Economy
২০২৫ একনোমিক রিফোর্ম
তুংলমচৎকী শেম শারবা ভারত অমা শাগৎপা
Posted On:
30 DEC 2025 1:11PM
|
মরুওইবা ৱারোলশিং
• ২০২৫ একনোমিক রিফোর্মশিংনা ফলদা য়ুম্ফম ওইবা গবর্নান্স, সিস্তেমশিং লাইথোকহনবা, অমসুং গ্রোথ, ইনক্লুসিবিতী, অমসুং ইজ ওফ দুইং বিজিনেস হেনগৎহনবদা মীৎয়েং থম্লি।
• লেবর রিফোর্মশিংনা সোসিএল সেক্যুরিতী অমসুং থবক মফমগী সেক্যুরিতী হেঙ্গৎহন্দুনা লেবর কোদ মরিগী মখাদা আইন ২৯ পুন্সিনখি।
• নেক্স জেনরেল জি.এস.তি.না তেক্সেসনবু লায়থোকহল্লে, তেক্সপেয়র বেজ অসি কোতি ১.৫দা হেঙ্গৎহল্লে।
• এক্সপোর্ত প্রমোসন মিসন (কোতি ₹২৫,০৬০) না এম.এস.এম.ই. অমসুং অহানবা ওইনা এক্সপোর্তরশিংদা শেল থাদবা, কমপ্লাইন্স অমসুং মার্কেত এক্সেস ফংহন্নবা মতেং পাংলি।
• রুরেল ইম্প্লোইমেন্ত রিফোর্মশিংনা শেল ফংবা য়াবা থবক তৌবগী নুমিৎ 125 পীরি।
|
ফম্বাক শেমগৎপাঃ ভারতকী ২০২৫ একনোমিক ভিজন
২০২৫ কী একনোমিক রিফোর্মশিং অসিনা ভারতকী গবর্নান্সকী মপুং ফারকপগী তাঙ্কক অদু উৎলি, মসিদা মরুওইরিবা অসি "রিগ্যুলেতরী ফ্রেমৱার্ক পাকথোক চাউথোকহনবদগী" "মেজরিবল আউতলেতশিং ফংহনবদা" য়ুম্ফম ওইখি। সিস্তেমশিংবু লায়থোকহন্নবা, কমপ্লাইএন্স বোর্দশিং হন্থহন্নবা, অমসুং নাগরিকশিং অমসুং ব্যুজিনেসশিংগীদমক প্রিদেক্টিভিতী ফগৎহন্নবা মীৎয়েং চঙখি। তেক্সেসন, জি.এস.তি., লেবর রেগুলেসন, অমসুং বিজিনেস কমপ্লাইন্সকী লমদা, রিফোর্মশিং অসি ইন্সতিত্যুসনশিংদা থাজবা অমসুং পোলিসী সর্তিফিকেসনবু মপাঙ্গল কনখৎহন্দুনা, নুমিৎ খুদিংগী একনোমিক ইন্তরেক্সনশিংবু হেন্না খুদোংচাবা, থুনা অমসুং ত্রান্সপরেন্ত ওইহন্নবা দিজাইন তৌখি।
চহি অসিগী খোঙথাংশিং অসিনা হিংবদা লাইবা, ললোন-ইতিক তৌবদা লাইবা অমসুং ইনক্লুসিব গ্রোথতা মিৎয়েং থম্লি। মসিনা ভারতকী একনোমিক এস্পিরেসনশিংগা লোইননা রেগুলেতরী স্ত্রকচরশিং অসি তুননা চৎহল্লি। সিম্প্লিফাইদ তেক্স রেজিমশিং অমসুং নেক্স জেনরেসন জি.এস.তি.দগী হৌরগা মোদর্ন লেবর কোদশিং অমসুং এম.এস.এম.ই.গী ৱাহন্থোকশিং পাকথোক-চাউথোকহনবদগী হৌরগা, সরকারনা রিফোর্মশিং অসিনা নুমিৎ খুদিংগী একনোমিক এক্তিবিতীশিংদা থেংনরিবা অৱাবা হন্থহনবতা নত্তনা নহাশিং, নুপীশিং, অপীকপা ললোন-ইতিক অমসুং খুঙ্গংগী কম্ম্যুনিতীশিংবু মপাঙ্গল কনখৎহন্নবা হোৎনখি। পুন্না মিৎয়েং থম্বা মতমদা, হায়রিবা খোঙথাংশিং অসিনা পোলিসী শেম্বা মতমদা মহৈ-মরোংদা য়ুম্ফম ওইবা গবর্নান্স এপ্রোচ অমা উৎলি, মসিনা থাজবা, মাংজৌননা উবা ঙম্বা অমসুং মতম শাংনা শেন-থুমগী রেসিলিয়েন্স হেনগৎহল্লি।
