पत्र सूचना कार्यालय

মরু ওইবা হীরমশিং

• ভারতকী মেনুফেকচরিংগী থবকশিং ফগৎলক্লি। শেনবা চহি ২০২৫-২৬দা জি.ভি.এ.না ক্বার্তর ১দা ৭.৭২% অমসুং ক্বার্তর ২দা ৯.১৩% হেনগৎলে
• ভারতকী মেন্যুফেকচরিং ভেল্যু এদেদতা মিদিয়ম অমসুং হাই তেক্নোলোজী ইন্দস্ত্রীশিংনা চাদা 46.3 কন্ত্রিব্যুত তৌরি
• ২০২৬-২৭গী কেন্দ্রগী বজেৎনা স্ত্রেতেজিক অমসুং ফ্রন্টিয়ার সেক্তর তরেৎতা মেন্যুফেকচরিংগী থবকশিং হেনগৎহনবদা মিৎয়েং থম্লি
• সিফুদতগী হৌরগা মাইক্রোওয়েভ ওভনশিং অমসুং জুতশিংদগী এয়রক্রাফ পুথোকপা ফাওবা পোত্থোকশিংদা বেসিক কস্তম দ্যুতীজগী অয়াবা পীখ্রে
• ২০২৬-২৭গী কেন্দ্রগী বজেৎনা চেম্পিয়ন এস.এম.ই.শিং শেমগৎনবা লুপা করোর ১০,০০০গী এস.এম.ই. গ্রোথ ফন্দ অমসুং সেল্ফ রিলিয়েন্ত ইন্দিয়া ফন্দদা লুপা করোর ২,০০০গী টোপ-অপ পীগনি

ৱাহৌদোক

ভারত অসি মালেমগী ওইবা ইন্দস্ত্রীএল পর্ফোমেন্সকী মরক্তা রেসিলিয়েন্স উৎতুনা খ্বাইদগী য়াঙনা চাউখৎলক্লিবা ইন্দস্ত্রীএল ইকোনোমীশিংগী মরক্তা অমা ওইরক্লি। মালেমগী মেন্যুফেকচরিং আউতপুত অসি কেলেন্দর ইয়ার ২০২৫গী অহুমশুবা ক্বার্তরদা চাদা ০.৭ তপ্না হেঙ্গৎলকপা অদুগা, ভারতনা হায়রিবা মতম অসিদা মেনুফেকচরিং আউতপুত অসি চাদা ১.৩ তপ্না হেঙ্গৎলকপা থেংনখি। মসিগী থবক অসি দোমেস্তিক ফন্দামেন্তেলশিংগী মপাঙ্গল অমসুং ইন্দস্ত্রীগী পাকথোক চাউথোকপদা লেপ্তনা মতেং পাংলিবা পোলিসী অদু উৎলি।

রিফোর্মশিং, সেক্তরেল ইনিসিয়েতিবশিং অমসুং রেসিলিয়েন্ত সপ্লাই চেনশিংগা লোইননা ২০৪৭ ফাওবদা ভারত অসি দোল্লর ত্রিলিয়ন ৩৫গী ইকোনোমী অমা ওইনবা পান্দম থম্লিবা অসিদা ঙসি মেন্যুফেকচরিং অসি গ্রোথকী ইঞ্জিন অমা ওইরি। মরুওইবা অসি খঙলদুনা, ২০২৬-২৭গী কেন্দ্রগী বজেৎনা ইনভেস্তমেন্ত ইন্সেন্তিবশিং, ইনোবেসন, ইনফ্রাস্ত্রকচর দিবেলপমেন্ত, অমসুং ইন্দস্ত্রীএল ইকোসিস্তেম মপাঙ্গল কনখৎহনবদা মীৎয়েং থম্লিবা পান্দম থম্লবা খোঙথাংশিংগী খুত্থাংদা মেন্যুফেকচরিংদা মতেং পীনবা হেনগৎহনখ্রে।

কর্তাবিয়া অহুমগী মওং মতৌ অদুদা য়ুম্ফম ওইদুনা, মেন্যুফেকচরিং সেক্তরনা ভারতকী গ্রোথ, থবক পীবা, এক্সপোর্ত কম্পিতিতিবনেস অমসুং মতম শাংনা চৎথগদবা শেন্মিৎলোনগী অহোংবা পুরকপদা মতেং পাংগনি।

ভারতকী মেন্যুফেকচরিং সেক্তরগী পর্ফোমেন্স

মেনুফেকচরিং সেক্তর অসি ভারতকী হেনগৎলক্লিবা ইন্দস্ত্রীএল মোমেন্তমগী মরুওইবা য়ুম্বী অমা ওইরক্লি। কেপিতেল সপোর্ত অমসুং পোলিসী-লিদ রিফোর্মশিংগা লোইননা, পুথোকপা, ইনবেস্তমেন্ত অমসুং বিজিনেস সেন্তিমেন্ত ইন্দিকেতরশিংগী হন্দক্কী দেতাশিংনা ইন্দস্ত্রীএল অমসুং মেন্যুফেকচরিং এক্তিবিতীদা লেপ্তনা মপাঙ্গল কনখৎলক্লিবা অদু উৎলি।

