पत्र सूचना कार्यालय

মরু ওইবা ৱাফমশিং:

• মসি হৌদোকখিবদগী হৌদুনা PMGSYগী মখাদা খুঙ্গংগী লম্বী কিলোমিতর 8,25,114 সেঙ্কসন তৌখ্রে, লোয়ননা কিলোমিতর 7,87,520 শেম্বা লোইখ্রে। 
• PMGSY–IIIগী মখাদা, কিলোমিতর 1,22,393 সেঙ্কসন তৌখ্রে অমসুং কিলোমিতর 1,01,623 শেমখ্রে।
• PMGSY–IV (2024–29)গী মখাদা, মী তাবা মফম 25,000 অসি 70,125 croreগী আউৎলে অমগা লোয়ননা লম্বী কিলোমিতর 62,500গী খুত্থাংদা শম্নহনখ্রে।
• OMMAS, e-MARG, GPS ত্রেকিং অমসুং থ্রি-তায়র ক্বালিতী সিস্তেমগী খুত্থাংদা রিএল-তাইম মোনিতরিংনা একাউন্তেবিলিতী অমসুং দ্যুরেবিলিতী লৈহল্লি।

ৱাহৌদোক

লম্বীগী ইনফ্রাস্ত্রকচর অসি খুঙ্গংগী চাউখৎ-থৌরাংগী মরুওইবা য়ুম্বী অমনি। মসিনা শেন্মিৎলোন অমসুং সোসিএল সর্ভিসশিং ফংহনবদা মতেং পাংই, লৌউ-শিংউগী শেন্থোক হেনগৎহল্লি, মহৈ-মরোং থাদবা থবক ফংহন্নবা খুদোংচাবশিং শেম্মি, অমসুং লায়রবা হন্থহনবদা চাউনা মতেং পাংই। 2025দা চহি 25 মপুং ফারকপা, প্রধান মন্ত্রী গ্রাম সরক য়োজনা (PMGSY) অসি ভারতকী খ্বাইদগী মহৈ ফংবা রুরেল ইনফ্রাস্ত্রকচর ইনিসিএতিবশিংগী মনুংদা অমনি। মমাংদা শম্নরমদবা খুঙ্গংগী মী তাবা মফমশিং মতম পুম্নমক্তা শম্নহন্নবা দিসেম্বর 25, 2000দা হৌদোকখিবা প্রোগ্রাম অসিনা লৌউ-শিংউগী চাউখৎপা, থবক ফংহন্নবা, এজুকেসন অমসুং হকশেলগী সর্ভিসশিংদা হেন্না ফবা খুদোংচাবা ফংহন্নবা অমসুং লায়রবা কোকহন্নবা মরুওইবা থৌদাং অমা লৌরে। মতমগী মতুং ইন্না, PMGSYনা সোসিও-ইকোনোমিক ত্রান্সফোর্মেশনগী মরুওইবা দ্রাইভর অমা ওইরক্লি। মসিনা কৈথেলগী ইন্তিগ্রেসনবু মপাঙ্গল কনখৎহল্লি, লৌমীশিংগীদমক হেন্না ফবা মমল ফংহনবদা মতেং পাংলি অমসুং ফার্ম অমসুং নন-ফার্ম লাইবলিহুদ অনিমক মতেং পাংলি। পুম্নমক পুন্না মীৎয়েং থম্বা মতমদা, মসিগী মহৈশিং অসিনা প্রোগ্রাম অসিনা ইনক্লুসিব অমসুং সস্তেনেবল রুরেল দিবেলপমেন্তদা খুমাং চাউশিলহনবদা লৌরিবা মরুওইবা থৌদাং অদু ময়েক শেংহল্লে।

কন্নেক্তিবিতীদগী কন্সোলিদেসন ফাওবা: PMGSYগী মখাদা তাঙ্কক নাইনা খুমাং চাউশিনবা

হৌরকপা মতমদগী, প্রধান মন্ত্রী গ্রাম সরক য়োজনা (PMGSY) না অপুনবা কিলোমীতর 8,25,114গী খুঙ্গংগী লম্বীশিং অয়াবা পীখ্রে। মসিগী মনুংদা কিলোমীতর 7,87,520দি লোইশিনখ্রে। মসিনা 2025গী দিসেম্বর ফাওবদা চাদা 95গী চাংদা ফিজিকেল প্রোগ্রেস উৎলি।

