భారీగా మంచు పడుతున్నా లెక్క చేయకుండా భారత సైన్యం వాస్తవాధీన రేఖ వద్ద సాహసోపేతంగా దాడి చేసి భారత భూభాగంలోకి చొరబడేందుకు ప్రయత్నిస్తున్న ఐదుగురు పాక్ మద్దతు గల ఉగ్రవాదుల ప్రయత్నాలు విఫలం చేసింది.

కొందరు చొరబాటుదారులు ఆ ప్రాంతంలో కదలాడుతున్నారన్న సమాచారం అందడంతోనే నిపుణుడైన పారా ఎస్ఎఫ్ యూనిట్ కు చెందిన ఒక జూనియర్ కమిషన్డ్ ఆఫీసర్ కమాండ్ లో  సైనికులను హెలీకాప్టర్లలో తరలించారు. సరిహద్దులో ఉభయ వర్గాల మధ్య తీవ్ర స్థాయిలో ప్రత్యక్ష పోరాటం జరిగిన అనంతరం ఆ ఐదుగురు ఉగ్రవాదులు హతం అయ్యారు.

ఈ పోరాటంలో భారత సైన్యం కూడా ఐదుగురు సైనికులను కోల్పోయింది. ముగ్గురు దాడి జరిగిన ప్రాంతంలోనే మరణించగా ఇద్దరు సమీపంలోని మిలిటరీ ఆస్పత్రికి తరలించిన అనంతరం చికిత్స పొందుతూ ప్రాణాలు కోల్పోయారు. 

సుబేదార్ సంజీవ్ కుమార్ సారథ్యంలో ఆ ప్రాంతానికి తరలించిన భారత ప్రత్యేక సైనిక దళాల్లో హవల్దార్ దవేంద్ర సింగ్, పారాట్రూపర్ బాలక్రిష్ణన్, పారాట్రూపర్ అమిత్ కుమార్, పారాట్రూపర్ ఛత్రపాల్ సింగ్ ఉన్నారు.

ఈ దాడిలో మరణించిన సాహసోపేతులైన సైనికులకు భారత సైన్యం గౌరవ వందనం చేసింది. శత్రు సేనల నుంచి భారత సరిహద్దులను కాపాడుతూనే ఉంటామని మరోసారి ప్రతిజ్ఞ చేసింది.
కల్నల్ ఆమన్ ఆనంద్
పిఆర్ఓ (ఆర్మీ)