पत्र सूचना कार्यालय

কনেক্তিবিতী শাগৎপা: ভারতকী তনেলশিংগী ৱারী

ভারত্তা তনেলশিং অসি ইনফ্রাস্ত্রকচর দিবেলপমেন্ততগী হেন্না চাউই। মখোয়না জিওগ্রাফিকেল ওইবা শিংনবশিং কোকহন্নবা লৈবাক অসিগী ফিরেপ অদু উৎলি। মতম অমদা কনেক্তিবিতীগী খুদোংচাবদি লৈরমদবা চীংশিং অমসুং লমদমশিং ককথৎতুনা, তনেলশিংনা চহি চুপ্পগী ত্রান্সপোর্তেসন তৌবা ঙমহল্লি। মখোয়না অরাপ্পা মফমশিংদা চঙবা ঙম্বসু হেনগৎহল্লি অমসুং কম্ম্যুনিতীশিংগী মরক্তা লৈনরিবা মরীশিং মপাঙ্গল কনখৎহল্লি। স্ত্রেতেজিক হিমালয়ান তনেলশিংদগী হৌরগা অর্বান মেত্রো নেতৱর্ক ফাওবা, প্রোজেক্তশিং অসিনা ভারতনা মী, পোৎলম অমসুং রিসোর্সশিং চৎথোক চৎশিন তৌবগী মওং অসি শেমদোক্লি। মোদর্ন ইঞ্জিনীয়রিং অমসুং ইন্নোবেতিব প্লান্নিং শিজিন্নদুনা শাবা তনেলশিং অসিনা শেন্মিৎলোন চাউখৎপা, নেস্নেল সেক্যুরিতী অমসুং রিজনেল দিবেলপমেন্তদা মরু ওইবা থৌদাং অমা লৌরি। মখোয়না হেন্না মরী লৈনরবা অমসুং মপাঙ্গল লৈরবা লৈবাক অমা শেমগৎলি।

নেস্নেল হায়ৱে পাকথোক চাউথোকহনবগা লোইননা ভারতকী তনেলশিং শেমগৎপগী থবক অসি স্ত্রেতেজিক ওইবা ঙমখৈগী ইনফ্রাস্ত্রকচর, মেত্রো রেলগী খুমাং চাওশিল্লকপা, বুলেট ত্রেন কোরিদোরশিং অমসুং অরাপ্পা লমদমশিংদা মতম পুম্নমক্তা কনেক্তিবিতীগী থৌরাংশিংগা লোইননা চংশিল্লি। ইনফ্রাস্ত্রকচর পাকথোক চাউথোক্লকপগা লোয়ননা, তনেলশিং শাবা অসি খ্বাইদগী য়াঙনা চাউখৎলক্লিবা কন্সত্রক্সনগী লমশিংগী মনুংদা অমা ওইরক্লি।

তনেল ইনফ্রাস্ত্রকচর অসি করিগীদমক হান্নদগী হেন্না মরু ওইরিবনো

তনেলশিংনা ভারতকী চাউখৎ-থৌরাংগী মেপপু খোঙজেল য়াংনা শেমগৎলি। ত্রেদিস্নেল ত্রান্সপোর্তকী লম্বীশিংদা হেন্না ফবা অশোই অঙাম য়াওদবা অমসুং সস্তেনেবল ওইবা অতোপ্পা লম্বীশিং পীরি। মখোয়গী ইম্পেক্ত অসি ইঞ্জিনীয়রিংগী ৱাংমদা হেন্দোক্লি। মখোয়না রিজনেল দিবেলপমেন্ত কেতালাইজ তৌই, স্ত্রেতেজিক ওইবা শেম-শারিবা হেনগৎহল্লি, অমসুং মীওই মিলিয়ন কয়াগী নুংতিগী পুন্সি মহিং ফগৎহল্লি।

