সাইন্স অমসুং তেক্নোলোজীগী বিভাগ (দি.এস.তি.)কী মনিং তম্বা ইন্সতিত্যুত অমা ওইরিবা জৱাহরলাল নেহরু সেন্তর ফোর এদবান্সদ সাইন্তিফিক রিসর্স (জে.এন.সি.এ.এস.আর.)গা মসিগী মখাদা শেমখিবা কম্পেনী ব্রীথ এপ্লাইদ সাইন্সকা লেব-স্কেল রিসর্সতা য়ুম্ফম ওইদুনা সি.ও._২দগী মেথানোল অমসুং অতোপ্পা কান্নবা কেমিকেলশিং অমসুং ফ্যুএলদা ওন্থোক্নবা তেক্নোলোজী লান্নবগী য়ানচে অমগী খুৎয়েক পীনখ্রে।

রিসর্স অসি প্রোফেসর সেবাসিয়ান সি. পীতর অমসুং জে.এন.সি.এ.এস.আর.গী অনৌবা কেমিস্ত্রী য়ুনিত্তা লৈবা মহাক্কী কাংবুনা পাংথোকপনি। স্তার্ত অপ কম্পেনী ওইরিবা ব্রীথ অসি দি.এস.তি. নেনো প্রোজেক্তনা মতিক চানা থাদরকপা শেনফমদগী হৌদোকখিবনি অমসুং মসিনা তেক্নোলোজীবু অহানবা থাক্তা শেমগত্তুনা অমসুং মদুগী মতুংদা কম্মর্সিএলাইজ তৌবদা মিৎয়েং চাংগনি।

মালেমগী অকোয়বগী নুমিত্তা য়ানা ৱারোল অসিগী খুৎয়েক পীনবা মতমদা প্রোফেসের জি.য়ু. কুল্করনি, জে.এন.সি.এ.এস.আর.গী প্রেসিদেন্তনা ইন্সতিত্যুত অসিনা মসিগী অনৌবা কেম্পস, চমুন্দিদা অনৌবা স্তার্ত-অপ অমা হৌদোকখিবা অসিদা নুংঙাইবা ফাওই হায়খি। ব্রীথকী কাংবু (প্রোফেসর সেবাসিয়ান পীতর, প্রোফেসর উমেশ ৱাঘমারে অমসুং দাক্তর রাকশিথ রাঘবন)না মমাংগী চহী খরা অসিদা ৱাহন্থোক হনবগী থবক কয়া, মালেমগী চাংদম্নবশিংদা শরুক য়াবা অমসুং মায় পাকপা কয়া ফংখ্রবনি। অনৌবা স্তার্ত-অপ অসিনা হীরম খুদিংদা মায় পাকপা ওইসনু হায়না মহাক্না হায়খি।

ব্রীথ এপ্লাইদ সাইন্স প্রাইবেৎ লিমিতেদকী ফাউন্দর দাইরেক্তর অমা ওইরিবা প্রোফেসর সেবাসিয়ান সি. পীতরনা অহৌবদা সি.ও._২ রিদক্সন তৌবগী থবক্তগী প্রোফেসর সি. এন. আর. রাওনা তাকপীবা অমসুং পুক্নিং থৌগৎপদগী, জে.এন.সি.এ.এস.আর.গী তেক্নিকেল রিসর্স তিমদগী মতিক চানা থাদরকপা শেনফমদগী অমসুং স্বর্নজয়ন্তি ফেলোশিপ য়াওনা দি.এস.তি.গী তোঙান তোঙানবা স্কিমশিংগা লোয়ননা নেনো মিসন প্রোজেক্তকী মখাদা ফংখিবা শেনফমশিংগী মতেংনা হৌজিক ওইরিবা মায় পাকপা অসি ফংবা ঙম্লিবনি হায়খি।

অহৌবা মতমদা নোংমদা সি.ও._২ ওন্থোকপা ঙম্বগী চাং অসি কিলোগ্রাম ৩০০নি অমসুং মসি ইন্দস্ত্রীগী থাক্তা তোন ৫০০ ফাওবা ওইহনবা য়াই। ইন্দস্ত্রীগী থাক্তা পুথোকপা ঙম্বা ফাওবদা চহী অমমুক চংখিগনি। তাতা স্তীল অমসুং কোল ইন্দিয়া লিমিতেদকুম্বা কম্পেনীশিংগা ঐখোয়না পুথোক্লিবা তেক্নোলোজী অসি শিজিন্নবা য়াবগী ওইথোকপগী মতাংদা ৱা খন্নরি হায়না মহাক্না হায়খি।

