पत्र सूचना कार्यालय

ৱাহৌদোক

সৌরাস্ত্র সোম্নাথ চ শ্রীশেলে মল্লিকার্জুনম ।

উজনিয় মহাকালম ॐ কারমমলেশ্বরম ।

দ্বাদশা জ্যোতির্লিঙ্গ স্তোত্রমগী হৌরকপা ৱাহৈ অসিনা সোমনাথপু গুজরাত্তা, অশেংবা জ্যোতির্লিঙ্গ তরামঙাগী হৌরকফমদা থম্মী, মসিনা ভারতকী স্পিরিচুএল হেরিতেজদা মসিগী মফম অদু তাক্লি। মসিনা ভারতকী স্পিরিচুএল জিওগ্রাফিগী য়ুম্ফমদি সোমনাথনি হায়বা সিভিলাইজেস্নেলগী থাজবা অদু উৎলি। গুজরাতকী ভেরাভলগী মনাক্তা প্রভাস পতান্দা লৈবা সোমনাথ অসি লাইনিং লাইশোনগী মফম অমা খক্তা নত্তনা ভারতকী সিভিলাইজেস্নেল কন্তিন্যুতীগী অহিংবা খুদম অমনি।

চহি চা কয়াগী মমাংদগী, সোমনাথ অসিদা মীওই কোতি কয়ানা ইকায় খুম্নখি অমসুং লাই খুরুমজখি। লাইং নিংগে খন্দবা অদুবু মাঙহন তাকহনবগী পান্দম থম্বা মীওই কয়ানা মসিদা লেপ্তনা লান্দাদুনা লাকখি। অদুবু, সোম্নাথকী ৱারী অসিদি থৌনা, থাজবা অমসুং লাই নিংজবশিংগী ৱারেপ্না তাক্লি।

স্বাভিমান  পর্ব: পুন্না চাউথোকমিন্নবগী লৈবাক্কী ৱাফম অমা

সোমনাথ স্বাভিমান পর্ব অসি ২০২৬গী জনুৱারী ৮দগী জানুৱারী ১১ ফাওবা লৈবাক শীনবা থুংনা শীন-লাঙদুনা ১০২৬গী জনুৱারীদা সোমনাথ লাইশঙদা ইহান হানবা ওইনা লান্দারকখিবগী চহি লিশিং মপুং ফারকপগী থৌরম অমা ওইনা পাঙথোক্কদৌরি।

থৌরম অসি মাং-তাকপগী নিংশিংবা ওইনা নত্তে, অদুবু রেসিলিয়েন্স, থাজবা অমসুং সিভিলাইজেসনেল সেল্ফ-রেস্পেক্তকী ইকাই খুম্নবা ওইনা পাংথোক্লি। চহি চা কয়াদগী, সোমনাথ অসি লান্দারকপশিংনা লান্দারক্লি। মখোয়গী পান্দমদি লাইনিং লাইশোনগী মহুত্তা থুগাইবনি। অদুম ওইনমক, দেবী অহল্যা বাই হোলকরগুম্বা ভক্তশিংগী অপুনবা ৱারেপকী খুত্থাংদা লাইশং অসি অমুক হন্না শাগৎখি। নৌনা হিংগৎলকপগী চক্র অসিনা সোমনাথপু ভারতকী সিভিলাইজেসনেল কন্তিন্যুতীগী শক্তি লৈরবা খুদম অমা ওইহল্লে।

২০২৬ অসি হৌজিক লৈরিবা সোমনাথ লাইশঙ অসি নীংতম্বা ফংলবা মতুংদা ১৯৫১গী মে ১১দা ভক্তশিংগীদমক্তা অমুক হন্না হাংদোকখিবা চহি ৭৫ মপুং ফারকপগা চপ মান্নরি। মাইলস্তোন অনি অসিনা পুন্না সোমনাথ স্বাবিমান পর্বগী য়ুম্ফম ওইরি।

নুমিৎ মরিগী পর্বগী মনুংদা, সোমনাথ অসি স্পিরিচুএল এক্তিবিতী, কলচরেল রিফ্লেক্সন অমসুং নেস্নেল রিমেম্বরেন্সকী সেন্তর অমদা ওন্থোকখ্রে। থৌরম অসিগী মরুওইবা মগুন অমা হায়রগদি পুং ৭২গী অখন্দ ওমকর কৌবা, অমত্তা ওইবগী মশক তাকপা অমসুং অপুনবা থাজবা অসিনি। মসিগা লোয়ননা, লাইশঙ শিনবা থুংনা ভোকেস্নেল ম্যুজিক, স্পিরিচুএল দিস্কোর্স অমসুং কলচরেল প্রোগ্রামশিং পাংথোক্লি।

