ইন্দিয়া লৈঙাক্কী সাইন্স এন্দ তেক্নোলোজী লোয়শঙগী মখাদা মনীং তম্না লৈজবা ইন্দিয়ন ইনস্তিত্যুৎ ওফ এস্ত্রোফিজিক্স (আই.আই.এ.)গী থিজিল্লোয়শিংনা লিথিয়ম মরাং কায়না য়াওবা থৱানমিচাক অচৌবা চা কয়া পুথোক্তুনা হায়রিবা থৱানমিচাকশিং অসিনা লিথিয়ম পুথোকই অমদি ইন্তর্স্তেলর মেদিয়মদা লিথিয়ম মরাং কায়না য়াওবগী মরম ওইবা য়াই হায়বা উৎখ্রে‍। মখোয়না অসিগুম্না লিথিয়ম মরাং কায়হল্লিবা অসি রেদ ক্লম্প জাইন্ত হায়নসু খঙনবা ময়ায়দা হেলিয়ম চাকপা থৱানমিচাকশিংগসু মরী শাগত্তুনা রেদ জাইন্ত থৱানমিচাকশিং ওল্লকপগী খোঙচত্তা অনৌবা মায়ওন অমা হাংদোক্লে‍।

আই.আই.এ.গী দাঃ ইস্বর রেদ্দী অমদি মহাক্কী মহৈরোয় দীপক অমসুং রঘুবর সিংহনা এস্ত্রোফিজিকেল জর্নেল লেতর্স অমসুং মন্থলী নোতিস ওফ রোয়েল এস্ত্রোনোমিকেল সোসাইতী (এম.এন.আর.এ.এস.)দা ইকুই কুইদনা ফোঙখিবা মখোয়গী থিজিন ৱারোলদা লিথিয়মগী হৌজিক লৈরিবা ভেল্যু A(Li) =3.2 dex (হাইদ্রোজেনগা মান্ননা লোগারিথম স্কেলদা ওনবদা) অসিগা মান্নবা অদুগা অতোপ্পা খরদনা শরুক ১০ হেন্না লিথিয়ম চাং ৱাংনা য়াওবা জাইন্ত কয়া মরুম ফংখিবগী মরমদা ইরি‍।

হেক হৌরকঙৈদগী লিথিয়ম মরাং কায়না (A(Li) =3.2 dex) লৈজরক্লে উৎপা মোদেল ওইরিবা বিগ বেং ন্যুক্লিওসিন্থেসিস (বি.বি.এন.)দা থোরকপা হেক হৌরকঙৈ মতমদগী লৈজরক্লবা পোৎচাক অহুমগী মনুংদা হাইদ্রোজেন অমসুং হেলিয়ম (He)গী মথক্তা লিথিয়ম (Li)সু অমনি‍। অদুবু হৌজিক ইন্তর্স্তেলর মেদিয়মদা অমসুং য়ামনা নৌরিবা থৱানমিচাকশিংদা য়াওরিবা লিথিয়মগী চাং অসিদি হৌরকঙৈদগী লৈজরকপা ভেল্যুদগী শরুক মরি হেল্লি‍। মরম অসিনা ঐখোয়গী গেলেক্সীদা লিথিয়ম চাং ৱাংনা য়াওবগী হৌরকফম খঙদোকপা হায়বসি থিজিল্লোয়শিংগী মফমদদি বিগ বেং ন্যুক্লিওসিন্থেসিস অমদি স্তেলর মিক্সিংগী থৌওং অচুম্বনি উৎনবগীদমক্তা অচৌবা লম অমনি‍। কার্বোন অমদি ওক্সিজেনগুম্বা অরুম্বা নুক্লিশিংদা ইনর্জী ৱাংবা কোস্মিক রে পোৎচাকশিংনা য়ৈশিনবদা লিথিয়মগুম্বা অয়াংবা পোৎচাকশিং পুথোকপগী রিএক্সনশিংগী মথক্তা থৱানমিচাকশিংবু গেলেক্সীসীদা লৈরিবা লিথিয়মগী হৌরকফমনি হায়নসু ৱাফম হৌদোক্নবা লৈরিবনি‍। মসিনা তাক্লিবদি থৱানমিচাকশিং শেম্লক্লিবা অশেংবা লিথিয়ম অসি থৱানমিচাকশিংদা লায়না থেংনবা য়াম্না নেম্বা তেম্পরেচর 2.5X10⁶ Kগী চাংদা চাকপা মরম্না থৱানমিচাক্কী মপুন্সি লোইরকপা মতমদা অদুমক লোইজখি‍।

