पत्र सूचना कार्यालय

ৱাহৌদোক

ভারত্ত তুংগী তেক্নোলোজি অসি অচম্বা অমসুং শক্তি লৈবা অনৌবা ৱাখল্লোন অমনা লমজিংলি: মীয়ামদা এ.আইগী কান্নবা ফংহনবা। আর্তিফিসিএল ইন্তিলিজেন্স অসি কম্পেনিশিং, মহৈলোয়শঙশিং নত্ত্রগা লৈবাক খর খক্তদা লৈগদবা নত্তে। মদুগী মহুত্ত, মসি চাউখৎহনগদবনি অমসুং মীওই খুদিংমক কান্নবা ফংনবা, মীয়ামগী য়াইফ-থৌরাং অমসুং অপুনবগী নুংঙাইনবা লম্বী অমদা শীজিন্নগদবনি। মীওইবা খুন্নাইগীদমক আর্তিফিসিএল ইন্তিলিজেন্সগী পান্দম অসিনা তেক্নোলোজি চাউখৎপদা মীয়াম মরুওইনা লৌরি, অনৌবা থবক্না অতোপ্পা হিরমদা থবক পায়খৎপগী মহুত্ত খুন্নাইগী থবক পাংথোকপা ঙমহল্লে।

পান্দম অসি থবক ওইনা পাংথোক্নবা পাক-শন্না আর্তিফিসিএল ইন্তিলিজেন্স থবক পাংথোকপা অমসুং অনা-লাইয়েং, লাইরিক তম্বা, লৌউ-শিংউ, ফাইনান্স অমসুং সরকারগী থবকশিংদা মীয়ামগী নুমিৎ খুদিংগী পুন্সিদা আর্তিফিসিএল ইন্তিলিজেন্স শরুক য়াহনবা দরকার ওইরে। মপাঙ্গল কনবা অমসুং খুদিংমক য়াওরবা আর্তিফিসিএল ইন্তিলিজেন্স ষ্টেক অমগী খুৎথাংদা অসিগুম্বা মীয়াম পাক-শন্না কান্নবা পীবা অসি ওইথোকপা ঙমগনি, মসিদা আর্তিফিসিএল ইন্তিলিজেন্স এপ্লিকেসনশিং শেমগৎনবা, শীজিন্নবা অমসুং থবক পাংথোক্নবা খুৎলায়শিং, সিষ্টেমশিং অমসুং ইনফ্রাষ্ট্রকচর পুনশিনহনগনি।

আর্তিফিসিএল ইন্তিলিজেন্স ষ্টেক: পাক-শন্না শীজিন্নবা

আর্তিফিসিএল ইন্তিলিজেন্স এপ্লিকেসনশিং শেমগৎনবা অমসুং মথৌ পাংথোক্নবা পুন্না থবক তৌরিবা অপুনবা খুৎলায়শিং অমসুং সিষ্টেমশিং অদু আর্তিফিসিএল ইন্তিলিজেন্স ষ্টেক অমা হায়না খঙনৈ। হায়রিবা এপ্লিকেসনশিং অদুদা সিরি অমসুং এলেকজাগুম্বা ভর্চুএল এসিষ্টেন্তশিং অমসুং নেতফ্লিক্স অমসুং স্পোতিফাইগুম্বা প্লেতফোর্মশিং, অনা-লাইয়েংগী লাইনা মশক খঙদোকপদা শীজিন্নবা অৱাংবা থাক্কী থবকশিং, শেন-থুমগী নমথাক তৌবা মশক খঙদোকপা অমসুং ত্রান্সপোর্তেসন য়াওরি। আর্তিফিসিএল ইন্তিলিজেন্স ষ্টেক্না হার্দৱায়ার, সোফৱায়ার পুনশিন্দুনা দেতা খোমজিনবা, আর্তিফিসিএল ইন্তিলিজেন্স মোদেলশিং ত্রেন তৌবা অমসুং মখোয় অশেংবা পুন্সিদা শীজিন্নবাদা মতেং পাংগনি, মকোক্তগী অরোইবা ফাওবদা আর্তিফিসিএল ইন্তিলিজেন্স ফজনা থবক পাংথোকপা ঙমহনগনি।

