Farmer's Welfare
আর্তিফিসিএল ইন্তেলিজেন্স (AI) না ভারতকী লৌউশিংউবু অহোংবা পুরকপা
Posted On:
14 FEB 2026 10:39AM
|
মরুওইবা ৱারোলশিং
- ভারতনা এগ্রিকলচরগীদমক চাউরবা দিজিতেল ফাউন্দেসন অমা শেমখ্রে। দিজিতেল এগ্রিকলচর মিসনগী মখাদা ফার্মর আই.দি. কোতি ৭.৬৩ হেনবা অমসুং মহৈ-মরোংগী প্লোৎ কোতি ২৩.৫ সর্ভে তৌখ্রে।
- নেস্নেল পেস্ত সর্ভিলেন্স সিস্তেমনা মহৈ-মরোং ৬৬ অমসুং পেস্তকী মখল ৪৩২ হেনবদা মতেং পাংলি, মসিনা পেস্ত ঙন্না খঙদোক্নবগীদমক্তা এক্সতেন্সন ৱার্কর ১০,০০০ হেনবদা খুদক খুদক্কী ওইবা পাউতাকশিং পীরি।
- ২০২৫গী দিসেম্বর ফাওবদা, কিসান ই-মিত্রা চেৎ বোট অসিনা লমদমসিগী লোল ১১দা নোংমদা লৌমীশিংগী ৱাকৎ ৮০০০ হেন্না লৌদুনা ৱাকৎ লাখ ৯৩ হেন্না লোইশিনখ্রে।
- খরিফ ২০২৫গীদমক লোকেল মোন্সুন হৌরকপগী ফোর্কাস্ত তৌনবগীদমক এ.আই.দা য়ুম্ফম ওইবা অনৌবা প্রোজেক্ত অমা এস.এম.এস.গী খুত্থাংদা রাজ্য ১৩দা লৈরিবা লৌমী কোতি ৩.৮৮দা য়ৌখি। সর্ভে তৌখিবা লৌমীশিংগী ৩১%না ফোর্কাস্ত অদুদা য়ুম্ফম ওইদুনা থাবগী অমসুং লম শেম-শাবগী ৱারেপশিং অদু এদজস্ত তৌখি।
- য়েস-তেক, ক্রোপিক অমসুং পি.এম.এফ.বি.ৱাই.গী ৱাৎসএপ চেৎবোতনা পি.এম.এফ.বি.ৱাই.গী মখাদা লৌমীশিংগীদমক লৌউ-শিংউগী ইন্সুরেন্স হেন্না ইনোভেতিব, হেন্না থুনা অমসুং হেন্না ত্রান্সপরেন্ত ওইহন্নবা এ.আই.-তেবল তৌরবা খুৎলাইশিং শীজিন্নরি।
- ২০২৬-২৭গী য়ুনিয়ন বজেৎতা এগ্রিস্তেক পোর্তেলশিং অমসুং আই.সি.এ.আর. পেকেজ অসি এ.আই. সিস্তেমগা পুনশিন্নবা ভারত-ভিস্তার, মল্তিলিঙ্গ্বেল এ.আই. তুল অমা থাংৎখি।
|
হৌদোকপগী ৱারোল
স্তেনফোর্দ য়ুনিভর্সিতীগী ২০২৫ গ্লোবেল এ.আই. ভাইব্রেন্সী তুলগী মতুং ইন্না ভারত অসি আর্তিফিসিএল ইন্তেলিজেন্সতা মালেমগী লুচিংবা অমা ওইনা থোরক্লি, আর্তিফিসিএল ইন্তেলিজেন্সকী কম্পিতিতিবনেসতা মালেমগী ওইনা অহুমশুবদা লৈরি। ২০১৭ অমসুং ২০২৪গী মরক্তা এ.আই. গ্রোথ অমসুং ইন্নোবেসনগী লমদা খোঙজেল য়াংনা হেনগৎলকপা অসিনা ভারতকী দিজিতেল কেপাসিতি, দেতা ইকোসিস্তেম অমসুং এ.আই. তেলেন্ত, রিসর্স, স্তার্তঅপ, ইনভেস্তমেন্ত, ইনফ্রাস্ত্রকচর অমসুং গবর্নান্সকী মপাঙ্গল উৎলি। আর্তিফিসিএল ইন্তেলিজেন্স (এ.আই.) অসি লৌউ-শিংউদা অহোংবা পুরক্নবা মপাঙ্গল অমা ওইনা হেনগৎলক্লি। মসিনা লৌউ-শিংউগী পথাপশিংদা প্রদক্তিবিতী, সস্তেনেবিলিতী অমসুং রেসিলিয়েন্স হেনগৎহন্নবা অনৌবা লম্বী কয়া অমা পীরি। সেতলাইতশিং, সেন্সরশিং, দ্রোনশিং, ৱেদর স্তেসনশিং অমসুং ফার্ম মেচিনরীশিংদগী ফংলকপা দেতা শীজিন্নদুনা, এ.আই.না মতেং পাংলিবা খুৎলাইশিংনা লৌউ-শিংউগী ভেল্যু চেনগী থাক খুদিংমক্তা খঙনা ৱারেপ লৌবদা মতেং পাংই।
|
আর্তিফিসিএল ইন্তেলিজেন্স হায়বসি করিনো?
আর্তিফিসিএল ইন্তেলিজেন্স (AI) হায়বসি মহৌশানা মীওইবগী ইন্তেলিজেন্স মথৌ তাবা থবকশিং পাংথোক্নবা মেছিনশিংগী তৌবা ঙম্বদুবুনি। মসিনা সিস্তেমশিংদা এক্সপিরিয়েন্সতগী মহৈ তম্নবা, অনৌবা ফিভমশিংদা চুনবা, অমসুং কমপ্লেক্স ওইবা প্রোব্লেমশিংবু মশা মথন্তা লোইশিন্নবা ঙমহল্লি। এ.আই.না দেতা সেৎ, অলগোরিথম অমসুং অচৌবা লোলগী মোদেলশিংবু ঈ-পাউ নৈননবা, পেতর্নশিং খঙদোক্নবা অমসুং পাউখুমশিং পুথোক্নবা শীজিন্নৈ। মতমগী মতুং ইন্না, হায়রিবা সিস্তেমশিং অসিনা মখোয়গী থবক তৌবা ঙম্বগী চাং হেনগৎহল্লি, মসিনা মখোয়দা মীওইবগুম্না ৱাখল খনবা, ৱারেপ লৌবা, অমসুং পাউ ফাওনবগী মওং য়াহল্লি।
|
ইন্দিয়া-এ.আই. ইম্পেক্ত সমিৎ ২০২৬: ইনক্লুসিব দিবেলপমেন্তকীদমক এ.আই.
