पत्र सूचना कार्यालय

പ്രധാന വസ്തുതകൾ

• ഇന്ത്യൻ കയറ്റുമതിയുടെ 100% തീരുവയും ഇന്ത്യ-ന്യൂസിലൻഡ് സ്വതന്ത്ര വ്യാപാര കരാർ (FTA) ഒഴിവാക്കുന്നു
• 20 ബില്യൺ യുഎസ് ഡോളറിന്റെ നിക്ഷേപ വാഗ്ദാനം ദീർഘകാല സാമ്പത്തിക-തന്ത്രപ്രധാന സഹകരണം ശക്തമാക്കുന്നു
• ചെറുകിട-ഇടത്തരം സംരംഭങ്ങൾക്കും (MSME) വനിതാ സംരംഭകർക്കും ഈ കരാർ പ്രത്യേക ഊന്നൽ നൽകുന്നു
• ക്ഷീര, കാർഷിക മേഖലകളിലെ പ്രധാന താത്പര്യങ്ങൾ ഇന്ത്യ സംരക്ഷിക്കുന്നതിനൊപ്പം ടെക്സ്റ്റൈൽ, ലെതർ തുടങ്ങിയ തൊഴിലധിഷ്ഠിത മേഖലകൾക്ക് വൻ നേട്ടം പ്രദാനം ചെയ്യുന്നു.
• ന്യൂസിലൻഡ് ആദ്യമായി ആരോഗ്യ,പരമ്പരാഗത വൈദ്യശാസ്ത്ര സേവനങ്ങൾക്ക് സൗകര്യമൊരുക്കുന്നു
• STEM ബിരുദധാരികൾക്കും വിദഗ്ധ പ്രൊഫഷണലുകൾക്കും സ്റ്റുഡന്റ് മൊബിലിറ്റിയും പോസ്റ്റ് സ്റ്റഡി വർക്ക് വിസയും; 5,000 വിദഗ്ധ തസ്തികകളിലേക്ക് പുതിയ വിസ പാത തുറക്കുന്നു

നിക്ഷേപവും സാമ്പത്തിക സഹകരണവും

എഫ്.ഡി.ഐ പ്രതിബദ്ധത: ദീർഘകാല സാമ്പത്തിക ബന്ധങ്ങൾ ശക്തിപ്പെടുത്തിക്കൊണ്ട് ന്യൂസിലൻഡ് ഇന്ത്യയിൽ 20 ബില്യൺ യുഎസ് ഡോളർ നിക്ഷേപിക്കും.

നിക്ഷേപം, ഗവേഷണം, നൂതനാശയം, സാങ്കേതിക വിദ്യയുടെ കൈമാറ്റം, തൊഴിൽ നൈപുണ്യ വികസനം എന്നിവ പ്രോത്സാഹിപ്പിക്കുന്നതിനുള്ള സംയുക്ത തന്ത്രങ്ങൾ, പ്രത്യേകിച്ച് പുനരുപയോഗ ഊർജ്ജം, ഡിജിറ്റൽ സേവനങ്ങൾ, ആധുനിക അടിസ്ഥാന സൗകര്യങ്ങൾ എന്നീ മേഖലകളിൽ പൂർണ്ണമായും ഉൾപ്പെടുത്തിയിട്ടുണ്ട്.

നിക്ഷേപം നടപ്പിലാക്കുന്നതിലുണ്ടാകുന്ന ഏതൊരു കുറവും പരിഹരിക്കുന്നതിനുള്ള ഒരു ചട്ടക്കൂട് നൽകുന്നതിനായി കരാറിൽ ഒരു 'റീബാലൻസിങ് ക്ലോസ്' ഉൾപ്പെടുത്തിയിട്ടുണ്ട്. ഇതിലൂടെ ശക്തവും വ്യക്തവുമായ സാമ്പത്തിക ഫലങ്ങൾ ഉറപ്പാക്കുന്നു.

ജൈവ ഉത്പന്നങ്ങൾ: ഇരുപക്ഷവും തമ്മിലുള്ള ഉഭയകക്ഷി അംഗീകാര ക്രമീകരണം ഈ കരാറിലൂടെ നടപ്പിലാക്കും.

ബസ്മതി അരി, ചണവിത്തുകൾ, അറബിക്ക ചെറി AB, ഇസബ്ഗോൾ (Psyllium husk), സോയാബീൻ ഓയിൽ കേക്ക്, ഓർഗാനിക ബ്ലാക്ക് ടീ തുടങ്ങിയ ജൈവ ഉത്പന്നങ്ങൾ വിപണിയിൽ മുന്നേറ്റം നടത്തുമെന്ന് പ്രതീക്ഷിക്കുന്നു.

സാങ്കേതിക സഹായം: ആയുഷ്, ഓഡിയോ വിഷ്വൽ വ്യവസായങ്ങൾ, വിനോദസഞ്ചാരം, കായികം, പരമ്പരാഗത വിജ്ഞാന സംവിധാനങ്ങൾ എന്നിവയിൽ സഹകരിക്കാൻ ധാരണയായിട്ടുണ്ട്. ഈ സ്വതന്ത്ര വ്യാപാര കരാർ ഇന്ത്യയുടെ ആയുഷ് രീതികളെ അന്താരാഷ്ട്ര തലത്തിൽ പ്രോത്സാഹിപ്പിക്കുകയും മെഡിക്കൽ ടൂറിസത്തെ പ്രോത്സാഹിപ്പിക്കുകയും ഇന്ത്യയെ ഒരു ആഗോള വെൽനസ് ഹബ്ബായി ഉയർത്തിക്കാട്ടുകയും ചെയ്യുന്നു.