আর্তিফিসিএল ইন্তিলিজেন্স ষ্টেক অসি মরোল মঙানা শাবনি, মখোয় অমমম্না মরুওইবা থৌদাং অমা লৌরি। আর্তিফিসিএল ইন্তিলিজেন্স ষ্টেক্না অশেংবা তাইবংপালদা আর্তিফিসিএল ইন্তিলিজেন্স থবক পাংথোকপা ঙমহল্লি, মীয়াম্না নুমিৎ খুদিংগী শীজিন্নরিবা এপ্পশিং, দেতা, কম্পুতিং পৱার, নেতৱার্কশিং অমসুং ইনর্জি য়াওনা ময়াম অসিনা আর্তিফিসিএল ইন্তিলিজেন্স থবক ওইনা পাংথোকপনি। অমতা ওইনা হায়রিবা মরোলশিং অসিনা মীয়ামদা, থাজবা য়াবা অমসুং থবক ওইনা পাংথোকপা আর্তিফিসিএল ইন্তিলিজেন্সগী পাম্বৈশিং য়ৌহনবনি।

1. এপ্লিকেসন লায়ার

এপ্লিকেসন লায়ারশিংদা আর্তিফিসিএল ইন্তিলিজেন্স ষ্টেক্কী য়জর-ফেশিং মচাকশিং য়াওরি। মসিদা আর্তিফিসিএল ইন্তিলিজেন্স-পৱার এপ্পশিং অমসুং লাইওং খঙদোক্নবা খুৎলায়শিং, লৌউ-শিংউগী লমদা পাউতাকশিং পীনবা প্লেতফোর্মশিং, চাতবোতশিং অমসুং লোল হন্দোক্নবা এপ্লিকেসনশিংগুম্বা থবকশিং য়াওরি। লায়ার অসিনা অরুবা আর্তিফিসিএল ইন্তিলিজেন্সগী থবকশিং লাইথোকহল্লি, মীয়াম্না লাইনা শীজিন্নবা ঙমহল্লি।

মরুওইনা, অৱাংবা থাক্কী থবকশিং লাইনা শীজিন্নবা য়াবা, শীজিন্নবদা নুংঙাইবা থবকশিংদা ওন্থোক্তুনা এপ্লিকেসন লায়ারদা আর্তিফিসিএল ইন্তিলিজেন্সনা মরুওইবা থবক পাংথোকই। মরুওইবা হিরমশিংদা শীজিন্নবা মতমদা, মসিনা আর্তিফিসিএল ইন্তিলিজেন্সনা চাংয়েংগী ৱাংমদা থবক পাংথোকপা ঙমহল্লি অমসুং নুমিৎ খুদিংগী ৱারেপ লৌবা অমসুং থবক পাংথোকপা ঙমহল্লি। মসি পাক-শান্না শীজিন্নবা অসিনা আর্তিফিসিএল ইন্তিলিজেন্সনা খুন্নাই অমসুং শেন-থুমদা করি কান্নবা পীবগে হায়বা লেপ্পা ঙম্মী।

আর্তিফিসিএল ইন্তিলিজেন্স এপ্লিকেসন শীজিন্নবদা হৌজিক লৈরিবা ফিবম

ইন্তরনেত অমসুং মোবাইল তেক্নোলোজিশিংগুম্না, এপ্লিকেসনশিং পাক-শন্না শীজিন্নবা মতমদা আর্তিফিসিএল ইন্তিলিজেন্সনা অচৌবা অওনবা পুরকপা ঙম্লে। লৌউ-শিংউ, অনা-লাইয়েং, লাইরিক-লাইশু তম্বা, মেনুফেকচরিং, ত্রান্সপোর্ত, লৈবাক ঙাকপা অমসুং ক্লাইমেত এক্সন য়াওনা হিরম কয়াদা আর্তিফিসিএল ইন্তিলিজেন্স এপ্লিকেসনশিং শীজিন্নবা হেনগৎলক্লি। ভারতনা হিরম কয়াদা মীয়াম শীনবা থুংনা আর্তিফিসিএল ইন্তিলিজেন্স শীজিন্নরি। লৈবাক শীনবা থুংনা, আর্তিফিসিএল ইন্তিলিজেন্স এপ্লিকেসনশিংনা লৌমীশিং ৱারেপ লৌবদা মতেং পাংলি, ঙন্না লাইওং খঙদোকপদা ক্লিনিসিয়ানশিং মতেং পাংলি অমসুং সরকারগী থবকশিং মপুংফানা পাংথোকপা হেনগৎহল্লে। মখা তানা, মীয়ামগী থাক্ত শীজিন্নবা মরুওইনা লৌদুনা, এপ্লিকেসন লায়ারনা আর্তিফিসিএল ইন্তিলিজেন্সগী কান্নবশিং ফংহল্লে অমসুং মীয়ামগী পুন্সি কয়া হকথেংননা ফিবম ফগৎহল্লে।

