১. ২০২০গী জুন ১৩,থাংজা নুমিৎতা ইন্দিয়ন নেভেল একাদমী (আই.এন.এ.), ইজিমলাদা কোর্স লোইরকপগী থৌরম অমা পাংথোক্কদৌরি৷ কোবিদ-১৯ লাইচৎ মনুংদা চেকশিন থৌরাংশিং ইন্দুনা ত্রেনীশিংগী মমা মপাশিং অমসুং মীথুংলেনশিং য়াওদনা থৌরম অদু পাংথোক্কদৌরি৷ স্প্রিং তর্ম ২০২০গী তোঙান তোঙানবা কোর্স মরি, ৯৮শুবা ইন্দিয়ন নেভেল একাদমী কোর্স (বি.তেক), ৯৮শুবা ইন্দিয়ন নেভেল একাদমী (এম.এস.সি), ২৯শুবা নেভেল ওরেন্তেসন কোর্স (এক্সতেন্দেদ) অমসুং কোস্ত গার্দশিং অমসুং মরুপ ওইবা লৈবাকশিংদগী লাক্লিবা ত্রেনীশিং য়াওরিবা ৩০শুবা নেভেল ওরেন্তেসন কোর্স (রিগুলর) লৈরিবা ত্রেন্নিং অসিদা মপুং ফানা লোইশিনগদৌরিবা ত্রেনীশিংনা থৌরম অদুদা শরুক য়াগনি৷

২. কোবিদ-১৯ লাইচৎ মনুংদা ত্রেনিং অদু মখা চৎথনবা আই.এন.এ.না ‘এদাপ্ত অমসুং এদোপ্ত’কী ৱাখল্লোন অদু মতুং ইল্লম্মী৷ ফিভম অসিদা ত্রেনিং অদু তৌবা য়ানবা ত্রেনিংগী মওং শেমদোক্তুনা অমসুং সোসিয়েল দিস্তেন্সিং তৌদুনা অমসুং ঙাকথোক্নবা থৌওংশিং তৌরি৷ কোর্স মপুং ফানা লৌইশিল্লবা ত্রেনীশিংনা একাদমিক্কী রিক্বুইসাইৎ স্তেন্দর্দশিং অমসুং মপানগী ওইবা ত্রেনিংশিং মাই পাক্না তৌখ্রে৷ মাই পাক্লবা ত্রেনীশিংনা ২০২০গী জুনগী তাং ১০ নুমিৎতা আই.এন.এ.গী ভি.সি.এম., দিপুতী কম্মান্দেন্ত অমসুং চীফ ইন্সপেক্তর ওইরিবা রিয়র এদমিরেল তরুন সোবতিনা ৱাশক লৌহনখ্রে৷ লৈবাক অসিগী থৌনা ফবা লান্মীশিংনা কৎথোকখিবশিং অদু নিংশিংবা ওইনা আই.এন.এ.গী ৱার মিমোরিয়েল “প্রান স্থল”দা হৈকৎ লৈকৎ তম্বগী থৌরম অমা পাংথোকখ্রে৷ ত্রেনীশিং অসিনা কোর্স লোইরকপা মতমদা সর্বিস ত্রান্সপোর্ত তৌদুনা মখোয় মখোয়গী প্রোফেস্নেল মহৈলোইশঙশিং অমসুং দাউনস্ত্রিম য়ুনিৎশিংদা চৎকদৌরি৷

৩. কোর্স লৌইশিনবগী থৌরম অদুদা ভাইস এদমিরেল অনিল কুমার চৌলা, পি.ভি.এস.এম., এ.ভি.এস.এম., এন.এম., ভি.এস.এম., এ.দি.সি., সাউথদর্ন নেভেল কম্মান্দগী কম্মান্দিং-ইন-চীফকী ফ্লেগ ওফিসরনা থৌরম মপু ওইগদৌরি৷

*****