২০২৬ তা ইন্দিয়া-এ.আই. ইম্পেক্ত সমিৎ পাঙথোকখিবা অসিনা ইনক্লুসিব দিবেলপমেন্তকী খুৎলাই অমা ওইনা আর্তিফিসিএল ইন্তেলিজেন্সকী মতাংদা ভারতনা লৌখৎলিবা খোঙথাং অদু উৎলি। মীফম অসিনা এ.আই.গী তৌবা ঙম্বশিং, মরুওইনা কান্নবা ফংদ্রিবা কম্ম্যুনিতীশিংগীদমক হেন্না চপ মান্নবা অমসুং শেল চংদবা এক্সেস প্রমোৎ তৌদুনা তেক্নোলোজীগী দেমোক্রেতাইজেসনদা মিৎয়েং থম্লি। "পুম্নমক্কী য়াইফ-থৌরাং, পুম্নমক্কী নুংঙাইবা"গী ভিজনগা লোয়ননা তেক্নোলোজী দিবেলপমেন্তদা ভারতকী এপ্রোচ অদু মরুওইনা পীরি। মীওইবা খুন্নাইগীদমক্তা এ.আই.গী প্রিন্সিপল মপাঙ্গল কনখৎহনবা- সেক্তর খুদিংমক্তা হেন্না ফবা গবর্নান্স, সর্ভিস দেলিভরী অমসুং সস্তেনেবল দিবেলপমেন্তকীদমক্তা এ.আই.বু মীওইবদা য়ুম্ফম ওইবা অমসুং ইথিকেল এনভাইলর অমা ওইনা থম্লি। অসিগুম্বা পাক-চাওবা ৱাফম অসিগী মনুংদা, ভারতকী লৌউ-শিংউদা য়াম্না মরু ওইবা অহোংবা অমা লাক্লে। লৌমীশিংদা মতেং পাংনবা, ৱারেপ লৌবদা পাঙ্গল হাপ্নবা অমসুং পোত্থোক হেনগৎহন্নবা এ.আই. শীজিন্নবগী চাং হেনগৎলক্লি।
আর্তিফিসিএল ইন্তেলিজেন্স অমসুং লৌউশিংউদা মসিগী শীজিন্নবা
লৌউ-শিংউদা, এ.আই.না লৌমীশিংনা মখোয়গী নোংম-নোংমগী লৌউ-শিংউবগী থবকশিংদা শিজিন্নবা য়াবা অচম্বা, থবক ওইনা পাংথোকপা য়াবা পাউতাকশিংদা দেতা হন্দোকপদা মতেং পাংই। সেতিলাইত ইমেজরী, ৱেদর ফোর্কস, লৈহাউগী দেতা, অমসুং মহৈ-মরোংগী মওং-মতৌ নৈনদুনা, AIনা লৌমীশিংদা করি থাবগে, কদাইদা থাবগে, ইনপুত কয়া শিজিন্নগদগে, অমসুং করম্বা মতমদা মহৈ-মরোং ফংগদগে হায়বা লেপথোকপদা মতেং পাংই। কীট-কুহ্মৈ অমসুং লায়নাশীংগী মতাংদা অঙনবা মতমদা পুক্নিং চিংশিনবদগী হৌরগা ইরিগেসন অমসুং ফর্টিলাইজর শিজিন্নবগী হেন্না ফবা থৌরাং ফাওবা, AIনা লৌউ-শিংউবু হেন্না ময়েক শেংনা, ইফিসিএন্ট ওইনা অমসুং রিস্ক হন্থনা তৌহল্লি। লৌউ-শিংউদা এ.আই. শীজিন্নবশিং অসি মখাগী অসুম্না কাংলুপ খায়দোকপা য়াই:
এ.আই.না সেতিলাইত ইমেজরীশিং, দ্রোনদা য়ুম্ফম ওইবা ওবজর্বেসনশিং, অমসুং ফার্মগী থাক্কী ইমেজশিং নৈনদুনা সনাগী হকশেল য়েংশিন্নবা দিপ লর্নিং অমসুং ইমেজ রিকোগনিসন শীজিন্নৈ। মসিনা ন্যুত্রিএন্তকী অৱাৎপা অমসুং লৈহাউদা পুক্নিং চিংশিনবা থেংনবদা লেবোরেতরী তেস্তিং ইনফ্রাস্ত্রকচরগী তঙাই ফদবা লৈহন্দে। লৌমীশিংনা লৈহাওগী মহৈ-মরোং ফগৎহন্নবা মতম চানা থবক লৌখৎপা য়াই।
- ক্লাইমেৎ রেস্পোন্সিব ক্রোপ মোনিটরিং অমসুং এদভাইজরি সর্ভিসশীং
ভারতকী লৌউ-শিংউদা অইং-অশাগী অহোংবা লৈবনা মরম ওইদুনা মসি মরুওইনা নোংগী ঈচাউদা য়ুম্ফম ওই। এ.আই.না নুংশিৎ অমসুং ক্লাইমেৎকী দেতা নৈনদুনা অহোংবা লাকপা ঈচাউগী মওং, অইং-অশা হোংবা অমসুং এক্সত্রিম ইভেন্তশিং মাংজৌননা তাকই, অদুগা মরু হুনবগী ৱারেপশিং, ইরিগেসন সেদ্যুলিং, পেস্ত মেনেজমেন্ত, অমসুং ইনপুত এপ্লিকেসনগী মতাংদা রিয়েল-তাইমগী এদভাইজরিশিং পী। মসিগী মথক্তা, সেতিলাইত ইমেজরী, দ্রোন, সেন্সর অমসুং ইমেজ এনালাইতিক্স শীজিন্নদুনা এ.আই.-এনেবল তৌরবা মোনিটরিংনা পেষ্ট অমসুং মহৈ-মরোংগী লায়নাশিং অঙনবা মতমদা থেংনবদা মতেং পাংই, মসিনা মতম চানা ইন্টরভেন্সন তৌবা য়াহল্লি। অপুনবা ওইনা, এপ্লিকেসনশিং অসিনা লৌমীশিংদা, মরুওইনা নোং য়াম্না চুবা মফমশিংদা, ক্লাইমেৎ রিস্ক মেনেজ তৌবদা অমসুং মহৈ-মরোং মাংখিবা হন্থহনবদা মতেং পাংই।
- ফার্ম মেকানাইজেসনগী ইফিসিএন্সী ফগৎহনবা
এ.আই.-পাৱর ওইবা ইমেজ ক্লাসিফিকেসন অমসুং মেছিন লর্নিং তুলশিং, দ্রোনশিং, রিমোৎ সেন্সিং অমসুং লোকেল সেন্সর দেতাগা পুন্সিন্নদুনা ফার্ম মেছিনরিশিংগী শীজিন্নবা অমসুং ইফিসিএন্সী হেনগৎহল্লি। এপ্লিকেসনশিংগী মনুংদা প্রিসিজন ৱিদ রিমোবেল, অঙনবা মতমদা লায়না শন্দোকপা, ওতোমেতেদ ওইবা মহৈ-মরোং ফবা অমসুং মহৈ-মরোং মখল খায়দোকপা য়াওরি।
মহৈ-মরোং থাবদা, মহৈ-মরোংশিংনা চাউখৎপগী স্তেজ কয়াদা লেপ্পা লৈতনা য়েংশিনবা মথৌ তাবা মতমদা, AIদা য়ুম্ফম ওইবা সিস্তেমশিংনা অৱাংবা ভেল্যু লৈবা মহৈ-মরোংশিংগী পুং চুপ্পগী য়েংশিনলি। মসিনা লেবর দিপেন্দেন্সী হন্থহল্লি, ইনপুত শিজিন্নবা হেনগৎহল্লি অমসুং ক্বালিতী কন্ত্রোল ফগৎহল্লি।
- লৌমীশিংগীদমক মমল ফংহনবা হেনগৎহনবা
