Culture & Tourism
ಪಿಬಿ ಶಬ್ದ್
ಭಾರತದ ಸುದ್ದಿ ಮನೆಗಳಿಗಾಗಿ ಪ್ರಸಾರ ಭಾರತಿಯ ವಿಶ್ವಾಸಾರ್ಹ ಸುದ್ದಿಗಳು
Posted On:
24 SEP 2026 10:18AM
|
ಪಿಬಿಶಬ್ದ್ ಭಾರತದ ಸಾರ್ವಜನಿಕ ಪ್ರಸಾರ ಸಂಸ್ಥೆಯಾದ ಪ್ರಸಾರ ಭಾರತಿಯ ಉಚಿತ ಸುದ್ದಿ ವಾಹಿನಿ ಸೇವೆಯಾಗಿದೆ. 2024ರ ಮಾರ್ಚ್ನಲ್ಲಿ ಪ್ರಾರಂಭಿಸಲಾದ ಇದು, ವಿಶಾಲವಾದ ಮಾಧ್ಯಮ ಉದ್ಯಮಕ್ಕೆ ಸುದ್ದಿ ವಾರ್ತೆಯಾಗಿ ಕಾರ್ಯನಿರ್ವಹಿಸುತ್ತದೆ. ನೋಂದಾಯಿತ ಸಂಸ್ಥೆಗಳು 15 ಭಾರತೀಯ ಭಾಷೆಗಳಲ್ಲಿ ಪಠ್ಯ, ದೃಶ್ಯ, ಶ್ರಾವ್ಯ, ಫೋಟೋಗಳು ಮತ್ತು ಇನ್ಫೋಗ್ರಾಫಿಕ್ಸ್ (ಮಾಹಿತಿ ಚಿತ್ರಗಳು) ಅನ್ನು ಪಡೆದುಕೊಳ್ಳಬಹುದು. ಈ ಸೇವೆಯು ಮಾರ್ಚ್ 2027 ರವರೆಗೆ ಉಚಿತವಾಗಿದೆ ಮತ್ತು 3,600 ಮಾಧ್ಯಮ ಸಂಸ್ಥೆಗಳಿಗೆ ಸೇವೆ ಸಲ್ಲಿಸುತ್ತಿದೆ. ಇದರ ವಿಷಯವನ್ನು ರಾಷ್ಟ್ರವ್ಯಾಪಿ ನೆಟ್ವರ್ಕ್ ಮೂಲಕ ಸಂಗ್ರಹಿಸಲಾಗುತ್ತದೆ ಮತ್ತು ಬಹು ಹಂತದ ಸಂಪಾದಕೀಯ ಪರಿಶೀಲನೆಗಳ ಮೂಲಕ ಪರಿಶೀಲಿಸಲಾಗುತ್ತದೆ. ಈ ಮೂಲಕ ಪಿಬಿಶಬ್ದ್ ಭಾರತದ ಮಾಧ್ಯಮ ಕ್ಷೇತ್ರದಲ್ಲೆಡೆ ವಿಶ್ವಾಸಾರ್ಹ ಮಾಹಿತಿಯ ವ್ಯಾಪ್ತಿಯನ್ನು ವಿಸ್ತರಿಸುತ್ತದೆ.
|
ಪಿಬಿಎನ್ಎಸ್ ನಿಂದ ಪಿಬಿಶಬ್ದ್ ವರೆಗೆ: ಸಾರ್ವಜನಿಕ ಸುದ್ದಿ ಸೇವೆಯ ವಿಕಾಸ
ಪ್ರಸಾರ ಭಾರತಿಯು ಭಾರತದ ಸಾರ್ವಜನಿಕ ಪ್ರಸಾರ ಸಂಸ್ಥೆಯಾಗಿದ್ದು, ಇದು ಸಂಸತ್ತಿನ ಕಾಯ್ದೆಯಿಂದ ಸೃಷ್ಟಿಸಲ್ಪಟ್ಟ ಸ್ವಾಯತ್ತ ಸಂಸ್ಥೆಯಾಗಿದೆ. ಇದು ಪ್ರಸಾರ ಭಾರತಿ ಕಾಯ್ದೆ, 1990 ರ ಅಡಿಯಲ್ಲಿ ನವೆಂಬರ್ 23, 1997 ರಂದು ಅಸ್ತಿತ್ವಕ್ಕೆ ಬಂದಿತು. ಈ ನಿಗಮವು ಆಕಾಶವಾಣಿ ಮತ್ತು ದೂರದರ್ಶನ ಎಂಬ ಎರಡು ಘಟಕಗಳ ಮೂಲಕ ಕಾರ್ಯನಿರ್ವಹಿಸುತ್ತದೆ. ಸಾರ್ವಜನಿಕ ಹಿತಾಸಕ್ತಿಯಲ್ಲಿ ಮಾಹಿತಿಯ ನ್ಯಾಯಯುತ ಮತ್ತು ಸಮತೋಲಿತ ಹರಿವನ್ನು ಖಾತರಿಪಡಿಸುವುದು ಇದರ ಆದೇಶವಾಗಿದೆ.