2. আর্তিফিসিএল ইন্তিলিজেন্স মোদেল লায়ার

মসি আর্তিফিসিএল ইন্তিলিজেন্স সিষ্টেমশিংগী থোপ অমা ওইনা থবক তৌরি। পেত্তর্নশিং মশক খঙনবা, মাঙজৌননা খঙবা ঙম্বা অমসুং ৱারেপশিং লৌনবা আর্তিফিসিএল ইন্তিলিজেন্স মোদেলশিং ত্রেন তৌরে। খুদম ওইনা, এক্স-রেশিংদগী লায়নাশিং খঙদোকপা, মহৈ-মরোশিংগী পোৎথোক মাংজৌননা খঙদোকপা, লোলশিং হন্দোকপা নত্ত্রগা চাতবোতশিংগী খুৎথাংদা ৱাহংশিংগী পাউখুমশিং পীবদা মখোয়না মতেং পাংলি। হায়রিবা মোদেলশিং অসিনা এপ্লিকেসনশিংদা লৌশিং পীরি, মখোয়না মীয়ামদা কান্নবা আর্তিফিসিএল ইন্তিলিজেন্সগী ফলশিং ফংহল্লে।

কমদৌনা এপ্লিকেসনশিংনা মালেম অসিনা তশেংনা দরকার ওইরিবশিং খঙবা, মাংজৌননা খঙবা অমসুং থবক ওইনা পাংথোকপগে হায়বা খঙনবা এ.আই মোদেল অসি মরুওইবা লৌশিংনি। মনিংতম্বা, ভারতকী দরকার ওইবা মোদেলশিং শেমগৎতুনা অমসুং পুক্কৈশিং শরুক য়ামিন্নদুনা, লায়ায়র অসিনা মরী লৈনবা, থাজবা য়াবা অমসুং লমদম অমগী লোলদা শীজিন্নবা য়ারবা এ.আই পুথোকপা ঙম্মী। য়ুম্ফম অসি ফগৎহনবনা মপানগী মোদেলশিংগী মখা পোনবা হন্থহন্দুনা অনৌবা থবক পায়খৎপা ঙমহল্লি।

এ.আই মোদেল শীজিন্নবদা হৌজিক ওইরিবা চৎনবী

মমাংঙৈদা এ.আই মোদেলশিং খুমাঙচাউশিনবা অসি পাক-শন্না কম্পুত ঙম্বা তেক্নোলোজিগী লুচিংবা খর খক্তনা পাংথোক্লমখি, অদুবু ওপন-সোর্স মোদেলশিং লাকপদগী নৌনা চঙলকপদা লৈরম্বা খুদোংচাদবশিং হন্থরে, শেন চঙবা হন্থরে, অরোন-অথুপ লৈতবা হেনগৎলে অমসুং মফম মফমগী লোল কয়া শীজিন্নরে। অহোংবা অসিদা য়ুম্ফম ওইদুনা, মরুওইনা সরকারগী থবকশিং, অনা-লাইয়েং, লৌউ-শিংউ অমসুং লৈবাক ঙাকপা য়াওনা, লৈবাক্কী মরুওইবশিং অমসুং মীয়ামগী দরকার ওইবশিংদা মীৎয়েং চঙবা মনিংতম্বা, খুদিংমক কোনশিনবা অমসুং এপ্লিকেসন্দা য়ুম্ফম ওইবা এ.আই মোদেল ভারতনা শেমগৎলি, মসিনা লমদম অমগী লোলশিং, চৎন-কাংলোনশিং অমসুং নাৎ অমসুং চৎনবীগী খেন্নবশিংগা চুশিন্নবা ঙম্লে, মরম অদুনা হিরম কয়াদা শীনবা থুংনা মশা মরোমদোম লেপচবা ঙম্বা তেক্নোলোজি ফগৎহল্লে অমসুং কান্নবা ফংহল্লে।