ফার্মরশিং, মরুওইনা মহৈ-মরোং অমসুং মনা-মশিং পুথোকপা মীওইশিংনা, অৱাংবা মমল খঙদোকপা, সপ্লাই চেনগী মতীক চাদবা অমসুং ইনফোর্মেসন এসিমেত্রিশিং অসিনা মরম ওইদুনা অয়াম্বা মতমদা অরোইবা কঞ্জ্যুমর প্রাইসকী অপীকপা শরুক খক্তমক লৌবা ঙম্মী। আর্তিফিসিএল ইন্তেলিজেন্স (AI) অসিনা এগ্রিকলচর ভেল্যু চেনশিংগী মরক্তা দিমান্দ-সর্প্লাইগী প্রিভেক্সন, মার্কেত ইন্তেলিজেন্স অমসুং কোওর্দিনেসন মপাঙ্গল কনখৎহন্দুনা স্ত্রকচরেল ওইবা অথিংবশিং অসি কোকহন্নবা মপাঙ্গল লৈরবা পাম্বৈ অমা পীরি।
এ.আই.-দাইরেক্ত প্রেদিক্তিব এনালাইতিক্সনা ই-নাম, এ.জি.এম.কে.ই.তি., এগ্রিকলচরেল সেন্সস, অমসুং সোইল হেল্থ কার্দ প্রোগ্রামগুম্বা প্লেতফোর্মশিংদগী দাতা সেৎ কয়া অমা প্রাইস মুভমেন্ত, এরিভল ত্রেন্দ অমসুং রিজনেল দিমান্দ পেতর্নশিং য়েংশিন্নবা শিজিন্নৈ। দোমেস্তিক অমসুং গ্লোবেল কমদোরিতি সিগ্নেল অনিমক য়াওহন্দুনা, খুৎলাইশিং অসিনা মহৈ-মরোং খনবগী মতাংদা হেন্না খঙবা ৱারেপশিং লৌবদা মতেং পাংই, য়োন্নবা মতম অমসুং কৈথেল খনবদা মতেং পাংই, মসিনা মমল খঙবা হেনগৎহল্লি অমসুং অৱাবা থোকপদগী য়োনবা হন্থহল্লি। লৌউ-শিংউদা এ.আই. শীজিন্নবগী থৌওং অসিনা সেক্তর পুম্বদা বতম-অপ এদোপ্সনগী পাক চাউবদু উৎলি। এ.আই.না মতেং পাংলিবা লৌউ-শিংউগী নেৎৱার্কশিংনা মার্কেত এক্সেস, মমল থিদোকপা অমসুং রাজ্য ১২দা লৈরিবা লৌমী মিলিয়ন ১.৮গী লোজিস্তিক ইফিসিএন্সী ফগৎহনখ্রে।
প্রিসিজন ফার্মিংগী মরুওইবা মচাক অমা ওইনা এ আই
এ.আই.না জি.পি.এস., সেন্সরশিং, সেতলাইৎশিং অমসুং দ্রোনশিংদগী ফংবা দেতাবু লৌউ-শিংউগী থাক্তা লৌখৎপা য়াবা ইনসাইৎশিংদা ওন্থোক্তুনা প্রিসিজন ফার্মিং তৌবা ঙমহল্লি। মসিনা লৈহাউগী মগুনশিং, ঈশিং লৈবগী চাং অমসুং মহৈ-মরোংশিংগী হকশেলগী মরমদা অকক্নবা থাক অমদা দেতা খোমজিনবা ঙমহল্লি। মসিনা ঈশিং, ফর্টিলাইজর অমসুং পেস্তিসাইদকুম্বা ইনপুতশিং অসি মথৌ তাবা মফমদা অমসুং মতম চানা শীজিন্নবা ঙমহল্লি। হায়রিবা মফম-মখাগী ওইবা থৌওং অসিনা প্রদক্তিবিতী হেনগৎহল্লি, রিসোর্স শিজিন্নবদা অপ্টিমাইজ তৌই, অশোকপা হন্থহল্লি অমসুং অকোইবগী ফিবম হন্থহল্লি।
এ.আই.না মতেং পাংলিবা প্রিসিজন ফার্মিং: সস্তেনেবল এগ্রিকলচরেল ত্রান্সফোর্মেসনগীদমক স্কেল তৌবা য়াবা খোঙথাং
রাজরাতনম কানাকরাজনগী এক্সপরিয়েন্স অসিনা ভারতকী লৌউ-শিংউদা আর্তিফিসিএল ইন্তেলিজেন্সকী প্রাক্টিকেল অমসুং স্কেল তৌবা য়াবা এপ্লিকেসন অদু উৎলি। তামিল নাদুদা য়ুম্ফম ওইবা স্তার্ত-অপ অমা ওইরিবা ফার্ম এগেন্না শেমগৎপা এ.আই.না য়াউবা প্রিসিজন ফার্মিং সিস্তেম অমা শিজিন্নদুনা মহাক্না সোলর পাৱর পায়বা সেন্সরশিং শীজিন্নদুনা মোবাইল প্লেৎফোর্ম অমগী খুত্থাংদা তশেংনা তিলগী ঈশিং, ঈথৈ লৌখোং অমসুং ফর্টিলাইজর শীজিন্নবগী চাং য়েংশিনখি। সিস্তেম অসিনা ফার্মগী ওপরেসনশিং ওতোমেৎ তৌখি, ওভর-ইরিগেসন অমসুং ইনপুত শিজিন্নবা হন্থহনখি, অমসুং মহৈ-মরোংগী ফীভম ফগৎহনখি, মসিনা নোকোসকী মহৈ-মরোং শরুক অনি হেনগৎহনখি।
মসিগী থৌওং অসিনা তামিল নাদুদা একর ৪০০০ হেনবদা লৈবা লৌমী ৩৫০০ হেনবদা কান্নবা ফংহনখ্রে। মসিগী এদোপ্সন অসি শেল চঙবা ঙম্বা ওইবনা মরম ওইদুনা, ইন্দিজেন ইক্বিপমেন্তকী মমল (₹2.5 লাখ) অসি ইমপোর্ত তৌরবা (₹25 লাখ) অলর্তেনেতিবশিংদগী য়াম্না হন্থৈ। প্রদক্তিবিতী হেনগৎহনবতা নত্তনা, থৌওং অসিনা চহিগী ওইনা ঈশিং ক্যুবিক মিতর ৪০০,০০০ হেন্না অমসুং ইনর্জী কে.ৱাই.তি.ঐচ. ১,৭৫,০০০ রোম কনবা য়াওনা অকোইবগী ফিভমদা অচৌবা কান্নবা কয়া অমা পীরি। মসিগা লোয়ননা থাদোকপা চাংসু য়াম্না হন্থহল্লি। মসিনা CO2গা মান্নবা থাদোকপা চাং তন ২০,০০০ রোম হন্থহল্লি। সোলুসন অসিগী স্কেল তৌবা ঙম্বনা, লৈবাক কয়াদা পাকথোক চাউথোকহনবনা উৎলি, লোকেল ওইনা দিজাইন তৌরবা এ.আই. ইন্নোবেসনশিংনা লৌউ-শিংউগী পোত্থোক হেনগৎহনবা, রিসোর্সশিং কঞ্জার্ব তৌবা অমসুং সস্তেনেবল এগ্রিকলচরেল ত্রান্সফোর্মেসনদা মতেং পাংবা ঙম্বগী মওং মতৌ তাক্লি।
এ.আই. দ্রিভেন এগ্রিকলচরদা সরকারগী থৌরাংশিং
সরকারনা তোঙান তোঙানবা ইনিসিয়েতিবশিংগী খুত্থাংদা এগ্রিকলচর সেক্তরদা অহোংবা পুরক্নবগীদমক আর্তিফিসিএল ইন্তেলিজেন্সকী পাৱরবু এক্তিব ওইনা শীজিন্নরি। মখাদা পীরিবসিদা পনখ্রিবা ইনিসিয়েতিবশিং অসিনা পোলিসী ইনোভেসনশিংদা উৎলিবা, এগ্রিকলচরগী গ্রোথ অমসুং দিবেলপমেন্তদা সরকারগী হোলিস্তিক এপ্রোচ অদু উৎলি।
