প্রধানমন্ত্রীগী লোইশঙ
প্রধান মন্ত্রী অমসুং রিপব্লিক ওফ কোরিয়াগী রাস্ত্রপতিগী মরক্তা তেলিফোন্দা ৱারী শানখ্রে
Posted On:
09 APR 2020 3:54PM by PIB Imphal
প্রধান মন্ত্রী শ্রী নরেন্দ্র মোদী অমসুং রিপব্লিক ওফ কোরিয়াগী রাস্ত্রপতি হিজ এক্সিলেন্সী মুন জে-ইনগী মরক্তা ঙসি তেলিফোন্দা ৱারী শানখ্রে।
প্রধান মন্ত্রী মোদীনা মমাং চহিদা রিপব্লিক ওফ কোরিয়াদা চৎখিবা মহাক্কী খোংচৎ অদু নৌহৌনা নীংশিংখি অমদি লৈবাক অনিগী মরক্তা হেঙ্গৎলক্লিবা অচেৎপা মরীদা অপেনবা ফোংদোকখি।
লুচিংবা অনিনা মালেমগী লাইচৎ কোবিদ-১৯ অমসুং মসিনা মরম ওইদুনা গ্লোবেল হেল্থ সিস্তেম অমসুং শেল-থুমগী ফিভমদা ওইরক্লিবা শিংনবশিংগী মরমদা খন্ন-নৈনখি। মখোয়না লাইচৎ অসি থেংননবা মখোয়-মখোয়গী লৈবাকশিংদা লৌখৎলিবা খোংথাংশিংগী মতাংদা ইনফোর্মেশন শেয়র তৌনখি।
প্রধান মন্ত্রীনা ক্রাইসিস অসি থেংননবগীদমক রিপব্লিক ওফ কোরিয়ানা শিজিন্নরিবা তেক্নোলোজীদা য়ুম্ফম ওইবা রেস্পোন্সগীদমক থাগৎপা ফোংদোকখি। ইন্দিয়ন ওথোরিতীশিংনা ভারতকী য়াম্লবা মীয়াম্বু অপুনবগী থৌনাগা লোয়ননা লাইচৎ অসি থেংননবগীদমক মোতিবেৎ তৌরিবা মতৌ অসিবু রাস্ত্রপতি জে-ইন্না থাগৎপা ফোংদোকখি।
ভারত্তা লৈরিবা কোরিয়াগী নাগরিকশিংবু ইন্দিয়ন ওথোরিতীনা পীরিবা তেংবাংগীদমক কোরিয়াগী রাস্ত্রপতিনা প্রধান মন্ত্রীবু থাগৎখি।
প্রধান মন্ত্রীনা ইন্দিয়ন কম্পেনীশিংনা ফংলিবা মেদিকেল ইক্বিপমেন্তশিংগী সপ্লাই অমসুং ত্রান্সপোর্ত লাইথোকহনবগীদমক রিপব্লিক ওফ কোরিয়া সরকারবু থাগৎপা ফোংদোকখি।
লুচিংবা অনিনা মখোয়গী এক্সপার্তশিংনা অমনা অমগা মখা তানা তাথোক-তাশিন তৌবা অমসুং এক্সপরিয়েন্সশিং শেয়র তৌবদা য়ানখি। মখোয়না কোবিদ-১৯গীদমক সোলুসনশিং রিসর্স তৌরি।
প্রধান মন্ত্রীনা রাস্ত্রপতি মুনগী মফমদা রিপব্লিক ওফ কোরিয়াদা ইকুই কুইদনা পাংথোক্কদৌরিবা নেস্নেল এসেমব্লী মীখলগীদমক য়াইফ-পাউজেল পীখি।
(Release ID: 1612633)
Visitor Counter : 213
Read this release in:
Punjabi
,
English
,
Urdu
,
Marathi
,
Hindi
,
Assamese
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam