রোদ ত্রান্সপোর্ত অমসুং হাইৱে মন্ত্রালয়
গরকরীনা চারধাম পরিযোজনাগী মখাদা চম্বা তনেল চাউনা মাইপাকপগী থৌরম হৌদোকখ্রে
প্রোজেক্ত অসি লেপ্নখিবা মতমদগী থা অহুম ঙনখৎনা ২০২০গী ওক্তোবরদা শাবা লোইশিল্লগনি
Posted On:
26 MAY 2020 12:18PM by PIB Imphal
লম্বী-থোং অমসুং হাইৱেস অমদি এম.এস.এম.ই.শিংগী কন্দ্র মন্ত্রী শ্রী নিতিন গরকরীনা ঙসি ভিদিও কনফরেন্স মোদকী খুত্থাংদা চারধম পরিযোজনাগী মখাদা চম্বা তনেল চাওনা মাইপাকপগী থৌরম হৌদোকখ্রে। বোর্দর রোদস ওর্গনাইজেসন (বি.আর.ও.)না চিনখ্রবা চম্বা সহরগী মখাদা রিশিকেশ-ধারাসু লম্বীগী হাইৱে(এন.ঐচ.৯৪)দা মীতর ৪৪০ শাংবা তনেল অমা লৈনুংদা তৌদুনা শাবা ঙমখিবা অচৌবা মাইপাকপা অমনি। চাওনা মাইপাকপা অসি কোবিদ-১৯গী অকিবা অমসুং লৈবাক শিনবা থংনা চৎথরিবা লোকদাউনগী চৈরক অসিদা ঙমখিবনি। তনেল অসি শাখিবদা লৈপাক্কী স্ত্রাতা শোনবা, লেপ্পা লৈতনা ঈশিং য়ুবা, মথক্তা লৈরিবা অদু শাবা লোইরবা অরুম্বা মফম ওইবনা য়ুমশিং পুথখিবা য়াবা, লম লৌশনবগী ইশুশিং, কোবিদকী লোকদাউন মনুংগী অথিংবশিং অসিনচিংবগী অৱাবা কয়াগা লোইননা শাখি।
লম্বী-থোং অমসুং হাইৱেস অমদি এম.এস.এম.ই.শিংগী কন্দ্র মন্ত্রী শ্রী নিতিন গরকরীনা ঙসি ভিদিও কনফরেন্স মোদকী খুত্থাংদা চারধম পরিযোজনাগী মখাদা চম্বা তনেল চাওনা মাইপাকপগী থৌরম হৌদোকখ্রে।
থৌরম অদুদা ৱা ঙাংলদুনা মন্ত্রীনা হায় উত্তরাখন্দদা লৈবা রিশিকেস-ধারাসু-গঙ্গোত্রী লম্বেল অসি সোসিয়ো ইকনোমিক অমসুং লাইনিং-লাইশোনগী ওইবা হীরমদা য়াম্না শীংথানিঙাই ওইবা থৌদাং অমা লৌরি। তনেল অসি হাংদোকপনা চম্বা তাউনদা মীচিনবা হন্থহল্লগনি অমসুং অরাপ্পনা কিলোমীতর অমা হন্থহল্লগনি অমসুং সহর ফাওরগা চৎপদা মমাংদা মিনিৎ কুনথ্রা চংলম্বা অদু মিনিৎ তরা খক্তা ওইরগনি হায়না মহাক্না ফোংদোকখি। শ্রী গরকরীনা বি.আর.ও.না য়াম্না ৱাবা মফম খরদা থবক শুবা অমসুং অরুবা প্রোজেক্ত কয়া তৌবা ঙম্বগীদমক থাগৎপা ফোংদোকখি। মহাক্না হায়খি মদুদি প্রোজেক্ত অসি ২০২০গী ওক্তোবরদা লোইশিনগনি মদুদি সেদ্যুলদগী থা অহুম ঙনখৎনা ওইগনি হায়না মঙোন্দা খঙহল্লকখি।
বোর্দর রোদস ওর্গনাইজেসনগী দিরেক্তর জেনরেল, লেপ্তনেন্ত জেনরেল হারপাল সিংহনা ফোংদোকপদা ২০১৯গী জেন্যুৱরিদা তনেল অসিগী অৱাংথংবা পোর্তেলদা থবক শুবা হৌখি অদুবু মখাথংবা পোর্তেলদা থবক শুবা ২০১৯গী ওক্তোবরগী মতুংদা খক্তমক শাবা হৌখি মরমদি মফম অদুদা তারিবা মীশিংনা খুদোকংথিবা নংগদবা অমসুং কমপেন্সেসনগী ৱাথোকশিংনা মরম ওইরগা শাবদা কন্না থীংখি। মতম মাংখিবা অদুনা অয়ুক অমসুং নুমিদাংগী থবক শুনবা মতম খায়দোকন্দুনা অনৌবা তেক্নোলোজি শীজিন্নবগা লোয়ননা অচৌবা মাইপাকপা অসিদা মতেং পাংখি। শীঙথানিঙাই ঔইরবা চারধম প্রোজেক্ত অসিগী মরুওইবা স্তেক হোল্দর অদু বি.আর.ও.নি অমসুং তনেল অসিগী অচৌবা মাইপাকপা অসি শিভালিককী তীমনা ঙমহনখিবনি। মসি শাবদা খ্বাইদগী নৌবা ওস্ত্রীয়ন তেক্নোলোজি শীজিন্নখি। শাবা লোইগনি পান্নরমবা মতম অদুদগী থা অহুম ঙনখৎনা চহী অসিগী ওক্তোবরদগী তনেল অসি গারি চেনবা হৌরগনি।