ভারতকী তনেল তেক্নোলোজী চাউখৎলকপা

হৌখিবা চহী তরা অসিদা, ভারতকী তনেল শেম্বগী তৌবা ঙম্বগী চাং অসি হোংলক্লি। মসি ত্রেদিস্নেল দ্রিল-এন্দ-ব্লাস্ত মেথদতগী সোফিস্তিকেতেদ তেক্নোলোজীদা খুমাং চাউশিল্লে। মসিনা হেন্না থুনা, হেন্না সেফ ওইবা, অমসুং হেন্না কমপ্লেক্স ওইবা অন্দরগ্রাউন্দ কন্সত্রক্সন অমা ওইহল্লি। হৌজিক্কী মতমগী প্রোজেক্তশিং অসি অৱাংবা থাক্কী জিওলোজিকেল মেপ্পিং অমসুং রিয়েল-তাইম মোনিতরিং সিস্তেমশিংদা য়ুম্ফম ওই, মসিনা ইঞ্জিনীয়রশিংদা অরুবা ফিভমশিংদা ফাওবা অশাংবা অমসুং অরুবা তনেলশিং হুৎপা য়াহল্লি।

হৌজিক মতমগী ভারতকী তনেলশিং অসি হায়-তেক, সেফতী-ইন্তিগ্রেতেদ কোরিদোরশিং ওইনা দিজাইন তৌদুনা ইঞ্জিনীয়র তৌরবা ভেন্তিলেসন সিস্তেমশিং, ইমর্জেন্সী ইস্কাইপ রুটশিং, মৈ চাকপগী য়ুনিৎশিং, এল.ই.দি লাইতিং, সি.সি.তি.ভি. সর্ভিলেন্স, অমসুং সেন্ত্রেলাইজ তৌরবা তনেল কন্ত্রোল রুমশিং লৈ। মোদর্নাইজেসন অসিনা ওপরেস্নেল রিলাইএবিলিতী অমসুং দিজাস্তর রেদিএন্স অনিমক য়াম্না ফগৎহল্লে।

ভারতকী তনেল রিভোলুসনগী মরুওইবা তেক্নোলোজীশিং

• তনেল বোরিং মেছিনশিং (তি.বি.এম.শিং)

মেত্রো নেৎৱর্কশিং অমসুং অশাংবা রেল/ রোদ তনেলশিংদা পাক শন্না শীজিন্নরিবা, TBMশিংনা অৱাংবা প্রিসিজন, হন্থবা ভাইব্রেশন, অমসুং মী কুংনা তাবা অমসুং জিওলোজিকেল্লি কমপ্লেক্স ওইবা মফমশিংদা অহেনবা সেফতী পী।

• ন্যু ওস্ত্রীয়ন তনেল মেথদ (এন.এ.তি.এম.)

হিমালয়াদা পাক শন্না শিজিন্নরিবা, NATMনা ইঞ্জিনীয়রশিংদা রিয়েল তাইমদা এক্সকেভিং সপোর্তপু এদাপ্ত তৌবা য়াহল্লি, মসিনা মসি ভেরিএবল অমসুং ফ্রেজিল রোক ফোর্মেশনগীদমক্তা খ্বাইদগী ফবা ওইহল্লি।

• ইন্তিগ্রেতেদ তনেল কন্ত্রোল সিস্তেমশিং (আই.তি.সি.এস.)

মোদর্ন রোদ তনেলশিংগীদমক্তা য়াম্না মরু ওইরিবা, আই.তি.সি.এস.না ভেন্তিলেসন কন্ত্রোল, ফায়র দিতেক্সন, কম্ম্যুনিকেসন নেৎৱার্কশিং, সি.সি.তি.ভি. অমসুং ইমর্জেন্সী মেনেজমেন্তবু সেন্ত্রেলাইজ তৌরবা দিজিতেল প্লেৎফোর্ম অমদা পুন্সিন্দুনা ২৪/৭ সেক্যুরিতী লৈহল্লি।

ভারতকী লেন্দমার্ক তনেলশিং: মোদর্ন ইনফ্রাস্ত্রকচর মশক তাকপা

ভারতকী ইনফ্রাস্ত্রকচর পাকথোক চাউথোকপা অসিনা লৈবাক অসিদা মী অমসুং পোৎলমশিং মতৌ করম্না চত্থগদগে হায়বদু নৌনা ৱাহন্থোক পীবা মশক থোকপা তনেল কয়া অমা শেমগৎলক্লি। তনেল খুদিংমক অসি ইনোবেসন অমসুং অচৌবা স্কেল অমদা প্রোব্লেম সোল্বিংগী খুদম অমনি।

