Social Welfare
প্রধান মন্ত্রী সুরক্ষিত মাত্রিত্ব অভিয়ান
ইনক্লুসিব মেতর্নেল হেল্থকেয়র দেলিভরীগী চহি তরারোম
Posted On:
08 JUN 2026 9:47PM
|
মরুওইবা ৱারোল
|
|
জুন ২০১৬তা হৌদোকখিবা প্রধান মন্ত্রী সুরক্ষিত মাত্রিত্বা অভিয়াননা মীরোনবী নুপীশিংদা, মরুওইনা অনিশুবা অমসুং অহুমশুবা ত্রাইমস্তরদা, লেম্না, মগুন লৈবা এন্তিনেতেল কেয়র ফংহল্লি। থা খুদিংগী তারিখ ৯ দা সরকারগী হকশেলগী ফেসিলিতীশিংদা পাংথোকপা, ইনিসিয়েতিব অসিনা খুদোংথীবা ঙন্না খঙদোকপা, মতম চানা মেদিকেল ইন্তরভেন্সন অমসুং অশোই অঙাম য়াওদনা মীরোলহন্নবা পান্দম থম্লি। ২০২৬গী জুন ৯দা চহী তরা মপুং ফারকপদা পি.এম.এস.এম.এ.গী মখাদা মীরোনবী নুপী কোতি ৭.৫০ হেনবনা এ.এন.সি. ২০২২দা হৌদোক্কদৌরিবা এক্সতেন্দ তৌরবা PMSMAনা রিস্ক ৱাংবা মীরোনবশিংগী ফোলো-অপ কেয়র অমসুং ত্রেকিংবু মপাঙ্গল কনখৎহল্লি।
|
মমাগী হকশেল করিগীদমক মরুওইরিবনো
মীরোনবী খুদিংমক্না ইমুং অদুগী খক্তা নত্তনা খুনাই অমসুং লৈবাক অসিগী তুংলমচৎকীদমকসু আশা লৈহল্লি। মরম অদুনা, অশোই অঙাম য়াওদনা মীরোনবা অমসুং মশা ফবা অঙাং পোকপা হায়বসি পব্লিক হেলথ অমসুং মীওইবগী চাউখৎ-থৌরাং অনিমক্তা তঙাইফদবা অমনি। অদুম ওইনমক, মীরোনবা মতমদা খুদোংথীবশিংসু য়াওরি। করিগুম্বা মখোয়শিং অসি মতম চানা খঙদোক্ত্রবদি, মমা অমসুং অঙাং অনিমক্কী পুন্সিদা খুদোংথীবা থোকহনবা য়াই। মমাগী হকশেল অসি লৈবাক অমগী হেল্থকেয়র সিস্তেমগী মপাঙ্গল অমসুং ইনক্লুসিবনেসকী খ্বাইদগী ময়েক শেংবা ইন্দিকেতর অমা ওইরি।
|
মেতরনেল মোর্তেলিতী রেসিও (MMR) হায়বসি করিনো?
