Social Welfare
ভারতনা তি.বি. মুত্থৎনবা খোঙজেল য়াঙনা চঙশিল্লি
Posted On:
24 MAR 2026 6:43PM
মরু ওইবা হীরমশিং
- ভারত্তা চহি খুদিংগী লাকপা তি.বি.গী অনৌবা কেসশিং অসি ২০১৫-২৪দগী ২১% হন্থরে; চপ মান্নবা মতম অসিদা তি.বি.দগী শিবগী চাংশু ২৮% তা হন্থরকখি।
- তি.বি. মুক্ত ভারত অভিয়ানগী মখাদা দিসেম্বর ৭, ২০২৪দগী হৌনা লাইনা অসি নাবা য়াবা মীওই করোর ২০ হেন্না স্ক্রীন তৌখ্রে অমসুং মীওই লাখ ২৮ হেনবনা লাইনা অসি নারমখি।
- ইং ২০২৪গী ওইনা গ্রাম পঞ্চায়ত ৪৬,১১৮ হেনবগী মফমদা তি.বি. ফ্রী সর্তিফিকেসন পীখ্রে।
- হিদা থাবদা চঙদবা তি.বি.গী অনাবশিংগী প্রোগ্রামগী মখাদা বেদাকুইলিন, প্রেতোমেনিদ, লিনেজোলিদ অমসুং মোক্সিফ্লোক্সাসিন য়াওবা অনৌবা, হেন্না তেনবা, তেক্ত-কায়দবা অমসুং কান্নবা বি.পি.এ.এল.এম. রেজিমেন অমা হৌদোকখ্রে।
- এ.আই.না তেংবাংবা ভারতকী তি.বি. প্রোগ্রাম অসিনা লোক খুবা স্ক্রীন তৌনবা এ.আই. শিজিন্নৈ, থবাক্কী এক্স-রে পানবা রেদিওলোজী এ.আই. শিজিন্নৈ অমসুং রিস্ক ৱাংবা অনাবশিং খঙদোক্নবা প্রেদিক্তিব এনালাইতিক্স শিজিন্নৈ।
ৱাহৌদোক
|
মালেমগী ত্যুবর্ক্যুলোসীস নুমিৎ
তি.বি.না হকশেল, খুন্নাই অমসুং শেন্মিৎলোন্দা শোকহনবশিংগী মতাংদা মীয়ামদা খঙহন্নবগীদমক্তা মালেমগী তি.বি. নুমিৎ অসি মার্চ ২৪দা পাংথোকই। মসিনা মালেমগী তি.বি.গী লাইচৎ অসি মুত্থৎনবা থবক হেনগৎফম থোকই হায়বা ঐখোয়দা খঙহল্লি। ইং ১৮৮২গী নুমিৎ অসিদা দাঃ রোবর্ত কোক্না তি.বি. নাহনবা বেক্তরিয়ম খঙবা ঙম্লে হায়না লাউথোকখি অমসুং মসিনা লাইনা অসিগী লাইওং খঙদোকপা অমসুং লাইয়েংবগী লম্বী য়াৎখি।
|
ভারতনা ত্যুবর্ক্যুলোসীস মুত্থৎপগী মায়কৈদা অচুম্বা লম্বীদা চৎলি। ৱর্ল্দ হেল্থ ওর্গনাইজেসনগী গ্লোবেল ত্যুবর্ক্যুলোসীস রিপোর্ত ২০২৫কী মতুং ইন্না ভারত্তা চহিদা তি.বি. নাবগী চাং অসি ইং ২০১৫-২৪দগী ২১% হন্থরক্লে হায়রি। মসিনা তি.বি. য়াম্না নাবা অতোপ্পা লৈবাকশিংদা নাবগী চাং হন্থবগী চাংদগী মালেমগী ওইনা ভারতশু তি.বি. নাবগী চাং খ্বাইদগী য়াম্না হন্থবশিংগী মনুংদা অমা ওইরি। তি.বি. নাদুনা শিবগী চাংশু চপ মান্নবা মতম অসিদা ২৮% হন্থখি। ভারত সরকারনা তি.বি. নাবা খঙদোকপা, স্ক্রীনিং তৌবা অমসুং লাইয়েংনবা পায়খৎপা অকক্নবা পান্দম থম্বা, থৌওং য়াম্বা থৌশিল পাংথোকপা অসিনা হৌজিক লৈরিবা ফিভম অসিদা মতেং য়াম্না পাংলি।
তেক্নোলোজী এদভান্স ওইরকপনা লোকেল হেল্থ সর্ভিস, কম্ম্যুনিতীনা শরুক য়াবা অমসুং শেল চঙদনা লাইয়েংবগী থৌওং পাকথোক চাউথোকহনখি অমসুং মসিনা ভারতপু মসিগুম্বা পাক শন্না নাবা অমসুং শিবা য়াবা লাইনা অসি মুত্থৎনবা হোৎনরিবা অসিবু অচুম্বা লম্বীদা থম্লি।
তি.বি. অমসুং লাইওং
ত্যুবর্ক্যুলোসীস হায়বসি করিনো?
