চেংদা কার্বোহাইদ্রেৎকী চাং য়াম্না ৱাংনা য়াওবা অমসুং ইনর্জী খুদক্তা পীবা ঙম্বনা মরম ওইরগা মসি মালেম শিনবা থুংনা খ্বাইদগী মরু ওইবা চিঞ্জাক অমনি। সাউথ-ইস্ত এসিয়াদা মসি মালেমগী অতোপ্পা মফমশিংদগী হেন্না শিজিন্নৈ, হায়রিবা অসিনা কেলোরী লৌশিনবগী চাং অদুগী ৭৫%গী মথক্তা ওই। ভারতনা ফৌ থাবদা খ্বাইদগী হেন্না মফম য়াম্মি: রাজ্য খুদিংমক অনম্বনা ফৌ থাই। অদুবু পোত্থোক নেম্বগী অৱাবা কয়া অমদি মায়োক্নৈ।

ভারত অমসুং মালেমগী মীশিং য়ামখৎলকপগী মতুং ইন্না হেনগৎলক্লিবা দিমান্দ অসি পীবা ঙম্নবা চেংগী পোত্থোক অসি মরু ওইনা হৌজিক পুথোক্লিবা চাং অসিগী চাউরাক্না ৫০% হেনগৎহনবা মথৌ তাই। পাম্বী অমদা পানবা মরুগী মশিং অমসুং মরু অদুগী লুম্বগী চাং অসিগুম্বা মগুনশিং অসিনা চেংগী পোথোক্কী চাং অসি লেপকদৌরিবনি। মরম অদুনা রিসর্স তৌরিবাশিং অমসুং ব্রীদরশিংগী মরুওইবা পান্দমদি, পোত্থোক হেন্না লৈবা অমসুং ন্যুত্রিসন হেন্না ৱাংবা, হেন্না লুম্বা মরুগা লোইননা হেন্না ফবা মখলগী চেং পুথোকপা অসিনি।

অনৌবা ওইনা স্তদী তৌবা মতমদা, বাইওতেক্নোলোজী বিভাগকী নেস্নেল ইন্সতিত্যুৎ ওফ প্লান্ত জিনোম রিসর্স (দি.বি.তি.- এন.আই.পি.জি.আর.), আই.সি.এ.আর.- ইন্দিয়ন এগ্রিকলচরেল রিসর্স ইন্সতিত্যুৎ (আই.সি.এ.আর.-আই.এ.আর.আই.), কতক্কী আই.সি.এ.আর.- নেস্নেল রাইস রিসর্স ইনন্সতিত্যুৎ (আই.সি.এ.আর.-এন.আর.আর.আই.) অমসুং দিল্লী য়ুনিভর্সিতীগী সাউথ কেম্পস (য়ু.দি.এস.সি.)দগী রিসর্স তৌরিবশিংনা ফৌগী জিনোমদা রিজন অমা খঙদোকপা ঙম্লে, হায়রিবা অসিনা পোত্থোক হেনগৎহনবদা মতেং পাংবা ঙম্বগী মওং উবা ফংঙি।।

সাইন্তিস্তশিং অসিনা মরুগী সাইজ/অরুম্বদা খেৎনবা ফেনোতাইপ উৎপা ভারতকী জিনোতাইপ মরি (এল.জি.আর., পি.বি. ১১২১, সোনাসল অমসুং বিন্দলি)গী জিনোমশিং অদু সিক্বেন্সিং তৌদুনা থিজিনখি। মখোবগী জিনোমশিং অদুদা লৈরিবা খেৎনবশিং অদু কুপথনা নৈনরবা মতুংদা মখোয়না খঙবা ঙমখি মদুদি ভারতকী ফৌগী জর্মপ্লাজমশিং অসিদা হৌজিক ফাওবদা মখোয়না খল্লম্বা জিনোমিক দাইবর্সিতী অদুদগী হেন্না লৈরম্মি।

স্তদী অসিদা সিক্বেন্স তৌখিবা ভারতকী জিনোতাইপ মরি অসিগা লোইননা মালেম শিনবা থুংবা মফমশিংদগী ফৌ মখল ৩,০০০দগী দি.এন.এ.অদু মখোয়না স্তদি তৌখি। মখোয়না অশাংবা (~6 Mb) জিনোমিক রিজন অমা খঙদোকপা ঙমখি, মসিদা ক্রোমোজোম ৫গী সেন্ত্রোমের শিনবা থুংনা লৈরিবা ন্যুক্লিয়োতাইদ দিবর্সিতী রিজন অসিবু তোঙানবা মওং অমদা নমথদুনা লৈ। মখোয়না মসিবু ‘লো দাইভর্সিতী রিজন’ নত্রগা অতেনবা মওংদা এল.দি.আর. হায়না কৌখি।

