লৈবাক অসিগী অমদি অতোপ্পা লৈবাক্তগী লাকপা লমকোইবশিং অনিমক্কীদমক্তা ওইনা অনম্বনা এক্সপ্লোর তৌদ্রিবা ভারতকী অৱাং-নোংপোক লমদমগী মফমশিং অসিবু উৎথোক্নবা, ২০২০গী মে ২৮দা “নোর্থইস্ত ইন্দিয়া ফোর ইম্মর্সিব ত্রাভেলর” হায়বা তুরিজম মন্ত্রলয়গী দেখো অপনা দেশকী ৱেবিনার অসিনা অৱাং-নোংপোক্কী রাজ্য মরি খুদম ওইনা নাগালেন্দ, অরুনাচল প্রদেশ, অসাম অমসুং সিক্কিমগী পুক্নীং চিংশিন্নীংঙাই ওইরবা ভর্চুৱল তুর তৌহনখি। দেখো অপনা দেশ সিরীজ অসিনা লৈবাক অসিগী তোঙান-তোঙান শরুকশিংগী ভর্চুৱল তুরশিং অসিগী খুত্থাংদা এক ভারত শ্রেস্থ ভারতগী ৱাখল্লোন অসিবু উৎথোক্নবগীদমক্তানি অমসুং মসিনা কোবিদ-১৯না মরম ওইরগা থোরক্লিবা লুরবা ফিভম অসিদফাওবা মসিগী ৱাখল্লোন অসিবু উৎলি।

২০২০গী মে ২৮দা পাংথোকখিবা দেখো অপনা দেশকী ৱেবিনার সিরীজ অসিগী ২৫সুবা সেসন অসি কর্তেন কোল এদভেনচর্সকী প্রোপ্রাইতর, জুলী কাগতি; ইন্দিয়া ত্রেলগী ত্রাভেলর ইন চীফ, দেবিদ অঙ্গামি; মোনয়ুল গেদরিংগী কো-ফাউন্দর, দেবরাজ বরুৱা অমসুং অৱর গেস্তকী কো-ফাউন্দর, পিন্তসো গ্যাৎসোনা উৎখি।

উৎলিবশিং অদুনা অৱাং-নোংপোক্কী অখন্নবা মগুন অসি চিংশিং অসি খক্তা নত্তনা থিজিনগদবা অমসুং খঙগদবা কয়া অমা লৈরি হায়বগী পাউজেল অসিবু পীনবগীদমক্তা, এক্সপ্লোর তৌদ্রিবা মফমশিং, ত্রাইবশিং, কুম্হৈশিং, ক্রাফৎশিং, মফম অদুগী মীশিংগী কলচরগী মতাংদা ঙাংখি।

ৱেবিনারগী সেসন অসিদা উৎখিবা, অৱাং-নোংপোক ভারতনা লমকোইবশিংদা পীগদবা ঙক্নীংঙাই ওইবা অমসুং খঙনীংঙাই ওইবশিং অদুদা মনিপুর অমসুং নাগালেন্দগী মরক্তা লৈবা জুকো ভেলী য়াওরি, হায়রিবা মফম অসি এক্সতিঙ্ক ভোল্কেনোগী বেস ক্রেতরনি অমসুং খ্বাইদগী মমিং চৎলবা জুকোলিলী অসি মফম অসি খক্তদা ফংঙি। কোহিমাদা দিসেম্বর ১দগী দিসেম্বর ১০ ফওবা চহিগী ওইনা পাংথোক্লিবা হোর্নবিল ফেস্তিবল অসি লৈবাক অসিগী অমসুং অতোপ্পা লৈবাক্তগী লাকপা লমকোইবশিং অনিমক্কী ওইনা য়াম্না চাউনা পুক্নীং চিংশিন্নীংঙাই ওইরি, মসিনা মরম ওইরগা নাগালেন্দদা লমকোইবশিংগীদমক্তা ওইবা খুদোংচাবশিং চাউখৎহল্লি।