ত্যুবর্ক্যুলোসীস (তি.বি.) অসি মাইকোবেক্তরিয়ম ত্যুবর্ক্যুলোসীস কৌবা বেক্তরিয়ম অমনা অয়াম্বা মতমদা থবোম্বীদা শোকহন্দুনা নাহনবনি। তি.বি.না থোকপ, কিদনী নত্ত্রগা য়াংলেনগুম্বা হকচাংগী অতোপ্পা শরুকশিংদশু শোকহনবা ঙম্মি।
বেক্তরিয়ম অসি চঙলবা মীওই অমা নারকপা য়াই অদুগা মীওই করদি নাদবশু য়াঈ। ইনএক্তিব তি.বি. কেস নত্ত্রগা লেতেন্ত তি.বি. ইনফেক্সন অসিশু লৈবা য়াই। এক্তিব তি.বি. ইনফেক্সন লৈবা মীওইশিংনা অতোপ্পা মীওইদা লাইনা অসি শন্দোকপগুম্না ইনএক্তিব তি.বি. নাবা মীওইশিংদি অতোপ্পদা লাইনা শন্দোক্তে অদুবু মখোয়শু মতম অমহেক্তদা তি.বি. নারকপা য়াই। অঙাং, ইম্যুন সীস্তেম নেম্বা মীওইশিং অসি মহি অসি চঙবা মতমদা অতোপ্পগা চাংদম্নবদা নাবা হেনগল্লি। এক্তিব তি.বি. অসি নীংথিনা লাইয়েংদ্রবদি শিবশু য়াই।
তি.বি.গী লাইওং
এক্তিব তি.বি.গী লাইওং অসি বেক্তরিয়া অদুনা শোকহল্লিবা মফম অদুদা অয়াম্বা মতমদা উবা ফংই অদুবু তি.বি. মখল খুদিংগী চপ মান্নবা লাইওং খরশু লৈ।
এক্তিব নত্ত্রগা সীম্পতোমেতিক তি.বি. নাবা মীওইশিংনা অতোপ্পদা তি.বি. বেক্তরিয়া শন্দোকপা য়াই। মখোয়না লোক খুবা নত্ত্রগা হাকথী খনবা মতমদা বেক্তরিয়া য়াওবা অপীকপা দ্রোপলেতশিং অসি নুংশিত্তা থাদোকপা য়াই অমসুং নুংশিৎ মরাং কায়না চঙদবা মফমশিংদনা অখন্নবা ওইনা লৈবা মীওইশিংনা নুংশিৎ অসি হোঞ্জিল্লি।
ত্যুবর্ক্যুলোসীস অসি নুংশিত্তা শন্দোক্লবশু, মসিদি মখাগী থৌওংশিং অসিগী খুত্থাংদদি শন্দোক্তে:
- খুৎ শোক্না
- মীয়ামগী অমাংশঙ শিজিন্নবা
- চিঞ্জাক অমসুং পাত্র পুনবা
- মীয়াম তিন্নবা
থবোম্বীদা তি.বি. নাবা মীওইশিংনা য়ামদ্রবদা চয়োল অনি হিদাক চারবদি মখোয় অসি শন্দোক্কন্দে। থবোম্বী নত্তবা হকচাংগী অতোপ্পা শরুকশিংদা তি.বি. য়াওবা মীওইশিংনা অয়াম্বা মতমদা লাইনা অসি শন্দোকপা ঙমদে।
ভারত্তগী তি.বি. মুত্থৎনবা য়াৎপা স্ত্রেতজিক ওইবা থৌরাং
