তোঙান-তোঙানবা মফমশিংদা পন্দুনা লৈরিবা মাইগ্রেন্ত ৱার্করশিং, পিলগ্রিমশিং, তুরিস্তশিং, মহৈরোইশিং অমসুং অতোপ্পা মীওইশিংবু অখন্নবা ত্রেনশিংনা পুথোক-পুশিন তৌবগা মরী লৈননা গৃহ মন্ত্রালয়গী পাউতাক মতুং ইন্না ইন্দিয়ন রেলৱেনা ২০২০গী মে ১দগী “শ্রমিক স্পিসিয়েল” ত্রেনশিং ওপরেৎ তৌরি।

২০২০গী জুন ৩ ফাওবদা লৈবাক অসিগী তোঙান-তোঙানবা রাজ্যশিংদগী শ্রমিক স্পিসিয়েল ত্রেন ৪১৯৭ মথৌ তৌরি। অয়ুক্কী পুং ৯ তাবা ফাওবদা ত্রেন ৮১ মখোয়গী খোংচৎতা লৈরি। হৌজিক ফাওবদা নুমিৎ ৩৪দা শ্রমিক স্পিসিয়েল ত্রেনশিংগী থোংদা মাইগ্রেন্ত লাখ ৫৮ হেন্না ত্রান্সপোর্ত তৌখ্রে।

মসিগী ত্রেন ৪১৯৭ অসি তোঙান-তোঙানবা রাজ্যশিংদগী চেনবা হৌখি। ত্রেন খ্বাইদগী য়াম্না চেনবা হৌখিবা মকোকথংবা রাজ্য/য়ু.তি. মঙা অদুদি গুজরাত (ত্রেন ১০২৬), মহারাস্ত্র (ত্রেন ৮০২), পঞ্জাব (ত্রেন ৪১৬), উত্তর প্রদেশ (২৯৪) অমসুং বিহার (ত্রেন ২৯৪) নি।

শ্রমিক স্পিসিয়েল ত্রেনশিং অসি লৈবাক অসিগী তোঙান-তোঙানবা রাজ্যশিংদা লমথুংফম ওইখি। খ্বাইদগী য়াম্না লমথুংফম ওইখিবা মকোকথংবা রাজ্য/য়ু.তি. মঙা অদুদি উত্তর প্রদেশ (ত্রেন ১৬৮২), বিহার (১৪৯৫), ঝার্খন্দ (ত্রেন ১৯৭), ওরিশা (ত্রেন ১৮৭), ৱেস্ত বেঙ্গল (ত্রেন ১৫৬)নি।

হৌজিক চেল্লিবা ত্রেনশিং অসি লম্বী চিনবগী খুদোংচাদবা অমত্তা মায়োক্নদ্রে হায়বসি নিংশিংনিংঙাই ওই।

শ্রমিক স্পিসিএল ত্রেনশিং অসিদা নত্তনা রেলৱেজনা স্পিসিএল রাজধানীগী মওং ওইবা ত্রেন জুরা ১৫ ন্যু দিল্লীগা শম্নদুনা চেল্লি অমসুং জুন ১দা অহেনবা ত্রেন ২০০গী তাইম তেবল হৌখ্রে।

*****