മേഖല

ഇന്ത്യൻ കയറ്റുമതി

താരിഫ് കവറേജ്

സ്വാധീനവും അവസരവും

കാർഷികം

2023–24 സാമ്പത്തിക വർഷത്തിലെ 48.3 ബില്യൺ യുഎസ് ഡോളറിൽ നിന്ന് 7.3 ശതമാനം വളർച്ചയോടെ, 2024–25-ൽ ഇന്ത്യയുടെ ആഗോള കാർഷിക കയറ്റുമതി 51.8 ബില്യൺ യുഎസ് ഡോളറിലെത്തി.

ന്യൂസിലൻഡിലേക്കുള്ള കയറ്റുമതി 2023-24 സാമ്പത്തിക വർഷത്തിലെ 95.62 ദശലക്ഷം യുഎസ് ഡോളറിൽ നിന്ന് 2024-25 സാമ്പത്തിക വർഷത്തിൽ 108.21 ദശലക്ഷം യുഎസ് ഡോളറായി ഉയർന്നു.

പരമാവധി 5 ശതമാനമായിരുന്ന നികുതികൾ ഒഴിവാക്കി.

പ്രാഥമികവും ഭാഗികമായി സംസ്കരിച്ചതുമായ പച്ചക്കറികൾ: ഉണക്കിയ സവാള, സംസ്കരിച്ച പച്ചക്കറികൾ, ഭാഗികമായി സംസ്കരിച്ച ഉത്പന്നങ്ങൾ എന്നിവ പച്ചക്കറികളുടെയും ഹോർട്ടികൾച്ചർ ഉത്പന്നങ്ങളുടെയും കയറ്റുമതി സാധ്യതകൾ വർധിപ്പിക്കുന്നു.

എണ്ണകൾ, കൊഴുപ്പുകൾ, നിശ്ചിത വിപണി ലക്ഷ്യമാക്കിയുള്ള ഉത്പന്നങ്ങൾ: ഭക്ഷ്യ എണ്ണകൾ, മിഠായികൾ, ഐസ്‌ക്രീം, പ്രോട്ടീൻ ഉത്പന്നങ്ങൾ, കന്നുകാലി തീറ്റ എന്നിവ പ്രീമിയം, മൂല്യവർദ്ധിത കാർഷിക  ഉത്പന്നങ്ങളുടെ കയറ്റുമതിക്ക് കരുത്തേകുന്നു.

ധാന്യങ്ങൾ: ഇന്ത്യൻ ധാന്യങ്ങളുടെ ആഗോളതലത്തിലുള്ള മത്സരശേഷി മെച്ചപ്പെടുത്തുന്നു.

സംസ്കരിച്ച ഭക്ഷണം: റെഡി-ടു-ഈറ്റ് ഉത്പന്നങ്ങളുടെയും സംസ്കരിച്ച ഭക്ഷണങ്ങളുടെയും കയറ്റുമതിക്ക് ഗുണകരമാവുകയും ഇന്ത്യയുടെ ഭക്ഷ്യ സംസ്കരണ മേഖലയെ ശക്തിപ്പെടുത്തുകയും ചെയ്യുന്നു.

സമുദ്രം

2024 സാമ്പത്തിക വർഷത്തിലെ 6.8 ബില്യൺ യുഎസ് ഡോളറിൽ നിന്ന് 2025 സാമ്പത്തിക വർഷത്തിൽ ഇന്ത്യയുടെ ആഗോള സമുദ്രോത്പന്ന കയറ്റുമതി 7.0 ബില്യൺ യുഎസ് ഡോളറായി ഉയർന്നു.

ഇതേ കാലയളവിൽ ന്യൂസിലൻഡിലേക്കുള്ള കയറ്റുമതി 15.35 ദശലക്ഷം യുഎസ് ഡോളറിൽ നിന്ന് 15.89 ദശലക്ഷം യുഎസ് ഡോളറായി വർധിച്ചു.

സ്വതന്ത്ര വ്യാപാര കരാറിന് മുമ്പ് നികുതി നിരക്ക് പരമാവധി 5 ശതമാനം വരെയായിരുന്നു, ഇപ്പോൾ അത് പൂജ്യമായി കുറച്ചിരിക്കുന്നു.

സ്വതന്ത്ര വ്യാപാര കരാറിന് കീഴിലുള്ള നികുതിയില്ലാത്ത പ്രവേശനം വിപണിയിലെ കൂടുതൽ സാധ്യതകൾക്കും കയറ്റുമതി വളർച്ചയ്ക്കും പിന്തുണ നൽകുന്നു.

തീരദേശ സംസ്ഥാനങ്ങൾക്ക് നേട്ടമുണ്ടാക്കാൻ സാധിക്കുന്ന ഈ കരാർ, മത്സ്യത്തൊഴിലാളി സമൂഹങ്ങൾക്കും സമുദ്രോത്പന്ന കയറ്റുമതിക്കാർക്കും ഗുണകരമാകുമെന്ന് പ്രതീക്ഷിക്കുന്നു.