সোমনাথ স্বাভিমান পরব অসি ভারতকী সনাতন সিভিলাইজেস্নেল জর্নিদা চাউথোকচবা, নিংশিংবা অমসুং থাজবগী অপুনবা ফোঙদোকপগী থৌরম অমনি।

পুৱারীগী মরোল: হনবা লৈতনা থেংনরকপগী চহি লিশিং অমা

সোমনাথকী পুৱারীগী ওইবা রুতশিং অসি অরিবা ভারতকী চৎনবীগী মপুং ওইবা মচাকশিংনি। সোমনাথ লৈবা প্রভাস তীর্থ অসি ভগবান শিব অমসুং চন্দ্র, থাগী লাইনা পাংথোকপা লাইনিংগা মরি লৈনৈ। চৎনবীগী মতুং ইন্না, চন্দ্রনা মফম অসিদা ভগবান শিববু ইকায় খুম্নবা উৎখি অমসুং মফম অসিদা চাউরবা স্পিরিচুএলগী মরুওইবা অমা পীদুনা মহাক্কী মরালদগী কোকহনখি।

চহি চা কয়াদগী, সোমনাথ অসি শাবগী থৌওং কয়া উবা ফংখি। মসিগী থৌওং খুদিংমক্না মতমদুগী থৌনা, আর্তিস্ত্রী অমসুং রিসোর্সশিং উৎলি। অরিবা মতমগী ৱারোলশিংনা মফম অসিদা তোঙান তোঙানবা পোৎলমশিং শীজিন্নদুনা শেমগৎখিবা মথং মথং শাগৎলকপা লাইশংশিংবু শন্দোক্না তাক্লি। সোমনাথকী পুৱারীগী খ্বাইদগী অৱাবা তাঙ্কক অসি তরামাপলশুবা চহি চাদা হৌখি।

জানুৱারী ১০২৬দা, গাজনিগী মাহমুদনা সোমনাথতা অহানবা ওইনা লান্দারকখি। মসিনা চহি চা কয়াগী মতুং ইন্না মন্দির অসি অমুক হন্না থুগাইদুনা অমুক হন্না শাগৎলকখিবা মতম শাংনা লৈরম্বা মতমগী হৌরকফম ওইখি। মসিদা নত্তনা, সোমনাথ অসি মীয়ামগী অপুনবা ৱাখলদা লৈরকপা লেপখিদে। লাইশং অদু মাংহনখিবা অমসুং অমুক হন্না শেমগৎখিবা অসি মালেমগী পুৱারীদা অমুক্তা ওইখিদ্রি। মসিনা উৎলি মদুদি সোমনাথ অসি কৈদৌঙৈদসু নুঙগী স্ত্রকচর অমখক্তমক নত্তে, অদুবু মসি থাজবা, মশক অমসুং সিভিলাইজেস্নেল প্রাইদকী অহিংবা মশক অমনি।

কার্তাক সুদ ১দা, দিৱালীগী নুমিৎ হায়বদি, নবেম্বর ১২, ১৯৪৭দা সরদার বল্লভভাই পতেলনা সোমনাথকী অরিবা মফমশিং য়েংখি অমসুং লাইশং অদু অমুক হন্না শাগৎনবা মহাক্কী ফিরেপ অদু ফোংদোকখি। ভারতকী চৎনবীগী থাজবা অমুক হন্না শেমগৎনবগীদমক সোমনাথ অমুক হন্না শেমগৎপা অসি তঙাইফদে হায়বা থাজবদগী মহাক্কী ৱাখল্লোন অসি হৌরকখি। নৌনা শেমগৎ-শাগৎপগী থবক অসি মীয়াম্না শরুক য়াবা অমসুং লৈবাক্কী ৱারেপ অমা ওইদুনা পাংথোকখি। কৈলাশ মহমেরু প্রসাদ আর্কিতেকচরগী স্তাইলদা শাখিবা হৌজিক লৈরিবা লাইশং অসি মতমদুগী রাস্ত্রপতি রাজেন্দ্র প্রসাদনা মে ১১, ১৯৫১দা কৎথোকখি। থৌরম অসিনা লাইশং অমা অমুক হন্না হাংদোকপা খক্তা নত্তনা ভারতকী সিভিলাইজেস্নেল সেল্ফ-রেস্পেক্তপু অমুক হন্না ফোংদোকখি।