চাউখৎপা অমসুং খুদোংচাবা পীরিবা মরুওইবা রিফোর্মশিং
ইনকম তেক্স রিফোর্মশিং
ভারতকী ইমুংশিং অমসুং ইন্দিভিজুএল তেক্সপেয়রশিংগীদমক্তা অচৌবা মতেং অমা ওইনা, ২০২৫-২৬গী য়ুনিয়ন বজেৎনা দাইরেক্ত তেক্সেসনদা অচৌবা রিফোর্মশিং পুরকখি। মসিনা চহিগী ওইবা ইনকম লুপা লাখ ১২ ফাওবগী ইনকম তেক্স অসি অনৌবা থৌওং অসিগী মখাদা লৌবা য়াদে। স্তেন্দর্দ দিদক্সনগী মতুং ইন্না শেল লৌবা তেক্সপেয়রশিংগীদমক্তা ইফেক্তিব ওইনা কোকপীবগী চাং অসি লুপা লাখ ১২.৭৫দা হেনগৎখি। অহোংবা অসিনা সরকারগী অচেৎপা ফিরেপ অদু অমুক হন্না ফোংদোকখি অমসুং মিদল ক্লাসকী ইমুং মিলিয়ন কয়াদা দিস্পোজেবল ইনকম হেন্না লৈহন্দুনা কঞ্জ্যুমসন, সেভিংস অমসুং ইনভেস্তমেন্ত হেনগৎহনখি।
২০২৪গী জুলাইদা সরকারনা ইনকম তেক্স এক্ত, ১৯৬১বু অনৌবা ইনকম তেক্স এক্ত, ২০২৫ ওইহন্নবগীদমক মপুং ফানা শেমদোক্নবা লাউথোকখি। মসি লোল অসিবু লাইথোকহন্নবা, মতমগা চুনদ্রবা প্রোভিজনশিং লৌথোক্নবা অমসুং প্রোভিজনশিং পুনশিন্নবা অমসুং শেমদোক-শাদোক্নবা মরুওইবা খোংথাং অমনি। সেন্ত্রেল বোর্দ ওফ দাইরেক্ত তেক্সেস (সিবিদিতি) না শেমখিবা ইন্তর্নেল দিপার্তমেন্তেল কমিতী অমনা হৌজিক লৈরিবা এক্ত অসি মপুং ফানা য়েংশিন্নবা শেমখি অমসুং লমজিং-লমতাক পীবা কাংলোন অহুমগা লোয়ননা রিফোর্ম অসি পায়খৎখি:
• তেক্সচুএল অমসুং স্ত্রকচরেল সিম্প্লিফিকেসন, ক্লিয়রিতী অমসুং কোহেন্সী ফগৎহনবা।
• তেক্স পোলিসীদা অচৌবা অহোংবা অমত্তা লৈরোই, মখা তানা চৎথবা অমসুং থাজবা লৈহনবা।
• তেক্স রেৎশিংদা শেমদোক-শাদোকপা অমত্তা লৈরোই, তেক্স থীরিবশিংগীদমক্তা মাংজৌননা উবা ঙম্বা ঙম্মি।
ইনকম তেক্স এক্ত, ২০২৫না ভারতকী দাইরেক্ত তেক্স ফ্রেমৱার্ক অসি তেক্স লেজিস্লেসনবু লায়থোকহন্দুনা অমসুং স্ত্রিমলাইজ তৌদুনা মোদর্নাইজ তৌরি। মসিনা হেন্না এক্সেসিবল, ত্রান্সপরেন্ত অমসুং লিতিগেসনগী খুদোংচাবা হন্থহল্লি। মরুওইবা রিফোর্ম অমা হায়রগদি য়ুনিফাইদ "তেক্স ইয়ার" - এপ্রিল ১দা হৌগদবা শেনবা চহিগী থা তরামরিগী মতম, অসি এসেসমেন্ত ইয়ার অমসুং মমাংগী চহিগী হান্নগী ৱাখল্লোনশিংবু মহুৎ শিনবা। মসিনা ক্লিয়রিতী হেনগৎহনবতা নত্তনা তেক্সপেয়রশিংনা মখোয়গী ইনকম অমসুং তেক্স ফাইলিংগী শেনবা চহিগী মতাংদা হেন্না খংহনবদা মতেং পাংই, অদুগা কমপ্লাইএন্স অমসুং ইন্তপ্রিতেসনগী মতাংদা এম্বিগুইতী হন্থহল্লি।
এক্ত অসিনা দিজিতেল-ফার্স্ত এনফোর্সমেন্ত, ফেসলেস তেক্স এদমিনিস্ত্রেসনবু মপাঙ্গল কনখৎহল্লি, তেক্স দিদক্তেদ এত সোর্স (তি.দি.এস.) গুম্বা কমপ্লাইএন্স প্রোভিজনশিংবু সেক্সন অমখক্তদা পুন্সিলহল্লি, তেক্নোলোজী-এনেবল স্কিমশিং হৌদোক্নবা সরকারদা শক্তি পীরি, অমসুং দিসপ্যুত-রিজোলুসন মেকানিজমশিং হেনগৎহল্লি।
লেবর রিফোর্মশিং
ভারত সরকারনা হৌজিক লৈরিবা লেবর লো ২৯ অসি লেবর কোদ মরিদা পুনশিন্নখি। মখোয় অদুদি কোদ ওন ৱেজ, ২০১৯, ইন্দস্ত্রীএল রিলেসন কোদ, ২০২০, কোদ ওন সোসিএল সেক্যুরিতী, ২০২০ অমসুং ওক্যুপেসনেল সেফতী, হেল্থ অমসুং ৱার্কিং কন্দিসন কোদ, ২০২০নি।
অনৌবা ফ্রেমৱার্ক অসিনা নুপী য়াওনা, মাইগ্রেন্ত, গিগ অমসুং প্লেতফোর্ম ৱার্করশিং য়াওনা শিন্মীশিংগীদমক শেলগী সেক্যুরিতী, সোসিএল প্রোতেক্সন অমসুং থবক মফমগী সেক্যুরিতী হেঙ্গৎহন্দুনা ইজ ওফ দুইং বিজিনেস তৌবা হেনগৎহল্লি।
• খুৎশুমন: মসিনা শিন্মীশিংগী হকশিং মপাঙ্গল কনখৎহন্নবা পান্দম থম্লি অমসুং মসিগা লোয়ননা থবক পীরিবা মীওইশিংনা শেল-থুমগা মরী লৈনবা কমপ্লাইএন্সশিং পাংথোকপদা অচম্বা অমসুং মান্নবা অমা পুরক্নবা হোৎনরি। সেক্তর শিনবা থুংনা খুৎশুমনগী চপ মান্নবা দিফিনিসন অমসুং লেজিস্লেচরেল খ্বাইদগী নেম্বা খুৎশুমন, ইনকম সেক্যুরিতী ফগৎহনবা অমসুং ৱাথোক হন্থহনবা।
• ইন্দস্ত্রীএল রিলেসন: ত্রেদ য়ুনিয়নশিং, ইন্দস্ত্রীএল ইষ্টাব্লিসমেন্ত নৎত্রগা ইন্তর্প্রাইজেসতা থবক শুবগী কন্দিসনশিং, ইন্দস্ত্রীএল দিসপ্যুতশিং থিজিনবা অমসুং ৱারোইশিন পুরক্নবা মরী লৈনবা সিম্প্লিফিকেসন লোশিং।
• সোসিএল সেক্যুরিতী: শিন্মী পুম্নমক্তা সোসিএল সেক্যুরিতী পাকথোক চাউথোকহনবা। মসিদা ওর্গানাইজ তৌদবা, জিগ, অমসুং প্লেতফোর্ম ৱার্করশিং য়াওরি। মসিদা পুন্সি, হকশেল, মেতর্নিতি, অমসুং প্রোভিদেন্ত ফন্দগী কান্নবশিং য়াওরি।
• ওক্যুপেসনেল সেফতী এন্দ হেল্থ: শিন্মীশিংগী হকশিং অমসুং সেফ ওইবা থবক শুবগী ফিভমশিং ঙাক-শেনবা অমসুং বিজিনেস-ফ্রেন্দলী ওইবা রেগুলেতরী এনভাইরনমেন্ত অমা শেম্বা।