സ്വതന്ത്ര വ്യാപാര കരാർ കൊഞ്ച് കയറ്റുമതിയെ ശക്തിപ്പെടുത്തുമെന്നും കൂടുതൽ വൈവിധ്യമാർന്ന സമുദ്രോത്പന്നങ്ങളിലേക്ക് വ്യാപിക്കാൻ പ്രാപ്തമാക്കുമെന്നും പ്രതീക്ഷിക്കുന്നു.

തുണിത്തരങ്ങളും വസ്ത്രങ്ങളും

2023–24 സാമ്പത്തിക വർഷത്തിലെ 34.8 ബില്യൺ യുഎസ് ഡോളറിൽ നിന്ന് 6.1 ശതമാനം വളർച്ചയോടെ, 2024–25-ൽ ഇന്ത്യയുടെ ആഗോള വസ്ത്ര കയറ്റുമതി 36.9 ബില്യൺ യുഎസ് ഡോളറിൽ എത്തി.

ഇതേ കാലയളവിൽ ന്യൂസിലൻഡിലേക്കുള്ള കയറ്റുമതി 98.14 ദശലക്ഷം യുഎസ് ഡോളറിൽ നിന്ന് 103.14 ദശലക്ഷം യുഎസ് ഡോളറായി വർധിച്ചു.

സ്വതന്ത്ര വ്യാപാര കരാറിന് മുമ്പ് പരമാവധി നികുതി 10 ശതമാനം വരെയായിരുന്നു. നികുതിരഹിതമായ വിപണിപ്രവേശനം ഉറപ്പാക്കുന്നതിനായി ഇപ്പോൾ അത് പൂർണ്ണമായും ഒഴിവാക്കിയിരിക്കുന്നു.

ലോകത്തിന്റെ വിവിധ ഭാഗങ്ങളിൽ നിന്നുള്ള ന്യൂസിലൻഡിന്റെ വസ്ത്ര ഇറക്കുമതി പ്രതിവർഷം ശരാശരി 2.2 ബില്യൺ യുഎസ് ഡോളറാണ്.

ഈ മേഖല വനിതാ തൊഴിലാളികൾക്കിടയിലും ചെറുകിട ഇടത്തരം സംരംഭങ്ങളിലും വലിയ തോതിൽ തൊഴിലവസരങ്ങൾ സൃഷ്ടിക്കുമെന്ന് പ്രതീക്ഷിക്കുന്നു. വിപുലമായ വിപണി സാധ്യതകളിൽ നിന്ന് ഇവർക്ക് നേട്ടമുണ്ടാകുമെന്നും പ്രതീക്ഷിക്കുന്നു.

എഞ്ചിനീയറിങ് മേഖല

2024-25 സാമ്പത്തിക വർഷത്തിൽ ഇന്ത്യയുടെ ആഗോള എഞ്ചിനീയറിംഗ് കയറ്റുമതി 153.4 ബില്യൺ യുഎസ് ഡോളറായിരുന്നു.

2024-25 സാമ്പത്തിക വർഷത്തിൽ ന്യൂസിലൻഡിലേക്കുള്ള കയറ്റുമതി 136.34 ദശലക്ഷം യുഎസ് ഡോളറായിരുന്നു.

സ്വതന്ത്ര വ്യാപാര കരാറിന് മുമ്പ് ശരാശരി നികുതി നിരക്ക് പരമാവധി 10 ശതമാനം വരെയായിരുന്നു, ഇപ്പോൾ അത് ഒഴിവാക്കിയിരിക്കുന്നു.

ന്യൂസിലൻഡിന്റെ ലോകമെമ്പാടുമുള്ള ആകെ എഞ്ചിനീയറിംഗ് ഇറക്കുമതി ശരാശരി 23.3 ബില്യൺ യുഎസ് ഡോളറാണ്.

നികുതി ഒഴിവാക്കുന്നത് വിലയിലെ മത്സരശേഷി വർധിപ്പിക്കുകയും ഇന്ത്യൻ കയറ്റുമതിക്കാർക്ക് കൂടുതൽ വിപണി സാധ്യതകൾ നൽകുകയും ചെയ്യും.

ഈ സ്വതന്ത്ര വ്യാപാര കരാർ നിർമ്മാണ ക്ലസ്റ്ററുകളിലുടനീളം തൊഴിലവസരങ്ങൾ സൃഷ്ടിക്കുമെന്നും ഇന്ത്യൻ എഞ്ചിനീയറിംഗ് ഉത്പന്നങ്ങളുടെ വില കൂടുതൽ ആകർഷകമാക്കുമെന്നും പ്രതീക്ഷിക്കുന്നു.

തുകൽ

2024–25-ൽ ഇന്ത്യയുടെ ആഗോള തുകൽ കയറ്റുമതി 3.08 ബില്യൺ യുഎസ് ഡോളറായിരുന്നു.

2024–25-ൽ ന്യൂസിലൻഡിലേക്കുള്ള കയറ്റുമതി 6.23 ദശലക്ഷം യുഎസ് ഡോളറായിരുന്നു.

സ്വതന്ത്ര വ്യാപാര കരാറിന് (FTA) മുമ്പ് പരമാവധി നികുതി 10 ശതമാനം വരെയായിരുന്നു. ഇടത്തരം ഉത്പന്നങ്ങളെയും ഫിനിഷ്ഡ് ഉത്പന്നങ്ങളെയും ഉൾപ്പെടുത്തിക്കൊണ്ട് ഇപ്പോൾ അത് പൂജ്യമായി കുറച്ചിരിക്കുന്നു.

