पत्र सूचना कार्यालय

অৱাংবা থাক্কী মেদিকেল ইনফ্রাষ্ট্রকচরগা অয়ুসগুম্বা মহৌশাগী হকচাং ফনা লৈনবা থবকশিংগা পুনশিন্দুনা ভারত মেদিকেল ভেলু ত্রাবেল (এম ভি তি) গী মরুওইবা মফম অমা ওইরক্লে। অফবা থৌশিল, দিজিতেলগী খুদোংচাবা অমসুং অয়ুস ভিসা অমসুং রিজনেল মেদিকেল হবশিংগুম্বা থৌরমশিংনা থবক অসি মপাঙ্গল কনখৎহনবনি। মালেমগী ওইনা অনা-লাইয়েংগী চাদিং হেনগৎলকপা অমসুং অফবা অনা-লাইয়েংগী থবক পাম্নবা হেনগৎলকপদগী শেন য়াম্না চঙদবা,অফবা লাইয়েং অমসুং নাদ্রিঙৈদা ঙাকথোক্নবা পাম্বৈশিংগীদমক মালেমগী অনাবশিং ভারত্ত লাকপনি।

মালেমগী লাইয়েংফম অমা ওইনা ভারত

মালেম শীনবা থুংনা, লাইয়েংবদা শেন চঙবা হেনগৎলকপা, মতম শাংনা ঙাইবা অমসুং পুন্সি মহিংগা মরী লৈনবা লাইনাশিংগী পোৎলুম হেনগৎলকপদগী অনাবশিং মপান লৈবাকশিংদা লাইয়েংবা চৎনবা মরম ওইখি। মালেমগী ওইনা লাকখিবা অহোংব অসিদগী বিল্লিয়ন দোল্লর কয়াগী মেদিকেল ভেলু  ত্রাবেল (এম ভি তি) উদ্যোগ লাকখিবনি।

২০২২ দা মালেমগী কৈথেলদা মেদিকেল ভেলু  ত্রাবেল অসি য়ু.এস দোল্লার বিল্লিয়ন ১১৫.৬ ওইখি। মসি ২০৩০ ফাওবদা য়ু.এস দোল্লার বিল্লিয়ন ২৮৬.১ ওইগনি হায়না পানরি। কৈথেল অসি চাদা ১০.৮ গী কম্পাউন্দ এন্নুয়েল গ্রোথ রেত (সি এ জি আর) অমদা হেনগৎলক্লি।

মালেমগী হোংলক্লিবা ফিবম অসিদা ভারত খ্বাইদগী মরুওইবা মফমশিংগী মনুংদা অমা ওইরে। ২০২৫ দা মেদিকেল তুরিজমগী কৈথেলদা ভারতনা য়ু.এস দোল্লার বিল্লিয়ন ৮.৭ তানবা ঙমখি হায়না পানরি অমসুং ২০৩০ ফাওবদা য়ু.এস দোল্লার বিল্লিয়ন ১৬.২ তানগনি হায়না থাজবা থম্লি।

চহি চা কয়া, ভারত অসি লাইয়েংনবা  অমসুং হকচাং ফগৎলক্নবা মফম অমা ওইদুনা লাক্লি। ঙসিদি, থায়নাগী থবক অদুনা অফবা মেদিকেল ভেলু  ত্রাবেলগী থবক অমা ওন্থোক্লে। মসিদা অনৌবা মতমগী মেদিকেল সাইন্স অমসুং লোম্বা নাইদ্রবা মমাংঙৈগী থবকশিং য়াওরে।

“হিয়েল ইন ইন্দিয়া” থৌরমগী মখাদা, সরকারনা লৈবাক অসি অফবা লাইয়েংফম অমগী ফিবমদা থম্লি।

থবক অসিগী পান্দম খঙনবা, মসিগী মরুওইবা য়ুম্বী অনিগী মরক্ত লৈরিবা খেন্নবশিং খঙদোকপা তঙাইফদে:

•        মেদিকেল তুরিজম: মসিনা অরুবা সর্জরিশিং, ওর্গান শীনবা অমসুং অফবা হোস্পিতালশিংনা পীরিবা অৱাংবা থাক্কী লাইওং খঙদোকপগী থবকশিং য়াওরি।

•        ৱেলনেস তুরিজম: মসিনা য়োগ, অয়ুর্বেদা, নেচরোপেতি অমসুং অতোপ্পা অয়ুসকী থবকশিংগী খুৎথাংদা মাঙজৌননা ঙাকথোক্নবা অমসুং হকচাং ফনা লৈনবা থবকশিং পায়খৎলি। মসিদা হকচাং ফনবা, ৱাখল নুংঙাইনবা অমসুং অধ্যতিক্কী ওইবা হকশেলগী খুদোংচাবশিং পীরি।

অপুনবা ওইনা, হায়রিবা য়ুম্বী অনি অসি ভারতকী মেদিকেল ভেলু ত্রাবেলগী য়ুম্ফম ওইরি। মখোয়না অৱাংবা থাক্কী অনা-লাইয়েংগী দরকার ওইবশিং অমসুং হকশেলগী লমদা মালেমগী দরকার ওইবশিং ফংহল্লি।

মেদিকেল তুরিজম ইন্দেক্স ২০২০-২১ গী মতুংইন্না:

•        মালেমগী মকোক থোংবা মেদিকেল  তুরিজম ৪৬ গী মনুংদা ভারতনা ১০শুবা লৈরি

•        মালেমগী মকোক থোংবা ৱেলনেস তুরিজম কৈথেলশিংগী মনুংদা  ১২শুবা লৈরি

•        এসিয়া-পেসিফিক্ত মকোক থোংবা ৱেলনেস মফম ১০ গী মনুংদা ৫শুবা লৈরি।

২০২৫-২৬ দা লৈখিবা মশিং

তুরিজম মিনিষ্ট্রিগী মতুংইন্না, শেনবা চহি ২৪ দা তুরিজম্না জি.দি.পিদা চাদা ৫.২২ মতেং পাংখি। সেক্তর অসিনা হকথেংনবা অমসুং নাকোইনবা থবক করোর ৮.৪৬ পীদুনা, অপুনবা থবক পীবগী চাদা ১৩.৩ রোম ওইখি।

২০২৫ গী খ্বাইদগী নৌবা দেতানা সেক্তর অসিগী ফিবম তাক্লি:

•        ফোরেন তুরিষ্ট এরাইবেলস (এফ তি এ): ২০২৫ ভারত্ত মপান লৈবাক্কী লমকোয়বা মীওই মিল্লিয়ন ৯.১৫ লাকখি।

•        মেদিকেলগীদমক লাকখিবশিং: ২০২৫ দা, লাইয়েংনবগীদমক মপান লৈবাক্কী মীওই ৫০৭,২৪৪ লাকখি।

•        সেক্তরগী সিয়ার: ২০২৫ গী দেতাগী মতুংইন্না মেদিকেল তুরিজম্না মপান লৈবাক্তগী মীওইশিং লাকপগী চাদা ৫.৫ ওইখি।

•        অচৌবা কৈথেলশিং: ২০২৫ গী মশিং মতুংইন্না, মেদিকেলগী ওইনা লাকখিবা লৈবাকশিংগী মনুংদা -বাংলাদেস (৩,২৫,১২৭), ইরাগ (৩০,৮৯৮), উজবেকিস্তান (১৩,৬৯৯), সোমালিয়া (১১,৫০৬), তুরকেমেনিস্তান (১০,২৩১), ওমান (৯৭৩৮) অমসুং কেনিয়া (৯,৩৫৭)।

•        অসিগুম্বা লাইয়েংবগীদমক অতোপ্পা লৈবাক্কী অনাবশিং ভারত্ত লাকখি:

v.       কার্দিয়াগ সর্জরি

v.       ওর্থোপেদিক্কী থবকশিং

v.       কেন্সর লাইয়েংবা

v.       ওর্গান শীনবা

v.       ন্যুরোলোজিকেলগী থবকশিং

v.       কোসমেতিক সর্জরি

v.       য়া লাইয়েংবা

v.       ফর্তিলিতিগী লাইয়েংবা

v.       অয়ুসকী থেরাপীশিং

চাংদম্নবদা ভারতকী খুদোংচাবা: মগুন লৈবা, হৈথোই-শিংথোইবা অমসুং মমল হোংবা

মেদিকেল তুরিজম ইন্দেক্স (এম তি আই) দা মালেমগী ওইনা ভারতনা ১০শুবা মফমদা লৈরি। চাংদম্নবা অসিগীদমক সরকারনা তোঙান তোঙানবা য়ুম্বীশিং মশক খঙদোক্লে:

অফবা মেদিকেলগী মচাকশিং

মালেমদা খ্বাইগী মশিং য়াম্বা ত্রেন তৌরবা মেদিকেল শীনফমগী মীওইশিং লৈবা লৈবাক অমা ওইদুনা ভারতকী অনা-লাইয়েংগী থবকশিং শৌগৎলি।

দব্লিউ.ঐচ.ওগী অপুনবা মীশিংদা লৈগদবা দোক্তর মশিং লৈদুনা, রেজিষ্টার তৌরবা দোক্তর মিল্লিয়ন ১.২ লৈদুনা ভারতকী হোস্পিতাল ৬৯,৩৬৪ (সরকারগী ২৫,৭৭৮ অমসুং লনাইগী ৪৩,৪৮৬) লৈরি।

মেদিকেল তম্বা অমসুং লাইয়েংবগী থবকশিংদা মরুওইনা ইংলিস শীজিন্নবদগী মালেমগী অনাবশিংগা পাউ ফাওনবা ঙমহল্লি। হৌখিবা চহি ১০ দা, ভারতনা মসিগী মেদিকেল ইজুকেসন অমসুং অনা-লাইয়েংগী মচাক-মথুমশিং ফগৎহল্লে। মসিনা অখন্নবা হিরমশিংদা হৈথোই-শিংথোইরবা হকশেলগী মীওইশিং মশিং হেনগৎহল্লে।                

অৱাংবা থাক্কী তেক্নোলোজি অমসুং এক্রিদিতেসন

মগুন লৈহন্নবা থবকশিং অমসুং মালেম্না মশক খঙলবা এক্রিদিতেসনগী থবকশিংনা ভারতকী অনা-লাইয়েংগী থবকশিং শৌগৎলি। লৈবাক শীনবা থুংবগী হোস্পিতালশিং নেসনেল  এক্রিদিতেসন বোর্দ ফোর হোস্পিতালস এন্দ হেল্থকিয়ার প্রোভাইদরস(এন এ বি ঐচ) দগী এক্রিদিতেসন ফংলে।

নেসনেল  এক্রিদিতেসন বোর্দ ফোর হোস্পিতালস এন্দ হেল্থকিয়ার প্রোভাইদরস(এন এ বি ঐচ) না অনাবশিং অশোই-অঙাম থোক্তনবা অমসুং লাইয়েংবগী থবকশিং মগুন লৈহন্নবা অকনবা থবকশিং পায়খৎলে। ২০২৬ ফাওবদা, নেসনেল  এক্রিদিতেসন বোর্দ ফোর হোস্পিতালস এন্দ হেল্থকিয়ার প্রোভাইদরস(এন এ বি ঐচ) না সেফতি পেরামিতর ৬০০ হেন্না শীজিন্নদুনা হোস্পিতাল ১,২৯৯  হেন্না এক্রিদিতেসন পীখ্রে। চৈরক অসিদা, ক্বালিতি কাউন্সিল ওফ ইন্দিয়ানা থবকশিং মগুন লৈহন্নবা য়েংশিল্লি।

নেসনেল  এক্রিদিতেসন বোর্দ ফোর হোস্পিতালস এন্দ হেল্থকিয়ার প্রোভাইদরস(এন এ বি ঐচ) গী এক্রিদিতেসন অসি ইন্তরনেসনেল সোসাইতি ফোর ক্বালিতি ইন হেল্থকিয়ারদা এফিলিয়েসন ফংলে। মসিগী মথক্ত ভারতকী হোস্পিতাল কয়া জোইন্ত কম্মিসন ইন্তরনেসনেল এক্রিদিতেসন পায়রে।

