نئی دہلی،17؍جنوری، کولکاتا کے  ستیہ جیت رے  فلم اینڈ ٹیلی ویژن انسٹی ٹیوٹ ( ایس آر ایف ٹی آئی) اور  پونے کے فلم اینڈ ٹیلی ویژن انسٹی ٹیوٹ آف انڈیا (ایف ٹی آئی آئی )  میں  ، جو  فلم سازی اور ٹیلی ویژن  پرو ڈکشن کے  ممتاز تعلیمی ادارے ہیں،  داخلہ لینے کے  خواہش مند امیدواروں کو اس سال سے  کئی مرحلوں والے  انتخابی عمل سے گزرنا ہوگا۔

اس انتخاب کا پہلا مرحلہ کل ہند سطح کا تحریری امتحان ہوگا، جسے مشترکہ داخلہ ٹسٹ (جے ای ٹی – 2020)  کہا جائے گا۔ جے ای ٹی  -2020  ایف آر ایف ٹی آئی  اور  ایف ٹی آئی آئی  کے کسی بھی پروگرام میں داخلے کے لئے لازمی ہوگا۔ جے ای ٹی – 2020  تین گھنٹے کا تحریری  امتحان ہوگا  جس میں  آبجیکٹو ٹائپ اور  مضمون پر مبنی  سو الات ہوں گے اور یہ امتحان  پورے ملک میں  26 مرکزوں  پر کرایا جائے گا۔ جے ای ٹی  - 2020  میں حاصل کردہ  نمبر وں کی بنیاد پر  ایس آر ایف ٹی آئی  اور ایف ٹی آئی آئی  امیدواروں کو  انتخابی عمل کے دوسرے مرحلے کے لئے  کال لیٹر جاری کرے گا۔ اس مرحلے کے بعد  تیسرا مرحلہ  ذاتی انٹرویو پر مبنی ہوگا۔ تمام ضروری  مرحلوں   میں کامیابی حاصل کرنے کے بعد طلباء کو  سال  2020 کے  تعلیمی سال کے لئے  ریگولر پروگرام میں داخلہ مل سکے گا۔

اس سال ایس آر ایف ٹی آئی ، جے ای ٹی  -2020 امتحان  انعقاد کررہا ہے جو  15 فر وری   2020 بروز ہفتہ  اور 16 فروری  2020 بروز  اتوار   منعقد ہوں گے ۔ اس سلسلے میں  ملک بھر کے مختلف حصوں میں داخلے سے متعلق سیمینار منعقد کئے جارہے ہیں تاکہ  مشترکہ داخلہ ٹسٹ  (جے ای ٹی  - 2020) کے بارے میں معلومات  فراہم کی جاسکے۔ خواہش مند امیدوار  اپنی  پسند کی تاریخ اور مقام میں سیمینار میں شرکت کرسکتے ہیں۔

کورس اور امتحان کی تفصیلات کے لئے  مندرجہ ذیل لنک پر رابطہ کریں۔

جے ای ٹی  ویب سائٹ: https://applyadmission.net/jet2020

ایف ٹی آئی آئی ویب سائٹ : http://ftii.ac.in/

ایس آر ایف ٹی آئی ویب سائٹ: http://srfti.ac.in/

۔۔۔۔۔۔۔۔۔۔۔۔۔۔۔۔۔

U-246

(Release ID: 1599699) Visitor Counter : 153