पत्र सूचना कार्यालय

পুৱারীগী ওইবা মরীদগী পাক-চাওবা স্ত্রাতেজিক পার্তনরশিপ অমদা

ভারত অমসুং য়ুনাইতেদ আরব ইমিরেতসনা ললোন-ইতিক, কলচরেল একচেঞ্জ অমসুং আরব সমুদ্রগী অকোয়বদা লৈরিবা কম্ম্যুনিতীগী মরক্তা লৈরিবা অচেৎপা মরীশিংনা শেম্বা মতম শাংনা লৈরক্লবা মরী অমা লৈনরি। পর্লশিং, দেতশিং, স্পাইসশিং, তেক্সতাইল, অমসুং ফিশরিশিংগী লমদা ললোন-ইতিক্না নোংচুপ থংবা ভারত অমসুং গল্ফ রিজনগা চহি চা কয়া ফাওবা শম্নখি। ফোর্মেল দিপ্লোমেতিক রিলেসনশিপশিং অসি ইং 1972দা লিংখৎখি, মসিগী মতুংদা আবু ধাবি অমসুং ন্যু দিল্লীদা এম্বেসীশিং হাংদোকখি।

2015দা প্রধান মন্ত্রী, নরেন্দ্র মোদীনা UAEগী খোংচৎ চৎলবা মতুংদা নাকল অনিগী ওইবা মরীদা অনৌবা খোংজেল অমা লাকখি। মসি চহি 34গী মতুংদা ভারতকী প্রধান মন্ত্রী অমনা চৎখিবা অহানবা খোংচৎনি। প্রধান মন্ত্রী, মোদীনা 2014দগী হৌরগা UAEদা খোংচৎ তরেৎ চৎখ্রে অমসুং UAEগী রাস্ত্রপতি শেখ মোহমদ বিন জায়েদ অল নাহিয়াননা ভারত্তা খোংচৎ মঙা চৎখ্রে। হায়রিবা মতম অসিদা, ত্রেদ, ইনভেস্তমেন্ত, ইনর্জী, তেক্নোলোজী, দিফেন্স অমসুং দিজিতেল ইকোনোমীদা তেংবাং পীনবা হেনগৎলকখি। UAE অসি হৌজিক্তি ভারতকী খ্বাইদগী চাউবা ত্রেদ পার্তনর অমা, মরুওইবা ইনর্জী সপ্লাইয়র অমা, ইনফ্রাস্ত্রকচর অমসুং রিন্যুৱেবল ইনর্জীদা মরুওইবা ইনভেস্তর অমা ওইরে।

ত্রেদ অমসুং ইনভেস্তমেন্তকী মরীশিং: লৈবাক অনিগী মরক্তা নাকল অনিগী ওইবা পোৎলমগী ত্রেদ অসি অহানবা ওইনা US$ বিল্লিয়ন 100 হেনগৎলক্তুনা FY 2025-26দা US$ বিল্লিয়ন 101.25 য়ৌরে। নাকল অনিমক্না বাইলেতরেল ত্রেদ অসি 2032 ফাওবদা US$ বিলিয়ন 200দা শরুক অনি ওইহন্নবা ফিরেপ লৌখ্রে।