রিফোর্মশিং অসিনা ভারতকী শিন্মীশিংগীদমক সেফতী নেট পাকথোক চাউথোকহল্লি। গিগ অমসুং প্লেৎফোর্মদা থবক তৌরিবা মীওই মিলিয়ন ১০ রোম্না চহিগী ওইবা সোসিএল সেক্যুরিতী সপোর্ত ফংলি। নুপী শিন্মীশিংনা গেরেন্তি লিব প্রোভিজনশিং, মেত্তর্নিতি বেনিফিৎশিং অমসুং থবক মফমদা হেন্না ফবা সেক্যুরিতীগী কান্নবা ফংই। অপুনবা ওইনা, লেবর কোদশিং অসি রুল-হেভি রেগুলেসনদগী রিজল্ত-বেজ গবর্নান্সতা ৱারেপ লৌবা য়াবা অহোংবা অমনি। মসিনা সেক্তরশিংগী শিন্মী করোর ৫০ হেনবগীদমক য়ুনিফাইদ ফ্রেমৱার্ক অমা শেম্লে। মসিগী মথক্তা, কোদশিং অসিনা তুংলমচৎকীদমক শেম-শারিবা শিন্মীশিং অমসুং ভারতকী অশাংবা মতমগী গ্রোথ এস্পিরেসনশিংগা চুনবা রেসিলিয়েন্ত ইন্দস্ত্রীশিংগীদমক মপাঙ্গল কনবা ফাউন্দেসন অমা থম্লি।
খুঙ্গংদা থবক পীবগী রিফোর্মশিং
রুরেল এমপ্লোইমেন্ত রিফোর্মশিং অসি বিক্সিত ভারত - গরেন্তী ফোর রোজগর এন্দ অজীবিকা মিসন (গ্রামীণ) এক্ত, ২০২৫ চৎনহনবদা য়ুম্ফম ওইদুনা মহাত্মা গান্ধী নেস্নেল রুরেল এমপ্লোইমেন্ত গরেন্তী এক্ত (এম.জি.এন.আর.ই.জি.এ.) গী মহুৎ শিন্দুনা লাইবলিহুদ সেক্যুরিতী হেঙ্গৎহনগদবা অমসুং এমপ্লোইমেন্তপু কম্ম্যুনিতী দিবেলপমেন্তকা পুন্সিন্নগদবা মোদর্ন স্তেচুতরী ফ্রেমৱার্ক অমা শেম্লে।
• এক্সতেন্দদ এমপ্লোইমেন্ত গরেন্তী: শেনবা চহি অমদা খুঙ্গংগী ইমুং অমদা নুমিৎ 125গী শেন থুমগী থবক পীবা।
• এগ্রিকলচর অমসুং রুরেল এম্প্লোইমেন্তকী ইন্তিগ্রেতেদ প্রোভিজন: এগ্রিকলচরগী প্রদক্তিবিতী অমসুং শিন্মীশিংগী সেক্যুরিতী অনিমক সপোর্ত তৌরিবা কেলিব্রেদ বেলেন্স অমা শেন্নদুনা পিক সিদিং অমসুং হার্ভেস্তিং সিজনগী মতমদা এগ্রিকলচর লেবরগী মতিক চাবা ফংহনগনি।
• মতম চানা শেনফম পীবা: থবক লোইরবা মতুং নুমিৎ তরানিপালগী মনুংদা নৎত্রগা চয়োল অমদা মতম চানা শেনফম পীবা, শেনফমগী সেক্যুরিতী মপাঙ্গল কনখৎহনবা অমসুং শিন্মীশিংবু মতম চানা থবক শুহন্দবদগী ঙাকথোকপা।
• এসেৎ ক্রিয়েসন ফোকস: থবক অসিনা মরুওইবা হীরমগী ওইবা লম মরি- ঈশিংগী সেক্যুরিতী অমসুং মরী লৈনবা থবকশিং, খুঙ্গংগী ইনফ্রাস্ত্রকচর, ক্লাইমেৎ রেসিলিয়েন্ত প্রোজেক্তশিং, অমসুং পুন্সি মহিং হেনগৎহনবদা তুংকোইনা চৎনবা য়াবা পব্লিক এসেৎশিং শেমগৎপদা মতেং পাংই।