য়ুনিয়ন বজেৎ ২০২৬-২৭: এ.আই. দ্রিভেন এগ্রিকলচরেল এদভাইজরীগীদমক ভারত-ভিস্তার
২০২৬-২৭গী য়ুনিয়ন বজেৎনা ভারত-ভিস্তার (ভর্চুএল ইন্তিগ্রেতেদ সিস্তেম তু এক্সেস এগ্রিকলচরেল রিসোর্সস) - এগ্রিস্তাক পোর্তেলশিং অমসুং লৌউ-শিংউগী থবকশিংদা আই.সি.এ.আর. পেকেজ অসি এগ্রিকলচরেল রিসোর্সশিংগা পুনশিন্নগদবা মল্তি-লিঙ্গ্বেল এ.আই. মসিনা ফার্মগী প্রদক্তিবিতী হেনগৎহনগনি, লৌমীশিংদা হেন্না ফবা ৱারেপ লৌবা ঙমহনগনি, অমসুং কাস্তমাইজ তৌরবা এদভাইজরি সপোর্ত পীদুনা রিস্ক হন্থহনগনি।
লৌমীশিংগীদমক এ.আই.-এবলিত এদভাইজরী অমসুং দিসিজন সপোর্ত সর্ভিসশিং
কিসান ই-মিত্রা:
২০২৩দা হৌদোকখিবা কিসান ই-মিত্রা অসি পি.এম. কিসান সম্মান নিধি, কিসান ক্রেদিৎ কার্দ অমসুং প্রধান মন্ত্রী ফাসল বিমা য়োজনা য়াওনা মরুওইবা সরকারগী স্কিমশিংগী মতাংদা ৱাহংশিংগী পাউখুম পীদুনা লৌমীশিংদা মতেং পাংনবা দিজাইন তৌখিবা ভোইস-ইনেবল, এ.আই.-পাৱর ওইবা চেৎ বোৎ অমনি। প্লেৎফোর্ম অসি লমদমসিগী লোন ১১দা থবক তৌরি অমসুং হৌজিক্তি ফার্মরশিংগী ৱাহং ৮০০০ হেন্না নুমিৎ খুদিংগী পাউখুম পীরি। ২০২৫গী দিসেম্বর ফাওবদা, মসিনা ক্বেরী লাখ ৯৩ হেন্না মায় পাক্না পাউখুম পীখ্রে। মসিনা লৈবাক শীনবা থুংনা লৈরিবা লৌমীশিংগীদমক স্কিমগা মরী লৈনবা ঈ-পাউ ফংহনবদা মতেং পাংলি।
নেসনেল পেষ্ট সর্ভিলেন্স সিষ্টেম:
২০২৪দা হৌদোক্কদৌরিবা নেস্নেল পেস্ত সর্ভিলেন্স সিস্তেম (এন.পি.এস.এস.) না আর্টিফিসিএল ইন্তেলিজেন্স (এ.আই.) অমসুং মেছিন লর্নিং (এম.এল.) শীজিন্নদুনা পেস্ত ইনফেস্তেসন অমসুং মহৈ-মরোংগী অনাবশিং ঙন্না খঙদোকপা ঙমগনি। শীজিন্নবদা লায়বা মোবাইল এপ্লিকেসন অমসুং ওনলাইন পোর্তেলগী খুত্থাংদা এক্সেস তৌবা য়াবা সিস্তেম অসিনা লৌমীশিংদা অঙম্বা মওংদা মশক খঙদোকপা অমসুং দাইএগ্নোসিস তৌনবগীদমক শোকহল্লবা মহৈ-মরোংশিং নৎত্রগা পেস্তশিংগী ইমেজ অপলোদ তৌবা য়াহল্লি।
ইমেজ এনালাইতিক্স শীজিন্নদুনা, এন.পি.এস.এস.না রিয়েল-তাইমদা মহৈ-মরোং ঙাক-শেনবগী এদভাইজরীশিং পীরি, মতিক চাবা পেস্ত অমসুং লায়না লাকশিন্নবগী থবকশিংদা লৌমীশিংদা লমজিং-লমতাক পীরি অমসুং মহৈ-মরোং মাংহনবশিং হন্থহন্নবা মতম চানা ইন্তরভেন্সন তৌবা ঙমহল্লি। ২০২৫গী দিসেম্বর ফাওবদা, এন.পি.এস.এস. অসি এক্সতেন্সন ৱার্কর ১০,০০০ হেনবনা শীজিন্নরি অমসুং মহৈ-মরোং ৬৬ অমসুং পেস্ত স্পিসিস ৪৩২ হেনবদা মতেং পাংলি।
এ.আই.না খুদোংচাবা পীবা লোকেল মোন্সুন ওনসেৎ ফোর্কাস্তশিং খারিফ সিদিং ৱারেপ লৌবদা মতেং পাংগনি:
এ.আই.দা য়ুম্ফম ওইবা পাইলোৎ অমা খারিফ ২০২৫গী মনুংদা রাজ্য ১৩গী মফম খরদা মফম-মখাগী ওইবা মোন্সুন হৌরকপগী ফীভম পুথোক্নবা পায়খৎখি। ইন্দিয়া মেতিওরোলোজিকেল দিপার্তমেন্ত (আই.এম.দি.) অমসুং দিবেলপমেন্ত ইন্নোবেসন লেব-ইন্দিয়াগা খুৎশম্নদুনা থৌরাং অসি পায়খৎলি। পাইলোত অসিনা ওপন-সোর্স মিক্স মোদেলিং এপ্রোচ অমা শিজিন্নখি, মসিনা ন্যুরেলজিসিএম, য়ুরোপিয়ন সেন্তর ফোর মেদিয়ম-রেঞ্জ ৱেদর ফোরকেস (ইসিএমদবল্যুএফ) আর্তিফিসিএল ইন্তেলিজেন্স ফোরকেসিং সিস্তেম (এ.আই.এফ.এস.) অমসুং আই.এম.দি.দগী চহি ১২৫গী হিস্তোরিকেল রেনফেলেন্স দেতা পুন্সিনখি। মফম অদুগী মনুসুন হৌরকপদা মীৎয়েং থমদুনা খ্বাইদগী ফবা সিজিংগী ৱারেপ লৌবদা লমজিংনবা, এম কিসান পোর্তেলগী খুত্থাংদা রাজ্য ১৩গী লমদমগী লোল মঙাদা লৌমী কোতি ৩.৮৮ হেনবদা এস.এম.এস. মধ্য প্রদেশ অমসুং বিহারদা পাংথোকখিবা মখা তাবা সর্ভেদা ফার্মর ৩১%দগী ৫২%দা মরুওইনা লম শেম-শাবদা, থাবগী মতম অমসুং মহৈ-মরোং অমসুং ইনপুতশিং খনবদা অহোংবা পুরক্তুনা ফার্মরশিংনা মখোয়গী পাম্বৈশিং শেমদোকখি।
দিজিতেল এগ্রিকলচর মিসনগী খুত্থাংদা দেতা-দ্রিভেন গবর্নান্স
২০২৪দা হৌদোকখিবা দিজিতেল এগ্রিকলচর মিসন অসি লুপা করোর ২,৮১৭গী অপুনবা শেনফমগা লোইননা হৌদোকখি। ২০২৫-২৬গী ফাইসনেল চহিগীদমক লুপা করোর ৫৪.৯৭২গী এলোকেসন পীখি। মসিগী পান্দমদি লৌউ-শিংউগী সেক্তরদা অনৌবা, লৌমী-কেন্দ্রিক দিজিতেল সোলুসনশিং ফংহন্নবা হোৎনবনি। মিসন অসিনা লৌমী পুম্নমক্কীদমক থাজবা য়াবা মহৈ-মরোংগা মরী লৈনবা ইনফোর্মেসন মতম চানা ফংহন্নবা পান্দম থম্লি। মসিনা লৌমীশিং, লম লৈফমশিং অমসুং মহৈ-মরোংশিংগী মতাংদা ভেরিফাই তৌরবা দেতা সেৎশিং, দেতা এনালাইতিক্স, আর্তিফিসিএল ইন্তেলিজেন্স অমসুং রিমোৎ সেন্সিংগুম্বা এদভান্স দিজিতেল তেক্নোলোজীশিংগা লোয়ননা শীজিন্নগনি।