মসি অকক্নবা মতমগী মনুংদা হিংনা পোকপা লাখ ১দা মমা শিবগী মশীং অদুনি। মমা অমা লৈখিদবা হায়বসি মীরোল্লিঙৈ মনুংদা নত্ত্রগা মীরোল্লিঙৈ নত্ত্রগা মদুগী মেনেজমেন্তগা মরী লৈনবা নত্ত্রগা মীরোল্লিঙৈগা মরী লৈননা খুদোংথীবা মরম্না কায়রবা মতুং নুমিৎ ৪২গী মনুংদা নুপী অমা লৈখিদবা অদুবু খঙনৈ। মসিদা খুদোংথীনিঙাই ওইবা নত্ত্রগা শোইবদগী ওইবা মরমশিং য়াওদে।
|
প্রধান মন্ত্রী সুরক্ষিত মাত্রিত্বা অভিয়ান (PMSMA) হৌদোক্ত্রিঙৈ মমাংদা, মমাগী শিবগী চাং অসি মীয়ামগী হকশেলগী অচৌবা শিংনবা অমা ওইখি। ২০১৪-১৬গী মনুংদা, ভারতকী মেতর্নেল মোর্তেলিতী রেসিও(MMR) অসি হিংনা অঙাং পোকপা লাখ অমদা ১৩০ ওইখি।
ফীভম অসিনা লৈবাক শিনবা থুংনা মমাগী হকশেলগী সর্ভিসশিং মপাঙ্গল কনখৎহনবগী তঙাই ফদবা অদু তাক্লি। মসিগী মথক্তা, ভারতনা ২০৩০ ফাওবদা মীরোনবীশিংগী শিবগী চাং ১০০,০০০গী মনুংদা ৭০গী মখাদা হন্থহন্নবা সস্তেনেবল দিবেলপমেন্ত গোল (এস.দি.জি.) মমাগী হকশেল অসি নেস্নেল হেল্থ পোলিসী, ২০১৭গী মখাদা মরুওইবা প্রাইওরিতী অমা ওইনা মশক খঙদোকখ্রে। মসিনা মীৎয়েং চঙবা অমসুং তুং কোইনা থবক লৌখৎপগী তঙাই ফদবা অদু মপাঙ্গল কনখৎহল্লি। অসিগুম্বা ফীভম অসিগা মরী লৈননা সরকারনা ২০১৬দা প্রধান মন্ত্রী সুরক্ষিৎ মেত্রিক্ভা অভিয়ান (পি.এম.এস.এম.এ.) হৌদোকখি।
প্রধান মন্ত্রী সুরক্ষিত মাত্রিত্বা অভিয়ান (PMSMA)
জুন ৯, ২০১৬দা হৌদোকখিবা পি.এম.এস.এম.এ.না মীরোনবী নুপীশিংদা - মরুওইনা মখোয়গী অনিশুবা অমসুং অহুমশুবা ত্রাইমস্তরদা লৈবা নুপীশিংদা - থা খুদিংগী ৯ দা মশক খঙদোক্লবা সরকারগী হকশেলগী ওইবা মফমশিংদা লেম্না অমসুং মপুং ফানা প্রেনেতেল কেয়র ফংহল্লি। প্রোগ্রাম অসিগী পান্দমদি ভারতকী নুপী খুদিংমক্তা, মখোয়না করম্বা মফমদা লৈবগে হায়বগী মরী লৈনদনা, অঙনবা মতমদা রিস্ক থিদোকপা, মতম চানা মেদিকেল ইন্তর্ভেন্সন অমসুং সেফতর প্রেগনেন্সিশিং ফংহনবা হায়বসিনি।
PMSMAগী সর্ভিস পেক্কেজ অসিদা ক্লিনিকেল একজামিনেসন, লেবোরেতরি ইন্সর্ভেসন (খুৎন অমসুং য়ুরিন তেস্ত), অলত্রাসোনোগ্রাফী, হিদাক-লাংথকশিং, অমসুং ন্যুত্রিসন, পোল্লিং অমসুং সেফ প্রেগনেন্সি প্রেক্তিসকী মতাংদা কাউন্সেলিং য়াওরি। মরুওইবা ফিচরশিং অদুদি:
- ওবষ্টেত্রিক্সন অমসুং গাইনেকোলোজিষ্ট নত্ত্রগা কমপ্রিহেনসিভ ইমর্জেন্সি ওবষ্টেত্রিক অমসুং ন্যুবোরন কেয়র (CEmONC) না কমপ্রিহেনসিভ অমসুং ক্বালিতী এন্তিনেটেল চেক-অপ অমা য়ামদ্রবদা পাংথোকপা।
- অনিশুবা নত্ত্রগা অহুমশুবা ত্রাইমস্তরগী মনুংদা কমপ্রিহেন্সিব ইমর্জেন্সী ওবষ্টেত্রিক অমসুং ন্যুবেনেল কেয়র (CEmONC) / বেসিক ইমর্জেন্সী ওবষ্টেত্রিক অমসুং ন্যুবেনেল কেয়র (BEmONC) ত্রেনিং ফংলবা দোক্তর।
- মশক খঙদোক্লবা পব্লিক হেল্থ ফেসিলিতীশিংদা স্পেসিয়েলাইজ এন্তিনেতেল কেয়র সর্ভিসশিংগীদমক মীরোনবী নুপীশিংবু মোবিলাইজ তৌবা।
- হাই রিস্ক প্রেগনেন্সি (HRP) অসি রিস্ক ফেক্তর 25গীদমক স্ক্রিনিং তৌদুনা মশক খংদোকপা অমসুং ঙল্লিঙৈ মতমদা মেনেজমেন্ট তৌবা।
- হকশেলগী মতেং পাংবশিংবু খ্বাইদগী নকপা অহানবা রিফরেল য়ুনিৎ (FRU) গা লিঙ্ক তৌদুনা সেফ ওইবা দেলিভরি অমা পাংথোকপা।
- পি.এম.এস.এম.এ. সর্ভিস পীনবগীদমক প্রাইবেৎ সর্ভিস প্রোভাইদরশিংগী ইম্পানেলেসন।
- সর্ভিস পেকেজ অসিদা মরুওইবা ঈ অমসুং য়ুরিনগী থিজিনবশিং অমসুং অলত্রাসোনোগ্রাফী য়াওরি।
- মীরোনবী নুপী খুদিংমক্তা ন্যুত্রিসন, মতিক চাবা পোকপগী থৌরাং অমসুং কমপ্লিকেসনগী শেম-শাবাগী মতাংদা কাউন্সেলিং পীবা।
|
হাই- রিস্ক প্রেগনেন্সি (HRP) কাংলুপশিং: HIV, সিফিলিস, শাথীবা এনেমিয়া, প্রেগনেন্সি- ইন্দুস হাইপরতেন্সন, গর্সেস্নেল দাইবেতিস মেলিতস, হাইপোথাইরোইদিজম, ত্যুবরকুলোসিস, মেলেরিয়া, প্রেভিয়স লৱর সেগ্মেন্ত সিজরিয়ান সেক্সন (LSCS), সেফালো- পেলভিক দিসপ্রোপোর্সন, বেদ ওবষ্টেত্রিক হিষ্টরি, ফাইবোক নত্ত্রগা মল্টিপল প্রেগনেন্সি, হেপাটাইটিস B, এবনোর্মেল ফেতল হার্ত রেত, ইনখৎলকপদা মীরোনবা, হায় ফিবর, রিপ্রদক্টিভ ত্রেক্ট ইনফেক্সনশীং/ সেক্সুএল্লি ত্রান্সমিটেদ ইনফেক্সনশীং (RTI/ STI), স্তিলবর্থ হিস্তরী, কঞ্জেন্টেল মেলফোর্মেন্স, নেগেতিব ব্লদ গ্রুপ, অর্লি প্রাইমি (নহা ওইনা অহানবা মীরোনবা), এলদর্লি প্রাইমি (চহি য়াম্লবা মতুংদা অহানবা মীরোনবা) গ্রান্দ মলতিপারা, শোর্ত স্তেত্যুর, অমসুং অতৈ অখন্নবা মেদিকেলগী নৎত্রগা ওবস্তেত্রিক কন্দিসনশিং।
|
মীরোনবী নুপীগী ফিভম অমসুং রিস্ক ফেক্টর তাকপা স্তিকার অমা ভিজিট খুদিংগী মমা অমসুং অঙাং প্রোতেক্সন কার্দতা হাপচিল্লি:
|
পি.এম.এস.এম.এ. সর্ভিসশিং কনা কনা ফংগদগে:
- মীরোনবী নুপীশীংনা মখোয়গী অনিশুবা ত্রিমেষ্টর (চয়োল 13-27গী মনুংদা) নত্ত্রগা অহুমশুবা ত্রিমেষ্টর (28দগী অঙাং পোকপা ফাওবা) দা।
- থা খুদিংগী নুমিৎ 9দা সরকারগী হকশেলগী ফেসিলিতীশিংদা চৎপা পাম্বা ভারত্তা লৈবা ভারতকী নাগরিকশিং।
- য়াম্না খুদোংথীবা লৈবা মীরোনবা কেসশিংদা অহানবা মীৎয়েং অমসুং ফোলোৱপ কেয়র পীরি।
- মহৌশানা প্রেনেতেল কেয়রদগী পোত্থারবা নুপীশিংবু শরুক য়ানবা থৌনা লৈনা পুক্নিং থৌগৎলি।
|
দোক্তর ভোলুন্তিয়র সিস্তেম
প্রোগ্রাম অসিনা ওবি-গাইনো-স্পেসিয়েলিস্তশিং, রেদিওলোজিস্তশিং, অমসুং প্রাইবেৎ সেক্তরদগী লাকপা দোক্তরশিংবু থা খুদিংগী ৯শুবা নুমিত্তা মখোয়গী মতম ভোলুন্তিয়র ওইনা থাদনবগীদমক থাগৎলি। প্রধান মন্ত্রী মশামক্না 'মন কী বাৎ'কী থৌরমদা দোক্তরশিংদা চহি অমদা নুমিৎ ১২ খক্তমক মসিগী মরম অসিদা কৎথোক্নবা হায়খি। দোক্তরশিংনা ওফিসিএল PMSMA পোর্তেলগী খুত্থাংদা রেজিস্তর তৌবা য়াগনি । ভোলুন্তরীশিং অসি মখোয়গী কন্ত্রিব্যুসনশিংগীদমক IPledgeFor9' এচিবর্স এৱার্দশিংগী খুত্থাংদা শকখঙনরি।
ভারত পুম্বদা য়ৌবা হেনগৎহনবা
মমাগী হকশেলগী মতাংদা মীৎয়েং থম্বা খোঙথাং অমা ওইনা হৌরকখিবা অসি লৈবাক শীনবা থুংনা চৎথরকপা খোঙথাং অমা ওইরকখি। হৌদোকখিবা মতমদগী হৌনা, পি.এম.এস.এম.এ.না দিস্ত্রিক্তশিং, হকশেলগী খুদোংচাবশিং, অমসুং কম্ম্যুনিতীশিংদা মপুং ফানা য়ৌহনবা হেনগৎলক্লি।
মরুওইনা, ভারতনা মেতর্নেল মোর্তেলিতী রেসিওদা পোইন্ত ৪৩ হন্থহনখ্রে। মসি ২০১৪-১৬ অমসুং ২০২২-২৪গী মরক্তা অহিংবা পোকপা লাখ অমদা মমাগী শিবা ১৩০দগী ৮৭দা হন্থহনখ্রে।
পাক চাউবা PMSMA: ফোলো অপ কেয়র মপাঙ্গল কনখৎহনবা
রিস্ক ৱাংবা মীরোনবশিং মশক খঙদোকপা অসি অহানবা খোংথাংখক্তনি হায়বা খঙলদুনা, সরকারনা মখা তাবা কেয়র মপাঙ্গল কনখৎহন্নবা জনুৱারী ২০২২দা এক্সতেন্দ পি.এম.এস.এম.এ. স্ত্রাতেজী হৌদোকখি। ইনিসিএতিব অসিনা রিস্ক ৱাংনা লৈবা নুপীশিংদা এন্তিনেতেল চেক-অপশিং, লেপ্পা লৈতনা য়েংশিনবা অমসুং মীরোল্লিঙৈদা মতম চানা মেদিকেল সপোর্ত ফংহনবদা থাজবা পীরি। য়াম্না খুদোংথিনিংঙাই ওইবা মীরোনবা খুদিংমকপু সেফ দেলিভরি অমা ফংদ্রিবা ফাওবা মশা মথন্তা ত্রেক তৌই। অদুগা, বেনিফিসরী অমসুং মহাক্কা লোয়নরিবা এক্রেদিতেদ সোসিএল হেল্থ এক্তিবিস্ত (এ.