ಕೋವಿಡ್-19 ಎದುರಿಸುವ ಭಾರತದ ಪ್ರಯತ್ನಗಳನ್ನು ಹೆಚ್ಚಿಸಲು ತಂತ್ರಜ್ಞಾನ ಅಭಿವೃದ್ಧಿ ಮಂಡಳಿಯಿಂದ ತಂತ್ರಜ್ಞಾನಗಳಿಗೆ ಅನುಮೋದನೆ

ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ (ಡಿಎಸ್‌ಟಿ) ಶಾಸನಬದ್ಧ ಸಂಸ್ಥೆಯಾದ ತಂತ್ರಜ್ಞಾನ ಅಭಿವೃದ್ಧಿ ಮಂಡಲಿ (ಟೆಕ್ನಾಲಜಿ ಡೆವಲಪ್‌ಮೆಂಟ್ ಬೋರ್ಡ್ - ಟಿಡಿಬಿ) ವಿಜ್ಞಾನಿಗಳು, ತಂತ್ರಜ್ಞರು, ಉದ್ಯಮಿಗಳು ಮತ್ತು ಕೈಗಾರಿಕೋದ್ಯಮಿಗಳ ಪ್ರಯತ್ನಗಳನ್ನು ಈ ತಂತ್ರಜ್ಞಾನಗಳ ವಾಣಿಜ್ಯೀಕರಣಕ್ಕೆ ಹಣಕಾಸಿನ ಸಹಾಯದಿಂದ ಪೂರ್ವಭಾವಿಯಾಗಿ ಬೆಂಬಲಿಸುತ್ತಿದೆ.. ಇದಲ್ಲದೆ, ಪ್ರಪಂಚ ಎದುರಿಸುತ್ತಿರುವ ಆರೋಗ್ಯ ರಕ್ಷಣೆಯ ತುರ್ತು ಪರಿಸ್ಥಿತಿಯನ್ನು ನಿಭಾಯಿಸುವಲ್ಲಿ ದೇಶದ ಪ್ರಯತ್ನಗಳನ್ನು ಬೆಂಬಲಿಸಲು ಟಿಡಿಬಿ ಹೊಸ ಪರಿಹಾರಗಳನ್ನು ಹುಡುಕುತ್ತಿದೆ.

ಕಳೆದ ಕೆಲವು ವಾರಗಳಲ್ಲಿ, ಟಿಡಿಬಿ ತನ್ನ ಮೌಲ್ಯಮಾಪನ ಪ್ರಕ್ರಿಯೆಯ ಮೂಲಕ ವಿವಿಧ ಕ್ಷೇತ್ರ (ಡೊಮೇನ್‌) ಗಳ ಅಡಿಯಲ್ಲಿ ಹೆಚ್ಚಿನ ಸಂಖ್ಯೆಯ ಅಪ್ಲಿಕೇಶನ್‌ಗಳನ್ನು ಪ್ರಕ್ರಿಯೆಗೊಳಿಸಿದೆ. ಇಲ್ಲಿಯವರೆಗೆ, ಟಿಡಿಬಿ ವಾಣಿಜ್ಯೀಕರಣದ ಕಡೆಗೆ ಆರು ಯೋಜನೆಗಳಿಗೆ ಅನುಮೋದನೆ ನೀಡಿದೆ, ಇದರಲ್ಲಿ ಥರ್ಮಲ್ ಸ್ಕ್ಯಾನರ್‌ಗಳು, ವೈದ್ಯಕೀಯ ಸಾಧನಗಳು, ಮುಖಗವಸುಗಳು ಮತ್ತು ರೋಗನಿರ್ಣಯದ ಕಿಟ್‌ಗಳು ಸೇರಿವೆ.

