पत्र सूचना कार्यालय

കേന്ദ്ര ബജറ്റ് 2026–27 എം.എസ്.എം.ഇ.കളെ വളർച്ചയുടെ കേന്ദ്ര സ്ഥാനത്ത് പ്രതിഷ്ഠിക്കുന്നു

ഇന്ത്യയുടെ സാമ്പത്തിക വികസനത്തിൽ സൂക്ഷ്മ, ചെറുകിട, ഇടത്തരം സംരംഭങ്ങൾക്ക് (എംഎസ്എംഇ) വലിയ പ്രാധാന്യമുണ്ട്, വളർച്ചയുടെ എഞ്ചിനുകളായും സാമൂഹിക-സാമ്പത്തിക പുരോഗതിയുടെ ചാലകങ്ങളായും പ്രവർത്തിക്കുന്നു. തൊഴിലവസരങ്ങൾ സൃഷ്ടിക്കുന്നതിൽ, പ്രത്യേകിച്ച് ഗ്രാമപ്രദേശങ്ങളിലും പിന്നോക്ക മേഖലകളിലും ഈ സംരംഭങ്ങൾ അവിഭാജ്യമാണ്, തൊഴിലില്ലായ്മയും ദാരിദ്ര്യവും കുറയ്ക്കുന്നതിന് ഇവ ഗണ്യമായി സംഭാവന നൽകുന്നു. 7.47 കോടിയിലധികം സംരംഭങ്ങൾ 32.82 കോടിയിലധികം ആളുകൾക്ക്  ജോലി നൽകുന്നതിനാൽ, കൃഷി കഴിഞ്ഞാൽ രണ്ടാമത്തെ വലിയ തൊഴിൽദാതാവ് എന്ന സ്ഥാനം ഈ മേഖല വഹിക്കുന്നു. 2026-27 ലെ കേന്ദ്ര ബജറ്റ്, ഇന്ത്യയിലെ ഉല്പാദനത്തിന്റെ ~35.4%, കയറ്റുമതിയുടെ ~48.58%, ജിഡിപിയുടെ 31.1% എന്നിവ എംഎസ്എംഇകൾ വഹിക്കുന്നുണ്ടെന്ന് എടുത്തുകാണിക്കുന്നു.

ദരിദ്രർ, പിന്നാക്കം നിൽക്കുന്നവർ, അധഃസ്ഥിതർ എന്നിവരോടുള്ള ശ്രദ്ധാപൂർവ്വമായ പ്രതിബദ്ധതയോടെ, ബജറ്റ് മൂന്ന് പ്രധാന കർത്തവ്യങ്ങളെ രൂപപ്പെടുത്തുന്നു: സാമ്പത്തിക വളർച്ച ത്വരിതപ്പെടുത്തുകയും നിലനിർത്തുകയും ചെയ്യുക; ജനങ്ങളുടെ അഭിലാഷങ്ങൾ നിറവേറ്റുക; ഓരോ കുടുംബത്തിനും, സമൂഹത്തിനും, പ്രദേശത്തിനും, മേഖലയ്ക്കും വിഭവങ്ങൾ, സൗകര്യങ്ങൾ, രാഷ്ട്രവികസനത്തിൽ അർത്ഥവത്തായ പങ്കാളിത്തത്തിനുള്ള അവസരങ്ങൾ എന്നിവയിലേക്ക് തുല്യമായ പ്രവേശനം ഉറപ്പാക്കിക്കൊണ്ട് ശേഷി വർദ്ധിപ്പിക്കുക.

ആദ്യ കർത്തവ്യ പദ്ധതി പ്രകാരം, ഓഹരി പിന്തുണ നൽകുന്നതിലൂടെയും, ലിക്വിഡിറ്റി വർദ്ധിപ്പിക്കുന്നതിലൂടെയും, പ്രൊഫഷണൽ, മാനേജീരിയൽ വൈദഗ്ധ്യം ശക്തിപ്പെടുത്തുന്നതിലൂടെയും എംഎസ്എംഇകളെ ചാമ്പ്യന്മാരായി വളരാൻ സഹായിക്കുന്നതിന് ഒരു ത്രിമുഖ സമീപനം ബജറ്റ് നിർദ്ദേശിക്കുന്നു.