কাংবু অদুনা স্তেলর এস্ত্রোফিজিক্সকী মতম কুইরবা ৱাফম অসিবু খঙদোক্নবা খোঙ থাংজিনখিবনি‍। মখোয়না গেলেক্সীসীদা মাস য়ামদনা ওল্লকপা থৱানমিচাকশিংগী মরক্তা লিথিয়ম চাং ৱাংনা য়াওবা থিদোক্তুনা সেম্পল মশিং হেনগৎহনবা অমদি হায়রিবা লিথিয়ম চাং ৱাংনা য়াওবা থৱানমিচাকশিং ওল্লকপগী চপ চাবা তাঙ্ককশিং খঙদোকপা হায়রিবা মায়ওন অনি লোঙবা থৌওং শিজিন্নখি‍। অচৌবা লৈমায়গী অমদি তরংগী মিসনশিংদগী দেতা শিজিন্নদুনা মখোয়না লিথিয়ম চাং ৱাংনা য়াওবা রেদ জাইন্ত চা কয়া পুথোকখি‍। মখোয়না থিজিল্লিবা অসিনা লিথিয়ম চাং ৱাংবা জাইন্ত মশিং হেনগৎহল্লবসু হায়রিবা জাইন্তশিং অসি গেলেক্সী অসিগী অপুনবগী চাদা ১গী চাংখক্তমক ওইরি‍।

থিজিল্লোয়শিংদুনা মৈশা অমদি মৈঙালগী মতুং ইন্না য়েংদুনা জাইন্তশিংসিগী মরী লৈনবা ফীভমশিং নৈনদুনা অমসুং মখোয়গী মনীং তম্বা দেতা সেৎ অদু নাসাগী প্লানেৎ থিননবা মিসন কেপ্লর স্পেস তেলেস্কোপ্তগী ফংলকপা দেতা শিজিন্নদুনা এতমোসফেরিক ওক্সিলেসন্দা লৈননদুনা হায়রিবা জাইন্তশিংসি ওল্লকপগী তাঙ্ককশিং খঙদোকখি‍। মখোয়গী করেক্তরিস্তিক ফ্রিক্বেন্সী অমসুং প্রেসর (পি) মোদ অমদি গ্রেভিতী (জি) মোদকী পেরদ স্পেসিং খঙদোক্তুনা থিজিল্লোয়শিংদুনা ময়ায়দা হেলিয়ম চাকপা নত্ত্রগা হাইদ্রোজেন ফ্যুজন্না মরম ওইদুনা ময়ায়দা লেংদ্রবা হেলিয়মগী ঊৎশিং য়াওবা থৱানমিচাকশিংদু খায়দোকপা ঙমলমই‍।

মরূওইনা, মখোয়না অহানবা ওইনা রেদ ক্লম্প জাইন্ত হায়নসু খঙনবা ময়ায়দা হেলিয়ম চাকপা থৱানমিচাকশিংগা লিথিয়ম হেনগৎহনবগা মরী লৈনৈ হায়বা উৎখি‍। ফংলক্লিবা মরূওইবা মচাক অসিনা প্লানেৎ য়োৎশিনবা নত্ত্রগা রেদ জাইন্ত ওল্লকপগী থৌওং মনুংদা ময়ায়দা লৈবা হেলিয়ম মৈ চাক্তে হায়বা ন্যুক্লিওসিন্থেসিসনচিংবা পুথোক্নরক্লিবা থিওরী কয়া অমা মাংহনখিবদা মতেং ওইরগনি‍।

• এস্তেরোসিজমিক দেতা ফংবা লিথিয়ম চাং ৱাংনা য়াওবা জাইন্তশিং (অঙাংবা স্ক্বারশিং) অসি ময়ায়দা হেলিয়ম চাকপগী তাঙ্কক্কী শরুক্তা লৈরি‍। (Singh et al. এপ্রিল, ২০১৯)

[পব্লিকেসনগী অকুপ্পা ৱারোলঃ এস্ত্রোফিজিকেল জর্নেল লেতর্স (Singh et al. 2019): https://iopscience.iop.org/article/10.3847/2041-8213/ab2599/pdf

মন্থলী নোতিসেস ওফ রোয়েল এস্ত্রোনোমিকেল সোসাইতী (এম.এন.আর.এ.এস.) (দীপক & রেদ্দী: 2019, Deepak etal.:2020) https://doi.org/10.1093/mnras/staa729; https://doi.org/10.1093/mnras/stz128]