ಸುದ್ದಿ ಸಂಗ್ರಹಣೆಯು ಯಾವಾಗಲೂ ಈ ಜವಾಬ್ದಾರಿಯ ಪ್ರಮುಖ ಕೇಂದ್ರಬಿಂದುವಾಗಿದೆ. ಪ್ರಸಾರ ಭಾರತಿ ಸುದ್ದಿ ಸೇವೆಯು ಸಂಪೂರ್ಣವಾಗಿ ಪ್ರಸಾರ ಸಂಸ್ಥೆಯ ಸ್ವಂತ ಸಂಪಾದಕೀಯ ತಂಡಗಳಿಗಾಗಿ ಮಾತ್ರ ಒಂದು ಸುದ್ದಿ ವಾಹಿನಿಯಾಗಿ (ನ್ಯೂಸ್ ವಾರ್) ಆರಂಭವಾಯಿತು. ಇದರ ಕಂಟೆಂಟ್ ಮತ್ತು ಫೀಡ್ಗಳು ಆಕಾಶವಾಣಿ ಹಾಗೂ ದೂರದರ್ಶನದ ಸುದ್ದಿ ಬುಲೆಟಿನ್ಗಳಿಗೆ ಬೆಂಬಲ ನೀಡಿದವು. ಆ ಹಂತದಲ್ಲಿ ಈ ಸೇವೆಯು ಕೇವಲ ಒಂದು ಆಂತರಿಕ ಸುದ್ದಿ ಕೊಠಡಿಯ ಸಂಪನ್ಮೂಲವಾಗಿಷ್ಟೇ ಉಳಿದಿತ್ತು.
ಮಾರ್ಚ್ 2024 ರಲ್ಲಿ ಈ ಸೇವೆಯ ವ್ಯಾಪ್ತಿಯನ್ನು ವಿಸ್ತರಿಸಲಾಯಿತು. ವಾರ್ತಾ ಮತ್ತು ಪ್ರಸಾರ ಸಚಿವಾಲಯವು 2024 ರ ಮಾರ್ಚ್ 13 ರಂದು ನವ ದೆಹಲಿಯಲ್ಲಿ ಪಿಬಿಶಬ್ದ್ ಅನ್ನು ಪ್ರಾರಂಭಿಸಿತು. ಈ ಸೇವೆಯು ಈಗ 'ಪ್ರಸಾರ ಭಾರತಿ – ಹಂಚಿಕೊಳ್ಳಲಾದ ಆಡಿಯೋ-ವಿಶುವಲ್ಸ್ ಪ್ರಸಾರ ಮತ್ತು ಪ್ರಸರಣಕ್ಕಾಗಿ' ಎಂಬ ಹೆಸರನ್ನು ಹೊಂದಿದೆ. ಇದು ನೋಂದಾಯಿತ ಮಾಧ್ಯಮ ಸಂಸ್ಥೆಗಳಿಗೆ ಪಠ್ಯ, ವೀಡಿಯೊ, ಆಡಿಯೋ, ಫೋಟೋ ಮತ್ತು ಇನ್ಫೋಗ್ರಾಫಿಕ್ ಸ್ವರೂಪಗಳಲ್ಲಿ ಉಚಿತ, ಬಳಕೆಗೆ ಸಿದ್ಧವಿರುವ ಸುದ್ದಿಗಳನ್ನು ನೀಡುತ್ತದೆ. ಈ ಮೂಲಕ ಆಂತರಿಕ ಸುದ್ದಿ ವಾರ್ತೆಯು ಮುಕ್ತ ಮಲ್ಟಿಮೀಡಿಯಾ ಸುದ್ದಿ ಹಂಚಿಕೆ ವೇದಿಕೆಯಾಯಿತು. ಕೆಳಗಿನ ಕೋಷ್ಟಕವು ಈ ಪಯಣದ ಪ್ರಮುಖ ಮೈಲಿಗಲ್ಲುಗಳನ್ನು ಗುರುತಿಸುತ್ತದೆ.
|
ವರ್ಷ
|
ಮೈಲಿಗಲ್ಲು
|
|
1990
|
ಸಂಸತ್ತು ಪ್ರಸಾರ ಭಾರತಿ ಕಾಯ್ದೆಯನ್ನು ಜಾರಿಗೊಳಿಸಿತು.
|
|
1997
|
ನವೆಂಬರ್ 23 ರಂದು ನಿಗಮವು ಅಸ್ತಿತ್ವಕ್ಕೆ ಬಂದಿತು.
|
|
2024 ರವರೆಗೆ
|
ಪಿ.ಬಿ.ಎನ್.ಎಸ್. ಪ್ರಸಾರ ಭಾರತಿಯ ಸಂಪಾದಕೀಯ ತಂಡಗಳಿಗೆ ಆಂತರಿಕ ಸುದ್ದಿ ವಾರ್ತೆಯಾಗಿ ಕೆಲಸ ಮಾಡಿತು.
