पत्र सूचना कार्यालय

মরু ওইবা ৱারোলশিং

• সেমিকন্দক্তর চিপ দিজাইন অসি মরুওইবা ভেল্যু দ্রাইভরনি, ভেল্যু এদিসনগী 50%, বিল ওফ মেতরিএল কোস্ত (BOM) গী 20-50% অমসুং ফেবলেস সেগমেন্তগী খুত্থাংদা গ্লোবেল সেমিকন্দক্তর সেল্সকী 30-35% কন্ত্রিব্যুত তৌরি।
• সেমিকোন ইন্দিয়া প্রোগ্রামগী মখাদা MeitYগী দিজাইন লিঙ্ক ইন্সেন্তিব (DLI) স্কিম্না মশা-মরোমদোম লেপচবা, মালেমগী থাক্তা চাংদম্নবা ঙম্বা চিপ দিজাইন ইকোসিস্তেম অমা শেমগৎনবা পান্দম থম্লি।
• DLIনা মতেং পাংলিবা চিপ দিজাইন প্রোজেক্ত 24 অসিনা ভিদিও সর্ভিলেন্স, দ্রোন দিতেক্সন, ইনর্জী মিত্তরিং, মাইক্রোপ্রোসেসর, সেতিলাইত কম্ম্যুনিকেসন অমসুং IoT SoC  য়াওনা স্ত্রেতেজিক সেক্তরশিংদা তার্গেৎ তৌরি।
• DLIনা মতেং পাংলিবা প্রোজেক্তশিং অসি তেপ-আউৎ 16, ASIC চিপ 6, পেতেন্ত 10, ইঞ্জিনীয়র 1,000 হেনবনা শরুক য়াবা, অমসুং প্রাইবেৎ ইনভেস্তমেন্তগী শরুক অহুমদগী হেনবনা থুনা চাউখৎলক্লি।

ৱাহৌদোক

ভারতনা সেমিকন্দক্তরগী পান্দমশিং ফংনবা মাংলোমদা চংশিল্লি। সেমিকন্দক্তর চিপশিং অসি হেল্থকেয়র, ত্রান্সপোর্ত, কম্ম্যুনিকেসন, দিফেন্স, স্পেস অমসুং দিজিতেল ইনফ্রাস্ত্রকচরগী মরুওইবা মচাকশিংনি হায়না শকখঙলি। দিজিতেলাইজেসন অমসুং ওতোমেসনগী খোঙজেল য়াংখৎলকপগা লোয়ননা সেমিকন্দক্তর চিপশিংগী মালেমগী দিমান্দ অসি অকনবা মওংদা হেনগৎলক্লি। মসিগী পাউখুম ওইনা, ভারত সরকারনা সেমিকোন ইন্দিয়া প্রোগ্রাম অমসুং ইন্দিয়া সেমিকন্দক্তর মিসন (ISM) গী খুত্থাংদা দোমেস্তিক সেমিকন্দক্তর ইকোসিস্তেম অমসুং সপ্লাই চেন মপাঙ্গল কনখৎহল্লি। অদুম ওইনমক, সেমিকন্দক্তর মেন্যুফেকচরিং অসি জিওগ্রাফিকেল ওইনা অকক্নবা মশীং অমদা য়ুম্ফম ওইদুনা লৈরি, মসিনা মালেমগী সপ্লাই চেনশিং অসি য়াম্না শোনবা অমসুং খুদোংচাদবা ওইহল্লি। মসিনা মালেমগী মেনুফেকচরিং বেজ অসি দাইভর্সিফাই তৌবগী তঙাই ফদবা অদু ময়েক শেংনা তাক্লি। মালেমগী সেমিকন্দক্তরগী লমদা ভারত অসি স্ত্রেতেজিক অমসুং থাজবা য়াবা প্লেয়র অমা ওইনা হেনগৎলক্লি।

