पत्र सूचना कार्यालय

جی ایس ٹی: بھارت میں محصولات کی اصلاح کے سفر کا ایک اہم سنگِ میل

یکم جولائی 2017 کو اشیاء و خدمات ٹیکس (جی ایس ٹی) کے نفاذ نے بھارت میں اصلاحات کے سفر میں ایک تاریخی سنگِ میل کی حیثیت اختیار کی۔ اس کے ساتھ ہی ’ایک ملک، ایک محصول‘  کا تصور عملی صورت اختیار کر گیا اور ملک ایک مربوط اور یکساں محصولاتی نظام کی جانب گامزن ہوا۔

گزشتہ نو برسوں کے دوران جی ایس ٹی نے ’ایک بھارت، شریشٹھ بھارت‘ کے قومی وژن کو مزید تقویت بخشی ہے۔ معقول اور متوازن محصولاتی شرحوں، یکساں طریقۂ کار اور زیادہ شفاف و جواب دہ نظام کے ذریعے اس نے اقتصادی ترقی کو فروغ دینے میں اہم کردار ادا کیا ہے۔

جی ایس ٹی کے تحت 17 مختلف محصولات اور 13 محصولی سرچارجوں کو ایک مشترک نظام میں ضم کر دیا گیا۔ اس سے پہلے بھارت کے بالواسطہ محصولات کے نظام میں مرکز اور ریاستوں کی سطح پر متعدد الگ الگ محصولات نافذ تھے، جن کی شرحوں اور ڈھانچے میں نمایاں تفاوت پایا جاتا تھا۔ اس صورتِ حال کے باعث تجارت اور صنعت پر پوشیدہ مالی بوجھ بڑھ جاتا تھا اور ایک محصول پر دوسرے محصول کے نفاذ کی کیفیت پیدا ہوتی تھی، جسے عام طور پر ’محصول پر محصول‘ کہا جاتا ہے۔ مضبوط اطلاعاتی ٹیکنالوجی کے ڈھانچے کی مدد سے اس نظام کا مقصد محصولات کے دائرے کو وسیع کرنا اور محصولاتی نظم و ضبط کو مزید مؤثر بنانا بھی تھا۔

جی ایس ٹی کی نمایاں خصوصیات

جی ایس ٹی کے ڈھانچے نے کئی اہم خصوصیات کو یکجا کیا جس میں اس بات کی وضاحت کی گئی کہ ٹیکس کیسے لگایا جائے گا اور اس کا انتظام کیسے کیا جائے گا ۔

نفاذ: جی ایس ٹی کے تحت ، سامان یا خدمات کی ’سپلائی‘  پر ٹیکس وصول کیا جاتا ہے ، بجائے اس کے کہ تیاری ، فروخت یا خدمت پر الگ سے ۔

صرف پر مبنی جی ایس ٹی نظام: جی ایس ٹی منزل پر مبنی کھپت ٹیکس ہے ۔  اس کا مطلب ہے کہ ٹیکس اس ریاست کو جمع ہوتا ہے جہاں آخر کار سامان یا خدمات استعمال (صرف) کی جاتی ہیں۔

دائرۂ کار اور یکسانیت: یہ تقریباً تمام اشیا اور خدمات پر نافذ ہوتا ہے ، جس میں انسانی استعمال کے لیے الکحل والےشراب کو اس کے دائرہ کار سے باہر رکھا جاتا ہے۔   یہ ملک بھر میں مشترکہ ٹیکس کی شرحوں کو نافذ کرکے زیادہ یکسانیت بھی لاتا ہے ۔   ایسی5 اشیاء ہیں جن پر جی ایس ٹی کونسل کی منظوری کے بعد جی ایس ٹی لگایا جا سکتا ہے۔

جی ایس ٹی کونسل: کونسل جی ایس ٹی پر اہم فیصلوں کی رہنمائی کرتی ہے اور ملک بھر میں اس کے نفاذ کی حمایت کرتی ہے۔

اشیاء و خدمات ٹیکس کا نیٹ ورک (جی ایس ٹی این): جی ایس ٹی این ایک ایسی کمپنی ہے جس میں مرکز اور ریاستی حکومت کی برابر شراکت (50:50) ہے۔ یہ جی ایس ٹی نظام کے لیے مشترکہ ڈیجیٹل ڈھانچہ فراہم کرتی ہے۔ یہ مرکز، ریاستوں، ٹیکس دہندگان اور دیگر متعلقہ فریقوں کو مختلف ڈیجیٹل خدمات کے ذریعے سہولت فراہم کرتی ہے۔