എംഎസ്എംഇ മേഖലയ്ക്കുള്ള ബജറ്റ് പരിഷ്കാരങ്ങളും തന്ത്രപരമായ സംരംഭങ്ങളും

സൂക്ഷ്മ, ചെറുകിട, ഇടത്തരം സംരംഭങ്ങളുടെ മന്ത്രാലയം, എംഎസ്എംഇ മേഖലയുടെ വളർച്ചയും വികസനവും പ്രോത്സാഹിപ്പിക്കുന്നതിലൂടെ, ഊർജ്ജസ്വലമായ ഒരു മേഖലയെയാണ് വിഭാവനം ചെയ്യുന്നത്. സംരംഭകത്വം പ്രോത്സാഹിപ്പിക്കുന്നതിലും, തൊഴിലവസരങ്ങളും ഉപജീവന അവസരങ്ങളും സൃഷ്ടിക്കുന്നതിലും, എംഎസ്എംഇകളുടെ മത്സരശേഷി ശക്തിപ്പെടുത്തുന്നതിലും ഇത് പ്രാഥമികമായി സംസ്ഥാനങ്ങളെ പിന്തുണയ്ക്കുന്നു. വർഷങ്ങളായി, നൈപുണ്യ വികസനത്തിലൂടെയും സംരംഭകത്വ വികസനത്തിലൂടെയും എംഎസ്എംഇകളുടെ പ്രകടനം മെച്ചപ്പെടുത്തുക എന്ന ദീർഘകാല ലക്ഷ്യത്തിൽ ശ്രദ്ധ കേന്ദ്രീകരിച്ചുകൊണ്ട്, മന്ത്രാലയത്തിനായുള്ള ബജറ്റ് വിഹിതം സ്ഥിരമായി വർദ്ധിച്ചുകൊണ്ടിരിക്കുകയാണ്.

സാമ്പത്തിക സഹായം വർദ്ധിപ്പിച്ചും, നവീകരണത്തെ പ്രോത്സാഹിപ്പിച്ചും, നിയന്ത്രണ ചട്ടപാലനം ലഘൂകരിച്ചും എംഎസ്എംഇ മേഖലയെ ശക്തിപ്പെടുത്തുന്നതിനായി 2026–27 ലെ കേന്ദ്ര ബജറ്റ് ഒന്നിലധികം നടപടികൾ അവതരിപ്പിക്കുന്നു. ഈ സംരംഭങ്ങളിലൂടെ, ആഭ്യന്തര, ആഗോള വിപണികളിൽ എംഎസ്എംഇകളുടെ മത്സരശേഷി മെച്ചപ്പെടുത്തുകയാണ് ​ഗവൺമെൻ്റ് ലക്ഷ്യമിടുന്നത്.

ആദ്യ കർത്തവ്യ പദ്ധതിയിൽ എംഎസ്എംഇകളെ ചാമ്പ്യന്മാരായി വളരാൻ സഹായിക്കുന്നതിനുള്ള ത്രിതല സമീപനം.

ഇക്വിറ്റി പിന്തുണ: ഇക്വിറ്റി പിന്തുണാ നടപടികളുടെ ഭാഗമായി, നിർവചിക്കപ്പെട്ട യോഗ്യതാ മാനദണ്ഡങ്ങളെ അടിസ്ഥാനമാക്കി സംരംഭങ്ങളെ പ്രോത്സാഹിപ്പിക്കുന്നതിലൂടെ ഭാവി ചാമ്പ്യന്മാരെ സൃഷ്ടിക്കുന്നതിനായി ₹10,000 കോടിയുടെ സമർപ്പിത SME വളർച്ചാ ഫണ്ട് പ്രഖ്യാപിച്ചു. കൂടാതെ, സൂക്ഷ്മ സംരംഭങ്ങൾക്ക് പിന്തുണ നിലനിർത്തുന്നതിനും റിസ്ക് മൂലധനത്തിലേക്കുള്ള തുടർച്ചയായ പ്രവേശനം ഉറപ്പാക്കുന്നതിനുമായി 2021-ൽ സ്ഥാപിതമായ സ്വാശ്രയ ഇന്ത്യ (SRI) ഫണ്ടിൽ ₹2,000 കോടി വർദ്ധിപ്പിക്കും. ശ്രദ്ധേയമായി, SRI ഫണ്ട് 682 MSME-കളെ ₹15,442 കോടി നിക്ഷേപത്തിലൂടെ (2025 നവംബർ 30 വരെ) സഹായിച്ചിട്ടുണ്ട്.