প্রধান মন্ত্রী শ্রী নরেন্দ্র মোদীনা ওক্তোবর ৩১, ২০০১দা পাংথোকখিবা থৌরম অদুদা শরুক য়াখি। থৌরম অদুদা ১৯৫১দা অমুক হন্না শারবা সোমনাথ লাইশঙ অদু হাংদোকখিবগী চহি ৫০ মপুং ফারকখিবগী থৌরম অদু পাংথোকখি। থৌরম অদুদা সর্দার বল্লভভাই পতেল, কে. এম. মন্দির অমুক হন্না শাগৎপদা মুনশি অমসুং অতোপ্পা মীওই কয়ানা শরুক য়াখি। থৌরম অসি সরদার বল্লভভাই পতেলগী ১২৫শুবা মপোক কুমওনগা চপ মান্নখি অমসুং মতমদুগী প্রধান মন্ত্রী অতল বিহারী বাজপাই, মতমদুগী গৃহ মন্ত্রী লাল কৃষ্ণ আদবানী অমসুং অতোপ্পা শক্নাইরবশিংনা শরুক য়াখি।

২০২৬তা, লৈবাক অসিনা ১৯৫১গী পুৱারী ওইরবা থৌরম অদুদগী চহি ৭৫ মপুং ফারগনি। মসিনা সোমনাথ লাইশং অমুক হন্না হাংদোকপা খক্তা নত্তনা ভারতকী সিভিলাইজেস্নেল সেল্ফ-রেস্পেক্ত অদুসু অমুক হন্না শৌগৎলগনি। চহী তরাগী খুজিং তরেৎ অমসুং তংখাইগী মতুংদা, সোমনাথ অসি ঐখোয়গী অপুনবা নেস্নেল রিজোল্বকী অচেৎপা পাঙ্গল অদু উৎতুনা নৌনা হিংগৎলক্লি।

সোম্নাথ লাইশঙ: ফজবা শক্তম, লাইনিং অমসুং অহিংবা হেরিতেজ

সোমনাথ অসি ভগবান শিবগী অদি জ্যোতির্লিঙ্গা ১২গী মনুংদা অহানবা ওইনা ইকাই খুম্নৈ। হৌজিক লৈরিবা লাইশং কমপ্লেক্স অসিদা গরভগৃহ (সেঙ্কতম সেংতোরম), সভামন্দপ (এসেম্বলি হোল) অমসুং নৃতিয়ামান্দপ (নৃত্য হোল) য়াওই, মসি আরব সমুদ্রগী নাকলদা চাউনা ৱাংখৎলি। লাইশং অসি ফিৎ ১৫০ শাংবা শিখরনা মকোক থোংলি, মসিগী মথক্তা তন ১০গী কলস অমা লৈ। ফীৎ ২৭ ৱাংবা ধ্বাজদন্দ (ফ্লেগ পোল) অসিনা লাইশং অসিগী শক্নাইরবা মশক তাক্লি। কমপ্লেক্স অসি চহি কয়াগী থৌনা অমসুং হৈ-শিংবগী খুদম ওইরিবা, সনাগী মচুদা লৈতেংবা কলস ১,৬৬৬ অমসুং ধৱাজ ১৪,২০০না লৈতেংলি।