অতল তনেল

পির পাঞ্জল রেঞ্জগী উন মরাং কায়না তাবা চীংশিংগী মখাদা লৈবা অতল তনেল অসি কি.মি. ৯.০২ শাংই, মসিনা রোহতাং পাসবু লান্না চৎপা অৱাংবা লম্বী অমা ওইরি। মসি লোইশিনখিবনা কনেক্তিবিতীদা অহোংবা পুরক্লে। মসিনা মনালি অমসুং লাহৌল স্পিতীগী তুরেলগী মরক্তা চহী চুপ্পা চত্থোক চৎশিন তৌবা ঙমহল্লে। তনেল অসিগী স্ত্রেতেজিক ওইবা মরুওইবা অসিসু খুদোংচাদবা চীংগী ফিভমশিংদা সিভিলিয়ানশিং অমসুং দিফেন্সকী লান্মীশিংগী চপ মান্নবা মওংদা সেফ ওইবা, থাজবা য়াবা য়াওরি। মসি ৱার্ল্দ বুক ওফ রেকোর্দস য়ু.কে.না ২০২২দা ফুট ১০,০০০গী মথক্তা লৈবা মালেমগী খ্বাইদগী শাংবা হায়ৱে তনেল ওইনা ওফিসিএল ওইনা শকখঙখি। তনেল অসিনা মনালি সরচুগী অরাপ্পা অসি কিলোমিতর ৪৬ হন্থহনখ্রে অমসুং চৎপগী মতমসু পুং মরিদগী মঙা ফাওবা হন্থহনখ্রে। হিমালয়গী অরুবা ফিভমদা শাখিবনি, মফম অদুদা অইং অশাগী চাং অসি -২৫°C ফাওবা হন্থখি অমসুং তনেলগী মনুংথংবা শরুক অসি করিগুম্বা মতমদা ৪৫°C য়ৌখি, মসিগী কন্সত্রক্সন অসিনা অখন্নবা রেসিলিয়েন্স অমা মথৌ তাখি। ইঞ্জিনীয়রশিংনা অরুবা জিওলোজী, মতম অমদা তনেল অসিদা ঈশিং ঈচাও থোকখিবা সেরি নালাগী ঈচাউ, অৱাংবা ওভরবোর্দর, অমসুং অকনবা তুংশাং থেংনখি। হায়রিবা পুম্নমক অসি বোর্দর রোদস ওর্গনাইজেসন (বি.আর.ও.) গী কৎথোক্লবা কার্ম্যোগিশিংনা মায় পাক্না মায়োক্নখি।