|
|
ಮಾರ್ಚ್ 2024
|
ಉಚಿತ, ಬಹು-ಸ್ವರೂಪದ ಸುದ್ದಿ ಹಂಚಿಕೆ ವೇದಿಕೆಯಾಗಿ ಮಾರ್ಚ್ 13 ರಂದು ಪಿಬಿಶಬ್ದ್ ಅನ್ನು ಪ್ರಾರಂಭಿಸಲಾಯಿತು.
|
|
ಮಾರ್ಚ್ 2025
|
ಒಂದು ವರ್ಷ ಪೂರ್ಣಗೊಂಡ ನಂತರ ಉಚಿತ ಪ್ರವೇಶವನ್ನು ಮಾರ್ಚ್ 2026 ರವರೆಗೆ ವಿಸ್ತರಿಸಲಾಯಿತು.
|
|
ಮಾರ್ಚ್ 2026
|
ಉಚಿತ ಪ್ರವೇಶವನ್ನು ಮತ್ತಷ್ಟು ವಿಸ್ತರಿಸಿ, ಮಾರ್ಚ್ 2027 ರವರೆಗೆ ಮುಂದುವರಿಸಲಾಯಿತು.
|
|
ಮುಂದೆ
|
ಹೊಸ ಉತ್ಪನ್ನ ಶ್ರೇಣಿಗಳು ಮತ್ತು ಸುಧಾರಿತ ವಿತರಣೆಯೊಂದಿಗೆ ಪಿಬಿಶಬ್ದ್ 2.0 ಅನ್ನು ಯೋಜಿಸಲಾಗಿದೆ.
|
ಪಿಬಿಶಬ್ದ್ ಶೂನ್ಯದಿಂದ ನಿರ್ಮಿಸಲಾದ ಹೊಸ ಸುದ್ದಿ ಕೊಠಡಿಯಲ್ಲ. ಇದು ಹಲವಾರು ದಶಕಗಳಿಂದ ಅಭಿವೃದ್ಧಿಪಡಿಸಲಾದ ಸುದ್ದಿ ಮೂಲಸೌಕರ್ಯದ ವಿಸ್ತರಣೆಯಾಗಿದೆ. ಅದೇ ವರದಿಗಾರರು, ಡೆಸ್ಕ್ಗಳು ಮತ್ತು ಬ್ಯೂರೋಗಳು ಈಗ ಹೆಚ್ಚು ವ್ಯಾಪಕವಾದ ಬಳಕೆದಾರರಿಗೆ ಸೇವೆ ಸಲ್ಲಿಸುತ್ತಿವೆ. ಸಂಪಾದಕೀಯ ಅಡಿಪಾಯವು ಒಂದೇ ಆಗಿರುವಾಗ, ವಿಷಯದ ವ್ಯಾಪ್ತಿಯು ಬದಲಾಗಿದೆ. ಆ ವ್ಯಾಪ್ತಿಯು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಸೇವೆಯ ಸ್ವಂತ ವಿನ್ಯಾಸದ ಮೂಲಕ ಉತ್ತಮವಾಗಿ ಅರ್ಥಮಾಡಿಕೊಳ್ಳಬಹುದು.
|
ನೀವು ತಿಳಿದಿದೆಯೇ?
ಈ ಸೇವೆಯ ಹೆಸರಿಗೆ ಎರಡು ಅರ್ಥಗಳಿವೆ. ಇದರ ಪೂರ್ಣ ರೂಪ 'ಪ್ರಸಾರ ಮತ್ತು ಪ್ರಸರಣಕ್ಕಾಗಿ ಹಂಚಿಕೊಳ್ಳಲಾದ ಆಡಿಯೋ-ವಿಶುವಲ್ಸ್' ಎಂದಾಗಿದೆ. ಹಿಂದಿಯಲ್ಲಿ 'ಶಬ್ದ್' ಎಂದರೆ ಮಾತನಾಡುವ ಅಥವಾ ಬರೆಯುವ ಪದ ಎಂದರ್ಥ. ಆ ಪದವನ್ನು ವ್ಯಾಪಕವಾಗಿ, ತ್ವರಿತವಾಗಿ ಮತ್ತು ಉಚಿತವಾಗಿ ಹಂಚಿಕೊಳ್ಳಲು ಈ ವೇದಿಕೆಯನ್ನು ನಿರ್ಮಿಸಲಾಗಿದೆ.
|
ಪಿಬಿಶಬ್ದ್: ಬಹು-ಸ್ವರೂಪದ, ಬಹುಭಾಷಾ ಸುದ್ದಿ ವಾಹಿನಿ
ಪಿಬಿಶಬ್ದ್ ಎಂದರೆ ಪ್ರಸಾರ ಭಾರತಿಯ ಸುದ್ದಿ ಫೀಡ್ ಸೇವೆಯಾಗಿದ್ದು, ಇದು ಮಾಧ್ಯಮ ಬಳಕೆದಾರರಿಗೆ ದಿನದ 24 ಗಂಟೆಯೂ ಮುಕ್ತವಾಗಿರುತ್ತದೆ. ಇದು ಭಾರತ ಮತ್ತು ವಿಶ್ವದ ಸಮಯೋಚಿತ, ಅಧಿಕೃತ ಮತ್ತು ಬಳಕೆಗೆ ಸಿದ್ಧವಿರುವ ಸುದ್ದಿ ವಿಷಯವನ್ನು ಪೂರೈಸುತ್ತದೆ. ಈ ವಾಹಿನಿಯು ರಾಷ್ಟ್ರ ರಾಜಧಾನಿಯಿಂದ ಜಿಲ್ಲಾ ಕೇಂದ್ರಗಳವರೆಗಿನ ಬೆಳವಣಿಗೆಗಳನ್ನು ಅವು ಸಂಭವಿಸಿದಂತೆ ಒದಗಿಸುತ್ತದೆ.