এস.ঐচ.এ.) ৱার্কর অনিমকপু অহুম ফাওবগী অহেনবা ভিজিৎকীদমক্তা শেলগী ওইবা ইন্সেন্তিবশিংনা মতেং পাংই। এচ.আর.পি.গী রেজিস্ত্রেসন তৌনবা অমসুং মখা তাবা ভিজিৎ তৌনবগীদমক বেনিফিসরি অমসুং আশা ৱার্করদা এস.এম.এস.এ.এলর্তশিং থাগৎলি।
অতোপ্পা মেতর্নেল হেল্থ ইনিসিএতিবশিংগা লোইননা থবক শুমিন্নবা
PMSMA না তোঙান্না থবক তৌদে। মসিনা সরকারনা পায়খৎলিবা মমা অমসুং অঙাংশিংগী হকশেলগী প্রোগ্রামশিংগী অচৌবা ইকোসিস্তেম অমগী শরুক অমা ওইনা তৌরি।
• জননী সুরক্ষ য়োজনা (JSY) না ইন্সতিত্যুস্নেল দেলিভরিশিং প্রোমোট তৌরি। ২০১৪-১৫দগী হৌদুনা ২০২৫গী মার্চ ফাওবদা মসিনা নুপী কোতি ১১.৯৬ হেন্না কান্নবা ফংহনখ্রে।
• জননী শিশু সুরক্ষা কর্মক্রম (JSSK) না মীরোনবী নুপীশিং অমসুং নৌনা পোক্লিবা অঙাংশিংদা লেম্না হকশেলগী সেবা পীরি। ২০১৪-১৫দগী হৌরগা, স্কিম অসিগী মখাদা কান্নবা ফংলবা কান্নবা ফংলবা নুপী করোর ১৮.০৫ হেনখ্রে।
• সুরকশিৎ মাতৃত্বা আশ্বসন (সুমন) না ফেসিলিতী 99,290 হেনবগী নেৎৱর্ক অমগী খুত্থাংদা মেতরনেল হেল্থকেয়রগী মগুন হেনগৎহল্লি।
• অতোপ্পা খোংথাংশিং হায়বদি প্রধান মন্ত্রীগী ওভরআর্কিং স্কিম ফোর হোলিস্তিক ন্যুত্রিসন (পোশন) অভিয়ান, প্রধান মন্ত্রী মাত্রু ভন্দনা য়োজনা (পি.এম.এম.ভি.ৱাই.), অমসুং লেবর রুম ক্বালিতী ইমপ্রুভমেন্ত ইনিসিয়েতিব (লক্স্যা) অসিনা মমাগী পুথোক-পুশিন, মমাগী কান্নবশিং অমসুং লেবর রুমশিংদা পীরিবা কেয়রগী ক্বালিতী অসি য়েংশিল্লি।
প্রোগ্রামশিং অসিনা পুন্না মমা অমসুং নৌনা পোকপা অঙাংশিংগী হকশেলগীদমক মপুং ফাবা ফ্রেমৱার্ক অমা শেম্মি।
PMSMA গী চহি ১০ পালন তৌবা
সরকারনা পি.এম.এস.এম.এ.গী চহী ১০ মপুং ফারকপগী থৌরম অসি মখাগীশিং অসিগা লোয়ননা পাংথোক্লি:
• আয়ুশ্মান আরোগ্য শিৱিরশিং অসি আয়ুশ্মান আরোগ্য মন্দির লাখ ১.৮দা লৈরে: লৈবাক অসিগী আয়ুশ্মান আরোগ্য মন্দির লাখ ১.৮দা ক্বালিতী এন্তিনেতেল কেয়র (এ.এন.সি.) পীরি।
ভিলেজ হেল্থ সেনিতেসন এন্দ ন্যুত্রিসন দে (ভি.ঐচ.এস.এন.দি.), জন আরোগ্য সমিতি (জে.এ.এস.) অমসুং সেল্ফ হেল্প গ্রুপ (এস.ঐচ.জি.) গী খুত্থাংদা কম্ম্যুনিতী এৱারনেস প্রোগ্রামশিং পাংথোক্লি।