ইনভেস্তমেন্ত অসিসু বাইলেতরেল রিলেসনশিপকী মরুওইবা মচাক অমা ওইরক্লি। লৈবাক অনিমক্না 2024গী ফেব্রুৱারীদা বাইলেতরেল ইনভেস্তমেন্ত ত্রেতিদা খুৎয়েক পীনখি অমসুং মসি 2024গী ওগস্ত 31দগী চৎনবা হৌখি। এপ্রিল 2000দগী মার্চ 2025 ফাওবদা, UAEদগী ভারত্তা লাকপা অপুনবা FDI অসি US$ বিল্লিয়ন 25.19 ওইখি, মসিনা UAEবু ভারত্তা খ্বাইদগী চাউবা মপান লৈবাক্কী ইনভেস্তরগী 7শুবা মফমদা থমখি। UAEগী ইনভেস্তমেন্তশিং অসি রিয়েল ইস্তেত, ইনফ্রাস্ত্রকচর, ইনর্জী, প্রাইভেত ইক্বিতী অমসুং ফাইনান্সিয়ল সর্ভিসশিংগুম্বা সেক্তরশিংদা মীৎয়েং থমদুনা মখল কয়াগী ওই। UAEগী সোভরেন ৱেল্থ ফন্দশিং (SWF) না ভারত্তা মপাঙ্গল কন্না লৈরি। ভারত অমসুং UAEগী মরক্তা লোকেল কারেন্সি সেতলমেন্ত (LCS) সিস্তেম লৈরে, মসিনা নাকল অনিগী ওইবা ললোন-ইতিক অমসুং রেমিতেন্সশিং INR অমসুং IEDদা সেতলমেন্ত তৌবা ঙমহল্লি, মসিনা দোল্লরদা মখা পোনবা অমসুং ত্রাঞ্জেক্সন কোস্ত হন্থহল্লি।

ইনর্জী ত্রেদ: ভারত অমসুং UAEনা অখন্ননা হায়দ্রোকার্বন সেক্তরগী লমশিংদা নক্ননবা অমসুং দাইনামিক ওইবা পার্তনরশিপ অমা লৈরি। FY 2024-25দা, UAEনা ক্রুদ ওইলগী খ্বাইদগী চাউবা মরিশুবা সোর্স, LNGগী খ্বাইদগী চাউবা অহুমশুবা সোর্স, LPGগী খ্বাইদগী চাউবা সপ্লাইয়র অমসুং ভারতকী অরোইবা পেত্রোলিয়ম প্রদক্তশিংগী খ্বাইদগী চাউবা অনিশুবা এক্সপোর্ত দেস্তিনেসন ওইখি। হৌজিক্তি, UAE অসি ভারতকী স্ত্রাতেজিক পেত্রোলিয়ম রিজর্ব প্রোগ্রামদা শরুক য়াবা লৈবাক অমখক্তনি।

বাইলেতরেল কনেক্তিবিতী: ইনর্জী অমসুং ত্রেদকী মথক্তা, কনেক্তিবিতী অমসুং লোজিস্তিক কোওপরেসন অসি বাইলেতরেল পার্তনরশিপকী মরুওইবা য়ুম্বী অমা ওইনা থোক্লক্লি। লৈবাক অনিমক্না মেরিতাইম কনেক্তিবিতী মপাঙ্গল কনখৎহন্নবা হোৎনরি

দিফেন্স কোওপরেসন: ভারত অমসুং UAEগী মরক্তা বাইলেতরেল দিফেন্স কোওপরেসন অসি বাইলেতরেল রিলেসনশিপকী অতোপ্পা লমশিংগা লোয়ননা লেপ্পা লৈতনা হেনগৎলক্লি। মসি মন্ত্রালয়গী থাক্তা জোইন্ত দিফেন্স কোওপরেসন কমিতী (JDCC)গী খুত্থাংদা চলাইরি। জুন 2003দা দিফেন্স কোওপরেসনগী MoU সর্ভিস হেদক্বার্তরগী থাক্তা, সর্ভিস (আর্মী, নেভী অমসুং এয়র) স্তাফকী ৱারী শানবশিং অসি সেক্যুরিতী অমসুং দিফেন্স কোওপরেসনগী লম্বীশিং খন্ননবা চহি খুদিংগী পাংথোকই।

মীয়ামগা মীয়ামগগী মরক্তা লৈনরিবা মরী: UAEদা মপান্দগী লাকপা মীওইশিংগী মনুংদা ভারত মচাশিংনা খ্বাইদগী চাউবা কাংলুপ অমা ওইরি। মখোয়না UAEগী শেন্মিৎলোন অমসুং খুন্নাইগী য়ুম্বী শেম্মি। মখোয়গী য়াইফ-থৌরাং অসি লৈবাক অনিমক্তা য়াম্না মরু ওই। মালেমগী শেন্মিৎলোনগী শিংনবশিং লৈজরবসু, দাইস্পোরা অসি ভারত্তা শেল থাদবগী লেপ্পা লৈতবা সোর্স অমা ওইরি। মসিনা ফোরেক্স রিজর্বশিংদা অফবা শাফু অমা পীরি।