ಇದರ ಬಳಕೆದಾರರು ನೋಂದಾಯಿತ ಮಾಧ್ಯಮ ಸಂಸ್ಥೆಗಳು, ಡಿಜಿಟಲ್ ಪ್ರಕಾಶಕರು ಮತ್ತು ವಿಷಯ ರಚನಾಕಾರಾಗಿದ್ದಾರೆ. ವೃತ್ತಪತ್ರಿಕೆಗಳು, ಸುದ್ದಿ ದೂರದರ್ಶನ ಚಾನೆಲ್ಗಳು ಮತ್ತು ಡಿಜಿಟಲ್ ಸುದ್ದಿ ಪ್ರಕಾಶಕರು ಈ ನೆಲೆಗಟ್ಟಿನ ಪ್ರಮುಖ ಭಾಗವಾಗಿದ್ದಾರೆ. ಎರಡು ವರ್ಷಗಳ ಕಾರ್ಯಾಚರಣೆಯಲ್ಲಿ, ಈ ಸೇವೆಯು 3,600 ಮಾಧ್ಯಮ ಸಂಸ್ಥೆಗಳ ಬಳಕೆದಾರರ ನೆಲೆಯನ್ನು ನಿರ್ಮಿಸಿದೆ.
ವಿಷಯವನ್ನು ಐದು ಸ್ವರೂಪಗಳಲ್ಲಿ ನೀಡಲಾಗುತ್ತದೆ, ಅವುಗಳೆಂದರೆ ಪಠ್ಯ, ವೀಡಿಯೊ, ಆಡಿಯೋ, ಫೋಟೋಗಳು ಮತ್ತು ಇನ್ಫೋಗ್ರಾಫಿಕ್ಸ್. ಸುದ್ದಿಯನ್ನು 15 ಭಾರತೀಯ ಭಾಷೆಗಳಲ್ಲಿ ಮತ್ತು ಸುಮಾರು 50 ಸುದ್ದಿ ವಿಭಾಗಗಳ ಅಡಿಯಲ್ಲಿ ಒದಗಿಸಲಾಗುತ್ತದೆ. ವ್ಯಾಪ್ತಿಯು ರಾಷ್ಟ್ರೀಯ, ಪ್ರಾದೇಶಿಕ ಮತ್ತು ಸ್ಥಳೀಯ ಬೆಳವಣಿಗೆಗಳನ್ನು ಒಳಗೊಂಡಿದೆ. ಈ ಸೇವೆಯು ಸಂಪೂರ್ಣವಾಗಿ ಉಚಿತವಾಗಿದೆ. ನೋಂದಾಯಿತ ಬಳಕೆದಾರರು ತಾವು ಡೌನ್ಲೋಡ್ ಮಾಡುವ ವಿಷಯಕ್ಕಾಗಿ ಯಾವುದೇ ಚಂದಾದಾರಿಕೆ ಶುಲ್ಕವನ್ನು ಪಾವತಿಸುವುದಿಲ್ಲ. ಮಾರ್ಚ್ 2027 ರವರೆಗೆ ಉಚಿತ ಪ್ರವೇಶವನ್ನು ಖಾತರಿಪಡಿಸಲಾಗಿದೆ. ಪಿಬಿಶಬ್ದ್ ವೈಶಿಷ್ಟ್ಯಗಳು ಮತ್ತು ಪ್ರಯೋಜನಗಳ ಕುರಿತು ಇನ್ನಷ್ಟು ಓದಿ
ಯಾರು ನೋಂದಾಯಿಸಿಕೊಳ್ಳಬಹುದು?
