पत्र सूचना कार्यालय

মরু ওইবা ৱারোলশিং

• বাল বিভাহ মুক্ত ভারত কেম্পেনগী পান্দমদি ২০২৬ ফাওবদা অঙাং ওইরিঙৈদা লুহোংবীবগী চাং চাদা ১০ হন্থহনবা অমসুং ২০৩০ ফাওবদা ভারতপু চাইল্দ মেরীএজ ফ্রী ওইহনবা হায়বসিনি।
• ছত্তিসগরগী বালোদ জিলানা ২০২৫দা ভারতকী অহানবা চাইল্দ মেরীজ ফ্রী দিস্ত্রিক্ত ওইদুনা মাইলস্তোন অমা ফংলে।
• সেপ্তেম্বর ১৭, ২০২৫দা, ছত্তিসগরগী সুরজপুর দিস্ত্রিক্ত এদমিনিস্ত্রেসননা খুঙ্গংগী পঞ্চায়ৎ ৭৫বু 'চাইল্দ মেরীএজ-ফ্রী পঞ্চায়ৎ' ওইনা লাউথোকখি।

ৱাহৌদোক

আইননা অথিংবা থম্লবসু, অঙাং ওইরিঙৈদা লুহোংবা হায়বসি লৈবাক অসিদা লৈরিবা নহা ওইরিবা নুপীমচা অমসুং নুপামচা মিলিয়ন কয়াদা অকায়বা পীরিবা ভারতকী মীয়ামগী ওইবা শিংনবা অমা ওইরি। মসিনা নুপীমচাশিংদা হকশেলগী ওইবা অচৌবা খুদোংথীবশিং, মরুওইনা অঙনবা মতমদা মীরোনবদগী, ইমুং মনুংগী হিংসাগী খুদোংথীবা হেনগৎহল্লি, অমসুং লায়রবা অমসুং নুপা-নুপাগী খেন্নবা লৈহন্দনা লৈহল্লি। ভারত্তা, খুমাং চাউশিল্লবসু, চহি 20-24গী মনুংদা লৈবা নুপীগী 23%দি মখোয়না চহি 18 শুদ্রিঙৈদা লুহোংখি (নেস্নেল ফেমিলি হেল্থ সর্ভে-5, 2019-21) [1] । মসিনা অঙাং ওইরিঙৈদা লুহোংবা হায়বসি মতম পুম্নমক্তা খুদোংথীনিঙাই ওইবা অমসুং য়াম্না থীংনিংঙাই ওইবা ক্রাইম অমা ওইহল্লি। ৱেস্ত বেঙ্গল, উত্তর প্রদেশ, বিহারগুম্বা রাজ্যশিং অসি অঙাং লুহোংবগী চাং খ্বাইদগী ৱাংবা রাজ্য খরনি, লৈবাক শীনবা থুংনা অঙাং লুহোংবগী থৌদোক কয়া থোকখি।

অঙাং ওইরিঙৈদা লুহোংবা হায়বসি করিনো?

অঙাং ওইরিঙৈদা লুহোংবা, প্রোহিবিসন ওফ চাইল্দ মেরীএজ এক্টকী মখাদা ৱাহন্থোক পীরিবা অঙাং ওইরিঙৈদা লুহোংবা হায়বসি নুপী/নুপী অদুনা চহি 18গী মখাদা অমসুং নুপা অদুনা চহি 21গী মখাদা লৈবা য়ুনিয়ন অমহেক্তবুনি। মসিনা লায়রবা, জেন্দর ইনইক্বেলিতী অমসুং হকশেলগী রিস্ক, মরুওইনা খুঙ্গংগী অমসুং ত্রাইবেলগী মফমশিংদা লৈহল্লি। মসিগী মথক্তা, অঙাং ওইরিঙৈদা লুহোংবা হায়বসি ভারতকী আইনগী মখাদা অঙাং অমবু রেপ তৌবগা চপ মান্নৈ।

ভারতীয় ন্যাই সনহিত, ২০২৩গী মতুং ইন্না চহি ১৮গী মখাদা লৈবা মহাক্কী লোয়নবীগা লোয়ননা নুপা অমনা সেক্সুএল এক্ত অমহেক্তা পাংথোকপা হায়বসি রেপনি। ভারতকী সুপ্রিম কোর্তনা মখা তানা ময়েক শেংহনখ্রে মদুদি করিগুম্বা অঙাং লুহোংবা নুপী অমগী মপুরোইবনা মহাকপু পেনিত্রেতিব সেক্সুএল এসোল্ত তৌরবদি, মসি পেনিত্রেতিব সেক্সুএল এসোল্তকী মওংদা শাথীনা লৌবা য়াগনি। মসি প্রোতেক্সন ওফ চিলদ্রেন ফোর সেক্সুএল ওফেন্স (POCSO) এক্ত, ২০১২গী মখাদা চৈরাক পীবা ওফেন্স অমনি।

ভারতনা অঙাং ওইরিঙৈদা লুহোংবগী চৎনবীগী মায়োক্তা লেপ্পা

ভারত্তা অঙাং ওইরিঙৈদা লুহোংবগী চৎনবী থিংনবা হোৎনরিবশিং অসি 19শুবা চহিচাগী অঙনবা শরুক্তা রাজা রামমোহন রোয়, ইশ্বর চন্দ্র বিদ্যাসাগর অমসুং মহাত্মা জ্যোতিরাও ফুলেগুম্বা সোসিএল রিফোর্মরশিংনা চৎনবী অসিগী মায়োক্তা কেম্পেইনশিং হৌদোকখি। মসিনা এজ ওফ কন্সেন্ট এক্ট, 1891 অমসুং মতুং তারকপদা চাইল্ড মেরীএজ রেস্ত্রেন্ত এক্ট (সর্দা এক্ট) 1929 থোকখি। মসিনা নুপীমচাশিংগী ওইনা য়ামদ্রবদা লুহোংবগী চহি 14 অমসুং নুপামচাশিংগী ওইনা য়ামদ্রবদা লুহোংবগী চহি 18 ওইহনখি। নীংতম্বগী মতুংদা, সরকারনা ১৯৪৮কী এমেন্দমেন্ত (নুপী ১৫গী ওইনা), ১৯৭৮গী এমেন্দমেন্ত (নুপী ১৮গী ওইনা অমসুং নুপামচা ২১গী ওইনা) অমসুং অরোইবদা প্রোহিবিসন ওফ চাইল্দ মেরীএজ এক্ত, ২০০৬ (নুপী ১৮গী ওইনা, নুপা ২১গী ওইনা) গী খুত্থাংদা লিমিৎশিং অসি হেনগৎহনখি। আইনগী ওইবা খোঙথাংশিংগা লোয়ননা, সেন্ত্রেল গবর্নমেন্তকী বেতি বচাও বেতি পধাও (2015দগী হৌরগা) গুম্বা, খুন্নাইগী ৱাখল্লোনশিং হোংদোক্নবা, নুপীমচাশিংগী মহৈ-মরোং তম্বদা পুক্নিং থৌগৎনবা, অমসুং কম্ম্যুনিতীশিংবু অঙাং ওইরিঙৈদা লুহোংবগী রিপোর্ত তৌনবা অমসুং য়ানীংদবা ফোংদোক্নবগীদমক শক্তি শিন্ননবা পান্দম থমদুনা লৈবাক শীনবা থুংনা এৱারনেস কেম্পেইন কয়া অমা পাঙথোকখি।

প্রোহিবিসন ওফ চাইল্দ মেরীএজ এক্ত, ২০০৬ (পি.সি.এম.এ.)

চাইল্দ মেরীএজ এক্ট, ২০০৬না চাইল্দ মেরীএজ রেস্ত্রেন্ত এক্ট, ১৯২৯ (সর্দা এক্ট) গী মহুৎ শিনখি। মসিগী পান্দমদি ভিক্তিমশিংদা হেন্না মপাঙ্গল লৈবা ঙাক-শেনবা অমসুং রিলিফ পীবগা লোয়ননা অঙাং ওইরিঙৈদা লুহোংবা থীংবগী মহুত্তা অঙাংশীংগী লুহোংবগী চৎনবী থীংনবা ওইখি।