মেদিকেল ভেলু ত্রাবেলগী থবকশিং মরুওইনা ভারতকী খা থংবা অমসুং নোংচুপ থংবা শরুকশিংদা লৈরি। ২০২২ ফাওবদা, জে.সি.আই- এক্রিদিতেসন ফংলবা হোস্পিতালশিং মখাগী সহরশিংদা লৈরি:

অতোপ্পা মরুওইবা সহরশিংগী মনুংদা পুনে অমসুং নাসিক য়াওরি।

শেন য়াম্না চঙদনা লাইয়েংবা

মমল য়াম্না হোংবা মরমনা ভারতকী মেদিকেল তুরিজম অসি ফগৎলকপনি। চাউখৎলবা লৈবাকশিংগা চাংদম্নবদা ভারত্ত অফবা মখলগী লাইয়েংবগী থবক মমল হোংনা পাংথোকপা য়ারি। মসিগী মমল হোংবা অসিদা অৱাংবা থাক্কী মেদিকেল তেক্নোলোজি অমসুং হৈথোই-শিংথোইরবা মীওইশিং শৌগৎলি। মসিনা মালেমগী অনাবশিং মতম শাংনা ঙাইদনা অফবা মখলগী লাইয়েংবগী খুদোংচাবশিং ফংহল্লি। 

অয়ুসকী মেদিকেল ভেলু ত্রাবেল মপাঙ্গল কনখৎহনবা

অয়ুর্বেদা, য়োগা, নেচরোপেতি, উনানি, সিদ্ধা অমসুং হোমেপেতি-অয়ুস হায়না পুন্না খঙনবা চহি চা কয়া শুরবা মমাংঙৈগী মেদিসিনগী থবকশিংগী খুৎথাংদা ৱেলনেস তুরিজমগী লমদা ভারতনা খুদোংচাবা অমা ফংলি।

য়োগ অমসুং অয়ুর্বেদগী পোক্নফম লমদম ওইনা, হায়রিবা থবকশিং অসি য়োকখৎনবা ভারতনা মখা তানা থবকশিং পায়খৎলি।

•        অয়ুস ভিসা পীবা: মালেমগী লৈবাকশিংগী অনাবশিং লাইনা লাক্নবা, জুলাই ২৭,২০২৩ দগী ভারত সরকারনা অয়ুস ভিসা হৌদোক্লে। মসিনা অয়ুসকী মখাদা মশক খঙলবা সিষ্টেমশিংদা লাইয়েংনবা মপান লৈবাক্কী অনাবশিং অমসুং মখোয়গী সেবা তৌনবা মীওইশিং ভারত্ত লাকপা ঙমহল্লে।

•        ক্বালিতি লৈহনবা: হিরম অসি মগুন লৈহন্নবা থবকশিং পায়খৎলে। মেদিকেল ৱেলনেস তুরিজমগা মরী লৈনবা থবকশিংদা ইন্তরনেসনেল ষ্টেন্দার্দকা মরী লৈনবা আই.এস.ও ২২৫২৫ ব্যুরো ওফ ইন্দিয়ান ষ্টেন্দার্দস (বি আই এস) চৎনরে।

•        ইন্সুরেন্স য়াওবা: অয়ুস থেরাপীশিং ইন্সুরেন্সনা কোনশিল্লে। ইন্সুরেন্স রিগুলেতোরি এন্দ দিবলপমেন্ত ওথোরিতি (আই আর দি এ আই) হেল্থ ইন্সুরেন্স রিগুলেসনশিংগী মখাদা অয়ুসকী লাইয়েংশিং কোনশিন্নবা ইন্সুররশিংদা অয়াবা পীরে। মসিগী ফল ওইনা, হৌজিক ইন্সুরেন্স কম্পেনি ২৭ রোম্না অয়ুস লাইয়েংগী পোলিসি প্রদক ১৪০ হেন্না ফংহল্লে।

•        মালেমগা থবক তৌমিন্নবা অমসুং চাউখৎনবা থবক: মরুওইবা অয়ুসকী থবকশিংদা মেদিকেল ভেলু ত্রাবেলনা মরুওইবা থিম অমা ওইরি। মসিদা মুম্বাই (২০২৪) অমসুং চেন্নাই (২০২৫) দা পাংথোকখিবা মীফমশিং য়াওরি।

•        হেল্থ সেক্তোরেল স্কিল কাউন্সিলগী মখাদা অয়ুস-সব কাউন্সিগুম্বা থবক্কী খুৎথাংদা কেপাসিতি হেনগৎহল্লে।

•        দব্লিউ.ঐচ.ও ত্রেদিসনেল মেদিসিন সম্মিৎ, নো ইন্দিয়া প্রোগ্রামগুম্বা মফমশিংগী খুৎথাংদা অমসুং কুম্ভ মেলা ২০২৫ মনুংদা অয়ুসকী থবকশিং উৎতুনা মালেম্না খঙবা হেনগৎলক্লি।

মরুওইবা থবকশিং: য়ুনিয়ন বজেত ২০২৬-২৭ দা পনখিবশিং

য়ুনিয়ন বজেত ২০২৬-২৭ গী খুৎথাংদা লৈবাক অসি মালেমগী মেদিকেলগী মফম অমা ওইনা লৈহন্নবা ভারত সরকারনা মীৎয়েং শানবা লম্বী অমা হাংদোক্লে।

রিজনেল মেদিকেল হবশিং

পায়খৎনবা থমখিবা মরুওইবা থবকশিংগী মনুংদা রাজ্য সরকারশিং অমসুং লনাই কাংবুগা লোয়ননা লৈবাক অসিদা রিজনেল মেদিকেল হব মঙা লিংখৎপা য়াওরি। হায়রিবা হবশিং অসিদা মেদিকেল, ইজুকেসন অমসুং রিছার্সকী খুদোংচাবশিংগা লোয়ননা অপুনবা অনা-লাইয়েংগী মফম অমা ওইহনগনি।

হায়রি হবশিং অদুদা লৈগদবদি:

•        অখন্নবা সেন্তরশিং: হব খুদিংমক্ত অয়ুস সেন্তরশিং অমসুং মেদিকেল ভেলু তুরিজমগী সেন্তরশিং লৈগনি।

•        মপুংফানা সেবা তৌবা: অৱাংবা থাক্কী লাইওং খঙদোক্নবা থবকশিং, লাইয়েংলবা মতুংগী চেকশিন-থৌরাং অমসুং খুন্দা লৈতাবগী ইনফ্রাষ্ট্রকচর শেমগৎকনি।

•        থবক ফংহনবা: হায়রিবা কমপ্লেক্সশিং অসিদা দোক্তরশিংদগী হৌরগা এল্লাইদ হেল্থ প্রোফেসনেলশিং মখল কয়াগী থবকশিং ফংগনি হায়বগী থাজবা লৈরি।

ৱেলনেসকী ইনফ্রাষ্ট্রকচর

অনৌবা হকশেলগী ইনফ্রাষ্ট্রকচর ফগৎহনবগী মথক্ত, লৈবাক অসিগী মমাংঙৈগী অনা-লাইয়েংগী থবকশিংদা কেপাসিতি হেনগৎহন্নবা সরকারনা থবক পায়খৎলে।

•        অয়ুর্বেদগী ইজুকেসন, থিজিনবা অমসুং লাইয়েংবগী থবকশিং হেনগৎহন্নবা অনৌবা ওল ইন্দিয়া ইন্সতিতুৎ ওফ অয়ুর্বেদা  অহুম লিংখৎলগনি।

•        মমাংঙৈগী অনা-লাইয়েংগী থবকশিংদা থিজিনবা অমসুং মালেমদা পুন্না থবক তৌমিন্নবা হেনগৎহন্নবা জামনাগরদা লৈবা দব্লিউ.ঐচ.ও গ্লোবেস ত্রেদিসনেল মেদিসিন সেন্তর ফগৎহল্লে।

ভারতকী অনা-লাইয়েংগী য়ুম্বীশিং ওইরিবা মেদিকেল লাইয়েং অমসুং ৱেলনেসগী লাইয়েং অনিমক চাউখৎনবা সরকারনা অপুনবা ওইনা থবক পায়খৎপগী মমি হায়রিবা থবকশিং অসিদা তারে।

মগুন লৈহন্নবা অমসুং লৈঙাক্কী থবক-থৌরমশিংগী লম্বী

মালেমগী ওইনা চাংদম্নবদা ভারতনা ফংলিবা খুদোংচাবা অসি লেংদনা লৈনবা, মেদিকেল অমসুং ৱেলনেস তুরিজমগীদমক তুরিজম মিনিষ্ট্রিনা নেসনেল ষ্ট্রাতেজি অমসুং রোদমেপ অমা শেম্লে।

রোদমেপ অদুনা মরুওইবা হিরম অহুমদা মীৎয়েং চঙলি:

1.       ইন্সতিতুসনেল ফ্রেমৱার্ক: মিনিষ্ট্রিশিং, রাজ্য সরকারশিং অমসুং লনাই কাংবুগী মরক্ত পুন্না থবক তৌমিন্ননবা মরুওইবা লুপ অমা ওইনা নেসনেল মেদিকেল এন্দ ৱেলনেস তুরিজম প্রোমোসন বোর্দনা থবক তৌরি।

2.       মগুন লৈহনবা: হোস্পিতালশিং, ৱেলনেস সেন্তরশিং অমসুং দেন্তেল ক্লিনিকশিংগী এন.এ.বি.ঐচ এক্রিদিতেসনগী সরকারনা ফগৎহল্লে। মালেমগী ওইনা থাজবা লৈনবা মেদিকেল ভেলু ত্রাবেলগী খুদোংচাবা পীরিবশিং রেজিষ্টার তৌনবা অমসুং রেতিং পীনবা পুক্নিং থৌগৎলি।

3.       স্কিল লৈহনবা অমসুং কেপাসিতি শেমগৎপা: চয়োল ১২ গী ত্রেনিং কোর্স অমগী খুৎথাংদা মমিং চৎলবা লমকোয়ফম ২০ দা গাইদ ১০,০০০ দা স্কিল হেনগৎহন্নবা পাইলোত স্কিম অমা য়ুনিয়ন বজেত ২০২৬-২৭ দা পুখৎখ্রে। মসিগী মথক্ত পেরামেদিকেল অমসুং নন-মেদিকেল ষ্টাফশিং মালেমগী অনাবশিং হেন্না ফজনা সেবা তৌনবা অতোপ্পগী চৎনবীশিং অমসুং মপান লমগী লোলশিংগী ত্রেনিং পীরে।

সরকারগী থবকশিং অমসুং মগুন লৈহন্নবা থবকশিং পুনশিন্দুনা, ভারত অসি লাইয়েংনবা নুমিৎ ৩৬৫ গী মফম অমা ওইনা উৎনবা সরকারনা পান্দম থম্লি। “ইনক্রেদিবল ইন্দিয়া” গী সব-ব্রান্দ অমা ওইনা ই-পাউ ফাওন্নবা অপুনবা লাল্লোং পায়খৎলে। থবকশিং অসিগী খুৎথাংদা, ভারত মালেম্না থাজবা লৈরবা “অফবা হকশেলগী অওনবা” গীদমক মফম অমা ওইরক্লে।

সরকারনা পীবা খুদোংচাবা অমসুং দিজিতেলগী অওনবা

অফবা দিজিতেল অমসুং থৌশিলগী খুৎথাংদা সরকারনা মালেমগী অনাবশিংগী খোঙচৎ লাইহল্লে। মসিগী মরুওইবা অমদি ভিসাগী থবক লাইথোকহনবা অসিনি, মসিনা লৈবাক ১৭২ গী মীওইশিংদা ই-মেদিকেল ভিসা অমসুং ই-মেদিকেল এত্তেন্দেন্ত ভিসাগী খুদোংচাবশিং ফংহল্লে।

মসিগী মথক্ত, ভারতকী মমাংঙৈগী অনা-লাইয়েংগী থবকশিং থিরিবশিং মতেং পাংনবা ই-অয়ুস অমসুং ই-অয়ুস এত্তেন্দেন্ত ভিসাগুম্বা অনৌবা খুদোংচাবশিংসু ফংহল্লে।

