பிரதமர் திரு.நரேந்திர மோடி தலைமையில் மத்திய அமைச்சரவைக் கூட்டம் நடைபெற்றது. இதில், இளைஞர் விவகாரங்கள் துறையில் ஒத்துழைப்பை மேம்படுத்துவதற்காக இந்தியா மற்றும் துனிஷியா இடையே புரிந்துணர்வு உடன்படிக்கை மேற்கொள்ளப்பட்டது குறித்து எடுத்துரைக்கப்பட்டது. இந்த புரிந்துணர்வு உடன்படிக்கை, புதுதில்லியில் 30.10.2017-ல் கையெழுத்தானது.

இந்திய இளைஞர்கள் மத்தியில் சர்வதேச கண்ணோட்டத்தை ஏற்படுத்தும் வகையில் இருதரப்பினரிடையே எண்ணங்கள் மதிப்பீடுகள் கலாச்சார பரிமாற்றத்தை ஊக்குவிக்க இந்தப் புரிந்துணர்வு உடன்படிக்கை உதவும்.  இதன் மூலம் அமைதியையும் நல்லிணக்கத்தையும் ஏற்படுத்த இயலும்.  

இந்த புரிந்துணர்வு உடன்படிக்கை, 5 ஆண்டுகளுக்கு செல்லத்தக்கதாகும். இதன்படி, கீழ்க்கண்ட துறைகளில் ஒத்துழைப்பு ஏற்படும்:

1. இளைஞர் பரிமாற்றத் திட்டங்களுக்கு ஏற்பாடு செய்தல்;
2. சர்வதேச கருத்தரங்குகள் மற்றும் பயிலரங்குகளுக்கு அழைப்பிதழ்களை பரிமாறிக் கொள்வது;
3. புத்தகங்கள், திரைப்படங்கள், அனுபவங்கள், ஆய்வு மற்றும் பிற தகவல்களை பரிமாறிக் கொள்வது;
4. இளைஞர் முகாம்கள், இளைஞர் திருவிழாக்கள் மற்றும் பிற இளைஞர் ஒத்துழைப்பு நிகழ்ச்சிகளில் பங்கேற்றல், கல்விப் பயணங்கள் மற்றும் இளைஞர் விவகாரங்கள் தொடர்பான சிறு பணிமனைகள் மற்றும் பயிலரங்கங்கள் போன்றவை.

***