ലിക്വിഡിറ്റി പിന്തുണ: ഈ രംഗത്ത്, TReDS പ്ലാറ്റ്‌ഫോം വഴി MSME-കൾക്കായി ₹7 ലക്ഷം കോടിയിലധികം ഇതിനകം ലഭ്യമാക്കിയിട്ടുണ്ട്. അതിന്റെ സാധ്യതകൾ പൂർണ്ണമായും പ്രയോജനപ്പെടുത്തുന്നതിന്, നാല് പ്രധാന നടപടികൾ പ്രഖ്യാപിച്ചു-

1. എംഎസ്എംഇകളിൽ നിന്ന് സിപിഎസ്ഇകൾ നടത്തുന്ന എല്ലാ വാങ്ങലുകൾക്കും സെറ്റിൽമെന്റ് പ്ലാറ്റ്‌ഫോമായി TReDS നെ അധികാരപ്പെടുത്തി. ഇത് മറ്റ് കോർപ്പറേറ്റുകൾക്ക് ഒരു മാനദണ്ഡം സൃഷ്ടിക്കുന്നു.
2. TReDS പ്ലാറ്റ്‌ഫോമിൽ ഇൻവോയ്‌സ് ഡിസ്‌കൗണ്ടിംഗിനായി CGTMSE- പിന്തുണയുള്ള ക്രെഡിറ്റ് ഗ്യാരണ്ടി പിന്തുണ അവതരിപ്പിക്കും.
3. ഗവൺമെന്റ് എംഎസ്എംഇ വാങ്ങലുകളെക്കുറിച്ചുള്ള വിവരങ്ങൾ ധനകാര്യ സ്ഥാപനങ്ങളുമായി പങ്കിടൽ സാധ്യമാക്കുന്നതിന് ജിഇഎമ്മിനെ ടിആർഇഡിഎസുമായി സംയോജിപ്പിക്കുക, അതുവഴി വേഗത്തിലും വിലകുറഞ്ഞും വായ്പ ലഭ്യമാക്കാൻ സാധിക്കും.
4. ദ്വിതീയ വിപണിയെ കൂടുതൽ ആഴത്തിലാക്കുന്നതിനും, ലിക്വിഡിറ്റി മെച്ചപ്പെടുത്തുന്നതിനും, സെറ്റിൽമെന്റുകൾ വേഗത്തിലാക്കുന്നതിനും TReDS ലെ കിട്ടേണ്ട തുക അസറ്റ്-ബാക്ക്ഡ് സെക്യൂരിറ്റികളായി അവതരിപ്പിക്കും.

പ്രൊഫഷണൽ പിന്തുണ: അന്തിമ സമീപനമനുസരിച്ച്, ഐസിഎഐ, ഐസിഎസ്ഐ, ഐസിഎംഎഐ പോലുള്ള പ്രൊഫഷണൽ സ്ഥാപനങ്ങൾക്ക്, പ്രത്യേകിച്ച് ടയർ-II, ടയർ-III പട്ടണങ്ങളിൽ, 'കോർപ്പറേറ്റ് മിത്രങ്ങളുടെ' ഒരു കേഡർ വികസിപ്പിക്കുന്നതിന് ഹ്രസ്വകാല, മോഡുലാർ കോഴ്സുകളും പ്രായോഗിക ഉപകരണങ്ങളും രൂപകൽപ്പന ചെയ്യാൻ ​ഗവൺമെൻ്റ് സൗകര്യമൊരുക്കും. ഈ അംഗീകൃത പാരാ-പ്രൊഫഷണലുകൾ എംഎസ്എംഇകളെ താങ്ങാവുന്ന വിലയിൽ ചട്ടപാലന ആവശ്യകതകൾ നിറവേറ്റാൻ സഹായിക്കും.

