মুম্বাই/ নই দিল্লী, জুন ১২, ২০২০

• ৱার্দ লেবেলদা ঈচাউ থোক্ত্রিঙৈ নুমিৎ ৩নিগী মমাঙদা মাংজৌননা পাউ পীবা ঙমগদৌরি
• দিসিজন সপ্পোর্ত সিস্তেম্না রিস্ক এসেস্মনেন্তা য়ুম্ফম ওইদুনা হৈ-শিংনা ৱারেপ লৌবা ঙমহল্লগনি অমসুং থবক পায়খৎপা ঙমহল্লগনি
• আরথ সাইন্সেস মন্ত্রালয়না পুথোকপা খ্বাইদগী নৌবা ঈচাউদগী চেকশিল ৱারোল পীদৌরিবা পথাপ অসি মুম্বাইগী মীয়ামদা তম্বা খুদোল অমনিঃ মুখ্য মন্ত্রী উধব থাকেরাই
• সাইন্সকী মরমদা মালেম পুম্বগা চাংদম্নবা মতমদা ঐখোয়না কনা অমত্তদগী হন্থদেঃ দা. হর্শ বর্ধন্না আর্থ সাইন্সেস মন্ত্রালয়গী সাইন্তিস্তশিংবু হরাউবা ফোংদোক্লদুনা হায়খ্রে

আইফ্লোস-মুম্বাই, হায়বা খ্বাইদগী নৌনা শাবা ইন্তিগ্রেতেদ ফ্লদ ৱার্নিং সিস্তেম ফোর মুম্বাই অসি ভিদিও কনফরেন্স অমগী খুথাংদা মহারাস্ত্রগী মুখ্য মন্ত্রী শ্রী উধব থাকেরাই অমসুং কেন্দ্রগী আর্থ সাইন্সেস মন্ত্রী দা. হর্শ বর্ধনগা লোইননা পুন্না হৌদোকমিন্নখ্রে।

হায়রিবা সিস্তেম অসিনা মরুওইনা নোং কন্না চুবা মতমদা অমসুং সাইক্লোন লাকপা মতমদা ঈচাউ থোক্ত্রিঙৈ মাঙজৌননা চেকশিন্নবা পাউতাক পীদুনা শহর অসিনা অমাঙ-অতা থোক্ত্রিঙৈ শেম শানবা হোৎনবদা মতেং পাংলগনি। মসি শীজিন্নদুনা, ইমায় ৱাংনা এচাউ থোক্ত্রিঙৈ পুং ৩দগীনা ৬ ফাওবগী নাউকাস্ত (খুদক্কী ওইবা ঈশিং নুংশিৎকী অপদেৎ) পীবগা লোইননা নুমিৎ ৩নিগী মমাঙদা ঈচাউ লেপথোকপা ঙম্লগনি। মসি য়াম্না কান্নবা অমা ওইরগনি মরুওইনা ঐখোয়না ঈচাউ থোক্কদবগী মাঙজৌননা পুং ১২গী মমাংদা পাউ পীবা ঙমদুনা করিগুম্বা অনেম্বা মফমদা লৈবা মীওইশিংনা মফম হোংবা মতমদা হেন্না খুদোংচারগনি। সিস্তেম অসিনা পোকেৎ খুদিংমক্তা নোং চুববুসু মাঙজৌননা তাকপা ঙম্লগনি।

ভিদিও কনফরেন্সকী খুথাংদা পীখিবা মহাক্কী অখন্নবা ৱারোলদা কেন্দ্রগী মন্ত্রী দা. হর্শ বর্ধন্না আর্থ সাইন্সেস্কী মন্ত্রালয়দা লৈরিবা ঈচাউদগী চেকশিন্নবা পাউ পীগদৌরিবা সিস্তেম অসিবু পুথোকখিবা সাইন্তিস্তশিংবু থাগৎপা ফোংদোকখি অমসুং সাইন্সকী হীরমদদি ঐখোয়না মালেম অসিদা কনাগুম্বা অমত্তদগী তাদ্রে হায়না ফোংদোকখি। " মুম্বাইদা থোকপা ঈচাউশিংগী মনুংদা মরুওইনা ২০০৫ অমসুং ২০১৭তা থোকখিবা ঈচাউ অদু হৌজিক ফাওবদা মীওই কয়াগী ৱাখলদা হক্তুনা লৈরি। মসিগী অৱাংবা থাক্কী ঈচাউ লাক্কদবগী পাউ পীবা ঙমগদৌরিবা সিস্তেম অসিনা মীওই কয়াদা চাউনা মতেং পীরগনি। মসিগা হাইরপ মান্নবা সিস্তেম অমসু আর্থ সাইন্সেস মন্ত্রালয়না মমাংদা শেমখ্রে অমসুং হৌজিক চেনইদা শীজিন্নরি।"