ನೋಂದಾಯಿತ ವೃತ್ತಪತ್ರಿಕೆಗಳು ಮತ್ತು ನಿಯತಕಾಲಿಕೆಗಳು ಮಾನ್ಯವಾದ ಆರ್ಎನ್ಐ ಪ್ರಮಾಣಪತ್ರದೊಂದಿಗೆ ಸೈನ್ ಅಪ್ ಮಾಡಬಹುದು. ದೂರದರ್ಶನ ಮತ್ತು ರೇಡಿಯೋ ಕೇಂದ್ರಗಳಿಗೆ ಮಾನ್ಯವಾದ ಅಪ್ಲಿಂಕ್ ಮತ್ತು ಡೌನ್ಲಿಂಕ್ ಪ್ರಮಾಣಪತ್ರಗಳ ಅಗತ್ಯವಿದೆ. ಡಿಜಿಟಲ್ ಪ್ರಕಾಶಕರು ತಮ್ಮ ಪ್ಯಾನ್ ಕಾರ್ಡ್ನ ಪ್ರತಿಯನ್ನು ಸಲ್ಲಿಸುವ ಮೂಲಕ ನೋಂದಾಯಿಸಿಕೊಳ್ಳಬಹುದು. ಪ್ರತಿ ಸಂಸ್ಥೆಯು ಒಂದು ಲಾಗಿನ್ ಅನ್ನು ಪಡೆಯುತ್ತದೆ, ಅದನ್ನು ಅದರ ಪತ್ರಕರ್ತರು ಸುದ್ದಿ ಕೊಠಡಿಯೊಳಗೆ ಹಂಚಿಕೊಳ್ಳಬಹುದು. ಪಿಬಿಶಬ್ದ್ ನೋಂದಣಿಯ ಕುರಿತು ಇಲ್ಲಿ ಇನ್ನಷ್ಟು ಓದಿ.
ಒಂದು ವೇದಿಕೆ, ಅನೇಕ ವಿಷಯ ಉತ್ಪನ್ನಗಳು
ಪಿಬಿಶಬ್ದ್ ಅನ್ನು ಏಕೈಕ ಸುದ್ದಿ ವಾರ್ತೆಗಿಂತ ಹೆಚ್ಚಾಗಿ ಸೇವೆಗಳ ಗುಂಚವಾಗಿ ವಿನ್ಯಾಸಗೊಳಿಸಲಾಗಿದೆ. ಪ್ರತಿಯೊಂದು ಉತ್ಪನ್ನವನ್ನು ನಿರ್ದಿಷ್ಟ ರೀತಿಯ ಸುದ್ದಿ ಕೊಠಡಿಯು ನೇರ ಬಳಕೆಗೆ ತಕ್ಕಂತೆ ಸಿದ್ಧಪಡಿಸಲಾಗಿದೆ.
ಒಂದು ವೈಶಿಷ್ಟ್ಯವು ಈ ವೇದಿಕೆಯನ್ನು ಸಾಂಪ್ರದಾಯಿಕ ಸುದ್ದಿ ಸಂಸ್ಥೆಗಿಂತ ಭೇದ 25 ತೋರಿಸುತ್ತದೆ. ವಿಷಯವು ಯಾವುದೇ ಪ್ರಸಾರ ಭಾರತಿ ಲೋಗೋವನ್ನು ಹೊಂದಿರುವುದಿಲ್ಲ ಮತ್ತು ಕ್ರೆಡಿಟ್ ಲೈನ್ ಅಗತ್ಯವಿರುವುದಿಲ್ಲ. ಆದ್ದರಿಂದ ಸಣ್ಣ ವೃತ್ತಪತ್ರಿಕೆಯು ತನ್ನದೇ ಆದ ಮಾಸ್ಟ್ಹೆಡ್ ಅಡಿಯಲ್ಲಿ ರಾಷ್ಟ್ರೀಯ ಸುದ್ದಿಯನ್ನು ಪ್ರಕಟಿಸಬಹುದು.
ತಳಮಟ್ಟದಿಂದ ಸುದ್ದಿ ಕೊಠಡಿಯವರೆಗೆ: ಪಿಬಿಶಬ್ದ್ ಹಿಂದಿನ ನೆಟ್ವರ್ಕ್
ಪಿಬಿಶಬ್ದ್ನ ಶಕ್ತಿಯು ಅದನ್ನು ಪೋಷಿಸುವ ನೆಟ್ವರ್ಕ್ನಲ್ಲಿದೆ. ಪ್ರಸಾರ ಭಾರತಿಯು ದೇಶದಲ್ಲಿ ಅತಿ ದೊಡ್ಡ ಸುದ್ದಿ ಸಂಗ್ರಹಣೆ ಮತ್ತು ಡೆಸ್ಕ್ ನೆಟ್ವರ್ಕ್ಗಳಲ್ಲಿ ಒಂದನ್ನು ಹೊಂದಿದೆ. 1,500 ಕ್ಕೂ ಹೆಚ್ಚು ವರದಿಗಾರರು, ಪ್ರತಿನಿಧಿಗಳು ಮತ್ತು ಬಿಡಿ ಸುದ್ದಿ ವರದಿಗಾರರು ಈ ವಾಹಿನಿಗೆ ಕೊಡುಗೆ ನೀಡುತ್ತಾರೆ. ಅವರು ಕಳುಹಿಸುವ ವಿಷಯಗಳ ಮೇಲೆ ಅ 50 ಕ್ಕೂ ಹೆಚ್ಚು ಸಮರ್ಪಿತ ಸಂಪಾದಕೀಯ ಡೆಸ್ಕ್ಗಳು ದಿನದ 24 ಗಂಟೆಯೂ ಕೆಲಸ ಮಾಡುತ್ತವೆ. ಆಕಾಶವಾಣಿ ಮತ್ತು ದೂರದರ್ಶನಗಳು ತಮ್ಮದೇ ಆದ ಪ್ರಾದೇಶಿಕ ಸುದ್ದಿ ಘಟಕಗಳು ಮತ್ತು ಬುಲೆಟಿನ್ ಸೇವೆಗಳನ್ನು ನಡೆಸುತ್ತವೆ. ಅವುಗಳ ಮೂಲಕ, ಅವರು ಪ್ರತಿಯೊಂದು ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶವನ್ನು ಒಳಗೊಳ್ಳುತ್ತವೆ. ಈ ನೆಟ್ವರ್ಕ್ನ ವ್ಯಾಪ್ತಿಯನ್ನು ಕೆಳಗಿನ ಕೋಷ್ಟಕವು ಸೂಚಿಸುತ್ತದೆ.