DLI স্কিম

দিজাইন লিঙ্ক ইন্সেন্তিব (DLI) স্কিম অসি মপাঙ্গল কনবা ফ্যাবলেস কেপাসিতী অমা শেমগৎনবা ভারতকী এম্বিসন অসি মাংলোমদা চংশিনবদা মরুওইবা খুৎলাই অমনি। ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (MeitY) না সেমিকোন ইন্দিয়া প্রোগ্রামগী মখাদা লৈবাক অসিগী স্তার্ত-অপশিং অমসুং MSMEশিংগীদমক ফাইনান্সিএল ইন্সেন্তিবশিং অমসুং এদভান্স দিজাইন ইনফ্রাস্ত্রকচর ফংহন্দুনা মপাঙ্গল কনবা, মশা-মরোমদোম লেপচবা চিপ দিজাইন ইকোসিস্তেম অমা শেমগৎনবা স্কিম অসি ইমপ্লিমেন্ত তৌরি।

DLI স্কিম অসিনা সেমিকন্দক্তর দিজাইনবু দিজাইন অমসুং দিবেলপমেন্ততগী হৌদুনা ইন্তিগ্রেতেদ সর্কিতশিং (ICশিং), চিপসেৎশিং, সিস্তেম-ওন-চিপশিং (SoCশিং), সিস্তেমশিং অমসুং IP কোরশিং কোনশিন্দুনা দিপ্লোইমেন্ত ফাওবগী মপুং ফাবা লাইফ সাইকলদা মতেং পাংই। ইলেক্ত্রোনিক প্রদক্তশিংদা লমদমসিগী সেমিকন্দক্তরগী মচাকশিং অমসুং ইন্তিলেকচরেল প্রোপর্তী প্রমোৎ তৌদুনা, স্কিম অসিনা ইম্পোর্তকী মখা পোনবা হন্থহনবা, সপ্লাই চেনগী রেসিলিয়েন্স মপাঙ্গল কনখৎহনবা অমসুং দোমেস্তিক ভেল্যু এদিসন হেনগৎহনবা পান্দম থম্লি।

DLIগী মখাদা ফাইনান্সিএল ইন্সেন্তিবশিং অমসুং দিজাইন ইনফ্রাস্ত্রকচর সপ্পোর্ত

DLIগী প্রোগ্রাম হায়লাইৎ অমসুং মরু ওইবা মাইপাকপশিং

দিসেম্বর 2021দা হৌদোকখিবদগী দিজাইন লিঙ্ক ইন্সেন্তিব (DLI) স্কিম অসিনা ভারত্তা মপাঙ্গল কনখৎহন্নবা অমসুং মশা-মরোমদোম লেপচবা সেমিকন্দক্তর দিজাইন ইকোসিস্তেম অমা শেমগৎপদা অচৌবা থৌদাং লৌরি। শেল-থুমগী ইন্সেন্তিবশিং, অৱাংবা থাক্কী দিজাইন তুলশিং ফংহনবা, অমসুং কম্পনীশিং, স্তার্ত-অপশিং, অমসুং একাদমিক ইন্সতিত্যুসনশিংদা প্রোতোতাইপিং সপোর্ত পীদুনা, স্কিম অসিনা ইন্নোবেতরশিংদা ৱাখল্লোনশিংদগী অশেংবা সিলিকোন চিপশিং ফাওবদা লেপ্পা লৈতনা খুমাং চাউশিনবা ঙমহল্লি। ইকোসিস্তেমদা য়ুম্ফম ওইবা থৌওং অসি চিপ দিজাইন তৌনবগীদমক্তা শেয়র নেস্নেল ইনফ্রাস্ত্রকচর শেমগৎতুনা য়ুম্ফম ওইখি।

ইনফ্রাস্ত্রকচর অসিগী মরুওইবা য়ুম্বী অমা হায়রগদি চিপ-ইন সেন্তরনি মসিনা লৈবাক শিনবা থুংনা ওর্গনাইজেসন 400দা লৈরিবা ইঞ্জিনীয়র অমসুং মহৈরোয় লাখ 1রোমগীদমক চিপ দিজাইন তৌনবা এদভান্স EDA তুলশিং দেমোক্রেতাইজ এক্সেস ফংহল্লি - মসিগী মনুংদা চিপ্স তু স্তার্ত-অপ (C2S) প্রোগ্রামগী মখাদা একাদেমিক ইন্সতিত্যুসন 305 রোম অমসুং DLIস্কিমগী মখাদা স্তার্তঅপ 95দা মতেং পীনবা য়াওরি। মসিনা অঙনবা স্তেজদা লৈরিবা ইন্নোবেতরশিংগীদমক্তা এন্ত্রী বারিয়রশিং অসি য়াম্না হন্থহনগনি।