ഇന്ത്യയിലെ ചെറുകിട ബിസിനസുകൾക്ക് ആഗോള വിപണി തുറക്കുന്നതിനുള്ള നികുതി നിർദ്ദേശം

കൊറിയർ കയറ്റുമതിയിൽ നിലവിലുള്ള ഒരു കൺസൈൻമെന്റിന് ₹10 ലക്ഷം പരിധി നീക്കം ചെയ്യാൻ ബജറ്റ് നിർദ്ദേശിക്കുന്നു, ഇത് അതിർത്തി കടന്നുള്ള B2C വ്യാപാരത്തിലെ സംഘർഷം കുറയ്ക്കാൻ സാധ്യതയുണ്ട്. ഇത് ഇന്ത്യയിലെ ചെറുകിട ബിസിനസുകൾ, കരകൗശല വിദഗ്ധർ, സ്റ്റാർട്ടപ്പുകൾ എന്നിവയെ ഇ-കൊമേഴ്‌സ് വഴി ആഗോള വിപണികളിലെത്താൻ സഹായിക്കും. അത്തരം ചരക്കുകൾ മികച്ച രീതിയിൽ ട്രാക്ക് ചെയ്യുന്നതിനും തിരിച്ചറിയുന്നതിനും സാങ്കേതികവിദ്യ ഉപയോഗിച്ച് നിരസിക്കപ്പെട്ടതും തിരികെ നൽകിയതുമായ ഷിപ്പ്‌മെന്റുകളുടെ കൈകാര്യം ചെയ്യൽ മെച്ചപ്പെടുത്താനും ഇത് ലക്ഷ്യമിടുന്നു.

എം.എസ്.എം.ഇ.കളെ ശക്തിപ്പെടുത്തൽ: കഴിവുകളെ പ്രകടനമാക്കി മാറ്റുന്ന നയങ്ങൾ

2025 ൽ എംഎസ്എംഇ മേഖല ഡിജിറ്റൽ പരിവർത്തനത്തിന്റെ ഒരു നാഴികക്കല്ല് കൈവരിച്ചു, ഔപചാരികവൽക്കരണം വർദ്ധിച്ചു. 2020 ജൂലൈ 1 മുതൽ 2025 ഡിസംബർ വരെ ഉദ്യം രജിസ്ട്രേഷൻ പോർട്ടലിലും ഉദ്യം അസിസ്റ്റ് പ്ലാറ്റ്‌ഫോമിലും 7.30 കോടിയിലധികം സംരംഭങ്ങൾ രജിസ്റ്റർ ചെയ്തിട്ടുണ്ട്. ഇതിൽ ഉദ്യം പോർട്ടലിൽ 4.37 രജിസ്ട്രേഷനുകളും ഉദ്യം അസിസ്റ്റ് പ്ലാറ്റ്‌ഫോമിൽ 2.92 കോടി രജിസ്ട്രേഷനുകളും ഉൾപ്പെടുന്നു.

പ്രധാനമന്ത്രിയുടെ തൊഴിൽദായക പദ്ധതി (PMEGP)

ബാങ്ക് വായ്പകളിൽ മാർജിൻ മണി സബ്‌സിഡികൾ വാഗ്ദാനം ചെയ്തുകൊണ്ട് പിഎംഇജിപി സൂക്ഷ്മ സംരംഭകരെ പിന്തുണയ്ക്കുന്നു. ഉയർന്ന പദ്ധതി ചെലവുകളും പ്രവർത്തനങ്ങളുടെ വ്യാപ്തിയും ഉൾപ്പെടുത്തി ഇത് വികസിപ്പിച്ചിട്ടുണ്ട്. തുടക്കം (2008-09 സാമ്പത്തിക വർഷം) മുതൽ 2025-26 സാമ്പത്തിക വർഷം (2025 ഡിസംബർ) വരെ, 10.71 ലക്ഷത്തിലധികം സൂക്ഷ്മ സംരംഭങ്ങൾക്ക് ₹29,249.43 കോടിയുടെ മാർജിൻ മണി സബ്‌സിഡി വിതരണം ചെയ്യാൻ സഹായം ലഭിച്ചു, ഇത് മൊത്തം 87 ലക്ഷത്തിലധികം ആളുകൾക്ക് തൊഴിൽ നൽകുമെന്ന് കണക്കാക്കപ്പെടുന്നു.

എംഎസ്എംഇ ചാമ്പ്യൻസ് സ്കീം

തെരഞ്ഞെടുത്ത സംരംഭങ്ങളെ അവയെ തിരിച്ചറിഞ്ഞ് അവയുടെ പ്രക്രിയകൾ നവീകരിച്ച്, കാര്യക്ഷമതയില്ലായ്മ കുറയ്ക്കുന്നതിലൂടെ, മത്സരശേഷി മെച്ചപ്പെടുത്തുന്നതിലൂടെ, ആഭ്യന്തര, അന്തർദേശീയ വിപണികളിൽ മികവ് കൈവരിക്കുന്നതിന് അവയുടെ വളർച്ചയെ പിന്തുണയ്ക്കുന്നതിലൂടെ പരിപോഷിപ്പിക്കുക എന്നതാണ് എംഎസ്എംഇ ചാമ്പ്യൻസ് സ്കീമിന്റെ ലക്ഷ്യം.