|
ನೆಟ್ವರ್ಕ್
|
ತಳಮಟ್ಟದಲ್ಲಿ ವ್ಯಾಪ್ತಿ
|
|
ಆಕಾಶವಾಣಿ ಸುದ್ದಿ
|
46 ಪ್ರಾದೇಶಿಕ ಸುದ್ದಿ ಘಟಕಗಳು, 1 ಪ್ರಧಾನ ಕಚೇರಿ
92 ಭಾಷೆಗಳು ಮತ್ತು ಉಪಭಾಷೆಗಳಲ್ಲಿ ದಿನಕ್ಕೆ 607 ಬುಲೆಟಿನ್ಗಳು
|
|
ದೂರದರ್ಶನ ಸುದ್ದಿ
|
31 ಪ್ರಾದೇಶಿಕ ಸುದ್ದಿ ಘಟಕಗಳು, 1 ಪ್ರಧಾನ ಕಚೇರಿ
22ಕ್ಕೂ ಹೆಚ್ಚು ಭಾಷೆಗಳು ಮತ್ತು ಉಪಭಾಷೆಗಳಲ್ಲಿ 145ಕ್ಕೂ ಹೆಚ್ಚು ಬುಲೆಟಿನ್ಗಳು
|
|
ಕ್ಷೇತ್ರ ಶಕ್ತಿ
|
ದೇಶಾದ್ಯಂತ 1,500 ಕ್ಕೂ ಹೆಚ್ಚು ವರದಿಗಾರರು, ಪ್ರತಿನಿಧಿಗಳು ಮತ್ತು ಬಿಡಿ ಸುದ್ದಿ ವರದಿಗಾರರು
|
|
ಸಂಪಾದಕೀಯ ಡೆಸ್ಕ್ಗಳು
|
ದಿನದ 24 ಗಂಟೆಯೂ ಕಾರ್ಯನಿರ್ವಹಿಸುವ 60 ಸಮರ್ಪಿತ ಡೆಸ್ಕ್ಗಳು
|
ಪ್ರಸರಣಕ್ಕೂ ಮುನ್ನ ಸಂಪಾದಕೀಯ ಪರಿಶೀಲನೆಗಳು
ಪಿಬಿಶಬ್ದ್ನಲ್ಲಿನ ಸುದ್ದಿಗಳು ಬಹು ಹಂತದ ಸಂಪಾದಕೀಯ ಪರಿಶೀಲನೆಗಳ ಮೂಲಕ ಹೋಗುತ್ತವೆ. ಈ ಸೇವೆಯು ನಕಲಿ, ಮಾರ್ಫ್ ಮಾಡಿದ ಅಥವಾ ತಿರುಚಿದ ವಿಷಯದ ವಿರುದ್ಧ ದೃಢವಾದ ತಡೆಗೋಡೆಗಳನ್ನು ಕಾಯ್ದುಕೊಳ್ಳುತ್ತದೆ. ಪರಿಶೀಲಿಸದ ಆನ್ಲೈನ್ ಮೂಲಗಳಿಂದ ಪಡೆದ ಸಾಮಗ್ರಿಗಳ ಬಗ್ಗೆ ಇದು ಎಚ್ಚರಿಕೆಯಿಂದಿರುತ್ತದೆ. ಪ್ರತಿಯೊಂದು ಸುದ್ದಿಯು ಸಮಯದ ಮುದ್ರೆಯನ್ನು (ಟೈಮ್ಸ್ಟ್ಯಾಂಪ್), ದಿನಾಂಕವನ್ನು ಮತ್ತು ಸರಿಯಾದ ಶೀರ್ಷಿಕೆಯನ್ನು ಹೊಂದಿರುತ್ತದೆ. ಆದ್ದರಿಂದ, ಒಂದು ಬೆಳವಣಿಗೆಯು ನಿಖರವಾಗಿ ಯಾವಾಗ ಮತ್ತು ಎಲ್ಲಿ ಸಂಭವಿಸಿದೆ ಎಂಬುದನ್ನು ಬಳಕೆದಾರರು ತಿಳಿದುಕೊಳ್ಳಬಹುದು. ತಂತ್ರಜ್ಞಾನವು ಈ ಸೇವೆಯ ವ್ಯಾಪ್ತಿಯನ್ನು ವಿಸ್ತರಿಸುತ್ತದೆ. ಸುದ್ದಿ ಸಂಗ್ರಹಣೆ ಮತ್ತು ಸಂಪಾದಕೀಯ ನೆಟ್ವರ್ಕ್ ಇದಕ್ಕೆ ಬಲವಾದ ಸುದ್ದಿ ಅಡಿಪಾಯವನ್ನು ಒದಗಿಸುತ್ತದೆ.