3. কম্পুত লায়ার

এ.আইগী মতোং: আর্তিফিসিএল ইন্তিলিজেন্স(এ.আই) মোদেলশিং ত্রেন তৌনবা অমসুং থবক ওইনা পাংথোক্নবা দরকার ওইবা কম্পুতিংগী শক্তি মসিনা পীরি। ত্রেনিং মনুংদা, য়াম্লবা দেতা কম্পুতিং তৌদুনা মোদেলনা তম্মী অমসুং ফগৎহল্লি। ঙসিদি, মসিগী শক্তি অসি এনবিদিয়াগী ব্লেকৱেল গ্রাফিক্স প্রোসেশিং য়ুনিত(জি পি য়ু), গুগলগী তেন্সর প্রোসেশিং য়ুনিতিস(পি পি য়ু) অমসুং ন্যুরেল প্রোসেশিং য়ুনিতস(এন পি য়ু) গুম্বা অৱাংবা থাক্কী প্রোসিশিং চিপশিংদগী ফংই, মসিনা আর্তিফিসিএল ইন্তিলিজেন্স(এ.আই) সিষ্টেমশিং মপুংফানা অমসুং পাক-শন্না থবক পাংথোকপা য়াহল্লি।

আর্তিফিসিএল ইন্তিলিজেন্স(এ.আই) ইন্নোবেসগী পাক-চাউবা, খোঙজেল অমসুং অনৌবা মশক কম্পুত লায়ারনা লেপ্পী। অফবা মখলগী কম্পুতিগী থবক মমল হোংনা ফংহনবনা লৈবাক অসিদা চিপ শাবা অমসুং সুপরকম্পুতিংগী থবক ফগৎহল্লি, আর্তিফিসিএল ইন্তিলিজেন্স(এ.আই) চাউখৎহনবদা পীরিবা অপনবশিং ভারতনা হন্থহল্লে। থবক অসিনা থিজিনবা, ষ্টার্দঅপশিং, অমসুং সরকারগী লোয়শঙশিংদা কম্পুত পৱার হেনগৎহনবা ঙম্লে, খুদোংচাবা অসি মীওই খরগী মখুত্ত লৈহন্দ্রে।

এ.আই কম্পুতিং শীজিন্নবগী হৌজিক লৈরিবা চৎনবী

অফবা এ.আই কম্পুত ফংবা হায়বসি শেন য়াম্না চঙই অমসুং অফবা হার্দৱায়ার তেক্নোলোজি ফার্ম অমসুং লৈবাক খর খক্তদা লৈরি, মসিদা অপীকপা কম্পেনিশিং শরুক য়াবা মশিং য়ামদ্রি। মসিগা ওন্নবদা, ইন্দিয়াএআই মিসনগী মখাদা সরকারনা ক্লাউদ ইনফ্রাষ্ট্রকচরগী খুৎথাংদা ভারতনা মমল হোংবা কম্পুত ফংহল্লি। মালেমগী ওইনা পুং অমদা লুপা ২০০ লৌরিবা অসিগা চাংদম্নবদা, ইন্দিয়াএআই মিসন্না অহোংবা মমলদা লুপা ১০০ গী মখাদা ক্লাউদকী জি.পি.য়ু ৩৮,০০০ অমসুং তি.পি.য়ু ১,০৫০ শীজিন্নবা য়াহল্লে। লৈবাক অসিদা চিপ দিজাইন তৌনবা, সেমিকন্দক্তর শানবা অমসুং সুপরকম্পুতিং পাংথোক্নবা ক্লাউদ প্লেতফোর্মশিং, নেসনেল মিসনশিং অমসুং সরকারগী ইনফ্রাষ্ট্রকচর পুনশিন্দুনা নৌনা চঙলকপদা থেংনবা খুদোংচাদবশিং হন্থহল্লে, মতম শাংনা মশা-মরোমদোম লেপচবা হেনগৎহল্লে অমসুং কম্পুত ফংহন্দুনা খুদোংচাদবা কোকহন্দুনা হিরম খুদিংমক্ত এ.আইগী অনৌবা থবক পাংথোকপা ঙমহল্লে।

