نئی دہلی، 13  مارچ / وزیراعظم جناب نریندر مودی کی صدارت میں  اقتصادی امور کی کابینہ  نے 2020 سیزن کے لئے  ناریل  کے لئے  کم از کم امدادی قیمت  (ایم ایس پی) کو منظوری دے دی ہے۔

پسائی والے ناریل کی   صاف ستھری اوسط   کوالٹی(ایف اے کیو) کے لئے ایم ایس  پی  کو  2020 سیزن کے لئے بڑھاکر    9960 روپے  فی   کوئنٹل  کردیا گیا ہے جبکہ 2019 میں یہ    9521 روپے   فی کوئنٹل تھی۔2020 سیزن کے لئے   سوکھے ناریل کی   ایم ایس پی کو بڑھاکر   10300  روپے فی کوئنٹل کردیا گیا  جبکہ 2019 میں یہ  9920 روپے فی کوئنٹل تھی۔  اس سے    پسائی والےناریل   کےمعاملے میں 439 روپے فی کوئنٹل اور   سوکھےناریل کے معاملے میں 380 روپے فی کوئنٹل کا فائدہ ہوگا۔  

یہ اقدام     کل ہند  سطح پر    پیدا وار کی اوسط     لاگت پر    پسائی والے ناریل کے لئے 50 فی صد  اور   سوکھے ناریل کے  لئے 55 فی صد  منافع کو یقینی بنانے کے لئےکیاگیا ہے۔

یہ منظوری زرعی لاگتوں اور قیمتوں   سے متعلق کمیشن  (سی اے سی  پی) کی سفارشات کی   بنیاد پر   دی گئی ہے۔

2020 کے سیزن کے لئے    ناریل کی ایم سی میں   یہ اضافہ   کل ہند  سطح پر   پیداوار کی اوسط لاگت     کے کم از کم ڈیڑھ گنا    سطح پر    ایم ایس پی مقرر کرنے کے اصول کے مطابق  کیا گیا ہے، جس کا اعلان    حکومت نے   بجٹ 19-2018 میں کیا تھا۔

اس سے  سال 2022 تک کسانوں کی آمدنی کو دوگنا بنانے  کو ممکن بنانے  کی سمت میں   ایک اہم اور   ترقی  پسند   اقدام کے طور پر     کم از کم پچاس فی صد منافع کو یقینی  بنایا گیا ہے۔

ناریل  اگانے والی ریاستوں نے    ایم ایس پی میں    امدادی  قیمت کو    نافذ کرنے کے سلسلہ میں  نیشنل ایگریکلچرل   کوآپریٹیو   مارکیٹنگ فیڈریشن آف انڈیا لمیٹڈ   (نیفیڈ)  اور نیشنل کوآپریٹیو   کنزیومر  فیڈریشن  آف انڈیا لمیٹیڈ  (این سی سی ایف)  مرکزی    نوڈل ایجنسیوں کی طرح کام کرتی رہیں گی۔  

گزشتہ سال   جب تمل ناڈو میں    قیمتوں میں گراوٹ آئی تھی، تو    حکومت ہند نے    ایم ایس پی پر   خریداری کے ذریعہ    صحیح وقت پر   مداخلت کی تھی۔   اس سے    بازار کے حوصلو ں میں اضافہ ہوا اور ناریل کے کسانوں کو  فائدہ ہوا۔

ہندستان  دنیا میں ناریل  کی پیداوار اور  پیداواری صلاحیت کے معاملے میں   پہلے مقام پر ہے۔

۔۔۔۔۔۔۔۔۔۔

 م ن۔ اگ ۔ ۔ ج۔

U- 1216