লৈবাক অসিগী য়ুনিতী ইন দাইবর্সিতী হায়বা ৱাখল্লোন অসিবু সেলেব্রেৎ তৌনবা সরকারনা এক ভারত শ্রেস্থ ভারত কেম্পেন তৌরি। হ্যুমেন রিসোর্স দিবেলপমেন্ত মন্ত্রালয়না অতোপ্পা খুৎশম্নবা মন্ত্রালয় অমসুং রাজ্যশিংগা লোইননা পাংথোক্লিবা ই.বি.এস. বি. কেম্পেনগী নোদল মন্ত্রালয়নি। কোবিদ-১৯না মরম ওইদুনা লোকদাউন তৌজবা তারবসু কেম্পেন অসিগী খোংজেল কাইদনবগীদমক, ইন্দিয়ন ইন্সতিত্যুৎ ওব ইনফোর্মেসন তেক্নোলোজী গুৱাহাতীনা হন্দক্তা নৌনা পোস্তর শেম্বগী চাংদম্নবা অমা পাঙথোকখ্রে। লোকদাউন্না মরম ওইদুনা ওনলাইন্দা পাঙথোক্লিবা চাংদম্নবসিদা মহৈরোইশিংনা ময়ুম-ময়ুমদগী শরুক য়াননবা খঙহনখি।

চাংদম্নবা অসিগী হীরমদি "রাজস্থান তুরিজম অমসুং ত্রাবেল" হায়বনি।

কোবিদ-১৯না মরম ওইদুনা মহৈরোই, স্তাফ অমসুং ফেকলতীশিংনা কেম্পস থাদোক্নখিবনা মরম ওইদুনা  ইন্সতিত্যুৎ কয়াগী থবক থৌরমশিং লেপ্লি। আই.আই.আই.তি.জি.গী ই.বি.এস.বি.গা মরী লৈনবা থবক  থৌরমশিংদসু অকাইবা থোক্লে। অদুম ওইনমক, আই.আই.আই.তি.জি.না এপ্রিল, ২০২০গী থাগী ওইবা ই.বি.এস.বি.গী থৌরম অদু মে ১, ২০২০দা পাংথোকখি। আই.আই.আই.তি.জি.না ই.বি.এস.বি.গী বেন্নর মখাদা মপাং ওইরিবা রাজ্য রাজস্থানগী মতাংদা ঐখোয়গী মহৈরোইশিংদা ৱাখল লৌশিং পীনবা হোৎনবগী থৌরমশিং পাঙথোক্নবা লেপ্লি।

কালরাব-লিতরেরী ক্লব, আই.আই.আই.তি. গুৱাহাতীগী মহৈরোইশিংনা থৌরম অদুবু লুচিংদুনা শিনখি। কুমারী মেঘনা সিংহ অমসুং কুমারী প্রিয়ঙ্কা কুমারী, বি.তেক অহানবা চহীগী মহৈরোই অমসুং ক্লব অসিগী অচংবা থৌমী ওইরিবী অনীনা ওনলাইন/রিমোৎ ওইবা থৌরম অদুবু কোওর্দিনেৎ তৌখি। মসিগী পোস্তর শেম্বগী থৌরম অসি কাংলুপ অনী থোক্না খায়দোক্লি- দিজিতেল অমসুং হেন্দমেদ কাংলুপ। লৈবাক অসিদগী অপুনবা মীওই ১৪ দিজিতেল কাংলুপ্তা মাপন অমসুং হেন্দমেদ কাংলুপ্তা মঙানা ময়ুমদগী শরুক য়াখি।

দিজিতেল পোস্তর শেম্বগী কাংলুপ্তা শরুক য়াখিবা মহৈরোইশিংদি, আতিক, কে.এন., জি. প্রনয়, প্রিয়ঙ্কা কুমারী, অমিতেস কুমার, গুরনুর সিংহ, প্রিয়াম রাজ, রিচা, সাই কুমার মেধা, উৎকর্স কুমারনি। হেন্দমেদ পোস্তর শেম্বগী কাংলুপ্তা শরুক য়াখিবা মহৈরোইশিংনা, জে. পুজিতা, রোহিত জৈন, সয়ান্তানি দত্তা, জিশু য়াদব, অনন্যানি। দিজিতেল অমসুং হেন্দমেদ পোস্তরশিং অদু মখোয়গী দিজাইন, কন্তেন্ত অমসুং ক্রিয়েতিবিতী, ওরিজিনেলিতীদা য়েংদুনা লেপখি। ইন্সতিত্যুৎঅসিনা তোপতোপ্পা পোস্তর কয়া ফংখি। মহৈরোই খুদিংমক তশেংনা কন্না হোৎনখি অমসুং রাজস্থান অমসুং মসিগী ফজবা হায়বসি পুথোকপা ঙম্বা  ফজবা পোস্তর কয়া পুথোকখি।

দিজিতেল পোস্তর শেম্বগী চাংদম্নবদা অতিক কাম্লেসনা অহানবা মনা, জি. প্রনয়না অনীশুবা মনা অমসুং প্রিয়াঙ্কা কুমারীনা অহুমশুবা মনা ফংখি। হেন্দমেদ পোস্তরগী কাংলুপতনা জাদি পুনিতানা অহানবা মনা অমসুং রোহিত জৈন্না অনীশুবা মনা ফংখি।

****