ഇതിന് മൂന്ന് ഘടകങ്ങളുണ്ട് - 'MSME-സസ്റ്റൈനബിൾ (ZED)', 'MSME കോപിറ്റേറ്റീവ് (LEAN)', 'MSME- ഇന്നോവേറ്റീവ് (ഇൻകുബേഷൻ, ഡിസൈൻ & IPR). മത്സരശേഷി വർദ്ധിപ്പിക്കുന്നതിനായി, MSME ചാമ്പ്യൻസ് സ്കീം ZED സർട്ടിഫിക്കേഷനിലൂടെ "സീറോ ഡിഫെക്റ്റ്, സീറോ ഇഫക്റ്റ്" രീതികൾ പ്രോത്സാഹിപ്പിക്കുകയും MSME കോപിറ്റേറ്റീവ് (ലീൻ) സ്കീം വഴി ഉൽപ്പാദനക്ഷമത മെച്ചപ്പെടുത്തുകയും ചെയ്യുന്നു. ഇൻകുബേഷൻ, ഡിസൈൻ ഇടപെടലുകൾ, IPR (ബൗദ്ധിക സ്വത്തവകാശം) എന്നിവയുടെ സംരക്ഷണം പ്രാപ്തമാക്കുന്ന MSME- ഇന്നോവേറ്റീവ് ഘടകം വഴിയും ഇന്നൊവേഷൻ സ്ഥാപനവൽക്കരിക്കപ്പെടുന്നു.

• MSME സസ്റ്റൈനബിൾ (ZED) സർട്ടിഫിക്കേഷൻ സ്കീമിന് കീഴിൽ രജിസ്റ്റർ ചെയ്തിട്ടുള്ള 2,71,373 MSME-കൾക്കും 1,92,689 സംരംഭങ്ങൾക്കും സർട്ടിഫിക്കറ്റ് ലഭിച്ചു.
• MSME കോംപറ്റീറ്റീവ് (LEAN) സ്കീമിന് കീഴിൽ രജിസ്റ്റർ ചെയ്തിട്ടുള്ള 32,077 MSME-കളും 31,987 MSME-കളും ലീൻ പ്രാക്ടീസുകളുടെയും ഫിലോസഫിയുടെയും മൂല്യങ്ങൾ ഉയർത്തിപ്പിടിക്കുന്നതിനുള്ള "മുൻകൂർ പ്രതിജ്ഞാബദ്ധത"യായ ലീൻ പ്രതിജ്ഞ എടുത്തു.

ഇ-കൊമേഴ്‌സും വിതരണ ശൃംഖലകളും പ്രോത്സാഹിപ്പിക്കുന്നതിനുള്ള സംരംഭങ്ങൾ

5 ലക്ഷം എം.എസ്.എം.ഇ.കളെ ഉൾപ്പെടുത്താൻ ലക്ഷ്യമിടുന്ന ടീം (ട്രേഡ് എനേബിൾമെന്റ് ആൻഡ് മാർക്കറ്റിംഗ്) സംരംഭത്തിനൊപ്പം ഒ.എൻ.ഡി.സി (ഓപ്പൺ നെറ്റ്‌വർക്ക് ഫോർ ഡിജിറ്റൽ കൊമേഴ്‌സ്) ആവാസവ്യവസ്ഥയുടെ ദ്രുതഗതിയിലുള്ള വികാസം, ഇടപാട് ചെലവ് ഗണ്യമായി കുറയ്ക്കുന്നതിനൊപ്പം ഔപചാരിക ഇ-കൊമേഴ്‌സ്, വിതരണ ശൃംഖലകളിലേക്ക് സംയോജിപ്പിക്കുന്നതിന് എം.എസ്.എം.ഇ.കൾക്ക് ഒരു പരിവർത്തന പാത നൽകുന്നു.