সস্তেনেবল দিভেলপমেন্ত গোল ৩গা মরী লৈননা ভারত সরকারনা ইং ২০২৫ ফাওবদা তি.বি. মুত্থৎনবা হোৎনরিবা অসি মালেমগী খ্বাইদগী মিৎয়েং শানবা হকশেলগী মিসনশিংগী মনুংদা অমনি। জুনা ২০২০দা লাউথোকখিবা ভারত্তা ২০২০-২৫ ফাওবদা তি.বি. মুত্থৎপগী জাতিগী স্ত্রেতজিক ওইবা থৌরাং অসিনা ত্যুবর্ক্যুলোসীস অসি য়ুম্বী মরিগী খুত্থাংদা মুত্থৎনবা পান্দম থম্লি। য়ুম্বী মরি অদুদি – বিল্দ, প্রিভেন্ত, দিতেক্ত অমসুং ত্রিৎনি। থৌরাং অসি ঙন্না খঙদোকপা, শন্দোকপা হন্থহনবা অমসুং চুনবা হিদাক অমদি পথাপকী খুত্থাংদা অনাবশিং লাইয়েংবা অমসুং অনাববু তেংবাংবগী পথাপ শেম্বদা মিৎয়েং চঙলি।
ত্যুবর্ক্যুলোসীস মুত্থৎনবা জাতিগী প্রোগ্রাম
ভারত সরকারনা রিভাইজ নেস্নেল ত্যুবর্ক্যুলোসীস কন্ত্রোল প্রোগ্রাম (আর.এন.তি.সি.পি.) অসিবু ইং ২০২০দা নেস্নেল তি.বি. ইলিমিনেসন প্রোগ্রাম (এন.তি.ই.পি.) হায়না মমিং ওনখি। মসিনা মালেম্না ইং ২০৩০ ফাওবদা তি.বি. মুত্থৎনবা থম্লিবা পান্দম অসিগী মমাংদা ভারতনা মায় পাকপা ফংনবা হোৎনবগী থৌওং উহল্লি। এন.তি.ই.পি. অসি এন.এস.পি.গী য়ুম্বী মরিদা য়ুম্ফম ওইবনি। য়ুম্বীশিং অদুদি দিতেক্ত – ত্রিত – প্রিভেন্ত – বিল্দ হায়বসিনি। প্রোগ্রাম অসিগী মরু ওইবা থবকশিংদি –
- লাইনা অসিনা নাগনবা মীয়ামগী মরক্তা মিসিং কেস খঙদোক্নবা ক্বালিতী য়াওনা তেস্ত তৌবা অমসুং খুন্নাই নীংথিনা শরুক য়াহন্দুনা তি.বি. নাবা মীওইশিং ঙন্নবা খঙদোকপা।
- দ্রগ রেসিস্তেন্ত তি.বি. য়াওনা ক্বালিতী এশুরেন্স তৌরবা হিদাকশিং অমসুং হিদাক লাংথকপগী থৌওংশিংগা লোইননা অথুবা মতমদা লায়েংবা।
• প্রাইবেৎ সেক্তরদা লায়েংনবা পাম্বা অনাবশিংগা তানবা।
- দাইরেক্ত বেনেফিৎ ত্রান্সফর অমসুং নি-ক্ষয় মিত্র ইনিসিয়েতিবকী খুত্থাংদা পেসেন্ত-সেন্ত্রিক ত্রিৎমেন্ত সপোর্ত অমসুং ন্যুত্রিসন ইন্তরভেন্সনশিং।
- য়ুমগী কন্তেক্তশিং, অঙাংশিং, পি.এল.ঐচ.আই.ভি. অমসুং রিস্ক ৱাংবা/নাগনবা য়াবা মীওইশিংগী মরক্তা কন্তেক্ত ত্রেসিং অমসুং তি.বি. প্রিভেন্তিব ত্রিৎমেন্ত তৌবা।
- এয়রবোর্ন ইনফেক্সন লাকশিন্নবা থৌরাংশিং।
- সোসিএল দিতর্মিনেন্তশিং থেংননবা মল্তি-সেক্তোরেল রেস্পোন্স।
সরকারনা এন.তি.ই.পি.গী মখাদা প্রোগ্রাম কয়া অমা চলাইরি।
