पत्र सूचना कार्यालय

ആമുഖം

ധ്രുവ്64 ന്റെ സമാരംഭത്തോടെ ഇന്ത്യ സെമികണ്ടക്ടർ യാത്രയിൽ ഒരു സുപ്രധാന നാഴികക്കല്ല് പിന്നിട്ടു. മൈക്രോപ്രൊസസ്സർ ഡവലപ്‌മെന്റ് പ്രോഗ്രാമിന്റെ (MDP) കീഴിൽ സെന്റർ ഫോർ ഡെവലപ്‌മെന്റ് ഓഫ് അഡ്വാൻസ്ഡ് കമ്പ്യൂട്ടിംഗ് (C-DAC) വികസിപ്പിച്ചെടുത്ത പൂർണ്ണമായും തദ്ദേശീയമായ ഒരു മൈക്രോപ്രൊസസ്സറാണിത്. ധ്രുവ്64 രാജ്യത്തിന് വിശ്വസനീയവും തദ്ദേശീയവുമായ ഒരു പ്രോസസർ സാങ്കേതികവിദ്യ നൽകുന്നു. തന്ത്രപരവും വാണിജ്യപരവുമായ ആപ്ലിക്കേഷനുകളെ പിന്തുണയ്ക്കാൻ ഇതിന് കഴിയും. നൂതന ചിപ്പ് രൂപകൽപ്പനയിൽ ഇന്ത്യയുടെ സ്വാശ്രയത്വത്തിനായുള്ള ശ്രമത്തിൽ ഇത് ഒരു പ്രധാന മുന്നേറ്റമാണ്.

ആധുനിക രൂപകല്പന സവിശേഷതകളോടെയാണ് ധ്രുവ്64 നിർമ്മിച്ചിരിക്കുന്നത്. ഉയർന്ന കാര്യക്ഷമത, മെച്ചപ്പെടുത്തിയ ഒരേ സമയം ഒന്നിൽകൂടുതൽ പ്രവർത്തികൾ ചെയ്യുന്നതിനുള്ള ശേഷി, മെച്ചപ്പെട്ട വിശ്വാസ്യത എന്നിവ ഇത് നൽകുന്നു. ഇതിന്റെ നൂതന രൂപകൽപ്പന വിവിധ ബാഹ്യ ഹാർഡ്‌വെയർ സിസ്റ്റങ്ങളുമായി തടസ്സമില്ലാത്ത സംയോജനം സാധ്യമാക്കുന്നു. ഉയർന്ന പ്രകടനമുള്ള ചിപ്പുകൾക്കായി ഉപയോഗിക്കുന്ന സാങ്കേതികവിദ്യകളെ പ്രോസസറിന്റെ ആധുനിക നിർമ്മാണം പ്രയോജനപ്പെടുത്തുന്നു. ഇത് 5G ഇൻഫ്രാസ്ട്രക്ചർ, ഓട്ടോമോട്ടീവ് സിസ്റ്റങ്ങൾ, ഉപഭോക്തൃ ഇലക്ട്രോണിക്സ്, വ്യാവസായിക ഓട്ടോമേഷൻ, ഇന്റർനെറ്റ് ഓഫ് തിംഗ്സ് (IoT) തുടങ്ങിയ മേഖലകൾക്ക് DHRUV64 നെ അനുയോജ്യമാക്കുന്നു.

ഇന്ത്യയ്ക്ക് ധ്രുവ്64 ന്റെ തന്ത്രപരമായ പ്രാധാന്യം

സുരക്ഷിതവും സ്വയംപര്യാപ്തവുമായ ഒരു സെമികണ്ടക്ടർ ആവാസവ്യവസ്ഥ കെട്ടിപ്പടുക്കാനുള്ള ഇന്ത്യയുടെ ശ്രമങ്ങളിൽ DHRUV64 ഒരു പ്രധാന നാഴികക്കല്ലാണ്. വിപുലമായ പ്രോസസ്സർ വികസനത്തിൽ രാജ്യത്തിന്റെ തദ്ദേശീയ ശേഷിയെ ഇത് ശക്തിപ്പെടുത്തുന്നു. ഇത് നിർണായകമായ ഡിജിറ്റൽ അടിസ്ഥാന സൗകര്യങ്ങളെ പിന്തുണയ്ക്കുന്നു, അതിനാൽ, ഇറക്കുമതി ചെയ്യുന്ന മൈക്രോപ്രൊസസ്സറുകളെ ദീർഘകാലമായി ആശ്രയിക്കുന്നത് കുറയ്ക്കുന്നു.