ഓൺലൈൻ തർക്ക പരിഹാരം (ODR)

വൈകിയ പേയ്‌മെന്റുകളെകൾക്കുള്ള എം‌എസ്‌ഇ സ്‌കീം ഫോർ ഓൺലൈൻ ഡിസ്പ്യൂട്ട് റെസല്യൂഷൻ (ഒ‌ഡി‌ആർ), അതിന്റെ കീഴിൽ വികസിപ്പിച്ചെടുത്ത എം‌എസ്‌എം‌ഇ ഒ‌ഡി‌ആർ പോർട്ടലുമായി ചേർന്ന്, 2006 ലെ എം‌എസ്‌എം‌ഇഡി ആക്ട് പ്രകാരമുള്ള നടപടിക്രമങ്ങൾക്ക് മുമ്പ് വാങ്ങുന്നവരും വിൽക്കുന്നവരും തമ്മിൽ സൗഹാർദ്ദപരവും സംഭാഷണാധിഷ്ഠിതവുമായ ഒത്തുതീർപ്പുകൾ പ്രോത്സാഹിപ്പിക്കുന്ന ഒരു ഘടനാപരമായ, പ്രീ-അഡ്ജുഡിക്കേഷൻ ചട്ടക്കൂട് സ്ഥാപിച്ചു. നിലവിലുള്ള ബിസിനസ്സ് ബന്ധങ്ങൾ സംരക്ഷിക്കുന്നതിനൊപ്പം ഫലപ്രദമായി കുടിശ്ശിക ഈടാക്കാൻ എം‌എസ്‌എം‌ഇകളെ ഈ സംവിധാനം പ്രാപ്തമാക്കുന്നു.

സൂക്ഷ്മ ചെറുകിട സംരംഭങ്ങൾക്കുള്ള ക്രെഡിറ്റ് ഗ്യാരണ്ടി പദ്ധതി (CGSMSE)

ക്രെഡിറ്റ് ആക്‌സസിബിലിറ്റിയിൽ ഒരു മുന്നേറ്റമായ, ഈടോ മൂന്നാം കക്ഷി ഗ്യാരണ്ടികളോ ഇല്ലാതെ അംഗ വായ്പാ സ്ഥാപനങ്ങൾ എം‌എസ്‌ഇകൾക്ക് നൽകുന്ന ക്രെഡിറ്റ് സൗകര്യങ്ങൾക്ക് സി‌ജി‌എസ്‌എം‌ഇ ക്രെഡിറ്റ് ഗ്യാരണ്ടി നൽകുന്നു.

• 2025-ൽ ഇത് 25 വർഷം ആഘോഷിച്ചു, തുടക്കം മുതൽ (ഓഗസ്റ്റ് 2000) ഒരു കോടി ഗ്യാരണ്ടികൾ കവിഞ്ഞു.
• ₹3.77 ലക്ഷം കോടി (2025 ജനുവരി 1 മുതൽ നവംബർ 30 വരെ) വിലമതിക്കുന്ന 29.03 ലക്ഷം ഗ്യാരണ്ടികൾ അംഗീകരിച്ചു.
• ഗ്യാരണ്ടി കവറേജിന്റെ പരിധി ₹5 കോടിയിൽ നിന്ന് ₹10 കോടിയായി ഉയർത്തി.
• ട്രാൻസ്‌ജെൻഡർ സംരംഭകർ പ്രോത്സാഹിപ്പിക്കുന്ന എം‌എസ്‌ഇകൾക്കായി ഒരു പ്രത്യേക വ്യവസ്ഥ അവതരിപ്പിച്ചു, ഗ്യാരണ്ടി ഫീസിൽ 10% ഇളവും 85% വർദ്ധിപ്പിച്ച ഗ്യാരണ്ടി കവറേജും നൽകുന്നു (2025 മാർച്ച് 1 മുതൽ പ്രാബല്യത്തിൽ).

പിഎം വിശ്വകർമ പദ്ധതി

2023 സെപ്റ്റംബറിൽ ആരംഭിച്ച വിശ്വകർമ പദ്ധതി, കൈകളും ഉപകരണങ്ങളും ഉപയോഗിച്ച് പ്രവർത്തിക്കുന്ന 18 വ്യാപാരങ്ങളിലെ കരകൗശല വിദഗ്ധർക്കും കലാകാരന്മാർക്കും പൂർണ്ണ പിന്തുണ നൽകുന്നു.