ভারতকী ইন্দস্ত্রীএল অমসুং মেন্যুফেকচরিংগী ইম্পোর্তম মপাঙ্গল কনখৎলক্লি

ভারতকী ইন্দস্ত্রীএল এক্তিবিতী অসি মখা তানা মপাঙ্গল কনখৎলক্লি। শেনবা চহি ২০২৫-২৬গী অহানবা তংখায়দা রিয়েল ইন্দস্ত্রী জি.ভি.এ. অসি চহিগী চাংগা য়েংনবদা ৭% হেনগৎলক্লি। ইন্দস্ত্রীএল প্রদক্সন অসি ২০২৫গী দিসেম্বরদা ৭.৮% হেনগৎলকপগা লোয়ননা চহি অসিদা মসিগী মগুন অসি মখা তানা হেনগৎলকখি। মসি চহি অনিগী মনুংদা খ্বাইদগী হেন্না চাউবা এক্সপান্সননি। মসি নবেম্বর ২০২৫দা ৭.২%গী অৱাংবা গ্রোথ অমা রেজিস্তর তৌরবা মতুংদা ওইখি।

ইন্দস্ত্রীএল প্রদক্সন (আই.আই.পি.) গী ইন্দেক্সতা উৎলিবা চাউখৎপা অসি ২০২৫গী দিসেম্বরদা ৮.১%গী গ্রোথ অমা রেজিস্তর তৌখিবা মেন্যুফেকচরিং সেক্তরনা মরুওইনা পুরক্লি। মসিগী মনুংদা, কম্প্যুতর অমসুং ইলেক্ত্রোনিক প্রদক্তশিং (৩৪.৯%), মোতোর ভেহিকলশিং অমসুং ত্রেলরশিং (৩৩.৫%), অমসুং অতোপ্পা ত্রান্সপোর্ত ইক্ব্যুইমেন্ত (২৫.১%) দা চাউনা হেনগৎলকখি।

হৌখিবা ক্বার্তরশিংদা মেন্যুফেকচরিংগী পর্ফোমেন্স মখা তানা ফগৎলক্লি। জি.ভি.এ.গী গ্রোথ অসি ক্বার্তর ১দা ৭.৭২% অমসুং এফ.ৱাই. ২০২৫-২৬গী ক্বার্তর ২দা ৯.১৩% ওইখি। মসিদা হেন্না ৱাংবা ভেল্যুগী প্রদক্সন, হেন্না ফবা ইন্দস্ত্রীএল ইনফ্রাস্ত্রকচর, অমসুং তেক্নোলোজী অমসুং ফোর্মেলাইজেসনবু পাক শন্না শিজিন্নবা হেনগৎলকপা অসিনা মতেং পাংলি।

দিমান্দ অমসুং ব্যুজিনেস এক্সপেক্তিবিতী ফগৎলকপগা লোয়ননা থাজবা হেনগৎলক্লি

তুংলমচৎকী ইন্দিকেতরশিংনা ভারতকী ইন্দস্ত্রীএল সেক্তরদা অপেনবা পোকহল্লি। মেন্যুফেকচরিং প্রকিয়রিং মেনেজরস ইন্দেক্স (পি.এম.আই.) না ২০২৩গী মার্চতগী হৌরগা পাকথোক চাউথোকপা (৫০গী মথক্তা) লৈরি। জনুৱারী ২০২৬তা, PMI অসি মসিগী অশাংবা মতমগী চাংচৎতগী ৫৫.৪ হেনখি, মসিনা সেক্তর অসিগী হকশেলদা মখা তানা ফগৎলকপগী খুদম অমনি।

মরুওইবা সেক্তরশিংনা সপোর্ত তৌরিবা ইন্দস্ত্রীএল এক্সপান্সন

পোত্থোক পুথোকপগী মায়কৈদা, সেক্তরগী ওইবা ত্রেন্দশিংনা হায়রি মদুদি হেভি ইন্দস্ত্রী অমসুং লাইত মেন্যুফেকচরিং অনিমক্না অপুনবা গ্রোথপু সপোর্ত তৌরি। ইন্দেক্স ওফ ঐত কোর ইন্দস্ত্রীজ (আই.সি.আই.) অসি ২০২৫গী দিসেম্বরদা ১৭৫.৭দা লৈখি অমসুং ২০২৪গী দিসেম্বরগা চাংদম্নবদা ৩.৭%গী প্রিভিজনেল গ্রোথ অমা রেকোর্দ তৌখি। সিমেন্ত, স্তীল, ইলেক্ত্রিসিতী, ফর্তিলাইজর অমসুং কোয়লনা থা অসিদা পোজিতিব ওইবা প্রদক্সন গ্রোথ অমা রেকোর্দ তৌখি।

ভারতকী মেন্যুফেকচরিং সেক্তরনা মালেমগী থাক্তা লৈরিবা অসি পাকথোক চাউথোকহনখ্রে

ইকোনোমিক সর্ভে ২০২৫-২৬না মিদিয়ম অমসুং হাই-তেক্নোলোজী ইন্দস্ত্রীশিংনা হৌজিক্তি ভারতকী মেন্যুফেকচরিং ভেল্যু এদেদকী ৪৬.৩%গী শরুক য়ারি হায়না ফোঙদোক্লি। মসিনা হেন্না অরুবা প্রদক্সন স্ত্রকচরগী মায়কৈদা তপ্না তপ্না অহোংবা লাকপগী খুদম অমা ওইরি। অসিগুম্বা অহোংবা অসিনা ভারত অসি মেনুফেকচরিং ভেল্যু চেনদা লেপ্পা লৈতনা খুমাং চাউশিল্লিবা মিদল-ইনকম ইকোনোমীশিংগী অপীকপা কাংলুপ অমগী মনুংদা থম্লি। মসিগী মাইপাকপশিং অসিনা ভারতকী মালেমগী ইন্দস্ত্রীএল কম্পিতিতিবনেস ফগৎলক্লি। কম্পিতিতিব ইন্দস্ত্রীএল পর্ফোমেন্স (সি.আই.পি.) ইন্দেক্সতা লৈবাক অসিগী রেঙ্কিং অসি ২০২২দা ৪০শুবদগী ২০২৩দা ৩৭শুবদা হেনগৎলক্লি।