2026গী মে 15: প্রধান মন্ত্রীনা UAEদা চৎপা

প্রধান মন্ত্রী, শ্রী নরেন্দ্র মোদীনা 2026গী মে 15দা য়ুনাইতেদ আরব ইমিরেতসতা চৎখি অমসুং UAEগী রাস্ত্রপতি শেখ মোহমদ বিন জায়েদ অল নাহিয়ানগা ৱারী শানখি। খোঙচৎ অসিনা নাকল অনিগী ওইবা স্ত্রেতেজিক পার্তনরশিপকী মপাঙ্গল কনখৎলক্লিবা অদু অমুক হন্না ফোংদোকখি। লৈবাক অনিমক্না স্ত্রেতেজিক, ইকোনোমিক, তেক্নোলোজিকেল অমসুং সোসিএল সেক্তরশিংদা তেংবাং পীনবা হেঙ্গৎহন্নবা অচেৎপা ৱাফম থমখি। ৱারী শানবদা রেসিলিয়েন্ত সপ্লাই চেনশিং, মতম শাংনা চৎথগদবা ইকোনোমিক কোলাবোরেসন, অমসুং রিজনেল অমসুং গ্লোবেল প্রাইওরিতিশিংদা হেনগৎলক্লিবা কনভর্জেন্সকী মতাংদসু অকনবা ৱাফম থমখি।

মরুওইবা ফল অমসুং মসিগী স্ত্রেতেজিক ইম্পোর্তেন্স

প্রধান মন্ত্রীগী খোঙচৎ অসিনা ভারত-UAEগী মরক্তা লৈরিবা নাকল অনিগী ওইবা মরী পাকথোক চাউথোকহনবদা অতোপ্পা মরুওইবা খোংথাং অমা উৎলি। মসিগী ফলশিং অসি লৈবাক অনিগী মরক্তা হেনগৎলক্লিবা স্ত্রেতেজিক কন্ভর্জেন্স অদু উৎলি। মসিনা অশাংবা মতমগী ওইবা শেন্মিৎলোনগী রেসিলিয়েন্স, তেক্নোলোজিকেল কোলাবোরেসন অমসুং রিজনেল কনেক্তিবিতী মপাঙ্গল কনখৎহল্লগনি।

আউতকম 1: ইন্দিয়ন স্ত্রেতেজিক পেত্রোলিয়ম রিজর্বস লিমিতেদ (ISPRL) অমসুং অবু ধাবী নেস্নেল ওইল কম্পনী (ADNOC) গী মরক্তা স্ত্রেতেজিক কোলাবোরেসনগী মতাংদা MoU

য়ানা ৱারোল অসিনা হায়দ্রোকার্বন সেক্তরদা হেন্না চেৎশিল্লবা কোওপরেসনগী থোংদা ভারতকী ইনর্জী সেক্যুরিতী মপাঙ্গল কনখৎহল্লগনি। মসিনা মরুওইবা ইনর্জীগী রিসোর্সশিংদা থাজবা য়াবা এক্সেস ফংহল্লগনি। পার্তনরশিপ অসিনা ভারতকী স্ত্রাতেজিক পেত্রোলিয়ম রিজর্ব ফ্রেমৱার্কসু হেনগৎহনগনি। মসিনা মালেমগী ওইবা সপ্লাই থিংজিনবা অমসুং ইনর্জী মার্কেত ভোলতেলিতীগী মায়োক্তা রেজিলিয়েন্স হেনগৎহনগনি।