প্রধান মন্ত্রী তি.বি. মুক্ত ভারত অভিয়ান
প্রধান মন্ত্রী-তি.বি. মুক্ত ভারত অভিয়ান (তি.বি.-ফ্রী ইন্দিয়া কেম্পেন) অসি এন.তি.ই.পি.গী অহেনবা মরুওইবা মচাক অমা ওইনা সেপ্তেম্বর ৯, ২০২২দা হৌদোকখি। মসিগী খোঙথাং অসি 'জন আন্দোলন' (পিপলস মুভমেন্ত) অমদা পুন্সিন্নবা অমসুং লৈবাক অসিনা তি.বি. মুত্থৎনবা হোৎনরিবা অসিগী খোঙজেল য়াঙহন্নবা হৌদোকখিবনি। মসিগী পান্দমদি:
- মায় পাক্না লাইয়েংবা ঙমহন্নবা তি.বি.গী অনাবশিংদা অহেনবা তেংবাং পীবা
- খুন্নাইনা শরুক য়াবা হেনগৎহনবা
- কোর্পোরেৎ সোসিএল রেস্পোন্সিবিলিতী (সি.এস.আর.) শিজিন্নবা
নিক্ষয় পোশন য়োজনা অমসুং নিক্ষয় মিত্র প্রোগ্রাম
তি.বি.গী অনাবশিংনা লাইয়েংনবা হিদাক-লাংথকশিংগী মতিক চাবা সাইদ-ইফেক্তশিং অদু মায়োক্ননবা প্রোটিন য়াম্না য়াউবা দাইত অমা চাবা তাই। ২০১৮দা হৌদোকখিবা নিক্ষয় পোশন য়োজনা অসিনা নোতিফাই তৌরবা ত্যুবরক্যুলোসিস পেসেন্ত খুদিংদা থা খুদিংগী লুপা ১০০০গী শেলগী তেংবাং পীরি। ২০১৮গী এপ্রিল থাদা হৌদোকখিবদগী বেনিফিশরী করোর ১.৩৮গী বেঙ্ক একাউন্তশিংদা লুপা করোর ৪,৪৫৪.৬৮গী শেনফম হকথেংননা পীখ্রে।
তি.বি.গী লাইয়েং অসি মতম শাংনা চঙই অমসুং য়ামদ্রবদা থা ৬ অমসুং করিগুম্বা মতমদা মসিদগী হেন্না শাংনা চঙই। নিক্ষয় মিত্র হায়বসি লাইয়েংবগী মতমসিদা তি.বি. নাবা মীওইদা তেংবাংবা “তি.বি. ফ্রেন্দ” নৎত্রগা সপোর্তর অমনি। মীওই, NGO, কোর্পোরেসন, ধর্মগী অমসুং কম্ম্যুনিতী গ্রুপ, সরকারগী ওফিসিএলশিং অমসুং মীয়ামগী মীহুৎশিংনা নিক্ষয় মিত্র ওইনবা ভোলুন্তিয়র ওইবা য়াই।
ফিগর ১ - নিক্ষয় মিত্রশিংনা কর্নাতকাগী য়েলহঙ্কা দিস্ত্রিক্তকী তি.বি.গী অনাবশিংদা চানবা পোৎলমশিং মতেং পাংলি (দিসেম্বর ১৩, ২০২২), হকশেল অমসুং য়াইফ য়ুম্বাল মন্ত্রালয়
তি.বি. ফ্রেন্দনাঅনাবশিংদা মখোয়গী চাদিং হন্থহনবদা মতেং পাংনবগীদমক্তা চাং নাইনা ফুদ বাস্কেতশিং পীরি। মখোয়না অনাবশিংদা চাং নাইনা চেক-ইন তৌদুনা সাইকোসোসিএল সপোর্তসু পীবা ঙম্মি, অমসুং রিকোভরী মতুংদা মখোয়গী পুন্সি অমুক হন্না শেমগৎপদা মতেং পাংনবা ভোকেসনেল সপোর্তসু পীবা ঙম্মি।