ನಿಖರತೆ, ಪ್ರಾಮಾಣಿಕತೆ ಮತ್ತು ಸಮಯೋಚಿತತೆ: ಸಾರ್ವಜನಿಕ ಸೇವೆಯ ಸ್ಪೂರ್ತಿ
ನಿಖರತೆ ಮತ್ತು ಪ್ರಾಮಾಣಿಕತೆಯು ಈ ಸೇವೆಯ ಕೇಂದ್ರಭಾಗದಲ್ಲಿವೆ. ವಿಷಯವನ್ನು ಹಂಚಿಕೊಳ್ಳುವ ಮೊದಲು ವೃತ್ತಪರ ರೀತಿಯಲ್ಲಿ ತಯಾರಿಸಲಾಗುತ್ತದೆ, ಸಂಪಾದಿಸಲಾಗುತ್ತದೆ ಮತ್ತು ಪರಿಶೀಲಿಸಲಾಗುತ್ತದೆ. ದಿನದ 24 ಗಂಟೆಯೂ ಲಭ್ಯವಿರುವ ಈ ಫೀಡ್, ಪರಿಶೀಲಿಸಿದ ಸುದ್ದಿಗಳು ಯಾವುದೇ ವಿಳಂಬವಿಲ್ಲದೆ ಬಳಕೆದಾರರನ್ನು ತಲುಪುವುದನ್ನು ಖಚಿತಪಡಿಸುತ್ತದೆ. ಇದರ ವಿವಿಧ ಸ್ವರೂಪಗಳು ಮತ್ತು ಭಾಷೆಗಳು ಈ ಸೇವೆಯನ್ನು ನಿಜವಾಗಿಯೂ ಎಲ್ಲರನ್ನೊಳಗೊಂಡಂತೆ ಮಾಡುತ್ತವೆ. ದಟ್ಟವಾದ ಮಾಹಿತಿಯ ವಾತಾವರಣದಲ್ಲಿ, ಪರಿಶೀಲಿಸಿದ ವಿಷಯವೇ ಸ್ವತಃ ಸಾರ್ವಜನಿಕ ಒಳಿತಾಗಿದೆ.
ಭಾರತದ ವೈವಿಧ್ಯಮಯ ಮಾಧ್ಯಮ ಪರಿಸರ ವ್ಯವಸ್ಥೆಯನ್ನು ಸಂಪರ್ಕಿಸುವುದು
ಪ್ರೇಕ್ಷಕರು ಈಗ ಅನೇಕ ವೇದಿಕೆಗಳಲ್ಲಿ ಒಂದೇ ಸಮಯದಲ್ಲಿ ಸುದ್ದಿಗಳನ್ನು ಸ್ವೀಕರಿಸುತ್ತಿದ್ದಾರೆ. ದೂರದರ್ಶನ, ವೃತ್ತಪತ್ರಿಕೆಗಳು, ವೆಬ್ಸೈಟ್ಗಳು, ಮೊಬೈಲ್ ಅಪ್ಲಿಕೇಷನ್ಗಳು, ಯೂಟ್ಯೂಬ್ ಮತ್ತು ಸಾಮಾಜಿಕ ಮಾಧ್ಯಮಗಳು ಅಂದಿನ ಘಟನೆಗಳನ್ನು ಪ್ರಸಾರ ಮಾಡುತ್ತವೆ. ಆದ್ದರಿಂದ ಸುದ್ದಿ ಕೊಠಡಿಯು ಪ್ರತಿದಿನ ಹಲವಾರು ಸ್ವರೂಪಗಳಲ್ಲಿ ಪ್ರಕಟಿಸಬೇಕಾಗುತ್ತದೆ. ಪಿಬಿಶಬ್ದ್ ಪ್ರಸಾರ ಭಾರತಿಯ ಸುದ್ದಿ ಸಂಗ್ರಹಣಾ ಮೂಲಸೌಕರ್ಯವನ್ನು ಈ ವಿಶಾಲವಾದ ಪರಿಸರ ವ್ಯವಸ್ಥೆಯೊಂದಿಗೆ ಸಂಪರ್ಕಿಸುತ್ತದೆ. ವೃತ್ತಪತ್ರಿಕೆಗಳು, ದೂರದರ್ಶನ ಪ್ರಸಾರಕರು, ಡಿಜಿಟಲ್ ಪ್ರಕಾಶಕರು, ಸೃಷ್ಟಿಕರ್ತರು ಮತ್ತು ವೇದಿಕೆಗಳು ಒಂದೇ ಫೀಡ್ನಿಂದ ಸುದ್ದಿಗಳನ್ನು ಪಡೆದುಕೊಳ್ಳುತ್ತವೆ.