সোমনাথ অসি হৌজিক ফাওবদা লাইনিং লাইশোনগী মফম অমা ওইরি। চহিগী ওইনা লাকপা মীওইগী মশিং অসি লেপ্পা লৈতনা ৱাংই, ভক্ত লাখ ৯২ অমসুং ৯৭গী মরক্তা ওইরি। (২০২০দা লাইশঙ অসিদা লানিংবশিংগী মশিং লাখ ৯৮রোম লাকখি) । বিল্ভা পুজাগুম্বা চৎনবীশিংনা ভক্ত লাখ ১৩.৭৭ হেন্না পুক্নিং চিংশিল্লি, অদুগা ২০২৫গী মহা শিবরাত্রিদা ভক্ত লাখ ৩.৫৬না শরুক য়াখি। কলচরেল ইনিসিয়েতিবশিংনা ভক্তশিংবু সোমনাথকী পুৱারীগা শম্নহনবদা মরু ওইবা থৌদাং অমা লৌরি। ২০০৩দা হৌদোকখিবা অমসুং ২০১৭দা নেরেসন অমসুং থ্রি দি লেজর তেক্নোলোজীগা লোয়ননা হেনগৎহনখিবা লাইৎ এন্দ সাউন্দ শো অসিনা হৌখিবা চহি অহুম অসিদা ভিজিতর লাখ ১০ হেনবা লাকহনখ্রে। বন্দে সোমনাথ কালা মহোৎসবকুম্বা প্রোগ্রামশিংনা চহী ১৫০০রোমগী মমাংদগী হৌরক্লবা জগোয়গী চৎনবীশিং অমুক হন্না হিংগৎহনখ্রে। শ্রী সোমনাথ ত্রস্তকী চেয়রমেনসু ওইরিবা প্রধান মন্ত্রী নরেন্দ্র মোদীগী লুচিং মখাদা সোমনাথ অসি নৌনা হিংগৎলকপগী অনৌবা তাঙ্কক অমদা চঙশিল্লে। গবর্নান্স রিফোর্মশিং, ইনফ্রাস্ত্রকচর অপগ্রেদ তৌবা অমসুং হেরিতেজ কঞ্জার্বেসনগী থবকশিংনা লাইশং অসি স্পিরিচুএল অমসুং কলচরেল সেন্তর অমা ওইনা মপাঙ্গল কনখৎহল্লে।

স্পিরিচুএলগী থৌরম হেনগৎহনবা অমসুং পদয়াত্রা

সোমনাথ স্বাভিমান পর্বকী মমাংদা, সোমনাথ অসি অখন্নবা ৱাখল্লোনগী থৌনাগী ফিভম অমা উবা ফংলে। গির্নার তীর্থক্ষেত্রা অমসুং অতোপ্পা অশেংবা মফমশিংদগী লাকপা অশেংবা মীওইশিংনা শঙ্খ চৌকতগী সোমনাথ লাইশঙ ফাওবা পদয়াত্রা পাংথোকখি।

খোঙচৎ অসিদা ভগবান শিবগী নুংশিজরবা দাম্রু, ত্রেদিস্নেল ইন্সত্রুমেন্তশিং অমসুং ভোকেস্নেল ম্যুজিক শন্দোকখি। সিদ্ধিভিনায়ক ধোল গ্রুপকী দ্রম্মর ৭৫ রোম্না শরুক য়াখি। 'হর হর মহাদেব'গী ঈশৈশিং লাইশং অসিগী মফম পুম্বদা শন্দোকখি।

সেন্তশিং অমসুং শক্নাইরবা শরুক য়ারিবশিংনা অচেৎপা ইকায়খুম্নবা উৎতুনা মখোয়গী লাই খুরুমখি। পদয়াত্রা অসি লাইনিং লাইশোনগী মশক থোকপা মফম অমদা ওন্থোকহন্দুনা লৈ মরাং কায়না থারগা তরাম্না ওকখি। মীফম অদুদা শরুক য়াখিবা ভক্তশিংনা থৱাই য়াওনা পাংথোকখিবা থৌরম অদুগী মতাংদা অচেৎপা ৱাখল্লোন অমা ফাওখি।

সোম্নাথতা নুপীশিংগী পাঙ্গল হাপ্পা অমসুং সস্তেনেবিলিতী পুরকপা

২০১৮দা "স্বচ্ছ আইকোনিক প্লেস" ওইনা লাউথোকখিবা, সোমনাথনা ইনোভেতিব সস্তেনেবিলিতী প্রেক্তিসশিং চৎনহনখ্রে। লাইশঙগী লৈশিংবু ভর্মিকোমপোস্ততা ওন্থোকই অমসুং বিল্ভা ত্রী ১,৭০০বু য়োক্লি। প্লাস্তিক্কী ৱেস্তশিং অসি মিসন লাইফকী মখাদা থা খুদিংগী ব্লোক ৪৭০০ পুথোক্তুনা পেভর ব্লোকশিংদা ওন্থোকই। নোংগী ঈশিং খোমজিনবা সিস্তেমশিংনা থা অমদা ঈশিং লিস্তর লাখ ৩০রোম ত্রেত তৌই।