ಥರ್ಮಲ್ ಸ್ಕ್ಯಾನರ್‌ಗಳು

ವೈರಸ್ ಸೋಂಕಿನ ಲಕ್ಷಣಗಳನ್ನು ಪರೀಕ್ಷಿಸುವ ಸಾಮಾನ್ಯ ಪರೀಕ್ಷೆಗೆ ತಾಪಮಾನವನ್ನು ಪರೀಕ್ಷಿಸಲು ಬಳಸುವ ಕೈಯಲ್ಲಿ ಹಿಡಿಯುವ ಥರ್ಮಾಮೀಟರ್‌ಗಳು ಭದ್ರತಾ ಸಿಬ್ಬಂದಿ ಮತ್ತು ಆರೋಗ್ಯ ಕಾರ್ಯಕರ್ತರನ್ನು ಸೋಂಕಿಗೆ ಒಡ್ಡುತ್ತದೆ. ಲಾಕ್‌ಡೌನ್ ಕಾರಣದಿಂದಾಗಿ ಪ್ರಸ್ತುತ ನಿರ್ಬಂಧಗಳನ್ನು ತೆಗೆದುಹಾಕುವುದರಿಂದ ಈ ಅಪಾಯವನ್ನು ಹೆಚ್ಚಿಸುತ್ತದೆ.

ಆದ್ದರಿಂದ, ದೇಹದ ತಾಪಮಾನವನ್ನು ದೂರದಿಂದ ಮತ್ತು ಜನಸಂದಣಿಯಲ್ಲಿ ಮೇಲ್ವಿಚಾರಣೆ ಮಾಡಲು ದೇಹಕ್ಕೆ ತಾಗದಿರುವ ತಂತ್ರಜ್ಞಾನಗಳನ್ನು ಹೊಂದಿರುವುದು ಕಡ್ಡಾಯವಾಗುತ್ತದೆ. ಈ ಪರಿಹಾರಗಳನ್ನು ಒದಗಿಸಲು ಸಿದ್ಧವಾಗಿರುವ ಎರಡು ಬೆಂಗಳೂರು ಮೂಲದ ಕಂಪೆನಿಗಳಾದ ಕೊಕೊಸ್ಲ್ಯಾಬ್ಸ್ ಇನ್ನೋವೇಶನ್ ಸೊಲ್ಯೂಷನ್ಸ್ ಪ್ರೈವೇಟ್ ಲಿಮಿಟೆಡ್ ಮತ್ತು ಅಡ್ವಾನ್ಸ್ ಮೆಕ್ಯಾನಿಕಲ್ ಸರ್ವೀಸಸ್ ಪ್ರೈವೇಟ್ ಲಿಮಿಟೆಡ್‌ಗೆ ಟಿಡಿಬಿ ಹಣಕಾಸಿನ ನೆರವು ನೀಡಿದೆ.

ಕೋಕೋಸ್ಲ್ಯಾಬ್ಸ್ ಇನ್ನೋವೇಶನ್ ಸೊಲ್ಯೂಷನ್ಸ್ ಪ್ರೈವೇಟ್ ಲಿಮಿಟೆಡ್ ಜನಸಂದಣಿಯಲ್ಲಿ ದೇಹದಲ್ಲಿ ಅಸಹಜ ಉಷ್ಣತೆಯನ್ನು ಹೊಂದಿರುವ ವ್ಯಕ್ತಿಗಳನ್ನು ಗುರುತಿಸಲು ಕಡಿಮೆ ವೆಚ್ಚದ ಪರಿಹಾರವನ್ನು ವಾಣಿಜ್ಯೀಕರಿಸಲು ಯೋಜಿಸಿದೆ ಮತ್ತು ಅದೇ ಸಮಯದಲ್ಲಿ, ಗುರುತಿಸಲಾದ ವ್ಯಕ್ತಿಗಳ ಬಗ್ಗೆ ತಮ್ಮ ಫೋನ್‌ಗಳು ಮತ್ತು ಲ್ಯಾಪ್‌ಟಾಪ್‌ಗಳಲ್ಲಿ ಅಧಿಕಾರಿಗಳಿಗೆ ತಿಳಿಸಲು ಸೂಚನೆಯ ವ್ಯವಸ್ಥೆಯನ್ನು ಒದಗಿಸುತ್ತದೆ. ಸಾರ್ವಜನಿಕ ದಟ್ಟಣೆ ಸ್ಥಳಗಳಲ್ಲಿ ಒಂದು ನಿರ್ದಿಷ್ಟ ಸಮಯದಲ್ಲಿ ಅನೇಕ ಜನರ.