হৌখিবা চহি খরা অসিদা প্রধান মন্ত্রী গ্রাম সরক য়োজনা(PMGSY) গী বজেতরী এল্লোকেসনশিং অসিনা সরকারনা খুঙ্গংগী লম্বীগী কন্নেক্তিবিতী মপাঙ্গল কনখৎহনবদা লেপ্তনা মীৎয়েং থম্বা অদু তাক্লি। শেনবা চহি 2025–26গীদমক্তা প্রোগ্রাম অসিদা লুপা করোর 19,000 এল্লোকেৎ তৌবা অসিনা রুরেল ইনফ্রাস্ত্রকচর হেনগৎহন্নবগীদমক লেপ্তনা তেংবাং পীরি উৎলি, মসিনা চহি চুপ্পা চৎপা য়াবা রোদ কন্নেক্তিবিতী ফংহল্লি অমসুং খুঙ্গংগী মফমশিংদা শেন্মীৎলোনগী খুদোংচাবশিং শাহৌ পীরি।

প্রধান মন্ত্রী গ্রাম সরক য়োজনা (PMGSY) ফেস – I (2000)

2000দা হৌদোকখিবা, প্রোগ্রাম অসিগী ফেজ I অসি মমাংদা শম্নহনখ্রবা খুঙ্গংগী মফমশিংবু চহি চুপ্পা চৎপা য়াবা লম্বীগী কন্নেক্তিবিতী ফংহন্নবা ফ্লেগশিপ ইনিসি‌এতিব অমা ওইনা মথৌ তৌখি। মসিনা খুঙ্গংশিংবু কৈথেলশিং, এজুকেস্নেল ইন্সতিত্যুসনশিং অমসুং হেল্থকেয়র ফেসিলিতীশিংগা শম্নহন্দুনা য়ুনিভর্সেল রুরেল এক্সেসকী য়ুম্ফম থোনখি। ফেজ Iগী মখাদা লৈবাক শিনবা থুংনা খুঙ্গংগী মী তাবা মফম 1,63,339গীদমক রোদ কন্নেক্তিবিতী প্রোজেক্তশিং অয়াবা পীখ্রে।

PMGSY ফেস - II (2013)

2013দা হৌদোকখিবা, প্রোগ্রাম অসিগী ফেজ IIনা হৌজিক লৈরিবা খুঙ্গংগী লম্বী নেৎৱার্ক মপাঙ্গল কনখৎহনবা অমসুং কনসোলিদেৎ তৌবদা মীৎয়েং থমখি। মসিনা ত্রান্সপোর্তেসন ইফিসিএন্সী ফগৎহনবা অমসুং খুঙ্গংগী শেন্মিৎলোন চাউখৎপা য়াহন্নবা পান্দমগা লোয়ননা খুঙ্গংগী কৈথেলশিং, গ্রোথ সেন্তরশিং অমসুং সর্বিস হবশিং শম্নহল্লিবা শেন্মিৎলোনগী ওইবা মরু ওইবা লম্বীশিং অসি অপগ্রেদ তৌবদা অখন্নবা মীৎয়েং থম্লি।

রোদ কন্নেক্তিবিতী প্রোজেক্ত ফোর লেফ ৱিং এক্সত্রিমিজম এফেক্তেদ এরিয়া (RCPLWEA) – (2016)

2016তা হৌদোকখিবা লেফত ৱিং এক্সত্রিমিজম এফেক্তেদ এরিয়া (RCPLWEA) গী রোদ কন্নেক্তিবিতী প্রোজেক্ত অসি লেফ ৱিং এক্সত্রিমিজম (LWE) না খ্বাইদগী শাথীনা শোকহল্লবা জিলা 44 অমসুং রাজ্য 9-অন্ধ্র প্রদেশ, বিহার, ছত্তিসগর, ঝারখন্দ, মধ্য প্রদেশ, মহারাস্ত্রা, ওriশা, তেলঙ্গনা অমসুং উত্তর প্রদেশকী মনাক নক্নবা মফমশিংদা ইনফ্রাস্ত্রকচর দিবেলপমেন্তকীদমক পান্দম থমদুনা পায়খৎপা থৌরাং অমনি।

স্কিম অসিগী পান্দম অনি লৈ:

• সেক্যুরিতী ফোর্সশিংগী মোবিলিতী হেনগৎহন্দুনা সেক্যুরিতী ওপরেসনশিং মপাঙ্গল কনখৎহনবা।
• অরাপ্পা অমসুং কান্নবা ফংদ্রিবা লমদমশিংদা কৈথেল, এজুকেস্নেল ইন্সতিত্যুসন অমসুং হেল্থকেয়র সর্ভিসশিং ফংহনবা হেনগৎহন্দুনা সোসিও-ইকোনোমিক দিবেলপমেন্ত প্রোমোৎ তৌবা।

PMGSY ফেস III- (2019)

2019দা হৌদোকখিবা প্রোগ্রাম অসিগী ফেজ IIIনা গ্রামীন এগ্রিকলচরেল মার্কেৎশিং (GrAMশিং), হায়র সেকেন্দরী স্কুলশিং অমসুং হেল্থকেয়র ফেসিলিতীশিং য়াওনা খুঙ্গংগী মী তাবা মফমশিং অমসুং মরুওইবা সোসিও-ইকোনোমিক ইন্সতিত্যুসনশিংগী মরক্তা কন্নেক্তিবিতী মপাঙ্গল কনখৎহন্নবা থ্রু রুত অমসুং মেজর রুরেল লিঙ্কশিংগী কিলোমিতর 1,25,000গী অপগ্রেদ তৌবদা মীৎয়েং থম্লি। 2025গী দিসেম্বর ফাওবদা, অপুনবা পান্দমগী মনুংদা, কিলোমীতর 1,22,393গী লম্বীগী অয়াবা পীখ্রে অমসুং লৈবাক শীনবা থুংনা কিলোমীতর 1,01,623 (83%) শাখ্রে। PMGSY-3না মোবিলিতীদা মশক থোক্না ফগৎলকখ্রে, এজুকেসন অমসুং হেল্থকেয়রগী খুদোংচাবসু হেনগৎলে, এগ্রিকলচরেল মার্কেৎশিংগা হেন্না ফনা পুনশিনবদা মতেং পাংলে, থবক ফংবগী খুদোংচাবসু হেনগৎলে, অমসুং খুঙ্গংগী সোসিও-ইকোনোমিক ত্রান্সফোর্মেসনদা মতেং পাংলে।

PMGSY ফেস – IV (2024)

শেনবা চহি 2024-25দগী 2028-29 ফাওবগী মনুংদা অপুনবা লম্বী কিলোমীতর 62,500 শাবা অসি লুপা করোর 70,125গী শেনফমগা লোয়ননা শেমগৎনবা থৌরাং তৌরি। প্রধান মন্ত্রী গ্রাম সরক য়োজনা (PMGSY) গী ফেজ IVগী পান্দমদি সেন্সস 2011গী মীকোক থীবগী ক্রাইতেরিয়াদা য়ুম্ফম ওইদুনা খুঙ্গংগী মী তাবা মফম 25,000দা চহি চুপ্পা চৎপা য়াবা লম্বীগী কন্নেক্তিবিতী ফংহনবনি:

• ফম্পাক্কী মীশিং 500 অমসুং মসিদগী হেন্না তাবা মফমশিং,
• অৱাং-নোংপোক অমসুং হিমালয়গী রাজ্যশিং/য়ু.তি.শিংদা 250 অমসুং মসিগী মথক্তা লৈবা, অমসুং
• ত্রাইবেল (সেদ্যুল V) রিজনশিং, এস্পিরেস্নেল দিস্ত্রিক্তশিং/ব্লোকশিং, অমসুং মরুভুমিগী মফমশিং য়াওনা অখন্নবা কাংলুপকী মফমশিংদা লৈবা মী তাবা মফমশিং।

খুঙ্গংগী লম্বী শেমগৎপদা এদভান্স তেক্নোলোজীশিংগী এপ্লিকেসন

সরকারনা লৌখৎলিবা থৌরাংনা PMGSYগী মখাদা শাবা খুঙ্গংগী লম্বীশিংগী মগুন, মপাঙ্গল অমসুং সস্তেনেবিলিতীদা চাউনা ফগৎলক্লি। PMGSYগী লম্বীগী প্রোজেক্তশিংগী প্রোগ্রেস অমসুং পর্ফোমেন্স অসি এদভান্স দিজিতেল তেক্নোলোজীশিং অমসুং ওনলাইন প্লেৎফোর্মশিং শীজিন্নদুনা কুপ্না য়েংশিল্লি। মসিনা হেন্না ইফিসিএন্সী, ত্রান্সপরেন্সী অমসুং একাউন্তেবিলিতী লৈহল্লগনি।