নবেম্বর ১২, ২০২৫ ফাওবদা:
- মীওই অমসুং ওর্গনাইজেসন ৬,৭৭,৫৪১না নিক্ষয় মিত্র ওইনা মিং চনখি অমসুং তি.বি.গী অনাবশিংদা চিঞ্জাক্কী বস্কেত লাখ ৪৫ হেন্না য়েন্থোকখি।
- মাই ভারত ভোলুন্তিয়র লাখ ২ হেনবনা নিক্ষয় মিত্র ওইনা থবক তৌনবা মাংজিল থাখ্রে। মাই ভারত অসি মিনিস্ত্রী ওফ য়ুথ এফিয়র্স এন্দ স্পোর্তসকী খোংথাং অমনি। মসিনা চহি ১৫-২৯ ফাওবগী মনুংদা লৈবা মীওইশিংবু সরকারগী দিপার্তমেন্তশিং, প্রাইবেৎ ওর্গনাইজেসনশিং অমসুং সিভিল সোসাইতী পার্তনরশিপশিংগা তান্নদুনা অশেংবা মালেমগী শিংনবশিং অমসুং ইসুশিং অসি থেংননবা হোৎনরি।
নুমিৎ ১০০নিগী তি.বি. মুক্ত ভারত অভিয়ান
হকশেল অমসুং য়াইফ য়ুম্বাল মন্ত্রালয়না ভারতকী খ্বাইদগী কুপ্পা তি.বি. মুক্ত ভারত অভিয়ান কৌবা ভারতকী খ্বাইদগী কুপ্পা তি.বি. মুক্ত দ্রাইব অমা ২০২৪গী দিসেম্বর ৭দা রাজ্য/য়ু.তি. ৩৩গী হাই-প্রাইওরিতি দিস্ত্রিক্ত ৩৪৭তা হৌদোকখ্রে। তি.বি.গী অঙনবা মতমগী দাইগ্নোসিস ফংনবগীদমক্তা, লায়না অসি শন্দোরকপা য়াবগী মেপ্পিং অমসুং তি.বি.গীদমক্তা রিস্ক ৱাংবা পোপুলেসনগী পথাপ নাইনা স্ক্রিনিং তৌবগী থবক পায়খৎখি। জন অন্দোলন অসিনা তি.বি. মুত্থৎনবা খুন্নাই পুম্নমক্কী অমসুং সরকার পুম্নমক্কী ওইবা থৌরাং অমা উৎলিবা নিক্ষয় মিত্রগী সপোর্ত অমসুং ইলেক্তেদ রিপ্রজেন্তেতিব ৩০,০০০ হেন্না অমসুং লাইন ২৪গী মিনিস্ত্রীশিংবু থৌনা ফনা শরুক য়াহনখি। তি.বি. মুক্ত ভারত অভিয়ানগী থৌরাংশিং অসি হৌজিক্তি লৈবাক শীনবা থুংনা অমসুং জিলা খুদিংমক্তা পাকথোক চাউথোকহনখ্রে।
তি.বি. মুক্ত ভারত অভিয়ানগী মখাদা, ২০২৪গী দিসেম্বর ৭দগী হৌরগা নাগনবা য়াবা মীওই করোর ২০ হেন্না তি.বি.গীদমক্তা স্ক্রিনিং তৌখ্রে। লায়না অসিগী খুদম য়াওদনা লৈরম্বা মীওই লাখ ৯ য়াওনা, লায়না অসিগী লাইওং উবা মীওই লাখ ২৮ হেন্না থেংনখ্রে।
পুম্নমক্কী পান্দম থম্লবা অমসুং পুন্না হোৎনবগী মহৈ ওইনা, গ্রাম পঞ্চায়ৎ ৪৬,১১৮দা ২০২৪ ফাওবদা তি.বি.-ফ্রী সর্টিফিকেসন পীখ্রে।
