ভাৰতীয় প্ৰতিযোগিতা আয়োগ
‘এবিবি লিমিটেড’ৰ শক্তি-গ্ৰীড ব্যৱসায়ৰ ৮০.১% অধিগ্ৰহণ কৰাৰ বাবে ‘হিটাচী’য়ে আগবঢ়োৱা প্ৰস্তাৱলৈ ‘চিচিআই’-ৰ অনুমোদন
Posted On:
07 APR 2020 8:15PM by PIB Guwahati
‘এবিবি লিমিটেড’ৰ শক্তি-গ্ৰীড ব্যৱসায়ৰ ৮০.১ অংশ অধিগ্ৰহণ কৰাৰ বাবে ‘হিটাচী’ প্ৰতিষ্ঠানে আগবঢ়োৱা প্ৰস্তাৱলৈ অনুমোদন জনাইছে ‘কম্পিটিশ্যন কমিছন অব ইণ্ডিয়া’(চিচিআই)-ই। ‘ভিডিঅ’ কনফাৰেন্সিং’ ব্যৱস্থাৰে আজি অনুষ্ঠিত এখন সভাত ‘চিচিআই’-য়ে এই সিদ্ধান্ত গ্ৰহণ কৰে।
প্ৰস্তাৱটোৰ মৰ্মে ‘হিটাচী’-ৰ ‘এবিবি মেনেজমেণ্ট হল্ডিং এজি’(এবিবি মেনেজমেণ্ট)-য়ে ‘এবিবি লিমিটেড’ৰ মূলধনী অংশীদাৰিত্বৰ ৮০.১% অধিগ্ৰহণ কৰিব। ‘এবিবি মেনেজমেণ্ট’-য়ে শক্তিখণ্ডত থকা ‘এবিবি’-ৰ ‘লক্ষ্য ব্যৱসায়’-ৰ সমুদায় ব্যৱসায়িক দায়িত্ব গ্ৰহণ কৰিব।
উল্লেখ্য যে, শক্তি-গ্ৰীড খণ্ডৰ বিকাশ, আভিযান্ত্ৰিক, উত্পাদনী আৰু উত্পাদিত সামগ্ৰীসমূহৰ বিপণন, পদ্ধতি আৰু প্ৰকল্প সম্পৰ্কীয় সকলো কাৰ্যক্ৰম ‘লক্ষ্য ব্যৱসায়’-ৰ অন্তৰ্ভুক্ত হৈ থাকে।
জাপানত মুখ্য কাৰ্যালয় থকা ‘হিটাচী প্ৰতিষ্ঠান’ হ’ল ‘হিটাচী গ্ৰুপ অব কোম্পানীজ’-ৰ জন্মদাতা প্ৰতিষ্ঠান। এই প্ৰতিষ্ঠানৰ অন্তৰ্ভুক্ত প্ৰতিষ্ঠানসমূহ তথ্য-প্ৰযুক্তি, শক্তি, উদ্যোগ, প্ৰচালন তথা সপ্ৰতিভ জীৱনশৈলীৰে জড়িত বিভিন্ন উপকৰণৰ নিৰ্মাণ আৰু ইয়াৰ প্ৰযুক্তিগত সমাধানৰ দৰে ক্ষেত্ৰসমূহৰে জড়িত হৈ আছে।
****
RM/KMN/KB
(Release ID: 1612196)
Visitor Counter : 118