1. ওনলাইন মেনেজমেন্ত, মোনিতরিং, অমসুং একাউন্তিং সিস্তেম (OMMAS)

ওনলাইন মেনেজমেন্ত, মোনিতরিং, অমসুং একাউন্তিং সিস্তেম (OMMAS) না প্রধান মন্ত্রী গ্রাম সরক য়োজনাগী মখাদা পায়খৎলিবা থবক পুম্নমক তশেংনা য়েংশিনবা ঙমহল্লি। মসিনা রাজ্যশিংদা পীরিবা পান্দমশিং অদুগা লোয়ননা ফিজিকেল অমসুং ফাইনান্সিএলগী খোংজেল লেপ্তনা চংশিল্লি। প্রোজেক্ত মেনেজমেন্ত ইনফোর্মেসন সিস্তেম (PMIS) অসিবু মখা তানা মপাঙ্গল কনখৎহন্নবা, PMGSY -IIIগী মখাদা অয়াবা পীরবা লম্বী খুদিংমক্কী কন্সত্রক্সনগী থবকশিংবু হেন্না ইফেক্তিব ওইবা মওংদা মেনেজমেন্ত তৌনবগীদমক মসি OMMASদা পুনশিনখ্রে।

OMMASনা ইন্দিপেন্দেন্ত ক্বালিতী মোনিতরশিংনা পাংথোকপা এসেসমেন্তশিং লৌশিনদুনা ক্বালিতী এশুরেন্সপুসু মতেং পাংই। নেস্নেল ক্বালিতী মোনিতরশিং (NQMশিং) অমসুং স্তেৎ ক্বালিতী মোনিতরশিং (SQMশিং) না পাঙথোকপা ইন্সপেক্সনশিং অসি জিও-তেগ তৌরবা ফোতোগ্রাফশিংগা লোয়ননা ক্বালিতী মোনিতরিং সিস্তেম (QMS) মোবাইল এপ্লিকেসনগী খুত্থাংদা অপলোদ তৌই অমসুং মতুং তারকপদা OMMAS পোর্তেলদা উৎলি। ফ্রেমৱার্ক অসিনা রিএল-তাইম ক্বালিতী মোনিতর তৌবা য়াহল্লি অমসুং তুং কোইনা চৎনবা য়াবা রুরেল ইনফ্রাস্ত্রকচরগী দ্যুরেবিলিতীদা ত্রান্সপরেন্সী হেনগৎহল্লি।

2. e-MARG (ইলেক্ত্রোনিক মেন্তেনেন্স ওফ রুরেল রোদস)

PMGSY রোদকী ইলেক্ত্রোনিক মেনতেন্সন (e-MARG) প্লেৎফোর্ম অসি দিফেক্ত লাইএবিলিতী পেরিওদ (DLP) গী মতুং ইন্না চহি মঙাগী মতমগী ওইনা PMGSY রোদ মেনতেনেন্সগী সিস্তেমেতিক মোনিতরিং তৌনবা রাজ্য পুম্নমক্তা ইমপ্লিমেন্ত তৌখ্রে। মেনতেন্সন পেমেন্তশিংগীদমক্তা অখন্নবা সোফৱেয়র মোদ্যুল অমা ওইনা e-MARG হৌদোকখিবগা লোয়ননা, DLPগী মনুংদা কন্ত্রেক্তর পেমেন্তশিং অসি হৌজিক্তি রোদ পর্ফোমেন্স অমসুং ক্বালিতীগী মহৈশিংগা হকথেংননা মরী লৈনরে। পর্ফোমেন্সতা য়ুম্ফম ওইবা কন্ত্রেক্ত মেনেজমেন্ত সিস্তেম অসিনা একাউন্তেবিলিতী য়াম্না মপাঙ্গল কনখৎহল্লে, মেন্তেনমেন্ত স্তেন্দর্দশিং ফগৎহল্লে, অমসুং PMGSY গী এসেতশিংগী অশাংবা মতমগী ওইবা মওংদা মপাঙ্গল কনখৎহল্লে।