জে-মোরহ/সোনামার্গ তনেল

সমুদ্রগী অৱাংথংবা ফিৎ ৮,৬৫০ হেনবদা লৈবা চীংশিংগী মরক্তা শাবা কিলোমীতর ১২ শাংবা ইঞ্জিনীয়রিংগী থবক ওইরিবা সোনামর্গ তনেল অসিনা জম্মু অমসুং কাশ্মীরদা চৎথোক-চৎশিনদা অহোংবা পুরক্লগনি। মসি লুপা করোর ২,৭০০গী শেনফমদা শাখ্রে। মসিগী মনুংদা কিলোমিতর ৬.৪গী মপুং ওইবা তনেল অমা, থোরকপগী তনেল অমা, অমসুং মোদর্ন এপ্রোচ রোদশিং য়াওরি। মসিনা শ্রীনগর অমসুং সোনামার্গকী সনাগী লৈহাওগী মরক্তা অমসুং মখা তানা লদাখকী মায়কৈদা মতম পুম্নমক্তা চৎপা য়াবা লাইফলাইন অমা শেম্লে। অয়ুক-নুংথিল, উন-নুংশিৎ, নৎত্রগা নোং কন্না চুবনা লমদম অসিবু ককথৎকনি। তনেল অসিনা অচৌবা হোস্পিতালশিংদা খুদোংচাবা ফংহন্নবা অমসুং তঙাই ফদবা পোৎলমশিং ফংহন্নবা লম্বী অসি হাংদুনা থম্লি। হিমালয়গী জিওলোজীদা চেলেঞ্জ অমা ওইহন্নবগীদমক্তা ন্যু ওস্ত্রিয়ান তনেল মেথদ (এন.এ.তি.এম.) শীজিন্নদুনা শাখিবা তনেল অসি তেক্নোলোজীগী মরুওইবা মাইলস্তোন অমনি। মসিদা পব্লিক এদ্রেস সিস্তেম, ইলেক্ত্রিকল ফায়র সিগ্নেলিং সিস্তেম, রেদিও রি-ব্রোদকাস্ত সিস্তেম (এফ.এম.), দাইনেমিক রোদ ইনফোর্মেসন পেনেল (দি.আর.আই.পি.), অসিনচিংবা এদভান্স সিস্তেমশিংগা লোয়ননা ইন্তিগ্রেতেদ তনেল মেনেজমেন্ত সিস্তেম (আই.তি.এম.এস.) অমা য়াওরি। মসি পুং অমদা গাড়ী ১,০০০ রোম য়েংশিনবা ঙম্নবা দিজাইন তৌই। লাক্কদৌরিবা জোজিলা তনেল (২০২৮) অসিগা পুন্সিন্নরবা মতুংদা, খোঙচৎ অসি কিলোমীতর ৪৯দগী কিলোমীতর ৪৩দা হন্থরক্কনি, মসিগী খোঙজেল অসি কিলোমীতর ৩০দগী কিলোমীতর ৭০দা হেনগৎলক্কনি, মসিনা ঙাকশেলগী লোজিতিক্স, হিথাংবগী তুরিজম, এদভেঞ্চর স্পোর্তস, অমসুং হায়রিবা চীংশিং অসি য়ুম্নি হায়না কৌরিবা মীওইশিংগী পুন্সি মহিং হেনগৎহল্লগনি।

সেলা তনেল

অরুনাচল প্রদেশকী ইতানগরদা 'ভিক্সিৎ ভারত বিক্সিৎ নোর্থ ইস্ত' প্রোগ্রামগী মনুংদা লৈবাক মীয়ামদা কত্থোকখিবা সেলা তনেল অসি তেজপুর-তৱাং লম্বীদা বি.আর.ও.না ফুট ১৩,০০০ ৱাংনা শাখ্রে। তনেল অসি লুপা করোর ৮২৫ চংনা শাখ্রে। মসিনা ঈশিং-নুংশিৎকী ফিভম পুম্নমক্তা কনেক্তিবিতী লৈহল্লগনি অমসুং ঙমখৈগী লমদম অসিদা সোসিও-ইকোনোমিক গ্রোথ হেনগৎহন্দুনা আর্মদ ফোর্সেসকীদমক্তা অচৌবা স্ত্রেতেজিক ভেল্যু অমা লৈহল্লগনি। ন্যু ওস্ত্রিয়ান তনেল মেথদ (NATM) শিজিন্নদুনা শাখিবনি, মসিনা মতৌ করম্না পুক্নিং চিংশিনবা অমসুং লমদমসিগী ওইবা থৌদাংনা অরাপ্পা চীংগী কম্ম্যুনিতীশিংগী তুংলমচৎপু অমুক হন্না শেমদোকপা ঙম্বগে হায়বগী শক্তি লৈরবা নিংশিংনিঙাই অমা ওইনা লৈরি।

বানিহল কাজিগুন্দ রোদ তনেল

বানিহল কাজিগুন্দ রোদ তনেল অসি লুপা ক্রোর ৩,১০০ হেনবগী শেনফম্না শাবা, জম্মু অমসুং কাশ্মীরগী মরক্তা কনেক্তিবিতী য়াম্না ফগৎহন্নবা দিজাইন তৌখিবা কি.মি. ৮.৪৫ শাংবা ত্যুব তনেল অমনি। তনেল অসিনা বানিহল অমসুং কাজিগুন্দগী মরক্তা লৈরিবা লম্বীগী অরাপ্পা অসি কি.মি. ত্রাফিক্কী মায়কৈ অমমমগী ওইনা তোঙান তোঙানবা ত্যুব অনিগা লোয়ননা শাখিবা তনেল অসি মেনতেন্সন অমসুং ইমর্জেন্সী ইভেক্যুএসন লাইথোকহন্নবগীদমক্তা মিতর ৫০০ খুদিংগী ক্রোস পাসেজশিংনা অমগা অমগা শম্নৈ। মসিনা মতম পুম্নমক্তা চৎপা য়াবা লম্বীগী লিঙ্ক অমা লিংখৎলে, মসিনা লমদম অনি অসি হেন্না নকশিন্নহল্লি অমসুং এক্সেসিবিলিটি হেনগৎহল্লি।