ആഗോളതലത്തിൽ നിർമ്മിക്കുന്ന എല്ലാ മൈക്രോപ്രൊസസ്സറുകളുടെയും ഏകദേശം 20% ഇന്ത്യ ഉപയോഗിക്കുന്നു. DHRUV64 ന്റെ വികസനം  ഇന്ത്യയിലെ സെമികണ്ടക്ടർ ആവാസവ്യവസ്ഥയുടെ പുരോഗതിക്കായി പൂർണ്ണമായും ആധുനികമായ ഒരു പ്രോസസർ പ്ലാറ്റ്‌ഫോം ഇന്ത്യയിലെ വൈദഗ്ധ്യമുള്ള തൊഴിലാളികൾക്ക് നൽകുന്നു.

DHRUV64-ന് മുമ്പ് തന്നെ, ഇന്ത്യ സമീപ വർഷങ്ങളിൽ തദ്ദേശീയ മൈക്രോപ്രൊസസ്സർ വികസന ആവാസവ്യവസ്ഥ വികസിപ്പിക്കാൻ തുടങ്ങിയിരുന്നു. പ്രധാന ഉദാഹരണങ്ങളിൽ ഇവ ഉൾപ്പെടുന്നു:

• ശക്തി (2018, ഐഐടി മദ്രാസ്): തന്ത്രപരം, ബഹിരാകാശം, പ്രതിരോധ ആപ്ലിക്കേഷനുകൾക്കായി രൂപകൽപ്പന ചെയ്‌തിരിക്കുന്നു;
• അജിത് (2018, ഐഐടി ബോംബെ): വ്യാവസായിക, റോബോട്ടിക്‌സ് ആപ്ലിക്കേഷനുകൾക്കായുള്ള ഒരു മൈക്രോപ്രൊസസ്സർ;
• വിക്രം (2025, ഇസ്രോ–എസ്‌സി‌എൽ): നാവിഗേഷൻ, മാർഗ്ഗനിർദ്ദേശം, ദൗത്യ പ്രവർത്തനങ്ങൾ തുടങ്ങിയ ബഹിരാകാശ ആപ്ലിക്കേഷനുകൾക്കായി വികസിപ്പിച്ചെടുത്ത ഒരു പ്രോസസർ; തീവ്രമായ ബഹിരാകാശ സാഹചര്യങ്ങളെ നേരിടാൻ രൂപകൽപ്പന ചെയ്‌തിരിക്കുന്നു;
• തേജസ്64 (2025, C-DAC): വ്യാവസായിക ഓട്ടോമേഷനായി രൂപകൽപ്പന ചെയ്‌തിരിക്കുന്നു.

ശക്തി, അജിത്, വിക്രം, തേജസ്, ഇപ്പോൾ ധ്രുവ്64 തുടങ്ങിയ തദ്ദേശീയ പ്രോസസ്സറുകൾ വികസിപ്പിക്കുന്നത് തന്ത്രപരമായി പ്രധാനമാണ്. ഒരു ഇന്ത്യൻ പ്രോസസ്സർ ആവാസവ്യവസ്ഥയുടെ സൃഷ്ടിയെ ഈ പ്രോസസ്സറുകൾ നയിക്കുന്നു.