4. দেতা সেন্তরশিং অমসুং নেতৱার্ক ইনফ্রাষ্ট্রকচর লায়ার

লায়ার অসিনা আর্তিফিসিএল ইন্তিলিজেন্সকী য়ুম অমসুং হায়ৱেশিং শেম্লে। দেতা সেন্তরশিংদা আর্তিফিসিএল ইন্তিলিজেন্সকী সিষ্টেমশিং থম্লি অমসুং থবক পাংথোক্লি, অদুগা ইন্তরনেত, ব্রোদবেন্দ অমসুং ৫জি দেতা য়ুজরশিং, কম্পুতরশিং অমসুং আর্তিফিসিএল ইন্তিলিজেন্স মোদেলশিংগী মরক্ত চৎলি। অপুনবা ওইনা, মখোয়না আর্তিফিসিএল ইন্তিলিজেন্সনা অশোইবা য়াওদনা, য়াংনা থবক পাংথোক্লি অমসুং য়ুজরশিংদা য়ৌহনবা ঙম্লি। অফবা নেতৱার্কশিং অমসুং দেতা সেন্তরশিং য়াওদনা, আর্তিফিসিএল ইন্তিলিজেন্স এপ্লিকেসনশিং ফজনা নত্ত্রগা পাক-শন্না থবক পাংথোকপা ওইথোক্লোই।

আর্তিফিসিএল ইন্তিলিজেন্স সিষ্টেমশিং পাক-শন্না অমসুং খুদক্ত থবক পাংথোক্নবা দেতা সেন্তরশিং অমসুং নেতৱার্ক ইনফ্রাষ্ট্রকচর লায়ারশিংনা য়াংলেন শরুক ওইনা থবক তৌরি। কন্নেক্তিবিতি অমসুং লৈবাক মনুংগী দেতা সেন্তর কেপাসিতি হেনগৎহন্দুনা, ভারতনা আর্তিফিসিএল ইন্তিলিজেন্সগী থবকশিং মপুংফানা অমসুং পাক-শন্না ফংহল্লি। মসিগী অপুনবা থৌরাং অসিনা হিরম কয়াদা আর্তিফিসিএল ইন্তিলিজেন্স শীজিন্নবা ঙমহল্লে অমসুং লৈবাক অসিগী থবকশিংদা দিজিতেলগী থবকশিং হেনগৎহল্লে।

এ.আই ইনফ্রাষ্ট্রকচর শেমগৎনবা হৌজিক লৈরিবা চৎনবী

অচৌবা তেক্নোলোজি কম্পেনিশিংনা অফবা দেতা সেন্তরশিং অমসুং অয়াংবা নেতৱার্কশিংদা শেন য়াম্না থাদদুনা ইনফ্রাষ্ট্রকচর লায়ার অসি আর্তিফিসিএল ইন্তিলিজেন্স শীজিন্নবগী য়াংলেন শরুনি। পাক-শন্না দিজিতেলগী খুদোংচাবা ফংহন্দুনা অমসুং লৈবাক মনুংগী দেতা সেন্তরশিং শেমগৎতুনা ভারতনা মসিগী য়ুম্ফম মপাঙ্গল কনখৎহল্লে। মালেমগী অমসুং ভারতকী কম্পেনিশিং অনিমক্না শেন থাদদুনা লৈবাক মনুংদা আর্তিফিসিএল ইন্তিলিজেন্স মোদেলশিং, দেতা অমসুং অনৌবা থবকশিং লৈহনবদা মতেং পাংলি। কন্নেক্তিবিতি ফগৎহন্দুনা, দেতা সেন্তর কেপাসিতি পাকথোক-চাউথোকহন্দুনা অমসুং লৈবাক মনুংদা দিজিতেল ইনফ্রাষ্ট্রকচর থমদুনা, হিরম কয়াদা শীনবা থুংনা ভারতনা আর্তিফিসিএল ইন্তিলিজেন্স শীজিন্নরে।

5. ইনর্জি লায়ার

লায়ার অসিনা অপুনবা আর্তিফিসিএল ইন্তিলিজেন্স ষ্টেক থবক পাংথোকহল্লি। আর্তিফিসিএল ইন্তিলিজেন্স সিষ্টেমশিং ত্রেন তৌনবা অমসুং থবক পাংথোক্নবা শক্তি লৈরবা কম্পুতরশিং দরকার ওইবা মরম্না আর্তিফিসিএল ইন্তিলিজেন্স দেতা সেন্তরশিংনা য়াম্লবা ইলেক্ত্রিসিতি শীজিন্নৈ। তেক্নোলোজি মতিক চানা লৈরবা ফাওবদা, আর্তিফিসিএল ইন্তিলিজেন্সনা হৌজিক ফাওবদা মৈ দরকার ওইরি। আর্তিফিসিএল ইন্তিলিজেন্স ইনফ্রাষ্ট্রকচর চাউখৎনবগীদমক মৈখু থাংদবা অমসুং মমল হোংবা ইনর্জি তঙাইফদে।