• দিসেন্ত্রেলাইজ তৌরবা থৌরাং: থবক পুম্নমক অসি গ্রাম পঞ্চায়তগী থাক্তা শরুক য়াবা থৌওংশিংগী খুত্থাংদা শেম্লবা অমসুং গ্রাম সভানা অয়াবা পীরবা বিক্সিত গ্রাম পঞ্চায়ত প্লানশিং (ভি.জি.পি.পি. থৌরাংশিং অসি পি.এম. গতি শক্তি য়াওনা নেস্নেল প্লেৎফোর্মশিংগা দিজিতেল ওইনা পুনশিন্নবা, দিসেন্ত্রেলাইজ তৌরবা ৱারেপ লৌবগী থৌওং লৈহন্দুনা মন্ত্রালয়শিংগী মরক্তা পুনশিনবা ঙমহল্লি।
• ফাইনান্সিএল আর্কিতেকচর: এক্ত অসি সেন্ত্রেল্লি স্পোন্সর তৌরবা স্কিম অমা ওইনা ইমপ্লিমেন্ত তৌরি, রাজ্য সরকারশিংনা মসিগী প্রোভিজনশিং অদুগী মতুং ইন্না নোতিফাই তৌদুনা অমসুং থবক ওইনা পাংথোক্লি।
• এদমিনিস্ত্রেতিব কেপাসিতী মপাঙ্গল কনখৎহনবা: এদমিনিস্ত্রেতিব শেনফমগী সিলিং অসি চাদা ৬দগী চাদা ৯দা হেনগৎহনখ্রে। মসিনা ইনস্তিত্যুসনেল দেলিভরী অমসুং মহৈ-মশিং ফগৎহন্নবা পর্সোনেল, ত্রেনিং, তেক্নিকেল কেপাসিতী অমসুং ফিল্দ লেবেল সপোর্ত মপাঙ্গল কনখৎহনগনি।
ললোন-ইতিক তৌবদা লাইহনবা
ক্বালিতী কন্ত্রোল ওর্দরশিং (কি.সি.ও.) না দোমেস্তিক প্রদক্সনদা খুদোংচাদবা লৈহন্দনবা, সরকারনা মখোয়শিং অসি ব্যুরো ওফ ইন্দিয়ন স্তেন্দর্দ (বি.আই.এস.) গী খুত্থাংদা তাঙ্কক নাইনা অমসুং এম.এস.এম.ই. ফ্রেন্দলী মেন্নর অমদা চলাইরি।
ক্বালিতী কন্ত্রোল ওর্দরশিং (কি.সি.ও.) -মরুওইবা রিল্লেক্সনশিং: মাইক্রো (থা ৬) অমসুং স্মোল (থা ৩) ইন্তর্প্রাইজেসশিংদা অহেনবা কমপ্লাইএন্স মতম পীখি, এক্সপোর্ত ওরিয়েন্তেদ অমসুং আর.এন্দ.আই. (য়ুনিত 200 ফাওবা) ইন্তর্প্রাইজেসশিংদা এক্সজেন্সন পীখি, অমসুং লেগেসী স্তোক অসি থা তরুক্কী মনুংদা ক্লিয়র তৌবা য়াহনখি, মসিনা ইন্তর্প্রাইজেসশিংদা ত্রাঞ্জিসন অসি লায়থোকহনখি।
এম.এস.এম.ই.শিংগীদমক বি.আই.এস. সপোর্ত মেজরশিংগী মখাদা, ইন্তর্প্রাইজেসশিংনা চহিগী মার্কিং ফীদা কন্সেসেসন ফংখি, ইন-হাউস লেবোরেতরীগী মথৌ তাবশিং অসি এক্রেদিতেদ নৎত্রগা শেয়র তৌরবা লেবোরেতরীশিংদা এক্সেস লৈবগা লোইননা ওপশনেল ওইখি, ইন্সপেক্সন অমসুং তেস্তিংগী থৌওংশিং অসি হেন্না ফ্লেক্সিবল ওইখি, অমসুং পোত্থোক সর্তিফিকেসনগী গাইদলাইনশিং অসি কমপ্লাইএন্স অসি লায়থোকহন্নবগীদমক্তা মীয়ামদা ফংহনখি।
এম.এস.এম.ই.শিংদা ক্রেদিৎ ফ্লো ফগৎহন্নবগী মখাদা, লোনশিং অসি অতেনবা রিসেৎ পিরিয়দ (থা 3) লৈবা এক্সতর্নেল বেঞ্চমার্কশিংগা লিঙ্ক তৌখ্রে। এম.এস.এম.ই.শিংগী ম্যুচুএল ক্রেদিৎ গেরেন্তী স্কিম (এম.সি.জি.এস.-এম.এস.এম.