ഇന്ത്യയുടെ ഗവേഷണ വികസനത്തിലും നവീകരണത്തിലും ധ്രുവ്64 ന്റെ സ്വാധീനം

• വിദേശ പ്രോസസ്സറുകളെ ആശ്രയിക്കാതെ തദ്ദേശീയ കമ്പ്യൂട്ടിംഗ് ഉൽപ്പന്നങ്ങൾ നിർമ്മിക്കുന്നതിനും പരീക്ഷിക്കുന്നതിനും വർദ്ധിപ്പിക്കുന്നതിനും സ്റ്റാർട്ടപ്പുകൾ, അക്കാദമിക്, വ്യവസായം എന്നിവയ്ക്കായി രൂപകൽപ്പന ചെയ്ത ഒരു തദ്ദേശീയ മൈക്രോപ്രൊസസ്സർ സാങ്കേതികവിദ്യ ധ്രുവ്64 നൽകുന്നു.
• കുറഞ്ഞ ചെലവിൽ പുതിയ സിസ്റ്റം രൂപകല്പനയ്ക്കായി പൂർവ്വമാതൃക വികസനത്തെ ധ്രുവ്64 പിന്തുണയ്ക്കുന്നു.
• ലോകത്തിലെ ചിപ്പ് ഡിസൈൻ എഞ്ചിനീയർമാരിൽ 20% ഇന്ത്യയിലാണ്. വൈദഗ്ധ്യമുള്ള സെമികണ്ടക്ടർ ചിപ്പ് പ്രൊഫഷണലുകളുടെ ശക്തമായ വിതരണം നിർമ്മിക്കുന്നതിന് ധ്രുവ്64 കൂടുതൽ സഹായിക്കുന്നു.
• ധനുഷ്, ധനുഷ്+ പ്രോസസ്സറുകൾക്കായുള്ള മാർ​ഗരേഖ DHRUV64 ന്റെ വിജയം ത്വരിതപ്പെടുത്തുന്നു. അവ ഇപ്പോൾ വികസന ഘട്ടത്തിലാണ്.

DHRUV64 ന്റെ അവതരണവും ഇന്ത്യയുടെ ഡിജിറ്റൽ ഇന്ത്യ RISC-V (DIR-V) പുരോഗതിയും

ആത്മനിർഭർ ഭാരതം എന്ന ദർശനം മുന്നോട്ട് കൊണ്ടുപോകുന്നതിനായി ഇന്ത്യാ ഗവൺമെന്റ് ഡിജിറ്റൽ ഇന്ത്യ RISC-V (DIR-V) പ്രോഗ്രാം ആരംഭിച്ചു. ഇലക്ട്രോണിക്സ് സിസ്റ്റം ഡിസൈൻ ആൻഡ് മാനുഫാക്ചറിംഗ് (ESDM) ൻ്റെ ഒരു ആഗോള കേന്ദ്രമായി ഇന്ത്യയെ സ്ഥാപിക്കുക എന്നതാണ് ഇതിന്റെ ലക്ഷ്യം. ഈ സംരംഭം RISC-V അധിഷ്ഠിത മൈക്രോപ്രൊസസ്സറുകളുടെ ഒരു സമ്പൂർണ്ണ ശ്രേണി വികസിപ്പിക്കുന്നു. വ്യവസായം, തന്ത്രപരമായ മേഖലകൾ, ഉപഭോക്തൃ സാങ്കേതികവിദ്യകൾ എന്നിവയിലുടനീളം ആപ്ലിക്കേഷനുകൾക്ക് ഈ പ്രോസസ്സറുകൾ ശക്തി പകരും.

ധ്രുവ്64: ഇന്ത്യയുടെ തദ്ദേശീയ ചിപ്പ് രൂപരേഖയെ നയിക്കുന്നു

ധ്രുവ്64 ൻ്റെ സമാരംഭം ഇന്ത്യയുടെ സ്വയംപര്യാപ്തമായ മൈക്രോപ്രൊസസ്സർ ആവാസവ്യവസ്ഥയെ ശക്തിപ്പെടുത്തുന്നതിൽ ഒരു സുപ്രധാന ചുവടുവെപ്പ് അടയാളപ്പെടുത്തുന്നു. ഓപ്പൺ സോഴ്‌സ് ആർക്കിടെക്ചർ ഉപയോഗിക്കുന്നതിലൂടെ, ധ്രുവ്64 ലൈസൻസ് ചെലവുകൾ ഒഴിവാക്കുന്നു. ഇത് വിവിധ പ്ലാറ്റ്‌ഫോമുകളിലുടനീളമുള്ള ദീർഘകാല വിന്യാസത്തെ പിന്തുണയ്ക്കുന്നു.

ഭാവിയിൽ ഇന്ത്യയിൽ മൈക്രോപ്രൊസസ്സറുകൾ സൃഷ്ടിക്കുന്നതിന് അവസരമൊരുക്കുക എന്ന ലക്ഷ്യത്തോടെ DIR-V പ്രോഗ്രാമിന് കീഴിൽ നിർമ്മിച്ച മൂന്നാമത്തെ ചിപ്പാണ് ധ്രുവ്64.