• এক্ত অসিনা ময়েক শেংনা হায়রি মদুদি "অঙাং" হায়বসি চহি 21গী মখাদা লৈবা নুপা নত্ত্রগা চহি 18গী মখাদা লৈবা নুপী অমনি। অঙাং ওইরিঙৈদা লুহোংবা হায়বসিদা পার্তী অমহেক্তনা অঙাং ওইবগী থৌওং য়াওই।
• অঙাং ওইরিঙৈদা লুহোংবগী চৎনবী অসি অঙাং অদুগী পার্তীগী ওপশন (মেজোরিতী ফংলবা মতুং চহি 2গী মনুংদা দিষ্ট্রিক্ট কোর্টতা পীবা পিটিসন) দা অথিংবা থম্লি অমসুং লৌথোকপা য়াই। ত্রাফিকিং, ফোর্স, ফত্তবা, নৎত্রগা লমচৎ-শাজৎ লৈতবা থৌওংশিং থোকপদা মখোয় অসি এব ইনিসিও ওইনা চৎনদে।
• চৈরাকশিং: কোগ্নিজেবল অমসুং নন-বেলেবল ওইবা ওফেন্সশিংগী মনুংদা অঙাংশিংগা লুহোংবা, অসিগুম্বা লুহোংবগী থৌরমশিং পাংথোকপা/প্রোমোৎ তৌবা/ শরুক য়াবা (মপা-মমাশিং/ গার্জিয়ানশিং য়াওনা) নুপাশিংবু চহি ২ ফাওবগী জেলগী চৈরাক অমসুং/ নত্ত্রগা লুপা লাখ ১গী ফাইন পীবা য়াওই। নুপীশিংদি জেলদা থম্লোই।
• রাজ্যশিংনা চাইল্দ মেরীএজ প্রোহিবিসন ওফিসরশিং (সি.এম.পি.ও.) খনগনি। মখোয়না লুহোংবা থিংবা, প্রমান খোমজিনবা, এৱারনেস হেঙ্গৎহনবা অমসুং দেতা রিপোর্ত তৌগনি। মেজিষ্ট্রেটশিংনা থোরক্লিবা লুহোংবশিং থিংনবা ইনজঙ্কশিং থোকই (মসি ইন্দবনা লুহোংলে হায়না লৌরোই) ।

বাল বিভাহ মুক্ত ভারত (বি.ভি.এম.বি.)

২০২৪গী নবেম্বর ২৭তা হৌদোকখিবা বাল বিভাহ মুক্ত ভারত (বি.ভি.এম.বি.) অসি চাইল্দ মেরীএজ ফ্রী ইন্দিয়া হায়নসু খঙনৈ। মসিনা লৈবাক শীনবা থুংনা চাইল্দ মেরীএজ মুত্থৎনবা মিনিস্ত্রী ওফ ৱুমেন এন্দ চাইল্দ দিবেলপমেন্ত (এম.দবল্যু.দি.দি.) গী থৌনা ফরবা নেস্নেল কম্মিতমেন্ত অমা উৎলি। মিসন অসি সস্তেনেবল দিবেলপমেন্ত গোল (এস.দি.জি.) ৫.৩গা য়াম্না নক্ননা মরী লৈনৈ, মসিগী পান্দমদি ২০৩০ ফাওবদা অঙাংশিং, ঙন্না লুহোংবা অমসুং নমদুনা লুহোংবা য়াউনা, অশোই-অঙাম থোকহনবা থবক থৌরম পুম্নমক মুত্থৎপা অসিনি। আর্তিকল ২১ (হিংবগী হক অমসুং মশাগী নীংতম্বা) গী মখাদা ভারতকী সংবিধান্না পীবা থৌদাং অদুদা য়ুম্ফম ওইদুনা অমসুং প্রোহিবিসন ওফ চাইল্দ মেরীএজ এক্ত (পি.সি.এম.এ.), ২০০৬ গী প্রোহিবিসনগুম্বা য়ুম্ফম ওইবা আইনগী মতেংগা লোয়ননা, বাল বিভাহ মুক্ত ভারতনা অঙাংশিংদা, মরুওইনা নুপীমচাশিংদা, অমসুং মরুওইনা লায়রবা কাঙলুপশিংদা চপ মান্ননা শোকহল্লিবা মীয়ামগী ওইবা খুন্নাইগী ৱাফম অমা কোকহল্লি।