দোক্তর শ্যামা প্রসাদ মুকরজী তনেল

জম্মু অমসুং কাশ্মীরদা মমাংঙৈদা চেন্নানি - নাশ্রি তনেল হায়না খঙনরম্বা দোক্তর শ্যামা প্রসাদ মুকরজী তনেল অসি উধামপুর অমসুং রামবনগা শম্নহল্লিবা কি.মি. ৯ শাংবা, দবল-ত্যুব, নুংশিৎকী ফিভম পুম্নমক্তা শিজিন্নবা য়াবা লম্বীগী তনেল অমনি। হিমালয়গী অরুবা লমদম অমদা চাউরাক্না মিতর ১,২০০গী ৱাংমদা শাখিবা অসিনা জম্মু অমসুং শ্রীনগরগী মরক্তা চৎথোক-চৎশিন তৌবদা চংগদবা মতম পুং অনি হন্থহনখ্রে। তনেল অসিদা এদভান্স ভেন্টিলেসন, সেফটি অমসুং ইন্তেলিজেন্ত ত্রাফিক সিস্তেমশিং লৈরি। মখোয়শিং অসি মপুং ফানা ইন্তিগ্রেতেদ কন্ত্রোল মেকানিজম অমগী খুত্থাংদা মীওইবগী ইন্তর্ভেন্সন খরা য়াওদনা অমসুং সেক্যুরিতীগী থবকশিংগা লোয়ননা মথৌ তৌহল্লি। মেক ইন ইন্দিয়া অমসুং স্কিল ইন্দিয়া ইনিসিয়েতিবশিংগা মরী লৈননা শেমগৎলকপা, মফম অদুগী মীয়ামগী স্কিল সেৎশিং ফগৎহনখিবা অমসুং মখোয়বু তনেল অসি শাবদা শরুক য়াহনখিবা। প্রোজেক্ত অসিনা মফম অদুগী শিন্মী ২,০০০ হেনবদা থবক পীখি। মসিগী মনুংদা শিন্মীশিংগী চাদা ৯৪দি জম্মু অমসুং কাশ্মীরদগীনি।

USBRL প্রোজেক্তকী মখাদা তনেল T৫০

তনেল T৫০ অসি জম্মু অমসুং কাশ্মীরদা লৈবা খারি অমসুং সম্বরগা শম্নহল্লিবা কি.মি. ১২.৭৭ শাংবা ইঞ্জিনীয়রিংগী থবক অমনি। মসি উধমপুর-শ্রীনগর-বারামুলা রেল লিঙ্ক (য়ু.এস.বি.আর.এল.) প্রোজেক্তকী মখাদা শাবা ভারতকী খ্বাইদগী শাংবা ত্রান্সপোর্তেসন তনেল অমনি। মসিনা কাশ্মীর ভেলী অমসুং লৈবাক অসিগী অতৈ মফমশিংগী মরক্তা মরু ওইবা রেল লাইফলাইন অমা শেম্মী। ন্যু ওস্ত্রিয়ান তনেলিং মেথদ শিজিন্নদুনা শাখিবা, মসিনা ক্বার্তজাইত অমসুং গনেসতগীনা ফাইলাইত ফাওবগী ওইবা অরুবা জিওলোজিগী মরক্তা থুগাইরি, ইঞ্জিনীয়রশিংনা অৱাংবা ঈশিং চংলকপা, লম খোংবা, শিয়র জোনশিং অমসুং জোইন্ত ভোল্কেনিক রোকশিংবু মায়থিবা পীরি। তনেল অসিদা সেক্যুরিতীগীদমক্তা মীতর ৩৭৫ খুদিংদা শম্নবা, মান্নবা এস্কাইপ তনেল অমগা পেরেলেল ওইবা মপুং ওইবা ত্যুব অমা য়াওরি। সি.সি.তি.ভি. কেমেরাশিং মীতর ৫০ খুদিংদা থম্বা অমসুং সেন্ত্রেল কন্ত্রোল রুমদগী য়েংশিনবা হেনগৎহন্দুনা, তি.৫০ অসি সেক্যুর, সেমলেস রেল ওপরেসনশিংগীদমক দিজাইন তৌবনি।