ইনর্জি লায়ারনা অপুনবা আর্তিফিসিএল ইন্তিলিজেন্সগী থবকশিংদা মরুওইবা থৌদাং অমা লৌরি। মরাংকাইনা, মমল হোংবা অমসুং মৈখু থাংদবা ইনর্জি ফংহন্দুনা, গ্রিদকী থবকশিংদা অপনবা পীদুনা ভারতনা মৈ য়াম্না চাবা আর্তিফিসিএল ইন্তিলিজেন্স ইনফ্রাষ্ট্রকচরগী মৈ ফংহনবা ঙম্লে। মসিনা লৈবাক্কী ক্লাইমেত অমসুং ষ্টেনেবল গোলশিংগা লোয়ননা তেক্নোলোজি চাউখৎহনবগা লোয়ননা মতম শাংনা আর্তিফিসিএল ইন্তিলিজেন্স চাউনবা ইনর্জ পীবদা মতেং পাংলে।

এ.আই অমসুং ইনর্জি শীজিন্নবগী হৌজিক লৈরিবা চৎনবী

য়াংনা আর্তিফিসিএল ইন্তিলিজেন্স অমসুং দেতা সেন্তরশিং হেনগৎলকপা অসিনা মালেমদা ইলেক্ত্রিসিতি দরকার ওইবা হেনগৎলক্লে, মালেমগী দেতা সেন্তরশিংনা মৈ শীজিন্নবা ২০৩০ ফাওবদা শরুক অনি হেনগৎতুনা চহি অদমা তি.দব্লিউ.ঐচ ৯৪৫ রোম য়ৌগনি হায়না পানরি। ভারত্ত, চৎনবী অসি লাকপদগী পৱার সেক্তরদা পুৱারি ওইনা অওনবশিং পুরক্লে। লৈবাক অসিগী অপুনবা ইন্সতোল ইলেক্ত্রিসিতি কেপাসিতি গিগাৱাত ৫০০ হেল্লে, কেপাসিতি অসিগী চাদা ৫১ হেন্না নন-ফোসিল ফ্যুএল সোর্সশিংনা ওইরি। মসিনা মৈখু থাংদবা, মমল হোংবা অমসুং অশোই-অঙাম লৈতবা ইনর্জি ফংহন্নবা থবকশিং ফগৎহল্লে অমসুং মখা তানা আর্তিফিসিএল ইন্তিলিজেন্স অমসুং দেতা সেন্তরশিং থবক পাংথোকপা ঙমহল্লে।

ৱারোইশিন 

অফবা আর্তিফিসিএল ইন্তিলিজেন্স ষ্টেক অমসুং তেক্নোলোজি অমা শেমগৎপদা হায়বসি ভারতকী খুন্নাইগী থবক অমনি। এপ্লিকেসনশিং, আর্তিফিসিএল ইন্তিলিজেন্স মোদেলশিং, কম্পুত, দিজিতেল ইনফ্রাষ্ট্রকচর অমসুং ইনর্জি য়াওনা লায়ার খুদিংমক ফগৎহন্দুনা, ভারতনা আর্তিফিসিএল ইন্তিলিজেন্সগী কান্নবশিং মীয়ামদা পাক-শন্না য়ৌহল্লে। মীয়ামগী য়াইফনবা কমদৌনা আর্তিফিসিএল ইন্তিলিজেন্সনা থবক পাংথোকপগে হায়বা উত্তুনা লৌউ-শিংউ, অনা-লাইয়েং, লাইরিক তম্বা, অচুম্বা ৱায়েল ফংহনবা অমসুং মহৌশাগী অমাং-অতাশিংদা মীৎয়েং থম্লি।

