ভারতকী কোম্পিতিসন কমিসন (সি.সি.আই.)না এ.বি.বি. লিমিতেদকী পাৱরগ্রিদ বিজিনেস্তা হিতাচীনা শরুক ৮১.০১% ওইনবগীদমক পুখৎলকপা ৱাফমদা অয়াবা পীখ্রে। কমিসনগী ভিদিও কনফরেন্সকী থোংদা ঙসি পাংথোকখিবা মীফমদা অয়াবা অসি পীখিবনি।

পুখৎলকখিবা থৌরাং অদুগী মখাদা হিতাচী লিমিতেদ (হিতাচী)না এ.বি.বি. লিমিতেদ (এ.বি.বি.)দগী এ.বি.বি. মেনেজমেন্ত হোল্দিং এ.জি. (এ.বি.বি. মেনেজমেন্ত)গী শেয়র কেপিতেল ৮০.০১% লৌশিনবগী ৱাফম পুখৎলকখি। এ.বি.বি. মেনেজমেন্তনা এ.বি.বি. (তার্গেৎ বিজিনেস)গী মপুং ফাবা পাৱর গ্রিদ বিজিনেস পাইশিনগনি।

হিতাচী জাপানগী কম্পেনী হিতাচী গ্রুপ ওফ কম্পেনীজগী শরুক অমনি। মসি আই.তি. সোলুসন, ইনর্জী সোলুসন, ইন্দস্ত্রী সোলুচন, অমসুং স্মার্ত লাইফ সোলুসন য়াওনা তোঙানবা তোঙানবা লমদা বিজিনেস তৌই।

তার্গেৎ বিজিনেস্তা পাৱর গ্রিদ সেক্তরগী পোৎথোকশিং, সিস্তেম অমসুং প্রোজেক্তশিংগী দিবেলপমেন্ত ইঞ্জিনীয়রিং, মেন্যুফেকচরিং অমসুং পোৎথোকশিং য়োনবা য়াওরি।

সি.সি.আই.গী ওর্দরগী ৱারোল থুনা ফংবীরগনি।