ওক্তোবর ১৮, ২০২৪দা পীখিবা মরুওইবা ৱায়েল অমদা রাইত পিটিসন (সিভিল) নম্বর ১২৩৪, ২০১৭দা - সোসাইতী ফোর এনলাইতনমেন্ত এন্দ ভোলুন্তরী এক্সন & অনাদর vs য়ুনিয়ন ওফ ইন্দিয়া অমাউং অতোপ্পা – ইকাইখুম্ননীংঙাই ওইরবা সুপ্রিম কোর্তনা লৈবাক শিনবা থুংনা অঙাং লুহোংবা থিংনবা অমসুং মুত্থৎনবা রাজ্য অমসুং য়ুনিয়ন তেরিতোরী পুম্নমক্তা পাক-শন্না ফ্রেমৱার্ক অমসুং অকুপ্পা মরোলগী লমজিং-লমতাক পীখি। কোর্টনা অঙাং থাজবদা অথিংবা থমখি মরমদি মখোয়না ওটোনোমীদা অকায়বা পী অমসুং অয়াম্বা মতমদা নমদুনা লুহোংহনবদা লমজিংই, অখন্নবা অথিংবা অমগীদমক লেজিস্লেতিব এমেন্দমেন্তশিং তৌনবা তকশিনখি। চাইল্ড মেরীএজ প্রোহিবিসন এক্ত, ২০০৬কী মখাদা চৎনহনবা মপাঙ্গল কনখৎহন্নবা, রাজ্যশিং অমসুং য়ুনিয়ন তেরিতোরীশিংদা দিস্ত্রিক্ত/ সব-দিস্ত্রিক্ত থাক্তা ফুল-তাইম দেদিকেতেদ চাইল্ড মেরীএজ প্রোহিবিসন ওফিসরশিং (সি.এম.পি.ও.শিং) হাপ্নবা অমসুং কোওর্দিনেসন, মোনিটরিং অমসুং গ্রিভান্স রিদ্রেসেলগীদমক্তা স্পিসিএল চাইল্ড মেরীএজ প্রোহিবিসন য়ুনিৎশিং লিংখৎনবা খঙহনখি। প্রোএক্তিব প্রিভেন্সনগী খোঙথাংশিংগী মনুংদা য়াওরিবশিংদি:
 

• স্কুলশিং, অঙ্গনৱাদি, এন.জি.ও.শিং, অমসুং ধর্মগী লুচিংবশিং য়াওনা মল্তি-সেক্তোরেল এৱারনেস কেম্পেনশিং পাংথোকপা;
• পুলিস, জুদিসিয়রী, ওজাশিং অমসুং হেল্থ ৱার্করশিংগী ত্রেনিং অমসুং তেক্নোলোজী-এনেবল ওইবা রিপোর্তিংদা মিৎয়েং চঙখি।
• রিস্ক লৈবা মফমশিংগী দেতাবেজশিং থম্বা;

মসিগী ৱারেপ অসিনা পেনাল্টিদগী প্রিভেন্সন, প্রোটেক্সন অমসুং এম্পাৱরমেন্টতা মীৎয়েং চংলি। মসিনা ফ্রেমৱার্ক অসিবু হেন্না মপাঙ্গল কনখৎহল্লি অমসুং অঙাংশিংবু সেন্ত্রিক ওইহল্লি।

অসুম্না, বাল বিভাহ মুক্ত ভারতকী খোংথাং অসি বেতি বচাও বেতি পরহাও (বি.বি.বি.পি.) স্কিমগুম্বা মমাংগী থবকশিংদা য়ুম্ফম ওইবা অচুম্বা খোংথাং অমনি। অদুবু মসিনা অঙাংশিংগী লুহোংবা থিংনবা অমসুং থেংননবা হেন্না ইন্তিগ্রেতেদ, তেক্নোলোজী-দাইরেক্ত ওইবা থৌওং অমা হৌদোক্লি।

নুমিৎ ১০০ গী কেম্পেন: অঙাং লুহোংবগী চৎনবীগী মায়োক্তা চত্থবা মোমেন্তম শাগৎপা খোংথাং

২০২৫গী দিসেম্বর ৪দা, রাজ্য অমসুং য়ুনিয়ন তেরিতোরী পুম্নমক্তা অখন্নবা নুমিৎ ১০০গী স্পিসিএল দ্রাইব অমা চৎথখি।

মখা তাবা ওইনা, হেলদী ওইবা কম্পিতিসন লৈহন্নবা অমসুং অফবা থবকশিং শকখঙনবা কেম্পেন অসিনা ইকায় খুম্ননীংঙাই ওইরবা থৌওং অনি হৌদোক্লি:

• চাইল্দ মেরীএজ-ফ্রী ভিলেজ সর্টিফিকেট: মতম শাংনা চাইল্ড মেরীএজ লোইশিন্নবা অমসুং রিপোর্ত তৌদবা কেস লৈহন্দনবা ফোর্মেল ওইনা ৱাশক লৌরিবা খুঙ্গং/ পঞ্চায়ৎশিংদা পীগনি।
• বাল বিভাহ মুক্ত ভারত যোদ্ধা এৱার্দ: রিপোর্তিং ইফিসিএন্সী, প্রিভেন্সন মায় পাকপা অমসুং চাইল্দ মেরীএজ কেসশিং হন্থহনবগী মতাংদা য়েংশিল্লিবা খ্বাইদগী ফবা দিস্ত্রিক্ত ১০দা নেস্নেল তাইতল অসি পীগনি। হায়রিবা দিস্ত্রিক্তশিং অসি ওফিসিএল বাল বিভাহ মুক্ত ভারত পোর্তেলদা মশক থোক্না ফোংদোক্কনি, ফোর্মেল কমমেন্দেসন সর্টিফিকেৎ ফংলগনি অমসুং মখোয়গী শিংথানিংঙাই ওইবা লুচিংবা অমসুং থৌনাগীদমক নেস্নেল লেভেলদা মীয়াম্না শকখঙগনি।

লৈবাক শীনবা থুংনা চত্থরিবা কেম্পেন অসি ২০২৫গী দিসেম্বর ৪দা অনৌবা দিল্লীগী বিজ্ঞান ভবনদা মরুওইবা হৌদোকপগী থৌরমগা লোইননা ওফিসিএল ওইনা হৌদোকখি। অসিগুম্বা অপুনবা ফিরেপ অসিনা চাইল্দ মেরীএজ ফ্রী ওইবা ভারত অমা ওইনবা ভারতকী ফিরেপ অদু অমুক হন্না ফোংদোক্কনি।

রাজ্য সরকারশিংনা এম.দবল্যু.দি.দি.দা পনখ্রিবা মতুং ইন্না থৌরাংশিং অসি পায়খৎপদা মরু ওইবা থৌদাং অমা লৌরি। চীফ সেক্রেতরীশিংদা সি.এম.পি.ও.শিং, এন.জি.ও.শিং অমসুং পি.আর.আই.শিং য়াওবা দিস্ত্রিক্ত লেবেল টাস্ক ফোর্সশিং শেম্নবা খঙহনখ্রে। মখোয়শিং অসি বি.ভি.এম.বি. পোর্তেলগী খুত্থাংদা চয়োল খুদিংগী য়েংশিনবা অমসুং জিও-তেগ তৌরবা প্রোগ্রেস রিপোর্তশিং শেমগনি। কেম্পেন অসিনা এজুকেসন, হেল্থ, অমসুং রুরেল দিবেলপমেন্ত মন্ত্রালয়শিংগা শম্নদুনা মল্তি-সেক্তোরেল কনভর্জেন্সতা মিৎয়েং থম্লি।

বাল বিভাহ মুক্ত ভারত পোর্তেল

নুপী অমসুং অঙাংশিংগী চাউখৎ থৌরাং মন্ত্রালয়গী ফ্লেগশিপ ইনিসিয়েতিব অসিনা সেন্ত্রেলাইজ তৌরবা, মীয়ামদা এক্সেস তৌবা য়াবা প্লেতফোর্ম অমা পীরি। মসিনা ভারত শিনবা থুংনা অঙাং লুহোংবা থিংনবা ওফিসর পুম্নমক লিস্ত তৌরি। মসিনা অঙাং লুহোংবগী কেসশিং রিপোর্ত তৌবদা তশেংনা মতেং পাংই।

লৈবাক শিনবা থুংনা চত্থবা কেম্পেনঃ মিৎয়েং অমা

নুপী অমসুং অঙাংগী চাউখৎ থৌরাং মন্ত্রালয়না কেম্পেন অসি মপুং ফানা শেল থাদনবা ৱাশক লৌরে। মসিনা এন.এফ.ঐচ.এস.-ভি দেতাগী (অঙাং লুহোংবগী চৎনবী অসি নেস্নেল এভরেজতা নত্ত্রগা হেন্না ৱাংবা জিলাশিং)^[8]. খুত্থাংদা মশক খঙদোক্লবা হাই-বর্দন দিস্ত্রিক্ত ২৫৭দা অহানবা ওইনা মীৎয়েং থমগনি।

চাইল্ড মেরীএজ থিংনবা কেম্পেন হৌজিক মপুং ফানা চত্থরি। লৈবাক শিনবা থুংনা রাজ্যশিং অমসুং য়ুনিয়ন তেরিতোরীশিংনা মমাংদা অমুক্তা ওইখিদ্রিবা মওংদা থৌনা অমসুং কোওর্দিনেসনগা লোয়ননা শরুক য়ারি। স্কুলশিং অমসুং এজুকেস্নেল ইন্সতিত্যুসনশিংদা লৈরিবা মহৈরোই লাখ কয়া অমসুং গ্রাম পঞ্চায়ৎ য়াওনা অতোপ্পা মরুওইবা স্তেকহোল্দরশিংনা চাইল্দ মেরীজগী মায়োক্তা অচেৎপা ফিরেপ লৌখ্রে।

