আই (দি.এন্দ আর.) এক্ত, ১৯৫১গী মখাদা আই.ই.এম./আই.এল.গী এপ্লিকেসনশিং হৌজিক আই.ই.এম. পোর্তেল https://services.dipp.gov.in দা পীশিনবা য়ারে। পোর্তেল অসিগী মখাদা, ইন্ত্রিপ্রিনরশিংনা ইন্দস্ত্রীগী থবকশিং হৌনবা ওনলাইনদা আই.ই.এম.-পার্ত এ (ললোন-ইতিক হৌনবা) অমসুং আই.ই.এম.-পার্ত বি (পোৎথোক পুথোকপা হৌনবা) এপ্লিকেসনশিং ওনলাইদা পীশিনগনি। আই.ই.এম.গী একনোলেজমেন্ত সর্তিফিকেত চে ওইনা পীগনি অমসুং স্কেন তৌরবা কোপি অদু পোর্তেলদা থাগৎকনি। আই.ই.এম.শিংদা শেমদোক্নবা এপ্লিকেসনশিং খুৎনা মেনশিনগনি অমসুং একনোলেজমেন্ত সর্তিফিকেত চে ওইনা পীগনি অমসুং স্কেন তৌরবা কোপি অদু পোর্তেলদা থাগৎকনি। মতম খর লৈরগা একনোলেজমেন্ত সর্তিফিকেতশিং অদু এপ্লিকান্তশিংদা মেলদা থারক্কনি।

ললোন-ইতিক্কী থবকশিংদা অরোন-অথুপ লৈতনবা অমসুং লাইহন্নবা, প্রোমোসন ওফ ইন্দস্ত্রী এন্দ ইন্তরনেল ত্রেদ (দি.পি.আই.আই.তি.) দিপার্তমেন্তনা আই.ই.এম. পোর্তেল হাংদোকপনি। পোর্তেল অসিদা আই.ই.এম. পার্ত-এ, পার্ত-বি অমসুং এমেন্দমেন্তশিংগী এপ্লিকেসনশিং ওনলাইন্দা থাজিনবগী খুদোংচাবা পীরি। এপ্লিকেসন খুদিংমক চে য়াওদবা মওংদা থবক পায়খৎকনি অমসুং ক্যু আর কোদ য়াওরবা এক্নোলেজমেন্ত সর্তিফিকেতশিং ইলেকত্রোনিক ওইনা পীগনি। অয়াবা হেক পীবগা এপ্লিকান্তশিংদা ইমেল অমসুং এস.এম.এস.কী খুৎথাংদা খুদক্তা পাউ পীগনি। মরী লৈনবা রাজ্য সরকারশিংদা মতম অমতদা ইমেলদা পাউ পীগনি।

মরম অদুনা, আই.ই.এম. পার্ত-এ, পার্ত-বি অমসুং এমেন্দমেন্তশিংগী এপ্লিকেসনশিং চে ওইনা পীশিল্লরোই। চেগী সর্তিফিকেত অমতা পীররোই । ইলেকত্রোনিক ওইনা পীরিবা সর্তিফিকেতশিং ক্যু আর কোদকী খুৎথাংদা ভেরিফাইদ তৌবা য়াগনি।

*****