نئی دہلی، 24  جولائی  / اقتصادی امور سے وابستہ کابینہ کمیٹی ( سی سی ای اے ) نے وزیر اعظم نریندر مودی کی قیادت میں درج ذیل تجاویز کو اپنی منظوری دے دی ہے :

1 ۔ ایک سال کے لئے 40 لاکھ میٹرک ٹن ( ایل ایم ٹی ) چینی کا فاضل ذخیرہ کیا جائے گا اور  اس مقصد کے لئے  1674 کروڑ روپئے  کے زیادہ سے زیادہ  اخراجات کا تخمینہ لگایا گیا ہے ۔  تاہم منڈی میں رائج قیمتوں اور چینی کی دستیابی کی بنیاد پر ، اس پر  خوراک اور سرکاری نظام تقسیم کے محکمے کے ذریعے کسی وقت بھی  فیصلے کو واپس لینے / اس میں ترمیم کرنے کے لئے نظر ثانی کا عمل کیا جا سکتا ہے ۔

2 ۔ مذکورہ اسکیم کے تحت بھرپائی  چینی ملوں کو سہ ماہی بنیاد پر کی جائے گی ، جسے براہ راست کاشت کاروں کے کھاتوں میں مل کی جانب سے منتقل کیا جائے گا یعنی گنے کی قیمتوں  کے واجبات کو نیز بقایہ جات کو  ملوں کے کھاتوں میں منتقل کیا جائے گا ۔

فوائد

          اس فیصلے کے درج فوائد ہوں گے :

1 ۔  چینی ملوں کی مالی پوزیشن بہتر ہو جائے گی ۔

2 ۔ چینی سے متعلق  بیجکوں میں تخفیف  ہو گی ۔

3 ۔ گھریلو چینی منڈی میں  قیمتوں سے متعلق  چڑھاؤ کے رجحان میں استحکام آ جائے گا اور اس کے ذریعے  کاشت کاروں کی جانب واجب الادا  قیمتوں کی ادائیگی کی صورت حال بہتر ہو گی ۔

4 ۔ چینی پیدا کرنے والی تمام ریاستوں میں  چینی ملوں کے لئے سا زگار ماحول پیدا ہو گا اور وہ  گنے کی قیمتوں کے بقایہ جات ادا کرنے کے لائق ہوجائیں گے ۔  

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( م ن     ۔  ع ا  )      

U. No. 3382