وزارت خزانہ
مرکزی عام بجٹ 21-2020 کی اشاعت کا عمل ، حلوہ تقریب کے ساتھ شروع
Posted On:
20 JAN 2020 12:43PM by PIB Delhi
مرکزی عام بجٹ 21-2020 کی اشاعت کا عمل حلوہ تقریب کے ساتھ آج صبح نارتھ بلاک میں شروع ہوا۔ یہ تقریب خزانے اور کارپوریٹ اُمور کی مرکزی وزیر محترمہ نرملا سیتارمن کی موجودگی میں شروع ہوا۔
مرکزی عام بجٹ 21-2020 یکم فروری 2020 کو پیش کیا جانا ہے۔ بجٹ کی راز داری برقرار رکھنے کے لئے بجٹ کی تیاری میں شامل افسران کو ’’ بند کمرے میں رکھا گیا ہے‘‘۔ نارتھ بلاک کے اندر قائم بجٹ پریس میں مرکزی بجٹ پیش کئے جانے تک ان افسران کو اسی مقام پر رہنا ہوگا۔ یہ افسران اور عملہ اسی وقت اپنے عزیز واقارب سے مل سکیں گے جب پارلیمنٹ میں مرکزی وزیر خزانہ بجٹ پیش کردیں گی۔
حلوہ تقریب میں محترمہ سیتارمن کے ساتھ خزانے اور کارپوریٹ امور کے مرکزی وزیر مملکت جناب انوراگ سنگھ ٹھاکر، خزانے کے سکریٹری جناب راجیو کمار ، ڈی ای اے کے سکریٹری جناب اتانو چکرورتی، مالئے کے سکریٹری ڈاکٹر اے بی پانڈے، ڈی آئی پی اے ایم کے سکریٹری جناب توہن کانت پانڈے ، اخراجات کے سکریٹری جناب ٹی وی سومناتھن اور وزارت خزانہ کے دیگر افسران نے شرکت کی۔
سی بی ڈی ٹی کے چیئرمین جناب پی سی موڈی، سی بی آئی سی کے چیئرمین جناب جان جوزف، سی بی ڈی ٹی اور سی بی آئی سی کے ا رکان ، بجٹ کے جوائنٹ سکریٹری جناب رجت مشرا اور وزارت خزانہ کے دیگر افسران اور عملہ، جو بجٹ کی تیاری اور اس کی اشاعت کے عمل میں سرگرم ہیں، اس موقع پر موجود تھے۔ بعد میں وزیر خزانہ نے پریس کا جائزہ لیا اور بجٹ کے اشاعت کے عمل کے بارے میں واقفیت حاصل کی۔
۔۔۔۔۔۔۔۔۔۔۔۔۔۔۔۔۔۔۔۔۔۔
U-265
(Release ID: 1599843)
Visitor Counter : 88