স্ক্বার ফুট ৭২,০০০দা শন্দোকপা, উ পাম্বী ৭,২০০ লৈবা মিয়াৱাকি উমং অমনা চহিগী ওইনা কার্বন দাইওক্সাইদ কেলোগ্রাম ৯৩,০০০ রোম চুপশিল্লি। প্যুরিফাই তৌরবা অভিশেক ৱাটরবু সোমগঙ্গাজল হায়না বোটলদা হাপ্তুনা ২০২৪গী দিসেম্বর ফাওবদা ইমুং লাখ ১.১৩ হেন্না কান্নবা ফংগনি।

সোমনাথ অসি নুপীশিংগী শক্তি লৈহনবগী মপাঙ্গল কনবা মফম অমা ওইরক্লি। সোমনাথ তেম্পল ত্রস্তকী এমপ্লোয়ি ৯০৬গী মনুংদা নুপী ২৬২নি। বিল্ভা ভেন অসি নুপীশিংনা মপুং ফানা চলাইরি। প্রসাদ য়েন্থোকপদা নুপী ৬৫ অমসুং লাইশঙগী দাইনিং সর্ভিসশিংদা নুপী ৩০ য়াওরি। অপুনবা ওইনা, নুপী ৩৬৩না থবক ফংলি, চহিদা চাউরাক্না লুপা করোর ৯ ফংলি। মসিনা লাইশং কমপ্লেক্সতগী লাকপা শেন্মিৎলোনগী মশা-মরোমদোম লেপচবা অমসুং ইকাই খুম্নবা উৎলি।

প্রধান মন্ত্রীগী খোঙচৎ অমসুং মরী লৈনবা থৌরমশিং

২০২৬গী জনুৱারী ৮-১১ ফাওবগী মনুংদা প্রধান মন্ত্রী নরেন্দ্র মোদীগী খোঙচৎনা মরম ওইদুনা সোমনাথ স্বাভিমান পর্ব অসি লৈবাক অসিগী ওইনা মরুওইবা অমা ওইরক্লি।

২০২৬গী জনুৱারী ১০দা প্রধান মন্ত্রী সোমনাথতা চৎকনি অমসুং স্বাভিমান পর্বকী থৌরমদা শরুক য়াগনি। নুমিদাংৱাইরমদা, মহাক্না লাইশঙগী মফমশিংদা ওমকর মন্ত্র জপ তৌবদা শরুক য়াগনি। থাজবা, অমত্তা ওইবা অমসুং সিভিলাইজেস্নেল শক্তিগী মওং মতৌ অসিবু মশক তাক্লিবা অখন্দ ওমকর জপ তৌবগী পুং ৭২গী থৌরম অসিদা মহাক্না শরুক য়াগনি। নুমিৎ অসিমক্তদা প্রধান মন্ত্রীনা স্বাভিমান পর্বগী থৌরমগী শরুক অমা ওইনা পাংথোকপা দ্রোন শো অদুসু উবা ফংলগনি।

২০২৬গী জনুৱারী ১১দা প্রধান মন্ত্রীনা সোমনাথ স্বাভিমান পর্বকী শরুক অমা ওইনা শৌরিয়া যাত্রাগী খোঙচৎ অমা লুচিংগনি। শৌরিয়া য়াত্রানা থৌনা, কত্থোকপা অমসুং চহী চা কয়াগী অৱা-অনা কয়াদগী সোমনাথপু ঙাকপীদুনা লাকখিবা অচেৎপা ৱাখল্লোন অদুবু উৎলি। খোংচৎ অসিগী মতুংদা প্রধান মন্ত্রীনা সোমনাথ লাইশঙদা লাই খুরুমগনি।

মতুং তারকপদা প্রধান মন্ত্রীনা সোমনাথতা মীয়াম তিনবা মফমদা ৱা ঙাংগনি। মফম অদুদা মহাক্না লাইশং অসিগী সিভিলাইজেস্নেল মরুওইবা, স্বাভিমান পর্বকী মরুওইবা অমসুং সোমনাথকা মরী লৈনবা থাজবা, রেসিলিয়েন্স অমসুং সেল্ফ রেস্পেক্তকী মতম চুপ্পগী ওইবা পাউজেলগী মতাংদা খন্নগনি।

