প্ৰধানমন্ত্ৰীৰ কাৰ্যালয়

প্ৰধানমন্ত্ৰীৰ প্ৰধান সচিব নৃপেন্দ্ৰ মিশ্ৰৰ পদত্যাগ

Posted On: 30 AUG 2019 6:51PM by PIB Guwahati

প্ৰধানমন্ত্ৰীৰ প্ৰধান সচিব শ্ৰী নৃপেন্দ্ৰ মিশ্ৰই তেওঁৰ দায়িত্বৰ পৰা অব্যাহতি বিচাৰি প্ৰধানমন্ত্ৰীলৈ পত্ৰ প্ৰেৰণ কৰিছে৷ প্ৰধানমন্ত্ৰীয়ে তেওঁক দুসপ্তাহৰ বাবে কাৰ্যনিৰ্বাহ কৰি থাকিবলৈ অনুৰোধ জনাইছে৷ ইফালে, প্ৰধানমন্ত্ৰীয়ে শ্ৰী পি.কে.সিনহা(অৱসৰপ্ৰাপ্ত আইএএছ, উত্তৰ-প্ৰদেশ:৭৭)ক প্ৰধানমন্ত্ৰী কাৰ্যালয়ত বিশেষ কৰ্তব্যৰত বিষয়া হিচাপে নিযুক্ত কৰিছে৷

এক বিবৃতিত শ্ৰী নৃপেন্দ্ৰ মিশ্ৰই কয়,

সন্মানীয় প্ৰধানমন্ত্ৰী শ্ৰী নৰেন্দ্ৰ মোদীৰ তত্ত্বাৱধানত দেশক সেৱা আগবঢ়োৱাৰ সুযোগ লাভ কৰি মই গৌৰৱন্বিত৷ মোক এই সুযোগ দিয়াৰ বাবে আৰু মোৰ ওপৰত সম্পূৰ্ণ আস্থা ৰখাৰ বাবে প্ৰধানমন্ত্ৰীক মই কৃতজ্ঞতা জ্ঞাপন কৰিছো৷

যোৱা পাঁচ বছৰত দায়বদ্ধতাৰে প্ৰতিটো মুহূৰ্ত কাম কৰি মই উপভোগ কৰিছিলো৷ এতিয়া মই আগবাঢ়ি যোৱাৰ সময় সমাগত৷ অৱশ্যে দেশ আৰু জাতিৰ বাবে সদায় সেৱা আগবঢ়াই যাম৷ এই ছেগতে মই সকলো সতীৰ্থ, বন্ধু আৰু পৰিয়ালৰ সদস্যক ধন্যবাদ জনাব বিচাৰিছো৷ মই প্ৰধানমন্ত্ৰী নৰেন্দ্ৰ মোদীজীক শুভকামনা জনাইছো, যাতে তেওঁ আমাৰ দেশক এক উজ্জ্বল ভৱিষ্যতৰ দিশে সফলতাৰে আগুৱাই নিব পাৰে৷

*****

VRRK/SH/MS



(Release ID: 1583830) Visitor Counter : 14