ഈ നടപടി പ്രധാന ഉത്പാദന സംസ്ഥാനങ്ങളിലെ തുകൽ നിർമ്മാതാക്കൾക്കും കരകൗശല തൊഴിലാളികൾക്കും ഗുണകരമാകും. കൂടാതെ ഈ മേഖലയിൽ ഏർപ്പെട്ടിരിക്കുന്ന ചെറുകിട ഇടത്തരം സംരംഭങ്ങൾക്കും (MSME) വനിതാ തൊഴിലാളികൾക്കും ഇത് കൂടുതൽ അവസരങ്ങൾ നൽകുകയും ചെയ്യുന്നു.

പാദരക്ഷകൾ

2024–25-ൽ ഇന്ത്യയുടെ ആഗോള പാദരക്ഷാ കയറ്റുമതി 2.5 ബില്യൺ യുഎസ് ഡോളറായിരുന്നു.

2024–25-ൽ ന്യൂസിലൻഡിലേക്കുള്ള കയറ്റുമതി 2.28 ദശലക്ഷം യുഎസ് ഡോളറായിരുന്നു.

സ്വതന്ത്ര വ്യാപാര കരാറിന്  മുമ്പ് പരമാവധി നികുതി 10 ശതമാനം വരെയായിരുന്നു, ഇപ്പോൾ അത് പൂജ്യമായി കുറച്ചിരിക്കുന്നു.

നികുതി ഒഴിവാക്കുന്നത് വിലയിലെ മത്സരശേഷി ഗണ്യമായി മെച്ചപ്പെടുത്തുമെന്നും വിപണിമാറ്റങ്ങളോട് വേഗത്തിൽ പ്രതികരിക്കുന്ന ന്യൂസിലൻഡ് വിപണിയിൽ ഉത്പന്നങ്ങളുടെ ആവശ്യം വർധിപ്പിക്കുമെന്നും പ്രതീക്ഷിക്കുന്നു.

കായിക ഉപകരണങ്ങൾ

2024–25-ൽ ഇന്ത്യയുടെ ആഗോള കായിക ഉപകരണ കയറ്റുമതി 571 ദശലക്ഷം യുഎസ് ഡോളറായിരുന്നു.

2024–25-ൽ ന്യൂസിലൻഡിലേക്കുള്ള കയറ്റുമതി 4.2 ദശലക്ഷം യുഎസ് ഡോളറായിരുന്നു.

സ്വതന്ത്ര വ്യാപാര കരാറിന് (FTA) മുമ്പ് നികുതി നിരക്ക് പരമാവധി 5 ശതമാനം വരെയായിരുന്നു, ഇപ്പോൾ അത് പൂജ്യമായി കുറച്ചിരിക്കുന്നു.

ഈ കരാർ കായിക ഉപകരണ നിർമ്മാതാക്കൾക്കും തൊഴിലാളികൾക്കും പ്രത്യേകിച്ച് നിലവിലുള്ള ഉത്പാദന കേന്ദ്രങ്ങളിലുള്ളവർക്ക് ഗുണകരമാകുമെന്ന് പ്രതീക്ഷിക്കുന്നു.

ഫാ‍ർമസ്യൂട്ടിക്കൽസ്

2023-24 സാമ്പത്തിക വർഷത്തിലെ 22.1 ബില്യൺ യുഎസ് ഡോളറിൽ നിന്ന് 10.8 ശതമാനം വളർച്ചയോടെ, 2024–25-ൽ ഇന്ത്യയുടെ ആഗോള ഫാ‍ർമസ്യൂട്ടിക്കൽ കയറ്റുമതി 24.5 ബില്യൺ യുഎസ് ഡോളറിൽ എത്തി.

2024–25-ൽ ന്യൂസിലൻഡിലേക്കുള്ള കയറ്റുമതി 57.51 ദശലക്ഷം യുഎസ് ഡോളറാണ്.

സ്വതന്ത്ര വ്യാപാര കരാറിന് മുമ്പ് നികുതി നിരക്ക് പരമാവധി 5 ശതമാനം വരെയായിരുന്നു, ഇപ്പോൾ അത് പൂജ്യമായി കുറച്ചിരിക്കുന്നു.

കഴിഞ്ഞ മൂന്ന് വർഷങ്ങളിൽ ലോകത്തിന്റെ വിവിധ ഭാഗങ്ങളിൽ നിന്നുള്ള ന്യൂസിലൻഡിന്റെ ശരാശരി ഫാ‍ർമസ്യൂട്ടിക്കൽ ഇറക്കുമതി 1.4 ബില്യൺ യുഎസ് ഡോളറാണ്.

തത്തുല്യമായ റെഗുലേറ്റർമാരിൽ നിന്നുള്ള GMP, GCP പരിശോധനാ റിപ്പോർട്ടുകൾ അംഗീകരിക്കുന്നതിലൂടെ ഔഷധങ്ങൾക്കും മെഡിക്കൽ ഉപകരണങ്ങൾക്കും വിപണിയിലേക്കുള്ള പ്രവേശനം സ്വതന്ത്ര വ്യാപാര കരാർ ലളിതമാക്കുന്നു.