অৱাং-নোংপোক্কী খ্বাইদগী চাউবা রাজ্য, অরুনাচল প্রদেশনা লমকোইবশিংদা পীরিবা ওপ্সনশিং অদুসু উৎলিবশিং অদুনা নীংথিনা উৎখি। উমংনা ৭০% ওইবা অমসুং মপুং ওইবা ত্রাইব ২৪গী ময়ুম ওইরিবা রাজ্য অসিনা লমকোইবশিংদা কিলোমিতর খরগী মতুং খুদিংগী অনৌবা কলচর, ত্রেদিশন অমসুং দাইলেকশিং থেংনবগী খুদোংচাবা পীরি। তাৱাং সাংতি ভেলীগী ফজবা অসিনা লমকোইবা লাক্লিবশিংদা কৈদৌনুংদা উদ্রিবা অঙকপা ফংনা ফজরবা মফমশিং অমসুং ফেব্রৱারীদা পাংথোকপা লোসার ফেস্তিভলগী নঙঙাইবসু ফংহল্লি হায়না পনখি।

ৱেবিনার অসিনা অসামগী ৱিমেন সেন্ত্রিক তেক্সতাইল সেক্তর অমসুং লোকেলশিং অদুনা মখোয়গী আর্ত অমসুং রাজ্য অসিনা পীরিবা অতোপ্পা অখন্ননা তুরগী ওপসনশিং অদুবু ফোংনা শেয়র তৌবদা অমসুং উৎথোকপদা য়ানীংবসু উৎখি।

সিক্কিম্না ইকো তুরিজমগী পিলরশিং অসি নীংথিনা ইন্দুনা সস্তেন্নেবল তুরিজম প্রক্তিসশিং শজিন্নবদা অমসুং এনভাইরনমেন্তকী ইওলোজীগীদমক্তা কেয়র লৌবদা মাইপাকপগী মরমসু পনখি:

• অকোইবদা লৈরিবা ফিভমশিং ঙাক-শেন্দুনা থম্বা

• সস্তেন্নেবল বিজনেস মোদেলশিং

• ইন্দিজিনস কলচরশিংদা সেন্সিতিভিতী লৈবা অমসুং মসিগী এপ্রিসিয়েশন তৌবা

• সোসিয়েল ইক্বিতী

২০২০গী এপ্রিল ১৪দা হৌদোকখিবা দেখো অপনা দেশকী ৱেবিনার সিরীজ অসিনা, ভারতনা লৈবাক অসিদা শিন-থুংনা পীরিবা মখল-মখা কয়াগী তুরিজম প্রোদক্তশিং অমসুং মসিদা থেংনরিবা, উরিবশিং অদুগী মতাংদা উৎথোক্তুনা হৌজিক ফাওবদা সেসন ২৫ পাংথোকখ্রে।

ইলেক্ত্রোনিক্স অমসুং ইনফোর্মেশন তেক্নোলোজীগী মন্ত্রালয়না শেমখিবা নেস্নেল ই-গোবর্নেন্স দিভিজন (এন.ই.জি.দি.)না প্রোফেস্নেল তীমগা লোইননা তেক্নিকেলগী ওইবা মতেং হকথেংননা পীদুনা দেখো অপনা দেশকী ৱেবিনারশিং পাংথোকপদা মন্ত্রালয়গী মতেং পাংবদা য়াম্না মরু ওইবা থৌদাং লৌদুনা লাক্লি, মসিনা মরম ওইরগা দিজিতেল প্লেৎফোর্ম অসি শিজিন্নদুনা প্রজাশিংদা য়াওবা ঙমহনবা অমসুং স্তেকহোলদরশিংগা পাউনবদা য়াম্না খুদোংচাহল্লি।

https://www.youtube.com/channel/UCbzlbBmMvtvH7d6Zo_ZEHDA/featured দা ৱেবিনার অসিগী সেসনশিং অদু ফংবীগনি অমসুং ভারত সরকারগী তুরিজম মন্ত্রালয়গী সোসিয়েল মীদিয়া হেন্দলশিংদসু ফংবীগনি।

২০২০গী মেগী ৩০, পুং ১১০০-১২০০দা মথংগী দেখো অপনা দেশকী ৱেবিনার অসি ‘দ তেনাসিতী ওফ সর্ভাইবল- ইন্সপিরেসনএল স্তোরী ওফ কৎছ’নি। রিজিস্তর তৌনবগীদমক্তা https://bit.ly/KutchDAD দা ক্লিক তৌবিয়ু।

*****