• ആദ്യത്തെ ചിപ്പ്, തേജസ്32, മലേഷ്യയിലെ സിൽടെറ കേന്ദ്രത്തിലാണ് നിർമ്മിച്ചത്.
• രണ്ടാമത്തെ ചിപ്പ്, തേജസ്64, മൊഹാലിയിലെ സെമികണ്ടക്ടർ ലാബിൽ (SCL) ആഭ്യന്തരമായി നിർമ്മിച്ചു.
• കൂടാതെ, ധനുഷ്64, ധനുഷ്64+ സിസ്റ്റം ഓൺ എ ചിപ്പ് (SoC) വകഭേദങ്ങളുടെ രൂപകൽപ്പനയും നിർവ്വഹണവും നിർമ്മാണവും നിലവിൽ വികസനത്തിന്റെ വിവിധ ഘട്ടങ്ങളിലാണ്.

തദ്ദേശീയ മൈക്രോപ്രൊസസ്സർ സാങ്കേതികവിദ്യകൾ വികസിപ്പിക്കുന്നതിൽ ഇന്ത്യയുടെ വളരുന്ന കഴിവ് ധ്രുവ്64 ൻ്റെ അവതരണം തെളിയിക്കുന്നു. DIR-V സംരംഭത്തിൻ്റെ തുടർച്ചയായ പുരോഗതി ശക്തമായ ഒരു മൈക്രോപ്രൊസസ്സർ ആവാസവ്യവസ്ഥ കെട്ടിപ്പടുക്കുന്നതിനുള്ള രാജ്യത്തിന്റെ പ്രതിബദ്ധതയെ ശക്തിപ്പെടുത്തുന്നു.

പ്രൊസസ്സർ വികസനത്തെ നയിക്കുന്ന സ്ഥാപനപരമായ ആവാസവ്യവസ്ഥ

ശക്തമായ ഒരു സെമികണ്ടക്ടർ ആവാസവ്യവസ്ഥ കെട്ടിപ്പടുക്കുന്നതിനുള്ള ഇന്ത്യയുടെ ശ്രമങ്ങൾക്ക് പ്രധാന ദേശീയ പ്രധാന ദേശീയ ഏജൻസികൾ നയിക്കുന്ന ഒരു ഏകോപിത സ്ഥാപന ചട്ടക്കൂട് പിന്തുണ നൽകുന്നു. ഈ സ്ഥാപനങ്ങൾ തദ്ദേശീയ പ്രൊസസ്സറുകളുടെ രൂപകൽപ്പനയും വികസനവും സാധ്യമാക്കുന്ന നയപരമായ നിർദ്ദേശങ്ങളും പ്രോഗ്രാം പിന്തുണയും നൽകുന്നു.

ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം (MeitY): ഇന്ത്യയുടെ പ്രൊസസ്സർ, സെമികണ്ടക്ടർ സംരംഭങ്ങൾ മുന്നോട്ട് കൊണ്ടുപോകുന്നതിൽ MeitY ഒരു പ്രധാന പങ്ക് വഹിക്കുന്നു. മൈക്രോപ്രൊസസ്സർ ഡവലപ്‌മെന്റ് പ്രോഗ്രാം, DIR-V, C2S, ഇന്ത്യാ സെമികണ്ടക്ടർ മിഷൻ തുടങ്ങിയ സ്കീമുകൾക്ക് കീഴിൽ നയപരമായ പിന്തുണ, ധനസഹായം, ദീർഘകാല ആസൂത്രണം എന്നിവയിലൂടെ ഇത് ദേശീയ പരിപാടികളെ നയിക്കുന്നു. ഈ നടപടികൾ രാജ്യത്തിന്റെ രൂപകൽപ്പനാ ആവാസവ്യവസ്ഥയെ ശക്തിപ്പെടുത്തുകയും തദ്ദേശീയ പ്രൊസസ്സർ വികസനത്തിൽ സ്ഥിരമായ പുരോഗതിക്ക് വഴിയൊരുക്കുകയും ചെയ്തു.

