মালেম অমসুং ঐখোয়গী লৈবাকসিনা অনৌবা মহৌশাগী পুন্সিগীদমক শেম শারিবা মতম অসিদা তাতা কন্সলতেন্সী সর্বিসকী হান্নগী ভাইস চেয়রমেন ওইরম্বা পদ্মা ভুশন শ্রী এস. রামাদোরাইনা “খল কায়হনবা, দিজিতাইজেসন অমসুং দিমান্দ”গী মতাংদা অমসুং লায়চৎ অসিনা সেক্তর কয়াদা শোকহল্লিবা অমসুং মসিগী মনুংদা লৈরিবা খুদোংচাবা কয়া অমগী মতাংদা ৱা ঙাংখ্রে। নেহরু সাইন্স সেন্তরনা শিনখিবা ভর্চুৱেলদা পাংথোকপা লোকদাউনগী ৱা ঙাংবা অসিদা কলচরগী মন্ত্রী শ্রী এস. রামাদোরাইনা হীরম খুদিংদা অনৌবা পুথোকপগী তঙাই ফদবগী মতাংদা ৱা ঙাংখ্রে।

খল কায়হনবাঃ

কোবিদ-১৯ থেংননবা পায়খৎপা খোংথাং কয়া অসিনা লৈবাক অসিগী সেক্তর খুদিংদা, ললোন ইতিক্কী লম, চৎথোক-চৎশিন তৌবদা, হকশেলদা, লায়রিক লায়শু তম্বদা, অকায়বা পীরি অমসুং মসিনা মপুং ওইনা লৈবাক অসিদা চাউনা অকায়বা পীরি। দি. ৫- দিজাস্তর, দিসরপসন, দিজিতাইজেসন, দিমান্দ অমসুং দাইবর্সিতী,গী মরমদা খন্নবা মতমদা অচুম্বা মাইকৈ অমসুং লিরবা তোঙান তোঙানবা চৎনবিগী খেৎনবা কয়া অসিদগী ইথিল লৌদুনা ঐখোয়না অনৌবা ওইথোকপা য়াবশিং অমসুং খুদোংচাবশিংগী লম্বী অমা য়াৎপা য়ারগনি হায়না পদ্মা ভুশন শ্রী এস. রামাদোরাইনা হায়খি।

মালেমদা ১৮৮৫দা থোকখিবা প্লেগতগীনা এস.এ.আর.এস. ফাওবদা ওইখিবা লায়চৎশিং, মহৌশানা থোকহনবা অকায় অতোইশিং অমসুং মীওইবগী থবক্তগী থোকপা অমাং অতাশিংগী মরমদা নৌহৌননা পনখি। মহাক্না লায়চৎ হায়বসি ঐখোয়গী পুন্সিগা মরী লৈনরগনি হায়না হায়খি। মুম্বাইদা লালহৌবশিংনা লান্দাখিবা মতমদা মীয়াম পুম্বনা অমত্তা ওইনা লেপ্তুনা খুন্নাইশিংনা লৌখৎখিবা খোংথাংশিংগী মরমদসু পনখি। অসিগুম্লবা মীয়ামগী মওং অসিদা মিৎয়েং চংদগবনি হায়না মহাক্না হায়খি।

মসিগী লায়চৎ অসিদা লৈবাক শিনবা থুংনা লৈবা মাইগ্রেন্ত শিন্মীশিংনা ৱানখিবা উবা ফংখি। লৌউ শিংউবগী মীওইশিং অমসুং য়ুম শাবগী মীওইশিংসু লায়চৎ অসিনা শোকহনখি। শিন্মীশিংনা মখোয়গী তোঙান তোঙানবা খুঙ্গংশিংদা চৎখিবদা মশাগী মাংজবতা নত্তনা শেন্মিৎলোন্দসু চৈথেং পীখি। মসিগী মরু ওইবা মরমদি মখোয়না ময়ুমদা লৈরবদি তেক্ত কায়দনা লৈগনি খনবা ৱাখলদুনা মীয়ামগী হকশেলগী হীরমদা অচৌবা লান্থেংনবা অমা পীখিবদুনি। মখোয়না শহরদা লৈবসি মতম খরখক্তগীনি অমসুং মখোয়গী খুঙ্গংদা লৈবসিনা মতম পুম্বগীনি হায়না খল্লি হায়না শ্রী রামাদোরাইনা হায়খি।