দেতাদা য়ুম্ফম ওইবা ৱারেপ লৌবগী থৌওংবু মপাঙ্গল কনখৎহন্দুনা, মিসন অসিনা লৌউ-শিংউগী সর্ভিসশিংগী ইফিসিএন্সী, ত্রান্সপরেন্সী অমসুং রেস্পোন্সিবিলিতি হেনগৎহন্নবা শেম-শারি। মসিদা এগ্রিস্তাক অমসুং কৃষি দিসিজন সপোর্ত সিস্তেম (কে.দি.এস.এস.এস.) গুম্বা প্লেতফোর্মশিং য়াওনা লৌউ-শিংউগীদমক মপুং ফাবা দিজিতেল পব্লিক ইনফ্রাস্ত্রকচর (দি.পি.আই.) অমা শেমগৎনবা থৌরাং তৌরি। মসিগা লোয়ননা ইন্তিগ্রেতেদ সোইল ফর্টিলিতী অমসুং প্রোফাইল মেপ অমা শেমগৎলগনি। মসিনা ভারত্তা মপাঙ্গল লৈরবা, স্কেল তৌবা ঙম্বা দিজিতেল এগ্রিকলচর ইকোসিস্তেম অমগী য়ুম্ফম ওইগনি।
এগ্রিস্তেক:
এগ্রি স্তেক অসি দিজিতেল এগ্রিকলচর মিসনগী মরুওইবা মচাক অমনি। মসিনা লৌমীশিংদা লমগী রেকোর্দশিং, শা-ষনগী মপু ওইবা, মহৈ-মরোং চাবা অমসুং কান্নবা ফংবগী মরী লৈনবা য়ুনিক দিজিতেল আইদেন্তিতী (ফার্মর আই.দি.)২০২৬-২৭ ফাওবদা ফার্মর আই.দি. কোতি ১১ ফংহন্নবা পান্দম থমখিবা অদুগী মাইকৈদা, ২০২৫গী নবেম্বর ২৭ ফাওবদা নুপী লৌমীশিংগীদমক আই.দি কোতি ১.৯৩ য়াওনা আই.দি কোতি ৭.৬৩ হেন্না পুথোকখ্রে। শেমগৎপা অমসুং ভেরিফিকেসন য়াঙখৎহন্নবা, লৌমী ID অমদা লুপা ১০ পি.এম.-কিসান এদমিনিস্ত্রেতিব ফন্দদগী কাইথোক্লে। এগ্রিস্তেকনা মোবাইলদা য়ুম্ফম ওইবা দিজিতেল ক্রোপ সর্ভেদসু মতেং পাংই, মসিনা মহৈ-মরোংগী মখল অমসুং চাবা য়াবা লমগী মতাংদা রিএল-তাইম, প্লোৎ-লেভেলগী দেতা লৌবা ঙম্মি। সর্ভে অসিনা রাবি ২০২৪-২৫গী মনুংদা জিলা ৪৯২ অমসুং প্লোৎ কোতি ২৩.৫ হেন্না কোনশিনখি। থৌরাং তৌবা, য়েংশিনবা অমসুং পোলিসী ইমপ্লিমেন্ত তৌবা হেনগৎহন্নবগীদমক্তা জিলা খুদিংমক্তা ২০২৫-২৬গী মনুংদা লৈবাক শীনবা থুংনা চৎনহন্নবা থৌরাং তৌরি।
ক্রিশি দিসিজন সপোর্ত সিস্তেম:
দিজিতেল ক্রোপ মেপশিং, লৈহাউগী মেপশিং, মহৈ-মরোংগী চাংদম্নবা, অমসুং নোং কন্না চুবা অমসুং ঈশিং ঈচাওগী চাং য়েংশিনবা অসিগুম্বা মপুং ফাবা এনালাইতিকেল আউতপুৎশিং পুথোক্নবগীদমক্তা, সেতেলাইত ইমেজরী, ৱেদর ইনফোর্মেসন, লৈহাউ অমসুং ঈশিংগী রিসোর্সশিং, মহৈ-মরোংগী দেতা দেতা, অমসুং সরকারগী স্কিম দেতাবেজশিং য়াওনা সোর্স কয়াদগী লৌরকপা দেতাশিংবু ক্রিসী দিসিজন সপোর্ত সিস্তেম (কে.দি.এস.এস.এস.) না পুন্সিল্লি। সিস্তেম অসিনা মহৈ-মরোংশিং তোঙান-তোঙানবা মওংদা য়োকখৎনবা এদভাইজরীশিং পীবা অমসুং মহৈ-মরোংশিংগী ইন্সুরেন্স সেতলমেন্তগীদমক তেক্নোলোজী অমসুং মোদেলদা য়ুম্ফম ওইবা মহৈ-মরোংগী চাং য়েংশিনবদা মতেং পাংদুনা খঙনা ৱারেপ লৌবদা মতেং পাংই। মতম অমত্তদা, কে.দি.এস.এস.না সরকারগী এজেন্সীশিংদা থাজবা য়াবা, রিএল-তাইম ইন্সাইৎশিং ফংহন্দুনা ইভিদেন্সতা য়ুম্ফম ওইবা পোলিসী মেকিং অমসুং প্রোগ্রাম ইমপ্লিমেন্তেসনবু মপাঙ্গল কনখৎহল্লি।
সোইল প্রোফাইল মেপশিং:
সোইল এন্দ লেন্দ য়ুজ সর্ভে ওফ ইন্দিয়া (এস.এল.য়ু.এস.আই.) না পায়খৎলিবা নেসন ৱাইদ সোইল রিসোর্স মেপ্পিং প্রোজেক্ত অসিনা হাই-রিসোলিউসন সেতিলাইত ইমেজরীগা ফিল্দদা য়ুম্ফম ওইবা ওবজর্বেসনশিং পুন্সিন্নদুনা 1:10,000গী অৱাংবা স্পেসিএল রিসোলুসন অমদা খুঙ্গংগী থাক্তা লৈবা মপুং ফাবা সোইল ইনভেন্তরী অমা শেমগৎনবা পান্দম থম্লি। মহৈ ওইনা ফংবা স্তেন্দার্দাইজ তৌরবা লৈহাউগী মেপশিং অসিনা লম শীজিন্নবগী প্লানিং, মহৈ-মরোং খনবগী অমসুং তুং কোইনা চৎনবা য়াবা লৌউ-শিংউগী থৌওংশিং প্রমোৎ তৌনবগী সাইন্তিফিক ওইবা য়ুম্ফম অমা পীরি। সেপ্তেম্বর, ২০২৪ ফাওবদা, মিসন অসিগী এগ্রিকলচরেল লম হেক্তর মিলিয়ন ১৪২গী পান্দমগী মাইকৈদা, চাউরাক্না হেক্তর মিলিয়ন ২৯ মেপ তৌখ্রে। মিসন অসি ইমপ্লিমেন্ত তৌনবগীদমক, রাজ্য তরুক-উত্তর প্রদেশ, মধ্য প্রদেশ, রাজস্থান, মহারাস্ত্রা, তামিল নাদু, অমসুং অন্ধ্র প্রদেশতা লুপা করোর ১,০৭৬ পীখ্রে। মসিগা লোয়ননা রাজ্য অসিদা কেম্প-মোদ এপ্রোচ শিজিন্নদুনা ফিল্দ-লেভেল কেম্পশিং ওর্গানাইজ তৌনবা অমসুং কেম্প অমদা লুপা ১৫,০০০গী এলোকেসনগা লোয়ননা লোকেল এদমিনিস্ত্রেসনবু মোবিলাইজ তৌনবা পুক্নিং থৌগৎখ্রে।
এ.আই.-ইনেবল তৌরবা, তেক্নোলোজী-দ্রিভেন ক্রোপ ইন্সুরেন্স ফোর রেসিলিয়েন্ত এগ্রিকলচর