তি.বি. মুক্ত ভারত অভিয়ানগী মখাদা লাইয়েংবদা মায় পাকপগী চাং অসি ৯০%দা হেনগৎখ্রে। মসি মালেমগী চাংচৎ ওইরিবা ৮৮%দগী হেল্লি।
অনৌবা খোংথাংশিং
দ্রগ রেসিস্তেন্ত তি.বি.গী পেসেন্তশিংগীদমক প্রোগ্রাম অসিগী মখাদা বেদাকুইলিন, প্রিতোমানাইদ, লাইনজোলাইদ অমসুং মোক্সিফ্লোক্সাসিন য়াওবা অনৌবা অতেনবা, হেন্না সেফ অমসুং য়াম্না ইফেক্তিব ওইবা বি.পি.এ.এল.এম. রেজিমেন অমা হৌদোক্লে, মসিনা লাইয়েংবগী মতম থা ৬তা হন্থহল্লগনি। এম.দি.আর./আর.আর.-তি.বি.গী অনাবা ১৫,০০০ হেনববু রেজিমেন অসিদা য়াওহনখ্রে।
তি.বি. ঙাকথোক্নবা লাইয়েং:
থীংনবা হোৎনবা হায়বসি লাইয়েংবগুম্না য়াম্না মরু ওই হায়বা খঙলদুনা, তি.বি.গী ইনফেক্সন অসি এক্তিব ওইবা লায়না ওইহন্দনবা ইলিজিবল ওইরবা বেনিফিসরীশিংদা তি.বি. ঙাকথোক্নবা লাইয়েং (তি.পি.তি.) পীরি। পান্দম থম্লিবা অমসুং অনৌবা থৌওং শিজিন্নদুনা, প্রোগ্রাম অসিনা চহি কয়াদা তি.পি.তি. পীদুনা য়ুমগী কন্তেক্তশিং অমসুং ঐচ.আই.ভি. (পি.এল. ঐচ.আই.ভি.) গা লোয়নবা মীওইশিংবু মায় পাক্না ঙাক-শেনখি। থৌওং অসিনা এক্তিব অমসুং ইন্তেনসিভ ওইবা কেস ফাইন্দিং কেম্পেনশিং অমসুং অতোপ্পা শোত্থরবা কাংলুপশিংদা পাকথোক চাউথোকহনবগা লোয়ননা পুন্সিনখ্রে।
আয়ুশ্মান আরোগ্য মন্দির
আয়ুশ্মান আরোগ্য মন্দিরশিং অসি অচৌবা আয়ুশ্মান ভারত স্কিমগী মখাদা লৈবা কম্ম্যুনিতী হেল্থ সেন্তরশিংনি। মখোয়না মীপুম খুদিংমক্তা য়ুনিভর্সেল অমসুং অহোংবা মমলদা হেল্থকেয়র ফংহল্লি। ভারত্তা (মার্চ ২৪, ২০২৬ ফাওবদা) সব-হেল্থ সেন্তরশিং, প্রাইমরী হেল্থ সেন্তরশিং, অর্বান প্রাইমরী হেল্থ সেন্তরশিং, আয়ুশ (আয়ুর্বেদ, য়োগ অমসুং নেচরোপেথি, য়ুনানি, সিধা অমসুং হোমিওপেথি) সেন্তরশিং অমসুং অর্বান হেল্থ অমসুং ৱেলনেস সেন্তরশিং য়াওনা মন্দির ১,৮৪,৭২৬ লৈরি। তি.বি.গী লাইওং উৎলিবা মীওইশীংনা সেন্টরশীং অসিদা দাইগ্নোজ তৌনবগীদমক চৎপা য়াই।
|
ফিগর ২ - হিমাচল প্রদেশকী কুল্লু দিস্ত্রিক্তকী আয়ুশ্মান আরোগ্য মন্দির অমদা হেল্থকেয়র ৱার্করশিংনা নুপীশিংদা তি.বি. অমসুং অতোপ্পা লায়নাশিং স্ক্রীন তৌরি (সেপ্তেম্বর ২০, ২০২৫), হকশেল অমসুং য়াইফ য়ুম্বাল মন্ত্রালয়