অঙাং ওইরিঙৈদা লুহোংবগী চৎনবী লৈতবা ভারত অমগী মায়কৈদা: হৌজিক ফাওবগী মায় পাকপা

বাল বিভাহ মুক্ত ভারত (বি.ভি.এম.বি.) হেক হৌদোকখিবদগী মিসন অসিনা ভারত শিনবা থুংনা অঙাংশিংগী লুহোংবা হন্থহনবদা চাউনা খুমাং চাওশিল্লে। মসিনা অঙাংশিংবু ঙাক-শেনবগী পান্দমগা চুনবা মরুওইবা থবকশিং পাংথোক্লি। মসিগী খোংজেল অসিগী য়ুম্ফম অমা হায়রগদি, চাইল্দ মেরীএজ প্রোহিবিসন এক্ত (পি.সি.এম.এ.), ২০০৬গী মখাদা মেন্দেত তৌরবা দেদিকেতেদ চাইল্দ মেরীএজ প্রোহিবিসন ওফিসরশিং (সি.এম.পি.ও.) লৈবাক শীনবা থুংনা থাগৎপা হায়বসিনি। স্তেৎ লেভেলগী দিরেক্তিবশিংগী খুত্থাংদা শক্তি পীরবা ওফিসরশিং অসিনা দোর-টু-দোর এৱারনেস দ্রাইবশিং অমসুং নেস্নেল চাইল্দ হেল্পলাইন (1098) গা শম্নবা রেপিদ রেস্পোন্স তীমশিং য়াওনা প্রোএক্তিব ইন্তরভেন্সনশিং পাংথোক্লি। কাংলুপকী ওইবা লুহোংবা পাঙথোক্নবগীদমক্তা কলচরেল ওইনা সেন্সিতিব ওইবা রিস্ক লৈবা মতমশিং অসি টার্গেৎ তৌদুনা মিনিষ্ট্রি ওফ ৱুমেন এন্দ চাইল্ড দিভেলপমেন্ট (এম.দব্ল্যু.সি.দি.) না থোকপা ২০২৫ অক্ষয় ত্রিতীয়া দিরেক্টিভ অসি ময়েক শেংবা এনফোর্সমেন্ট হাইলাইত অমনি। মসিনা মোনিতরিং হেঙ্গৎহনখি, মসিগী মহৈ ওইনা জুরিসিএল ইনজঙ্কশন, কম্ম্যুনিতী কাউন্সেলিং অমসুং এফ.আই.আর. ফাইলিংগী খুত্থাংদা চাইল্ড মেরীএজ কেস চাম্মরোম থিংবা ঙমখি। বেতি বচাও বেতি পরহাওগুম্বা স্কিমশিংগা পুন্সিন্নদুনা, মসিগী হোৎনবা অসিনা পি.সি.এম.এ.গী মখাদা চৈরাক পীবগী চাং হেনগৎহল্লে অমসুং খুঙ্গং কয়াদা "নো-চাইল্ড মেরিএজ জোনশিং" শেমগৎলক্লি।

ইন্তর্নেস্নেল ফ্রন্ততা, বি.ভি.এম.বি.না মালেমগী ওইনা, মরুওইনা সি.এম.পি.ও.শিং অমসুং ৱান স্তোপ সেন্তরশিং (ও.এস.সি.শিং) দা দেতা-দাইরেক্ত ইন্তর্ভেন্সনশিং অমসুং কেপাসিতী বিল্দিং ৱার্কশোপশিংগীদমক তেক্নিকেল সপোর্ত পীরবা য়ুনিসেফতগী অচেৎপা এন্দোর্সমেন্ত ফংলে। এস.দি.জি. ৫.৩ অমসুং য়ু.এন. কনভেন্সন ওন রাইৎস ওফ দি চাইল্দ (য়ু.এন.সি.আর.সি.) গা মরী লৈননা, মসিগী এচিবমেন্তশিংনা ভারত অসি হেল্থ, এজুকেসন অমসুং রুরেল দিবেলপমেন্ত মন্ত্রালয়শিংদা লেপ্তনা পুনশিন্নদুনা, চাইল্দ মেরীএজগী মায়োক্তা স্কেল তৌবা য়াবা, মল্তি-সেক্তোরেল ওইবা স্ত্রাতেজিশিংগীদমক খা এসিয়াদা লুচিংবা অমা ওইনা থম্লি।