এগ্রীমেন্ত অসিনা লিক্যুইফাইদ নেচরেল গ্যাস (LNG) অমসুং লিক্যুইফাইদ পেত্রোলিয়ম গ্যাস (LPG) স্তোরেজ ইনফ্রাস্ত্রকচরদা অনৌবা খুদোংচাবশিং পীগনি। মসিনা ইনর্জী সোর্সশিং দাইভর্সাইফাই তৌনবা অমসুং স্তোরেজ কেপাসিতী হেঙ্গৎহন্নবা ভারতনা হোৎনরিবা অসিদা মতেং পাংগনি। পার্তনরশিপ অসিনা সেক্যুর ওইবা অমসুং তুংলমচৎকীদমক শেম-শারবা ইনর্জী ইকোসিস্তেম অমা শেমগৎপদা মতেং পাংগনি।

আউতকম 2: ইন্দিয়ন ওইল লিমিতেদ (IOCL) কম্পেনী অমসুং অবু ধাবী নেস্নেল ওইল কম্পেনী (ADNOC)গী মরক্তা লিক্যুইফাইদ পেত্রোলিয়ম গ্যাস (LPG) সপ্লাই তৌনবা স্ত্রেতেজিক কোলাবোরেসন এগ্রীমেন্ত

তেংবাং পীনবা অসিনা লিশাং-শিৎনা ভারতকী LPG সপালি সেক্যুরিতী লৈহল্লগনি। মসিনা দোমেস্তিক দিমান্দগীদমক্তা স্তেবল অমসুং থাজবা য়াবা ইনর্জী সোর্স অমা লৈহল্লগনি। অনৌবা খোংথাং অসিনা লৈবাক অনিগী মরক্তা স্ত্রেতেজিক ইনর্জী কোওপরেসন হেন্না চেৎশিলহল্লগনি। মসিনা UAEবু ভারতকী খ্বাইদগী থাজবা য়াবা ইনর্জী পার্তনর অমা ওইনা মপাঙ্গল কনখৎহল্লগনি।

আউতকম 3: স্ত্রেতেজিক দিফেন্স পার্তনরশিপকী ফ্রেমৱার্ক

ফ্রেমৱার্ক অসিনা লৈবাক অনিগী মরক্তা দিফেন্স ইন্দস্ত্রিয়েল কোওপরেসন মপাঙ্গল কনখৎহল্লগনি। মসিনা জোইন্ত পার্তনরশিপশিং, কো-দিবেলপমেন্ত, অমসুং ইন্দস্ত্রীদা হেন্না পুক্নিং থৌগৎকনি। এগ্রীমেন্ত অসিনা স্ত্রেতেজিক ওইবা সেক্তরশিংদা ইন্নোবেসন অমসুং তেক্নোলোজী শেয়র তৌনবা পুক্নিং থৌগৎকনি। মসিনা অৱাংবা থাক্কী দিফেন্স মেন্যুফেকচরিং অমসুং কেপাসিতীশিংদা মতেং পাংগনি। হেন্না পাক-চাওবা থাক অমদা, পার্তনরশিপ অসিনা নেস্নেল অমসুং রিজনেল সেক্যুরিতী কোওপরেসন হেঙ্গৎহল্লগনি হায়না পানরি।

আউতকম 4: কোচিন শিপয়ার্দ লিমিতেদ (CSL) অমসুং দ্রাইদোক্স ৱার্ল্দ (DDW) গী মরক্তা গুজরাতকী ৱাদিনরদা শিপ রিপেয়রিং ক্লস্তর লিংখৎনবা MoU

খোংথাং অসিনা শিপ্পিং, পোর্ত অমসুং কোস্তেল ইনফ্রাস্ত্রকচর চাউখৎহনগনি। মসিনা চাউখৎলক্লিবা মেরিতাইম অমসুং লোজিস্তিক্স হব অমা ওইনা ভারতকী থাক অদু মপাঙ্গল কনখৎহল্লগনি। তেংবাং পীনবনা মেরিতাইম লোজিস্তিক্স ইকোসিস্তেমসু ফগৎহনগনি। মসিনা জহাজ শেম্বগী অমসুং মসিগা মরী লৈনবা ইন্দস্ত্রীয়ল কেপাসিতীশিং হেনগৎহল্লগনি। মসিনা ললোন-ইতিক অমসুং কনেক্তিবিতীদা মতেং পাংগনি। পার্তনরশিপ অসিনা মেক ইন ইন্দিয়া ইনিসিয়েতিববুসু খুমাং চাউশিলহল্লগনি। মসিনা দোমেস্তিক মেন্যুফেকচরিং, ইনফ্রাস্ত্রকচর দিবেলপমেন্ত, অমসুং ইন্দিজিনেল মেরিতাইম কেপাসিতীশিং প্রমোৎ তৌগনি।