|
তেক্নোলোজিকেল ইনফ্রাস্ত্রকচর
রেপিদ মোলিক্যুলার তেস্তিং ফেসিলিতী ৯৮০০ হেনবা অমসুং কলচর অমসুং দ্রগ সেসসেবিলিতী তেস্তিং লেবোরেতরী ১০৭ লৈরি। মসি তি.বি. অঙনবা মতমদা খঙদোকপা অমসুং য়েংশিনবগী মালেমগী খ্বাইদগী চাউবা নেৎৱার্কনি। অতোপ্পা খুৎলাইশিংদি:
- কম্ম্যুনিতী স্ক্রিনিংগীদমক্তা এ.আই.-এনেবল হেন্দ-হোল্দ চেস্ত এক্স-রে য়ুনিৎ ৫০০ হেনবা লৈরে, মসিগী মনুংদা রাজ্যশিং অমসুং য়ুনিয়ন তেরিতোরীশিংদা ১৫০০ য়ৌহনখ্রে
- নিক্ষয় দিজিতেল প্লেৎফোর্ম্না ন্যুত্রিসনেল সপোর্তকী দাইরেক্ত বেনেফিৎ ত্রান্সফর তৌবদা মতেং পাংলি
কশ্মীরগী মনুং হঞ্জিনবা মফমদা তি.বি.গী কেসশিং ফংলকপা
কশ্মীরগী বন্দিপোরা দিস্ত্রিক্তকী গুরেজ ভেলী - হিমালয়াদা মীতর ২৪০০ ৱাংবদা লৈবা অমসুং নিংথম্থাগী মতমদা শম্নদবা মফম - অসিদা এন.তি.ই.পি. কশ্মীরগী তীমনা তি.বি. স্ক্রিনিং কেম্পেন অমা কন্না পাংথোকখি। অৱাংবা থাক্কী দাইগ্নোস্তিক মেছিনশিং অমসুং পোর্তেবল এক্স-রে ইক্বিপমেন্তশিং য়াওবা মোবাইল তেস্তিং ভেনশিং শীজিন্নদুনা, তীম অসিনা নুমিৎ অহুমগী মনুংদা মীওই ১,২৫০ স্ক্রীন তৌখি অমসুং মখা তানা তেস্ত তৌনবগীদমক তি.বি. কেস ২৫০ হেন্না মশক খঙদোকখি। মখোয়না ভারতকী লান্মী, মফম অদুগী হকশেলগী থৌমীশিং, খুঙ্গংগী মীহুৎশিং অমসুং ধর্মগী লুচিংবশিংগা লোয়ননা এৱারনেস সেসনশিংসু পাংথোকখি। মসিগী হোৎনবা অসিনা জম্মু অমসুং কশ্মীরদা ২০২৫ ফাওবদা 'তি.বি. ফ্রী কশ্মীর' অমা ওইহন্নবা অচেৎপা ৱাফম অদু উৎলি।
এ.আই.না তেংবাবা খোঙথাংশিং
সরকারনা তেক্নোলোজী অসি হেল্থকেয়র দেলিভরীদা য়াওহন্নবা অমসুং য়েংশিনবগী চাং হেনগৎহন্নবগীদমক্তা ত্যুবরক্যুলোসিস থেংননবা, দাইএগ্নোসিস তৌনবা অমসুং লাইয়েংনবা এ.আই. সিস্তেমশিং শীজিন্নরি। মখোয়শিং অসিদি:
|
হেল্থ ফোকস
|
এ.আই. সোলুসন / ইনিসিয়েতিব
|
প্রোসেস, তেক্নোলোজী অমসুং "ত্রিৎমেন্ত" এক্সপরিয়েন্স
|
ক্লিনিকেল / ওপরেস্নেল ইম্পেক্ত
|
|
তি.বি. স্ক্রিনিং
|
কফ এগেস্ত তি.বি. (সি.এ.তি.বি.)