C-DAC: ഇന്ത്യയുടെ തദ്ദേശീയ പ്രൊസസ്സറുകളുടെ രൂപകൽപ്പനയ്ക്ക് C-DAC നേതൃത്വം നൽകുന്നു. MeitY-യുടെ പ്രധാന പ്രോഗ്രാമുകൾക്ക് കീഴിൽ ഇത് പ്രൊസസ്സർ ഇൻ്റലക്ച്വൽ പ്രോപ്പർട്ടികൾ (IP), സിസ്റ്റം-ഓൺ-ചിപ്പുകൾ (SoC), ഡെവലപ്‌മെന്റ് ബോർഡുകൾ, അനുബന്ധ ഉപകരണങ്ങൾ എന്നിവ സൃഷ്ടിക്കുന്നു. ഇത് ഒരു സമ്പൂർണ്ണ ആഭ്യന്തര പ്രൊസസ്സർ ആവാസവ്യവസ്ഥയുടെ വളർച്ചയെ പിന്തുണയ്ക്കുന്നു. RISC-V രൂപരേഖയിലെ അടുത്ത പ്രൊസസ്സറുകളായ Dhanush, Dhanush+ എന്നിവയുടെ പ്രവർത്തനങ്ങൾ ഇപ്പോൾ ഈ സ്ഥാപനം മുന്നോട്ട് കൊണ്ടുപോവുകയാണ്. വരാനിരിക്കുന്ന ഈ പ്രൊസസ്സറുകൾ ഇന്ത്യയുടെ തദ്ദേശീയ RISC-V ആവാസവ്യവസ്ഥയെ ശക്തിപ്പെടുത്തുമെന്ന് പ്രതീക്ഷിക്കുന്നു. ഇത് തന്ത്രപരവും വാണിജ്യപരവുമായ ഉപയോഗത്തിനായി ലഭ്യമായ തദ്ദേശീയ ഓപ്ഷനുകളുടെ ശ്രേണി വികസിപ്പിക്കുന്നു.

തദ്ദേശീയ ചിപ്പ് രൂപകൽപ്പനയെ പിന്തുണയ്ക്കുന്ന പ്രധാന ദേശീയ പരിപാടികൾ

രൂപകൽപ്പന ശേഷി ശക്തിപ്പെടുത്തുന്നതിനും ഗവേഷണ അടിസ്ഥാന സൗകര്യങ്ങൾ വികസിപ്പിക്കുന്നതിനും അക്കാദമിക് സ്ഥാപനങ്ങൾ, സ്റ്റാർട്ടപ്പുകൾ, വ്യവസായം എന്നിവയിലുടനീളം നവീകരണം പ്രോത്സാഹിപ്പിക്കുന്നതിനും കേന്ദ്ര ​ഗവൺമെന്റ് പ്രധാന പദ്ധതികൾ ആരംഭിച്ചു.

ഇന്ത്യാ സെമികണ്ടക്ടർ മിഷൻ (ISM): 2021 ഡിസംബറിൽ MeitY-യുടെ കീഴിൽ ആരംഭിച്ച ഇന്ത്യാ സെമികണ്ടക്ടർ മിഷൻ (ISM) ഘടനാപരമായ പിന്തുണ നൽകുകയും രാജ്യത്തേക്ക് വലിയ സെമികണ്ടക്ടർ നിക്ഷേപങ്ങൾ കൊണ്ടുവരാൻ ആഗോള കമ്പനികളുമായി പ്രവർത്തിക്കുകയും ചെയ്യുന്നു. 2025-ലെ കണക്കനുസരിച്ച്, മിഷൻ ആറ് സംസ്ഥാനങ്ങളിലായി പത്ത് പ്രോജക്റ്റുകൾക്ക് അംഗീകാരം നൽകിയിട്ടുണ്ട്, മൊത്തം ₹1.60 ലക്ഷം കോടി നിക്ഷേപമാണ് ഇതിൽ പ്രതീക്ഷിക്കുന്നത്. ISM വഴി, ആഗോള സെമികണ്ടക്ടർ ആവാസവ്യവസ്ഥയിൽ മത്സരാധിഷ്ഠിത സ്ഥാനാർത്ഥിയായി ഇന്ത്യ സ്വയം നിലയുറപ്പിക്കുകയാണ്.