কলকাতাগী অন্দরৱাতর মেত্রো তনেল

তনেল প্রোজেক্তশিংগী ভারতকী মথংগী ৱেব

তনেলশিংগী অনৌবা জেনরেসন অমা শেম শারে। লাক্কদৌরিবা প্রোজেক্তশিং অসিনা লৈবাক অসিনা মতৌ করম্না চংশিনবগে অমসুং কনেক্ত তৌবগে হায়বদু নৌনা মশক তাকপদা মতেং পাংগনি হায়না থাজবা পীরি। মখাদা পীরিবা লাক্কদৌরিবা প্রোজেক্তশিং অসিনা হৌজিক পায়খৎলিবা খোংথাংশিং অসিগী পাক চাউবা মশক অমা উৎলি।

জোজিলা তনেল

জোজিলা তনেল অসি ভারতকী ইনফ্রাস্ত্রকচর লেন্দস্কেপতা য়াম্না চাউবা এচিবমেন্ত অমা ওইরক্লি। মসিনা হিমালয়াগী খ্বাইদগী চাউবা রোক ফোর্মেশন খরগী মরক্তা চঙদুনা লদাখ অমসুং লৈবাক অসিগী অতৈ শরুকশিংগী মরক্তা থাজবা য়াবা, নুংশিৎকী ফিভম পুম্নমক্তা শম্নহল্লি। কিলোমিতর ১২ রোম শুরবা প্রোজেক্ত অসিদা অওনবা পুরকপা সেক্যুরিতীগী থৌরাংশিং অমসুং চীংশিংগী অরাপ্পা মফমশিংদা এয়র ফ্লো লেপ্তনা লৈহন্নবা দিজাইন তৌরবা সেমি-ত্রান্সভর্সেল ভেন্টিলেসন সিস্তেম অমা য়াওরি। প্রোজেক্ত অসিদা ন্যু ওস্ত্রিয়ান তনেল মেথদ শিজিন্নদুনা শাবা স্মার্ত তনেল (SCADA) সিস্তেম অমা য়াওরি। সি.সি.তি.ভি. য়েংশিনবা, রেদিও কন্ত্রোল, থিংজিল্লক্তবা পাৱর সপ্লাই, অমসুং ভেন্তিলেসন সিস্তেমগুম্বা ফেসিলিতীশিংগা লোয়ননা মসি ফজনা লৈ। প্রোজেক্ত অসিদা মোদর্ন তেক্নোলোজী শিজিন্নবনা সরকারগী ওইনা লুপা করোর ৫,০০০ হেন্না কনবা ঙমখ্রে। লোইশিনরবা মতুংদা, মসিগী এম্বিসিয়স ওইবা থবক অসি ভারতকী খ্বাইদগী শাংবা রোদ তনেল অমসুং এসিয়াগী খ্বাইদগী শাংবা বাই-দাইরেক্সনেল তনেল ওইগনি। মসিনা মসিগী নেস্নেল ইম্প্লানেন্স অদু মপাঙ্গল কনখৎহল্লগনি। ফুট ১১,৫৭৮গী অৱাংবদা লৈবা অমসুং কিলোমিতর ৩০ হেন্না শাংবা প্রোজেক্ত অসি ২০২৮দা লোইশিন্নবা ত্রেক তৌরি। শ্রীনগর কারগিল লেহ নেস্নেল হায়ৱেগী মরুওইবা শরুক অমা ওইনা, মসিনা লমদম অসিদা সিবিলিয়ন অমসুং মিলিতরী অনিমক্কী চৎথোক-চৎশিন হেনগৎহনগনি হায়না থাজবা পীরি।