মেনুফেকচরিংনা ভারতকী এক্সপোর্ত পর্ফোমেন্স মপাঙ্গল কনখৎহনবদা মতেং পাংলি। এফ.ৱাই.২৬দা অহানবা ক্বার্তর অহুম খুদিংমক্তা মখোয়গী খ্বাইদগী ৱাংবা এক্সপোর্ত লেভেলশিং রেকোর্দ তৌখি। মখা তানা, ২০২৫গী এপ্রিল-দিসেম্বরগী মনুংদা, এক্সপোর্ত অসি দোল্লর বিল্লিয়ন ৬৩৪.৩ ওইখি, মসি চহিগী চাংগা য়েংনবদা মখা তানা ৪.৩% হেনগৎখি, মসিনা এক্সতর্নল ত্রেদ পর্ফোমেন্সতা তুংকোইনা রেসিলিয়েন্স লৈরে হায়বা উৎলি।

২০২৬-২৭কী বজেৎ: মেন্যুফেকচরিংবু পুক্নিং থৌগৎনবা মরুওইবা খোঙথাংশিং

২০২৬-২৭গী কেন্দ্রগী বজেৎনা স্ত্রেতেজিক অমসুং ফ্রন্তিয়র সেক্তরশিংদা মেন্যুফেকচরিং প্রমোৎ তৌদুনা শেন্মিৎলোনগী গ্রোথ খোঙজেল য়াংখৎহন্নবা পান্দম থম্লিবা খোঙথাংশিংগী মপুং ফাবা সেৎ অমা উরেপ উয়ুং তমখ্রে। হায়রিবা পাউজেলশিং অসি সরকারগী এজেন্দাদা য়ুম্ফম ওইদুনা তঙাইফদবা (তেক্স লাইয়েং অমসুং কস্তম রিফোর্মশিং) অমসুং অশাংবা মতমগী ওইবা কেপাসিতী দিবেলপমেন্ত (অনৌবা ইন্দস্ত্রীএল মিসনশিং অমসুং ক্লস্তর স্কিমশিং) অনিমক কোকহন্নবা হোৎনরি।

স্ত্রেতেজিক সেক্তর ইনিসিএতিবশিং অমসুং ইন্দস্ত্রীএল ইকোসিস্তেম চাউখৎহনবা

বজেৎ অসিনা স্ত্রেতেজিক অমসুং ফ্রন্তিয়র সেক্তর তরেৎতা মেন্যুফেকচরিং পাকথোক চাউথোকহনবদা মীৎয়েং থমদুনা ইন্দস্ত্রীগী চাউখৎপগী মথংগী তাঙ্কক অমা পুরক্নবা ইম্পেক্ত ৱাংবা অমসুং অনৌবা ইন্দস্ত্রীশিংদা মীৎয়েং থমদুনা অনৌবা স্কিমশিং অমসুং প্রোগ্রামশিং হৌদোকখি।

• লেগেসী ইন্দস্ত্রীএল ক্লস্তরশিং নৌহৌননা শেমগৎপা: ইনফ্রাস্ত্রকচর অমসুং তেক্নোলোজী অপগ্রেদেসনগী খুত্থাংদা কম্পিতিতিবনেস অমসুং ইফিসিএন্সী হেনগৎহন্নবগীদমক লেগেসী ইন্দস্ত্রীএল ক্লস্তর ২০০বু ইনফ্রাস্ত্রকচর অমসুং তেক্নোলোজী অপগ্রেদেসনগী খুত্থাংদা নৌহৌননা শেমগৎনবা স্কিম অমা।
• বাইওফার্মা শক্তী: চহি মঙাদা লুপা করোর ১০,০০০গী শেনফমগা লোইননা, স্কিম অসিনা ভারতপু বাইওলোজিক্স অমসুং বাইওসিমিলরশিংগী মালেমগী মেনুফেকচরিং হব অমা ওইহন্নবা পান্দম থম্লি। মসিগী পান্দমদি রিসর্স কেপাসিতী পাকথোক চাউথোকহনবা, অনৌবা অমসুং অপগ্রেদ তৌরবা নেস্নেল ইন্সতিত্যুৎ ওফ ফার্মাসিওতিকল এজুকেসন এন্দ রিসর্স (এন.আই.পি.ই.আর.) ৩ লিংখৎপা, ক্লিনিকেল ত্রাইএল সাইত ১০০০ হেনবগী নেৎৱার্ক অমা শেম্বা অমসুং সেন্ত্রেল দ্রগ্স স্তেন্দর্দ কন্ত্রোল ওর্গানাইজেসন (সি.দি.এস.সি.ও.) মপাঙ্গল কনখৎহনবা অসিনি।