ই.) না হৌজিক্তি ইক্বিপমেন্ত অমসুং মেছিনরীশিংগীদমক লুপা করোর ১০০ ফাওবগী কভরেজ ফংহল্লে। প্রাইওরিতী সেক্তর লেন্দিংগী পান্দমশিং অসি চৎনহল্লে। মাইক্রো অমসুং স্মোল এন্তরপ্রাইজশিংগীদমক লুপা লাখ ১০ ফাওবগী কোলেতরেল-ফ্রী লোন ফংহল্লে। অমসুং এম.এস.ই.শিংগীদমক ৱার্কিং কেপিতেলগী দরকার ওইরিবশিং অসি লুপা করোর ৫ ফাওবগী ক্রেদিৎ লিমিৎশিংগীদমক প্রজেক্ত তৌরিবা চহিগী তর্নওভরগী য়ামদ্রবদা ২০% ওইগদবনি।
অতৈ এম.এস.এম.ই. রিফোর্মশিং
বজেৎ ২০২৫-২৬না এম.এস.এম.ই.গী ৱাহন্থোক পাকথোক চাউথোকহনখি, ইনভেস্তমেন্ত অমসুং তর্নওভর লিমিৎশিং হেনগৎহনখি অমসুং ঐখোয়গী নহারোলশিংগী থাজবা হেনগৎহন্নবা অমসুং থবক ফংহন্নবা হোৎনখি। মাইক্রো অমসুং স্মোল এন্তরপ্রাইজশিংগী ক্রেদিৎ গেরেন্তী কোভর অসি লুপা করোর ৫দগী লুপা করোর ১০দা হেনগৎহনখি। মসিনা পাকথোক চাউথোকপা অমসুং মোদর্নাইজেসনগীদমক ফোর্মেল ফাইনান্সিংদা এক্সেস ফগৎহনখি।
রিভাইস তৌরবা থ্রেশহোল্দশিং:
• মাইক্রো: লুপা করোর ২.৫ ফাওবগী ইনভেস্তমেন্ত, লুপা করোর ১০ ফাওবগী তর্নওভর
• অপীকপা: লুপা করোর ২৫ ফাওবগী ইনভেস্তমেন্ত, লুপা করোর ১০০ ফাওবগী তর্নওভর
• মেদিয়ম: লুপা করোর ১২৫ ফাওবগী ইনবেস্তমেন্ত, লুপা করোর ৫০০ ফাওবগী তর্নওভর
জি.এস.তি. ২.০ রিফোর্মশিং
গুদস এন্দ সর্বিসেস তেক্স (জি.এস.তি.) গী রিফোর্মশিং অসি ভারতকী ইনদাইরেক্ত তেক্স ফ্রেমৱার্ক অসি নহা ওইরিবা, এন্ত্রিপ্রেন্যুওরেল অমসুং কঞ্জ্যুমর-দ্রাইভেন ইকোনোমী অমগী এস্পিরেসনগা চান্নহন্নবা অতোপ্পা মরুওইবা খোংথাং অমনি। খ্বাইদগী নৌবা নেক্স জেনরেসন জি.এস.তি.গী রিফোর্মশিং অসি তেক্স লৌবা লায়থোকহন্নবা, নাগরিকশিংদা চৈথেং হন্থহন্নবা অমসুং ইজ ওফ দুইং বিজিনেস ফগৎহন্নবা ৱারেপ লৌবা য়াবা খোংথাং অমনি। মখোয়না জি.এস.তি.বু সিতিজন-সেন্ত্রিক, ব্যুজিনেস-ফ্রেন্দলী, অমসুং গ্রোথ-ওরিএন্তেদ তেক্স সিস্তেম অমা ওইনা শিংথানীংঙাই ওইবা মওংদা মপাঙ্গল কনখৎহল্লি।
• সিম্পল তেক্স স্ত্রকচর: জি.এস.তি.গী স্ত্রকচর অনি (৫% অমসুং ১৮%) দা হোংলকপনা কমপ্লেক্সিতী, ক্লাসিফিকেসনগী ৱাথোক অমসুং কমপ্লাইএন্সকী শেনফম হন্থহল্লি। মসিনা মরুওইনা এম.এস.এম.ই.শিং অমসুং অপীকপা ত্রেদরশিংগীদমক্তা ললোন-ইতিক তৌবদা লাইথোকহল্লি।
• পুন্সি মহিং হন্থহনবা: তঙাই ফদবা পোৎলমশিং, য়ুমগী পোৎলমশিং, হকশেলগী পোৎলমশিং, এজুকেসন মেতরিএলশিং, হাউজিং ইনপুতশিং অমসুং সর্ভিসশিংদা রেৎ হন্থহনবা অসিনা ইনফ্লেস্নরী প্রেসর হন্থহল্লি অমসুং য়ুমগী শেল চঙবা হেনগৎহল্লি।