মুম্বাই-অহমেদাবাদ হাই-স্পিদ রেল তনেল

ভারতকী মুম্বাই-অহমেদাবাদ হাই স্পীদ রেল কোরিদোরনা মসিগী কিলোমিতর ৪.৮ শাংবা সমুদ্রগী মখাগী তনেল সেক্সনদা থোইদোক হেন্দোকপা খোংথাং অমা পায়খৎলে। মসি লৈবাক অসিগী অহানবা বুলেট ত্রেনগী লম্বীগী মশক থোকপা মশক অমনি। গানসোলী অমসুং শিলফাটাগী অরোইবদগী মতম অমত্তদা পুথোকখিবা তনেল অসিনা অখন্নবা শিংনবশিং থোকহল্লি। ভারতকী ইঞ্জিনীয়রিংগী পুৱারীদা মশক থোকপা অমা ওইনা শকখঙনরিবা অসিগুম্বা মাইপাকপা অমা ফংনবা হোৎনবদা তীমশিং অসিনা অরুবা ঈশিংগী মখাদা লৈবা লমদমদা চংশিনখি। প্রোজেক্ত অসিনা মপুং ফাবা সেক্যুরিতীগী খোঙথাংগা লোয়ননা এদভান্স ওইরবা ন্যু ওস্ত্রিয়ান তনেল মেথদ (NATM) শিজিন্নরি। সিঙ্গল-তিউব তেক্নোলোজী শীজিন্নদুনা দিজাইন তৌখিবা অমসুং হাই-স্পীদ ত্রেন অনি পুবা ঙম্বা, তনেল অসিনা খ্বাইদগী নৌবা রেল কন্সত্রক্সনদা মাংজিল থারি অমসুং মসিনা ইন্দিয়াগী মথংগী জেনরেসনগী ত্রান্সপোর্ত ইনফ্রাস্ত্রকচরদা ইনোভেসন পীরি।

রিশিকেশ-কর্নাপ্রয়াগ ন্যু রেল লাইন প্রোজেক্ত তনেলশিং

উত্তরাখন্দদা লৈবা ঋষিকেশ-কর্নাপ্রয়াগ রেলৱে লাইন অসি ভারতকী হিমালয়দা লৈবা তনেলগী প্রোজেক্ত অমনি। চাউরাক্না কি.মি. ১২৫ শাংবা, এলাইনমেন্ত অসিনা জিওলোজিকেল্লি কমপ্লেক্স ওইবা অমসুং অকোইবগী ফিভমদা সেন্সিতিব ওইবা হিমালয়গী লমগী শরুক খরা লান্না চেনশিল্লি। মসিনা প্রোজেক্ত অসি তনেলদা য়ুম্ফম ওইবা ওইহনখি। মসিদা অপুনবা কিলোমীতর ১০৫ রোম শাংবা মরুওইবা লাইন তনেল ১৬ অমসুং কিলোমীতর ৯৮ রোম শাংবা পেরেলেল এজেজ তনেল ১২ য়াওই। পুন্না কিলোমীতর ২১৩গী তনেলশিং শানবা কিলোমীতর ১৯৯ লোইশিনখ্রে। প্রোজেক্ত অসিগী মরুওইবা তেক্নোলোজিকেলগী মাইলস্তোন অমা হায়রগদি ভারতকী রেলৱেজদা অহানবা ওইনা হিমালয়গী জিওলোজিদা তনেল বোরিং মেছিন (তি.বি.এম.) অমা শীজিন্নবা হায়বসিনি। মসি কিলোমীতর ১৪.৮ শাংবা তনেল T-৮দা শীজিন্নৈ, মফম অসিদা মায় পাক্না মায় পাকপা অমা ফংলে। সেফটি অমসুং লোং-টর্ম স্তেবিলিটি লৈহন্দুনা ইকোলোজিকেল ইম্পেক্ত অসি খ্বাইদগী হন্থহন্নবা এদভান্স তৌরবা তনেলগী তেক্নিকশীং অমসুং লেপ্তনা মোনিটরিং তৌবগী থৌওং শিজিন্নরি। মসিনা রিশিকেশ-কর্নাপ্রয়াগ তনেলশিং অসি ভারত্তা অৱাংবা থাক্কী রেলৱে তনেল শেম্বগী মশক থোকপা খুদম অমা ওইহল্লি।