3. গ্লোবেল পোজিসনিং সিস্তেম (GPS)গী শীজিন্নবা

লম্বী শেম্বদা ত্রান্সপরেন্সী অমসুং একাউন্তেবিলিতী মপাঙ্গল কনখৎহন্নবা, কন্ত্রেক্তর অমসুং প্রোগ্রাম ইমপ্লিমেন্তেসন য়ুনিৎ (PIU)শিংনা PMGSY IIIগী থবকশিংগীদমক গারীশিং, মেচিনরী অমসুং ইক্বিপমেন্তধদা GPS-ইনেবল ভেহিকল ত্রেকিং সিস্তেম (VTS)  অমাগী মেন্দতরী ইনস্তোলেসন তৌবা অসি মে 2022দগী হৌখ্রে। মসিগী মেকানিজম অসিনা ইক্বিপমেন্ত শীজিন্নবা অমসুং মথৌ তৌবগী মতম লেপ্তনা য়েংশিনবা ঙমহল্লি মসিনা প্রেস্ক্রাইব তৌরবা কন্সত্রক্সন প্রোসেসশিং ঙাক্না চৎপা অমসুং স্তেৎফোর্ম তৌরবা লম্বীগী ক্বালিতী স্তেন্দর্দশিং ফংবদা মতেং পাংলি।

D. মপাঙ্গল কনবা তেক্নিকেল স্তেন্দর্দশিং

লম্বী শেমগৎপদা অকোইবগী ফিভম ফনা থম্বা য়াবা পোৎলমশিং অমসুং অৱাংবা থাক্কী কন্সত্রক্সন তেক্নোলোজী শীজিন্নবা অসি এক্তিব ওইনা প্রমোৎ তৌরি। ইন্তর্নেস্নেল বেস্ত প্রেক্তিস অমসুং ইন্দিজিনেল রিসর্সকী ইভিদেন্সতা য়ুম্ফম ওইদুনা, ইন্দিয়ন রোদস কংগ্রেস (IRC) না অনৌবা স্তেন্দর্দশিং শেমখ্রে অমসুং অসিগুম্বা ইন্নোবেসনশিং অসি শীজিন্নবদা মতেং পাংনবা হৌজিক লৈরিবা গাইদলাইনশিং অদু মতম মতমগী ওইনা শেমদোকখ্রে। মসিগী মতুং ইন্না, ফ্লাই এশ, স্লেগ, কন্সত্রক্সন অমসুং দিমোলিশন ৱেস্ত, ৱেস্ত প্লাস্তিক, ক্রম রবার মোদিফাইদ বিতুমেন, জিওসিন্থেতিক্স, বাইও-বিতুমেন অমসুং বাইও-ইঞ্জিনিয়রিংগী খোঙথাংশিং য়াওনা মখোয়শিং অসি ফংবগী চাং অমসুং তেক্নিকেলগী ওইবা ওইথোকপা য়াবগী মখা পোন্না অকোয়রোনগা চান্নবা মচাক কয়া অমা নেস্নেল হায়ৱে প্রোজেক্তশিংদা শীজিন্নরি।

5. ইন্নোভেসন অমসুং ক্লাইমেৎ রেজিলিয়েন্স

ৱেস্ত প্লাস্তিক শীজিন্নবা, কোল্দ মিক্স তেক্নিকশিং অমসুং ফুল দেপথ রিকেমেসন য়াওনা ইন্নোভেতিব কন্সত্রক্সন তেক্নোলোজীশিং শীজিন্নবনা খুঙ্গংগী লম্বীশিংগী দুরএবিলিতী হেনগৎহনবগা লোয়ননা অকোয়বগী ফিভমদা অকাইবা পীবা হন্থহনখ্রে। 2025গী জুলাই ফাওবদা, হায়রিবা তুং কোইনা চৎনবা য়াবা পাম্বৈশিং অসি কিলোমিতর লাখ 1.24 হেন্না শাংবা লম্বীশিং শাবদা শীজিন্নখ্রে। মসিনা রেসিলিয়েন্ত অমসুং ইকো-ফ্রেন্দলী রুরেল ইনফ্রাস্ত্রকচর দিবেলপমেন্তকী মায়কৈদা স্ত্রেতেজিক ওইবা অহোংবা অমা উৎলি।

6. থ্রি-তায়র ক্বালিতী মোনিতর তৌবা

খুঙ্গংগী লম্বীশিংগী ক্বালিতী অমসুং মতম শাংনা চৎনগদবা ওইহন্নবা, মপাঙ্গল কনবা থ্রি-তায়র ক্বালিতী মোনিতরিং সিস্তেম অমা ইন্সতিত্যুস্নেল ওইনা শেমখ্রে।