ഇത് ആവർത്തിച്ചുള്ള പരിശോധനകൾ ഒഴിവാക്കാനും ചട്ടങ്ങൾ പാലിക്കുന്നതിനുള്ള ചെലവ് കുറയ്ക്കാനും ഉത്പന്നങ്ങളുടെ അംഗീകാരം വേഗത്തിലാക്കാനും സഹായിക്കും.

പ്ലാസ്റ്റിക് ഉത്പന്നങ്ങൾ

2025 സാമ്പത്തിക വർഷത്തിൽ ഇന്ത്യയുടെ ആഗോള പ്ലാസ്റ്റിക് കയറ്റുമതി 8.16 ബില്യൺ യുഎസ് ഡോളറായിരുന്നു.

ഇതേ കാലയളവിൽ ന്യൂസിലൻഡിലേക്കുള്ള കയറ്റുമതി 13.48 ദശലക്ഷം യുഎസ് ഡോളറാണ്.

സ്വതന്ത്ര വ്യാപാര കരാറിന് (FTA) മുൻപ് ശരാശരി നികുതി 5 ശതമാനം വരെയായിരുന്നു, ഇപ്പോൾ അത് ഒഴിവാക്കിയിരിക്കുന്നു.

ഈ കരാർ ഇന്ത്യൻ കയറ്റുമതിയുടെ വ്യാപനം വർധിപ്പിക്കുമെന്നും പ്രത്യേകിച്ച് വിലയിൽ മത്സരശേഷിയുള്ളതും ഉപഭോക്താക്കളുടെ താത്പര്യാനുസരണം നിർമ്മിച്ചതുമായ ഉത്പന്ന വിഭാഗങ്ങൾക്ക് മികച്ച പിന്തുണ നൽകുമെന്നും പ്രതീക്ഷിക്കുന്നു.

രത്നങ്ങളും ആഭരണങ്ങളും

2025 സാമ്പത്തിക വർഷത്തിൽ ഇന്ത്യയുടെ ആഗോള കയറ്റുമതി 29.96 ബില്യൺ യുഎസ് ഡോളറായിരുന്നു.

ഇതേ കാലയളവിൽ ന്യൂസിലൻഡിലേക്കുള്ള കയറ്റുമതി 16.91 ദശലക്ഷം യുഎസ് ഡോളറായി തുടരുന്നു.

സ്വതന്ത്ര വ്യാപാര കരാറിന് മുമ്പ് നികുതി നിരക്ക് പരമാവധി 5 ശതമാനം വരെയായിരുന്നു, ഇപ്പോൾ അത് പൂജ്യമായി കുറച്ചിരിക്കുന്നു.

ഈ സ്വതന്ത്ര വ്യാപാര കരാർ നിലവിലുണ്ടായിരുന്ന നികുതികൾ ഒഴിവാക്കുന്നത് വഴി പ്രത്യേകിച്ച് പൂർണ്ണമായും ഭാഗികമായും നിർമ്മിച്ച ആഭരണ വിഭാഗങ്ങളിൽ വിലയിലെ മത്സരശേഷി വർധിപ്പിക്കുന്നു.

ഈ കരാർ ആഭരണ നിർമ്മാതാക്കൾക്കും കരകൗശല തൊഴിലാളികൾക്കും, പ്രത്യേകിച്ച് പ്രമുഖ ഉത്പാദന കേന്ദ്രങ്ങളിലുള്ളവർക്കും ഗുണകരമാകുമെന്ന് പ്രതീക്ഷിക്കുന്നു.

ഇലക്ട്രോണിക്സ്, ഇലക്ട്രിക്കൽ മെഷിനറി

2025 സാമ്പത്തിക വർഷത്തിൽ ഇന്ത്യയുടെ ആഗോള കയറ്റുമതി 77.53 ബില്യൺ യുഎസ് ഡോളറായിരുന്നു.

ഇതേ കാലയളവിൽ ന്യൂസിലൻഡിലേക്കുള്ള കയറ്റുമതി 68.26 ദശലക്ഷം യുഎസ് ഡോളറായി തുടരുന്നു.

സ്വതന്ത്ര വ്യാപാര കരാറിന് മുമ്പ് നികുതി നിരക്ക് പരമാവധി 5 ശതമാനം വരെയായിരുന്നു; നിലവിൽ പൂജ്യമല്ലാത്ത നികുതികൾ നേരിടുന്നവ ഉൾപ്പെടെ എല്ലാ താരിഫ് ലൈനുകളെയും ഉൾപ്പെടുത്തിക്കൊണ്ട് ഇപ്പോൾ അത് പൂജ്യമായി കുറച്ചിരിക്കുന്നു.

ഈ സ്വതന്ത്ര വ്യാപാര കരാർ ഇലക്ട്രോണിക്സ്, ഇലക്ട്രിക്കൽ നിർമ്മാണ ക്ലസ്റ്ററുകളിലുടനീളം തൊഴിലവസരങ്ങൾ സൃഷ്ടിക്കുമെന്ന് പ്രതീക്ഷിക്കുന്നു.

രാസവസ്തുക്കളും അനുബന്ധ ഉത്പന്നങ്ങളും

2025 സാമ്പത്തിക വർഷത്തിൽ ഇന്ത്യയുടെ ആഗോള കയറ്റുമതി 64.04 ബില്യൺ യുഎസ് ഡോളറായിരുന്നു.