ಅಸಹಜ ತಾಪಮಾನ ಪತ್ತೆಗಾಗಿ, ಕಡಿಮೆ ವೆಚ್ಚದ ಥರ್ಮಲ್ ಕ್ಯಾಮೆರಾ (ಕೇವಲ ಥರ್ಮಲ್ ಇಮೇಜ್ ಕ್ಯಾಪ್ಚರ್ ಸಾಮರ್ಥ್ಯವನ್ನು ಹೊಂದಿರುವ ಬೇಸಿಕ್ ಕ್ಯಾಮೆರಾ), ಮತ್ತು ಜಿಪಿಯು ಸರ್ವರ್‌ಗಳನ್ನು ನೈಜ ಸಮಯದ ವೀಡಿಯೊ ವಿಶ್ಲೇಷಣಾ ವೇದಿಕೆಯನ್ನು ಬಳಸಿಕೊಂಡು ಕೃತಕ ಬುದ್ಧಿಮತ್ತೆ ತಂತ್ರಾಂಶವನ್ನು ನೈಜ ಸಮಯದ ಸೂಚನೆಗಳಿಗಾಗಿ ಬಳಸಲಾಗುತ್ತದೆ.

ಇದು ಒಂದೇ ಉತ್ಪನ್ನದಲ್ಲಿ ಮುಖಗವಸು ಧರಿಸಿರಲಿ ಇಲ್ಲದಿರಲಿ ವ್ಯಕ್ತಿಯ ವಯಸ್ಸು, ಪತ್ತೆ, ಲಿಂಗ, ಜನಾಂಗ, ತಾಪಮಾನದ ಅಂಕಿಅಂಶಗಳು (ಜ್ವರದ ಪತ್ತೆ), ಮತ್ತು ನೈಜ ಸಮಯದ ಪರಿಸರದಲ್ಲಿ ಅನೇಕ ಜನರನ್ನು ಪತ್ತೆಹಚ್ಚುವಂತಹ ಮುಖ ಗುರುತಿಸುವಿಕೆ ಮುಂತಾದ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಅಡ್ವಾನ್ಸ್ ಮೆಕ್ಯಾನಿಕಲ್ ಸರ್ವೀಸಸ್ ಪ್ರೈವೆಟ್ ಲಿಮಿಟೆಡ್ ಸಂಸ್ಥೆಯು ತ್ವರಿತ ಮಾಪನ ಮತ್ತು ನೈಜ-ಸಮಯದ ನಿರ್ಧಾರಕ್ಕಾಗಿ ತಂಪಾಗಿಸದ ಮೈಕ್ರೊಬೊಲೊಮೀಟರ್ ಮತ್ತು ವಿಡಿಯೋ ಅನಾಲಿಟಿಕ್ಸ್ ಪ್ಲಾಟ್‌ಫಾರ್ಮ್ ಬಳಸಿ ಇನ್ಫ್ರಾರೆಡ್ ಥರ್ಮೋಗ್ರಫಿ ಆಧಾರಿತ ತಾಪಮಾನ ಸ್ಕ್ಯಾನರ್ ಅನ್ನು ವಾಣಿಜ್ಯೀಕರಿಸಲು ಯೋಜಿಸಿದೆ ಇದನ್ನು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾಗಿದೆ, ಕೃತಿಕ ಬುದ್ಧಿಮತ್ತೆ (ಎಐ) ಮತ್ತು ಐಐಒಟಿ (ಇಂಡಸ್ಟ್ರಿಯಲ್ ಇಂಟರ್ನೆಟ್ ಆಫ್ ಥಿಂಗ್ಸ್) ಅನ್ನು ಬಳಸಿಕೊಂಡು ನೈಜ-ಸಮಯದ ಸೂಚನೆಗಳು ಮತ್ತು ವಿಶ್ಲೇಷಣೆಯನ್ನು ಒದಗಿಸುತ್ತದೆ.

