ইচং থৌবা লুচিংবা অমগী লীচিং মখাদা কত্থোক্লবা নুপামচা খরগী কাংবু অমা অমসুং সরকারগী ওর্গনাইজেসনশিংদগী তেংবাং ফংলবদা পাংথোকপা ঙম্লোইদবা করি লৈগনি? ময়েক শেংনা কয়া অমা ঙমগনি।

হায়রিবা অসি থানেগী সোলাপুরদা লৈবা গীলোয় অমসুং অতৈ পোৎলমশিং কৈথেলদা পুথোক্তুনা “আদিবাসী একাত্মক সামাজিক সংস্থা” না অমুক হন্না খুদম পীদুনা উৎখ্রে। গীলোয় হায়বা অসি ফার্মাসিয়ুতিকেল কম্পেনী কয়া অমদগী য়াম্না চাওনা দিমান্দ লৈবা হীদাক্কী পাম্বী অমনি।

খোংচৎ অসি কাতকরী(कातकरी) কাংলুপকী সুনীল পাৱর হায়বা নহা অমনা মমান্নবা ১০-১২গী মাগী তীমগা মাগী মরমদম ওইরিবা কাতকারীদা লৈবা রিভিন্যু ওফিসতা কাতকারী ত্রাইবেলশিং অদু তোঙান-তোঙানবা থবকশিংগী খুদোংচাবা ফংহনবা হৌরকখি।  কাতকরী অসি হোম এপোয়রস মন্ত্রালয়গী ক্লাসিফিকেসনগী মতুং ইন্না অকক্ননা মুৎখিগদৌরবা ত্রাইবেল কাংলুপ ৭৫গী মনুংদা অমনি।

তেক্নোলোজীগী থাক্তা লৌউ-শিংউবা অসিগী মমাংদা তৌনরম্বা মওংদা লৌউবা লেংদনা নত্রগা মীশিং হন্থরকপগী অৱাবা মায়োক্নরিবা অকক্নবা ত্রাইবেল কাংলুপশিং অসিদা লাইরিক হৈবগী অমদি হিংবগী শেন্মীৎলোন অসি য়াম্না হন্থবা থাক্তা লৈরি।  রাজ্য অমসুং য়ুনিয়ন তেরিতোরী ১৮দগী অসিগুম্বা গ্রুপ ৭৫ অসি পার্তিকুলরলী ভলনরেবল ত্রাইবেল গ্রুপ(পি.ভি.তি.জি.) গী কাংলুপ হায়না মশক খংনখ্রে।

নহা ওইরিবা সুনীল পাৱর অমসুং মহাক্কী মরুপশিংনা লৈকাইগী কৈথেলদা গীলোয় অসি য়োনবগী থবক অসি হৌরকখি। শ্রী অরুন পন্সারেনা মবুক-মপাও ফরবা অমদি মীনুংশি চাওরবা মীওই অমা ওইনা মখোয়না হোৎনরিবশিং অদু উবিখি অমসুং মখোয়গী থবক অদু পাংথোক্নবা ওফিস অমা পীবিখি। কৈথেল অদুগী মনাক নকপদা লৈবা মফম অমদা ওফিস অমদা থবক হেক তৌবা হৌখিবদগী অতৈ ত্রাইবেলশিংনা মখোয়গী মতাংদা খংনরক্তুনা থবক অদুদা য়াওশিল্লকখি।  

মতাং অদুদা সুনীল পাৱরনা ভারত সরকারগা খুৎশম্নবা মহারাস্ত্র সরকারগী এস.তি. ৱেলফেয়র বিভারকী নোদেল এজেন্সীশিংগা তি.আর.আই.এফ.ই.দি.না খুৎশম্নরগা চলাইবা প্রধান মন্ত্রী বন ধন য়োজনাগী মতাংদা খংলকখিরম্মী।  

সুনীলনা মখোয়দা গীলোয়গী তৌরকপা দিমান্দ অদু থুনা থৌরাং তৌদুনা লৌখৎপীনবা মতেং নীখি। আয়ুরবেদতা गुडूची হায়না কৌবা গীলোয় অসি তোঙান-তোঙানবা লাইহৌগী মখলশিং(ভাইরেলগী লাইহৌ, মেলরিয়া অসিনচিংবা)গা লোয়ন-লোয়ননা দাইএবেতিসকী হীদাক ওইনা শিজিন্নৈ। মসি পাওদর নত্রগা ক্রীমগী মওংদসু শুংদোকই।

“লৈকায়গী কৈথেলদা অমসুং ফার্মাগী কম্পেনীশিং খক্তংদখক্তংদা লৌইশিনবা তৌদনা, ঐখোয়না গীলোয় অসি দি-মার্তকুম্বা অচৌবা রিতেলগী চেনগী মতেংনা অরাপ্পা কৈথেলশিংদা পুনবা থৌরাং তৌখি। ঐখোয়না ৱেবসাই অমসু শেমখি। লোকদাউন মনুংসিদা ওনলাইন মার্কেতিংদগীসু য়োল্লি। সরকারনা পোৎলমশিং অসি অপনবা অমত্তা য়াওদনা পুথোক-পুশিন তৌবা অমসুং য়োনবা য়ানবা ঐখোয়গ পাস পীবিখি” হায়না পাৱরনা হায়খি।

