ہندوستان کے محکمہ موسمیات کی  موسم کی پیش گوئی کرنے والے قومی مرکز   /سائیکلون وارننگ ڈویژن کی  تازہ تارین ریلیز(ہندوستانی وقت کے مطابق 2030 بجے) تازہ ترین ریلیز میں کہا گیا ہے کہ :

آج 17 مئی 2020 کو  ہندوستانی وقت کے مطابق 1730 بجے بہت شدید سمندری طوفان امفان  (جس کو اُم۔ پُن کے نام سے پکارا جاتا ہے) جنوبی خلیج بنگال کے وسطی حصوں میں ہے اور 9 کلومیٹر فی گھنٹہ کی رفتار سے گزشتہ 6 گھنٹوں کے دوران شمال کی جانب بڑھ رہا ہے اورعرض البلد  12.0 ڈگری شمال اور طول البلد  86.0 ڈگری مشرق کے قریب ، پارادیپ (اڈیشہ)  کے جنوب میں  تقریباً 930 کلومیٹر ، دیگھا( مغربی بنگال) کے 1080 کلومیٹر جنوب ۔ جنوب مغر ب اور کھیپو پاڑہ (بنگلہ دیش) کے 1200 کلومیٹر  جنوب۔ جنوب مغرب، جنوبی خلیج بنگال کے وسطی حصے میں مرکوز ہوگیا ہے۔آئندہ 24 گھنٹے کے دوران اس کے مزید شدت اختیار کرنے  اور  انتہائی شدیدسمندری طوفان بن جانے کا امکان ہے۔آئندہ 12 گھنٹوں کے دوران  اس کے  قریب قریب شمال کی جانب آہستہ آہستہ بڑھنے  اور اس کے بعد  شمال  ۔ شمال مشرق  کی جانب مڑنے   اور  شمال مغرب خلیج بنگال  سے تیزی سے گزرنے  اور 20 مئی  2020 کی دوپہر  / شام کو  ایک شدید سمندری طوفان کے طور پر  دیگھا (مغربی بنگال) اور ہتیہ جزائر (بنگلہ دیش) کے درمیان  مغربی بنگال ۔ بنگلہ دیش کے ساحلوں سے گزرنے کا امکان ہے۔

سمندری طوفان کے بارے میں پیش گوئی اور شدت  کی تفصیل درج ذیل جدول میں دی جارہی ہے: 

 

شدید بارش کی تنبیہ

اوڈیشہ

ساحلی اڈیشہ میں  18 مئی کی شام سے  الگ الگ مقامات پر  شدید بارش کے ساتھ  کئی مقامات پر  ہلکی اور  درمیانی  درجے بارش  ہونے کا اکان ہے۔ 19 مئی کو  شمالی ساحلی اوڈیشہ  (جگت سنگھ پور، کیندر پاڑہ، جاج پور،  بھدرک،  بالاسور اور میور بھنچ اضلاع) میں کچھ مقامات پر  شدید سے بہت شدید بارش کے ساتھ زیادہ تر مقامات پر  بارش ہونے  اور  20 مئی 2020 کو  شمالی ساحلی اوڈیشہ (بھدرک، بالاسور اور میور بھنج اضلاع) میں  علیحدہ علیحدہ مقامات پر  شدید بارش  ہونے کا امکان ہے۔

مغربی بنگال

دریائے گنگا کے کنارے والے مغربی بنگال  کے ساحلی اضلاع (مشرقی میدنی پور، جنوبی اور شمالی 24 پرگنہ) اضلا ع میں   19مئی کو  علیحدہ علیحدہ مقامات پر  شدید بارش  کے ساتھ  کئی مقامات پر  ہلی اور درمیانے درجے کی بارش   ہونے کا امکان ہے۔دریائے گنگا کے کنارے والے مغربی بنگال  میں  علیحدہ علیحدہ مقامات  (شمالی اور مغربی میدنی پور، جنوبی اور شمالی  24 پرگنہ، ہوڑہ، ہبلی، کولکاتا اور منسلکہ اضلاع) میں  20 مئی کو  انتہائی شدید بارش اور  چند مقامات پر  بہت شدید بارش کے ساتھ  اور چند مقامات پر شدید سے بہت شدید بارش کے ساتھ زیادہ تر مقامات پر بارش ہونے کا امکان ہے۔