দিজিতেলগী থবকশিংনা মখা তানা “হিল ইন ইন্দিয়া” গী থবক ফগৎহল্লে:

•        এম.ভি.তি পোর্তেল অমুক ফগৎহনবা: সরকারনা মেদিকেল ভেলু ত্রাবেল পোর্তেল ফগৎহল্লে। মসিনা অনাবশিংনা থিদোকপা, থৌরাং তৌবা অমসুং থবকশিং বুক তৌবা ঙমহল্লে অমসুং শেন পীবা অমসুং ওপরেসন মতুংগী থবকশিং পাংথোকপা ঙমহল্লে।

•        এয়রপোর্তকী খুদোংচাবা: থৌরাংশিংগী মনুংদা এয়রপোর্তশিংদা এম.ভি.তি কন্সিরেজ অমসুং লোঞ্চশিং লিংখৎপা য়াওরি। মসিনা এরোব্রিজদা লমকোয়বা লাকপশিং তরাম্না ওক্কনি অমসুং ইমিগ্রেসন, কষ্টমস অমসুং বেগেজ লৌবদা মখোয়গী মতেং পাংগনি।

মেদিকেল অমসুং ৱেলনেস তুরিজমগী সরকারনা পায়খৎলিবা থবক

মেদিকেল ভেলু ত্রাবেল চাউখৎনবা, সরকারনা ইন্সতিতুসনেল ফ্রেমৱার্ক অমা লিংখৎলে।

নেসনেল মেদিকেল এন্দ ৱেলনেস তুরিজম প্রোমোসন বোর্দ: তুরিজমগী য়ুনিয়ন মিনিষ্টরনা লুচিংদুনা ২০১৫ দা তুরিজম মিনিষ্ট্রিনা লিংখৎলে। মসিনা ভারত্ত মেদিকেল অমসুং ৱেলনেস তুরিজম য়োকখৎলি অমসুং খুদোংচাবশিং পীরি।

মরী লৈনবশিং শরুক য়াবা মফম: বোর্দ অসিনা মিনিষ্ট্রিশিং, রাজ্য সরকারশিং, হোস্পিতালশিং, ৱেলনেস সেন্তরশিং, এক্রিদিতেসন বোদিশিং অমসুং উদ্যোগকী মীওইশিং পুনশিনহল্লে। অমতা ওইনা, মখোয়না মেদিকেল ভেলু ত্রাবেলগী থবক মপাঙ্গল কনৎহল্লে।

রাজ্যগী থাক্ত পুন্না থবক তৌমিন্নবা: লমদম অমা চাউখৎনবা কৎথোক্লবা মেদিকেল অমসুং ৱেলনেস তুরিজম প্রোমোসন বোর্দশিং নত্ত্রগা সেলশিং লিংখৎনবা রাজ্যশিংগী পুক্নিং থৌগৎলে।

ৱেলনেস অমসুং নাৎ পুনশিনবা পুক্নিং থৌগৎপা

ভারতকী হকশেলগী তুরিজমগী লাল্লোংদা ৱেলনেস তুরিজম মরুওইবা শরুক অমা ওইরি। ৱেলনেস অমসুং কলচরেল তুরিজম পুনশিনবদা য়োগ, ধ্যান তৌবা, অয়ুর্বেদা অমসুং অধ্যাতিক্না লাইয়েংবগুম্বা লৈবাক অসিগী ইনাকখুল্লবা চৎনবীশিংনা অঙকপা খুদোংচাবশিং পীরি।

হকচাং ফনবা মালেমগী ব্রান্দ অমা ওইনা য়োগ

য়োগ অসি অরিবা ভারতকী চৎনবীগী মমল নাইদ্রবা খুদোল অমনি, মসি সংস্কৃতকী ‘য়ুজ’ (পুনবা নত্ত্রা অপুনবা) দগী হৌরকপনি। মসি ভারত মালেম্না মশক খঙনবগী মরুওইবা অমনি। মসিনা ৱাখল, পুক্নিং, হকচাং অমসুং থবক অমতা ওইবগী খুদমনি অমসুং হকচাং নুংঙাইনা লৈনবা অচুম্বা থবক অমা য়োকখৎলি।