• তায়র 1: এক্সিক্যুতিং এজেন্সীশিংনা ফিল্দ লেবেল ক্বালিতী চেক তৌই।
• তায়র 2: ইন্দিপেন্দেন্ত স্তেত ক্বালিতী মোনিতরশিংনা (SQMশিং) ইন্সপেক্ত তৌই।
• তায়র 3: মিনিস্ত্রীনা দিপুতেৎ তৌরবা নেস্নেল ক্বালিতী মোনিতরশিংনা (NQMশিং) সরপ্রাইজ ওদিৎশিং তৌবা।

প্রোগ্রেস অমসুং ক্বালিতী এসেসমেন্ত পুম্নমক অসি ওনলাইন মেনেজমেন্ত, মোনিতরিং অমসুং একাউন্তিং সিস্তেম (OMMAS) গী খুত্থাংদা রিএল-তাইমদা মোনিতর তৌই।

ৱারোইশিন

প্রধান মন্ত্রী গ্রাম সরক য়োজনা (PMGSY)না 2025দা অহোংবা পুরকপা চহি 25 মপুং ফারকপগা লোয়ননা, মসিনা ভারতকী খুঙ্গংগী চাউখৎ থৌরাংগী খোঙচৎকী মশক তাকপা য়ুম্বী অমা ওইরি। অয়াবা পীরবা খুঙ্গংগী লম্বীশিংগী চাদা 96 রোম লোইশিল্লকপগা লোয়ননা, প্রোগ্রাম অসিনা খুঙ্গংগী এক্সেসিবিলিতি য়াম্না হেনগৎহল্লে, কৈথেলগা মরী হেন্না চেৎশিলহল্লে, এজুকেসন অমসুং হেল্থকেয়রগী এক্সেস হেন্না ফগৎহল্লে, অমসুং ইনক্লুসিব ইকোনোমিক গ্রোথ তপথহল্লে। PMGSY গী তপ্না-তপ্না শেমগৎলকপা, বেসিক কন্নেক্তিবিতী ফংহনবাদগী হৌরগা নেৎৱার্ক কন্সোলিদেৎ তৌবা, স্ত্রেতেজিক রুরেল লিঙ্কশিং শেমগৎপা অমসুং ফেজ IVগী মখাদা য়ুনিভর্সেল লাস্ত-মাইল এক্সেস ফগৎহনবা। OMMAS, e-MARG, GPS-ইনেবল ত্রেকিংগুম্বগী মতেংনা ত্রেক তৌবা অসিনচিংবা অৱাংবা থাক্কী দিজিতেল মোনিতরিং সিস্তেমশিং পুনশিনবা অমসুং মপাঙ্গল কনবা ত্রি-লেয়র ক্বালিতী এসেন্সমেন্ত মেকানিজম অমনা ত্রান্সপরেন্সী, একাউন্তেবিলিতী, দ্যুরেবিলিতী, অমসুং ক্লাইমেৎ রেসিলিয়েন্স লৈহনখ্রে। সস্তেনেবল দিবেলপমেন্তগী পান্দমশিংগা লোয়ননা, PMGSY না ইনফ্রাস্ত্রকচর শেমগৎপদা নত্তনা অকোয়বগী ফিভম তংদু লৈতাবা, লায়রবা হন্থহনবা অমসুং খুঙ্গংগী অহোংবা পুরকপদা মতেং পাংলি।

রিফরেন্সশিং

প্রেস ইনফোর্মেসন ব্যুরো

https://www.pib.gov.in/PressNoteDetails.aspx?NoteId=155199&ModuleId=3&reg=3&lang=1
লোক সভা অমসুং রাজ্য সভাগী ৱাহংশিং

https://sansad.in/getFile/annex/269/AU721_d4mLjX.pdf?source=pqars
https://sansad.in/getFile/loksabhaquestions/annex/185/AS321_1O3k2I.pdf?source=pqals

খুঙ্গং চাউখৎ-থৌরাং মন্ত্রালয়

https://www.civilapps.in/files/PMGSY/PMGSY-IV/1-Overview.pdfhttps://pmgsy.nic.in/sites/default/files/circular/GuidelinesfirsttierQM.pdf
https://omms.nic.in/dbweb/
https://pmgsy.dord.gov.in/dbweb/Home/PMGSYIII
https://pmgsy.dord.gov.in/dbweb/Home/HabitationCoverage
https://pmgsy.dord.gov.in/dbweb/Home/TableView

PDF ফাইল য়েংনবা মসিদা নম্বীয়ু

***