• ഈ പദ്ധതി പ്രകാരം 20 ലക്ഷത്തിലധികം കരകൗശല തൊഴിലാളികൾക്ക് പരിശീലനവും ബാങ്കിംഗ് പിന്തുണയും നൽകുന്നു, 2025 ൽ മാത്രം 7.7 ലക്ഷം ഗുണഭോക്താക്കൾ അടിസ്ഥാന നൈപുണ്യ പരിശീലനം പൂർത്തിയാക്കി.
• 2025 ഡിസംബർ 1 വരെ 30 ലക്ഷം ഗുണഭോക്താക്കൾ രജിസ്റ്റർ ചെയ്തിട്ടുണ്ട്, അതിൽ 23.09 ലക്ഷം ഗുണഭോക്താക്കൾക്ക് പരിശീലനം നൽകിയിട്ടുണ്ട്.
• 2025-ൽ, 2.62 ലക്ഷം ഗുണഭോക്താക്കൾക്ക് ഈട് രഹിത വായ്പകളുടെ രൂപത്തിൽ 2,257 കോടി രൂപ അനുവദിച്ചു, 6.7 ലക്ഷം ഗുണഭോക്താക്കൾ ഡിജിറ്റൽ സൗകര്യം പ്രാപ്തമാക്കി.
• ആഭ്യന്തര, അന്തർദേശീയ വിപണികളിൽ അവരുടെ ഉൽപ്പന്നങ്ങളുടെ വിൽപ്പന പ്രോത്സാഹിപ്പിക്കുന്നതിനായി ഇ-കൊമേഴ്‌സ് പ്ലാറ്റ്‌ഫോമുകൾ വഴി പിഎം വിശ്വകർമ ഗുണഭോക്താക്കൾക്ക് ഓൺലൈൻ മാർക്കറ്റിംഗ് പിന്തുണ നൽകുന്നു.

തൊഴിൽ പരിഷ്കാരങ്ങൾ

തൊഴിൽ നിയമനിർമ്മാണം, ഡിജിറ്റലൈസേഷൻ വഴി ചട്ടപാലനം ലളിതമാക്കൽ, സാമൂഹിക സുരക്ഷ ശക്തിപ്പെടുത്തൽ, ജോലിസ്ഥല സുരക്ഷയും തുല്യതയും ഉറപ്പാക്കൽ എന്നിവയിലൂടെ ഇന്ത്യയുടെ തൊഴിൽ ആവാസവ്യവസ്ഥയെ ആധുനികവൽക്കരിക്കുക എന്നതാണ് തൊഴിൽ നിയമങ്ങളുടെ ലക്ഷ്യം. പരിധികൾ യുക്തിസഹമാക്കുക, നടപടിക്രമങ്ങൾ സുഗമമാക്കുക, പരിശോധനകൾ കുറയ്ക്കുക, പ്രവചനാതീതമായ സമയപരിധികൾ പ്രാപ്തമാക്കുക എന്നിവയിലൂടെ, പരിഷ്കാരങ്ങൾ എംഎസ്എംഇകളിലെ ദീർഘകാല അനുസരണ ഭാരങ്ങൾ ലഘൂകരിക്കുകയും സംരംഭ വളർച്ചയെ പിന്തുണയ്ക്കുകയും തൊഴിലാളി ക്ഷേമം സംരക്ഷിക്കുകയും ചെയ്യുന്ന ഒരു സന്തുലിത ചട്ടക്കൂട് സൃഷ്ടിക്കുന്നു.

ഉപസംഹാരം

പതിറ്റാണ്ടുകളായി, ഇന്ത്യൻ സമ്പദ്‌വ്യവസ്ഥയുടെ ഏറ്റവും ഊർജ്ജസ്വലമായ സ്തംഭങ്ങളിലൊന്നായി എം‌എസ്‌എം‌ഇ മേഖല പരിണമിച്ചു. താരതമ്യേന കുറഞ്ഞ മൂലധന ചെലവിൽ വലിയ തോതിലുള്ള തൊഴിലവസരങ്ങൾ സൃഷ്ടിക്കുന്നതിലൂടെയും, ഗ്രാമീണ, പിന്നോക്ക പ്രദേശങ്ങളിൽ വ്യവസായവൽക്കരണം പ്രോത്സാഹിപ്പിക്കുന്നതിലൂടെയും, സന്തുലിതമായ പ്രാദേശിക വികസനത്തെ പിന്തുണയ്ക്കുന്നതിലൂടെയും, എം‌എസ്‌എം‌ഇകൾ തുല്യമായ വളർച്ചയ്ക്കും സാമൂഹിക-സാമ്പത്തിക പുരോഗതിക്കും ഗണ്യമായ സംഭാവന നൽകിയിട്ടുണ്ട്. വലിയ വ്യവസായങ്ങളുടെ സുപ്രധാന അനുബന്ധ പങ്കാളികൾ എന്ന നിലയിൽ, അവർ വിശാലമായ വ്യാവസായിക ആവാസവ്യവസ്ഥയെ ശക്തിപ്പെടുത്തുന്നു.