এম.এস.এম.ই. অমসুং স্তার্ত-অপ এমেবিলিতী: অথুবা রিফন্দশিং, অচম্বা রেজিস্ত্রেসন অমসুং রিফোর্মশিং, অমসুং হন্থবা ইনপুত কোস্তশিং অসি হৌজিক লৈরিবা বিজিনেসশিং অমসুং স্তার্ত-অপশিংবু পুক্নিং থৌগৎনবা অমসুং নহাশিংবু বিজিনেসশিংদা চংনবা অমসুং স্তার্ত-অপশিং হৌদোক্নবা পুক্নিং থৌগৎনবা পান্দম থম্লি।
• তেক্স বেজ পাকথোক চাউথোকহনবা অমসুং রেভিন্যু স্তেবিলিতী: অচম্বা রেৎশিং অমসুং হেন্না ফবা কমপ্লাইন্সনা জি.এস.তি.গী তেক্সপেয়র বেজ অসি কোতি ১.৫ হেনগৎহল্লে, অদুগা ফাইসনেল চহি ২০২৪-২৫দা অপুনবা কলেক্সন অসি লুপা কোতি লাখ ২২.০৮ য়ৌখি, মসিনা ফাইসকেল সস্তেনেবিলিতী হেনগৎহল্লে।
অপুনবা ওইনা, নেক্স জেনরেসন জি.এস.তি.গী রিফোর্মশিংনা জি.এস.তি.বু হেন্না লায়বা, অচুম্বা অমসুং গ্রোথ-ওরিএন্তেদ তেক্স সিস্তেম অমা ওইনা মপাঙ্গল কনখৎহল্লি। মসিনা কঞ্জুমরশিংগী পুন্সিদা নুংঙাইহল্লগনি অমসুং এন্তরপ্রাইজশিংগীদমক্তা ললোন-ইতিক তৌবদা নুংঙাইহল্লগনি।
এক্সপোর্ত প্রমোসন মিসন
ভারতকী ললোন-ইতিক্কী চাংদম্নবা হেনগৎহন্নবা কেন্দ্রগী মন্ত্রীমন্দলনা এক্সপোর্ত প্রমোসন মিসন (ই.পি.এম.) ২০২৫-২৬গী য়ুনিয়ন বজেৎতা লাউথোকখিবা, ই.পি.এম.না এম.এস.এম.ই.শিং, অহানবা ওইনা এক্সপোর্ত তৌরিবশিং অমসুং লেবর-ইন্তেন্সিভ সেক্তরশিংবু মপাঙ্গল কনখৎহন্নবা পান্দম থম্লিবা, ফলদা য়ুম্ফম ওইবা অমসুং দিজিতেল ওইনা চলাইবা ফ্রেমৱার্ক অমগীদমক্তা মচেৎ মচেৎ খায়দোক্লবা এক্সপোর্ত সপোর্ত স্কিমশিংদগী স্ত্রেতেজিক ওইবা অহোংবা অমা তাক্লি। মিসন অসিনা ক্বালিতী কমপ্লাইএন্স, ব্রেন্দিং, লোজিস্তিক্স অমসুং মার্কেত এক্সেসকুম্বা নন-ফাইনান্সিএল এনাবলরশিং (নিরিত দিশা) গা লোয়ননা শেল-থুমগী মতেং (নিরিয়ত প্রোৎসাহন) য়াওনা মমল হোংবা ত্রেদ ফাইনান্সিং অমসুং ক্রেদিৎ এন্হেনসমেন্ত পুন্সিল্লি।
মিসন
• এম.এস.এম.ই.শিংগীদমক্তা শেল চংদবা ত্রেদ ফাইনান্সিংগী খুদোংচাবা ফংহনবা,
• কমপ্লাইএন্স অমসুং সর্টিফিকেসন সপোর্টকী থোংদা এক্সপোর্ত রেদিএন্স হেনগৎহনবা,
• ভারতকী পোত্থোকশিংগী মার্কেত এক্সেস অমসুং ভিজিবিলিতী ফগৎহল্লি।
• নন-ত্রাদিস্নেল দিস্ত্রিক্তশিং অমসুং সেক্তরশিংদগী এক্সপোর্তশিং হেনগৎহনবা, অমসুং
• মেন্যুফেকচরিং, লোজিতিক্স অমসুং মরী লৈনবা সর্ভিসশিংদা থবক পীবা