আউতকম 5: কোচিন শিপয়ার্দ লিমিতেদ (CSL), দ্রাইদোক ৱার্ল্দ (DDW) অমসুং সেন্তর ওফ এক্সেলেন্স ইন মেরিতাইম এন্দ শিপ বিল্দিং (CEMS)

এরেঞ্জমেন্ত অসিনা ভারতকী মেরিতাইম ৱার্কফোর্সকী কেপাসিতী মপাঙ্গল কনখৎহল্লগনি। মসিনা শিপ বিল্দিং অমসুং শিপ রিপেয়রিংদা অখন্নবা ত্রেনিং, তেক্নিকেল অপস্কিলিং অমসুং কেপাসিতী বিল্দিং শৌগৎকনি। ইনিসিয়েতিব অসিনা ভারত অসি স্কিল লৈরবা মেরিতাইম প্রোফেস্নেলশিংগী মালেমগী হব অমা ওইনা থোরকপদা মতেং পাংগনি। মসিনা ইন্দস্ত্রী-রেদী এক্সপর্তিজ মপাঙ্গল কনখৎহল্লগনি অমসুং মেরিতাইম সেক্তরদা খুদোংচাবশিং হেঙ্গৎহল্লগনি। কোলাবোরেসন অসিনা স্কিল ইন্দিয়া মিসনগী পান্দমশিংগা লোয়ন-লোয়ননা চৎনরি। মসিনা চাউখৎলক্লিবা মালেমগী মেরিতাইম ইন্দস্ত্রীগীদমক্তা তুংলমচৎকীদমক শেম-শারবা শিন্মীগী মচাক অমা শেমগৎপদা মতেং ওইরগনি।

আউতকম 6: CDAC, ভারত অমসুং G-42, UAEগী মরক্তা পার্তনরশিপতা এক্সাফ্লোপ সুপর কম্প্যুতিং ক্লাস্তর 8 লিংখৎনবগী তর্ম শীৎ

পার্তনরশিপ অসিনা ভারতকী সোভরেন AI অমসুং হাই-পর্ফোর্মেন্স কম্প্যুতিং কেপাসিতীশিং তুংকোইনা হেনগৎহল্লগনি। মসিনা লৈবাক অসিগী সুপরকম্প্যুতর ইনফ্রাস্ত্রকচর মপাঙ্গল কনখৎহল্লগনি। তেংবাং পীনবা অসিনা ইন্দিয়া AI মিসনসু হেনগৎহনগনি। মসিনা দিজিতেল ইন্নোবেসন, AI রিসর্চ অমসুং মথংগী জেনরেসনগী তেক্নোলোজিগী দিবেলপমেন্তদা মতেং পাংগনি।

আউতকম 7: UAEদগী ভারত্তা ইনভেস্তমেন্ত

ইনভেস্তমেন্তকী অচেৎপা ফিরেপশিং অসিনা লৈবাক অনিগী মরক্তা ইকোনোমিক অমসুং ফাইনান্সিয়েল কোওপরেসন মপাঙ্গল কনখৎহল্লগনি। মখোয়না ভারতকী ইনফ্রাস্ত্রকচর অমসুং বেঙ্কিং সেক্তরশিংদা শেল থাদবা হেনগৎহল্লগনি। অচেৎপা ফিরেপশিং অসিনা মতম শাংনা লাক্কদবা কেপিতেল ফ্লোশিং অমসুং ইনভেস্তরশিংগী থাজবা হেনগৎহনগনি। মখোয়না ভারতকী ইকোনোমিক দিবেলপমেন্ত অমসুং ইনফ্রাস্ত্রকচর পাকথোক চাউথোকহনবগী পান্দমদা মতেং পাংগনি।