দিরেক্তর জেনরেল, বোর্দর রোদস ওর্গনাইজেসন, লেপ্তনেন্ত জেনরেল হর্পাল সিংহ, পি.ভি.এস.এম., এ.ভি.এস.এম, ভি.এস.এম. অহানবগী ওইনা গারিশিং তনেল মনুংদা চৎনবা লমথবা। ইন্সেৎ অসিদা শ্রী গরকরী য়াওরি।
শীঙথানিঙাই ওইরবা চানধাম প্রোজেক্ত অসি লুপা কোতি ১২,০০রোম চংবা লোয়ননা চাওরকনা কিলোমীতর ৮৮৯গী অশাংবা ওই মসিগী মখাদা বি.আর.ও.না কিলোমীতর ২৫০গী গঙ্গোত্রী অমসুং বদ্রিনাথকী লাইফম য়ৌগদবা নেস্নল হাইৱেস শেম্লি। অয়াম্বা থবকশিং থখিবা মতমদগী হেন্না য়াংশিল্লি অমসুং বি.আর.ও.না চহী অসিগী ওক্তোবর ফাওবদা প্রোজেক্ত মরি লোইশিন্ননবা পান্দম থম্লি।
বি.আর.ও.দা কিলোমীতর ২৫১ শাংবা লুপা কোতি ৩০০০মুক্কি ওইবা রিশিকেশ-ধারাসু(এন.ঐচ.-৯৪) লম্বীদগী কিলোমীতর ২৮দগী হৌরগা কিলোমীতর ৯৯গী অশাংবা, ধারাসু-গঙ্গোত্রী হাইৱেং( এন.ঐচ.-১০৮)কী কিলোমীতর ১১০ অশাংবা অমসুং জোশিমাথ তগী মানা(এন.ঐচ.-৫৮) ফাওবগী কিলোমীতর ৪২ অশাংবা ওইবা প্রোজেক্ত ১৭কী থৌদাং পু্হল্লি। মসিগী মনুংদা, লম্বীগী অশাংবা কিলোমীতর ১৫১ ওইবা য়াওনা প্রোজেক্ত ১০গী লুপা কোতি ১৭০২রোম কাইথখ্রে অমসুং থবকশীং চৎথরিবশিং অদু মখাদা পীরি:-
(i) রিশিকেশ-ধারাসু (এন.ঐচ.-৯৪), কিলোমীতর ৯৯গী অশাংবা (প্রোজেক্ত মঙা)
(ii) ধারাসু-গঙ্গোত্রী হাইৱেং ( এন.ঐচ.-১০৮), কিলোমীতর ২২গী অশাংবা (প্রোজেক্ত অনি)। বি.ই.এস.জেৎ.কী প্রোজেক্ত মঙানা শেল কাইথরক্তৌবা ৱাৎলি।
(iii) জোশিমাথতগী মানা (এন.ঐচ.-৫৮) কিলোমীতর ৩২ (প্রোজেক্ত অহুম) প্রোজেক্ত অনিনা শেল কাইথরক্তৌবা ৱাৎলি।।
বি.আর.ও.না পুল্লপনা কিলোমীতর ৫৩গী অশাংবা ওইবা হৌজিক চৎথরিবা প্রোজেক্ত ১০গী মনুংদগী প্রোজেক্ত মরি মখাদা পীরিবা অসি লোইশিনবা লোইগদবা তাং অদুগী মাংজৌন্না লোইশিল্লগনি হায়রি:-
- ধারাসু-গঙ্গোত্রী হাইৱে (এন.ঐচ.-১০৮) জুন ২০২০দা কিলোমীতর ১১০-১২৩
- রিশিকেশ-ধারাসু হাইৱে (এন.ঐচ.-৯৪) জুলাই ২০২০দা কিলোমীতর ২৮-৫৯
- রিশিকেশ-ধারাসু হাইৱে (এন.ঐচ.-৯৪) ওক্তোবর ২০২০দা চম্বা তর্নেল য়াওনা কিলোমীতর ৫৯-৬৫
- রিশিকেশ-ধারাসু হাইৱে (এন.ঐচ.-৯৪)গী চিনিয়ালিসোর বাই পাসনা ওক্তোবর ২০২০
প্রোজেক্ত ১০ অসিগী মনুংদা মীতর ৪৪০ শাংবা তনেল অমা চম্বা তাউনগী অচিনবা ফহন্ননবা শাখি। মসি হোর্স শুগুম্বাগী মওংগী তনেল অমা ওইবগা লোয়ননা অপাকপা মীতর ১০ ওইবা অমসুং মথকলোমদা মীতর ৫.৫ ওই। তনেল অসিগী কাইথোকখিবা শেমফম অসি কোতি ১০৭.০৭নি। এৱার্দ তৌখিবা শেমফমনা লুপা কোতি ৮৬নি, তনেলগী কোতি ৪৩ অমসুং কিলোমীতর ৪.২গী তনেল ফাওবগী লম্বী শেম্বগী কোতি ৪৩ য়াওরি।
*****
(Release ID: 1627163)
Visitor Counter : 200