ಉತ್ಪನ್ನದ ವಿನ್ಯಾಸ, ಇಮೇಜಿಂಗ್ ಪ್ರೊಸೆಸಿಂಗ್ ಸಾಫ್ಟ್‌ವೇರ್, ಎಐ ಪ್ರೋಟೋಕಾಲ್ಗಳ ಅಭಿವೃದ್ಧಿ ಮತ್ತು ಐಐಒಟಿ ಪರಿಹಾರಗಳ ಸಂರಚನೆಯನ್ನು ಗಟ್ಟಿತನ, ವಿಶ್ವಾಸಾರ್ಹತೆ ಮತ್ತು ಕೈಗೆಟುಕುವಿಕೆಗೆ ಸೂಕ್ತವಾದ ಪರಿಗಣನೆಗಳೊಂದಿಗೆ ಆಂತರಿಕವಾಗಿಯೇ ಅಭಿವೃದ್ಧಿಪಡಿಸಲಾಗಿದೆ. ಕಂಪನಿಯು ಸರ್ವರ್ ತಂತ್ರಜ್ಞಾನವನ್ನು ಸಹ ಅಭಿವೃದ್ಧಿಪಡಿಸಿದೆ, ಇದು ಐಐಒಟಿ ವ್ಯವಸ್ಥೆಗಳಿಗೆ ಮೌಲ್ಯವರ್ಧಿತ ವೈಶಿಷ್ಟ್ಯವಾಗಿದೆ.

ವೈದ್ಯಕೀಯ ಸಾಧನಗಳು

ಕೊಯಮತ್ತೂರಿನ ಲ್ಯಾಟೋಮ್ ಎಲೆಕ್ಟ್ರಿಕ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ಗೆ ಟಿಡಿಬಿಯು ಹಣಕಾಸಿನ ನೆರವಿಗೆ ಅನುಮೋದನೆ ನೀಡಿತು. ಐಸಿಯು ಮತ್ತು ಐಸೊಲೇಷನ್ ವಾರ್ಡ್‌ಗಳಿಗೆ ಸೂಕ್ತವಾದ ಸ್ವತಂತ್ರ ವೈದ್ಯಕೀಯ ರೇಡಿಯಾಗ್ರಫಿ ಸಾಧನಗಳಾಗಿ ಡಿಜಿಟಲ್ ಡಿಸ್ಪ್ಲೆಯೊಂದಿಗೆ ಬ್ಯಾಟರಿ ಚಾಲಿತ ಪೋರ್ಟಬಲ್ ಎಕ್ಸರೆ ಯಂತ್ರಗಳ ವಾಣಿಜ್ಯೀಕರಣವನ್ನು ಕಂಪನಿಯು ಯೋಜಿಸಿದೆ. ಈ ಸಾಧನವು ಪೋರ್ಟಬಲ್ ಆಗಿದೆ ಮತ್ತು ಅದನ್ನು ರೋಗಿಯ ಹಾಸಿಗೆಯ ಪಕ್ಕಕ್ಕೆ ಕೊಂಡೊಯ್ಯಬಹುದು, ಇದರಿಂದಾಗಿ ಈ ಪ್ರಕ್ರಿಯೆಯಲ್ಲಿ ತೊಡಗಿರುವ ವೈದ್ಯಕೀಯ ಸಿಬ್ಬಂದಿಗೆ ಸೋಂಕು ತಗಲುವ ಸಾಧ್ಯತೆ ಕಡಿಮೆಯಾಗುತ್ತದೆ. ವೈರ್ ಲೆಸ್ ವರ್ಕ ಫ್ಲೋ ಮತ್ತು ಪವರ್ ಮೆಯಿನ್ ಗಳಿಲ್ಲದ ನಿರಂತರ ಕಾರ್ಯಾಚರಣೆಗೆ ಬ್ಯಾಟರಿ ಬ್ಯಾಕ್ ಅಪ್ ಆಯ್ಕೆಯು ಉಪಯುಕ್ತವಾಗಿದೆ. ಕೋವಿಡ್-19 ನಿರ್ವಹಣಾ ಸೆಟ್‌ಅಪ್‌ನ ಪ್ರತ್ಯೇಕ ವಾರ್ಡ್‌ಗಳು ಮತ್ತು ತೀವ್ರ ನಿಗಾ ಘಟಕಗಳಲ್ಲಿ ಡಿಜಿಟಲ್ ಇಮೇಜಿಂಗ್ ಮತ್ತು ಬ್ಯಾಟರಿ ಬ್ಯಾಕ್ ಅಪ್ ಹೊಂದಿರುವ ಪೋರ್ಟಬಲ್ ಎಕ್ಸ್ ರೇ ಯಂತ್ರಗಳನ್ನು ಬಳಸಬಹುದು.