তনেলগী অরোইবদা মঙাল অমা উবা

ভারতকী তনেল ইনফ্রাস্ত্রকচর অসিনা স্মার্তর অমসুং হেন্না রেসিলিয়েন্ত দিবেলপমেন্তকী মায়কৈদা অহোংবা পুরকপগী মশক অমা উৎলি। প্রোজেক্তশিং অসিনা মতম শাংনা লৈরক্লবা কনেক্তিবিতীগী শিংনবশিং কোকহল্লগনি অমসুং ইকোনোমিক গ্রোথ অমসুং নেস্নেল প্রাইওরিতীশিং শৌগৎকনি। তেক্নোলোজী অমসুং এক্সিক্যুসনদা খুমাং চাওশিল্লকপনা ভারতকী কমপ্লেক্স ওইবা লমদমশিংদা সেফ ওইনা শাবগী তৌবা ঙম্বদু মপাঙ্গল কনখৎহল্লে। অনৌবা তনেলশিং অসি শিজিন্নবা হৌরকপগা লোয়ননা মখোয়না মোবিলিতী, থাজবা য়াবা অমসুং রিজনেল ইন্তিগ্রেসন ফগৎহনগনি। পুন্না, মখোয়না জিওগ্রাফি অসিনা খুমাং চাওশিনবদা অথিংবা লৈতবা তুংলমচৎ অমগী খুদম ওইরি।

রিফরেন্স

রেলৱে মন্ত্রালয়

https://www.pib.gov.in/PressReleasePage.aspx?PRID=২১৬৮৯৭৯&reg=৩&lang=২

https://www.pib.gov.in/PressReleasePage.aspx?PRID=২১৫০২৯৩

Ministry of Road Transport and Highways

https://www.nhidcl.com/en/blog/sonamarg-tunnel-step-towards-regional-prosperity

https://www.pib.gov.in/PressReleaseIframePage.aspx?PRID=১৯১৫২৭১

https://www.pib.gov.in/PressReleasePage.aspx?PRID=১৪৮৬৩২৫&reg=৩&lang=২

https://www.pib.gov.in/PressReleasePage.aspx?PRID=১৫৮৯০৮০&reg=৩&lang=২

ঙাকশেল মন্ত্রালয়

https://www.pib.gov.in/PressReleasePage.aspx?PRID=১৭৯৬৯৬১

https://www.pib.gov.in/PressReleaseIframePage.aspx?PRID=২০১২৯৬২&reg=৩&lang=২

স্তীল মন্ত্রালয়

https://www.pib.gov.in/PressReleasePage.aspx?PRID=২১৪৬৩২১&reg=৩&lang=২

প্রধান মন্ত্রীগী লোইশঙ

https://www.pib.gov.in/PressReleasePage.aspx?PRID=২০৯২৪৬৮&reg=৩&lang=২

https://www.pib.gov.in/PressReleaseIframePage.aspx?PRID=১৮১৯১৯৩&reg=৩&lang=২

প্রেস ইনফোর্মেসন ব্যুরো

https://www.pib.gov.in/PressNoteDetails.aspx?NoteId=১৫৪৫৫৩&ModuleId=৩&reg=৩&lang=২

https://www.pib.gov.in/PressNoteDetails.aspx?NoteId=১৫৫০০২&ModuleId=৩&reg=৩&lang=২

https://www.pib.gov.in/PressNoteDetails.aspx?NoteId=১৫৪৬২৪&ModuleId=৩&reg=৬&lang=১

অতোপ্পা লিঙ্কশিং

https://www.pib.gov.in/PressReleseDetailm.aspx?PRID=১৫৮৩৭৭৯&reg=৩&lang=২

https://ladakh.gov.in/ladakh-chief-secretary-reviews-zojila-tunnel-progress-১২-km-completed-project-on-track-for-২০২৮-finish/

https://marvels.bro.gov.in/AtalTunnel

https://marvels.bro.gov.in/BROMarvels/SelaTunnel

পি দি এফ ফাইলগীদমক মফম অসিদা নম্বীয়ু

***