মহাত্মা গান্ধী নেস্নেল রুরেল ইমপ্লোইমেন্ত গেরেন্তী এক্ত (এম.জি.এন.ই.জি.এ.)না থবক শুবা মীওইশিংসিনা থেংনবা খুদোংচাদবা খরগী মতেং পাংলি। বীলো পোভর্তী লাইন (বি.পি.এল.)গী মখাদা লৈবা মীওইশিংগী নোংমগী খুৎশুমন অসি নোংমগী লুপা ২০২দা হেনগৎখ্রে অমসুং মসিগীদমক্তা থাদবা শেনফমসু হেনগৎখ্রবনি।

ভারত্তা মাইক্রো স্মোল অমসুং মেদিয়ম ইন্তর্প্রাইস (এম.এস.এম.ই.)তা মীওই কোতি ১১ হেনবনা থবক তৌরি। এম.এস.এম.ই.গী মনুংদা চাউরাক্না মীওই ৯০% থবক তৌরি অমসুং মসিগী মনুংদা ৪৫%দি ইন্দস্ত্রীদা মমল লৈবশিংনি। মসিগী মথক্তা চহী খুদিংগী অনৌবা মীওই মিলিয়ন ৫দগী ১০ ফাওবনা সেক্তর অসিদা চংলি অমসুং মখোয়গী মনুংদা অয়াম্বদি এম.এস.এম.ই.দা থবক তৌরি।

অকায়বা লৈতবা তুং কোয়না চৎকদবা মওং অমা শেম্নবা লেপ্তনা হোৎনবগী তঙাই ফদবশিংগী মতাংদা ঙাংলদুনা মহাক্না কেরলানা লায়চৎ অসিবু লান্থেংনবগী খুদম পীখি। তুং কোয়না চৎকদবা অফবা মওং অমা শেম্বসি খুদক্তা য়ারোই। করিগীদমক্তা কেরলানা লায়চৎ অসি লৈবাক্কী অতৈ মফমদগী হেন্না ফজনা থেংনবা ঙম্লিবনো? রাজ্য অসিনা মীয়ামগী হকশেল ফনবগী খোংথাং অসি য়াম্না ঙন্না ১৯৬৪দগী হৌখ্রবনি। কেরলাগী কেপাসিতী বিলদিং তৌবা অমসুং শিজিন্নবা ঙম্বা, খুন্নাইগী হকশেলগী মফমশিংবু শম্নহনবা, পঞ্চায়ৎ অমসুং জিলাগী থাক্তা মপাঙ্গল কলহনবা অসিনা লায়চৎ অসি নিংথিনা শেন্নবা ঙম্লিবনি হায়না মহাক্না মখা তানা হায়খি।