ಮುಖಗವಸುಗಳು

ಪುಣೆಯ ಥಿಂಕ್ರ್ ಟೆಕ್ನಾಲಜೀಸ್ ಇಂಡಿಯಾ ಪ್ರೈವೆಟ್ ಲಿಮಿಟೆಡ್ ಗೆ ಆರ್ಥಿಕ ನೆರವು ನೀಡಲಾಗಿದೆ. ಇದು ಕೋವಿಡ್-19 ವಿರುದ್ಧ ತಡೆಗಟ್ಟುವ ಕ್ರಮವಾಗಿ ಮುಖಗವಸುಗಳ ಮೇಲೆ ಆಂಟಿ-ವೈರಲ್ ಏಜೆಂಟ್‌ಗಳ ಲೇಪನ ಮತ್ತು 3 ಡಿ ಮುದ್ರಣವನ್ನು ಒದಗಿಸುತ್ತಿದೆ. ಸೋಡಿಯಂ ಒಲೆಫಿನ್ ಸಲ್ಫೋನೇಟ್ ಆಧಾರಿತ ಮಿಶ್ರಣವನ್ನು ಮುಖಗವಸಿನ ಲೇಪನಕ್ಕಾಗಿ ಬಳಸಲಾಗುತ್ತದೆ. ಇದು ಹೈಡ್ರೋಫಿಲಿಕ್ ಮತ್ತು ಹೈಡ್ರೋಫೋಬಿಕ್ ಗುಣಲಕ್ಷಣಗಳನ್ನು ಹೊಂದಿರುವ ಸಾಬೂನು ರೂಪಿಸುವ ಏಜೆಂಟ್. ಹೊದಿಕೆಯ ವೈರಸ್‌ಗಳ ಸಂಪರ್ಕದಲ್ಲಿ, ಇದು ವೈರಸ್ಸಿನ ಹೊರ ಪೊರೆಯನ್ನು ಅಡ್ಡಿಪಡಿಸುತ್ತದೆ. ಇದರಲ್ಲಿ ಬಳಸಿದ ವಸ್ತುಗಳು ಕೋಣೆಯ ಉಷ್ಣಾಂಶದಲ್ಲಿ ಸ್ಥಿರವಾಗಿರುತ್ತವೆ ಮತ್ತು ಸೌಂದರ್ಯವರ್ಧಕಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ.

ಡಯಾಗ್ನೋಸ್ಟಿಕ್ ಕಿಟ್‌ಗಳು (ರೋಗನಿರ್ಣಯದ ಕಿಟ್‌)

ನವದೆಹಲಿಯ ಮೆಡ್ಜೋಮ್ ಲೈಫ್ ಸೈನ್ಸ್ ಸಂಸ್ಥೆಯು ಪ್ರಸ್ತುತ ಮಲೇರಿಯಾ, ಡೆಂಗ್ಯೂ, ಪ್ರೆಗ್ನೆನ್ಸಿ, ಟೈಫಾಯಿಡ್ ಇತ್ಯಾದಿಗಳಿಗೆ ತ್ವರಿತ ರೋಗನಿರ್ಣಯದ ಕಿಟ್‌ಗಳನ್ನು ತಯಾರಿಸುತ್ತಿದೆ ಮತ್ತು ಪ್ರತಿದೀಪಕ ಆಧಾರಿತ ರಾಪಿಡ್ ಕೋವಿಡ್ -19 ಪತ್ತೆ ಕಿಟ್ ತಯಾರಿಸಲು ಉದ್ದೇಶಿಸಿದೆ. ಅವುಗಳನ್ನು 2-3 ತಿಂಗಳಲ್ಲಿ ವಾಣಿಜ್ಯಿಕವಾಗಿ ನಿಯೋಜಿಸುವ ಗುರಿ ಹೊಂದಿದೆ. ಪ್ರತಿದೀಪಕ-ಆಧಾರಿತ ರೋಗನಿರ್ಣಯ ಕಿಟ್‌ಗಳು ಹಲವಾರು ಪಟ್ಟು ಸೂಕ್ಷ್ಮವೆಂದು ವರದಿಯಾಗಿದೆ ಮತ್ತು ಪರಿಮಾಣಾತ್ಮಕ ಫಲಿತಾಂಶಗಳನ್ನು ನೀಡಲು ಸಾಧ್ಯವಾಗುತ್ತದೆ.