ಸಣ್ಣ ಮತ್ತು ಪ್ರಾದೇಶಿಕ ಸಂಸ್ಥೆಗಳಿಗೆ ಇದರ ಲಾಭವು ಅತ್ಯಂತ ಸ್ಪಷ್ಟವಾಗಿದೆ. ಜಿಲ್ಲಾ ಮಟ್ಟದ ವೃತ್ತಪತ್ರಿಕೆಯೊಂದು ದೆಹಲಿಯಲ್ಲಿ ಅಥವಾ ವಿದೇಶಗಳಲ್ಲಿ ತನ್ನದೇ ಆದ ವರದಿಗಾರರನ್ನು ಹೊಂದುವುದು ಅಪರೂಪ. ಪಿಬಿಶಬ್ದ್ ಮೂಲಕ ಅದು ವೃತ್ತಪರ ರೀತಿಯಲ್ಲಿ ತಯಾರಿಸಲ್ಪಟ್ಟ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ವರದಿಗಳನ್ನು ಪಡೆದುಕೊಳ್ಳಬಹುದು. ಬಳಕೆಗೆ ಸಿದ್ಧವಿರುವ ಪಠ್ಯ, ವೀಡಿಯೊ ಮತ್ತು ಆಡಿಯೋ ವೆಚ್ಚ ಹಾಗೂ ಪ್ರಕ್ರಿಯೆಯ ಸಮಯ ಎರಡನ್ನೂ ಕಡಿಮೆ ಮಾಡುತ್ತದೆ.
ಮುಂದಿನ ಹಾದಿ
ಪಿಬಿಶಬ್ದ್ ಪ್ರಸಾರ ಭಾರತಿಯ ಸುದ್ದಿ ಸಂಗ್ರಹಣಾ ಸಾಮರ್ಥ್ಯವನ್ನು ಅದರ ಸ್ವಂತ ವಾಹಿನಿಗಳನ್ನು ಮೀರಿ ವಿಸ್ತರಿಸುತ್ತದೆ. ವಿಶ್ವಾಸಾರ್ಹ ಮಾಹಿತಿಯು ಈಗ ಸಾವಿರಾರು ಸ್ವತಂತ್ರ ಮಾಧ್ಯಮಗಳ ಮೂಲಕ ಸಾಗುತ್ತಿದೆ. ಈ ಸೇವೆಯು ಮುಂದಿನ ದಿನಗಳಲ್ಲಿ ಸ್ಥಿರವಾದ ವಿಸ್ತರಣೆಗೆ ಸಜ್ಜಾಗಿದೆ. ಈ ವೇದಿಕೆಗೆ ಉಚಿತ ಪ್ರವೇಶವನ್ನು ಮಾರ್ಚ್ 2027 ರವರೆಗೆ ವಿಸ್ತರಿಸಲಾಗಿದೆ. ಆದ್ದರಿಂದ ಮಾಧ್ಯಮ ಸಂಸ್ಥೆಗಳು ಈ ವಾಹಿನಿಯ ಬಳಕೆಯನ್ನು ಖಚಿತತೆಯೊಂದಿಗೆ ಯೋಜಿಸಬಹುದು. ಎರಡು ವರ್ಷಗಳ ಕಾರ್ಯಾಚರಣೆಯಲ್ಲಿ ಬಳಕೆದಾರರ ನೆಲೆ 3,600 ಮಾಧ್ಯಮ ಸಂಸ್ಥೆಗಳಿಗೆ ಏರಿದೆ.
ವೇಗದ ಮಾಹಿತಿಯ ಹರಿವಿನ ಈ ಯುಗದಲ್ಲಿ ನಿಖರವಾದ ಸುದ್ದಿಯು ಸಾರ್ವಜನಿಕ ಒಳಿತಾಗಿ ಮುಂದುವರಿಯುತ್ತದೆ. ಪ್ರಸಾರ ಭಾರತಿಯು ಮುಕ್ತ, ನ್ಯಾಯಯುತ ಮತ್ತು ಸತ್ಯವಾದ ಸುದ್ದಿ ವರದಿ ಹಾಗೂ ಪ್ರಸರಣಕ್ಕೆ ಬದ್ಧವಾಗಿದೆ. ಈ ವೇದಿಕೆಯಲ್ಲಿನ ಪ್ರತಿಯೊಂದು ಪರಿಶೀಲಿಸಿದ ಸುದ್ದಿಯು ಸುಶಿಕ್ಷಿತ ನಾಗರಿಕ ಸಮಾಜದ ಅಡಿಪಾಯವನ್ನು ಬಲಪಡಿಸುತ್ತದೆ. ಈ ಮೂಲಕ ಪಿಬಿಶಬ್ದ್ ವಿಶ್ವಾಸಾರ್ಹ ಮಾಹಿತಿಯ ಪ್ರಸರಣಕ್ಕಾಗಿ ಹಂಚಿಕೊಳ್ಳಲಾದ ರಾಷ್ಟ್ರೀಯ ಮೂಲಸೌಕರ್ಯವಾಗಿ ನಿಂತಿದೆ.
References
Prasar Bharati
PBSHABD
Akashvani (NewsOnAir)
Click here to see pdf
******
(Explainer ID: 160139)
आगंतुक पटल : 19
Provide suggestions / comments