থৌরমশিং অসিদা প্রধান মন্ত্রীনা শরুক য়াখিবা অসিনা সোমনাথ স্বাভিমান পর্বকী লৈবাক্কী ওইবা মরুওইবা অদু উৎলি অমসুং ভারতকী স্পিরিচুএল অমসুং কলচরেল হেরিতেজ অসি ঙাক-শেন্দুনা থম্নবা অমসুং থৌরম অসি পাংথোক্নবগী থৌদাং অদু মপাঙ্গল কনখৎহল্লি। খোঙচৎ অসিনা ভারতকী সিভিলাইজেস্নেল কন্তিন্যুতী অমসুং অপুনবা থাজবগী অচেৎপা খুদম অমা ওইনা সোমনাথকী থৌদাং অদুসু ময়েক শেংলে।

ৱারোইশিন

সোমনাথ স্বাভিমান পর্বনা ভারতকী সিভিলাইজেস্নেল কনফিদেন্সপু অমুক্কা হন্না ফোংদোক্লি। মসিনা মাং-তাকপদগী হেন্না মপাঙ্গল হাপচিল্লি, অকিবদগী হেন্না থাজবা থম্মী। সৌরাস্ত্রাগী সমুদ্র তুরেলদা লৈবা সোমনাথ লাইশঙ অসিনা মালেম শিনবা থুংনা লৈরিবা ভারত মচাশিংদা ইথিল পীরি। মসিনা মীপুম খুদিংমক্তা নিংশিংহল্লি মদুদি মাং-তাকপগী পাঙ্গলশিং অসি পুৱারীদা মাংখিবা মতমদা, অচুম্বা, অমত্তা ওইবগী ৱাখল্লোন অমসুং ইশাগী ইকায়খুম্নবা অসি মতম পুম্নমক্তা লৈগনি। প্রধান মন্ত্রী শ্রী নরেন্দ্র মোদীনা মখাদা পীরিবা সংস্কৃত ৱাহৈ পরেং অসিনা সোমনাথকী স্পিরিচুয়েল ইসেন্স অদু উৎলি:

আদিনাথেন শ্বর্ন সর্বপ্রানিহিতাই ৱে ।

আগ্যতত্বান্থানিয় খেত্রমেতন্মহাপ্রভম ।

প্রভাসিত মহাদেবি য়ত্র সিধ্যন্তি মানৱা: ।।

ৱাহন্থোক - ভগবান শিৱনা অদিনাথকী মওংদা, থৱায় পানবা পুম্নমক্কী য়াইফনবগীদমক্তা, প্রভাস খন্দা হায়না খঙনবা মসিগী অশেংবা অমসুং খ্বাইদগী শক্তি লৈবা লমদম অসিবু মহাক্কী মতম চুপ্পগী ওইবা ৱাখল্লোনগী খুত্থাংদা উৎখি। লাইগী মঙালনা থল্লবা, মসিগী অশেংবা লমদম অসি মীওইবনা স্পিরিচুএল পর্ফেক্সন, ভর্চু অমসুং লিবরেসন, মোক্ষা ফংলিবা মফমনি।

রিফরেন্স:

1. https://www.pib.gov.in/PressNoteDetails.aspx?NoteId=১৫৪৫৩৬&ModuleId=৩&reg=৩&lang=২
2. https://www.pib.gov.in/PressReleasePage.aspx?PRID=২১২২৪২৩&reg=৩&lang=২
3. https://www.pib.gov.in/PressReleasePage.aspx?PRID=২২১২৭৫৬&reg=৩&lang=২
4. https://www.pib.gov.in/PressReleasePage.aspx?PRID=২২১২৬৮৬&reg=৩&lang=১
5. https://www.pib.gov.in/PressReleasePage.aspx?PRID=২২১২২৯৩&reg=৩&lang=১
6. https://www.pib.gov.in/PressReleseDetailm.aspx?PRID=২২১২৬৮৬&reg=৩&lang=২
7. https://www.newsonair.gov.in/hm-amit-shah-appeals-to-nation-to-join-somnath-swabhiman-parv/
8. https://somnath.org/
9. https://somnath.org/jay-somnath
10. https://somnath.org/somnath-darshan/
11. https://somnath.org/social-activities/
12. https://girsomnath.nic.in/about-district/history
13. DIPR, গুজরাত

pdf য়েংনবা ক্লিক তৌবীয়ু

***