دوہرا جی ایس ٹی نظام: جی ایس ٹی ایک دوہری ساخت پر مبنی نظام ہے، جس کے تحت اندرونِ ریاست فراہمی پر مرکز کی جانب سے مرکزی اشیاء و خدمات ٹیکس (سی جی ایس ٹی) اور ریاست کی جانب سے ریاستی اشیاء و خدمات  ٹیکس (ایس جی ایس ٹی) عائد کیا جاتا ہے۔ بین ریاستی فراہمی پر مربوط اشیاء و خدمات ٹیکس(آئی جی ایس ٹی) نافذ ہوتا ہے۔ آئی جی ایس ٹی کی شرح عمومی طور پر سی جی ایس ٹی اور ایس جی ایس ٹی کی مجموعی شرح کے برابر ہوتی ہے۔

جی ایس ٹی کی نئی نسل کی اصلاحات

اشیاء و خدمات ٹیکس(جی ایس ٹی) کونسل کے 56ویں اجلاس میں عام شہریوں کی زندگی کو زیادہ سہل بنانے اور کاروباری اداروں کے لیے محصولاتی طریقۂ کار کو آسان بنانے کے مقصد سے جی ایس ٹی کی نئی نسل کی اصلاحات کو منظوری دی گئی۔ ان اصلاحات کے تحت محصولاتی شرحوں اور استثناؤں پر نظرِ ثانی کی گئی، جو 22 ستمبر 2025 سے نافذ العمل ہوئیں۔جی ایس ٹی2.0 کے نام سے معروف یہ اصلاحات محصولاتی نظام میں اصلاحات کے ایک نئے مرحلے کی نمائندگی کرتی ہیں، جن سے اقتصادی نمو کے امکانات کو مزید تقویت ملنے کی توقع ہے۔

اس کی تفصیلی معلومات یہاں دستیاب ہیں: ‘‘جی ایس ٹی اصلاحات 2025: عام شہریوں کے لیے راحت، کاروبار کے لیے تقویت’’

کلیدی اقدامات

کم لاگت، وسیع اثرات

شرحوں میں کمی سے آگے بڑھتے ہوئے، جی ایس ٹی2.0 بھارت کے ترقیاتی دور کو تقویت دے رہا ہے، جس کے نتیجے میں لاگتوں میں کمی، قوتِ خرید میں اضافہ، محصولاتی تعمیل میں بہتری اور معاشی سرگرمیوں میں وسعت پیدا ہو رہی ہے۔ وسیع شعبہ جاتی دائرۂ کار کے ساتھ، جی ایس ٹی2.0 کا مقصد برآمدات، دستکاروں، کسانوں اور پائیدار صنعتی پیداوار کو فائدہ پہنچانا ہے۔

بہت چھوٹے وچھوٹےاور درمیانے کاروبار اور کم آمدنی والے ٹیکس دہندگان کے لیے تعمیل میں آسانی

وقت کے ساتھ ساتھ بہت چھوٹے، چھوٹے اور درمیانے کاروبار، نوآغاز اداروں (اسٹارٹس اپ)اور چھوٹے ٹیکس دہندگان کے لیے محصولاتی تعمیل کو آسان بنانے کے متعدد اقدامات کیے گئے ہیں۔

زیادہ رعایتیں: اپریل2019 سے اشیاء فراہم کرنے والوں کے لیے اشیاء و خدمات ٹیکس(جی ایس ٹی) کے تحت اندراج کی حد20 لاکھ روپے سے بڑھا کر40 لاکھ روپے کر دی گئی ہے۔ اسی طرح کمپوزیشن اسکیم کی حد بھی75 لاکھ روپے سے بڑھا کر1.5 کروڑ  روپے کر دی گئی ہے (بعض مخصوص ریاستوں کے علاوہ)۔