থৌরম অদু ভারত রত্না প্রোফেসর সি. এন. আর. রাও, জে.এন.সি.এ.এস.আর.গী প্রেসিদেন্ত প্রোফেসর জি.য়ু. কুল্করনি, আর. এন্দ দি.গী দীন প্রোফেসর চন্দ্রভাস নরায়ানা, জে.এন.সি.এ.এস.আর.গী এদমিনিস্ত্রেতিব ওফিসার শ্রী জোয়দীপ দেব, ফাউন্দিং দাইরেক্তরশিং- প্রোফেসর সেবাসিয়ান সি. পীতর অমসুং প্রোফেসর উমেশ ভি. ৱাঘমারে অমসুং তেক্নিকেল রিসর্স সেন্তরগী মীহুৎশিং, অনৌবা কেমিস্ত্রী য়ুনিৎকী ফেকলতী অমসুং জে.এন.সি.এ.এস.আর.গী স্তাফ অমসুং ওফিসারশিংনা শরুক য়াখি।

য়ানা ৱারোল অসিনা সি.ও._২দগী কান্নবা কেমিকেলশিং অমসুং ফ্যুএলদা রিদক্সন তৌবা অসি পাইলোৎ স্কেলদগী লেবোরেতরী স্কেলদা পুরকপদা য়াম্না মতেং পাংগনি। মসিনা সাইন্তিফিক ইন্সতিত্যুসন অমনা ইন্দস্ত্রীদা নৌনা অমুক পুথোকপা ইনর্জী অমসুং অকোয়বদা পোল্যুসন থোকপগী মরী লৈনবা হীরমশিংগী মতাংদা তেংবাংবগী মশক তাক্কনি। মসিনা সরকারগী পান্দমগী মতুং ইন্না লমদমসিগী ওইবা তেক্নোলোজী পুথোকপদা মতেংসু পাংগনি।

সি.ও._২দগী অফবা মেথানোল অমসুং অতোপ্পা কান্নবা কেমিকেলশিং শেল য়াম্না চংদনা পুথোকপা ঙম্বা অসিনা সাইন্সনা তুং কোয়না চৎকদবা ফ্যুএল পুথোকপা, অকোয়বদা অমসুং ঈশিং নুংশিৎকী ফিভমদা মিৎয়েং চংবদা য়াম্না তেংবাংগনি। জে.এন.সি.এ.এস.আর.দা পাংথোক্লিবা থবক অসি সাইন্সকী অনৌবা থৌংশিংনা তেক্নোলোজীদা খুদোংচাবা পীবগী মশক থোক্লবা খুদম অমনি হায়না মহাক্না মখা তারদুনা হায়খি।

য়ানা ৱারোল অসিগী মখাদা য়ানরিবা সাইন্সকী থৌওংশিং অদুদি সি.ও._২দগী মেথানোল অমসুং অতোপ্পা কান্নবা কেমিকেলশিং ওন্থোক্নবা মথৌ নিংথিনা তৌবা ঙম্বা কেতালীস্ত পুথোকপা, কোয়লা অমসুং মহৌশাগী গ্যাস শুংবা সেক্তরশিং, স্তীল ইন্দস্ত্রীশিং, সিমেন্ত ইন্দস্ত্রীশিং অমসুং কেমিকেল ইন্দস্ত্রীশিংদগী থাদোরকপা সি.ও._২দগী কান্নবা কেমিকেল অমসুং ফ্যুএলদা ওন্থোকপগী থৌওংবু হেন্না ফগৎহন্নবা শেমদোকপা অমসুং সি.সি.য়ু.এস. (কার্বোন কেপচর, য়ুতিলাইজেসন অমসুং সেক্বিস্ত্রেসন)কী থৌওংদা য়াওবা পোৎশক কয়াবু পুন্সিন্দুনা গ্লোবেল ৱার্মিংনা ওইহল্লিবা অকোয়বগী খুদোংচাদবশিং অসিগী মপুং ওইবা ৱারোইশিন পুরকপা ঙম্নবা হোৎনবগী থৌওংশিংনি।

মমি অসিদা য়াওরিবশিং- (ওইদগী য়েত্তা) জে.এন.সি.এ.এস.আর. অমসুং ব্রীথ এপ্লাইদ সাইন্স প্রাইবেৎ লিমিতেদকী মরক্তা মেমোরেন্দম ওফ অন্দরস্তেন্দিংগী খুৎয়েক পীনরবা মতুংদা-প্রোফেসর উমেশ ভি. ৱাঘমারে, প্রোফেসর, জে.এন.সি.এ.এস.আর., প্রোফেসর সেবাসিয়ান সি. পীতর, অসোসিএৎ প্রোফেসর, জে.এন.সি.এ.এস.আর. – ফাউন্দর দাইরেক্তরশিং, ব্রীথ এপ্লাইদ সাইন্স প্রাইবেৎ লিমিতেদকা লোয়ননা ভারত রত্না প্রোফেসর সি.এন.আর. রাও (ময়ায়) লাইনস পাউলিং রিসর্স প্রোফেসর, জে.এন.সি.এ.এস.আর., শ্রী জোয়দীপ দেব, এদমিনিত্রেতিব ওফিসার, জে.এন.সি.এ.এস.আর., প্রোফেসর চন্দ্রভাস নরায়ানা, দীন, রিসর্স এন্দ দিবেলপমেন্ত, জে.এন.সি.এ.এস.আর. অমসুং প্রোফেসর জি.য়ু. কুলকরনি, প্রেসিদেন্ত, জে.এন.সি.এ.এস.আর.।

*****