প্রধান মন্ত্রী ফাসল বিমা য়োজনা (পি.এম.এফ.বি.ৱাই.) অসি লৌমীশিংবু মাংজৌননা খন্দবা থৌদোকশিংদগী থোক্লকপা মহৈ-মরোং মাংহনবদগী ঙাকথোক্নবা হৌদোকখিবনি। লৌমীশিংনা খারিফ ফুদ অমসুং ওইল সীদ মহৈ-মরোংশিংগীদমক চাদা ২, রবি ফুদ অমসুং ওইল সীদ মহৈ-মরোংশিংগীদমক চাদা ১.৫ অমসুং কম্মর্সিএল অমসুং হোর্টিকলচরগী মহৈ-মরোংশিংগীদমক চাদা ৫ খক্তমক কন্ত্রিব্যুৎ তৌরি। লেমহৌরিবা প্রিমিয়ম অসি সরকারনা সবসিদি তৌরি। অৱাং-নোংপোক্কী রাজ্যশিং, জম্মু অমসুং কশ্মীর অমসুং হিমাচল প্রদেশতা, লায়রবা লৌমীশিংগীদমক কভরেজ ফংহন্নবা সরকারনা মপুং ফানা প্রিমিয়ম পীরি।
স্কিম অসিনা এ.আই.-ইনেএবল তৌরবা তেক্নোলোজীশিংবু ইফিসিএন্সী অমসুং ত্রান্সপরেন্সী হেনগৎহন্নবগীদমক তপ্না তপ্না পুন্সিনখ্রে।
য়েস.-তেক (তেক্নোলোজীদা য়ুম্ফম ওইবা রিলীদ ইষ্টিমেসন সিস্তেম) না রিমোৎ সেন্সিং অমসুং এ.আই.-দাইবর্দ এনালাইতিক্স শিজিন্নদুনা অচুম্বা য়িল্দ ইষ্টিমেসনশিং পুথোকই। খারিফ ২০২৩দা ধান অমসুং গমগীদমক হৌদোকখিবা অমসুং খারিফ ২০২৪দা সোইয়াবিনগীদমক পাকথোক চাউথোকহনখিবা, য়েস-তেকনা তেক্নোলোজীদা য়ুম্ফম ওইবা এসেসমেন্তশিংদা য়ামদ্রবদা চাদা ৩০গী ৱেতিগেজ পীরি। ২০২৫গী জনুৱারী ফাওবদা, রাজ্য নিপান্না মসি শিজিন্নখ্রে। মধ্য প্রদেশনা তেক্নোলোজীদা য়ুম্ফম ওইবা মহৈ-মরোংগী এস্তিমেসনদা মপুং ফানা ওন্থোকখ্রে। মসিনা মতম চানা মাংখিবা অদুগী এসেসমেন্ত তৌবা অমসুং ক্লেম সেতলমেন্ত থুনা পাংথোকপা ঙমহনগনি।
ক্রোপিক (কলেক্সন ওফ রিয়েল-তাইম ওবজর্ভেসনস এন্দ ফোতোগ্রাফস ওফ ক্রোপস) অসি মহৈ-মরোংশিংগী হকশেল য়েংশিন্নবা অমসুং মহৈ-মরোংশিং মাং-তাকহনবশিং য়েংশিন্নবা শীজিন্নরিবা এ.আই.-এনেবল ওইবা খুৎলাই অমনি। মোবাইল এপ্লিকেসন অমগী খুত্থাংদা, লৌমীশিং অমসুং ফিল্দ কোওর্দিনেতরশিংনা জিওতেগ তৌরবা, মতমগী স্তাম্প তৌরবা মহৈ-মরোংগী ইমেজশিং স্মার্তফোনদগী অপলোদ তৌই। হায়রিবা মতমগী সেরিজ ফোতোগ্রাফশিং অসিনা ইন্সুরেন্স তৌরবা মহৈ-মরোংশিংগা চাংদম্নবদা মহৈ-মরোংশিং ভেলিদেত তৌবদা মতেং পাংই অমসুং লোকেলাইজ তৌরবা খুদোংথীবশিং থোকপা মতমদা চপ চানা অশোক-অপনগী এসেসমেন্ত তৌবা ঙমহল্লি। ক্রোপিকনা ক্রোপ ইন্সুরেন্স ইমপ্লিমেন্ত তৌবা, দিজাস্তর রেস্পোন্স অমসুং দেতা-দাইরেক্ত দিসিজনমেকিংবু মপাঙ্গল কনখৎহল্লিবা ত্রান্সপরেন্ত, রিয়েল-তাইম, ইভিদেন্স-বেজ সিস্তেম অমা পীরি।
পি.এম.এফ.বি.ৱাই.গী ৱাৎসএপ চেৎবোত অসি লৌমীশিংদা পি.এম.এফ.বি.ৱাই.গী স্কিমগী মতাংদা ঈ-পাউ পীবদা মতেং পাংনবগীদমক্তা ৱাৎসবোতকী খুত্থাংদা এক্সেস তৌবা ঙম্বা এ.আই. অমনি।
ৱিন্দস (ৱায়র ইনফোর্মেসন এন্দ নেৎৱার্ক দেতা সিস্তেম) অসি ২০২৩দা হৌদোকখিবা অসি, রিএল-তাইম, থাজবা য়াবা ৱেদর দেতা পীনবগীদমক্তা তোঙান তোঙানবা ৱেদর সিস্তেমশিং পুন্সিন্নবা নেস্নেল প্লেতফোর্ম অমনি। মসিনা লৌউ-শিংউদা অকনবা ৱেদর মোনিটরিং, প্লানিং অমসুং রিস্ক এসেসমেন্ট তৌবা ঙমহল্লি।
পি.এম.এফ.বি.ৱাই.না ভারতকী খ্বাইদগী পাক চাউবা মহৈ-মরোংগী ইন্সুরেন্স প্রোগ্রাম অমা ওইরক্লি। পি.এম.এফ.বি.ৱাই.গা লোয়ননা হৌদোকখিবা, রিস্ত্রকচর তৌরবা ৱেদর-বেজ ক্রোপ ইন্সুরেন্স স্কিম (আর.দবল্যু.বি.সি.আই.এস.) অসি মহৈ-মরোংদা য়ুম্ফম ওইবা কভরেজপু মপুং ফাহনবা ৱেদর ইন্দেক্সতা য়ুম্ফম ওইবা ইন্সুরেন্স স্কিম অমনি। ২০১৬-১৭ অমসুং ২০২৪-২৫গী মরক্তা (ওক্তোবর ২০২৫ ফাওবদা), প্রধান মন্ত্রী ফাসল বিমা য়োজনা (পি.এম.এফ.বি.ৱাই.) অমসুং রিস্ত্রকচরদ ৱেদর-বেজ ক্রোপ ইন্সুরেন্স স্কিম (আর.দবল্যু.বি.সি.আই.এস.) না লৌমীশিংগী এপ্লিকেসন কোতি ৭৮.৫১ হেন্না কভর তৌখি। মতম অসিগী মনুংদা, লৌমীশিংনা প্রিমিয়ম ওইনা লুপা করোর ৩৫,৯১৯ কন্ত্রিব্যুট তৌখি। অদুগা ক্লেমশিং লুপা করোর ১,৯০,৩৭৪ দিসচার্জ তৌখি। মসিনা লৌমীশিংগী এপ্লিকেসন করোর ২৩ হেন্না কান্নবা ফংখি। ২০২০-২১দগী হৌরগা ২০২৪-২৫ ফাওবগী মতম অসিদা (ওক্তোবর ৩১, ২০২৫ ফাওবদা) স্কিম অসিনা এপ্লিকেসন কোতি ৫৫.২৮ হেন্না কভর তৌখি অমসুং ক্লেম ওইনা লুপা কোতি ৯৩,৮৯১ পীখি। মসিনা লৌমী কোতি ১৪.৯৭ হেন্না কান্নবা ফংখি। হায়রিবা ৱাফমশিং অসিনা পি.এম.এফ.বি.ৱাই.না লৌউ-শিংউগী রিস্কশিংদগী ফার্মগী পুন্সি মহিংবু ঙাকথোকপদা পাকথোক চাউথোকপা, থাজবা হেনগৎলকপা অমসুং ইম্পেক্ত লৈরে হায়বা উৎলি।