দা. হর্শ বর্ধন্না মখা তানা হায়খি মদুদি আর্থ সাইন্সেস মন্ত্রালয়দা লৈরিবা সাইন্তিস্তশিং অসিনা সুনামি থোক্কদবদগী ঙন্না পাউ পীবা ঙম্বা খ্বাইদগী ফরবা সিস্তেম অমা শাখ্রে অমসুং মসিনা অসিগুম্বা থৌদোক্তা অমুক্তা অরানবা পাউ পীরকখিদ্রি। মসিগী সর্বিস অসি ইন্দিয়ন ওসিন রিজন্দা লৈবা লৈবাকশিংদসু কান্নবা পীরি।

মহারাস্ত্রগী মুখ্য মন্ত্রী শ্রী উধব থাকেরাইনা হায়খি মদুদি আর্থ সাইন্সেস মন্ত্রালয়না পুথোক্লিবা খ্বাইদগী নৌবা ঈচাউ থোক্ত্রিঙৈদা ঙন্না চেকশিল থৌরাং লৌখৎনবা পাউ পীগদৌরিবা সিস্তেম অসি মুম্বাইগী মীয়ামদা তম্বীবা খুদোল অমনি। হকশেলগা মরী লৈনবা খুদোংথীবা থৌদোকশিংদা, হন্দক্কী ইনৌ-নৌনা থোকখিবা নিসারগা সাইক্লোনগা মরী লৈননা মহাক্না হায়খিবদা, মীগী পুন্সি কনবা অমসুং ঈচাউ য়েংশিনবা হায়বসি চপ মান্নৈ। মুখ্য মন্ত্রীনা আর্থ সাইন্সেস মন্ত্রালয় অমসুং আই.এম.দি.গী সাইন্তিস্তশিংবু সাইক্লোন নিসার্গা অমসুং রাজ্য অসিদা মোন্সুন মরীক চূম্না মাঙজৌননা তাকপীবগীদমক থাগৎপা ফোংদোরক্লি। সাইক্লোন নিসারগাবু আই.এম.দি.না মাঙজৌননা তাকপীবনা রাজ্য সরকারনা রাজ্য অসিবু হেন্না চাউবা অমাঙ অতা অমা থোক্লমগদবদগী অমসুং মীওই কয়াগী পুন্সি কনবা ঙমহৌবনি হায়না মহাক্না ফোংদোকখি।

থৌরমদুদা ৱা ঙাংলদুনা, আর্থ সাইন্সেস মন্ত্রালয়গী সেক্রেতরী দা. এম রজীবন্না হায়খি মদুদি, মুম্বাইগীদমক ওর্দর তৌখ্রবা ওবজর্বেতরী ১৬০ হেন্না অমসুং অহেনবা রাদার ৪ না (মথংগী মোন্সুন্দা শীজিন্ননবা) নোং চুবগীদ চাংবু মিতর ৫০০গী মরীক-চূম্বগী চাংদা মিনিৎ ১৫ খুদিংগী পীবা ঙম্লগনি। ঈচাউগী পাউ মাঙজৌননা পীগদৌরিবা সিস্তেম অসিগী মতাংদা পল্লদুনা মহাক্না হায়খি, "আইফ্লোস মুম্বাই প্রোজেক্ত অসি ঐখোয়না মতম চানা লোইশিনবা ঙমখিবদা ঐখোয়না নুংঙাইবা পোকই।"

মুম্বাই ম্যুনিসিপালগী কম্মিসনর শ্রী ইকবল সিংহনা হায়খি, আইফ্লোস মুম্বাই অসি লৈবা অসিগী মোদেল অমা ওইরগনি। মহাক্না আর্থ সাইন্সেস মন্ত্রালয়দা থাগৎপা ফোংদোকখি অমসুং হায়খি মদুদি মসি মুম্বাইদা মোন্সুন লাক্ত্রিঙৈ মমাঙ মতম চানা হৌদোক্লে।

থৌরম অদুদা মুম্বাই ফ্লদ ৱার্নিং সিস্তেমগী ভিদিও অমা কাপখি অমসুং সিস্তেম অসিগী দিজিতেল ব্রাউসর অমসু ফোংখি।

দি.দি.জি.এম., আই.এম.দি. মুম্বাইগী শ্রী কে.এস. হোসালিকারসু হৌদোকপগী থৌরম অদুদা শরুক য়াখি।

