نئی دہلی، 14  مئی 2020  /  بھارت کے محکمہ موسمیات نے  کی طرف سے جاری سمندری طوفان سے متعلق وارننگ کے ڈویژن نے کہا ہے کہ  جنوب مشرقی خلیج بنگال اور اس کے آس پاس کے جنوبی انڈمان سمندر پر کل کے ہوا کے کم دباؤ والے علاقے  کو آج 14 مئی 2020 کی صبح جنوب مشرقی خلیج بنگال کو ہوا کے کم دباؤ والے علاقے کی طور پر نشاندہی کی گئی ہے۔

بہت زیادہ امکان ہے کہ یہ کل 15 مئی کو جنوبی خلیج بنگال کے وسطی علاقوں پر مرکوز ہو جائے اور مزید شدت اختیار کر کے  16 تاریخ کی شام تک اسی علاقے پر ایک سمندری طوفان میں بدل جائے۔  اغلب امکان ہے کہ یہ 17 مئی تک ابتدائی طور پر شمال مشرق کی طرف بڑھے اور پھر 18 اور 19 مئی کو شمالی خلیج بنگال کی طرف شمال – شمال مشرق کی طرف  مڑ جائے۔

موسم کے اس نظام کے دوران  ایسا بھی ہو سکتا ہے کہ یہ 16 مئی 2020 کے آس پاس جنوبی خلیج بنگال ، انڈمان سمندر اور انڈمان نکوبار جزیروں پر جنوب مغربی مانسون کے طور پر پہنچ جائے۔

اس نظام کے تحت امکان ہے 15 مئی اور اس کے بعد جنوبی اور وسطی خلیج بنگال اور اس کے آس پاس انڈمان سمندر پر یہ خراب موسم کی شکل اختیار کر لے ۔

وارننگس :

(i) بارش  (انڈمان  اور نکوبار جزیروں پر ) : 15 اور 16 مئی کو انڈمان اور نکوبار جزیروں پر  زیادہ تر علاقوں میں ہلکی سے اوسط بارش کے امکانات ہیں۔  ان دو دنوں میں انڈمان اور نکوبار میں الگ الگ جگہوں پر بھاری بارش کی بھی امکانات ہیں۔

 ii۔ بارش (اڈیشہ اور گنگائی مغربی بنگال پر )

امکان ہے کہ ساحلی اڈیشہ میں 18 مئی کو کچھ جگہوں پر ہلکی سے اوسط بارش اور کہیں پر بھاری بارش ہو  اور 19 تاریخ کو کچھ جگہوں پر بھاری سے بہت بھاری بارش ہو۔ گنگائی مغربی بنگال کے ساحلی ضلعوں میں بھی 19 تاریخ کو کچھ جگہوں پر ہلکی سے اوسط درجے کی بارش اور بھاری بارش ہونے کے امکانات ہیں۔ جبکہ 20 مئی کو گنگائی مغربی بنگال پر کچھ جگہوں پر بھاری سے بہتر بھاری بارش کے امکانات ہیں۔

(ii)     ہوا سے متعلق وارننگ         

(iii) سمندر ی حالات :

• 15 اور16 مئی کو دوپہر خلیج بنگال کے جنوبی اور نوحی وسطی علاقے اور انڈمان کے سمندر پر موسم کے حالات  خراب سے بہت خراب رہیں گے۔  16 مئی  کی شام سے 17 مئی تک جنوب مغربی اور نواحی مغرب وسطی خلیج بنگال پر موسم خراب سے بہت خراب رہے گا۔  18 مئی کو مغرب وسطی اور نواحی علاقے ، مشرق وسطی اور شمال مشرقی خلیج بنگال پر نیز 19 مئی 2020 کو شمالی اور اس سے نواحی وسطی خلیج بنگال پر بھی موسم خراب سے بہت خراب رہے گا۔

(iv)    ماہی گیروں کو مشورہ

• ماہی گیروں کو مشورہ دیا جاتا ہے کہ وہ 15 مئی 2020 سے خلیج بنگال کے جنوب اور وسط میں نہ جائیں ۔ جو لوگ سمندر کے اس علاقے میں ہیں انہیں کل تک ساحل پر واپس آنے کا مشورہ دیا گیا تھا۔
• ماہی گیروں کو یہ بھی مشورہ دیا جاتا ہے کہ وہ 18 تاریخ کو شمالی آندھرا پردیش کے ساحل سے کچھ دور مغرب وسطی خلیج بنگال میں نہ جائیں  اور 18 مئی 2020 سے اڈیشہ  - مغربی بنگال کے  ساحل کے پاس اور اس سے کچھ دور شمالی خلیج بنگال میں نہ جائیں۔ اور جو لوگ سمندر کے اس علاقے میں چلے گیے ہیں  انہیں 17 مئی تک واپس آنے کا مشورہ دیا جاتا ہے۔

اس پورے نظام پر نگرانی رکھی جا رہی ہے اور متعلقہ ریاستی سرکاروں کو لگاتار معلومات فراہم کی جا رہی ہے۔

تازہ جانکاری کےلیے برائے مہربانی اس ویب سائٹ پر  www.rsmcnewdelhi.imd.gov.in اور  اس ویب سائٹ پر  www.mausam.imd.gov.in لاگ آن کریں۔

 ۔۔۔۔۔۔۔۔۔۔۔۔۔۔۔۔۔۔   

م ن ۔ ا س۔ ت ح ۔

U - 2525