ہوا سے متعلق تنبیہ

مغربی بنگال اور وڈیشہ

• جنوبی اوڈیشہ کے ساحل کے ساتھ اور اس سے دور  18 مئی کی شام کو  45 سے 55 کلومیٹر  فی گھنٹہ  کی ہوائی اور  65 کلومیٹر فی گھنٹہ  کے جھکڑ چلنے کا  امکان ہے جو کہ  19 مئی کی صبح سے  شمالی اوڈیشہ کے ساحل کے ساتھ ساتھ  اور اس سے دور پہنچ سکتے ہیں اور 19 مئی کی ددپہر سے مغربی بنگال کے ساحل کے ساتھ ساتھ اور اس سے دور پہنچ سکتے ہیں۔
• بیس مئی کی صبح سے   شمالی اوڈیشہ  (جگت سنگھ پور، کیندر پاڑہ، بھدرک،  بالاسور  اور میور بھنج اضلاع)  اور مغربی بنگال (شمالی اور مغربی میدنی پور، جنوبی اور شمالی  24 پرگنہ، ہوڑہ، ہبلی، کولکاتا   اضلاع)کے  ساحل کے ساتھ ساتھ اور اس سے دور  75 ست 85 کلومیٹر  فی گھنٹہ کی رفتار سے  تیز ہواؤں کے  95 کلومیٹر فی گھنٹہ تک کے  جھکڑ میں تبدیل ہوں گی۔ 20 مئی 2020 کی دوپہر سے شمالی اوڈیشہ کے مذکورہ بالا اضلاع کے ساحل کے ساتھ ساتھ اور اس سے دور تیز ہوا ؤں کے آہستہ آہستہ  110 سے 120 کلومیٹر فی گھنٹہ کی رفتار  پکڑنے اور پھر  135 کلومیٹر فی گھنٹہ  کے جھکڑ میں تبدیل ہوجانے  مغربی بنگال کے  مذکورہ بالا  اضلاع کے ساحل  کے ساتھ سات   اور اس سے دور 120 سے 140 کلومیٹر  فی گھنٹہ کی رفتار سے ہوائیں چلنے اور ان کے 155 کلو میٹر فی گھنٹہ  کے جھکڑ میں تبدیل ہوجانے کا امکان ہے۔
• بیس مئی 2020 کو  اوڈیشہ کے پوری ، کھوردا، کٹک، جاج پور اضلاع میں  زور و شورکے ساتھ  55۔65 کلومیٹر  فی گھنٹہ کی ہوائی چلنے  اور ان کے 75 کلومیٹر  فی گھنٹہ کے جھکڑ میں تبدیل ہوجانے کا امکان ہے۔

گہرہ سمندری علاقہ

• جنوب مشرق اور منسلکہ   جنوب مغرب خلیج بنگال  میں  125 سے 135  کلومیٹر فی گھنٹہ  کی رفتار سے ہوائی چلنے اور ان کے 150 کلومیٹر فی گھنٹہ کے جھکڑ میں تبدیل ہونے کا امکان ہے۔ 18 مئی کی صبح تک  وسطی  خلیج بنگال کے  جنوبی حصے میں  150۔140 کلومیتر فی گھنٹہ کی تیز ہوائیں  اور 165 کلومیٹر فی گھنٹہ کے جھکڑ چلنے کا امکان ہے، 19 مئی کو وسطی خلیج بنگال اور  منسلکہ  شمالی خلیج بنگال  کے  شمالی حصوں میں  170۔180 کلومیٹر فی گھنٹہ   سے 200 کلومیٹر فی گھنٹہ تک کے جھکڑ  اور  20 مئی کو  شمالی خلیج بنگال میں  155۔165 سے  180 کلومیٹر فی گھنٹہ تک کے جھکڑ چلنے  کا امکان ہے۔

سمندری صورت حال

آئندہ 24 گھنٹے کے دوران  جنوبی خلیج بنگال اور  منسلکہ وسطی خلیج بنگال  کے وسطی حصوں میں  سمندری صورتحال غیر معمولی رہے گی۔ وسطی خلیج بنگال کے جنوبی حصوں میں  آج رات سے  وسطی خلیج بنگال  اور منسلکہ  شمالی خلیج بنگال  کے شمالی حصوں میں  19 مئی کو اور شمالی خلیج بنگال میں 20 مئی 2020 کو  سمندر کی سورتحال غیر معمولی رہے گی۔