মসিগী খোঙথাং অসিবু মপুং ফাহন্নবগীদমক, ভারতকী শেয়র তৌরবা EDA গ্রিদ - হাই-এন্দ চিপ দিজাইন সোফৱেয়র পীরিবা নেস্নেল প্লেৎফোর্ম অসিনা জনুৱারী 2, 2026 ফাওবদা সপোর্ত তৌরবা স্তার্ত-অপ 95না পুন্না পুং 54,03,005 শিজিন্নখিবগী রেকোর্দ তৌখি, মসিনা স্তার্ত-অপশিং, MSMEশিং অমসুং রাজ্য পুম্নমক্কী রিসর্চরশিংনা মপাঙ্গল কন্না শিজিন্নৈ তাক্লি।

হায়রিবা থৌরাংশিং অসিনা লৈবাক অসিগী স্তার্তঅপ ইকোসিস্তেমগীদমক মশক থোকপা মহৈশিং ওইহনখ্রে। DLI স্কিমগী মখাদা মতেং পাংলিবা কম্পনীশিংনা ইন্নোবেসনদগী থবক ওইনা পাংথোকপগী মায়কৈদা চংশিল্লি। পেতেন্ত 10 ফাইল তৌখ্রে, চিপ দিজাইন তৌবগী তেপ-আউৎ 16 মপুং ফানা লোইশিনখ্রে, অমসুং সেমিকন্দক্তর চিপ 6 মায় পাক্না ফেব্রিকেৎ তৌখ্রে। মসিগা মান্ননা, DLIনা শৌগৎপা প্রোজেক্তশিংগী খুত্থাংদা অখন্নবা ইঞ্জিনীয়র 1000 হেনবদা ত্রেনিং পীখ্রে নৎত্রগা এঙ্গেজ তৌখ্রে, মসিনা ভারতকী দিজাইন তেলেন্ত বেজ মপাঙ্গল কনখৎহল্লে। বেনিফিসরীশিংনা রিয়ুজেবল সেমিকন্দক্তর IP করোর 140 হেন্না পুথোকখ্রে। মখোয়শিং অসি এদভান্স চিপ দিবেলপমেন্তকীদমক মরুওইবা ইনেব্লরশিং ওইনা মথৌ তৌরি।

মায় পাকপগী থৌওংশিং অসিদা য়ুম্ফম ওইদুনা, DLI স্কিম্না হৌজিক্তি দিজাইন ভেলিদেসনদগী প্রদক্তাইজেসন ফাওবগী ত্রাঞ্জিসন অদু পুরক্লি। মসিনা স্তার্ত-অপশিং অমসুং MSMEশিংদা ভোল্যুম মেন্যুফেকচরিং, সিস্তেম ইন্তিগ্রেসন, অমসুং মার্কেত দিপ্লোইমেন্তকী মায়কৈদা চংশিনবা ঙমহল্লি। অসিগুম্বা চাউখৎলক্লিবা ইকোসিস্তেম অসিনা ভারতকী দোমেস্তিক সেমিকন্দক্তর কেপাবিলিতীশিংবু মপাঙ্গল কনখৎহনবতা নত্তনা মালেমগী ওইনা চিপ দিজাইন অমসুং ইনোবেসনদা লৈবাক অসি থাজবা য়াবা প্লেয়র অমা ওইহল্লগনি।

সেমিকন্দক্তর দিজাইনগী মরু ওইবা ইন্সতিত্যুস্নেল ফ্রেমৱার্কশিং

ভারতকী সেমিকন্দক্তর ইকোসিস্তেম অসি পোলিসী লিদরশিপ, ইনভেস্তমেন্ত সপোর্ত, কেপাসিতী বিল্দিং অমসুং লমদমসিগী তেক্নোলোজী দিবেলপমেন্ত পুনশিন্নবা কোওর্দিনেতেদ ইন্সতিত্যুস্নেল ফ্রেমৱার্ক অমগী খুত্থাংদা মপাঙ্গল কনখৎহল্লি। মরুওইবা প্রোগ্রামশিং অমসুং এজেন্সীশিংনা চিপ দিজাইন অমসুং মেন্যুফেকচরিংবু ইন্সেন্তিব তৌবদগী হৌরগা হৈ-শিংলবা তেলেন্তশিং শেমগৎপা অমসুং ওপন-সোর্স মাইক্রোপ্রোসেসর আর্কিতেকচরশিং শেমগৎপদা এন্দ-তু-এন্দ সপোর্ত পীরি। মসিনা মশা-মরোমদোম লেপচবা অমসুং মালেমগী থাক্তা চাংদম্নবা ঙম্বা সেমিকন্দক্তর দিজাইন ইকোসিস্তেম অমগী মায়কৈদা ভারতনা খুমাং চাউশিনহনগনি।

1. ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় (MeitY): MeitYনা নেস্নেল সেমিকন্দক্তর ইনিসিয়েতিবশিং লমজিংলি, পোলিসী দিরেক্সন পীরি, অমসুং স্কিমশিং এঙ্কর তৌরি। মসিনা ভারতকী চিপ দিজাইন অমসুং মেন্যুফেকচরিং ইকোসিস্তেম মপাঙ্গল কনখৎহন্নবা ইন্সতিত্যুস্নেল অমসুং ইন্দস্ত্রী পার্তনরশিপশিংসু কোওর্দিনেৎ তৌরি। ভারতকী দোমেস্তিক সেমিকন্দক্তর দিজাইন ইন্দস্ত্রীদা লৈরিবা দিসএবলিতীশিং কোকহন্নবা মীৎয়েং থম্লিবা দিজাইন লিঙ্ক ইন্সেন্তিব (DLI) অসি MeitYনা লাউথোকখি। মসিনা সেমিকন্দক্তর ভেল্যু চেনদা ভারতকী কম্পনীশিংদা মতেং পাংনবা হোৎনরি।
2. সেমিকোন ইন্দিয়া প্রোগ্রাম (এস.আই.এম.): লুপা করোর 76,000গী শেনফমগা লোয়ননা প্রোগ্রাম অসিনা সেমিকন্দক্তর অমসুং দিসপ্লে মেন্যুফেকচরিং অমসুং দিজাইন ইকোসিস্তেমদা শেন থাদনবগীদমক মতেং পাংলি। DLI স্কিম অসি প্রোগ্রাম অসিগী মখাদা মথৌ তৌরি, মসিনা দিজাইন, ফেব্রিকেসন অমসুং প্রদক্তাইজেসনগীদমক এন্দ-তু-এন্দ বেকিং ফংহল্লি। MeitYগী প্রিমিয়র R&D ওর্গনাইজেসন অমা ওইরিবা C-DACনা নোদেল এজেন্সী অমা ওইনা DLI স্কিম অসি ইমপ্লিমেন্ত তৌবগী থৌদাং লৌরি।
3. চিপ্স তু স্তার্তঅপ (C2S) প্রোগ্রাম: C2S অসি সেমিকন্দক্তর চিপ দিজাইন তৌবদা অখন্নবা বি.তেক, এম.তেক, অমসুং পি.ঐচ.দি.গী থাক্তা ইন্দস্ত্রী-রেদি মেনপাৱর 85,000 পুথোক্নবা লৈবাক শিনবা থুংনা শন্দোরক্লিবা একাদেমিক ওর্গনাইজেসনশিংদা কেপাসিতী বিল্দিং প্রোগ্রাম অমা হৌদোক্লে।
4. মাইক্রোপ্রোসেসর দিবেলপমেন্ত প্রোগ্রাম: C-DAC, IIT মাদ্রাস অমসুং IIT বোম্বেদা হৌদোকখিবা মাইক্রোপ্রোসেসর দিবেলপমেন্ত প্রোগ্রাম অসিনা মাইক্রোপ্রোসেসরশিংগী ওপন-সোর্স আর্কিতেকচর-বেজ ফেমিলীগী দিজাইন, দিবেলপমেন্ত অমসুং ফেব্রিকেসন তৌবা ঙমহল্লে হায়বদি মশা-মরোমদোম লেপচবগী মায়কৈদা খোঙথাং অমা ওইনা VEGA12, SHAKTI13 অমসুং AJIT মাইক্রোপ্রোসেসরশিং।

