ইন্দিয়ন মেতিওরোলোজিকেল বিভাগকী নেস্নল ৱেদর ফোর্কাস্তিং সেন্তর/সাইক্লোন ৱার্নিং দিবিজনগী খ্বাইদগী নৌনা ফোংবা (আই.এস.তি. পুং ১৭৩০)গী মতুং ইন্না:

 (মরু ওইবা অপদেৎশিং অদু মচুনা তাক্লি)

বে ওফ বেঙ্গলগী নোংচুপ-ময়াইলোমদা শাথিবা নোংলৈ-নুংশিৎ ‘অম্ফান’ (উম-পুন হায়না পান্নবা) অসি অৱাং-অৱাং নোংপোক থংবদা হৌখিবা পুং ০৬ মনুংদা পুংদা কি.মি.১৮গী খোঙজেলদা শিৎলি অমসুং মে ১৯,২০২০গী আই.এস.তি. পুং ১৪৩০দা চাউরাকনা পারাদীপ (ওরিশা)গী খারোমদা কি.মি. ৪২০ নকনা, দীঘা  (নোংচুপ বেঙ্গল)গী খা-খা নোংচুপ লোমদা কি.মি. ৫৭০,অমসুং খেপুপারা (বঙ্গলাদেশ)কী খা-খা নোংচুপ লোমদা কি.মি. ৭০০দা অৱাংলোমগী লেতিচুদ ১৭°  মনাক্তা অমসুং বে ওফ বেঙ্গলগী নোংচুপ-ময়াইলোমদা লোঙ্গীচুদ ৮৬.৯° নোংপোক্লোমদা কা হেন্না শাথিবা উংদুনা লৈবা নোংলৈ-নুংশিৎ অমা ওইখি। মসি অৱাং-অৱাংনোংপোক্লোমদা বে ওফ বেঙ্গলগী অৱাং নোংচুপ লান্না অমসুং নোংচুপ বেঙ্গল লানথোক্তুনা- সুন্দরবন নক্না বঙ্গলাদেশকী সমুদ্র খোঙবানগী দীঘা (নোংচুপ বেঙ্গল) অমসুং হাতিয়া ইথৎ (বঙ্গলাদেশ)কী মরক্তা মে ২০, ২০২০গী নুংথিলদগী নুমিৎদাংৱাইরমগী মতমদা পুংদা কি.মি. ১৫৫-১৬৫দগী পুংদা কি.মি. ১৮৫ ফাওবগী খ্বাইদগী য়াম্না নুংশিৎনা লৈমায়দা হুম্বগা লোয়ননা শিৎলবা য়ানা লৈ। ভিশখাপতনম (আন্ধ্র প্রদেশ)কী দোপপ্লর ৱেদর রাদর  (দি.দব্লিউ.আর)না শাথিবা নোংলৈ-নুংশিৎ ‘অম্ফন’ অসি হৌজিক লেপ্পা লৈতনা ত্রেক তৌরি।

মখাগী তেবল অসিদা ফোরকাস্ত ত্রেক অমসুং অয়াংবগী মতাংদা পীরি:

(১) অকনবা নোংজুগী চেকশিনৱা:

ওরিশা

মে ১৯ দা ওরিশাগীসমুদ্র খোংবালদা অয়াম্বা মফমশিংদা নোং খজিক্তংদগী ময়ায় ওইরপ ফাওবগী চাংদা নোং চুরবা য়াই লোয়ননা মী য়াম্না তাদবা মফমশিং জগৎশিংপুর, কন্দ্রাপুর অমসুং ভদ্রাক জিলাশিংদাঅকনবদগী য়াম্না কনবা নোং চুরবা য়াই অমসুং জোইপুর, বালাসোর, কত্তক, ময়ুর্ভঞ্জ, খোর্ধা & পুরীগী জিলাশিংদা তোঙান্না য়াম্না কনবা নোং চুরবা য়াই অমসুং মে ২০,২০২০ দনা ওরিশাগী সমুদ্র খোংবালগী (জগৎশিংপুর, ভদ্রাক অমসুং কিয়োনঝরগর জিলাশিং) মীয়াম্না তাদবা মফমশিংদনা য়াম্না কনবা নোংদগী কা হেন্না কনবা নোং ফাওবা চুরবা য়াই।