ഡിജിറ്റൽ ഇന്ത്യ RISC-V (DIR-V) പ്രോഗ്രാം: 2022 ഏപ്രിലിൽ ആരംഭിച്ച ഡിജിറ്റൽ ഇന്ത്യ RISC-V (DIR-V) പ്രോഗ്രാം ഇന്ത്യയുടെ തദ്ദേശീയ ചിപ്പ് രൂപകൽപ്പന ശ്രമങ്ങൾ മുന്നോട്ട് കൊണ്ടുപോകുന്നതിൽ ഒരു പ്രധാന പങ്ക് വഹിച്ചു. ഇന്ത്യയിൽ നൂതന RISC-V പ്രൊസസ്സറുകളുടെ വികസനം ഇത് സാധ്യമാക്കി. ഗവേഷകർ, സ്റ്റാർട്ടപ്പുകൾ, വ്യവസായം എന്നിവയെ ഒരു പങ്കിട്ട രൂപകൽപ്പന ആവാസവ്യവസ്ഥയിലേക്ക് കൊണ്ടുവരിക, അതുവഴി സഹകരണവും നവീകരണവും മെച്ചപ്പെടുത്തുക എന്നതാണ് ഈ പ്രോഗ്രാമിൻ്റെ ലക്ഷ്യം.

ചിപ്സ് ടു സ്റ്റാർട്ടപ്പ് (C2S) പ്രോഗ്രാം: 2022-ൽ MeitY ആരംഭിച്ച C2S പ്രോഗ്രാം, 100 അക്കാദമിക്, ഗവേഷണ സ്ഥാപനങ്ങളും 13 സ്റ്റാർട്ടപ്പുകളും MSME-കളും ഉൾപ്പെടെ 113 സ്ഥാപനങ്ങളിലായി നടപ്പിലാക്കുന്ന ഒരു ശേഷി വർദ്ധിപ്പിക്കൽ സംരംഭമാണ്. അഞ്ച് വർഷ കാലയളവിനായി ₹250 കോടിയാണ് ഈ പ്രോഗ്രാമിൻ്റെ അടങ്കൽ. 85,000 വ്യവസായ സജ്ജരായ മനുഷ്യശക്തിയെ സൃഷ്ടിക്കാനും രാജ്യത്ത് ഊർജ്ജസ്വലമായ ഫാബ്‍ലെസ് ചിപ്പ് ഡിസൈൻ' ആവാസവ്യവസ്ഥ സൃഷ്ടിക്കാനും C2S പ്രോഗ്രാം ലക്ഷ്യമിടുന്നു.

ഡിസൈൻ ലിങ്ക്ഡ് ഇൻസെൻ്റീവ് (DLI) സ്കീം: 2021-ൽ ആരംഭിച്ച DLI സ്കീം, ഇന്റഗ്രേറ്റഡ് സർക്യൂട്ടുകൾ (IC), ചിപ്‌സെറ്റുകൾ, സിസ്റ്റം ഓൺ ചിപ്പുകൾ (SoC), സിസ്റ്റംസ് & ഐപി കോറുകൾ, സെമികണ്ടക്ടർ അധിഷ്ഠിത രൂപകൽപ്പന എന്നിവയുടെ വികസനത്തിൻ്റെയും വിന്യാസത്തിൻ്റെയും വിവിധ ഘട്ടങ്ങളിൽ സാമ്പത്തിക പ്രോത്സാഹനങ്ങളും രൂപകൽപ്പന അടിസ്ഥാന സൗകര്യങ്ങളുടെ പിന്തുണയും 5 വർഷത്തേക്ക് നൽകാൻ ലക്ഷ്യമിടുന്നു.

ഇന്ത്യൻ നാനോ ഇലക്ട്രോണിക്സ് യൂസേഴ്സ് പ്രോഗ്രാം - ആശയത്തിൽ നിന്ന് നവീകരണത്തിലേക്ക് (INUP-i2i): MeitY ആരംഭിച്ച ഈ പ്രോഗ്രാം, ഗവേഷകർക്കും വിദ്യാർത്ഥികൾക്കും സ്റ്റാർട്ടപ്പുകൾക്കും പ്രമുഖ സ്ഥാപനങ്ങളിലെ ദേശീയ നാനോഫാബ്രിക്കേഷൻ സൗകര്യങ്ങളിലേക്ക് പ്രവേശനം നൽകുന്നു. ചിപ്പ്, ഉപകരണ നിർമ്മാണം എന്നിവയിൽ പ്രായോഗിക പരിശീലനം നൽകുന്ന ഇത്, സെമികണ്ടക്ടർ ഘടകങ്ങൾ എങ്ങനെ നിർമ്മിക്കുന്നുവെന്ന് കണ്ടു മനസ്സിലാക്കാൻ പുതിയ സംരംഭകരെ സഹായിക്കുന്നു. മൊത്തം 49 പരിചയവൽക്കരണ വർക്ക്‌ഷോപ്പുകൾ, 42 പ്രായോ​ഗിക പരിശീലന വർക്ക്‌ഷോപ്പുകൾ, 36 വ്യാവസായിക പരിശീലനങ്ങൾ, 10 ഹാക്കത്തോണുകൾ എന്നിവ ഇതിനകം നടത്തിയിട്ടുണ്ട്. 8000-ൽ അധികം വിദഗ്ധ തൊഴിലാളികൾക്ക് പരിശീലനം നൽകുകയും 348 ഹ്രസ്വകാല ഗവേഷണ വികസന പ്രോജക്റ്റുകളും 220 മധ്യകാല ഗവേഷണ വികസന പ്രോജക്റ്റുകളും ഇതിന് കീഴിൽ പിന്തുണയ്ക്കുകയും ചെയ്യുന്നു.