ಈ ಹಿಂದೆ, ಫ್ಲೂ ತರಹದ ರೋಗಲಕ್ಷಣಗಳನ್ನು ಪ್ರದರ್ಶಿಸುವ ಜನರ ಮಾದರಿಗಳನ್ನು ಪರೀಕ್ಷಿಸುವ ಮತ್ತು ಪತ್ತೆ ಮಾಡುವ ನೈಜ ಸಮಯದ ಪಿಸಿಆರ್ ಆಧಾರಿತ ಆಣ್ವಿಕ ರೋಗನಿರ್ಣಯ ಕಿಟ್ ಅನ್ನು ಅಭಿವೃದ್ಧಿಪಡಿಸಿದ ಮೊದಲ ಸ್ಥಳೀಯ ಕಂಪನಿಯಾದ ಪುಣೆಯ ಮೈಲಾಬ್ ಡಿಸ್ಕವರಿ ಸೊಲ್ಯೂಷನ್ಸ್‌ ಸಂಸ್ಥೆಗೆ ಧನಸಹಾಯವನ್ನು ಟಿಡಿಬಿ ಅನುಮೋದಿಸಿತ್ತು.

"ಕೋವಿಡ್-19 ರ ಸಮಯವು ಸ್ಥಳೀಯ ತಂತ್ರಜ್ಞಾನಗಳು ಮತ್ತು ಉತ್ಪನ್ನಗಳ ವ್ಯಾಪಾರೀಕರಣಕ್ಕೆ ಸ್ಪಷ್ಟ ಉದ್ದೇಶ, ಪ್ರಸ್ತುತತೆ, ಅಗತ್ಯ, ಬೆಂಬಲದ ಸುಲಭತೆ, ಪಾರದರ್ಶಕತೆ, ಸಮರ್ಪಣೆ, ಸಹಕಾರ ಮತ್ತು ಹೊಣೆಗಾರಿಕೆಯೊಂದಿಗೆ ಅಕಾಡೆಮಿ ಮತ್ತು ಸಂಶೋಧನಾ ಪ್ರಯೋಗಾಲಯಗಳಿಂದ ಜ್ಞಾನದ ಹಂಚಿಕೊಳ್ಳುವಿಕೆಯ ಸ್ವತಂತ್ರವಾದ ಸಂಪರ್ಕಿದಿಂದ ಹಲವು ಮಾರ್ಗಗಳನ್ನು ತೋರಿಸಿದೆ, ಟಿಡಿಬಿ ಬೆಂಬಲದ ವೇಗ ಮತ್ತು ಪ್ರಮಾಣವು ನಮ್ಮ ಹೊಸ ಸಾಮಾನ್ಯತೆಯ ಕೆಲವು ಬಲವಾದ ಉದಾಹರಣೆಗಳಾಗಿದ್ದು, ಅದು ಮಿಷನ್ ಸ್ವಾವಲಂಬನ್ - ಸ್ವಾವಲಂಬಿ ಭಾರತದಲ್ಲಿ ಸೇವೆ ಸಲ್ಲಿಸುತ್ತಲೇ ಇರುತ್ತದೆ." ಎಂದು ಡಿಎಸ್ ಟಿ ಕಾರ್ಯದರ್ಶಿ ಪ್ರೊ. ಅಶುತೋಷ್ ಶರ್ಮಾರವರು ಹೇಳಿದರು.

[ಹೆಚ್ಚಿನ ವಿವರಗಳಿಗಾಗಿ, ದಯವಿಟ್ಟು ಸಂಪರ್ಕಿಸಿ: ಕಮ್ಯಾಂಡರ್ ನವನೀತ್ ಕೌಶಿಕ್, ಎಸ್.ಸಿ. 'ಇ', ತಂತ್ರಜ್ಞಾನ ಅಭಿವೃದ್ಧಿ ಮಂಡಳಿ, navneetkaushik.tdb[at]gmail[dot]com , ಮೊ: + 91- 9560611391]

***