দিস্ত্রিক্ত হোস্পিতালশিং/ সব-দিস্ত্রিক্ত হোস্পিতালশিং/ ফার্স্ত রেফরেল য়ুনিৎশিং (এফ.আর.য়ু.) অমসুং অতোপ্পা পি.এম.এস.এম.এ.গী মশক খঙদোক্লবা ফেসিলিতীশিংদা অখন্নবা পি.এম.এস.এম.এ. সেসন পাংথোক্লি।
লাক্কদবা চহি তরারোমদসু মাংজিল থাগনি
হৌখিবা চহী তরা অসিদা, প্রধান মন্ত্রী সুরক্ষিত মেত্রিৎবা অভিয়াননা ভারত্তা এন্তিনেতেল কেয়র ফংহনবদা অহোংবা পুরকখ্রে। মগুন লৈবা মমাগী হেল্থকেয়র অসি হৌজিক হেন্না এক্সেসিবল, সিস্তেমেতিক অমসুং রেস্পোন্সিব ওইরে। য়াম্না খুদোংথিনিংঙাই ওইবা মীরোনবশিং ঙন্না খঙদোকপা, চাং নাইনা য়েংশিনবা অমসুং মতম চানা মেদিকেল ইন্তরভেন্সনগী থোংদা, প্রোগ্রাম অসিনা লৈবাক শিনবা থুংনা মমাগী হকশেলগী সর্ভিসশিং মপাঙ্গল কনখৎহনবদা মতেং পাংলি অমসুং মমা অমসুং নৌনা পোক্লিবা অঙাংশিংগী হকশেল ফগৎহনবদা মতেং পাংলি। পি.এম.এস.এম.এ.না উৎখ্রে মদুদি ক্বালিতী হেল্থকেয়রনা নুপীশিংদা অচুম্বা মতমদা ফংলবদি, মসিনা পুন্সি কনবা, কমপ্লিকেসনশিং থীংবা অমসুং ইমুং অমসুং তুংগী চারোন-শুরোনগীদমক হেন্না হকচাং ফনা হৌরকপা ঙমহল্লি।
ভারতনা বিক্সিত ভারত@2047গী মায়কৈদা চংশিল্লকপগা লোয়ননা, পি.এম.এস.এম.এ.না মীরোনবা খুদিংমক হেন্না সেফ ওইহন্দুনা অমসুং মমা খুদিংমক্না মথৌ তাবা কেয়র ফংহন্দুনা মমাগী হকশেলগী লমদা অহোংবা পুরকপা মখা চত্থগনি। হৌখিবা চহী তরা অসিদা মমা মচাগী শিবগী চাং অসি ১৩০দগী ৮৭দা হন্থরকপা অসিনা মতৌ করম্না মীৎয়েং চঙনা থবক লৌখৎপা অসিনা মীওই লিশিং কয়াগী পুন্সি কনবা ঙমগনি হায়বদু উৎলি। লেপ্পা লৈতনা হোৎনদুনা অমসুং পুন্না থবক তৌমিন্নদুনা, পি.এম.এস.এম.এ.না নুপী অমত্তনা পুন্সি পীবদা মাগী পুন্সি মাংহন্দবা, হেন্না হকচাং ফবা অমসুং হেন্না চাউখৎপা ভারত অমগী য়ুম্ফম মপাঙ্গল কনখৎহনবদা মতেং পাংগনি।
রিফরেন্সশিং:
প্রেস ইনফোর্মেসন ব্যুরো
Press Release: Press Information Bureau
প্রধান মন্ত্রীগী লোইশঙ
হকশেল অমসুং য়াইফ য়ুম্বাল মন্ত্রালয়
অতৈ অতোপ্পশিং
pdf য়েংবীনবগীদমক মসিদা নম্বীয়ু
***
(Explainer ID: 158849)
आगंतुक पटल : 17
Provide suggestions / comments