দিজিতাইজেসন

শ্রী রামাদোরাইনা অসিগুম্বা অকায়বা থোকহনবা অসি মায়থিবা পীবা ঙম্নবা দিজিতাইজেসন অমসুং দিজিতেল তেক্নোলোজীগী তৌবা ঙম্বা অসি য়াম্না মরু ওই হায়খি। ভারত সরকারনা দিজিতাইজেসন তৌনবা য়াম্না কন্না হোৎনরি। দিজিতেল ইন্দিয়া প্রোগ্রাম অসিনা য়াম্না মরু ওইনা স্মার্তফোন নত্ত্রগা মখোয়না লায়না পায়বা ঙম্বা খুৎলায়গী খুত্থাংদা মীয়াম্না সেবা কয়া অমা লৈবাক অসিগী মফম অমা হেক্তদগী ফংহল্লি। মীয়ামদা তঙাই ফদনা চংদ্রবা য়াদ্রবা সেবাশিং পীবদা মতেং পাংলিবা দাইরেক্ত বেনেফিত ত্রান্সফর অসি বেঙ্কিং, ইন্স্যুরেন্স অমসুং শেল-থুমগী সেবাশিংদগী হেন্দোক্তুনা অনৌবা খরা অমা তৌবসু তঙাই ফদ্রে। দিজিতাইজেন অসিনা লায়চৎসিনা ৱাহল্লবা মতমসিদা আর্তিসানশিংদা মতেং পাংলি। ফী শাবশিংনা মালেমগী মফম অমা হেক্তদা লৈবা মীওইশিংদা খ্বাইদগী ফবা ফীরোল শেম শান্ননবা ইন্তর্নেৎ শিজিন্নরি। মতৌ অসুম্না অনৌবা ৱাখল অমসুং ফী শাবদা দিজিতেলগী মতেং শিজিন্নবা অসিনা সেক্তর অসিদা লৈবা ফীশাবা মীওই মিলিয়ন ৩দা তেংবাং পীরি অমসুং মখোয়গী অনৌবা পুথোকপা ঙম্বগী মতিকশিংগী মমল পীরি। মসিনা সেক্তর খুদিংমক্তা দিজিতাইজেসন তৌবা অসি য়াম্না মরু ওইহল্লি।

শ্রী রামাদোরাইনা অসিগুম্বা অকায়বা পীবা অসিনা মীওইবা খুন্নাইদা অফবা ইথিল পীখিবগী খুদম পীখি। মহাক্না হায়খি, “অসিগুম্বা খুদম অমদি মখোং ককখ্রবা মীওই কয়ানা লেপ্পা ঙমখিবা জয়পুর ফুতনি”।

মহাক্না লায়চৎ অসিনা লৈবাক অসিদা হীরম কয়া অমগী মতাংদা তম্বা ফংহল্লে হায়খি। ভারত অসি হৌজিক পি.পি.ই., বেন্তিলেতর, মাস্ক অমসুং কোবিদ-১৯ থেংননবা মেদিকেলগী খুৎলায় কয়া অমা শাবা হৌরে। তশেংবদি লায়চৎ অসিনা মসিবু থেংননবা অফবা থবক কয়া অমা তৌবা ঙমহল্লে হায়না মখা তানা হায়খি।

হকশেলগী সেক্তরদা দিজিতাইজেসন তৌবগী কান্নবগী মতাংদা ৱা ঙাংলদুনা সরকারগী হকশেলগী ওইবা থবকশিংদা ইনফ্রাস্ত্রকচর, সেবা পীনবা লমগী মফম খায়দোকপা অমসুং চেকশিন্না শেন্নবগী মওংশিং মশক ওইনা উবা ফংলে হায়খি। থবক নিংথিনা তৌবগী মথক্তা ঐখোয়না অনৌবা খুদোংচাবশিং, দাইবর্সিফিকেসন, মেদিকেলগী খুৎলায়শিং, প্রাইমরী হেলথ সেন্তর মথন্নতা চলায়হনবা, খুদক খুদক্কী ওইবা দেতা খোমজিনবা ঙম্বা অমসুং ওইরক্কদবশিং নৈনবা ঙমদুনা ঐখোয়গী মীওইশিং অমসুং খুৎলায়না তৌবা ঙম্বশিংবু শেম শাদুনা মথংগী লায়চৎ থেংননবা লৈবা ঙম্নবা মিৎয়েং চংফম থোকই হায়না হায়খি।