নোংচুপ বেঙ্গল

ঙসি মে ১৯গী নুমিৎদাংৱাইরমদগী হৌরগা নোংচুপ বঙ্গালগী গঙ্গা খোঙবানদালৈবা জিলাশিংগী (নোংপোক মেদিনিপুর, খা অমদি অৱাংগী পার্গনাস ২৪) অয়াম্বা মফমশিংদা নোং খজিক্তংদগী ময়ায় ওইরপ ফাওবগী চাংদা চুরবা য়াই । মে ২০দা নোংজুগী চাং অসি তপ্না তপ্না কানশিল্লকপা য়ানা লৈ। অয়াম্বামফমশিংদা নোং কন্না অমদি মফম খরদা য়াম্না কনবা নোং চুরবা য়াই, মী য়াম্নাতাদবা নোংচুপ বঙ্গালগী গঙ্গা খোঙবানদা  (নোংপোক & নোংচুপ মেদিনিপুর, খা অমদি অৱাংগী পার্গনাস ২৪, হাউরা, হুগ্লি, কোলকতা অমদি থংনবা জিলাশিং)দা মে ২০, ২০২০দা কা হেন্না কনবা নোংচুরবা য়াই অমসুং মে ২১ ২০২০দা মনুং চনবা জিলাশিংদা তোঙান্না অকনবা নোং চু্রবা য়াই।

নোংচুপ বঙ্গালগী সব-হিমালয় অমসুং সিক্কিম

অয়াম্বা মফমশিংদা নোং খজিক্তংদগীময়ায় ওইরপ ফাওবগী চাংদা নোং চুরবা য়াই লোয়ননা মালদা অমসুং দিনাসপুরগী মফম খরদা মে ২০দা অকনবা নোংদগী য়াম্না কনবা নোং চুরবা য়াই অমসুং নোংচুপ বঙ্গালগী সব-হিমালয় অমসুং সিক্কিমগী অয়াম্বা জিলাশিংদনা মে ২১,২০২০দা য়াম্না কনবা নোং চুরবা য়াই।

অসাম অমসুং মেঘালয়

মে ২১দাঅয়াম্বা মফমশিংদা নোং খজিক্তংদগীময়ায় ওইরপ ফাওবগী চাংদা চুরবা য়াই লোয়ননা মে ২১দা অসামগী নোংচুপথংবা জিলাশিং & মেঘালয়গী মফম খরদা অকনবা নোং চুরবা য়াই।

 (২) নুংশিৎকি চেকশিনৱা

নোংচুপ বঙ্গাল & ওরিশা

• খা থংবা ওরিশাগী সমুদ্র খোঙবাল অমদিঅকোয়বদা নোং পুবা নুংশিৎ পুংদা কিলোমীতর ৫৫ দগী ৬৫ ফাওবগী চাংদগী হেনগৎতুনা পুংদা কিলোমীতর ৭৫ ফাওবা য়ৌনা অমসুং অৱাং থংবা ওরিশাগী সমুদ্র খোঙবাল অমদি অকোয়বদা পুংদা কিলোমীতর ৪০দগী ৫০ ফাওবগী চাংদগী হেনগৎতুনা পুংদা কিলোমীতর ৬০ ফাওবগী চাংদা শিৎলবা য়াই। ঙসি নুংথিলদা হায়রিবা নোং নুংশিৎ অসি কিলোমীতর ৫৫ দগী ৬৫ ফাওবগী চাংদা হেনগৎতুনা পুংদা কিলোমীতর ৭৫ ফাওবা অৱাং থংবা ওরিশাগী সমুদ্র খোঙবাল অমদি অকোয়বদালোয়ননা অহিংদা নোংচুপ বঙ্গালগী সমুদ্র খোংবাল অমদি অকোয়বদাশন্দোরকপা য়াই।