ഉപസംഹാരം

തദ്ദേശീയ പ്രൊസസ്സർ വികസനത്തിലെ ഇന്ത്യയുടെ പുരോഗതി സെമികണ്ടക്ടർ മേഖലയിൽ ആത്മനിർഭര ഭാരതം എന്നതിനോടുള്ള ശക്തമായ പ്രതിബദ്ധതയെയാണ് പ്രതിഫലിപ്പിക്കുന്നത്. DIR-V, C2S, ISM, DLI, INUP-i2i തുടങ്ങിയ ദേശീയ പരിപാടികളാൽ പിന്തുണയ്ക്കപ്പെടുന്ന DHRUV64 പ്രൊസസ്സർ, നൂതന പ്രൊസസ്സറുകൾ രൂപകൽപ്പന ചെയ്യാനും വികസിപ്പിക്കാനും പ്രോട്ടോടൈപ്പ് ചെയ്യാനുമുള്ള രാജ്യത്തിന്റെ വളരുന്ന കഴിവിനെ പ്രദർശിപ്പിക്കുന്നു. MeitY, C-DAC, അക്കാദമിക് സ്ഥാപനങ്ങൾ, വ്യവസായം എന്നിവയുടെ ഏകോപിപ്പിച്ച ശ്രമങ്ങളിലൂടെ, നൂതന സാങ്കേതികവിദ്യകളിൽ ദീർഘകാല നേതൃത്വത്തിന് ആവശ്യമായ കഴിവുകളും ഗവേഷണ ശക്തിയും അടിസ്ഥാന സൗകര്യങ്ങളും ഇന്ത്യ കെട്ടിപ്പടുക്കുകയാണ്. തേജസ്32-ൽ നിന്ന് ധ്രുവ്64-ലേക്കുള്ള പുരോഗതിയും, ധനുഷ്, ധനുഷ്+ എന്നിവയുടെ നിലവിലുള്ള വികസനവും തദ്ദേശീയ പ്രൊസസ്സർ നവീകരണത്തിലേക്കും സാങ്കേതിക സ്വയംപര്യാപ്തതയിലേക്കും ഉള്ള ഇന്ത്യയുടെ ആത്മവിശ്വാസമുള്ള ദേശീയ പാതയെ വ്യക്തമാക്കുന്നു.

References

Ministry of Electronics and IT

• https://www.meity.gov.in/static/uploads/2024/12/10fcadec462c330211502fed3d24ea83.pdf
• https://www.pib.gov.in/PressReleaseIframePage.aspx?PRID=1946003&reg=3&lang=2
• https://www.pib.gov.in/PressReleasePage.aspx?PRID=2159727&reg=3&lang=2

India Semiconductor Mission

• https://ism.gov.in/design-linked-incentive

Press Information Bureau Backgrounders

• https://www.pib.gov.in/FactsheetDetails.aspx?Id=149242&reg=3&lang=2

VEGA Processors

• https://vegaprocessors.in/

Special Service and Features

• https://www.pib.gov.in/PressReleasePage.aspx?PRID=2107709&reg=3&lang=2

Design Linked Incentive

• https://chips-dli.gov.in/DLI/Faq

Ministry of Commerce & Industry

• https://www.pib.gov.in/PressReleasePage.aspx?PRID=1710134&reg=3&lang=2

Rajya Sabha

• https://sansad.in/getFile/annex/266/AU2938_TeCVaq.pdf?source=pqars

DHRUV64: India’s First 1.0 GHz, 64-bit dual-core Microprocessor

***

SK