লৈবাক অসিগী অমসুং মালেমগী ৱাখল্লোন্দা হকচাং ফনা লৈবা য়াওহন্নবা মরুওইবা পাম্বৈ অমা ১১শুবা মালেমগী য়োগ নুমিৎ (২০২৫) না ওইরে। “মালেম অমা, হকশেল অমগীদমক য়োগ” হায়বা থিমদা য়োগগী মতেংনা মালেমগী হকচাং ফাবা পুরক্নবা হোৎনখি।

ভারত অসি মালেমগী লমকোয়বা মীওইশিংনা য়োগ অমসুং মহৌশাগী অনা-লাইয়েংগী থবকশিংগী মফম অমা ওইনা লৌরে। মখোয় হকচাং ফনবা নত্ত্রগা নাদ্রিঙৈদা ঙাকথোক্নবগীদমক মখোয় লৈবাক অসিদা লাকখি। খোঙচৎ অসি হৌজিক সরকারগী ই-অয়ুস ভিসাগী খুদোংচাবনা হেন্না নুংঙাইহল্লে।

মালেমগী লাইয়েংফম অমা ওইনা শেমগৎনবা মাইকৈদা

ভারতকী মেদিকেল অমসুং ৱেলনেস তুরিজমগী থবক অসি অপুনবগী অনা-লাইয়েংগী মালেম্না থাজবা লৈরবা নমুনা অমা ওইরক্লে। মসিদা অয়ুসগুম্বা মমাংঙৈগী লাইয়েংগা লোয়ননা অনৌবা মতমগী মেদিকেল ইনফ্রাষ্ট্রকচর য়াওরে। মসিনা অনাবা ফহনবা অমসুং নাদ্রিঙৈদা ঙাকথোকপা অনিমক ঙমহল্লে।

সরকারগী অকনবা থৌশিল, দিজিতেলগী খুদোংচাবা অমসুং মালেমগী ক্বালিতি ষ্টেন্দার্দশিংগী মতেংনা মসি চাউখৎলকপনি। মখা তানা মালেমগী লৈবাকশিংদা খঙহনবনা মেদিকেল ভেলু ত্রাবেলগী অপুনবা মফম অমা ওইনা ভারতকী ফিবম মখা তানা ফগৎহনগনি।

মালেমগী লৈবাকশিংনা পাম্নবা হেনগৎলকপগা লোয়ননা, অনা-লাইয়েং অমসুং ৱেলনেস ত্রাবেলগী মালেমগী ওইনা তুংগী ফিবম শেম্বদা মরুওইবা থৌদাং অমা লৌনবা ভারতনা শেম-শারে।

রিফরেন্সশিং

Press Information Bureau (PIB):

 https://www.pib.gov.in/PressReleasePage.aspx?PRID=2222142&reg=3&lang=1

https://www.pib.gov.in/PressReleasePage.aspx?PRID=2225423&reg=3&lang=1

https://www.pib.gov.in/PressReleasePage.aspx?PRID=2153611&reg=3&lang=2

https://www.pib.gov.in/PressReleasePage.aspx?PRID=2221403&reg=3&lang=1

https://www.pib.gov.in/PressReleasePage.aspx?PRID=2221485&reg=3&lang=1

https://www.pib.gov.in/PressReleaseIframePage.aspx?PRID=2217203&reg=3&lang=2

Ministry of Tourism:

https://tourism.gov.in/wellness-medical-tourism

https://tourism.gov.in/sites/default/files/2022-05/National%20Strategy%20and%20Roadmap%20for%20Medical%20and%20Wellness%20Tourism.pdf

https://tourism.gov.in/sites/default/files/2026-02/Ministry%20of%20Tourism%20Annual%20Report_2025-26_english.pdf

National Accreditation Board for Hospitals & Healthcare Providers:

https://nabh-portal-live.s3.ap-south-1.amazonaws.com/wp-content/uploads/2026/01/21163729/NABH-Newletter-Issue-12-1.pdf

Ministry of AYUSH:

https://ayush.gov.in/assets/pdf/annualReport/DecadeAyushReport.pdf

FICCI:

https://www.ficci.in/sector/medical-value-travel-mvt?utm_

*****