• হাইরিবা নুংশিৎ অসি তপ্না তপ্না হেনগৎলক্তুনা নোং পুবা নুংশিৎ ওইরক্তুনা তপ্না তপ্না হেনগৎলক্তুনা পুংদা কিলোমীতর ৭৫ দগী ৮৫ ফাওবগী চাংদগী হেনগৎতুনা মে ২০গী অয়ুক্তগী পুংদাকিলোমীতর ৯৫গী চাংদা অৱাং থংবা ওরিশাগী সমুদ্র খোংবাল  (জগৎসিংপুর, কন্দ্রাপুর, ভদ্রাক, বালাসোর, অমসুং ময়ুর্ভঞ্জগী জিলাশিং) অমদি নোংচুপ বঙ্গালগী সমুদ্রখোংবাল (নোংপোক & নোংচুপ মেদিনিপুর, খা অমদি অৱাংগী পার্গনাস ২৪, হাউরা, হুগ্লি, কোলকতা অমদি থংনবা জিলাশিং)দা হুমজিল্লকপা য়াই। মসিদগী হেনজিল্লক্তুনা মথক্তা পনখ্রিবা ওরিশাগী অৱাংথংবা জিলাশিংগী অকোয়বদা পুংদা কিলোমীতর ১০০-১১০ দগী ১২৫ফাওবগী চাংদগী হেনগৎতুনা হুমজিল্লকপা য়াই।
• নোং পুবা নুংশিৎ পুংদা কিলোমীতর ১৫৫ দগী ১৬৫ ফাওবগী চাংদগী হেনগৎতুনা পুংদা কিলোমীতর ১৮৫ ফাওবগী চাংদা নোংপোক মেদিনিপুর অমসুং অৱাং অমদি খাগী পার্গনাস ২৪, জিলাশিংদা অমসুং পুংদা কিলোমীতর ১১০-১২০ ফাওবগী চাংদগীহেনগৎতুনা পুংদা কিলোমীতর ১৩০ ফাওবগী চাংদা কোলকতা, হাউরা, হুগ্লি অমদি নোংচুপ মেদিনিপুর জিলাশিংদা কঙফালদা য়ৌরকপা মতমদা (২০গী নুংথিলদগী নুমিদাং ফাওবা) শিৎলবা য়াই।
• কনবা খংহেন হেনগৎলকপা নুংশিৎ অসিনা পুংদা কিলোমীতর ৫৫-৬৫ ফাওবগী চাংদগী হেনগৎতুনা পুংদা কিলোমীতর ৭৫ ফাওবগী চাংদা মে ২০, ২০২০দা ওরিশাগী পুরী, খোর্ধা,কত্তক,জোইপুর জিলাশিংদা শিৎলবা য়াই।

অরুবা সমুদ্রগী শরুক

• নোং পুবা নুংশিৎ পুংদা কিলোমীতর ২১০-২২০ ফাওবগী চাংদগীহেনগৎতুনা পুংদা কিলোমীতর ২৪০ ফাওবগী চাংদা বে ওফ বেঙ্গলগী নোংচুপ-ময়াইদা শিৎলবা য়াই। নোং পুবা নুংশিৎ পুংদা কিলোমীতর ২০০-২১০ ফাওবগী চাংদগী হেনগৎতুনা পুংদা কিলোমীতর ২৩০ বে ওফ বেঙ্গলগী অৱাংগা থংবদা ঙসি নুমিদাং ৱাইরম ,মে ১৯দা শিৎলবা য়াই। মসি পুংদা কিলোমীতর ১৬৫-১৭৫ ফাওবগী চাংদগী হেনগৎতুনা পুংদা কিলোমীতর ১৯৫তা ২০গী নুংথিলদগী তপ্না তপ্না হন্থরকপা য়াই।

 (3) সমুদ্রগী ফীভম:

• সমুদ্রগী ফীভম অসি ফেনোমিনেল ওই অমসুং নোংচুপ-মায়াইথংবা বে ওফ বেঙ্গলগী মখাথংবা শরুকশিংদা মথংগী পুং ৬ মখা চত্থখিবা য়াই। মসিনা ঙসি নুমিদাং ৱাইরম বে ওফ বেঙ্গলগী অৱাংথংবা শরুকশিং অমসুং অৱাংথংবা বে ওফ বেঙ্গলগী অকোয়বা মফমশিং অমসুং মে ২০, ২০২০দা অৱাংথংবা বে ওফ বেঙ্গলগী শরুক্তা ফেনোমিনেল ওইগনি।

 (৪) ঙামশিংদা পীবা চেকশিনৱা

• মে ১৯ দগী মে ২০, ২০২০ ফাওবগী মথংগী পুং ২৪গী মতমদা বে ওফ বেঙ্গগী নোংচুপ -ময়াইথংবরোমদা অমসুং খাথংবা বে ওফ বেঙ্গলগা তাইনবা ময়াইথংবা মফমশিং, ময়াইথংবা বে ওফ বেঙ্গল অমসুং অৱাংথংবা বে ওফ বেঙ্গলদা চংদনবা ঙামীশিংদা খঙহনখ্রে।
• অদুগা মে ২০, ২০২০ ফাওবা অৱাংথংবা বে ওফ বেঙ্গলগী অকোয়বদা লৈরিবা ওরিশা, নোংচুপ বঙ্গাল অমসুং তাইনবা বংলাদেশকী তোর্বানশিংদা চংদনবা ঙামীশিংদা হায়খ্রে।

 (৫) নোংলৈ নুংশিৎ শিৎলগনি হায়না পানবা:

• এস্ত্রোনোমিকেল তাইদকী মথক্তা চাউরাক্না মীতর ৪-৫তা শিৎকদবা নোংলৈ নুশিৎ অসিনা কংফাল য়ৌরকপা মতমদা খা & অৱাংথংবা ২৪ পার্গানাসগী লো লাইয়িং এরিয়াশিং অমসুং নোংচুপ বঙ্গালগী নোংপোকথংবা মেদিনিপুর জিলাশিংগীলো লাইয়িং এরিয়াশিংদা ৩-৪ মীতর ফাওবগী মথক্তা খঙহৌদনা শিৎলবা য়াই।  (ফিগর এনক্লোজ তৌরি)