ইন্সতিত্যুস্নেল ইনিসিয়েতিবশিং অসিনা পুন্না স্তার্ত-অপশিং, MSMEশিং অমসুং একাদেমিক ইন্সতিত্যুসনশিংবু ইনোভেসন অমসুং স্কেল তৌবা ঙমহন্দুনা ভারতকী সেমিকন্দক্তর এম্বিসনশিংগীদমক্তা মপাঙ্গল লৈরবা ফাউন্দেসন অমা শেমগৎলি। রিসর্চতগী প্রদক্তাইজেসন ফাওবগী মরক্তা লৈরিবা অৱাৎপা অদু কোকহন্দুনা, মখোয়না মশা-মরোমদোম লেপচবা, মালেমগী চাংদম্নবা হেনগৎহনবা অমসুং মালেমগী সেমিকন্দক্তরগী লমদা ভারতপু স্ত্রেতেজিক প্লেয়র অমা ওইনা থম্লি।

ভারতকী দিজাইন লিঙ্ক ইন্সেন্তিব (DLI) স্কিমগী মাইপাকপগী ৱারী

DLI স্কিমগী মখাদা, ভিদিও সর্ভিলেন্স, দ্রোন থিদোকপা, ইনর্জী মিৎর, মাইক্রোপ্রোসেসর, সেতলাইত কম্ম্যুনিকেসন, ব্রোদবেন্দ অমসুং IoT SoCsগুম্বা লমশিংদা চিপ-দিজাইন প্রোজেক্ত 24 সেঙ্কসন তৌখ্রে। মসিগী মথক্তা, ইন্দিয়ন চিপ দিজাইন স্তার্তঅপশিংগীদমক দিজাইন অমসুং ইনফ্রাস্ত্রকচরগী শেনফমশিং য়াম্না হন্থহন্দুনা ইন্দস্ত্রী-গ্রেদ EDAদা কম্পনী 95না এক্সেস ফংখ্রে। বেনিফিসরীশিংগী মরক্তা, মখাদা পীরিবা কম্পনীশিং অসি DLI স্কিমনা মালেমগী থাক্কী সেমিকন্দক্তর ইনোভেসনবু মতৌ করম্না চাউখৎহনবগে হায়বগী মরুওইবা খুদমশিংনি:

• সেমিকন্দক্তর IP 110+গী মপাঙ্গল লৈরবা পোর্তফোলিও, ইন্তিগ্রেতেদ সর্কিত (IC) প্রদক্ত ভেরিএন্ত 25, অয়াবা পীরবা পেতেন্ত 10, অমসুং ত্রেদ সিক্রেৎ 5 লৈবা ভর্বেসেমি মাইক্রো ইলেক্ত্রোনিক্সনা ফেন, কুলর, মিক্সর গ্রাইন্দর, এয়র কন্দিসনর, ৱাশিং মেছিন, অমসুং দ্রোনশিং, লোয়ননা ই-স্কুতর অমসুং ই-রিক্সাগুম্বা ওতোমোতিব এপ্লিকেসনশিং য়াওনা এপ্লিকেসন মখল কয়াগীদমক মোতোর-কন্ত্রোল চিপশিং দিবেলপ তৌরি। চিপশিং অসিনা BLDC মোতোরশিংগী তোপ তোপ্পা কাংলুপ অমা সপোর্ত তৌই। ভর্ভেসেমিনা পাইলোৎ-লোৎ সেম্পলিং চিপ অনিগীদমক লোইশিনখ্রে, চহি অসিগী অরোইবা শরুক্তা ফাউন্দ্রীদগী অহুমশুবা চিপ অমা লাক্কনি হায়না পানরি অমসুং হৌজিক লৈরিবা চিপশিং শীজিন্নদুনা প্রদক্ত দিবেলপমেন্ততা থবক তৌরিবা মালেমগী কস্তমর কয়া অমসু লৈরে।
• ইন কোর সেমিকন্দক্তরস অসি ইন্দিজেনিক RISC-V মাইক্রোপ্রোসেসর IPশিং অমসুং SoC দিজাইন ওতোমেসন তুলশিং দিজাইন অমসুং দিবেলপমেন্ত তৌবদা মীৎয়েং থম্লি। মসিগী অরোইবা পান্দমদি এন্ত্রি-লেবেল স্মার্তফোনশিং অমসুং এদজ-AI এপ্লিকেসনশিংদা তার্গেৎ তৌদুনা ভারতকী খ্বাইদগী শক্তি লৈরবা এম্বেদেদ প্রোসেসর, দোলোমাইত শেমগৎপনি। ইনকোরগী প্রোসেসর IP কোরশিংগী পোর্তফোলিও অসি কস্তমরগী চিপ ময়ামগী মরক্তা সিলিকোন-প্রুভন তৌরবা, তেক্নোলোজী নোদশিংদা 180 nmদগী 16 নম ফাওবদা শেম্বা অমসুং স্ত্রেতেজিক অমসুং কম্মর্সিএল এপ্লিকেসনশিং ফংহল্লগা ইম্পোর্ত তৌরবা CPU IPদা ভারতকী মখা পোনবা হন্থনবা পান্দম থম্লি।
• নেত্রাসেমীনা CCTVগী সেক্যুর সর্ভিলেন্স, স্মার্ত সেন্সর, রোবোতিক্স অমসুং দ্রোনশিং, অমসুং মোবিলিতী এপ্লিকেসনশিংগীদমক AI-কেপেবল SoCশিং দিজাইন তৌবদা মীৎয়েং থম্লি। কম্পনী অসিনা ভারতকী অহানবা লমদম অসিদা দিজাইন তৌরবা AI SoCবু ইন-হাউস AI/ML এক্সিলরেতরশিং, ভিজন প্রোসেসিং অমসুং ভিদিও ইঞ্জিনশিং পুনশিন্নদুনা এদভান্স 12 nm প্রোসেস নোদ অমদা মায় পাক্না তেপ তৌখ্রে। ভারতকী সেমিকন্দক্তর কম্পনী অমগীদমক হৌজিক ফাওবদা খ্বাইদগী চাউবা প্রাইবেৎ ভেঞ্চর কেপিতেল ফন্দিংগা লোইননা নেত্রাসেমীসু শৌগৎলি অমসুং লাক্কদৌরিবা চহিদা লো-এন্দদগী হৌরগা অৱাংবা কমপ্লেক্সিতীগী সর্ভিলেন্স SoCশিং ফাওবা দিজাইন তেপ-আউৎকী সিরিজ অমা লাইন অপ তৌদুনা লৈরে।
• অহীসা দিজিতেল ইন্নোবেসনসনা ভিহান, য়ুম অমসুং বিজিনেসশিং হাই-স্পিদ ফাইবর নেৎৱার্কশিংদা শম্ননবা শীজিন্নরিবা ইন্দিজিনেল ফাইবর ব্রোদবেন্দ সোলুসন অমা শেমগৎলি। ভিহান অসি লমদমসিগী VEGA প্রোসেসরদা য়ুম্ফম ওইবা গিগাবিৎ পেসিভ ওপ্তিকেল নেৎৱার্ক (GPON) ওপ্তিকেল নে&ৱার্ক তর্মিনেল (ONT) অমসুং নেৎৱার্ক SoCদা য়ুম্ফম ওইরগা শেমগৎলি, মসিনা থাজবা য়াবা, সেক্যুর ওইবা অমসুং শেল চংদবা ব্রোদবেন্দ কনেক্তিবিতী ফংহল্লি। মখোয়না 2026তা কস্তমর এক্সপ্লোরেশনগী রেফরেন্স প্লেৎফোর্মশিং হৌদোক্নবা হোৎনরি।
• AAGYAVISION না অওনবা পুরকপা রেদর-অন-চিপশিং দিজাইন তৌরি মসিনা সেফতী, সেক্যুরিতী, স্মার্ত ইনফ্রাস্ত্রকচর, এদজ কম্প্যুতিং অমসুং 6G সেন্সর নেৎৱার্কশিং অমসুং দ্রোন দিতেক্সনগুম্বা মরুওইবা এপ্লিকেসনশিংদা খুমাং চাউশিলহল্লগনি।

মায় পাকপগী ৱারীশিং অসিনা মতৌ করম্না DLI স্কিমনা লৈবাক অসিদা লৈরিবা চিপ দিজাইন তৌবা ঙম্বশিংবু সিলিকোন-প্রুভন ওইবা, মার্কেত-রেদি প্রদক্তশিংদা ওন্থোক্লিবনো উৎলি। এদভান্স দিজাইন, প্রোতোতাইপিং অমসুং কম্মর্সিএলাইজেসনগী মতেং পাংদুনা, স্কিম অসিনা ভারতকী তেক্নোলোজিকেলগী ওইবা মশা-মরোমদোম লেপচবা অমসুং গ্লোবেল সেমিকন্দক্তর দিজাইন ইকোসিস্তেমদা মসিগী মফম অসি মপাঙ্গল কনখৎহল্লি।