ഇതേ കാലയളവിൽ ന്യൂസിലൻഡിലേക്കുള്ള കയറ്റുമതി 95.79 ദശലക്ഷം യുഎസ് ഡോളറായി തുടരുന്നു.

സ്വതന്ത്ര വ്യാപാര കരാറിന് (FTA) മുമ്പ് നികുതി നിരക്ക് പരമാവധി 5 ശതമാനം വരെയായിരുന്നു, ഇപ്പോൾ അത് പൂജ്യമായി കുറച്ചിരിക്കുന്നു.

സ്പെഷ്യാലിറ്റി കെമിക്കലുകൾ, ഓർഗാനിക് ഇന്റർമീഡിയറ്റുകൾ, അഡ്വാൻസ്ഡ് ഫോർമുലേഷനുകൾ എന്നിവ പോലെയുള്ള ഉയർന്ന മൂല്യവർദ്ധിത വിഭാഗങ്ങളിലേക്കുള്ള വൈവിധ്യവൽക്കരണത്തിന് ഈ സ്വതന്ത്ര വ്യാപാര കരാർ പിന്തുണ നൽകുന്നു.

സംസ്ഥാനം

പ്രധാന നേട്ടമുള്ള മേഖലകൾ

ന്യൂസിലാൻഡ് വിപണിയിൽ നിന്നും പ്രതീക്ഷിക്കുന്ന പ്രധാന നേട്ടങ്ങൾ

ഗുജറാത്ത്

പെട്രോളിയം ഉൽപ്പന്നങ്ങൾ, രാസവസ്തുക്കൾ, പ്ലാസ്റ്റിക്, രത്നങ്ങളും ആഭരണങ്ങളും

ജാംനഗർ, ദഹേജ്, സൂറത്ത് എന്നിവിടങ്ങളിൽ നിന്നുള്ള ബൾക്ക് കയറ്റുമതി പ്രോത്സാഹിപ്പിക്കും; ഉയർന്ന മൂല്യമുള്ള രാസവസ്തുക്കളിലേക്കും ഫിനിഷ്ഡ് ജ്വല്ലറി മേഖലയിലേക്കും വൈവിധ്യവൽക്കരണവും ലാഭവിഹിതത്തിൽ വർധനവും

മഹാരാഷ്ട്ര

മരുന്നുകൾ, വാഹന ഭാഗങ്ങൾ, സംസ്കരിച്ച ഭക്ഷണം, രാസവസ്തുക്കൾ

മുംബൈ, പൂനെ, നാസിക് എന്നിവിടങ്ങളിൽ നിന്നുള്ള കയറ്റുമതി വർധിപ്പിക്കുന്നതിന് സീറോ താരിഫ് സഹായിക്കും; ആഗോള മൂല്യശൃംഖലയുമായുള്ള ശക്തമായ സംയോജനവും ജനറിക് മരുന്നുകൾക്കും ഓട്ടോമോട്ടീവ് മേഖലയ്ക്കും ഉത്തേജനവും

പഞ്ചാബ്

ബസ്മതി അരി, സംസ്കരിച്ച ഭക്ഷണം, കായിക വിനോദ ഉപകരണങ്ങൾ, കൈവേല ആയുധങ്ങൾ

കാർഷികാധിഷ്ഠിത കയറ്റുമതിയും ചെറുകിട ഇടത്തരം വ്യവസായങ്ങളും (ജലന്ധർ) വികസിപ്പിക്കുന്നതിന് 5-10% താരിഫ് ഒഴിവാക്കും; പ്രീമിയം ഭക്ഷ്യ കയറ്റുമതിക്കും ഗ്രാമീണ തൊഴിലവസരങ്ങൾക്കും വലിയ ഉത്തേജനം ലഭിക്കും

ഹരിയാണ

വാഹനങ്ങൾ, വാഹന ഭാഗങ്ങൾ, ബസ്മതി അരി

മെച്ചപ്പെട്ട മത്സരക്ഷമത (2-4% താരിഫ് ഒഴിവാക്കി); ഗുരുഗ്രാം, മനേസർ ഓട്ടോ ക്ലസ്റ്ററുകൾക്കും കാർഷിക-നിർമ്മാണ ശൃംഖലകൾക്കും ഗുണകരമാകും

ഉത്തർപ്രദേശ്

തുകൽ ഉത്പന്നങ്ങൾ, പരവതാനികൾ, കരകൗശല വസ്തുക്കൾ.

കാൺപൂർ, മൊറാദാബാദ്, ഭാദോഹി എന്നിവിടങ്ങളിൽ നിന്നുള്ള കയറ്റുമതി വർധിപ്പിക്കുന്നതിന് ഉയർന്ന താരിഫ് ഒഴിവാക്കൽ (6-10%) സഹായിക്കും; MSME മേഖലയ്ക്കും കരകൗശല വിദഗ്ധർക്കും ശക്തമായ നേട്ടം

തമിഴ്നാട്

തുണിത്തരങ്ങൾ, വസ്ത്രങ്ങൾ, തുകൽ, വാഹന ഭാഗങ്ങൾ

8-10% താരിഫ് നീക്കം ചെയ്യുന്നതിലൂടെ വലിയ നേട്ടങ്ങൾ; തിരുപ്പൂർ, കോയമ്പത്തൂർ ടെക്സ്റ്റൈൽ ക്ലസ്റ്ററുകളുടെ വിപുലീകരണം; മെച്ചപ്പെട്ട ആഗോള മത്സരക്ഷമത