آسان تر گوشوارہ جاتی نظام (ریٹرن فائلنگ): سال 2020 میں سہ ماہی گوشوارہ جمع کرانے اور ماہانہ ادائیگی کے نظام (کیو آر ایم پی) کا آغاز کیا گیا، جس کے تحت سالانہ 5 کروڑ روپے تک کی آمدنی رکھنے والے ٹیکس دہندگان کو سہ ماہی بنیاد پر گوشوارے جمع کرانے کی سہولت دی گئی۔

مزید برآں، ایسے ٹیکس دہندگان جن کے کوئی لین دین نہ ہوں، وہ ماہانہ صفر گوشوارے حتیٰ کہ مختصر پیغامات (ایس ایم ایس) کے ذریعے بھی جمع کر سکتے ہیں۔

چھوٹے کاروبار اور ای –کامرسل سیلرز کے لیے سہولت: ای- کامرسل اداروں کے ذریعے اندرونِ ریاست اشیاء کی فراہمی کرنے والے چھوٹے ٹیکس دہندگان کو اکتوبر 2023 سے لازمی اندراج سے مستثنیٰ قرار دیا گیا ہے۔

اسی طرح کم خطرہ  والے درخواست دہندگان کے لیے سہل بنیادوں پر اندراج کا نظام متعارف کرایا گیا ہے، جس کے تحت تین کام کے دنوں کے اندر اندراج ممکن ہے۔

تنازعات اور سابقہ مطالبات میں نرمی: اپیل دائر کرنے کے لیے درکار پیشگی جمع شدہ رقم میں کمی کے لیے ترمیم کی گئی ہے۔

مزید برآں، بعض شرائط کے تحت مخصوص مطالباتی نوٹس پر سود اور جرمانے میں چھوٹ بھی دی گئی ہے، جو مالی سال 18-2017، 19-2018 اور 20-2019 پر محیط ہے۔

جی ایس ٹی کے تحت اعداد وشمار پر مبنی محصولاتی نظم ونسق کا فروغ

جی ایس ٹی اصلاحات نے محصولاتی نظم و نسق کو بتدریج ایک ٹیکنالوجی پر مبنی نظام کی طرف منتقل کیا ہے۔

اشیاء و خدمات  ٹیکس کا نیٹ ورک (جی ایس ٹی این) پورٹل اور  ای – انوائسنگ (برقی بلنگ) نے انتظامی عمل کو مزید شفاف بنایا ہے، کیونکہ اس کے ذریعے بلوں کے اعداد و شمار حقیقی وقت میں محفوظ کیے جاتے ہیں۔ اس سے دستی رپورٹنگ میں کمی، اعداد و شمار کی درستگی میں بہتری اور رپورٹنگ میں پائی جانے والی عدم مطابقت میں کمی واقع ہوئی ہے۔

خودکاری کے نظام نے ٹیکس دہندگان کے لیے گوشوارے جمع کرانے کے عمل کو بھی آسان بنایا ہے۔ فراہم کنندہ کی محصولاتی ذمہ داری اور خریدار کے ان پٹ ٹیکس کریڈٹ کے درمیان تطبیق نے نظام کو مزید منظم کیا ہے۔ پہلے سے بھرے گئے گوشوارے، آسان ہم آہنگی اور فوری تصدیق کے عمل نے غلطیوں میں کمی کی ہے اور مجموعی طریقۂ کار کو مزید سہل بنا دیا ہے۔

ان اقدامات کے اثرات محض انتظامی کارکردگی میں بہتری تک محدود نہیں رہے بلکہ انہوں نے بھارت کے وسیع تر معاشی استحکام میں بھی اہم کردار ادا کیا ہے۔ ان کے نتیجے میں محصولاتی وصولیاں زیادہ قابلِ پیش گوئی بنی ہیں، جس سے آمدنی میں مضبوطی اور مالیاتی شفافیت میں اضافہ ہوا ہے۔

محصولاتی باضابطگی کے ثمرات جی ایس ٹی کی نمو میں نمایاں

اشیاء و خدمات ٹیکس (جی ایس ٹی) کی وصولیاں معاشی سرگرمیوں کا ایک بلند تعدد(ہائی- فریکونسی) والا اشارہ بن گئی ہیں۔ بڑھتی ہوئی آمدنی نہ صرف زیادہ کھپت اور تجارت کی عکاسی کرتی ہے بلکہ ٹیکس دہندگان کے وسیع تر دائرۂ کار، مضبوط رپورٹنگ نظام اور بہتر تعمیل کی بھی نشاندہی کرتی ہے۔