দিজিতাইজেসন্না ফাইন আর্ত অমসুং কলচরদা কান্নবসু পীগনি। ঐখোয়গী লৈবাকসিদা পর্ফোর্মিং আর্ত তাকপা প্রিমিয়র ইন্সতিত্যুসন কয়া অমা লৈরি। দিজিতাইজেসন তৌবনা ইন্সতিত্যুতশিং অসিদা ঐখোয়গী লৈজরিবা ফজরবশিং অসি মালেম্না শিজিন্নহনবগী কান্নবা কয়া অমা পীগনি। মসিনা ঐখোয়গী আর্তিস্তশিং, জগোয় শাবশিংবু মখোয়গী আর্ত, কলচর অমসুং চৎনবিশিংবু মালেমদা য়েংহনবা ঙমহন্দুনা খুদোংচাবা কয়া অমা পীগনি। দিজিতেলগী খুত্থাং অসিনা হাইজিইন, তাকপি তম্বীবা নত্ত্রগা জেন্দর পেরিতীগী মতাংদা মীয়ামদা খংহন্নবা ৱাফম কয়া পীবগী অফবা মফম অমা ওইগনি।

ইরাং অসিবু লাকশিনবা ঙম্বদা থবক ওইনা পাংথোকপগা লোয়ননা দিজিতেল সোল্যুসন মোদেল শিজিন্নগদবা অকক্নবা মফম খরা লৈ। ঈশিং, হকশেল, হাইজিন অমসুং তাকপি তম্বীবগী থৌওংশিং অসি তেক্নোলোজীগী মতেংনা মীয়ামদা পাক শন্না খংহনবগীদমক তঙাই ফদবা অমা লৈ। মতাং অসিদা দিজিতাইজেসন্না মহুৎ শিনবা য়ারোই অমসুং থবক ওইনা তৌবগা লোয়ননা দিজিতেল মোদেলগী মথৌ তাই হায়না শ্রী রামাদোরাইনা হায়খি।

দাইবর্সিতীঃ

শ্রী রামাদোরাইনা লায়চৎ অসিনা মীওইবা খুন্নাইগী ঙমখৈ মুথৎখ্রে হায়খি। লায়চৎ অসিগী মিৎয়েংদগী য়েংবদা ইনাক খুনবা লায়রবগী পনখৈ অদু মাংখিবগুম্লে। কোবিদ-১৯না মীওই অমা হেক্তা, মফম অমা হেক্তদা অমসুং মতম অমা হেক্তদা শোকহনবা য়াই। মীওইবা খুন্নাই অসি পুম্নমক্কী ময়ায়দা লৈরে অমসুং ঐখোয়গী গ্রহ অমসুং মহৌশা অসি য়াম্না মরু ওই হায়বসি ঐখোয় পুম্নমক্না য়াফম থোকই। মরম অদুনা দাইবর্সিতী অসি ঐখোয়গী পুন্সি মহিং অমসুং পাম্বৈ অমনি হায়না লৌবা য়ারে হায়না মখা তানা হায়খি। ঐখোয়না ঙমখৈ লৈতবা মালেম অমগী মাইকৈদা থবক তৌফম থোক্লে। ঐখোয়গী ইকোসীস্তেম অসিসু মীওইবা অমসুং মহৌশাগা শম্নহন্দুনা নৌনা ৱাখল খনবগী মতম ওইরে হায়না হায়খি।

ৱাখল লৌশিং য়াম্না লৈবা চৎনবি, ৱাখল খনবদা তেক্নোলোজীগী ৱাফম য়াওনা খনবা অমসুং খুন্নাইগী থাক্কী খেৎনবা লৈতনা অমগা অমগা পুন্দুনা মতেং পাংনদুনা ঐখোয়গী গ্রহ, অকোয়বা অমসুং ঐখোয় ইশাবু ঙাকথোকপা ঙম্নবা হোৎনবগী তঙাই ফদবগী মতাংদা পনখি।

*****