ഡൽഹി(എൻ.സി.ടി)

യന്ത്രസാമഗ്രികൾ, ഇലക്ട്രിക്കൽ സാധനങ്ങൾ, രാസവസ്തുക്കൾ

താരിഫ് ഒഴിവാക്കുന്നതിലൂടെ (2-4%) എംഎസ്എംഇകൾക്ക് നേട്ടമുണ്ടാകും; എൻസിആർ (നോയിഡ, ഗുരുഗ്രാം, ഫരീദാബാദ്) മേഖലയിലെ പ്രാദേശിക മൂല്യശൃംഖലകളെ ശക്തിപ്പെടുത്തും

കർണാടക

മരുന്നുകൾ, കാപ്പി, ഇലക്ട്രോണിക്സ്, യന്ത്രസാമഗ്രികൾ

കാർഷിക + ഹൈടെക് കയറ്റുമതിക്ക് ഉത്തേജനം; സീറോ താരിഫ് (നികുതി ഇല്ലാതാക്കൽ) കോഫിയുടെയും ബെംഗളൂരു കേന്ദ്രീകൃതമായ ഇലക്ട്രോണിക്സ് കയറ്റുമതിയുടെയും മത്സരക്ഷമത മെച്ചപ്പെടുത്തും

പശ്ചിമ ബംഗാൾ

തേയില, എഞ്ചിനീയറിംഗ് സാധനങ്ങൾ, യന്ത്രസാമഗ്രികൾ

ഡാർജിലിംഗ് തേയിലയ്ക്ക് ഉയർന്ന കയറ്റുമതി വരുമാനം; താരിഫ് നീക്കം ചെയ്യുന്നതിലൂടെ (2-6%) എംഎസ്എംഇ എഞ്ചിനീയറിംഗ് ക്ലസ്റ്ററുകൾക്ക് ഗുണമുണ്ടാകും

മധ്യപ്രദേശ്

എണ്ണക്കുരുക്കൾ, സംസ്കരിച്ച ഭക്ഷണം, ലോഹ ഉത്പന്നങ്ങൾ

മെച്ചപ്പെട്ട മൂല്യവർധനവും കയറ്റുമതി വരുമാനവും; ശക്തമായ അഗ്രോ-പ്രോസസിംഗും ഗ്രാമീണ വരുമാന വർധനവും

ആന്ധ്രാപ്രദേശ്

ഉത്പന്നങ്ങൾ: സമുദ്രോത്പന്നങ്ങൾ, പഴങ്ങൾ, മരുന്നുകൾ

ചെമ്മീൻ, സമുദ്രോത്പന്ന കയറ്റുമതിയിൽ വലിയ വർധനവ്; സംസ്കരിച്ച സമുദ്രോത്പന്നങ്ങൾക്കും ഔഷധങ്ങൾക്കും ഉയർന്ന മൂല്യം ലഭിക്കും

രാജസ്ഥാൻ

രത്നങ്ങളും ആഭരണങ്ങളും, തുണിത്തരങ്ങൾ, കല്ല് ഉത്പന്നങ്ങൾ

ജയ്‌പൂർ ക്ലസ്റ്ററുകളിൽ നിന്നുള്ള കയറ്റുമതി വളർച്ച; താരിഫ് നീക്കം ചെയ്തതിനാൽ പ്രത്യേക ആഗോള വിപണികളിൽ മെച്ചപ്പെട്ട മത്സരക്ഷമത

തെലങ്കാന

മരുന്നുകൾ, രാസവസ്തുക്കൾ, മഞ്ഞൾ

ഹൈദരാബാദ് ഫാർമ ഹബ്ബിനെ ശക്തിപ്പെടുത്തും; മെച്ചപ്പെട്ട ആഗോള വിതരണ ശൃംഖല സംയോജനവും കാർഷിക കയറ്റുമതി വൈവിധ്യവൽക്കരണവും

കേരളം

സുഗന്ധവ്യഞ്ജനങ്ങൾ, സമുദ്രോത്പന്നങ്ങൾ, കയർ, സംസ്കരിച്ച ഭക്ഷണം

കുരുമുളക്, ഏലം എന്നിവയ്ക്ക് ഉയർന്ന ഡിമാൻഡ്; മൂല്യവർദ്ധിത സുഗന്ധവ്യഞ്ജന കയറ്റുമതിക്കും തീരദേശ ഉപജീവനമാർഗങ്ങൾക്കും ഉത്തേജനം

ഗോവ

സമുദ്രോത്പന്നങ്ങൾ, കശുവണ്ടി, ധാതുക്കൾ

പ്രീമിയം കയറ്റുമതി വിപണികളിലേക്കുള്ള വ്യാപനം; സമുദ്രോത്പന്നങ്ങളിലും കശുവണ്ടി സംസ്കരണത്തിലും മെച്ചപ്പെട്ട മൂല്യവർദ്ധനവ്

ബിഹാർ

കാർഷികാധിഷ്ഠിത ഉൽപ്പന്നങ്ങൾ (അരി, ചോളം, മഖാന, ലിച്ചി), തുണിത്തരങ്ങൾ (ഭാഗൽപുരി സിൽക്ക്), തുകൽ & പാദരക്ഷകൾ, കരകൗശല വസ്തുക്കൾ (മധുബനി പെയിന്റിംഗുകൾ), സംസ്കരിച്ച ഭക്ഷണം