সেমিকন্দক্তর মিসন ২.০: মমাংগী খোঙথাংশিং অদুদা য়ুম্ফম ওইদুনা, প্রোগ্রাম অসিনা সেমিকন্দক্তর ইক্বিপমেন্ত অমসুং মেতরিএলশিং পুথোকপদা, মপুং ফাবা ইন্দিয়ন আই.পি. দিজাইন তৌবা, সপ্লাই চেনশিং মপাঙ্গল কনখৎহনবা অমসুং ইন্দস্ত্রীনা লুচিংবা রিসর্স অমসুং ত্রেনিং সেন্তরশিং শেমগৎপদা মীৎয়েং থম্লি।

• দেদিকেতেদ কেমিকেল পার্কশিং: দোমেস্তিক প্রদক্সন হেনগৎহন্নবা অমসুং ইম্পোর্তকী মখা পোনবা হন্থহন্নবা ক্লস্তর-বেজ প্লাগ-এন্দ-প্লে মোদেল অমদা কেমিকেল পার্ক অহুম লিংখৎনবা রাজ্যশিংদা মতেং পীগনি।
• ইলেক্ত্রোনিক্স কম্পোনেন্তস মেনুফেকচরিং স্কিম (ই.সি.এম.এস.): সেত তৌরবা পান্দমশিংদগী হেনবা ইনভেস্তমেন্ত কম্মিৎমেন্তশিংগী খোঙজেল হেনগৎহন্নবা অমসুং দোমেস্তিক কম্পোনেন্ত মেনুফেকচরিং খোংজেল য়াংখৎহন্নবা, শেনফম অসি লুপা করোর ২২,৯১৯দগী লুপা করোর ৪০,০০০দা হেনগৎলে।
• রের আর্থ পর্মেনেন্ত মেগনেৎশিং অমসুং কোরিদোরশিং: রের আর্থ পর্মেনেন্ত মেগনেৎশিংগীদমক স্কিম হৌদোকখিবা নবেম্বর ২০২৫দা, মাইনিং, প্রোসেসিং, রিসর্স অমসুং মেন্যুফেকচরিং প্রমোৎ তৌনবা ওদিশা, কেরলা, অন্ধ্র প্রদেশ অমসুং তামিল নাদুদা দেদিকেতেদ রের আর্থ কোরিদোরশিং শেমগৎকনি।
• স্পোর্তস গুদস মেন্যুফেকচরিং ইনিসিএতিব: স্পোর্তস গুদস অমসুং মেতিরিএল সাইন্সতা মেন্যুফেকচরিং, রিসর্চ অমসুং ইন্নোবেসন হেনগৎহন্নবা মীৎয়েং থম্বা সপোর্ত পীগনি।
• সেন্ত্রেল পব্লিক সেক্তর ইন্তর্প্রাইজেস (সি.পি.এস.ই.) দা হাই-তেক তুল রুমশিং: মেনুফেকচরিং ইনোভেসন অমসুং স্কিল্লিংদা মতেং পাংনবা সি.পি.এস.ই.শিংগী মনুংদা প্রেসিজন তুল মেন্যুফেকচরিং, ত্রেনিং অমসুং দিজাইন ফেসিলিতীশিং লিংখৎপা।
• কন্সত্রক্সন অমসুং ইনফ্রাস্ত্রকচর ইক্বিপমেন্ত (সি.আই.ই.) স্কিম: মমল য়াম্লবা অমসুং তেক্নোলোজিকেল্লী এদভান্স ওইরবা সি.আই.ই.গী দোমেস্তিক মেন্যুফেকচরিং মপাঙ্গল কনখৎহন্নবা অনৌবা স্কিম।
• কন্তেনর মেন্যুফেকচরিং স্কিম: মালেমগী থাক্তা কম্পিতিতিব ওইবা কন্তেনর অমা শেমগৎনবা চহি মঙাদা লুপা করোর ১০,০০০গী এলোকেসন তৌখ্রে।
• তেক্সতাইল সেক্তরগীদমক্তা অখন্নবা খোঙথাংশিং: ফাইবরগী মশা-মরোমদোম লেপচবা, ক্লস্তরশিং মোদর্নাইজেসন তৌবা, হেন্দলুম অমসুং হেন্দিক্রাফ্তশিং মপাঙ্গল কনখৎহনবা, সস্তেনেবল তেক্সতাইলশিং প্রমোৎ তৌবা অমসুং সমর্থ ২.০গী মখাদা তেক্সতাইল স্কিলিং হেনগৎহনবা য়াওনা ইন্তিগ্রেতেদ তেক্সতাইল প্রোগ্রাম অমা হৌদোকপা।
  • • তেক্নিকেল তেক্সতাইলশিং য়াওনা ভেল্যু এদিসনদা মীৎয়েং থমদুনা মেগা তেক্সতাইল পার্কশিং চেলেঞ্জ মোদতা শেমগৎকনি।
    • মহাত্মা গান্ধী গ্রাম স্বরাজ ইনিসিয়েতিব হৌদোকখ্রে। মসিগী পান্দমদি খাদি, হেন্দলুম অমসুং হন্দিক্রাফ্তশিংবু ত্রেনিং, স্কিলিং, প্রদক্সন ক্বালিতী, ব্রান্দিং অমসুং গ্রামগী ইন্দস্ত্রীশিং অমসুং আর্তিসানশিংদা কান্নবা পীবা গ্লোবেল মার্কেৎ লিঙ্কিংগী থোংদা মপাঙ্গল কনখৎহন্নবানি।