 (৬) মাং তাকহল্লবা য়াই হায়না পানবশিংঅমসুং পাংথোক্কদবা থবকশিং

 (অ) নোংচুপ বঙ্গাল (নোংপোকথংবা মেদিনিপুর, খা & অৱাংথংবা ২৪ পার্গানা, হাউরা, হুগ্লি, কোলকতাগী জিলাশিং) 

মাং তাকহল্লবা য়াই হায়না পানবশিং:

• কৎচা য়ুম খুদিংমক চাউনা মাং তাকহনবা, শেমজিন্দ্রবা পক্কায়ুমশিং খরা মাং তাকহনবা। অপাইবা পোশকশিংদগী চাউনা খুদোংথীবা নংবা য়াবা।
• পাৱর অমসুং কম্যুনিকেসন পোলশিং য়াম্না চাউনা ফুকপা।
• মফম কয়াদা রেল/লম্বেল পাকশন্না শম্নবা ঙমদবা।
• হৌরিবা মহৈ মরোংশিং, প্লান্তেসনশিং, ওরচার্দশিং পাকশন্না মাংহনবা।
• য়ুবীশিং অমসুং পাল্ম পাম্বীশিং হুমদোকপা।
• মনা পুংবা পাম্বীশিং ফুক্তোকপা।
• অচৌবা হীশিং অমসুং জহাজশিং মশাগী উচুক্তগী পাইথোকখিবা য়াই।

ঙামীশিংগী চেকশিনৱা & পাংথোক্কদবা থবকশিং:

• মে ২০২০ ফাওবা ঙা ফাবগী থবকশিং পুমলেপ লেপ্পা।
• রেল অমসুং লম্বীগী ত্রাফিক হোংদোকপা নত্রগা লেপ্পা।
• শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা। লো লাইয়িং এরিয়শিংদগী ময়ুম হোংদোক্নবা মীয়ামদা হায়বা।
• মোতোর বোতশিং অমসুং অপীকপা জহাজশিং চৎথোক-চৎশিন তৌদবা।

 (আ) ওরিশা (জগৎসিংপুর, কেন্দ্রপারা, বাদ্রক, বালেশ্বর, জাজপুর & ময়ুরভঞ্জ)

মাং তাকহল্লবা য়াই হায়না পানবশিং:

• ইগী য়ুম খুদিংমক মাং তাংহনবা/ কৎচা য়ুম খুদিংমক চাউনা মাং তাকহনবা। অপাইবা পোশকশিংদগী চাউনা খুদোংথীবা নংবা য়াবা।
• পাৱর অমসুং কম্যুনিকেসন পোলশিং কোনবা/ফুকপা।
• কৎচা অমসুং পক্কা লম্বেলশিং চাউনা মাং তাকহনবা। রেলৱেজতা , মথক্তা পুরীবা পাৱর লাইনশিং অমসুং সিগ্নেলিং সিস্তেমশিং য়াম্না পীকনা অকাইবা পীবা।
• হৌরিবা মহৈ মরোংশিং, প্লান্তেসনশিং, ওরচার্দশিং পাকশন্না মাংহনবা, অশংবা য়ুবীশিং কেনবা অমসুং পাল্ম পাম্বীশিংগী মনা শেগায়বা। হৈনৌগুম্বা মনাপুংবা পাম্বীশিং হুমদোকপা।
• অপীকপা হীশিং, মশানা শাজবা হীশিং উচুক্তগী পাইথোকখিবা য়াই।

ঙামীশিংগী চেকশিনৱা & পাংথোক্কদবা থবকশিং:

• মে ২০২০ ফাওবা ঙা ফাবগী থবকশিং পুমলেপ লেপ্পা।
• রেল অমসুং লম্বীগী ত্রাফিক হোংদোকপা নত্রগা লেপ্পা।
• শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা।
• মোতোর বোতশিং অমসুং অপীকপা জহাজশিং চৎথোক-চৎশিন তৌদবা।

সিস্তেম অসিগী অপদেতকীদমক চানবীদুনা www.rsmcnewdelhi.imd.gov.in অমসুং www.mausam.imd.gov.inদা য়েংবীয়ু।

 (মসিগী লিঙ্ক অসিদা অকুপ্পা ৱারোল অমসুং অপদেৎ তৌরবা গ্রাফিকশিং য়েংবীয়ু)

****