نئیدہلی  18دسمبر۔حکومت ہند کی کامرس اور صنعت کی وزارت کے کامرس کے محکمے کے سکریٹری  جناب انوپ وادھون   اور جی ای ایم کے چیئرمین نے آج نئی دلی میں  ایک قومی آؤٹ ریچ  پروگرام  جی ای ایم سمواد  کا آغاز کیا۔یہ آؤٹ ریچ پروگرام   جہاں  مقامی  اشیا فروخت کرنے والوں   کو بازار فراہم کرانے  اور   خریداروں  کی مخصوص ضرورتوں   اور حصولیابی کی ضرورتوں کو پورا کرنے کے لئے  پورے ملک میں  متعلقین  کے لئے نافذ کیا جائے گا۔

          یہ آؤٹ ریچ  پروگرام   ملک کی تمام ریاستوں  اور مرکز کے زیر انتظام خطوں  کا احاطہ کرے گا اور 19دسمبر  2019 سے  17فروری  2020 تک نافد کیا جائے گا۔

          جی ای ایم  میں  15لاکھ  مصنوعات  اور تقریباََ  20  ہزار خدمات  تین لاکھ سے زائد رجسٹرڈ   دوکاندار   اور خدمات فراہم کرانے والے   اور    40 ہزارسے زائد  سرکاری خریدار تنظیمیں    شامل ہیں ۔

          اپنے تین سال کی قلیل مدت میں   جی ای ایم نے 4000 کروڑروپے کی مالیت کی اشیا کے  28 لاکھ سے زائد  آرڈرس   پر عمل درآمد کیا ہے، جن میں سے  50فیصد  اشیا  کی فراہمی  ایم ایس ایم ایز  سے کی گئی ہے ۔

          سرکاری محکمے ،تنظیمیں   اور سرکاری شعبے  کی صنعتیں  اپنی  خریداری کی ضرورتوں  کے لئے جی ای ایم استعمال کررہی ہیں۔ ریاستوں کے دوکاندار  بھی   اس پورٹل کو استعمال کرکے قومی سرکاری حصولیابی کے بازار تک رسائی   سے استفادہ کررہے ہیں۔ جی ای ایم سمواد کے ذریعہ  یہ بازار    استعمال کرنے والوں کے تاثرات حاصل کرنے کا خواہشمند ہے ،جس  کو  سسٹم   کو مزید بہتر بنانے کے لئے استعمال کیا جائے گا۔

          گورنمنٹ  ای – مارکیٹ  پلیس   (جی ای ایم ) ایک قومی سرکاری  حصولیابی کا  پورٹل ہے ، جو مرکزی اور ریاستی  سرکاری محکموں، سرکاری شعبے کے اداروں  ، خود کفیل اداروں  اور مقامی اداروں    کی  حصولیابی کی تمام ضرورتوں کے لئے  مکمل  حل فراہم کراتا ہے۔  9  اگست  2016  میں  اپنے آغاز سے ہی  جی ای ایم نے ٹکنالوجی کے استعمال  اور حصولیابی کو  بغیر رابطے والی  بغیر کاغذ اور نقدرقم کے استعمال   والی بناکر  ملک میں سرکاری حصولیابی کی کایا پلٹ کرتی ہے ۔

          جی ای  ایم سمواد  کے لئے  پروگرام   ویب سائٹ  :https://gem.gov.inپردستیاب ہے۔

۰۰۰۰۰۰۰۰۰۰۰۰۰۰۰۰۰۰۰۰۰

م ن ۔ا گ۔رم

U-5906