ছতিসগর: চাইল্দ মেরীএজ ফ্রী ইন্দিয়াগী মতাংদা অনৌবা মঙলান অমা উহল্লি

ছত্তিসগরগী বালোদ দিস্ত্রিক্তনা ভারতকী অহানবা চাইল্দ মেরীএজ ফ্রী দিস্ত্রিক্ত ওইদুনা পুৱারী ওইরবা মাইলস্তোন অমা ফংলে। চহী অনিগী ওইনা, গ্রাম পঞ্চায়ৎ ৪৩৬ অমসুং অর্বান লোকেল বোদী ৯দা অঙাং অমত্তা লুহোংখিদে। অসিগুম্বা মশক থোকপা থবক অসি সরকারনা লেপ্পা লৈতনা চংশিল্লিবা থবকশিং, কম্যুনিতীনা থৌনা লৈনা শরুক য়াবা, অমসুং মীয়ামদা খঙহন্নবা হোৎনবগী মহৈনি। বালোদকী মায় পাকপগী মখাদা, ছত্তিসগরনা হৌজিক ২০২৮-২৯^[9] ফাওবদা রাজ্য অসি অঙাং লুহোংবদগী মপুং ফানা মুত্থত্পা পাম্লি।

রাজ্য অসিগী অতোপ্পা মশক থোকপা খুদম অমনা, সুরজপুর দিস্ত্রিক্তনা খুন্নাইগী রিফোর্ম অমসুং কম্ম্যুনিতী এৱারনেসকী মপাঙ্গল লৈবা খুদম অমা পীরি। সেপ্তেম্বর ১৭, ২০২৫দা পোশন মাহ ২০২৫ হৌদোকপগা লোয়ননা দিস্ত্রিক্ত এদমিনিস্ত্রেসননা খুঙ্গং পঞ্চায়ৎ ৭৫বু "চাইল্দ মেরিএজ-ফ্রী পঞ্চায়ৎ" ওইনা চাউথোক্না লাউথোকখি।

পঞ্চায়ৎশিং অসিনা মথং-মথং চহী অনিগী ওইনা^[10] চাইল্ড মেরীএজকী কেস অমত্তা লৈখিদবগী মতুংদা ইকাই খুম্নবা অসি ফংখি। মসিগী এচিবমেন্ত অসি ছত্তিসগরগীদমক্তা চাউথোকচনীংঙাই ওইবা তাঞ্জা অমনি অমসুং ভারতকী অতৈ মফমশিংগীদমক্তা পুক্নিং থৌগৎনিংঙাই ওইবা মোদেল অমনি।

ৱারোইশিন

চাইল্দ মেরীএজ মুত্থৎনবা ভারতনা পায়খৎলিবা খোঙথাং অসি ১৯শুবা চহিচাগী রিফোর্মশিং অমসুং ইং ১৯২৯গী সরদা এক্ততগী হৌরকখি অমসুং চাইল্দ মেরীজ প্রোহিবিসন এক্ত, ২০০৬ অমসুং ইং ২০২৪গী সুপ্রিম কোর্তকী য়ুম্ফম ওইবা ৱারেপকী মতুং ইন্না মখা চত্থখি। মসিদা চাউনা খুমাং চাউশিনখ্রে, চহি তরাগী খুজিং কয়াদা লাইনা-লাইচৎ অসি শন্দোরকপগী চাং অসি য়াম্না হন্থরক্লি। ২০২৪গী নবেম্বরদা হৌদোকখিবা অমসুং হৌজিক চত্থরিবা নুমিৎ ১০০গী অকনবা এৱারনেস দ্রাইব (মার্চ ২০২৬ ফাওবা চত্থরিবা) না মপাঙ্গল কনখৎহল্লবা বাল ভিভা মুক্ত ভারত কেম্পেন অসিনা মসিগী লানফম অসিদা মরুওইবা খোংথাং অমনি। দেদিকেতেদ চাইল্দ মেরীজ প্রোহিবিসন ওফিসরশিং, বি.ভি.এম.বি. পোর্তেলগী তেক্নোলোজীগী মতেংনা পাউ পীরকপা, অমসুং গ্রাসরুৎকী মায় পাকপশিংগী খুত্থাংদা, ইনিসিয়েতিব অসিনা বেতি বচাও বেতি পধাওগা শম্নদুনা প্রিভেন্সন, প্রোতেক্সন অমসুং এম্পাৱরমেন্ত পীরি।