• এম.এস.এম.ই.শিং অসি মরুওইবা গ্রোথ ইঞ্জিন অমা ওইনা শকখঙবা: এম.এস.এম.ই.শিং অসি তুংগী ইন্দস্ত্রী চেম্পিয়নশিং ওইনা পুথোকপদা মতেং পাংনবা লুপা করোর ১০,০০০গী এস.এম.ই. গ্রোথ ফন্দ য়াওনা পোতেন্সিএল ৱাংবা ইন্তর্প্রাইজেসশিং মতেং পাংনবা অহুম থোক্না শাবা এপ্রোচ অমা প্রপোজ তৌখ্রে। মসিগী মথক্তা, স্বয়ং-নির্ভর ভারত ফন্দ অসি মাইক্রো এন্তর্প্রাইজশিংদা রিস্ক কেপিতেল সপোর্ত পীবা লেপ্তনা চৎনহন্নবা লুপা করোর ২,০০০গী শেনফম অমগা লোয়ননা মপাঙ্গল কনখৎহল্লগনি।

মেন্যুফেকচরিং প্রমোৎ তৌনবা তেক্স অমসুং কস্তমস রিফোর্মশিং

মথক্তা পনখ্রিবা সেক্তরেল ইন্তরভেন্সনশিং অসি মপুং ফাহন্নবগীদমক, ২০২৬-২৭গী কেন্দ্রগী বজেৎনা তেক্স ইন্সেন্তিবশিং অমসুং কস্তম দ্যুতীজ রিফোর্মশিংগী পরিং অমা হৌদোকখি। তেক্স রেজিম অসি মেনুফেকচরিংদা হেন্না খুদোংচাবা অমসুং এক্সপোর্ত-সপোর্তিব ওইহন্নবগীদমক ফাইন-তুন তৌখি। মরুওইবা থবকশিংগী মনুংদা মখাগীশিং অসি য়াউই:

• বোন্দ তৌরবা জোন অমদা টোল মেনুফেকচরর অমহেক্তদা কেপিতেল গুদস, ইক্বিপমেন্ত নত্ত্রগা য়োলিং পীরিবা নন-রেসিদেন্তশিংদা চহী মঙাগী ওইনা ইনকম তেক্সতগী একজেম্পসন পীগনি।
• সিদ স্তোরেজদা কম্পোনেন্ত স্তোরেজ তৌনবগীদমক নন-রেসিদেন্তশিংদা সেফ হার্বর পীনবা।
• থাজবা থম্বা মেনুফেকচররশিংদা দিফর তৌরবা দ্যুতীজ পেমেন্ত ৱিন্দো।
• এক্সপোর্তকীদমক সীফুদ প্রদক্তশিং প্রোসেসিং তৌবদা শিজিন্নরিবা অকক্নবা ইনপুতশিংগী দ্যুতীজ ফ্রী ইম্পোর্তকী লিমিৎ অসি মমাংগী চহিগী এক্সপোর্ত তর্নওভরগী এফ.ও.বি. ভেল্যুগী হৌজিক লৈরিবা ১%দগী ৩%দা হেনগৎহনবা।
• লেদর নৎত্রগা সিন্থেটিক ফুটৱারগী মথক্তা জুতকী মথকশিং পুথোক-পুশিন তৌবদা অকক্নবা ইনপুতশিংগী দ্যুতীল ফ্রী ইম্পোর্তশিং পাকথোক চাউথোকহনখ্রে।
• লেদর নৎত্রগা তেক্সতাইলগী পোৎশকশিং, লেদর অমসুং সিন্থেতিক ফি-রোলগী এক্সপোর্তরশিংগীদমক ফাইনেল প্রদক্তপু এক্সপোর্ত তৌবগী মতম হৌজিক লৈরিবা থা ৬তগী চহি ১দা শাংদোকপা।
• মাইক্রোৱেব ওভেন পুথোকপদা শিজিন্নরিবা অকক্নবা পার্তশিং অমসুং এয়রক্রাফ পুথোকপদা শিজিন্নরিবা কম্পোনেন্তশিং অমসুং পার্তশিংদা বেসিক দোল্তগী লৌবা য়াদে
• দিফেন্স য়ুনিৎশিংদা মেনতেন্সন, মেরামত, নৎত্রগা ওভরহোল তৌবদা শীজিন্নবা এয়রক্রাফকী পার্তশিং পুথোক্নবা পুশিল্লকপা কাঁচামালশিংদা বেসিক দোল্তীজদগী লৌবা শেনফমদগী লৌথোকপা।
• মতম শাংনা থাজবা থম্লবা সপ্লাই চেনশিং লৈবা চাং নাইবা ইম্পোর্তরশিংবু রিস্ক সিস্তেমদা শকখঙগদবনি।
• ইলেক্ত্রোনিক সীলিং শিজিন্নদুনা এক্সপোর্ত কার্গো অসি ফেক্টরিগী প্রাইসতগী শিপ ফাওবদা ক্লিয়রেন্সকী খুত্থাংদা পীগনি।
• এস.ই.জেদ.কী ইলিজিবল ওইবা মেন্যুফেকচরিং য়ুনিৎশিংনা দোমেস্তিক তেরিফ এরিয়াদা কন্সেসনগী চাংদা য়োনবা য়াহন্নবা অখন্নবা অমুক্তা থোকপা থৌরাং অমনি।