ৱারোইশিন

দিজাইন লিঙ্ক ইন্সেন্তিব (DLI) স্কিম অসি গ্লোবেল সেমিকন্দক্তর ভেল্যু চেন-চিপ দিজাইনগী খ্বাইদগী স্ত্রেতেজিক অমসুং ভেল্যু-ইন্তেনসিভ সেগমেন্ত অমদা ভারতপু এঙ্কর তৌবদা য়াম্না মরু ওই। ইম্পোর্ত তৌরবা সেমিকন্দক্তর IPশিং অমসুং চিপশিংদা মখা পোনবা হন্থহন্দুনা, জিওপোলিতিকেল অমসুং সপ্লাই চেনগী অৱাবা মায়োক্নবদা মপাঙ্গল কনখৎহন্দুনা, অমসুং দিফেন্স, তেলিকোম, এ.আই. অমসুং মোবিলিতীগীদমক মরুওইবা তেক্নোলোজীশিংদা অয়াবা ফংহন্দুনা, DLIনা স্ত্রেতেজিক ওতোনোমী অমসুং মতম শাংনা চৎথগদবা শেন্মিৎলোন চাউখৎপগী য়ুম্ফম থোনখি। স্কিম অসিনা মালেমগী থাক্তা কম্পিতিতিব ওইবা পোৎথোকশিংদা দিপ-তেক ইনোভেসন হন্দোক্তুনা, স্তার্ত-অপশিং অমসুং MSMEশিং পুক্নিং থৌগৎতুনা, অমসুং অৱাংবা থাক্কী স্কিল লৈবা ইঞ্জিনীয়রিং ৱার্কফোর্স অমা শেমগৎতুনা অৱাংবা ভেল্যু গ্রোথ ফংহল্লি।

DLIনা মতেং পাংলিবা ফার্মশিংনা মল্তিপল চিপ তেপ-আউৎশিং, সিলিকোন-প্রুভন দিজাইনশিং, পেতেন্তশিং, রিয়ুজেবল IPশিং, ত্রেন তৌরবা তেলেন্তশিং অমসুং ওপরেস্নেল দিজাইন ইনফ্রাস্ত্রকচরশিং ফংদুনা লমদম অসিদা মশক থোকপা ইথিল অমা উৎলি। ইকোসিস্তেম অসি প্রদক্তাইজেসন ফেজদা চঙশিল্লকপগা লোয়ননা, সিলিকোন-ভেলিদেত তৌরবা দিজাইনশিং অসি ভোল্যুম মেনুফেকচরিং, সিস্তেম ইন্তিগ্রেসন অমসুং মার্কেত দিপ্লোইমেন্তকী মায়কৈদা চংশিল্লি। মসিনা দোমেস্তিক সপ্লাই চেনশিং মপাঙ্গল কনখৎহন্দুনা অমসুং ভারতকী মশা-মরোমদোম লেপচবা সেমিকন্দক্তর ইকোসিস্তেম মপাঙ্গল কনখৎহন্দুনা ভারতকী কম্পনীশিংবু থাজবা য়াবা গ্লোবেল সপ্লাইয়রশিং ওইহল্লি।

References

প্রেস ইনফোর্মেসন ব্যুরো

• https://www.pib.gov.in/PressReleasePage.aspx?PRID=2150464&reg=3&lang=2
• https://www.pib.gov.in/PressReleseDetailm.aspx?PRID=2159727&reg=3&lang=2
• https://www.pib.gov.in/PressReleasePage.aspx?PRID=2202899&reg=3&lang=2

ইলেক্ত্রোনিক্স অমসুং IT মন্ত্রালয়

• https://chips-dli.gov.in/DLI/Faq
• https://ism.gov.in/about-semiconindia
• https://www.meity.gov.in/static/uploads/2024/12/10fcadec462c330211502fed3d24ea83.pdf

লোক সভা

• https://eparlib.sansad.in/bitstream/123456789/2989604/1/lsd_18_IV_02-04-2025.pdf

PDFতা দাউনলোদ তৌ

***