جی ایس ٹی کے تحت ٹیکس دہندگان کی تعداد 2017 میں66.5 لاکھ سے بڑھ کر مئی2026 تک 1.65 کروڑ ہو گئی ہے، جو معیشت کی بڑھتی ہوئی باضابطگی کی طرف واضح اشارہ ہے۔

مجموعی جی ایس ٹی وصولیاں مالی سال 2018-2017 میں تقریباً7.4 لاکھ کروڑ روپے تھیں، جو بعد ازاں بتدریج مسلسل بڑھتی رہی ہیں۔

گزشتہ پانچ برسوں کے دوران یہ وصولیاں مالی سال 22-2021 میں تقریباً13.76 لاکھ کروڑ روپے سے بڑھ کر 26-2025 میں تقریباً 22.27 لاکھ کروڑ روپے تک پہنچ گئیں۔ یہ رجحان 27-2026 میں بھی برقرار رہا، جہاں اپریل تا مئی2026 کے دوران جی ایس ٹی وصولیاں تقریباً 4.37 لاکھ کروڑ روپے ریکارڈ کی گئیں۔

جی ایس ٹی کے اصلاحاتی سفر کا تسلسل

جی ایس ٹی ڈے کی اہمیت کسی تاریخی ٹیکس اصلاح کے آغاز کی یاد منانے سے کہیں بڑھ کر ہے۔ یہ بھارت کی اس مسلسل کوشش کی عکاسی کرتا ہے جس کا مقصد ایک سادہ، زیادہ شفاف اور مربوط بالواسطہ ٹیکس نظام قائم کرنا ہے۔ جی ایس ٹی2.0 کے تحت کی جانے والی اصلاحات اسی پیش رفت کو آگے بڑھاتے ہوئے شہریوں اور کاروباری اداروں کی ضروریات کو پورا کرتی ہیں اور بھارت کی وِکست بھارت کی جانب پیش رفت کو تقویت دیتی ہیں۔

حوالہ جات:

وزیر اعظم کا دفتر(پی ایم او)

https://www.pib.gov.in/PressReleasePage.aspx?PRID=2163986&lang=1&reg=3

وزارت خزانہ

https://www.indiabudget.gov.in/budget2017-2018/es2016-17/echap01_vol2.pdf

https://www.pib.gov.in/PressNoteDetails.aspx?ModuleId=3&NoteId=155151&reg=48&lang=2

https://dor.gov.in/concept-note-gst

https://cbic-gst.gov.in/pdf/01012018-GST-Concept-and-Status.pdf

https://gstcouncil.gov.in/about-us

https://sansad.in/getFile/loksabhaquestions/annex/186/AU2414_pElIGR.pdf?source=pqals

https://sansad.in/getFile/loksabhaquestions/annex/185/AU3545_9tJ3Tw.pdf?source=pqals

https://sansad.in/getFile/loksabhaquestions/annex/183/AU2272_Pzuq3S.pdf?source=pqals

https://sansad.in/getFile/loksabhaquestions/annex/187/AU1430_6jAjKo.pdf?source=pqals

https://tutorial.gst.gov.in/downloads/news/monthly_gst_data_for_mar_2026_for_publishing_final.pdf

https://tutorial.gst.gov.in/downloads/news/final_monthly_gst_data_for_may_2026_for_publishing.pdf

https://sansad.in/getFile/annex/250/AU233.pdf?source=pqars

https://www.gstn.org.in/

عالمی بینک

https://documents1.worldbank.org/curated/en/348501542614212003/pdf/India-develoment-Update-GST-December-2017.pdf

پریس انفارمیشن بیورو

https://www.pib.gov.in/PressNoteDetails.aspx?NoteId=154789&ModuleId=3&reg=48&lang=2

https://www.pib.gov.in/PressNoteDetails.aspx?NoteId=155151&ModuleId=3&reg=48&lang=1

https://www.pib.gov.in/PressNoteDetails.aspx?NoteId=155156&ModuleId=3&reg=48&lang=1

https://www.pib.gov.in/PressNoteDetails.aspx?ModuleId=3&NoteId=151915&reg=48&lang=2

پی ڈی ایف دیکھنے کے لیے کلک کریں۔

***

 ش ح۔م ح۔ش ت

Urdu No-9337