মসিগী খোঙথাং পুম্নমক অসি ভারতপু মালেমগী থাক্তা কম্পিতিতিব মেন্যুফেকচরিং হব অমা ওইহন্নবা সরকারনা লেপ্পা লৈতনা হোৎনরিবা অদুদা য়ুম্ফম ওইরি। মসি থবক পীবা, ফ্রন্তিয়র তেক্নোলোজীদা ইনোভেৎ তৌবা অমসুং গ্লোবেল ভেল্যু চেনশিংদা মায় পাক্না পুনশিনবা ঙম্বা অমনি।

মেন্যুফেকচরিংগী গ্রোথ থোরক্নবা সরকারগী তুংকোইনা চৎথরিবা ইনিসিয়েতিবশিং

ভারতকী মেনুফেকচরিং এক্সপান্সন অসি টার্গেতেদ ইন্সেন্তিব স্কিমশিং, মিসন দাইরেক্ত রিফোর্মশিং, ইনফ্রাস্ত্রকচর দিবেলপমেন্ত, অমসুং ইনোবেসন-লিদ ইনিসিয়েতিবশিংনা মপাঙ্গল কনখৎহন্দুনা মেনুফেকচরিং গ্রোথকী মথংগী ফেজকীদমক মপাঙ্গল কনবা ফাউন্দেসন অমা শেমগৎলি।

পর্ফোমেন্স লিঙ্ক ইন্সেন্তিব (পি.এল.আই.) স্কিম

আত্মানির্ভর ভারত ভিজনগা মরী লৈনবা প্রদক্সন লিংক ইন্সেন্তিব (পি.এল.আই.) স্কিম অসি সেক্তর ১৪দা ইন্দস্ত্রীএল গ্রোথকী মরুওইবা কেতালিস্ত অমা ওইরক্লি। স্কিম অসিগী মখাদা মরুওইবা কান্নবশিং অসি ইলেক্ত্রোনিক্স, ফার্মাসিউটিকলস অমসুং ওটোমোবাইল মেন্যুফেকচরিংগুম্বা সেক্তরশিংদা উবা ফংলি। মসিনা ভারতকী গ্লোবেল মেন্যুফেকচরিং কম্পিতিতিবনেস মপাঙ্গল কনখৎহল্লি।

• পি.এল.আই.না লুচিংবা ইনবেস্তমেন্তশিংনা ভারত্তা স্মার্তফোন পুথোকপা হেনগৎহল্লে। মসিনা লৈবাক অসিবু মালেমগী মরুওইবা মোবাইল ফোন পুথোকপগী মফম অমা ওইহল্লে।
• অহানবা চহি অহুম অসিদা, পি.এল.আই.গী ফার্মাসিউটিকল সেলসনা লুপা কোতি লাখ ২.৬৩ হেনখ্রে, মসিগী মনুংদা লুপা কোতি লাখ ১.৬৯গী এক্সপোর্তসু য়াওরি, ২০২৫গী মার্চ ফাওবদা দোমেস্তিক ভেল্যু এদিসন অসি ৮৩.৭৪% য়ৌরে।

ওতোমোবাইল অমসুং ওতো-কম্পোনেন্তশিংগীদমক পি.এল.আই. স্কিম্না লুপা করোর ৩৫,৬৫৭গী অপুনবা ইনভেস্তমেন্ত লাকহল্লে। মসিগী মহৈ ওইনা সেপ্তেম্বর ২০২৫ ফাওবদা থবক ৪৮,৯৭৪ ফংহল্লগনি।

নেস্নেল মেন্যুফেকচরিং মিসন

২০২৫-২৬কী বজেৎতা লাউথোকখিবা নেস্নেল মিসন ওন মেনুফেকচরিং (এন.এম.এম.) না ২০৩৫ ফাওবদা মেনুফেকচরিংগী জি.দি.পি.গী শরুক ২৫%দা হেনগৎহনবা, থবক মিলিয়ন ১৪৩ শেমগৎপা অমসুং গ্লোবেল ভেল্যু চেন ইন্তিগ্রেসন হেঙ্গৎহন্দুনা মার্চেন্জ এক্সপোর্ত দোল্লর ত্রিল্লিয়ন ১.২দা পাকথোক চাউথোকহনবগী পান্দম থমদুনা ইন্দস্ত্রীএল গ্রোথকী মরুওইবা কেতালিস্ত অমা ওইনা থবক তৌরি। নেস্নেল মেনুফেকচরিং মিসন ইমপ্লিমেন্তেসনগী মখাদা মখাগী মরুওইবা খোংথাংশিং অসি লৌখৎলে:

• ইজ ওফ ডুয়িং বিজিনেস, ৱার্কফোর্স রেদিএন্স, এম.এস.এম.ই.গী গ্রোথ, দিরেগুলেসন, তেক্নোলোজী এক্সেস অমসুং ক্বালিতী মেনুফেকচরিংদা মীৎয়েং থমদুনা নেস্নেল মিসন ওন মেন্যুফেকচরিংগী থবক পায়খৎলি।
• নিতি আয়োগনা কন্সল্তেসনশিং কোওর্দিনেৎ তৌদুনা অমসুং ইমপ্লিমেন্তেসন প্রপোজেলশিং পুখৎতুনা ইন্তর-মিনিস্ত্রীএল কমিতী অমা শেমখ্রে।
• স্কিল দিবেলপমেন্তকী খোঙথাংশিং অসি এন.এস.কি.এফ.-দা য়ুম্ফম ওইবা ত্রেনিং, পান্দম থম্লবা স্কিলিং ইন্তরভেন্সনশিং অমসুং ইন্দস্ত্রীএল কোরিদোরশিং অমসুং শান্নপোৎ, লেদর, অমসুং ফুতৱারগুম্বা সেক্তর-স্পিসিফিক ইন্দস্ত্রীশিংগা কোওর্দিনেসন তৌদুনা ইন্দস্ত্রীগী মথৌ তাবশিংগা চুনহল্লক্লি।
• নেস্নেল তেক্সতাইল মেনুফেকচরিং মিসন অসি শেমগৎ-শাগৎলি। মসিগী ফ্রেমৱার্ক অসি মপুং ফাহন্নবগীদমক কোর কমিতী অমা অমসুং লেপ্তনা খন্ন-নৈনবগী থবক চত্থরি।

ভারতকী ইনোবেসন ইকোসিস্তেম মপাঙ্গল কনখৎহন্নবা ইনিসিয়েতিবশিং

• ভারতকী আর এন্দ দি ইকোসিস্তেমদা মতেং পাংনবা মরুওইবা ইন্সতিত্যুস্নেল রিফোর্ম অমা হায়রগদি এ.এন.আর.এফ. এক্ত, ২০২৩গী মখাদা অনুসন্ধান নেস্নেল রিসর্স ফাউন্দেসন (এ.এন.আর.এফ.) লিংখৎপনি। মসিগী পান্দমদি স্ত্রেতেজিক দিরেক্সন, ফন্দিং সপোর্ত, অমসুং ইন্দস্ত্রী, একাদেমিয়া অমসুং সরকারগী মরক্তা হেন্না চেৎশিল্লবা কোলাবোরেসন পীবনি।
• ইনোবেসন ফাইনান্সিং মপাঙ্গল কনখৎহন্নবা, সরকারনা রিসর্স, দিবেলপমেন্ত অমসুং ইনোবেসন (আর.দি.আই.) ফন্দ অমা চহি তরুক্কী ওইনা লুপা করোর লাখ ১গী শেনফমগা লোয়ননা লাউথোকখ্রে। মসিগী মনুংদা এফ.ৱাই.২৬গী ওইনা লুপা করোর ২০,০০০ য়াওরি। মসিগী পান্দমদি হাই-তেক আর.এন্দ.আই.দা প্রাইবেৎ ইনভেস্তমেন্ত হেনগৎহনবা, এদভান্স তেক্নোলোজী প্রোজেক্তশিং মতেং পাংবা, স্ত্রেতেজিক তেক্নোলোজীশিং লৌশিনবা অমসুং দিপ-তেক ফন্দ ওফ ফন্দশিং থবক ওইনা পাংথোকপা অসিনি।
• ২০১৬তা স্তার্ত অপ ইন্দিয়া হৌদোকখিবদগী হৌগৎলক্লিবা স্তার্ত অপ ইকোসিস্তেম, হৌজিক্তি স্তার্ত অপ লাখ ২ হেন্না শকখঙখ্রে, মসিনা চাউখৎলক্লিবা এন্ত্রিপ্রেন্যুওরশিপ কলচর অদু উৎলি। ভারত অসি হৌজিক মরু ওইবা তেক্নোলোজী ৬৪গী মনুংদা ৪৫দা খ্বাইদগী মকোক থোংবা লৈবাক মঙাগী মনুংদা লৈরে। মসিনা এদভান্স মেন্যুফেকচরিং অমসুং ইন্দস্ত্রীএল কম্পিতিতিবনেসকীদমক মরু ওইবা লমশিংদা কেপাসিতী মপাঙ্গল কনখৎহল্লি।

ইনফ্রাস্ত্রকচরেল রিফোর্মসনা মেন্যুফেকচরিং এক্সপান্সনবু দ্রাইভ তৌরি

সরকারনা লুচিংবা ইনফ্রাস্ত্রকচর অমসুং লোজিস্তিক্স রিফোর্মশিংনা কনেক্তিবিতী, ইন্দস্ত্রীএল ইনফ্রাস্ত্রকচর অমসুং স্কিলিং সপোর্ততা লেপ্তনা ইনভেস্ত তৌবগী থোংদা মেন্যুফেকচরিং পাকথোক চাউথোকহনলি।

পি.এম. গতিশক্তিনা মিনিস্ত্রী অমসুং দিপার্তমেন্ত ৫৭দা দেতা লেয়র ১৭০০ হেন্না পুন্সিন্নবা য়ুনিফাইদ প্লেৎফোর্ম অমগী খুত্থাংদা ইনফ্রাস্ত্রকচর প্লানিংদা অহোংবা পুরকখ্রে। অদুগা পি.এম. গতিশক্তি পব্লিক অমসুং য়ুনিফাইদ জিওস্পেসিএল ইন্তরফেসনা হৌজিক্তি ইনভেস্তমেন্ত অমসুং লোজিস্তিক প্লানিংগীদমক দেতা সেৎ ২৩০ ফংহল্লে। রাজ্যগী থাক্তা, রাজ্য ২৭না স্তেত লোজিতিক্স পোলিসীশিং খঙহনখ্রে অমসুং এস্পিরেস্নেল দিস্ত্রিক্ত ২৮না এরিয়া প্লান্নিংগীদমক ঘাতিশক্তি দিস্ত্রিক্ত মাস্তর প্লান মোদ্যুল শিজিন্নরি। মসিগী মতুংদা এস্পিরেস্নেল দিস্ত্রিক্ত ১১২ পুম্নমক্তা পাকথোক চাউথোকহল্লগনি।