মাঙজৌননা পাউ পীবগী সিস্তেম অসিনা করম্না মথৌ তৌরি\

মাইথোং লোংবা সিস্তেম অসি আর্থ সাইন্সেস মন্ত্রালয়না মসিগী লৈজবা এক্সপর্তাইজশিংনা ম্যুনিসিপাল কাউন্সিল ওব গ্রেতর মুম্বাই (বি.এম.সি.)গা খুৎশম্নদুনা পুথোকখিবনি। সিস্তেম অসিনা রেন গোজ দেতাশিং অমসুং বি.এম.সি.না পীবা লম শীজিন্নবগী মওং, লমগী মওং, নলাগী ফিবম, শহরদা লৈবা ঈশিং তুংবা মফমশিং, ইথৎকী ৱাংবগী চাং, ইনফ্রাস্ত্রকচর অমসুং মীশীংগী দেতানচিংবগী লোকেল দেতাশিং শীজিন্নৈ। হায়রিবা ইনপুৎশিং অসি শীজিন্নদুনা প্রেদিক্সন সিস্তেম অসিনা ঙন্না ঈচাউ থোরকপদগী মাঙজৌননা পাউ পীনবগীদমক ঈশিং-নুংশিৎকী ফিবম, নোং চুবগী মওং মতৌ, ঈশিং চেনবগী মতৌ অমসুং ঈশিংগী খোংচৎ, ইথৎ অমসুং নোংলৈনা পীগদবা শাফুগী চাং পুথোকই। মসিনা নোং চুবদগী ঈচাউগী ৱাংবগী চাং, তুরেল মপাল থুগাইবা, নোংলৈ নুংশিৎকী অকা-অকুম, লম্বী, দলাল, রেল লম্বী, অৱাংবা ইথক ইপোম অমসুং শমুদ্রগী ঈমাই ৱাংখৎলকপনা অকাইবা পীগদবদগী ঙাকথোক্কনি।

আইফ্লোস অসি মোদ্যুল তরেৎ লৈবা মোদ্যুলার স্ত্রকচর অমদা শেম্বনি। দেতা এসিমিলেসন মোদ্যুল অসিনা আই.এম.দি.গী ঈশিং নুংশিৎকী দেতা অমসুং মুম্বাই শহর অসিদা লৈরিবা তুরেল অমসুং পাৎশিংগী লুবগী চাং খোমজিল্লি। ইনন্দেসন মোদ্যুল অসিনা ঈচাউ লাকপদা ঈশিংগী ৱাংবগী চাং নুমিৎ ৩নিগী মমাংদা পীগনি, মরকসিদা ফ্লদ মোদ্যুলনা ঈচাউনা শোকহল্লবা য়াবা মফমশিংদা ঈশিংনা করম্না চৎপগে হায়বদু মাংজৌননা তাক্কনি। ভলনেরিবিলিতী অমসুং রিস্ক মোদ্যুলনা অনীনা পুনশিল্লগা দিসিজন সপ্পোর্ত সিস্তেম পীরিবা অসিনা ঈচাউদগী থোকহল্লক্কদবা খুদোংথীবশিং সাইন্তিফিক অমসুং হোলিস্তিক ওইবা মুওংদা য়ূম্ফম ওইরগা হৈশিংবা ৱারেপ লৌগনি। দিসেমিনেসন মোদ্যুলনা ফিল্দ ওফিসিএলশিংদ তোঙান-তোঙানবা কম্ম্যুনিকেসন চেনেলশিং শীজিন্নদুনা ফিল্দা তৌবা য়াবা থবকশিং লেপথোকপদা মতেং পাংই।

করম্না ওইরকখিবগে

মহারাস্ত্রগী কোনুং, মেগাপোলিস অমসুং ভারতকী শেলথুমগী কোনুং অমা ওইরিবা মুম্বাই অসি চাং য়াম্না ৱাংনা ঈচাউ থোক্তুনা মহৌশাগী অমসুং স্তোর্মগী ঈশিং চুম্থনবগী পথাপ নিংথীনা লৈজরবসু শহর অসিবু থেংগাং কয়াদা অৱাবা নংহল্লি। ঈচাউ তোইনা থোক্কনবা শহরদা খুদোংথীবশিংদগী ঙাকথোকপা ঙম্নবগীদমক দিজাস্তর মেনেজমেন্ত দিপার্ত্মেন্ত ওব ম্যুনিসিপাল কোর্পোরেসন ওব মুম্বাইনা আর্থ সাইন্সেস মন্ত্রালয়দা চেন্নইগীদমক শেমখিবা সিস্তেম অদুগা হাইরপ মান্ননা ইন্তিগ্রেতেদ ফ্লদ ৱার্নিং সিস্তেম ফোর মুম্বাই পুথোকপীনবা হায়জখি। আর্থ সাইন্সেস মন্ত্রালয়না ঈচাউদগী মাঙজৌননা পাউতাক পীনবা সিস্তেম অমা জুলাই ২০১৯দা ইন্দিয়ন মেতিওরোলোজিকেল দিপার্ত্মেন্ত (আই.এম.দি.), নেসনেল সেন্তর ফোর মেদিয়ম রেঞ্জ ৱেদর ফোর্কাস্তিং, ইন্দিয়ন ইন্সতিত্যুৎ ওব ত্রোপিকেল মেতিওরোলোজি অমসুং নেসনেল সেন্তর ফোর কোস্তেল রিসর্সকী অখঙ-অহৈশিংগা দিজাস্তর মেনেজমেন্ত দিপার্ত্মেন্ত ওগ এম.সি.জি.এম.গা খুৎশম্নদুনা পুথোক্নবা থৌরাং তৌখি।

*****