অপুনবা ওইনা, প্রধান মন্ত্রীগী খোঙচৎকী ফলশিং অসিনা নাকল অনিগী মরীশিং অসি তুংলমচৎকী ওইবা স্ত্রেতেজিক পার্তনরশিপ অমদা ওন্থোকপগী মশক তাক্লি। কোওপরেসন অসি থাজবা, ইন্নোবেসন, অমসুং পুন্না চাউখৎমিন্নবা হায়বা ৱাফম অসিদা য়ুম্ফম ওই। এগ্রীমেন্তশিং অসিনা ইনর্জী, ললোন-ইতিক অমসুং ঙাকশেলগুম্বা ত্রেদিস্নেল সেক্তরশিংদা তেংবাং পীনবা হেনগৎহল্লি। মখোয়না ঙমখৈদা লৈরিবা তেক্নোলোজীশিং, লোজিস্তিক্স, দিজিতেল ইনফ্রাস্ত্রকচর অমসুং এদভান্স মেন্যুফেকচরিংদা অনৌবা খুদোংচাবা কয়াসু হাংহল্লি।

তুংলমচৎকীদমক শেম-শারবা ভারত-UAE পার্তনরশিপকী মায়কৈদা

ভারত অমসুং UAEগী মরক্তা লৈনরিবা মরী অসি ত্রেদিস্নেল ত্রেদ লিঙ্কেজদগী পাক-চাউবা স্ত্রেতেজিক পার্তনরশিপ অমদা ওন্থোকখ্রে। লেপ্পা লৈতনা পোলিতিকেল এঙ্গেজমেন্ত অমসুং ইকোনোমিক কোওপরেসন তৌবনা অহোংবা অসি পুরকখি। ঙসিদি, পার্তনরশিপ অসিনা ইনর্জী সেক্যুরিতী, ললোন-ইতিক, তেক্নোলোজী, ইনভেস্তমেন্ত অমসুং দিফেন্স কোওপরেসনগী লমশিংদশু কোনশিল্লি।

প্রধান মন্ত্রীগী 2026কী খোঙচৎকী মহৈশিং অসিনা নাকল অনিগী মরী হেন্না চেৎশিলহনখি। মখোয়না অনৌবা তেক্নোলোজীশিং, মেরিতাইম ইনফ্রাস্ত্রকচর, আর্তিফিসিয়েল ইন্তেলিজেন্স অমসুং স্ত্রেতেজিক ইন্দস্ত্রীশিংদা তেংবাং পীনবা হেনগৎহল্লি। লৈবাক অনিমক্না মখোয়গী শেন্মিৎলোন অমসুং জিওপোলিতিকেল প্রাইওরিতিশিং অসি মান্নহল্লকপগা লোয়ননা, পার্তনরশিপ অসিনা লাক্কদৌরিবা চহিশিংদা রিজনেল স্তেবিলিতী, শেন্মিৎলোনগী শাহৌ, অমসুং তেক্নোলোজীগী লমদা কুমাং চাউশিনবদা হেন্না চাউবা থৌদাং অমা লৌগনি হায়না থাজবা পীরি।

References:

1. এক্সতর্নেল এফিয়র্স মন্ত্রালয়

• https://www.mea.gov.in/Portal/ForeignRelation/India_UAE2024n.pdf
• রনধির জয়সৱাল, ওফিসিয়েল স্পোক্সপর্সন, এক্সতর্নেল এফিয়র্স মন্ত্রালয়  (MEA) https://x.com/i/status/2055211070340641206

2. প্রেস ইনফোর্মেসন ব্যুরো

• https://www.pib.gov.in/PressReleaseDetail.aspx?PRID=2261385&reg=3&lang=2

 pdf তা য়েংনবগীদমক্তা অসিদা ক্লিক তৌবীয়ু

***