ماہی گیروں کے لئے تنبیہ

• ماہی گیروں کو مشورہ دیا جاتا ہے کہ آئندہ 24 گھنٹے کے دوران  جنوبی خلیج بنگال میں  17 سے  18 مئی تک  وسسطی خلیج بنگال میں  اور 18 سے 20 مئی 2020 تک   شمالی خلیج بنگال میں  نہ جائیں۔
• اس کے علاوہ  ماہی گیروں کو یہ مشورہ بھی دیا جاتا ہے کہ وہ  18 سے 20 مئی تک کے دوران  شمالی اوڈیشہ ، مغربی بنگال اور منسلکہ بنگلہ دیش کے ساحلوں  کے ساتھ ساتھ اور اس سے دور   شمالی خلیج بنگال  میں   نہ جائیں۔

نقصان کا امکان اور  مجوزہ کارروائی

(الف) مغربی بنگال ( شمالی میدنی پور، جنوبی اور شمالی 24 پرگنہ، ہوڑہ، ہبلی، کولکاتا اضلاع)

متوقع نقصانات:

• ہر طرح کے کچے مکانات کو زبردست نقصا ن، پرانے اور خستہ ہال پکے ڈھانچوں کو کچھ نقصان ہونے کی توقع۔اڑنے والی چیزوں سے  خطرے کا امکان۔
• مواصلات اور بجلی کے کھمبوں  کے اکھڑنے کا امکان۔
• کئی مقامات پر ریل/ سڑک رابطہ  ٹوٹنے کا امکان۔
• کھڑی ہوئی فصلوں، پیڑ پودوں، باغیچوں  کو زبردست نقصان۔
• پام اور ناریل کے درختوں  کے گرنے کا امکان۔
• بڑے  گھنے درختوں کے اکھڑنے کا امکان۔
• بڑی کشتیوں  اور جہازوں کے لنگر ٹوٹنے کا امکان

ماہی گیروں کے لئے تنبیہ اور مجوزہ کارروائی:

• اٹھارہ سے 20 مئی 2020 کے دوران  ماہی گیری کے تمام کام پوری طرح  بند رکھے جائیں۔
• ریل اور سڑک نقل و حمل کو  معطل کیا جائے۔
• متاثرہ علاقوں میں لوگ  گھروں کے اندر رہیں۔ نچلے علاقوں سے لوگوں کو نکالا  جائے۔
• موٹر بوٹ اور چھوٹے جہازوں  کی آمد و رفت کی صلاح نہیں دی جاتی۔

(ب) اوڈیشہ  (جگت سنگھ پور، کیندر پاڑہ، بھدرک، بالاسو، جاج پور اور میور بھنج)

متوقع نقصان:

• چھپر والے گھروں  کی مکمل  تباہی  /  کچے مکانات کو زبردست نقصان /پکے مکانات کو کچھ نقصان۔ اڑنے والی چیزوں سے  خطرے کا امکان۔
• بجلی اور مواصلات  سے متعلق کھمبوں کے مڑ جانے / اکھڑ جانے کا امکان
• کچی اور پکی سڑکوں کو بڑا نقصان۔ ریلوے ، اوور ہیڈ پاور لائن ، سگنلنگ نظام  کو چھوٹا موٹا نقصان
• کھڑی ہوئی فصلوں، پیڑ پودوں، باغیچوں  کوبڑے پیمانے پر  نقصان۔ ہرے  ناریلوں کے گرنے ،  پام  درختوں  کو نقصان کا  امکان۔
• گھنے درختوں جیسے آم کے درختوں کے گرنے کا امکان۔
• چھوٹی کشتیاں اور کرافٹ  لنگر سے الگ ہوسکتے ہیں۔

ماہی گیروں کے لئے تنبیہ اور مجوزہ کارروائی:

• 18 سے 20 مئی 2020 کے دوران  اوڈیشہ کے ساحل کے ساتھ ساتھ  اور اس سے دور ماہی گیری کے تمام کام پوری طرح معطل کردیں۔
• ریل اور سڑک نقل و حمل کی ہوشیاری سے  ضابطہ بندی۔
• متاثرہ علاقوں کے لوگ گھروں کے اندر رہیں۔
• موٹر بوٹ اور چھوٹے جہازوں پر نکلنا غیر محفوظ ہے۔
• ماہی گیری کی چھوٹی کشتیاں  لنگر سے الگ ہوسکتی ہیں اور انہیں نقصان پہنچ سکتا ہے۔

سسٹم کے بارے میں اپ ڈیٹ کے لئے براہ کرم  www.rsmcnewdelhi.imd.gov.in

اور

www.mausam.imd.gov.in دیکھیں۔

(نیچے دی گئیں تصاویر دیکھیں)

 

                                                        ۔۔۔۔۔۔۔۔۔۔۔         

م ن۔  ا گ۔ن ا۔

 

U-2593

                          

(Release ID: 1624850) Visitor Counter : 212