মসিগা লোয়ননা নেস্নেল লোজিস্তিক্স পোলিসী (এন.এল.পি.) অসি য়ুনিফাইদ লোজিস্তিক্স ইন্তরফেস প্লেতফোর্ম (য়ু.এল.আই.পি.) গী খুত্থাংদা লোজিস্তিক্স ইন্তিগ্রেসনবু মপাঙ্গল কনখৎহল্লি। মসিনা মন্ত্রালয় ১১গী সিস্তেম ৪৪ শম্নহল্লি, দেতা ফিল্দ ২,০০০ কভর তৌরি, কম্পেনী ১,৭০০ হেনবদা মতেং পাংলি, অমসুং এ.পি.আই. ত্রাঞ্জেক্সন করোর ২০০ তৌবা ঙমহল্লি।

ইন্দস্ত্রীএল কোরিদোর প্রোজেক্তশিংনা ধোলেরা অমসুং গ্রেতর নোইদাগুম্বা শহরশিংদা থবক পায়খৎপা হৌখ্রে। ইন্দস্ত্রীএল প্লোৎ ৩৫০গী অয়াবা পীখ্রে অমসুং লুপা কোতি লাখ ২.০২গী ইনভেস্তমেন্ত তৌখ্রে। মসিনা মেত্রোশিংগী ৱাংমদা অনৌবা মেন্যুফেকচরিং হবশিং শেমগৎপদা মতেং পাংলি।

মসিগী খোঙথাংশিং অসিনা লৈবাক অসিদা মেন্যুফেকচরিং কম্পিতিতিবনেস মপাঙ্গল কনখৎহন্নবা কোওর্দিনেৎ তৌরবা খোঙথাং অমা উৎলি। ইমপ্লিমেন্তেসনগী খোংজেল য়াংনা চংশিল্লকপগা লোয়ননা, থৌরাংশিং অসিনা ইন্দস্ত্রীএল কেপাসিতী হেন্না চেৎশিলহল্লগনি, মালেমগী চাংদম্নবগী মতিক হেনগৎহল্লগনি, অমসুং মেন্যুফেকচরিংনা লুচিংবা শেন্মিৎলোনগী গ্রোথপু মতেং পাংগনি হায়না পানরি।

ৱারোইশিন

২০২৬-২৭গী কেন্দ্রগী বজেৎতা পনখিবা মরুওইবা কার্তাভিয়া অহুমদা য়ুম্ফম ওইবা আত্মনির্ভরতা অমসুং সঙ্কলপকী সরকারগী ভিজনগী লমজিং মখাদা ভারতকী মেন্যুফেকচরিং সেক্তরনা চাউখৎপগী অনৌবা তাঙ্কক অমদা চঙশিল্লি। কম্পিতিতিবিতী, তেক্নোলোজী শিজিন্নবা, সপ্লাই চেন ইন্তিগ্রেসন, অমসুং স্কিল দিবেলপমেন্ততা লেপ্তনা মীৎয়েং থম্বা অসিনা মেনুফেকচরিংবু গ্রোথকী সস্তেনেবল ইঞ্জিন অমা ওইনা লেপথোকপদা মতেং পাংলি।

পুম্নমক অসি পুন্সিন্নদুনা, লাক্কদৌরিবা চহিশিংদা মালেমগী থাক্তা চাংদম্নবা ঙম্বা, রেসিলিয়েন্ত ওইবা অমসুং মশা মথন্তা থাজবা লৈবা ইকোনোমিক পাৱরহাউস অমা ওইবগী মায়কৈদা ভারতকী খোঙচৎ অসিদা মেন্যুফেকচরিংবু মরুওইবা মফমদা থম্লি।

রিফরেন্স

শেল-থুম মন্ত্রালয়

https://www.indiabudget.gov.in/economicsurvey/doc/echapter.pdf

https://www.indiabudget.gov.in/doc/budget_speech.pdf

https://www.indiabudget.gov.in/doc/impbud2025-26.pdf

কম্মর্স অমসুং ইন্দস্ত্রী মন্ত্রালয়

https://eaindustry.nic.in/eight_core_infra/eight_infra.pdf

https://www.pib.gov.in/PressNoteDetails.aspx?id=155242&NoteId=155242&ModuleId=3&reg=3&lang=2

স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয়

https://www.pib.gov.in/PressReleasePage.aspx?PRID=2219602&reg=3&lang=2

রিজর্ব বেঙ্ক ওফ ইন্দিয়া

https://rbidocs.rbi.org.in/rdocs/Publications/PDFs/IOSR111OCT0120257B0D827F5D6C4B9B9A625D35985D8649.PDF

অতোপ্পা রিলিজশিং

https://www.pmi.spglobal.com/Public/Home/PressRelease/cf844f6598f24d3d97639f641b315fca

PDF তা য়েংবীয়ু

***