিতাল (মুম্বাই)গী ইন্নোভেসন সেলদা দেবেলপ তৌখি মসিদগী মমিং ‘নবরক্সক’ অসি লৌথোকখিবনি। The হোজিক-হোজিক ভারত্তা পি.পি.ই. প্রোতোতাইপ সেম্পল তেস্ত তৌনবা লৈরিবা আই.এস.ও. স্তেনদর্দশিং অমসুং হকশেল অমসুং য়াইফ য়ুম্বাল মন্ত্রালয়/তেক্সতাইলগী মন্ত্রালয়না পীবা গাইদলাইনশিং ঙাকপগা লোয়ননা তেক্সতাইল মন্ত্রালয়না ওথোরাইজ তৌবা এন.এ.বি.এল.না এক্রেদিতেদ তৌবা লেব মপলগী মনুংদা অমা ওইরিবা আই.এন.এম.এ.এস., দি.আর.দি.ও.দা পি.পি.ই. অসিদা তেস্ত অমসুং সর্তিদাইদ তৌখ্রে অমসুং ফেব্রিক,সুত অমসুং তাইনফম পুন্না সিন্থেতিক ব্লদ পেনিত্রেসন রেজিসতেন্স ক্রাইতেরিয়শিং শুরি। মসি শেল চংদে মরমদি মসিদা অচৌবা কেপিতেল ইনভেসমেন্ত অমত্তা মথৌ তাদে অমসুং ইচম চম্বা ফী তুবা হৈবা গাউন শারিবা য়ুনিৎশিংনা ফাওবা শাবা ঙমগনি। ফেব্রিক অসিগী তেক্নোলোজি অমসুং ক্বালিতী অসি খ্বাইদগী ফবনা পি.পি.ই. সুতকী তাইনফমশিংগী অকোইবা অদু মেনশিনবা মথৌ তাদে, মসিনা অতাংবা সিলিং মেছিনশিং অমসুং তেপশিং মপালদগী চেনবগী মথৌ তাবা অদু লৈহন্দে। পি.পি.ই. ফেব্রিক অসি পোলিমর নত্রগা প্লাসতিকগুম্বা ফিল অমা হেক্তনা লেমিনেসন তৌবা মথৌ তাদে। মসিনা শীজিন্নরিবা মীওইগী ঊনশাদগী মৈশা অমসুং হুমাং অদু পি.পি.ই.না থোকহনবা ঙম্মি। মসিনা ঙাকথোকপা ঙমহল্লি অদুবু শীজিন্নবদসু নুংঙাইহল্লি। পি.পি.ই. অসিগী তোপ-তোপ্পা অসিনা হৌজিক থোক্লিবা কোবিদ লাইচৎ মনুংদা শীজিন্নরিবা হান্নগী পি.পি.ই.শিংদগী মসিগা খেৎনহল্লি।

পি.পি.ই. সুত অসি শীজিন্নগদৌরিবা অদুগী মথৌ তাবগী মতুং ইন্না সিঙ্গল-প্লাই লোয়ননা দবল-প্লাইদা ফংগনি। মসিদা কোক উপনবা অমা, ফেস মাস্ক অমসুং ফৈ তংখায় ফাওবগী চাংদা খোংউপ কুপনবগা য়াওই।

লৈবাক অসিদা পি.পি.ই.সুতশিং মপালদগী পুশিল্লপা লেপনবা শীংথানিঙাই ওইনা পুথোকপা হেনগৎলক্লি, মসিদা ক্বালিতী য়াওদবা পি.পি.ই. কিতশিং বাজারদা মশিং হেনগৎলকপগী তোঙান তোঙানবা পাউ কয়া রিপোর্ত তৌরক্লি। চৈরক অসিদা মেন্যূফেকচররশিংগী ওইনা চেকশিন্না তেস্ত তৌনবা অমসুং সর্তিফিকেসন স্তেনদর্দ ঙাকনবা ইমপ্লিমেন্ত তৌবা মতম ওইরে, পুংফম অসিদা খ্বাইদগী মরু ওইরিবা অসি ক্বালিতী লৈবা অসিনি। নেভেল দোক্তর অমনা মশানা পি.পি.ই. শীজিন্নবগী অৱা-নুংঙাই অদু খঙনা শীজিন্নবা নুংঙাইবা অমসুং দোক্তরশিংবু ঙাকথোকহন্নবা নবরক্সক অসি দিজাইন তৌখিবনি। ফ্রন্তলাইন হেলথ ৱার্করশিংনা সুত অসি মতম শাংনা শীজিন্নবা মথৌ তাবা অমসুং থবক তৌবদা থেংনবা নুংঙাইতবা অসি থোক্তনবা পি.পি.ই. সুত অসি শেৎলবা মতুং স্বর হোনবা নুংঙাইবা অসিনা পুক্নিং চিংশিন্নবা মচাক অমা ওইদুনা মখোয়না শীজিন্নবা নুংঙাইরগনি।

ঙাকশেল মন্ত্রালয়গী দেফিন্স প্রদক্সন বিভাগকী, ইন্তেলেকচুএল প্রোপর্তী ফেসিলিতেসন সেল ওফ দিরেক্তোরেৎ জেনরেল ওফ ক্বালিতী এস্যুরেন্স (দি.জি.ক্বু. এ.)না ইন্দিয়ন নেভী অমসুং এন.আর.দি.সি.গা লোয়ননা পুন্না চুংশিন্নদুনা মসিগী আই.পি. অমসুং কম্মর্সিএলাইসেসন অসি ঙাকথোক্নবা হোৎনরি। কোত তৌদবা, লেমিনেদ তৌদবা নত্রগা তেপ তৌদবা পি.পি.ই. শীজিন্নবগী ৱাখল্লোন অসি অহানবা ওইবনা, অমসুং মসিগুম্বা পি.পি.ই. অসি শীজিন্নদ্রিবনা মসি পুথোকপগী আই.পি. রাইত অদু ঙাকপা মথৌ তারি। এন.আর.দি.সি.গী খুত্থাংদা পথোক্লিবশিংনা নবরক্সক পি.পি.ই.কী পেতেন্ত এপ্লিকেসন অমা ফাইল তৌখ্রে। মসিগী তেক্নোলোজি অসিনা থোক্লক্কদৌবা সমস্যা কয়া কোকহনগনি। মসিনা শাবদা লায়না থোকই মরমদি অচৌবা কেপিতেল ইনভেসমেন্ত মথৌ তাদে। মসিনা কোত অমসুং তেপ তৌনবা মরি লৈনবা ইক্ব্যুপমেন্ত মথৌ তাহন্দে। শীজিন্নরিবা মীওইদা ঙাকথোকহনবা লোয়ননা শীজিন্নবদসু নুংঙাইহল্লি। মসি পুম্নমক অসিগী মথক্তা লৈবাক অসি মরোমদোম লেপ্পা ঙমহল্লগনি। মতুং তারকপদা ইচম চম্বা অদুবু মপুং ফানা কান্নরবা পি.পি.ই.সুত অদু পি.পি.ই.শিংগী বেন্সমার্ক স্তেনদর্দ য়ৌবা ঙমলকপা য়ারি।

*****