|
একাউস্তিক AI: স্মার্তফোন এপ্লিকেসনগী খুত্থাংদা পেসেন্ত অমনা লোক খুবা অসি সেকেন্দ ৩গী রেকোর্দিংনা তি.বি. সিগ্নেচরগী ফ্রিক্বেন্সি পেত্তর্নশিং নৈনৈ। [1]
|
লাখ ১.৬২+ স্ক্রীন তৌখ্রে; চৎনবীগী পাম্বৈশিংদগী কেসশিংদা ১২-১৬% হেন্না থেংনরে। [2]
|
|
তি.বি. মেনেজমেন্ত
|
পামদবা থৌদোক থোক্লকপগী মরোল হান্না তাকপা
|
প্রেদিক্টিভ এনালাইতিক্স: ফ্লেগ তৌরবা লাইয়েংবা হৌরবা মতুংদা এ.আই.না লাইয়েংবদা মায় পাক্লোইদবা অনাবশিং ফ্লেগ তৌই।
|
লৈবাক শিনবা থুংনা শিজিন্নরবা মতুংদা পামদবা থৌদোক্তা ২৭% হন্থবগী রিপোর্ত তৌখি।
[3]
|
|
তি.বি. ত্রাইএজ
|
দীপ সি.এক্স.আর. (থবাক্কী এক্স-রে)
|
রেদিওলোজী এ.আই.: দিজিতেল এক্স-রেশিং ওটোমেতেদ ওইবা মওংদা রিদ তৌদুনা তি.বি. ওইরকপা য়াবা কেসশিংদা নোদুলশিং/কেভিতীশিং মশক খঙদোকপা।
|
রাজ্য/য়ু.তি. ৮দা থাদোকখ্রে; স্পিসিয়েলিস্তশিংগী অৱাৎপা লৈতবা অসি কোকহন্নবা সরকারদা লেম্না ফংহল্লে।[4]
|
ৱারোইশিন
ভারতকী তি.বি.গী চাং লেপ্তনা হন্থরকপা অসি তুংকোইনা হোৎনজবা, কম্ম্যুনিতী শরুক য়াবা, অমসুং মীয়ামগী হকশেলগী থৌরাংশিং অসিনা তশেংনা খেন্নবা অমা পুরকপা ঙম্বগী শিংথানীংঙাই ওইরবা থৌওং অমনি। লেপ্পা লৈতনা চেকশিন থৌরাং লৌখৎপা, কেয়র ফংহনবা অমসুং অপুনবা থৌদাং লৌদুনা লৈবাক অসিনা তি.বি. ফ্রী ইন্দিয়া অসি পান্দম অমখক্তা নত্তনা হেন্না ফংলবা রিএলিতি ওইগদবা তুংলমচৎ অমগী মায়কৈদা চংশিল্লি।
রিফরেন্স
প্রেস ইনফোর্মেসন ব্যুরো:
· ভারত্তা তি.বি.গী থৌওং অসি ২০১৫দা মীওই লাখ অমদা ২৩৭ ওইরম্বা অদুদগী ২০২৪দা মীওই লাখ অমদা ১৮৭ ওইদুনা চাদা ২১ হন্থরে। মসি মালেমগী ওইনা থেংনরিবা হন্থবগী চাংদগী শরুক অনি হেনগনি।: https://www.pib.gov.in/PressReleasePage.aspx?PRID=2189415
· মালেমগী ত্যুবর্ক্যুলোসীস (তি.বি.) নুমিৎ – 2025: https://www.pib.gov.in/PressReleasePage.aspx?PRID=2114549
· করিগুম্বা অচুম্বা হিদাকশিং অসি অচুম্বা মতমগী ওইনা শিজিন্নরবদি তি.বি. অসি মপুং ফানা নাবা ফগনি - দাইরেক্তর, নেস্নেল ত্যুবরকুলোসিস ইন্সতিত্যুৎ: https://www.pib.gov.in/PressReleasePage.aspx?PRID=1808582
· মেরা য়ুবা ভারত: https://www.pib.gov.in/PressReleasePage.aspx?PRID=2184456
· ভারতকী নুমিৎ ১০০নিগী তি.বি. মুত্থৎপগী কেম্পেন: https://www.pib.gov.in/PressReleasePage.aspx?PRID=2081662
অতোপ্পশিং:
PDF তা য়েংবীয়ু
(Explainer ID: 157955)
आगंतुक पटल : 95
Provide suggestions / comments