মমল হোংনা কম্পুত ফংহন্দুনা, লৈবাক অসিদা মোদেল শেমগৎতুনা, দেতা ইনফ্রাষ্ট্রকচর লৈহন্দুনা অমসুং তুংকোইনা চৎনবা য়াবা ইনর্জি সিষ্টেমশিং লৈহন্দুনা, পাক-শান্না শীজিন্নবা, খুদোংথিবা মায়োক্নবা ঙম্বা অমসুং তুংগী থৌরাং তৌরবা আর্তিফিসিএল ইন্তিলিজেন্স ইকোসিষ্টেম অমা ভারতনা শেমগৎলি। মসিগী অপুনবা থৌরাং অসিনা শেন য়াম্না চঙবা, ইনফ্রাষ্ট্রকচর নত্ত্রগা ইনর্জি ফংবনা আর্তিফিসিএল ইন্তিলিজেন্সগী অনৌবা থবকশিংদা খুরৌ থাংহন্দ্রে, লোয়ননা মতম শাংনা মশা মরোমদোম লেপচবদা মতেং পাংলে। মীওইবা খুন্নাইগীদমক আর্তিফিসিএল ইন্তিলিজেন্সগী পান্দমদা থাজবা থমদুনা, ভারতকী আর্তিফিসিএল ইন্তিলিজেন্স ষ্টেক্না তেক্নোলোজি অসি পুন্না চাউখৎমিন্ননবা, খুন্নাইগী মান্নবা পুরক্নবা অমসুং নুংঙাই য়াইফনবা অমসুং দিজিতেলগী যুগতা মীওই খুদিংমক নুংঙাইনবা অমসুং হরাওনবা শীজিন্নরে।

রিফরেন্সশিং:

পি.আই.বি হেদক্বাতরশিং

· https://www.pib.gov.in/PressReleasePage.aspx?PRID=2209737&reg=3&lang=2

· https://www.pib.gov.in/FactsheetDetails.aspx?Id=149242&reg=3&lang=2

· https://www.pib.gov.in/PressReleasePage.aspx?PRID=2181546&reg=3&lang=2

· https://www.pib.gov.in/PressReleasePage.aspx?PRID=2108810&reg=3&lang=2

· https://www.pib.gov.in/PressReleasePage.aspx?PRID=2179035&reg=3&lang=2

· https://www.pib.gov.in/PressReleasePage.aspx?PRID=2212390&reg=3&lang=2

ইলেক্ত্রোনিক্স অমসুং ইনফোর্মেসন তেক্নোলোজি মিনিষ্ট্রি

· https://sansad.in/getFile/annex/269/AU2294_LQfxPk.pdf?source=pqars

· https://static.pib.gov.in/WriteReadData/specificdocs/documents/2025/nov/doc2025115685601.pdf

· https://www.pib.gov.in/PressReleasePage.aspx?PRID=2216760&reg=3&lang=1

· https://www.pib.gov.in/PressReleasePage.aspx?PRID=2092049&reg=3&lang=2

· https://www.pib.gov.in/PressReleaseIframePage.aspx?PRID=2010135&reg=3&lang=2

· https://www.pib.gov.in/PressReleasePage.aspx?PRID=2177598&reg=3&lang=2

· https://www.digitalindia.gov.in/initiative/national-program-on-artificial-intelligence

সাইন্স অমসুং তেক্নোলোজি মিনিষ্ট্রি

· https://www.pib.gov.in/PressReleasePage.aspx?PRID=2060437&reg=3&lang=2

ভারত সরকারগী প্রিন্সিপাল সাইন্তিফিক এদভাইজরগী ওফিস

· Democratising Access to AI Infrastructure:

· https://psa.gov.in/CMS/web/sites/default/files/publication/WP_Democratising%20Access_V3.0_29122025A.pdf

কম্মুনিকেসন্স মিনিষ্ট্রি:

· https://www.pib.gov.in/PressReleasePage.aspx?PRID=2206477&reg=3&lang=1

পৱার মিনিষ্ট্রি

· https://www.pib.gov.in/PressReleasePage.aspx?PRID=2215187&reg=3&lang=1

· https://www.pib.gov.in/PressReleasePage.aspx?PRID=2183866&reg=3&lang=2

ইন্তরনেসনেল ইনর্জি এজেন্সি:

· https://www.iea.org/reports/energy-and-ai/energy-demand-from-ai

· https://www.sarvam.ai/

দিদি ন্যু:

o https://ddnews.gov.in/en/e-commerce-major-amazon-to-invest-over-35-billion-in-india-through-2030/

o https://ddnews.gov.in/en/microsoft-to-invest-17-5-billion-in-india-pm-modi-says-indias-youth-will-leverage-ai-for-global-good/

Click here of pdf file.

*****