এ.আই.না মতেং পাংলিবা এগ্রি-তেক স্তার্তঅপশিং অমসুং অনৌবা লৌউ-শিংউগী অনৌবা থৌওংশিং
ভারত সরকারনা রাস্ত্রিয় কৃশি বিকাস য়োজনা (আর.কে.ভি.ৱাই.) গী মখাদা ইন্নোবেসন অমসুং এগ্রি-এন্ত্রপ্রিনরশিপ দিবেলপমেন্ত প্রোগ্রামগী খুত্থাংদা ২০১৮-১৯দগী এগ্রি-তেক স্তার্তঅপশিং অসি য়াম্না থুনা চাউখৎহনবগীদমক থৌরাং তৌরি। মসিগা মান্ননা, প্রোগ্রাম অসিনা আর্তিফিসিএল ইন্তেলিজেন্স (AI), মেছিন লর্নিং, প্রিসিজন ফার্মিং, দ্রোনশিং অমসুং ক্লাইমেৎ স্মার্ত এগ্রিকলচর য়াওনা অনৌবা তেক্নোলোজীশিং শিজিন্নবদা মতেং পাংই। এগ্রি-তেক স্তার্তঅপশিংনা ভারতকী লৌউ-শিংউদা অনৌবা মতম অমা হৌরে, আর্তিফিসিএল ইন্তেলিজেন্সকা লোয়ননা লৌউ-শিংউগী থবকশিং পুন্সিল্লি। 'অশাগী মঙাল' হায়না মিংথোনবা স্তার্তঅপশিং অসিনা অনৌবা পুথোকপা অমসুং লৈবাক শীনবা থুংনা লৌউ-শিংউগী থবকশিংবু অহোংবা পুরক্লি।
প্রোগ্রাম অসিগী মখাদা, নোলেজ পার্তনরশিং (কে.পি.শিং) অমসুং আর.কে.ভি.ৱাই. এগ্রি-বিজিনেস ইনক্যুবেতরশিং (আর-এ.বি.আই.শিং) না লৌউ-শিংউগী স্তার্ত-অপশিংদা আইদিয়া নত্ত্রগা প্রি-সীদ স্তেজ (লাক্ষ ৫ ফাওবা) অমসুং সীদ স্তেজ (লক্ষ ২৫ ফাওবা) দা স্ত্রকচর তৌরবা তেক্নিকেল অমসুং ফাইনান্সিএল সপোর্ত পীরি। মসিনা মখোয়বু ইনোভেতিব প্রদক্তশিং অমসুং সর্ভিসশিং দিবেলপ তৌবা, পাইলোৎ তৌবা অমসুং স্কেল তৌবা ঙমহল্লি। ২০২৬গী জনুৱারী ফাওবদা, এগ্রিকলচর স্তার্তঅপ ৬০০০ হেন্না ত্রেনিং ফংখ্রে অমসুং ২০১৯-২০ অমসুং ২০২৫-২৬গী মরক্তা, স্তার্তঅপ ২২৮২দা শেলগী অমসুং তেক্নিকেলগী মতেং পীখ্রে, অপুনবা গ্রান্ত অসি লুপা করোর ১৮৬.৫৫ ওইগনি।
শৌগৎলিবা স্তার্ত-অপশিংনা মরুওইবা লমশিংদা থবক পায়খৎলি। মসিদা পিক্সিয়ন এগ্রিকলচর, এ.আই. অমসুং আই.ও.তি.-দা য়ুম্ফম ওইবা সোলুসনশিং, ফার্ম মেকানিজমেন্ত, পোস্ত-হার্ভেস্ত অমসুং ফুদ তেক্নোলোজীশিং, সপ্লাই চেন মেনেজমেন্ত, ৱেস্ত তু ৱেল্থ ইনিসিয়েতিবশিং, অমসুং ওর্গানিক ফার্মিং য়াওরি। মসিনা ইনোবেসন পুরক্কনি অমসুং এগ্রিকলচর অমসুং মরী লৈনবা সেক্তরশিংদা ইফিসিএন্সী হেনগৎহল্লগনি।
এ.আই.না মতেং পাংলিবা রোবোতিক্সনা ফার্ম ওপরেসনশিং ত্রান্সফোর্ম তৌরি
আই.সি.এ.আর.আই.গী এগ্রিকলচরেল ইঞ্জিনীয়রিং দিভিজন ইন্দিয়ন এগ্রিকলচরেল রিসর্চ ইন্সতিত্যুৎ (আই.এ.আর.আই.) না লৌউ-শিংউগী থবক কয়াগীদমক লৌউ-শিংউগী রোবোতিক্স শেমগৎপদা থবক পায়খৎলি। মসিগী মনুংদা লৈহাউগী সেম্পল লৌবা, থাবগী থবক, মহৈ-মরোং লৌবা অমসুং মহৈ-মরোং য়েংশিনবা য়াওরি। হোৎনরিবশিং অসি মপুং ফাহনদুনা, ভারতকী এগ্রিকলচরগী রোবোতিক ইকোসিস্তেমদা মশক থোকপা খুমাং চাউশিল্লকপা উবা ফংলে। মসিগী মনুংদা ওতোনোমস ত্রেক্তরশিং, রোবোতিক হার্ভেস্তিং সিস্তেমশিং অমসুং লৌউ-শিংউগী থবকশিংদা ওতোমেসন অমসুং ইন্তেলিজেন্ত তেক্নোলোজীশিং পুন্সিনবা হেনগৎলক্লিবা অদু উৎলি।
ভারত্তা ফ্যুচর ফার্মিং: ইম্পেক্ত এ.আই. ফ্রেমৱার্ক
ভারত সরকারনা ওক্তোবর ২২, ২০২৫দা "ফ্যুচর ফার্মিং ইন ইন্দিয়া: এ.আই. প্লেবুক ফোর এগ্রিকলচর" হায়না মিংথোনবা পব্লিকেসন অমা রিলিজ তৌখি। ভারত সরকারগী প্রিন্সিপাল সাইন্তিফিক এদভাইজরগী ওফিস, ইন্দিয়া এ.আই. (মেই.আই.তি.) অমসুং বি.সি.জি.এক্স.গা খুৎশম্নদুনা ৱার্ল্দ ইকোনোমিক ফোরম্না ইনসাইৎ রিপোর্ত অমা ওইনা শেমখিবা প্লেবুক অসিনা অপীকপা অমসুং মরী লৈনবা লৌমীশিংদা অখন্নবা মীৎয়েং থমদুনা ভারতকী লৌউ-শিংউদা আর্তিফিসিএল ইন্তেলিজেন্স (এ.আই.) গী থৌদাং লৌবা অমসুং পাকথোক চাউথোকপা য়াবা এদোপ্ত তৌনবগীদমক পোলিসী ওরিয়েন্তেদ রোদমেপ অমা পীরি।
প্লেবুক অসিনা পাইলোত-স্তেজ AI এপ্লিকেসনশিংদগী পাক-শন্না ইমপ্লিমেন্ত তৌবদা য়ুম্ফম ওইবা মরুওইবা অথিংবশিং, মচেৎ-মচেৎ তাবা দেতা ইকোসিস্তেমশিং, অকক্নবা দিজিতেল ইনফ্রাস্ত্রকচর, শেল চঙবা ঙমদবা অথিংবশিং অমসুং অরোইবা মাইলগী দেলিভরীগী শিংনবশিং য়াওনা মীৎয়েং থম্বগী পান্দম থম্লি। মসিনা আর্তিফিসিএল ইন্তেলিজেন্সবু রুতিন ফার্ম ওপরেসনশিংদা দেতা-দাইভর্স দিসিজনমেন্ত তৌবা ঙম্বগী থৌওং অমা ওইহল্লগনি। মসিনা প্রদক্তিবিতী হেনগৎহনবা, ক্লাইমেৎ রেসিলিয়েন্স মপাঙ্গল কনখৎহনবা, রিসোর্স শিজিন্নবা ফগৎহনবা অমসুং মার্কেত এক্সেস ফগৎহনবগী পোতেন্সিএল লৈগনি।