ഇന്ന് ഇന്ത്യയുടെ വികസന പാതയുടെ ഹൃദയഭാഗത്ത് എംഎസ്എംഇകൾ നിലകൊള്ളുന്നു. അവയുടെ വ്യാപ്തി, വൈവിധ്യം, പ്രതിരോധശേഷി എന്നിവയാൽ, നിലവിലുള്ള ഉൽപ്പാദന വേഗത പ്രയോജനപ്പെടുത്താനും ആഗോള മൂല്യ ശൃംഖലകളിലേക്കുള്ള ഇന്ത്യയുടെ സംയോജനം കൂടുതൽ ആഴത്തിലാക്കാനും, കൂടുതൽ ഔപചാരികവും, നവീകരണാധിഷ്ഠിതവും, കയറ്റുമതി അധിഷ്ഠിതവുമായ വളർച്ചയിലേക്ക് മാറാനും അവ സുസജ്ജമാണ്.

അവലംബം

Ministry of Micro, Small & Medium Enterprises

https://msme.gov.in/about-us/about-us-ministry

https://www.pib.gov.in/PressReleasePage.aspx?PRID=2209712&reg=3&lang=1

https://www.pib.gov.in/PressReleasePage.aspx?PRID=2220403&reg=3&lang=1

https://msme.gov.in/know-about-msme

https://www.pib.gov.in/PressReleasePage.aspx?PRID=2142170&reg=3&lang=2

https://www.dcmsme.gov.in/schemes/clcs-tus/Approved%20MSME%20Competitive(LEAN)%20Scheme_Guidelines_07_10_2022.pdf

https://www.pib.gov.in/PressReleasePage.aspx?PRID=2099687&reg=3&lang=2

https://msme.gov.in/about-us/organization-setup#:~:text=Mission:,through%20skill%20and%20entrepreneurship%20development.

Ministry of Commerce and Industry

https://www.investindia.gov.in/blogs/msmes-backbone-indias-economic-future

Ministry of Statistics and Programme Implementation

https://www.mospi.gov.in/sites/default/files/publication_reports/Factsheet_with_infograph_A4.pdf

https://www.pib.gov.in/newsite/PrintRelease.aspx?relid=78903&reg=3&lang=2

https://www.pib.gov.in/PressReleasePage.aspx?PRID=2205156&reg=3&lang=2

Ministry of Finance

https://www.indiabudget.gov.in/economicsurvey/doc/echapter.pdf

https://www.indiabudget.gov.in/doc/budget_speech.pdf

https://www.pib.gov.in/PressReleasePage.aspx?PRID=2221434&reg=3&lang=1

https://www.indiabudget.gov.in/doc/bh1.pdf

https://www.indiabudget.gov.in/doc/eb/sbe68.pdf

Ministry of Commerce & Industry

https://www.pib.gov.in/PressReleasePage.aspx?PRID=2117470&reg=3&lang=2

Ministry of Electronics & Information Technology

https://www.mygov.in/group/ministry-micro-small-and-medium-enterprises-msme//#:~:text=Micro%2C%20Small%20and%20Medium%20Enterprises%20(MSME)%20sector%20has%20emerged,https://twitter.com/minmsme

President's Secretariat

https://www.pib.gov.in/PressReleasePage.aspx?PRID=2219510&reg=3&lang=1

Reserve Bank of India

https://www.rbi.org.in/commonman/English/scripts/FAQs.aspx?Id=3138

https://www.rbi.org.in/commonman/english/scripts/FAQs.aspx?Id=966

India Brand Equity Foundation

https://www.ibef.org/industry/msme

Others

https://ddnews.gov.in/en/union-budget-2026-27-puts-exports-at-core-of-growth-strategy/

PIB Archives

https://www.pib.gov.in/PressReleasePage.aspx?PRID=2199330&reg=3&lang=2

English PDF

***

SK