সুনীলনা আদিবাসী একাত্মক সামাজিক সংস্থা, শহানপুরগী তেংবাংগা লোয়ননা কন্না হোৎনখিবা অসি প্রদক অসি মার্কেত্তা শন্দোকহনখিবা কক্তা নত্তনা অতোপ্পা উমংগী প্রদকশিংদগী তোঙান্না পুথোক্নবনি। মখোয়না পুজা তৌবা মতমদা শেংনা মৈ থাদুনা জৈগ্য তৌবা মতমদা কৎনবা সমিধা(শিংশিংনা জৈগ্য তৌবা) মখল ৭ খোম্বা অমসুং য়োনবা হৌরকখি।

 “মহারাস্ত্র সরকারগী মখাদা লৈবা শব্রী আদিবাসী বিত্ত বিকাস মহামন্দলনা বেকৱার্দ অমসুং ফোরৱার্দ ওইরবা লিঙ্কতগী মখোয়গী প্রদকশিং অদুগীদমক্তা মসিগী এস.ঐচ.জি.শিং অসি ত্রেন তৌনবা থৌরাং তৌরি। বেকৱার্দ লিঙ্কেজশিংদা, ঐখোয়না ত্রাইবেলশিং অদুনা মতম শাংনা ফংদুনা লৈবদা করিসু অকায়বা পীদনা গীলোয় অদু মতৌ করম্না লৌখৎলক্কদগে হায়বদু তাক্কনি, মসিনা হেন্না মতম শাংনা পোৎ ফংহনগনি অমসুং মখোয়দা মদুগী পাম্বীদুমক  থাবগী মতাংদা তম্বীগনি। ফোরৱার্দ লিঙ্কেজদা, মমল হেন্না ফংনবা গীলোয়শিং অদুদগী তোঙান-তোঙানবা প্রদকশিং করম্না পুথোক্কদগে হায়বগী থৌওং অদু ঐখোয়না তম্বিগনি”  মহারাস্ত্র সরকারগী মখাদা লৈবা শব্রী আদিবাসী বিত্ত বিকাস মহামন্দলগী মেনেজিং দিরেক্তর শ্রী নীতিন পাতিলনা হায়খি।

 

প্রধান মন্ত্রী বন ধন য়োজনানা এস.ঐচ.জি.শিংদা ৱর্কিং কেপিতেলশিং পীরি। মরম অসিনা মখোয়গী পোত্থোক অদু য়োনবদা ৱাদ্রে, অহোয়নদুম মখোয়না লৌখৎলুবা পোত্থোকশিং অদুগীদমক্তা ত্রাইবেলশিংদা খুদক্তা শেল থীবা ঙমহল্লে, মসিনা ত্রাইবেলশিংগী চাগা লেপ্তনা লাকহনবদা অচৌবা মতেং ওইরি হায়না শ্রী পাতিলনা পাওদমখি।

পী.এস.:

কনাগুম্বা মহারাস্ত্রগী নহাশিংনা আদিবাসী একাত্মিক সামাজিক সংস্থাগা থবক্কী মতাংদা ৱারী শান্নবা পাম্বীরগদি, লমজিং লমতাক্কীদমক্তা কুমারী রিতুঝা পনগাৱাকরদা  ৮৮৭৯৫৮৫১২৩ দা পাও ফাওবিরকপা য়াগনি।

 

বেকগ্রাওন্দ

প্রধান মন্ত্রী বন ধন য়ৌজনা( পী.এম.ভি.দি.ৱাই. ) অসি মফম অদুগী ওইবা মওংদা ত্রাইবেলগী চাগা পীকথহন্নবা উমংদা লৈবা ত্রাইবশিংগী মাইনর ফোরেস্ত প্রদ্যুস( এম.অফ.পী. )গীদমক্তা রিতেল মারকেতিংগী ভেল্যু হাপচিনবগী থৌরাং অমনি।  মসিগী থৌরাং অসিদা, এম.এফ.পী.-দা লৈবা চাওরাক্না মীওই ৩০০ মুক্কী ত্রাইবেল গ্রুপশিং/ইন্তরপ্রাইজেজশিং খোমজিন্নবা, ভেল্যু হাপচিন্নবা, পেকেত্তা য়োম্নবা অমসুং মাইনর ফোরেস্ত প্রদ্যুসশিং মারকেত্তিং তৌনবা শেমখ্রে।

মসিগী ত্রাইবেল ইন্তরপ্রাইজেজশিং অসি মীহুৎ ১৫-২০ ফাওবা লৈবা  বন ধন এস.ঐচ.জি. গ্রুকী মওংদা লৈরগনি অমসুং অসিগুম্বা এস.ঐচ.জি. গ্রুপশিং অসিনা মখা তানা হেন্না চাওথোরক্তুনা মীওই ৩০০ লোম লৈবা হেন্না চাওবা বন ধন বিকাস কেন্দ্র( ভি.দি.ভি.কে.এস. ) ওইরক্কদৌরে।

 তি.আর.আই.এফ.ই.দি.না ভি.দি.ভি.কে.এস.দা লল্লোন-ইতীক্কী মোদেলশিং ফংহন্দুনা থৌরাংশিং পাংথোক্নবা অমসুং এম.অফ.পী.শিংগী ভেল্যু হাপচিনবগী থবক পাংথোক্লিবা ইক্বিপমেন্তশিংগী তেন্তেতিব লিস্ত শেম্বদা তেংবাং পীগনি। মসিগী মরিক চুম্বা ৱারোলদি তি.আর.আই.এফ.ই.দি.গী ৱেবসাইত্তা ফংহন্নবা তৌরগনি। 

***

(Release ID: 1626768) Visitor Counter : 207