താരിഫ് കുറയ്ക്കുന്നത് മഖാന, ലിച്ചി തുടങ്ങിയ സവിശേഷ കാർഷിക ഉൽപ്പന്നങ്ങളുടെയും മൂല്യവർദ്ധിത സംസ്കരിച്ച ഭക്ഷണങ്ങളുടെയും കയറ്റുമതി വർദ്ധിപ്പിക്കും; ഭാഗൽപുരി സിൽക്കിന്റെയും മധുബനി കലയുടെയും പ്രീമിയം അന്താരാഷ്ട്ര വിപണികളിലേക്കുള്ള വ്യാപനം; എംഎസ്എംഇകൾക്കും ഗ്രാമീണ കരകൗശല വിദഗ്ധർക്കും മെച്ചപ്പെട്ട വരുമാനം; ശക്തമായ അഗ്രോ-പ്രോസസിംഗ് ഇക്കോസിസ്റ്റവും കയറ്റുമതി ഉൽപ്പന്നങ്ങളുടെ വൈവിധ്യവൽക്കരണവും

ഒഡിഷ

സമുദ്രോത്പന്നങ്ങൾ, ലോഹങ്ങൾ (അലുമിനിയം, സ്റ്റീൽ)

ലോഹ കയറ്റുമതിയിൽ മികച്ച ലാഭവിഹിതം; തീരദേശ ഉപജീവനമാർഗങ്ങൾക്കും ഡൗൺസ്ട്രീം പ്രോസസിംഗിനും (അനുബന്ധ സംസ്കരണം) പിന്തുണ

ഹിമാചൽ പ്രദേശ്

മരുന്നുകൾ, കമ്പിളി ഉത്പന്നങ്ങൾ

ബഡ്ഡി, നലഗഡ്, സോളൻ ഫാർമ ക്ലസ്റ്ററുകൾക്കും കുളു, കിന്നൗർ എന്നിവിടങ്ങളിലെ പരമ്പരാഗത കമ്പിളി ഉത്പന്നങ്ങൾക്കും ഉത്തേജനം; മെച്ചപ്പെട്ട കയറ്റുമതി മത്സരക്ഷമത

ഛത്തീസഗഢ്

ഇരുമ്പ്, ഉരുക്ക് ഉത്പന്നങ്ങൾ

ലോഹ വ്യവസായങ്ങളിൽ മെച്ചപ്പെട്ട കയറ്റുമതി സാധ്യതകളും മൂല്യവർദ്ധനവും

ഉത്തരാഗഢ്

മരുന്നുകൾ, പ്ലാസ്റ്റിക്, യന്ത്രസാമഗ്രികൾ

വ്യവസായ ക്ലസ്റ്ററുകളിലെ (ഹരിദ്വാർ, ഡെറാഡൂൺ) വളർച്ച; മെച്ചപ്പെട്ട കയറ്റുമതി മത്സരക്ഷമത

ഝാർഖണ്ഡ്

ഇരുമ്പ്, ഉരുക്ക്, ചെമ്പ് ഉത്പന്നങ്ങൾ

ആഗോള ലോഹ മൂല്യശൃംഖലയുമായുള്ള ശക്തമായ സംയോജനം

പുതുച്ചേരി

മരുന്നുകൾ, റബ്ബർ ഉത്പന്നങ്ങൾ

മെച്ചപ്പെട്ട വിപണി പ്രവേശനത്തിലൂടെയും കയറ്റുമതി വിപുലീകരണത്തിലൂടെയും എംഎസ്എംഇ (MSME) നിർമ്മാണ മേഖലയ്ക്ക് നേട്ടമുണ്ടാകും

ചണ്ഡീഗഢ്

യന്ത്രസാമഗ്രികൾ, ഉപകരണങ്ങൾ

എംഎസ്എംഇ എഞ്ചിനീയറിംഗ് കയറ്റുമതിക്കും പ്രത്യേക നിർമ്മാണ മൂല്യശൃംഖലകൾക്കും ഉത്തേജനം

ജമ്മു ആൻഡ് കശ്മീർ

കരകൗശല വസ്തുക്കൾ, കുങ്കുമപ്പൂവ്, ഹോർട്ടികൾച്ചർ

പരവതാനികൾ, ആപ്പിൾ, വാൽനട്ട് എന്നിവയുടെ ആഗോള ശ്രദ്ധയും കയറ്റുമതിയും വർദ്ധിപ്പിക്കും; ഗ്രാമീണ ഉപജീവനമാർഗങ്ങൾക്ക് പിന്തുണ

അരുണാചൽ പ്രദേശ്, അസം, മണിപ്പൂർ, മേഘാലയ, മിസോറാം, നാഗാലൻഡ്, ത്രിപുര, സിക്കിം

തേയില, മുള ഉത്പന്നങ്ങൾ, ഓർഗാനിക് കൃഷി, സുഗന്ധവ്യഞ്ജനങ്ങൾ

സവിശേഷ ഉത്പന്നങ്ങൾക്കും ജിഐ (GI) ടാഗുള്ള ഉത്പന്നങ്ങൾക്കും മെച്ചപ്പെട്ട വിപണി പ്രവേശനം; ആഗോള വിപണികളുമായുള്ള ക്രമാനുഗതമായ സംയോജനവും ഗ്രാമീണ വികസനവും