মসিগী পান্দমদি ভারতকী এক্সপোর্ত ইকোসিস্তেম অসি বিক্সিত ভারত @ ২০৪৭গী মতুং ইন্না তুংকোইনা চৎথবা, ইনক্লুসিব, অমসুং মালেমগী থাক্তা কম্পিতিতিব ওইবা গ্রোথকীদমক শেমগৎপনি।
অতোপ্পা ললোন-ইতিক্কী রিফোর্মশিং
চহী অসিদা, ললোন-ইতিক অমসুং ললোন-ইতিক তৌবদা লাইথোকহনবগী রিফোর্মশিং অসি থৌওংশিং লাইথোকহনবদা, ইন্তরফেসশিং দিজিতেলাইজ তৌবদা, অমসুং ত্রাঞ্জেক্সন কোস্তশিং হন্থহনবদা মরুওইনা এম.এস.এম.ই.শিংগীদমক্তা মিৎয়েং থমখি। মরুওইবা খোঙথাংশিং অদুদি ত্রেদ সিস্তেমশিং দিজিতেল ওইনা পুনশিনবা (নেস্নেল সিঙ্গল ৱিন্দো, ত্রেদ কনেক্ত, আইসিগেৎ, ই-কমর্স এক্সপোর্ত হবশিং), রিস্কদা য়ুম্ফম ওইবা রিফন্দশিংগা লোইননা নেক্স জেনরেল জি.এস.তি. ২.০, দিস্ত্রিক্ত বিজিনেস রিফোর্ম এক্সন প্লান (দি-বি.আর.এ.পি. ২০২৫) দি.পি.আই.আই.আই.তি. জি.ই.এম. অমসুং এম.এস.এম.ই.-সম্বন্দগী খুত্থাংদা কৈথেলগী এক্সেস হেঙ্গৎহন্দুনা এম.এস.এম.ই.না সরকারগী পোৎ-চৈ পুথোকপদা শরুক য়াবা হেনগৎহল্লে। মসিগী মথক্তা, ফোরেন ত্রেদ পোলিসীগী মখাদা এক্সপোর্ত ইন্সেন্তিবশিং অমসুং এক্সপোর্ত প্রদক্তশিংদা দ্যুতী অমসুং তেক্স লৌথোকপগী স্কিম (মার্চ ২০২৫ ফাওবা) গী মখাদা লুপা করোর ৫৮,০০০গী শেনফম থাদোকপা অসিনা মখা তানা পুক্নিং থৌগৎলক্লি।
ফল পুরকপা: তুংলমচৎকীদমক্তা শেম-শারিবা ইকোনোমী অমগী মায়কৈদা
পুন্না য়েংবদা, চহি অসিগী শেনমিৎলোনগী রিফোর্মশিং অসি মহৈ-মরোংদা য়ুম্ফম ওইবা লৈঙাক্লোনগী মায়কৈদা ময়েক শেংনা হোংলকপা, নাগরিকশিং অমসুং ললোন-ইতিক্কী থবকশিংদা অৱাবা হন্থহনবা, ত্রান্সপরেন্সী অমসুং ইফিসিএন্সী হেনগৎহনবা, অমসুং তুং কোইবা, ইনক্লুসিব গ্রোথকী য়ুম্ফম থোনবা উৎলি। তেক্সেসন সিম্প্লিফাই তৌবা, লেবর লো মোদর্নাইজেৎ তৌবা, এম.এস.এম.ই.শিং মপাঙ্গল কনখৎহনবা, রুরেল এমপ্লোয়মেন্ত হেনগৎহনবা অমসুং দিজিতেল পেমেন্তশিংদা খুমাং চাউশিলহন্দুনা, খোঙথাংশিং অসিনা পুন্না ভারতকী শেন্মিৎলোনদা থাজবা, রেসিলিয়েন্সী অমসুং মালেমগী থাক্তা চাংদম্নবা ঙম্বগী থৌনা হেনগৎহল্লি।
রিফরেন্সশিং
লেবর অমসুং এমপ্লোইমেন্ত মন্ত্রালয়
PIB হেদক্বার্তর
mygov.in
কেবিনেত
কম্মর্স অমসুং ইন্দস্ত্রী মন্ত্রালয়
মাইক্রো, স্মোল অমসুং মীদিয়ম এন্তর্প্রাইজেস মন্ত্রালয়
শেলথুম মন্ত্রালয়
See in PDF
***
(Explainer ID: 156807)
आगंतुक पटल : 1
Provide suggestions / comments