মীওই লাখ কয়ানা অচেৎপা ফিরেপশিং অসিদা শরুক য়াবগা লোয়ননা, মরুওইবা থবকশিং অসিনা তশেংনা তুং কোইনা চৎনরিবা খুন্নাইগী চৎনবীশিংবু শিংনবতা নত্তনা সস্তেনেবল দিবেলপমেন্ত গোল ৫.৩ অমসুং বিক্সিত ভারতকী মঙলানগা লোয়ননা চৎমিন্নরি। সরকার, কম্যুনিতিশিং, এন.জি.ও.শিং, অমসুং নাগরিকশিংনা পুন্না লেপ্পা নাইদনা থবক পায়খৎপনা খেন্নবা লৈতবগী চক্রশিং থিংনবা অমসুং অঙাং খুদিংমক্কী এজুকেসন, হকশেল অমসুং ওতোনোমীগী হক ফংহন্নবা অচেৎপা ৱাফম থম্লি। অচেৎপা ফিরেপ অমগা লোয়ননা, ভারতনা অঙাং ওইরিঙৈদা লুহোংবা য়াওদবা তুংলমচৎ অমা ফংহনবা ঙমগনি। মসিনা নুপীমচা অমসুং নুপামচাশিংগী মীরোল কয়াবু চাউখৎনবা শক্তি পীরগনি।

রিফরেন্স:

প্রেস ইনফোর্মেসন ব্যুরো

https://www.pib.gov.in/PressReleasePage.aspx?PRID=2168554&reg=3&lang=2

https://www.pib.gov.in/PressReleseDetail.aspx?PRID=2197965&reg=3&lang=1

মিনিস্ত্রী ওফ চাইল্দ এন্ড ৱিমেন ইম্পাৱরমেন্ত

https://stopchildmarriage.wcd.gov.in/public/documents/noticeboard/campaign100days.pdf

https://socialwelfare.tripura.gov.in/sites/default/files/THE%20PROHIBITION%20OF%20CHILD%20MARRIAGE%20ACT%2C%202006.pdf

https://stopchildmarriage.wcd.gov.in/about#:~:text=The%20Prohibition%20of%20Child%20Marriage%20Act%20(PCMA),*%20Put%20in%20place%20a%20comprehensive%20mechanism

https://stopchildmarriage.wcd.gov.in/about#:~:text=The%20Prohibition%20of%20Child%20Marriage%20Act%20(PCMA),*%20Put%20in%20place%20a%20comprehensive%20mechanism

https://wdcw.ap.gov.in/dept_files/cm_cmp.pdf

https://x.com/Annapurna4BJP/status/1993968281439621226?ref_src=twsrc%5Etfw%7Ctwcamp%5Etweetembed%7Ctwterm%5E1993968281439621226%7Ctwgr%5Eb7b72c138a5947de31a0f178d352c201ede5d37d%7Ctwcon%5Es1_&ref_url=https%3A%2F%2Fwww.pib.gov.in%2FPressReleasePage.aspx%3FPRID%3D2197965reg%3D3lang%3D1

https://x.com/MinistryWCD/status/1995429594141458665

https://rsdebate.nic.in/bitstream/123456789/421118/1/PD_104_02031978_9_p131_p222_17.pdf

লো অমসুং জস্তিস মন্ত্রালয়
https://www.indiacode.nic.in/bitstream/123456789/6843/1/child_marriage_prohibition_act.pdf?referrer=grok.com

দুরদর্শন (দি.দি.নেস্নেল য়ুত্যুব:

https://www.youtube.com/watch?v=WxlPyjEk5Fk

য়ুনাইতেদ নেসন্স পোপ্যুলেসন ফন্দ:

https://india.unfpa.org/sites/default/files/pub-pdf/analytical_series_1_-_child_marriage_in_india_-_insights_from_nfhs-5_final_0.pdf

য়ুনাইতেদ নেসন্স ৱিমেন:

https://sadrag.org/wp-content/uploads/2025/01/Training-Guide-for-service-providers-GBV-compressed.pdf

য়ুনাইতেদ নেসন্স চিলদ্রেন্স ফন্দ:

file:///C:/Users/HP/Downloads/Ending_Child_Marriage-profile_of_progress_in_India_2023%20(1).pdf

 বাল বিভাহ মুক্ত ভারত

******