জিতেন্দ্র কুমার থাকুরগা লোইননা মহাক্কী কলীগশিং

হায়রিবা রিজন অসিগী কুপথনা মল্তিদাইমেনস্নেল এনালাইসিস তৌবা মতমদা ফৌগী তোঙান তোঙানবা মখলশিংগী দোমেস্তিকেশন তৌবদা মরু ওইবা থৌদাং লৌই হায়বা খঙবা ঙমখি মরমদি লোক্নরিবা ফৌগী জিনোতাইপশিং অয়াম্বদা মসি য়াওই অমসুং মসি লম্লক্কী ওইবা মখলশিংদদি য়াওদে। হোজিক্কী মতম অসিদা অনম্বনা লোক্নরিবা ফৌগী মখল অয়াম্বনা জাপোনিকা অমসুং ইন্দিকা জিনোতাইপশিং অসিগী মনুং চল্লি। মখোয়শিং অসিদা রিজন অসি মপুং ওইনা য়াওই। মসিগী ওন্না তৈনবদা লম্লক্কী ওইবা মখলশিং অদুগা য়াম্না মান্নবা ,ওস কাংলুপকী হায়রিবা ফৌ মখলশিং অদুদদি মপুং ওইনা য়াওদে। মখাতানা নৈনবা মতমদা এল.দি.আর. রিজনদা, ফৌ মরুগী সাইজ/অরুম্বগী মগুনশিং অসিগা মরু ওইনা মরী-লৈনবা ক্যু.তি.এল. (ক্বান্তিতেতিব ত্রেইৎ লোকস) রিজন অমা য়াওবা থেংনখি।

অনৌবা স্তদী অসিনা জিনোম-ৱাইদ এক্সপ্লোরেশন অসিবু মরু ওইনা লৌবগী মথক্তা, মসিনা মরু ওইবা অমসুং অশাংবা দোমেস্তিকেশনগা মরী লৈনবা জিনোমিক রিজন অসিগী মরু ওইবসু উৎখি, হায়রিবা অসি মল্তিপল এগ্রোনোমিক ত্রেইৎস এসোসিয়েশনশিং অসিবু পুনবা ইভোল্যুশনরী ওইবা মওংদা শেম্লকপা অসি থেংনখি। “মতুংদা হোৎনবা মতমদা, হায়রিবা এল.দি.আর.রিজন অসি মশিদা খঙদোক্লবা ফৌ মরু সাইজগী খ্যু.তি.এল. য়াওনা মখল খয়াগী ত্রেইৎশিং অদুবু তার্গেৎ তৌদুনা ফৌগী পোত্থোক হেনগৎহন্নবা মসিগী এল.দি.আর. রিজন অসিবু শিজিন্নবা য়াগনি হায়বা থাজৈ” হায়না, দি.বি.তি.-এন.আই.পি.জি.আর.গী তীম লীদর, জিতেন্দ্র কুমার থাকুরনা হায়খি।

স্তদী তীম অসিদা স্বারুপ কে. পরিদা, অঙ্গৎ কুমার, অনুরাগ দৱারে, অর্ৱিন্দ কুমার, ৱিনয় কুমার অমসুংদি.বি.তি.-এন.আই.পি.জি.আর.গী সুভাসিশ মোনদল, দিল্লী য়ুনিভর্সিতীগী সাউথ কেমপসকী অখিলেশ কে. ত্যাগি, আই.সি.এ.আর. আই.এ.আর.আই.গী গোপালা কৃষ্ণন এস. অমসুং অশোক কে. সিংহ, অমসুং আই.সি.এ.আর.-এন.আর.আর.আই.গী ভাস্কর চন্দ্র পাত্র য়াওখি। মখোয়না দ প্লান্ত জর্নেলদা মখোয়গী থবকশিং অসিগী রিপোর্ৎ অসি পীশিনখি। জর্নেল অসিনা ফোংনবগীদমক্তা লৌশিনখ্রে।

*****