রিপোর্ত অসিনা এগ্রিকলচরেল ভেল্যু চেন পুম্নমক্তা এ.আই. শিজিন্নবগী মরুওইবা কেসশিং, এ.আই.না য়াহনবা মহৈ-মরোং থৌরাং তৌবা, থক-থুমগী হকশেলগী খোঙজেল য়াংবা এনালাইসিস, পেস্ত প্রিদিক্সন অমসুং কন্ত্রোল, অমসুং স্মার্ত দিজিতেল মার্কেৎ প্লেসশিং য়াওনা মরুওইনা তাক্লি। প্লেবুক অসিগী মরুওইবা কন্ত্রিব্যুসন অমা হায়রগদি, ইকোসিস্তেম পুম্বগী থবকশিং লমজিংনবা, স্তেকহোল্দরশিংগী থৌদাংশিং ময়েক শেংহন্নবা অমসুং এ.আই. সোলুসনশিংবু ইফেক্তিব ওইনা শিজিন্নবদা মতেং পাংনবা, মখাদা পীরিবা পিল্লরশিংদা য়ুম্ফম ওইবা, আই.এম.পি.এ.তি. এ আই ফ্রেমৱার্ক অমনি।
এনেবল তৌবা: এনেক্টিব পিল্লর অসিনা এগ্রিকলচরদা এআই স্কেল তৌবদা মথৌ তাবা বেসিক সিষ্টেমশিং শেমগৎপদা মীৎয়েং থম্লি। মসিদা এ.আই.গী ময়েক শেংবা থৌরাংশিং, সপোর্তিব পোলিসীশিং, দেতা-শেয়রিং ফ্রেমৱার্কশিং, অমসুং দিজিতেল ইনফ্রাস্ত্রকচর শেমগৎপা অসিনচিংবা সরকারনা লুচিংবা থবকশিংদা মরুওইবা পীরি।
শেমগৎ-শাগৎপা: শেমগৎ-শাগৎপগী য়ুম্বী অসিনা লৌউ-শিংউগীদমক AI সোলুসনশিং শেমগৎপা অমসুং চাংয়েং তৌবদা মীৎয়েং থম্লি। মসিনা স্তার্ত-অপশিং, তেক্নোলোজী প্রোভাইদরশিং, অমসুং রিসর্চ ইন্সতিত্যুসনশিংগী মরক্তা AI এপ্লিকেসনশিং দিজাইন তৌবা, ভেলিদেত তৌবা, অমসুং ফগৎহন্নবগীদমক্তা তেংবাং পীনবগী মতাংদা ময়েক শেংনা তাক্লি।
দেলিভর: দেলিভর পিল্লর অসিনা এ.আই. সোলুসনশিং অসি লৌমীশিংদা মপুং ফানা য়ৌহনবদা মীৎয়েং থম্লি। মসিনা এক্সতেন্সন সিস্তেমশিং মপাঙ্গল কনখৎহল্লি, এ.আই.বু এদভাইজরী সর্ভিসশিংদা পুন্সিলহল্লি, অমসুং ফলশিং ফগৎহন্নবা ফিল্দ ফিদবেক শীজিন্নৈ।
অরোইবা ৱারোইশিন
ভারতনা এগ্রিকলচরদা চাউনা তেক্নোলোজিকেল ত্রান্সফোর্মেসন অমা পাংথোক্লি। এর্টিফিসিএল ইন্তেলিজেন্সনা চৎনবীগী পাম্বৈশিংদগী দেতা-দ্রাইভেন, প্রিসিজন-বেজ ইকোসিস্তেম অমদা ওন্থোক্নবা হোৎনরি। অসিগুম্বা অহোংবা অসি দিজিতেল এগ্রিকলচর মিসন অমসুং এগ্রি স্তেক য়াওনা অচৌবা দিজিতেল পব্লিক ইনফ্রাস্ত্রকচর অমা শেমগৎতুনা লাক্লি। মসিনা লৌমী মিলিয়ন কয়াদা পান্দম থম্বা সর্ভিসশিং ফংহন্নবা ভেরিফাই তৌরবা য়ুম্ফম অমা পীরি। এ.আই.গী ইন্তিগ্রেসন অসিনা এগ্রিকলচর ভেল্যু চেন পুম্নমক্তা মশক থোকপা কান্নবা পীরি।
ভারত-ভিস্তার অমসুং কিসান ই-মিত্রাগুম্বা খুৎলাইশিংনা লোন কয়াদা, রিএল তাইমদা এদভাইজরি সর্ভিসশিং ফংহল্লি। মসিনা অরাপ্পা মফমশিংদা লৈরিবা মীওইশিংদা এক্সপর্তকী লৌশিং ফংহল্লি অমসুং ৱারেপ লৌবদা হেন্না মতেং পাংলি। মোন্সুনগী মাংজৌননা ফোংদোকপা অমসুং পেস্ত সর্ভিলেন্স (এন.পি.এস.এস.) গীদমক এ.আই.-পাৱর ওইবা সিস্তেমশিংনা লৌমীশিংদা ক্লাইমেৎ অমসুং বাইওলোজিকেল রিস্কশিং প্রোএক্তিব ওইনা মেনেজ তৌবা ঙমহল্লি, মসিনা পোতেন্সিএল ওইবা মাংখিবা কয়া হন্থহল্লি অমসুং রেসিলিয়েন্স হেনগৎহল্লি। য়েস-তেক অমসুং ক্রোপিককী খুত্থাংদা প্রিসিজন ফার্মিং, এগ্রো-রোবোতিক্স অমসুং এ.আই.-এনেবল তৌরবা মহৈ-মরোংগী ইন্সুরেন্সকী ইনোভেসনশিংনা রিসোর্স শীজিন্নবা হেন্না ফগৎহল্লি অমসুং ক্লেমগী সেতলমেন্ত অসি হেন্না থুনা অমসুং ত্রান্সপরেন্ত ওইহল্লি।মসিগী মথক্তা, এ.আই. দাইরেক্ত ওইবা এনালাইতিক্সনা সপ্লাই চেনগী স্ত্রকচরেল ওইবা অথিংবশিং কোকহন্নবা হোৎনরি, মসিনা অপীকপা অমসুং মপান্দা লৈবা লৌমীশিংগীদমক মমল খঙদোকপা অমসুং কৈথেল ফংবা হেনগৎহল্লি। অপুনবা ওইনা, খোংথাংশিং অসিনা লৌউ-শিংউগী লমদা ইনক্লুসিব দিবেলপমেন্ত অমসুং লৌমীশিংগী য়াইফ-থৌরাংবু মরুওইনা লৌদুনা তুংকোইনা চৎনগদবা লৌউ-শিংউগী চাউখৎপা পুরক্নবা পান্দম থম্লিবা, তেক্নোলোজীদা মীওইবগী মীৎয়েং চঙবা থৌওং অমা উৎলি।
রিফরেন্সশিং
লোক সভা
রাজ্য সভা
লৌউ-শিংউ অমসুং লৌমীশিংগী য়াইফ-থৌরাং মন্ত্রালয়
শেলথুম মন্ত্রালয়
https://www.indiabudget.gov.in/doc/Budget_at_Glance/budget_at_a_glance.pdf
কম্মর্স অমসুং ইন্দস্ত্রী মন্ত্রালয়
ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়
মাই স্কিম
নীতি আয়োগ
ভারত সরকারগী প্রিন্সিপাল সাইন্তিফিক এদভাইজরগী ওফিস
পি আই বি
https://www.pib.gov.in/PressNoteDetails.aspx?NoteId=157023&ModuleId=3®=3&lang=2&utm_
English PDF
***
(Explainer ID: 157515)
आगंतुक पटल : 1
Provide suggestions / comments